প্রাগেবাচার্যপুত্রাহৃতিনিশমনযা স্বীযষট্সূনুবীক্ষাং
কাঙ্ক্ষন্ত্যা মাতুরুক্ত্যা সুতলভুবি বলিং প্রাপ্য তেনার্চিতস্ত্বম্ ।
ধাতুঃ শাপাদ্ধিরণ্যান্বিতকশিপুভবান্ শৌরিজান্ কংসভগ্না-
নানীযৈনান্ প্রদর্শ্য স্বপদমনযথাঃ পূর্বপুত্রান্ মরীচেঃ ॥1॥
কাঙ্ক্ষন্ত্যা মাতুরুক্ত্যা সুতলভুবি বলিং প্রাপ্য তেনার্চিতস্ত্বম্ ।
ধাতুঃ শাপাদ্ধিরণ্যান্বিতকশিপুভবান্ শৌরিজান্ কংসভগ্না-
নানীযৈনান্ প্রদর্শ্য স্বপদমনযথাঃ পূর্বপুত্রান্ মরীচেঃ ॥1॥
শ্রুতদেব ইতি শ্রুতং দ্বিজেন্দ্রং
বহুলাশ্বং নৃপতিং চ ভক্তিপূর্ণম্ ।
যুগপত্ত্বমনুগ্রহীতুকামো
মিথিলাং প্রাপিথং তাপসৈঃ সমেতঃ ॥2॥
বহুলাশ্বং নৃপতিং চ ভক্তিপূর্ণম্ ।
যুগপত্ত্বমনুগ্রহীতুকামো
মিথিলাং প্রাপিথং তাপসৈঃ সমেতঃ ॥2॥
গচ্ছন্ দ্বিমূর্তিরুভযোর্যুগপন্নিকেত-
মেকেন ভূরিবিভবৈর্বিহিতোপচারঃ ।
অন্যেন তদ্দিনভৃতৈশ্চ ফলৌদনাদ্যৈ-
স্তুল্যং প্রসেদিথ দদথ চ মুক্তিমাভ্যাম্ ॥3॥
মেকেন ভূরিবিভবৈর্বিহিতোপচারঃ ।
অন্যেন তদ্দিনভৃতৈশ্চ ফলৌদনাদ্যৈ-
স্তুল্যং প্রসেদিথ দদথ চ মুক্তিমাভ্যাম্ ॥3॥
ভূযোঽথ দ্বারবত্যাং দ্বিজতনযমৃতিং তত্প্রলাপানপি ত্বম্
কো বা দৈবং নিরুন্ধ্যাদিতি কিল কথযন্ বিশ্ববোঢাপ্যসোঢাঃ ।
জিষ্ণোর্গর্বং বিনেতুং ত্বযি মনুজধিযা কুণ্ঠিতাং চাস্য বুদ্ধিং
তত্ত্বারূঢাং বিধাতুং পরমতমপদপ্রেক্ষণেনেতি মন্যে ॥4॥
কো বা দৈবং নিরুন্ধ্যাদিতি কিল কথযন্ বিশ্ববোঢাপ্যসোঢাঃ ।
জিষ্ণোর্গর্বং বিনেতুং ত্বযি মনুজধিযা কুণ্ঠিতাং চাস্য বুদ্ধিং
তত্ত্বারূঢাং বিধাতুং পরমতমপদপ্রেক্ষণেনেতি মন্যে ॥4॥
নষ্টা অষ্টাস্য পুত্রাঃ পুনরপি তব তূপেক্ষযা কষ্টবাদঃ
স্পষ্টো জাতো জনানামথ তদবসরে দ্বারকামাপ পার্থঃ ।
মৈত্র্যা তত্রোষিতোঽসৌ নবমসুতমৃতৌ বিপ্রবর্যপ্ররোদং
শ্রুত্বা চক্রে প্রতিজ্ঞামনুপহৃতসুতঃ সন্নিবেক্ষ্যে কৃশানুম্ ॥5॥
স্পষ্টো জাতো জনানামথ তদবসরে দ্বারকামাপ পার্থঃ ।
মৈত্র্যা তত্রোষিতোঽসৌ নবমসুতমৃতৌ বিপ্রবর্যপ্ররোদং
শ্রুত্বা চক্রে প্রতিজ্ঞামনুপহৃতসুতঃ সন্নিবেক্ষ্যে কৃশানুম্ ॥5॥
মানী স ত্বামপৃষ্ট্বা দ্বিজনিলযগতো বাণজালৈর্মহাস্ত্রৈ
রুন্ধানঃ সূতিগেহং পুনরপি সহসা দৃষ্টনষ্টে কুমারে ।
যাম্যামৈন্দ্রীং তথাঽন্যাঃ সুরবরনগরীর্বিদ্যযাঽঽসাদ্য সদ্যো
মোঘোদ্যোগঃ পতিষ্যন্ হুতভুজি ভবতা সস্মিতং বারিতোঽভূত্ ॥6॥
রুন্ধানঃ সূতিগেহং পুনরপি সহসা দৃষ্টনষ্টে কুমারে ।
যাম্যামৈন্দ্রীং তথাঽন্যাঃ সুরবরনগরীর্বিদ্যযাঽঽসাদ্য সদ্যো
মোঘোদ্যোগঃ পতিষ্যন্ হুতভুজি ভবতা সস্মিতং বারিতোঽভূত্ ॥6॥
সার্ধং তেন প্রতীচীং দিশমতিজবিনা স্যন্দনেনাভিযাতো
লোকালোকং ব্যতীতস্তিমিরভরমথো চক্রধাম্না নিরুন্ধন্ ।
চক্রাংশুক্লিষ্টদৃষ্টিং স্থিতমথ বিজযং পশ্য পশ্যেতি বারাং
পারে ত্বং প্রাদদর্শঃ কিমপি হি তমসাং দূরদূরং পদং তে ॥7॥
লোকালোকং ব্যতীতস্তিমিরভরমথো চক্রধাম্না নিরুন্ধন্ ।
চক্রাংশুক্লিষ্টদৃষ্টিং স্থিতমথ বিজযং পশ্য পশ্যেতি বারাং
পারে ত্বং প্রাদদর্শঃ কিমপি হি তমসাং দূরদূরং পদং তে ॥7॥
তত্রাসীনং ভুজঙ্গাধিপশযনতলে দিব্যভূষাযুধাদ্যৈ-
রাবীতং পীতচেলং প্রতিনবজলদশ্যামলং শ্রীমদঙ্গম্ ।
মূর্তীনামীশিতারং পরমিহ তিসৃণামেকমর্থং শ্রুতীনাং
ত্বামেব ত্বং পরাত্মন্ প্রিযসখসহিতো নেমিথ ক্ষেমরূপম্ ॥8॥
রাবীতং পীতচেলং প্রতিনবজলদশ্যামলং শ্রীমদঙ্গম্ ।
মূর্তীনামীশিতারং পরমিহ তিসৃণামেকমর্থং শ্রুতীনাং
ত্বামেব ত্বং পরাত্মন্ প্রিযসখসহিতো নেমিথ ক্ষেমরূপম্ ॥8॥
যুবাং মামেব দ্বাবধিকবিবৃতান্তর্হিততযা
বিভিন্নৌ সন্দ্রষ্টুং স্বযমহমহার্ষং দ্বিজসুতান্ ।
নযেতং দ্রাগেতানিতি খলু বিতীর্ণান্ পুনরমূন্
দ্বিজাযাদাযাদাঃ প্রণুতমহিমা পাণ্ডুজনুষা ॥9॥
বিভিন্নৌ সন্দ্রষ্টুং স্বযমহমহার্ষং দ্বিজসুতান্ ।
নযেতং দ্রাগেতানিতি খলু বিতীর্ণান্ পুনরমূন্
দ্বিজাযাদাযাদাঃ প্রণুতমহিমা পাণ্ডুজনুষা ॥9॥
এবং নানাবিহারৈর্জগদভিরমযন্ বৃষ্ণিবংশং প্রপুষ্ণ-
ন্নীজানো যজ্ঞভেদৈরতুলবিহৃতিভিঃ প্রীণযন্নেণনেত্রাঃ ।
ভূভারক্ষেপদম্ভাত্ পদকমলজুষাং মোক্ষণাযাবতীর্ণঃ
পূর্ণং ব্রহ্মৈব সাক্ষাদ্যদুষু মনুজতারূষিতস্ত্বং ব্যলাসীঃ ॥10॥
ন্নীজানো যজ্ঞভেদৈরতুলবিহৃতিভিঃ প্রীণযন্নেণনেত্রাঃ ।
ভূভারক্ষেপদম্ভাত্ পদকমলজুষাং মোক্ষণাযাবতীর্ণঃ
পূর্ণং ব্রহ্মৈব সাক্ষাদ্যদুষু মনুজতারূষিতস্ত্বং ব্যলাসীঃ ॥10॥
প্রাযেণ দ্বারবত্যামবৃতদযি তদা নারদস্ত্বদ্রসার্দ্র-
স্তস্মাল্লেভে কদাচিত্খলু সুকৃতনিধিস্ত্বত্পিতা তত্ত্ববোধম্ ।
ভক্তানামগ্রযাযী স চ খলু মতিমানুদ্ধবস্ত্বত্ত এব
প্রাপ্তো বিজ্ঞানসারং স কিল জনহিতাযাধুনাঽঽস্তে বদর্যাম্ ॥11॥
স্তস্মাল্লেভে কদাচিত্খলু সুকৃতনিধিস্ত্বত্পিতা তত্ত্ববোধম্ ।
ভক্তানামগ্রযাযী স চ খলু মতিমানুদ্ধবস্ত্বত্ত এব
প্রাপ্তো বিজ্ঞানসারং স কিল জনহিতাযাধুনাঽঽস্তে বদর্যাম্ ॥11॥
সোঽযং কৃষ্ণাবতারো জযতি তব বিভো যত্র সৌহার্দভীতি-
স্নেহদ্বেষানুরাগপ্রভৃতিভিরতুলৈরশ্রমৈর্যোগভেদৈঃ ।
আর্তিং তীর্ত্বা সমস্তামমৃতপদমগুস্সর্বতঃ সর্বলোকাঃ
স ত্বং বিশ্বার্তিশান্ত্যৈ পবনপুরপতে ভক্তিপূর্ত্যৈ চ ভূযাঃ ॥12॥
স্নেহদ্বেষানুরাগপ্রভৃতিভিরতুলৈরশ্রমৈর্যোগভেদৈঃ ।
আর্তিং তীর্ত্বা সমস্তামমৃতপদমগুস্সর্বতঃ সর্বলোকাঃ
স ত্বং বিশ্বার্তিশান্ত্যৈ পবনপুরপতে ভক্তিপূর্ত্যৈ চ ভূযাঃ ॥12॥