କ୍ଵଚିଦଥ ତପନୋପରାଗକାଲେ ପୁରି ନିଦଧତ୍ କୃତଵର୍ମକାମସୂନୂ ।
ଯଦୁକୁଲମହିଲାଵୃତଃ ସୁତୀର୍ଥଂ ସମୁପଗତୋଽସି ସମନ୍ତପଞ୍ଚକାଖ୍ଯମ୍ ॥1॥
ଯଦୁକୁଲମହିଲାଵୃତଃ ସୁତୀର୍ଥଂ ସମୁପଗତୋଽସି ସମନ୍ତପଞ୍ଚକାଖ୍ଯମ୍ ॥1॥
ବହୁତରଜନତାହିତାଯ ତତ୍ର ତ୍ଵମପି ପୁନନ୍ ଵିନିମଜ୍ଯ ତୀର୍ଥତୋଯମ୍ ।
ଦ୍ଵିଜଗଣପରିମୁକ୍ତଵିତ୍ତରାଶିଃ ସମମିଲଥାଃ କୁରୁପାଣ୍ଡଵାଦିମିତ୍ରୈଃ ॥2॥
ଦ୍ଵିଜଗଣପରିମୁକ୍ତଵିତ୍ତରାଶିଃ ସମମିଲଥାଃ କୁରୁପାଣ୍ଡଵାଦିମିତ୍ରୈଃ ॥2॥
ତଵ ଖଲୁ ଦଯିତାଜନୈଃ ସମେତା ଦ୍ରୁପଦସୁତା ତ୍ଵଯି ଗାଢଭକ୍ତିଭାରା ।
ତଦୁଦିତଭଵଦାହୃତିପ୍ରକାରୈଃ ଅତିମୁମୁଦେ ସମମନ୍ଯଭାମିନୀଭିଃ ॥3॥
ତଦୁଦିତଭଵଦାହୃତିପ୍ରକାରୈଃ ଅତିମୁମୁଦେ ସମମନ୍ଯଭାମିନୀଭିଃ ॥3॥
ତଦନୁ ଚ ଭଗଵନ୍ ନିରୀକ୍ଷ୍ଯ ଗୋପାନତିକୁତୁକାଦୁପଗମ୍ଯ ମାନଯିତ୍ଵା।
ଚିରତରଵିରହାତୁରାଙ୍ଗରେଖାଃ ପଶୁପଵଧୂଃ ସରସଂ ତ୍ଵମନ୍ଵଯାସୀଃ ॥4॥
ଚିରତରଵିରହାତୁରାଙ୍ଗରେଖାଃ ପଶୁପଵଧୂଃ ସରସଂ ତ୍ଵମନ୍ଵଯାସୀଃ ॥4॥
ସପଦି ଚ ଭଵଦୀକ୍ଷଣୋତ୍ସଵେନ ପ୍ରମୁଷିତମାନହୃଦାଂ ନିତମ୍ବିନୀନାମ୍ ।
ଅତିରସପରିମୁକ୍ତକଞ୍ଚୁଲୀକେ ପରିଚଯହୃଦ୍ଯତରେ କୁଚେ ନ୍ଯଲୈଷୀଃ ॥5॥
ଅତିରସପରିମୁକ୍ତକଞ୍ଚୁଲୀକେ ପରିଚଯହୃଦ୍ଯତରେ କୁଚେ ନ୍ଯଲୈଷୀଃ ॥5॥
ରିପୁଜନକଲହୈଃ ପୁନଃ ପୁନର୍ମେ ସମୁପଗତୈରିଯତୀ ଵିଲମ୍ବନାଽଭୂତ୍ ।
ଇତି କୃତପରିରମ୍ଭଣେତ୍ଵଯି ଦ୍ରାକ୍ ଅତିଵିଵଶା ଖଲୁ ରାଧିକା ନିଲିଲ୍ଯେ ॥6॥
ଇତି କୃତପରିରମ୍ଭଣେତ୍ଵଯି ଦ୍ରାକ୍ ଅତିଵିଵଶା ଖଲୁ ରାଧିକା ନିଲିଲ୍ଯେ ॥6॥
ଅପଗତଵିରହଵ୍ଯଥାସ୍ତଦା ତା ରହସି ଵିଧାଯ ଦଦାଥ ତତ୍ତ୍ଵବୋଧମ୍ ।
ପରମସୁଖଚିଦାତ୍ମକୋଽହମାତ୍ମେତ୍ଯୁଦଯତୁ ଵଃ ସ୍ଫୁଟମେଵ ଚେତସୀତି ॥7॥
ପରମସୁଖଚିଦାତ୍ମକୋଽହମାତ୍ମେତ୍ଯୁଦଯତୁ ଵଃ ସ୍ଫୁଟମେଵ ଚେତସୀତି ॥7॥
ସୁଖରସପରିମିଶ୍ରିତୋ ଵିଯୋଗଃ କିମପି ପୁରାଽଭଵଦୁଦ୍ଧଵୋପଦେଶୈଃ ।
ସମଭଵଦମୁତଃ ପରଂ ତୁ ତାସାଂ ପରମସୁଖୈକ୍ଯମଯୀ ଭଵଦ୍ଵିଚିନ୍ତା ॥8॥
ସମଭଵଦମୁତଃ ପରଂ ତୁ ତାସାଂ ପରମସୁଖୈକ୍ଯମଯୀ ଭଵଦ୍ଵିଚିନ୍ତା ॥8॥
ମୁନିଵରନିଵହୈସ୍ତଵାଥ ପିତ୍ରା ଦୁରିତଶମାଯ ଶୁଭାନି ପୃଚ୍ଛ୍ଯମାନୈଃ ।
ତ୍ଵଯି ସତି କିମିଦଂ ଶୁଭାନ୍ତରୈଃ ରିତ୍ଯୁରୁହସିତୈରପି ଯାଜିତସ୍ତଦାଽସୌ ॥9॥
ତ୍ଵଯି ସତି କିମିଦଂ ଶୁଭାନ୍ତରୈଃ ରିତ୍ଯୁରୁହସିତୈରପି ଯାଜିତସ୍ତଦାଽସୌ ॥9॥
ସୁମହତି ଯଜନେ ଵିତାଯମାନେ ପ୍ରମୁଦିତମିତ୍ରଜନେ ସହୈଵ ଗୋପାଃ ।
ଯଦୁଜନମହିତାସ୍ତ୍ରିମାସମାତ୍ରଂ ଭଵଦନୁଷଙ୍ଗରସଂ ପୁରେଵ ଭେଜୁ ଃ ॥10॥
ଯଦୁଜନମହିତାସ୍ତ୍ରିମାସମାତ୍ରଂ ଭଵଦନୁଷଙ୍ଗରସଂ ପୁରେଵ ଭେଜୁ ଃ ॥10॥
ଵ୍ଯପଗମସମଯେ ସମେତ୍ଯ ରାଧାଂ ଦୃଢମୁପଗୂହ୍ଯ ନିରୀକ୍ଷ୍ଯ ଵୀତଖେଦାମ୍ ।
ପ୍ରମୁଦିତହୃଦଯଃ ପୁରଂ ପ୍ରଯାତଃ ପଵନପୁରେଶ୍ଵର ପାହି ମାଂ ଗଦେଭ୍ଯଃ ॥11॥
ପ୍ରମୁଦିତହୃଦଯଃ ପୁରଂ ପ୍ରଯାତଃ ପଵନପୁରେଶ୍ଵର ପାହି ମାଂ ଗଦେଭ୍ଯଃ ॥11॥