॥ ಶ್ರೀ ಬಾಲಾ ಶಾನ್ತಿ ಸ್ತೋತ್ರಮ್ ॥
(ಚಿನ್ತಾಮಣಿತನ್ತ್ರೋಕ್ತಮ್)
ಶ್ರೀಭೈರವ ಉವಾಚ।
ಜಯ ದೇವಿ ಜಗದ್ಧಾತ್ರಿ ಜಯ ಪಾಪೌಘಹಾರಿಣಿ ।
ಜಯ ದುಃಖಪ್ರಶಮನಿ ಶಾನ್ತಿರ್ಭವ ಮಮಾರ್ಚನೇ ॥ ೧ ॥
ಜಯ ದೇವಿ ಜಗದ್ಧಾತ್ರಿ ಜಯ ಪಾಪೌಘಹಾರಿಣಿ ।
ಜಯ ದುಃಖಪ್ರಶಮನಿ ಶಾನ್ತಿರ್ಭವ ಮಮಾರ್ಚನೇ ॥ ೧ ॥
ಶ್ರೀಬಾಲೇ ಪರಮೇಶಾನಿ ಜಯ ಕಲ್ಪಾನ್ತಕಾರಿಣಿ ।
ಜಯ ಸರ್ವವಿಪತ್ತಿಘ್ನೇ ಶಾನ್ತಿರ್ಭವ ಮಮಾರ್ಚನೇ ॥ ೨ ॥
ಜಯ ಸರ್ವವಿಪತ್ತಿಘ್ನೇ ಶಾನ್ತಿರ್ಭವ ಮಮಾರ್ಚನೇ ॥ ೨ ॥
ಜಯ ಬಿನ್ದುನಾದರೂಪೇ ಜಯ ಕಲ್ಯಾಣಕಾರಿಣಿ ।
ಜಯ ಘೋರೇ ಚ ಶತ್ರುಘ್ನೇ ಶಾನ್ತಿರ್ಭವ ಮಮಾರ್ಚನೇ ॥ ೩ ॥
ಜಯ ಘೋರೇ ಚ ಶತ್ರುಘ್ನೇ ಶಾನ್ತಿರ್ಭವ ಮಮಾರ್ಚನೇ ॥ ೩ ॥
ಮುಣ್ಡಮಾಲೇ ವಿಶಾಲಾಕ್ಷಿ ಸ್ವರ್ಣವರ್ಣೇ ಚತುರ್ಭುಜೇ ।
ಮಹಾಪದ್ಮವನಾನ್ತಸ್ಥೇ ಶಾನ್ತಿರ್ಭವ ಮಮಾರ್ಚನೇ ॥ ೪ ॥
ಮಹಾಪದ್ಮವನಾನ್ತಸ್ಥೇ ಶಾನ್ತಿರ್ಭವ ಮಮಾರ್ಚನೇ ॥ ೪ ॥
ಜಗದ್ಯೋನಿ ಮಹಾಯೋನಿ ನಿರ್ಣಯಾತೀತರೂಪಿಣಿ ।
ಪರಾಪ್ರಾಸಾದಗೃಹಿಣಿ ಶಾನ್ತಿರ್ಭವ ಮಮಾರ್ಚನೇ ॥ ೫ ॥
ಪರಾಪ್ರಾಸಾದಗೃಹಿಣಿ ಶಾನ್ತಿರ್ಭವ ಮಮಾರ್ಚನೇ ॥ ೫ ॥
ಇನ್ದುಚೂಡಯುತೇ ಚಾಕ್ಷಹಸ್ತೇ ಶ್ರೀಪರಮೇಶ್ವರಿ ।
ರುದ್ರಸಂಸ್ಥೇ ಮಹಾಮಾಯೇ ಶಾನ್ತಿರ್ಭವ ಮಮಾರ್ಚನೇ ॥ ೬ ॥
ರುದ್ರಸಂಸ್ಥೇ ಮಹಾಮಾಯೇ ಶಾನ್ತಿರ್ಭವ ಮಮಾರ್ಚನೇ ॥ ೬ ॥
ಸೂಕ್ಷ್ಮೇ ಸ್ಥೂಲೇ ವಿಶ್ವರೂಪೇ ಜಯ ಸಙ್ಕಟತಾರಿಣಿ ।
ಯಜ್ಞರೂಪೇ ಜಾಪ್ಯರೂಪೇ ಶಾನ್ತಿರ್ಭವ ಮಮಾರ್ಚನೇ ॥ ೭ ॥
ಯಜ್ಞರೂಪೇ ಜಾಪ್ಯರೂಪೇ ಶಾನ್ತಿರ್ಭವ ಮಮಾರ್ಚನೇ ॥ ೭ ॥
ದೂತೀಪ್ರಿಯೇ ದ್ರವ್ಯಪ್ರಿಯೇ ಶಿವೇ ಪಞ್ಚಾಙ್ಕುಶಪ್ರಿಯೇ ।
ಭಕ್ತಿಭಾವಪ್ರಿಯೇ ಭದ್ರೇ ಶಾನ್ತಿರ್ಭವ ಮಮಾರ್ಚನೇ ॥ ೮ ॥
ಭಕ್ತಿಭಾವಪ್ರಿಯೇ ಭದ್ರೇ ಶಾನ್ತಿರ್ಭವ ಮಮಾರ್ಚನೇ ॥ ೮ ॥
ಭಾವಪ್ರಿಯೇ ಲಾಸಪ್ರಿಯೇ ಕಾರಣಾನನ್ದವಿಗ್ರಹೇ ।
ಶ್ಮಶಾನಸ್ಯ ದೇವಮೂಲೇ ಶಾನ್ತಿರ್ಭವ ಮಮಾರ್ಚನೇ ॥ ೯ ॥
ಶ್ಮಶಾನಸ್ಯ ದೇವಮೂಲೇ ಶಾನ್ತಿರ್ಭವ ಮಮಾರ್ಚನೇ ॥ ೯ ॥
ಜ್ಞಾನಾಜ್ಞಾನಾತ್ಮಿಕೇ ಚಾದ್ಯೇ ಭೀತಿನಿರ್ಮೂಲನಕ್ಷಮೇ ।
ವೀರವನ್ದ್ಯೇ ಸಿದ್ಧಿದಾತ್ರಿ ಶಾನ್ತಿರ್ಭವ ಮಮಾರ್ಚನೇ ॥ ೧೦ ॥
ವೀರವನ್ದ್ಯೇ ಸಿದ್ಧಿದಾತ್ರಿ ಶಾನ್ತಿರ್ಭವ ಮಮಾರ್ಚನೇ ॥ ೧೦ ॥
ಸ್ಮರಚನ್ದನಸುಪ್ರೀತೇ ಶೋಣಿತಾರ್ಣವಸಂಸ್ಥಿತೇ ।
ಸರ್ವಸೌಖ್ಯಪ್ರದೇ ಶುದ್ಧೇ ಶಾನ್ತಿರ್ಭವ ಮಮಾರ್ಚನೇ ॥ ೧೧ ॥
ಸರ್ವಸೌಖ್ಯಪ್ರದೇ ಶುದ್ಧೇ ಶಾನ್ತಿರ್ಭವ ಮಮಾರ್ಚನೇ ॥ ೧೧ ॥
ಕಾಪಾಲಿಕಿ ಕಲಾಧಾರೇ ಕೋಮಲಾಙ್ಗಿ ಕುಲೇಶ್ವರಿ ।
ಕುಲಮಾರ್ಗರತೇ ಸಿದ್ಧೇ ಶಾನ್ತಿರ್ಭವ ಮಮಾರ್ಚನೇ ॥ ೧೨ ॥
ಕುಲಮಾರ್ಗರತೇ ಸಿದ್ಧೇ ಶಾನ್ತಿರ್ಭವ ಮಮಾರ್ಚನೇ ॥ ೧೨ ॥
॥ ಫಲಶ್ರುತಿಃ ॥
ಶಾನ್ತಿಸ್ತೋತ್ರಂ ಸುಖಕರಂ ಬಲ್ಯನ್ತೇ ಪಠತೇ ಶಿವೇ ।
ದೇವ್ಯಾಃ ಶಾನ್ತಿರ್ಭವೇತ್ತಸ್ಯ ನ್ಯೂನಾಧಿಕ್ಯಾದಿಕರ್ಮಣಿ ॥ ೧೩ ॥
ದೇವ್ಯಾಃ ಶಾನ್ತಿರ್ಭವೇತ್ತಸ್ಯ ನ್ಯೂನಾಧಿಕ್ಯಾದಿಕರ್ಮಣಿ ॥ ೧೩ ॥
ಮನ್ತ್ರಸಿದ್ಧಿಕಾಮನಯಾ ದಶಾವೃತ್ತ್ಯಾ ಪಠೇದ್ಯದಿ ।
ಮನ್ತ್ರಸಿದ್ಧಿರ್ಭವೇತ್ತಸ್ಯ ನಾತ್ರ ಕಾರ್ಯಾ ವಿಚಾರಣಾ ॥ ೧೪ ॥
ಮನ್ತ್ರಸಿದ್ಧಿರ್ಭವೇತ್ತಸ್ಯ ನಾತ್ರ ಕಾರ್ಯಾ ವಿಚಾರಣಾ ॥ ೧೪ ॥
ಚನ್ದ್ರಸೂರ್ಯೋಪರಾಗೇ ಚ ಯಃ ಪಠೇತ್ ಸ್ತೋತ್ರಮುತ್ತಮಮ್ ।
ಬಾಲಾ ಸದ್ಮನಿ ಸೌಖ್ಯೇನ ಬಹುಕಾಲಂ ವಸೇತ್ತತಃ ॥ ೧೫ ॥
ಬಾಲಾ ಸದ್ಮನಿ ಸೌಖ್ಯೇನ ಬಹುಕಾಲಂ ವಸೇತ್ತತಃ ॥ ೧೫ ॥
ಸರ್ವಭದ್ರಮವಾಪ್ನೋತಿ ಸರ್ವತ್ರ ವಿಜಯೀ ಭವೇತ್ ।
ತೀರ್ಥಕೋಟಿಗುಣಂ ಚೈವ ದಾನಕೋಟಿಫಲಂ ತಥಾ ।
ಲಭತೇ ನಾತ್ರ ಸನ್ದೇಹಃ ಸತ್ಯಂ ಸತ್ಯಂ ಮಯೋದಿತಮ್ ॥ ೧೬ ॥
ತೀರ್ಥಕೋಟಿಗುಣಂ ಚೈವ ದಾನಕೋಟಿಫಲಂ ತಥಾ ।
ಲಭತೇ ನಾತ್ರ ಸನ್ದೇಹಃ ಸತ್ಯಂ ಸತ್ಯಂ ಮಯೋದಿತಮ್ ॥ ೧೬ ॥
॥ ಇತಿ ಚಿನ್ತಾಮಣಿತನ್ತ್ರೇ ಶ್ರೀ ಬಾಲಾ ಶಾನ್ತಿ ಸ್ತೋತ್ರಮ್ ಸಮ್ಪೂರ್ಣಮ್ ॥