నవగ్రహ సూక్తమ్ (నవగ్రహ నమస్కారమ్)

ఓం శుక్లామ్బరధరం-విఁష్ణుం శశివర్ణ-ఞ్చతుర్భుజమ్।
ప్రసన్నవదన-న్ధ్యాయేత్సర్వ విఘ్నోపశాన్తయే ॥
ఓ-మ్భూః ఓ-మ్భువః॑ ఓగ్ం॒ సువః॑ ఓ-మ్మహః॑ ఓ-ఞ్జనః ఓ-న్తపః॑ ఓగ్ం స॒త్యం ఓ-న్తత్స॑వి॒తుర్వరే᳚ణ్య॒-మ్భర్గో॑దే॒వస్య॑ ధీమహి ధియో॒ యో నః॑
ప్రచో॒దయా᳚త్ ॥ ఓం ఆపో॒ జ్యోతీ॒రసో॒-ఽమృత॒-మ్బ్రహ్మ॒ భూర్భువ॒స్సువ॒రోమ్ ॥
మమోపాత్త-సమస్త-దురితక్షయద్వారా శ్రీపరమేశ్వర ప్రీత్యర్థం ఆదిత్యాది నవగ్రహ దేవతా ప్రసాద సిద్ధ్యర్థం ఆదిత్యాది నవగ్రహ నమస్కారాన్ కరిష్యే ॥
ఓం ఆస॒త్యేన॒ రజ॑సా॒ వర్త॑మానో నివే॒శయ॑న్న॒మృత॒-మ్మర్త్య॑ఞ్చ । హి॒ర॒ణ్యయే॑న సవి॒తా రథే॒నా-ఽఽదే॒వో యా॑తి॒భువ॑నా వి॒పశ్యన్॑ ॥ అ॒గ్ని-న్దూ॒తం-వృఁ॑ణీమహే॒ హోతా॑రం-విఁ॒శ్వవే॑దసమ్ । అ॒స్య య॒జ్ఞస్య॑ సు॒క్రతుమ్᳚ ॥ యేషా॒మీశే॑ పశు॒పతిః॑ పశూ॒నా-ఞ్చతు॑ష్పదాము॒త చ॑ ద్వి॒పదా᳚మ్ । నిష్క్రీ॑తో॒-ఽయం-యఁ॒జ్ఞియ॑-మ్భా॒గమే॑తు రా॒యస్పోషా॒ యజ॑మానస్య సన్తు ॥
ఓం అధిదేవతా ప్రత్యధిదేవతా సహితాయ ఆది॑త్యాయ॒ నమః॑ ॥ 1 ॥

ఓం ఆప్యా॑యస్వ॒ సమే॑తు తే వి॒శ్వత॑స్సోమ॒ వృష్ణి॑యమ్ । భవా॒ వాజ॑స్య సఙ్గ॒థే ॥ అ॒ప్సుమే॒ సోమో॑ అబ్రవీద॒న్తర్విశ్వా॑ని భేష॒జా । అ॒గ్నిఞ్చ॑ వి॒శ్వశ॑మ్భువ॒మాప॑శ్చ వి॒శ్వభే॑షజీః ॥ గౌ॒రీ మి॑మాయ సలి॒లాని॒ తక్ష॒త్యేక॑పదీ ద్వి॒పదీ॒ సా చతు॑ష్పదీ । అ॒ష్టాప॑దీ॒ నవ॑పదీ బభూ॒వుషీ॑ స॒హస్రా᳚క్షరా పర॒మే వ్యో॑మన్న్ ॥
ఓం అధిదేవతా ప్రత్యధిదేవతా సహితాయ సోమా॑య॒ నమః॑ ॥ 2 ॥

ఓం అ॒గ్నిర్మూ॒ర్ధా ది॒వః క॒కుత్పతిః॑ పృథి॒వ్యా అ॒యమ్ । అ॒పాగ్ంరేతాగ్ం॑సి జిన్వతి ॥ స్యో॒నా పృ॑థివి॒ భవా॑-ఽనృక్ష॒రా ని॒వేశ॑నీ । యచ్ఛా॑న॒శ్శర్మ॑ స॒ప్రథాః᳚ ॥ క్షేత్ర॑స్య॒ పతి॑నా వ॒యగ్ంహి॒తే నే॑వ జయామసి । గామశ్వ॑-మ్పోషయి॒త్.ంవా స నో॑ మృడాతీ॒దృశే᳚ ॥
ఓం అధిదేవతా ప్రత్యధిదేవతా సహితాయ అఙ్గా॑రకాయ॒ నమః॑ ॥ 3 ॥

ఓం ఉద్బు॑ధ్యస్వాగ్నే॒ ప్రతి॑జాగృహ్యేనమిష్టాపూ॒ర్తే సగ్ంసృ॑జేథామ॒యఞ్చ॑ । పునః॑ కృ॒ణ్వగ్గ్‍స్త్వా॑ పి॒తరం॒-యుఁవా॑నమ॒న్వాతాగ్ం॑సీ॒త్త్వయి॒ తన్తు॑మే॒తమ్ ॥ ఇ॒దం-విఁష్ణు॒ర్విచ॑క్రమే త్రే॒ధా నిద॑ధే ప॒దమ్ । సమూ॑ఢమస్యపాగ్ం సు॒రే ॥ విష్ణో॑ ర॒రాట॑మసి॒ విష్ణోః᳚ పృ॒ష్ఠమ॑సి॒ విష్ణో॒శ్శ్నప్త్రే᳚స్థో॒ విష్ణో॒స్స్యూర॑సి॒ విష్ణో᳚ర్ధ్రు॒వమ॑సి వైష్ణ॒వమ॑సి॒ విష్ణ॑వే త్వా ॥
ఓం అధిదేవతా ప్రత్యధిదేవతా సహితాయ బుధా॑య॒ నమః॑ ॥ 4 ॥

ఓ-మ్బృహ॑స్పతే॒ అతి॒యద॒ర్యో అర్​హా᳚ద్ద్యు॒మద్వి॒భాతి॒ క్రతు॑మ॒జ్జనే॑షు ।యద్దీ॒దయ॒చ్చవ॑సర్తప్రజాత॒ తద॒స్మాసు॒ ద్రవి॑ణన్ధేహి చి॒త్రమ్ ॥ ఇన్ద్ర॑మరుత్వ ఇ॒హ పా॑హి॒ సోమం॒-యఁథా॑ శార్యా॒తే అపి॑బస్సు॒తస్య॑ । తవ॒ ప్రణీ॑తీ॒ తవ॑ శూర॒శర్మ॒న్నావి॑వాసన్తి క॒వయ॑స్సుయ॒జ్ఞాః ॥ బ్రహ్మ॑జజ్ఞా॒న-మ్ప్ర॑థ॒మ-మ్పు॒రస్తా॒ద్విసీ॑మ॒తస్సు॒రుచో॑ వే॒న ఆ॑వః । సబు॒ధ్నియా॑ ఉప॒మా అ॑స్య వి॒ష్ఠాస్స॒తశ్చ॒ యోని॒మస॑తశ్చ॒ వివః॑ ॥
ఓం అధిదేవతా ప్రత్యధిదేవతా సహితాయ బృహ॒స్పత॑యే॒ నమః॑ ॥ 5 ॥

ఓ-మ్ప్రవ॑శ్శు॒క్రాయ॑ భా॒నవే॑ భరధ్వమ్ । హ॒వ్య-మ్మ॒తి-ఞ్చా॒గ్నయే॒ సుపూ॑తమ్ । యో దైవ్యా॑ని॒ మాను॑షా జ॒నూగ్ంషి॑ అ॒న్తర్విశ్వా॑ని వి॒ద్మ నా॒ జిగా॑తి ॥ ఇ॒న్ద్రా॒ణీమా॒సు నారి॑షు సు॒పత్.ంఈ॑మ॒హమ॑శ్రవమ్ । న హ్య॑స్యా అప॒రఞ్చ॒న జ॒రసా॒ మర॑తే॒ పతిః॑ ॥ ఇన్ద్రం॑-వోఁ వి॒శ్వత॒స్పరి॒ హవా॑మహే॒ జనే᳚భ్యః । అ॒స్మాక॑మస్తు॒ కేవ॑లః॥
ఓం అధిదేవతా ప్రత్యధిదేవతా సహితాయ శుక్రా॑య॒ నమః॑ ॥ 6 ॥

ఓం శన్నో॑ దే॒వీర॒భిష్ట॑య॒ ఆపో॑ భవన్తు పీ॒తయే᳚ । శం​యోఁర॒భిస్ర॑వన్తు నః ॥ ప్రజా॑పతే॒ న త్వదే॒తాన్య॒న్యో విశ్వా॑ జా॒తాని॒ పరి॒తా బ॑భూవ । యత్కా॑మాస్తే జుహు॒మస్తన్నో॑ అస్తు వ॒యగ్గ్‍స్యా॑మ॒ పత॑యో రయీ॒ణామ్ ॥ ఇ॒మం-యఁ॑మప్రస్త॒రమాహి సీదా-ఽఙ్గి॑రోభిః పి॒తృభి॑స్సం​విఁదా॒నః । ఆత్వా॒ మన్త్రాః᳚ కవిశ॒స్తా వ॑హన్త్వే॒నా రా॑జన్\, హ॒విషా॑ మాదయస్వ ॥
ఓం అధిదేవతా ప్రత్యధిదేవతా సహితాయ శనైశ్చ॑రాయ॒ నమః॑ ॥ 7 ॥

ఓ-ఙ్కయా॑ నశ్చి॒త్ర ఆభు॑వదూ॒తీ స॒దావృ॑ధ॒స్సఖా᳚ । కయా॒ శచి॑ష్ఠయా వృ॒తా ॥ ఆ-ఽయఙ్గౌః పృశ్ని॑రక్రమీ॒దస॑నన్మా॒తర॒-మ్పునః॑ । పి॒తర॑ఞ్చ ప్ర॒యన్త్సువః॑ ॥ యత్తే॑ దే॒వీ నిర్‍ఋ॑తిరాబ॒బన్ధ॒ దామ॑ గ్రీ॒వాస్వ॑విచ॒ర్త్యమ్ । ఇ॒దన్తే॒ తద్విష్యా॒మ్యాయు॑షో॒ న మధ్యా॒దథా॑జీ॒వః పి॒తుమ॑ద్ధి॒ ప్రము॑క్తః ॥
ఓం అధిదేవతా ప్రత్యధిదేవతా సహితాయ రాహ॑వే॒ నమః॑ ॥ 8 ॥

ఓ-ఙ్కే॒తుఙ్కృ॒ణ్వన్న॑కే॒తవే॒ పేశో॑ మర్యా అపే॒శసే᳚ । సము॒షద్భి॑రజాయథాః ॥ బ్ర॒హ్మా దే॒వానా᳚-మ్పద॒వీః క॑వీ॒నామృషి॒ర్విప్రా॑ణా-మ్మహి॒షో మృ॒గాణా᳚మ్ । శ్యే॒నోగృధ్రా॑ణా॒గ్॒స్వధి॑తి॒ర్వనా॑నా॒గ్ం॒ సోమః॑ ప॒విత్ర॒మత్యే॑తి॒ రేభన్॑ ॥ సచి॑త్ర చి॒త్ర-ఞ్చి॒తయన్᳚తమ॒స్మే చిత్ర॑క్షత్ర చి॒త్రత॑మం-వఁయో॒ధామ్ । చ॒న్ద్రం ర॒యి-మ్పు॑రు॒వీరమ్᳚ బృ॒హన్త॒-ఞ్చన్ద్ర॑చ॒న్ద్రాభి॑ర్గృణ॒తే యు॑వస్వ ॥
ఓం అధిదేవతా ప్రత్యధిదేవతా సహితేభ్యః కేతు॑భ్యో॒ నమః॑ ॥ 9 ॥
॥ ఓం ఆదిత్యాది నవగ్రహ దేవ॑తాభ్యో॒ నమో॒ నమః॑ ॥
॥ ఓం శాన్తి॒-శ్శాన్తి॒-శ్శాన్తిః॑ ॥