What is Navagraha Nitya Puja Vidhanam in English (IAST)?

Read Navagraha Nitya Puja Vidhanam in English (IAST) script — full lyrics with English meaning and transliteration. Navagraha Nitya Puja Vidhanam is a foundational ritual text detailing the daily worship of the nine celestial bodies that govern human destiny in Vedic astrology. By invoking the Sun, Moon, Mars, Mercury, Jupiter, Venus, Saturn, Rahu, and Ketu, this practice aligns the practitioner with cosmic energies. This ritual is designed to mitigate malefic planetary influences, remove obstacles, and ensure mental peace and spiritual growth. Regularly performing this systematic puja fosters discipline and grants the grace of the planetary deities, ultimately leading to prosperity, longevity, and overall success in one’s worldly and spiritual endeavors.

Which deity is Navagraha Nitya Puja Vidhanam in English (IAST) dedicated to?

Navagraha Nitya Puja Vidhanam in English (IAST) is a Sanskrit hymn dedicated to Navagraha.

Navagraha Nitya Puja Vidhanam in English (IAST) - Sanskrit Text & Transliteration

āvaśyakāni vastūni

- āsanaṃ

- dīpaḥ

- gandhaḥ

- kuṅkumaṃ

- akṣatāḥ

- puṣpāṇi

- dhūpaḥ

- naivedyaṃ

- tāmbūlaṃ

- ācamanīyaṃ

- pūjā pātraṃ

- kalaśaḥ

- śaṅkhaḥ [optional]

- navagraha pratimāḥ vā citrapaṭāḥ vā navagraha maṇḍalaṃ vā
pūrvāṅga pūjā

śrīmahāgaṇādhipataye namaḥ |

śrī gurubhyo namaḥ |

hariḥ om |
śuciḥ

apavitraḥ pavitro vā sarvāvasthāṃ gato'pi vā |

yaḥ smaret puṇḍarīkākṣaṃ sa bāhyābhyantaraḥ śuciḥ ||

puṇḍarīkākṣa puṇḍarīkākṣa puṇḍarīkākṣāya namaḥ ||
prārthanā

śuklāmbaradharaṃ viṣṇuṃ śaśivarṇaṃ caturbhujam |

prasannavadanaṃ dhyāyet sarvavighnopaśāntaye ||
agajānana padmārkaṃ gajānanamaharniśam |

anekadaṃ taṃ bhaktānāṃ ekadantamupāsmahe ||
tadeva lagnaṃ sudinaṃ tadeva

tārābalaṃ candrabalaṃ tadeva |

vidyābalaṃ daivabalaṃ tadeva

lakṣmīpate te'ṅghriyugaṃ smarāmi ||
gururbrahmā gururviṣṇuḥ gururdevo maheśvaraḥ |

guruḥ sākṣāt parabrahma tasmai śrīgurave namaḥ ||
sarvamaṅgala māṅgalye śive sarvārthasādhike |

śaraṇye tryambake gaurī nārāyaṇi namo'stu te ||
śrīlakṣmīnārāyaṇābhyāṃ namaḥ |

umāmaheśvarābhyāṃ namaḥ |

vāṇīhiraṇyagarbhābhyāṃ namaḥ |

śacīpurandarābhyāṃ namaḥ |

arundhatīvasiṣṭhābhyāṃ namaḥ |

śrīsītārāmābhyāṃ namaḥ |

mātāpitṛbhyo namaḥ |

sarvebhyo mahājanebhyo namaḥ |
ācamanaṃ

oṃ keśavāya svāhā |

oṃ nārāyaṇāya svāhā |

oṃ mādhavāya svāhā |

oṃ govindāya namaḥ |

oṃ viṣṇave namaḥ |

oṃ madhusūdanāya namaḥ |

oṃ trivikramāya namaḥ |

oṃ vāmanāya namaḥ |

oṃ śrīdharāya namaḥ |

oṃ hṛṣīkeśāya namaḥ |

oṃ padmanābhāya namaḥ |

oṃ dāmodarāya namaḥ |

oṃ saṅkarṣaṇāya namaḥ |

oṃ vāsudevāya namaḥ |

oṃ pradyumnāya namaḥ |

oṃ aniruddhāya namaḥ |

oṃ puruṣottamāya namaḥ |

oṃ adhokṣajāya namaḥ |

oṃ nārasiṃhāya namaḥ |

oṃ acyutāya namaḥ |

oṃ janārdanāya namaḥ |

oṃ upendrāya namaḥ |

oṃ haraye namaḥ |

oṃ śrīkṛṣṇāya namaḥ |
dīpārādhanam

dīpastvaṃ brahmarūpo'si jyotiṣāṃ prabhuravyayaḥ |

saubhāgyaṃ dehi putrāṃśca sarvānkāmāṃśca dehi me ||

bho dīpa devi rūpastvaṃ karmasākṣī hyavighnakṛt |

yāvatpūjāṃ kariṣyāmi tāvattvaṃ susthiro bhava ||

dīpārādhana muhūrtaḥ sumuhūrto'stu ||
bhūtoccāṭanam

uttiṣṭhantu bhūtapiśācāḥ ya ete bhūmibhārakāḥ |

eteṣāmavirodhena brahmakarma samārabhe ||

apasarpantu te bhūtā ye bhūtā bhūmisaṃsthitāḥ |

ye bhūtā vighnakartāraste gacchantu śivā'jñayā ||
prāṇāyāmaḥ

o-ntatsa̭vi॒turvare᳚ṇya॒-mbhargo̭ de॒vasya̭ dhīmahi |

dhiyo॒ yo naḥ̭ praco॒dayā᳚t ||

omāpo॒ jyotī॒ raso॒-'mṛta॒-mbrahma॒ bhūrbhuva॒ssuva॒rom ||

saṅkalpaḥ

mama upātta samasta duritakṣaya dvārā śrīparameśvara prītyarthaṃ, mama/asmākaṃ sahakuṭumbasya kṣema-sthairya-dhairya-vīrya-vijaya-abhaya-āyuḥ-ārogya-aiśvarya-abhivṛddhyarthaṃ, grahapīḍā-śāntyarthaṃ, anukūla-graha-anugraha-siddhyarthaṃ, dharmārtha-kāma-mokṣa-caturvidha-puruṣārtha-phala-siddhyarthaṃ, sūryādi navagraha devatā-prītyarthaṃ, yāvacchakti dhyāna-āvāhanādi-ṣoḍaśopacāra-pūjāṃ kariṣye ||
tadaṅga kalaśārādhanaṃ kariṣye ||
kalaśārādhanam

kalaśe gandha puṣpākṣatairabhyarcya |

kalaśe udakaṃ pūrayitvā |

kalaśasyopari hastaṃ nidhāya |
kalaśasya mukhe viṣṇuḥ kaṇṭhe rudraḥ samāśritaḥ |

mūle tvasya sthito brahmā madhye mātṛgaṇāḥ smṛtāḥ ||

kukṣau tu sāgarāḥ sarve saptadvīpā vasundharā |

ṛgvedo'tha yajurvedo sāmavedo hyatharvaṇaḥ ||

aṅgaiśca sahitāḥ sarve kalaśāmbu samāśritāḥ ||
gaṅge ca yamune caiva godāvarī sarasvatī |

narmade sindhu kāverī jale'smin sannidhiṃ kuru ||

kāverī tuṅgabhadrā ca kṛṣṇaveṇī ca gautamī |

bhāgīrathīti vikhyātāḥ pañcagaṅgāḥ prakīrtitāḥ ||
āyāntu devapūjārthaṃ mama duritakṣayakārakāḥ |

kalaśodakena pūjā dravyāṇi samprokṣya, devaṃ samprokṣya, ātmānaṃ ca samprokṣya ||
śaṅkhapūjā

śaṅkhaṃ candrārka daivataṃ madhye varuṇa devatām |

pṛṣṭhe prajāpatiṃ vindyādagre gaṅgā sarasvatīm ||

trailokye yāni tīrthāni vāsudevasya ājñayā |

śaṅkhe tiṣṭhantu viprendrāḥ tasmāt śaṅkhaṃ prapūjayet ||
oṃ śaṅkhāya namaḥ |

oṃ dhavalāya namaḥ |

oṃ pāñcajanyāya namaḥ |

oṃ śaṅkhadevatābhyo namaḥ |

sakalapūjārthe akṣatān samarpayāmi ||
ghaṇṭānādaḥ

āgamārthaṃ tu devānāṃ gamanārthaṃ tu rākṣasām |

ghaṇṭāravaṃ karomyādau devatāhvāna lāñchanam ||

oṃ ghaṇṭādevatābhyo namaḥ |

sakalopacāra pūjārthe akṣatān samarpayāmi ||
śrī mahāgaṇapati pūjā

o-ṅga॒ṇānā᳚-ntvā ga॒ṇapa̭tigṃ havāmahe ka॒vi-ṅka̭vī॒nāṃ upa॒maśra̭vastavam |

jye॒ṣṭha॒rāja॒-mbrahma̭ṇā-mbrahmaṇaspata॒ ā naḥ̭ śṛ॒ṇvannū॒tibhi̭ssīda॒ sāda̭nam ||

sumukhaścaikadantaśca kapilo gajakarṇakaḥ |

lambodaraśca vikaṭo vighnarājo gaṇādhipaḥ ||

dhūmaketurgaṇādhyakṣaḥ phālacandro gajānanaḥ |

vakratuṇḍaḥ śūrpakarṇo herambaḥ skandapūrvajaḥ ||
oṃ śrīmahāgaṇapataye namaḥ |

dhyāyāmi | āvāhayāmi | āsanaṃ samarpayāmi |

pādyaṃ samarpayāmi | arghyaṃ samarpayāmi | ācamanīyaṃ samarpayāmi |

snānaṃ samarpayāmi | vastraṃ samarpayāmi | yajñopavītaṃ samarpayāmi |

gandhaṃ samarpayāmi | puṣpāṇi samarpayāmi |

dhūpamāghrāpayāmi | dīpaṃ darśayāmi |

naivedyaṃ samarpayāmi | tāmbūlaṃ samarpayāmi |

nīrājanaṃ samarpayāmi | mantrapuṣpaṃ samarpayāmi |

pradakṣiṇa namaskārān samarpayāmi ||
ṣoḍaśopacāra pūjā

navagraha dhyānam

ādityāya ca somāya maṅgalāya budhāya ca |

guru śukra śanibhyaśca rāhave ketave namaḥ ||
brahmā murāristripurāntakārī bhānuḥ śaśī bhūmisuto budhaśca |

guruśca śukraḥ śani-rāhu-ketavaḥ sarve grahāḥ śāntikarā bhavantu ||
oṃ sūryādi navagrahebhyo namaḥ |

dhyāyāmi | dhyānaṃ samarpayāmi ||
āvāhanam

oṃ sūrya-candra-maṅgala-budha-bṛhaspati-śukra-śani-rāhu-ketu-navagrahebhyo namaḥ |

oṃ navagrahāḥ ihāgacchata iha tiṣṭhata mama pūjāṃ gṛhṇīta ||

oṃ sūryādi navagrahebhyo namaḥ |

āvāhayāmi | sthāpayāmi | pūjayāmi ||
āsanam

ratnāsanaṃ suśobhanaṃ grahamaṇḍala madhyagam |

sūryādinavagrahebhyo dattamāsanamuttamam ||

oṃ sūryādi navagrahebhyo namaḥ |

āsanaṃ samarpayāmi ||
pādyam

gaṅgādi sarvatīrthebhyo nītaṃ toyamuttamam |

sūryādinavagrahāṇāṃ pādyaṃ bhaktyā samarpaye ||

oṃ sūryādi navagrahebhyo namaḥ |

pādayoḥ pādyaṃ samarpayāmi ||
arghyam

gandha puṣpākṣatairyuktaṃ arghyaṃ sampāditaṃ mayā |

grahānugraha siddhyarthaṃ gṛhyatāṃ grahanāyakāḥ ||

oṃ sūryādi navagrahebhyo namaḥ |

śirasi arghyaṃ samarpayāmi ||
ācamanīyam

karpūreṇa sugandhena vāsitaṃ svādu śītalam |

ācamanaṃ grahāḥ sarve gṛhṇīta bhaktavatsalāḥ ||

oṃ sūryādi navagrahebhyo namaḥ |

mukhe ācamanīyaṃ samarpayāmi ||
snānam

āpo॒ hiṣṭhā ma̭yo॒bhuva॒stā na̭ ū॒rje da̭dhātana |

ma॒he raṇā̭ya॒ cakṣa̭se ||

yo vaḥ̭ śi॒vata̭mo rasa॒stasya̭ bhājayate॒ha naḥ̭ |

u॒śa॒tīri̭va mā॒ta̭raḥ ||

tasmā॒ ara̭-ṅgamāma vo॒ yasya॒ kṣayā̭ya॒ jinva̭tha |

āpo̭ ja॒naya̭thā ca naḥ ||

oṃ sūryādi navagrahebhyo namaḥ |

śuddhodaka snānaṃ samarpayāmi ||

snānānantaraṃ ācamanīyaṃ samarpayāmi ||
vastram

śukla-rakta-pīta-nīla-varṇa vastrāṇi śobhanāni ca |

grahāṇāṃ prītaye bhaktyā vastrāṇi pratigṛhyatām ||

oṃ sūryādi navagrahebhyo namaḥ |

vastraṃ samarpayāmi ||
yajñopavītam

yajñopavītaṃ paramaṃ pavitraṃ prajāpateryatsahajaṃ purastāt |

āyuṣyamagryaṃ pratimuñca śubhraṃ yajñopavītaṃ balamastu tejaḥ ||

oṃ sūryādi navagrahebhyo namaḥ |

yajñopavītaṃ samarpayāmi ||
gandham

gandhākṣatān samāyuktān grahapīḍā praśāntaye |

bhaktyā dadyāṃ grahebhyo'dya prasannā bhavata prabho ||

oṃ sūryādi navagrahebhyo namaḥ |

gandhaṃ samarpayāmi ||
arcana

akṣatān dhavalān divyān puṣpāṇi ca sugandhīni |

bhaktyā dattāni gṛhyantāṃ navagrahāḥ prasīdata ||
graha pūjā

oṃ sūryāya namaḥ - sūryagrahaṃ pūjayāmi |

oṃ somāya namaḥ - candragrahaṃ pūjayāmi |

oṃ bhaumāya namaḥ - maṅgalagrahaṃ pūjayāmi |

oṃ budhāya namaḥ - budhagrahaṃ pūjayāmi |

oṃ bṛhaspataye namaḥ - gurugrahaṃ pūjayāmi |

oṃ śukrāya namaḥ - śukragrahaṃ pūjayāmi |

oṃ śanaiścarāya namaḥ - śanigrahaṃ pūjayāmi |

oṃ rāhave namaḥ - rāhugrahaṃ pūjayāmi |

oṃ ketave namaḥ - ketugrahaṃ pūjayāmi |

oṃ sūryādi navagrahebhyo namaḥ - sarvān grahān pūjayāmi ||
[Recite the navagraha aShTOttara Sata nAmAvaLI, or offer flowers to each of the nine grahas by name.]

navagraha aṣṭottara śata nāmāvalī>

athavā navagraha nāmāvalī paṭhanam ||
oṃ sūryādi navagrahebhyo namaḥ |

aṣṭottara śata nāmāvalī pūjāṃ samarpayāmi |

akṣatān puṣpāṇi ca samarpayāmi ||
dhūpam

vanaspatyudbhavairdivyaiḥ nānāgandhaiḥ susaṃyutaḥ |

āghreyaḥ sarvadevānāṃ dhūpo'yaṃ pratigṛhyatām ||

oṃ sūryādi navagrahebhyo namaḥ |

dhūpamāghrāpayāmi ||
dīpam

sājyaṃ trivarti saṃyuktaṃ vahninā yojitaṃ priyam |

gṛhṇīta maṅgalaṃ dīpaṃ grahāḥ sarve namo'stu vaḥ ||

oṃ sūryādi navagrahebhyo namaḥ |

dīpaṃ darśayāmi ||
naivedyam

naivedyaṃ gṛhyatāṃ devāḥ bhaktyā sampāditaṃ mayā |

idaṃ phalaṃ ca pānīyaṃ sarvopacāra saṃyutam ||

o-mbhūrbhuva॒ssuvaḥ॒ | tatsa̭vi॒turvare᳚ṇya॒-mbhargo̭ de॒vasya̭ dhīmahi |

dhi॒yo yo naḥ̭ praco॒dayā᳚t ||

satyaṃ tvā ṛtena pariṣiñcāmi |

amṛtamastu | amṛtopastaraṇamasi |

oṃ prāṇāya svāhā | oṃ apānāya svāhā | oṃ vyānāya svāhā |

oṃ udānāya svāhā | oṃ samānāya svāhā |

madhye madhye pānīyaṃ samarpayāmi |

amṛtāpidhānamasi |

uttarāpośanaṃ samarpayāmi |

hastau prakṣālayāmi | pādau prakṣālayāmi |

śuddhācamanīyaṃ samarpayāmi ||
oṃ sūryādi navagrahebhyo namaḥ |

naivedyaṃ samarpayāmi ||
tāmbūlam

pūgīphalaśca karpūraiḥ nāgavallīdalairyutam |

muktācūrṇa saṃyuktaṃ tāmbūlaṃ pratigṛhyatām ||

oṃ sūryādi navagrahebhyo namaḥ |

tāmbūlaṃ samarpayāmi ||
nīrājanam

nānādīpasamāyuktaṃ nīrājanaṃ manoharam |

grahatāpa praśāntyarthaṃ gṛhyatāṃ bhaktipūrvakam ||

oṃ sūryādi navagrahebhyo namaḥ |

nīrājanaṃ samarpayāmi ||
mantrapuṣpam

brahmā murāristripurāntakārī bhānuḥ śaśī bhūmisuto budhaśca |

guruśca śukraḥ śani-rāhu-ketavaḥ sarve grahāḥ śāntikarā bhavantu ||

oṃ sūryādi navagrahebhyo namaḥ |

mantrapuṣpaṃ samarpayāmi ||
pradakṣiṇam

yāni kāni ca pāpāni janmāntara kṛtāni ca |

tāni tāni praṇaśyanti pradakṣiṇa pade pade ||

grahapīḍāḥ praśāṃyantu grahāḥ sarve prasīdata |

āyurārogya saukhyaṃ ca dadata grahanāyakāḥ ||

oṃ sūryādi navagrahebhyo namaḥ |

pradakṣiṇa namaskārān samarpayāmi ||
namaskāraḥ

urasā śirasā dṛṣṭyā manasā vacasā tathā |

padbhyāṃ karābhyāṃ karṇābhyāṃ praṇāmo'ṣṭāṅga ucyate ||

oṃ sūryādi navagrahebhyo namaḥ |

namaskārān samarpayāmi ||
sarvopacārāḥ

oṃ sūryādi navagrahebhyo namaḥ |

chatraṃ samarpayāmi |

cāmaraṃ samarpayāmi |

gītaṃ śrāvayāmi |

nṛtyaṃ darśayāmi |

samasta rājopacārān devopacārān samarpayāmi ||
stotra/sūkta paṭhanam

navagraha stotram>

navagraha sūktam>

navagraha kavacam>
kṣamāprārthanā

mantrahīnaṃ kriyāhīnaṃ bhaktihīnaṃ graheśvarāḥ |

yatpūjitaṃ mayā devāḥ paripūrṇaṃ tadastu vaḥ ||

ajñānādvā pramādādvā vaikalyātsādhanasya vā |

yannyūnamatiriktaṃ ca tatsarvaṃ kṣantumarhatha ||
kāyena vācā manasendriyairvā

buddhyātmanā vā prakṛteḥ svabhāvāt |

karomi yadyat sakalaṃ parasmai

nārāyaṇāyeti samarpayāmi ||
anayā dhyāna-āvāhanādi-ṣoḍaśopacāra pūjayā sūryādi navagraha devatāḥ suprītāḥ suprasannāḥ varadāḥ bhavantu ||
udvāsanam

oṃ sūryādi navagrahebhyo namaḥ |

yathāsthānaṃ udvāsayāmi |

śobhanārthe kṣemāya punarāgamanāya ca ||
prasāda grahaṇam

akālamṛtyuharaṇaṃ sarvavyādhinivāraṇam |

samastapāpakṣayakaraṃ devatā pādodakaṃ śubham ||
navagraha prasādaṃ śirasā gṛhṇāmi ||
oṃ śāntiḥ śāntiḥ śāntiḥ ||
oṃ tatsat brahmārpaṇamastu ||

navagraha nitya pūjā vidhānam

Explore More

More Navagraha Stotras

Explore More