কুচেলনামা ভৱতঃ সতীৰ্থ্যতাং গতঃ স সান্দীপনিমন্দিৰে দ্ৱিজঃ ।
ত্ৱদেকৰাগেণ ধনাদিনিস্স্পৃহো দিনানি নিন্যে প্ৰশমী গৃহাশ্ৰমী ॥1॥
ত্ৱদেকৰাগেণ ধনাদিনিস্স্পৃহো দিনানি নিন্যে প্ৰশমী গৃহাশ্ৰমী ॥1॥
সমানশীলাঽপি তদীযৱল্লভা তথৈৱ নো চিত্তজযং সমেযুষী ।
কদাচিদূচে বত ৱৃত্তিলব্ধযে ৰমাপতিঃ কিং ন সখা নিষেৱ্যতে ॥2॥
কদাচিদূচে বত ৱৃত্তিলব্ধযে ৰমাপতিঃ কিং ন সখা নিষেৱ্যতে ॥2॥
ইতীৰিতোঽযং প্ৰিযযা ক্ষুধাৰ্তযা জুগুপ্সমানোঽপি ধনে মদাৱহে ।
তদা ত্ৱদালোকনকৌতুকাদ্যযৌ ৱহন্ পটান্তে পৃথুকানুপাযনম্ ॥3॥
তদা ত্ৱদালোকনকৌতুকাদ্যযৌ ৱহন্ পটান্তে পৃথুকানুপাযনম্ ॥3॥
গতোঽযমাশ্চৰ্যমযীং ভৱত্পুৰীং গৃহেষু শৈব্যাভৱনং সমেযিৱান্ ।
প্ৰৱিশ্য ৱৈকুণ্ঠমিৱাপ নিৰ্ৱৃতিং তৱাতিসম্ভাৱনযা তু কিং পুনঃ ॥4॥
প্ৰৱিশ্য ৱৈকুণ্ঠমিৱাপ নিৰ্ৱৃতিং তৱাতিসম্ভাৱনযা তু কিং পুনঃ ॥4॥
প্ৰপূজিতং তং প্ৰিযযা চ ৱীজিতং কৰে গৃহীত্ৱাঽকথযঃ পুৰাকৃতম্ ।
যদিন্ধনাৰ্থং গুৰুদাৰচোদিতৈৰপৰ্তুৱৰ্ষ তদমৰ্ষি কাননে ॥5॥
যদিন্ধনাৰ্থং গুৰুদাৰচোদিতৈৰপৰ্তুৱৰ্ষ তদমৰ্ষি কাননে ॥5॥
ত্ৰপাজুষোঽস্মাত্ পৃথুকং বলাদথ প্ৰগৃহ্য মুষ্টৌ সকৃদাশিতে ত্ৱযা ।
কৃতং কৃতং নন্ৱিযতেতি সম্ভ্ৰমাদ্ৰমা কিলোপেত্য কৰং ৰুৰোধ তে ॥6॥
কৃতং কৃতং নন্ৱিযতেতি সম্ভ্ৰমাদ্ৰমা কিলোপেত্য কৰং ৰুৰোধ তে ॥6॥
ভক্তেষু ভক্তেন স মানিতস্ত্ৱযা পুৰীং ৱসন্নেকনিশাং মহাসুখম্ ।
বতাপৰেদ্যুৰ্দ্ৰৱিণং ৱিনা যযৌ ৱিচিত্ৰৰূপস্তৱ খল্ৱনুগ্ৰহঃ ॥7॥
বতাপৰেদ্যুৰ্দ্ৰৱিণং ৱিনা যযৌ ৱিচিত্ৰৰূপস্তৱ খল্ৱনুগ্ৰহঃ ॥7॥
যদি হ্যযাচিষ্যমদাস্যদচ্যুতো ৱদামি ভাৰ্যাং কিমিতি ৱ্ৰজন্নসৌ ।
ত্ৱদুক্তিলীলাস্মিতমগ্নধীঃ পুনঃ ক্ৰমাদপশ্যন্মণিদীপ্ৰমালযম্ ॥8॥
ত্ৱদুক্তিলীলাস্মিতমগ্নধীঃ পুনঃ ক্ৰমাদপশ্যন্মণিদীপ্ৰমালযম্ ॥8॥
কিং মাৰ্গৱিভ্ৰংশ ইতি ভ্ৰম্মন্ ক্ষণং গৃহং প্ৰৱিষ্টঃ স দদৰ্শ ৱল্লভাম্ ।
সখীপৰীতাং মণিহেমভূষিতাং বুবোধ চ ত্ৱত্কৰুণাং মহাদ্ভুতাম্ ॥9॥
সখীপৰীতাং মণিহেমভূষিতাং বুবোধ চ ত্ৱত্কৰুণাং মহাদ্ভুতাম্ ॥9॥
স ৰত্নশালাসু ৱসন্নপি স্ৱযং সমুন্নমদ্ভক্তিভৰোঽমৃতং যযৌ ।
ত্ৱমেৱমাপূৰিতভক্তৱাঞ্ছিতো মৰুত্পুৰাধীশ হৰস্ৱ মে গদান্ ॥10॥
ত্ৱমেৱমাপূৰিতভক্তৱাঞ্ছিতো মৰুত্পুৰাধীশ হৰস্ৱ মে গদান্ ॥10॥