॥ ಶ್ರೀ ದಕ್ಷಿಣಾಸ್ಯ ನಕ್ಷತ್ರಮಾಲಾ ಸ್ತೋತ್ರಮ್ ॥
ಶ್ರೀಕಣ್ಠಮಿನ್ದ್ವರ್ಭಕಭಾಸಿಚೂಡಂ
ಶ್ರೀಜ್ಞಾನದಾನವ್ರತಬದ್ಧದೀಕ್ಷಮ್ ।
ಶ್ರೀಶಾಮ್ಬುಜನ್ಮಪ್ರಭವಾದಿಪೂಜ್ಯಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧ ॥
ಶ್ರೀಜ್ಞಾನದಾನವ್ರತಬದ್ಧದೀಕ್ಷಮ್ ।
ಶ್ರೀಶಾಮ್ಬುಜನ್ಮಪ್ರಭವಾದಿಪೂಜ್ಯಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧ ॥
ಹರನ್ತಮಾನಮ್ರಜನಾನುತಾಪಂ
ಹಯೇಭವಕ್ತ್ರೇಡಿತಪಾದಪದ್ಮಮ್ ।
ಹೃದಾ ಮುನೀನ್ದ್ರೈಃ ಪರಿಚಿನ್ತ್ಯಮಾನಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨ ॥
ಹಯೇಭವಕ್ತ್ರೇಡಿತಪಾದಪದ್ಮಮ್ ।
ಹೃದಾ ಮುನೀನ್ದ್ರೈಃ ಪರಿಚಿನ್ತ್ಯಮಾನಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨ ॥
ಹಸ್ತಾಬ್ಜರಾಜದ್ವರಪುಸ್ತಮುದ್ರಾ-
-ಮುಕ್ತಾಕ್ಷಮಾಲಾಮೃತಪೂರ್ಣಕುಮ್ಭಮ್ ।
ಹರಿದ್ಧವಾಕಾಙ್ಕ್ಷಿತಪಾದಸೇವಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೩ ॥
-ಮುಕ್ತಾಕ್ಷಮಾಲಾಮೃತಪೂರ್ಣಕುಮ್ಭಮ್ ।
ಹರಿದ್ಧವಾಕಾಙ್ಕ್ಷಿತಪಾದಸೇವಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೩ ॥
ಹಂಸಾಗ್ನಿಚನ್ದ್ರೇಕ್ಷಣಮನ್ಧಕಾರಿ-
-ಮಾಕಾರನಿರ್ಧೂತಮನೋಜಗರ್ವಮ್ ।
ಹೃತಾದಿಮಾಜ್ಞಾನಮಗೋದ್ಭವೇಶಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೪ ॥
-ಮಾಕಾರನಿರ್ಧೂತಮನೋಜಗರ್ವಮ್ ।
ಹೃತಾದಿಮಾಜ್ಞಾನಮಗೋದ್ಭವೇಶಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೪ ॥
ಹತ್ವಾ ಪುರಾ ಕಾಲಮಖರ್ವಗರ್ವಂ
ಮೃಕಣ್ಡುಸೂನೋಃ ಪರಿರಕ್ಷಣಂ ಯಃ ।
ಚಕಾರ ಕಾರುಣ್ಯವಶಾತ್ತಮೇನಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೫ ॥
ಮೃಕಣ್ಡುಸೂನೋಃ ಪರಿರಕ್ಷಣಂ ಯಃ ।
ಚಕಾರ ಕಾರುಣ್ಯವಶಾತ್ತಮೇನಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೫ ॥
ಹೃತ್ವಾ ತಮಃ ಸತ್ವರಮೇವ ಹಾರ್ದಂ
ದತ್ವಾ ಚ ಬೋಧಂ ಪರಮಾರ್ಥಸಂಸ್ಥಮ್ ।
ಮೋಕ್ಷಂ ದದಾತ್ಯಾಶು ನತಾಯ ಯಸ್ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೬ ॥
ದತ್ವಾ ಚ ಬೋಧಂ ಪರಮಾರ್ಥಸಂಸ್ಥಮ್ ।
ಮೋಕ್ಷಂ ದದಾತ್ಯಾಶು ನತಾಯ ಯಸ್ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೬ ॥
ಹಸನ್ಮುಖಾಮ್ಭೋರುಹಮಿನ್ದುಕುನ್ದ-
-ನೀಕಾಶದನ್ತಾವಲಿಶೋಭಮಾನಮ್ ।
ರದಾಮ್ಬರಾಧಃಕೃತಪಕ್ವಬಿಮ್ಬಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೭ ॥
-ನೀಕಾಶದನ್ತಾವಲಿಶೋಭಮಾನಮ್ ।
ರದಾಮ್ಬರಾಧಃಕೃತಪಕ್ವಬಿಮ್ಬಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೭ ॥
ಹೇಲಾಲವಾನ್ನಿರ್ಮಿತವಿಶ್ವಬೃನ್ದಂ
ಬಾಲಾರುಣಾಭಾಙ್ಘ್ರಿಯುಗಂ ದಯಾಲುಮ್ ।
ಪಶ್ಯನ್ತಮುತ್ಸಙ್ಗಗತಂ ಷಡಾಸ್ಯಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೮ ॥
ಬಾಲಾರುಣಾಭಾಙ್ಘ್ರಿಯುಗಂ ದಯಾಲುಮ್ ।
ಪಶ್ಯನ್ತಮುತ್ಸಙ್ಗಗತಂ ಷಡಾಸ್ಯಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೮ ॥
ಹ್ರೀಮಾನಭವೇದ್ದೇವಗುರುರ್ಯದೀಯ-
-ಪಾದಾಬ್ಜಸಂಸೇವಕಲೋಕವಾಚಾ ।
ತಂ ದಿವ್ಯವಾಗ್ದಾನಧುರೀಣಮಾಶು
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೯ ॥
-ಪಾದಾಬ್ಜಸಂಸೇವಕಲೋಕವಾಚಾ ।
ತಂ ದಿವ್ಯವಾಗ್ದಾನಧುರೀಣಮಾಶು
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೯ ॥
ಹಾರಾಯಿತಾಹೀಶಮನಙ್ಗಗರ್ವ-
-ಭಙ್ಗಪ್ರಗಲ್ಭಾನ್ಪ್ರಣತಾನಶೇಷಾನ್ ।
ಕುರ್ವನ್ತಮಿಷ್ಟಪ್ರದಮಷ್ಟಮೂರ್ತಿಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೦ ॥
-ಭಙ್ಗಪ್ರಗಲ್ಭಾನ್ಪ್ರಣತಾನಶೇಷಾನ್ ।
ಕುರ್ವನ್ತಮಿಷ್ಟಪ್ರದಮಷ್ಟಮೂರ್ತಿಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೦ ॥
ಹರಿರ್ಜಹಾರಾಚಲಕನ್ಯಕಾ ಚ
ಯದ್ವರ್ಷ್ಮಣೋಽರ್ಧಂ ತಪಸಾ ಹಿ ಪೂರ್ವಮ್ ।
ಅತೋಽಶರೀರಂ ತಮಶೇಷಸಂಸ್ಥಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೧ ॥
ಯದ್ವರ್ಷ್ಮಣೋಽರ್ಧಂ ತಪಸಾ ಹಿ ಪೂರ್ವಮ್ ।
ಅತೋಽಶರೀರಂ ತಮಶೇಷಸಂಸ್ಥಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೧ ॥
ಹನ್ಯಾದಶೇಷಂ ಕಲುಷಂ ಯದಙ್ಘ್ರಿ-
-ಪೂಜಾ ಪ್ರದದ್ಯಾದಪಿ ಸರ್ವಮಿಷ್ಟಮ್ ।
ತಂ ಪಾರ್ವತೀಮಾನಸರಾಜಹಂಸಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೨ ॥
-ಪೂಜಾ ಪ್ರದದ್ಯಾದಪಿ ಸರ್ವಮಿಷ್ಟಮ್ ।
ತಂ ಪಾರ್ವತೀಮಾನಸರಾಜಹಂಸಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೨ ॥
ಹಠಾದಿಯೋಗಾನ್ ಪ್ರವಿಧಾಯ ಚಿತ್ತ-
-ಸ್ಥೈರ್ಯಂ ಪ್ರಪದ್ಯಾಙ್ಘ್ರಿಯುಗಂ ಯದೀಯಮ್ ।
ಧ್ಯಾಯನ್ತಿ ಯೋಗಿಪ್ರವರಾ ಮುದಾ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೩ ॥
-ಸ್ಥೈರ್ಯಂ ಪ್ರಪದ್ಯಾಙ್ಘ್ರಿಯುಗಂ ಯದೀಯಮ್ ।
ಧ್ಯಾಯನ್ತಿ ಯೋಗಿಪ್ರವರಾ ಮುದಾ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೩ ॥
ಹಿತೋಪದೇಷ್ಟಾ ದಯಯಾ ನತಾನಾಂ
ನಿಸರ್ಗಯಾ ಯೋ ಯಮಿನಾಂ ಜವಾದ್ಧಿ ।
ನ್ಯಗ್ರೋಧಮೂಲೈಕನಿಕೇತನಂ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೪ ॥
ನಿಸರ್ಗಯಾ ಯೋ ಯಮಿನಾಂ ಜವಾದ್ಧಿ ।
ನ್ಯಗ್ರೋಧಮೂಲೈಕನಿಕೇತನಂ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೪ ॥
ಹತಾರಿಷಟ್ಕೈರನುಭೂಯಮಾನಂ
ನಿತಾನ್ತಮಾನನ್ದಘನಸ್ವರೂಪಮ್ ।
ನತಾಪರಾಧಾನ್ಸಹಮಾನಮೀಶಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೫ ॥
ನಿತಾನ್ತಮಾನನ್ದಘನಸ್ವರೂಪಮ್ ।
ನತಾಪರಾಧಾನ್ಸಹಮಾನಮೀಶಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೫ ॥
ಹಿತ್ವಾ ಧನಾಪತ್ಯಕಲತ್ರಬನ್ಧೂನ್
ದತ್ತ್ವಾಭಯಂ ಭೂತತತೇರ್ದ್ವಿಜಾಗ್ರ್ಯಾಃ ।
ಯಂ ಯಾನ್ತಿ ಲೋಕೇ ಶರಣಂ ಸದಾ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೬ ॥
ದತ್ತ್ವಾಭಯಂ ಭೂತತತೇರ್ದ್ವಿಜಾಗ್ರ್ಯಾಃ ।
ಯಂ ಯಾನ್ತಿ ಲೋಕೇ ಶರಣಂ ಸದಾ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೬ ॥
ಹೃದಮ್ಬುಜಾತೇ ವಿನಿವೇಶ್ಯ ಚಿತ್ತಂ
ನಿರುಧ್ಯ ಚಕ್ಷುಃಪ್ರಮುಖಾಕ್ಷವರ್ಗಮ್ ।
ಧ್ಯಾಯನ್ತಿ ಯಂ ಶೈಲಸುತಾಯುತಂ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೭ ॥
ನಿರುಧ್ಯ ಚಕ್ಷುಃಪ್ರಮುಖಾಕ್ಷವರ್ಗಮ್ ।
ಧ್ಯಾಯನ್ತಿ ಯಂ ಶೈಲಸುತಾಯುತಂ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೭ ॥
ಹಾಸಪ್ರಭಾನಿರ್ಜಿತಭಾಭಿಮಾನಂ
ಪ್ರಾಸಾರ್ಥಜುಷ್ಟಾಂ ಕವಿತಾಂ ದಿಶನ್ತಮ್ ।
ನತೋತ್ತಮಾಙ್ಗೇಷು ಕರಂ ದಧಾನಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೮ ॥
ಪ್ರಾಸಾರ್ಥಜುಷ್ಟಾಂ ಕವಿತಾಂ ದಿಶನ್ತಮ್ ।
ನತೋತ್ತಮಾಙ್ಗೇಷು ಕರಂ ದಧಾನಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೮ ॥
ಹೈಯ್ಯಙ್ಗವೀನಂ ಹೃದಯಮ್ರದಿಮ್ನಾ
ಸ್ವರೇಣ ಹಂಸಂ ಚರಣೇನ ಪದ್ಮಮ್ ।
ಹಸನ್ತಮಂಸಾಗ್ರಲಸಜ್ಜಟಾಲಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೯ ॥
ಸ್ವರೇಣ ಹಂಸಂ ಚರಣೇನ ಪದ್ಮಮ್ ।
ಹಸನ್ತಮಂಸಾಗ್ರಲಸಜ್ಜಟಾಲಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೧೯ ॥
ಹರೇರ್ವಿಧೇಶ್ಚೈವ ವಿವಾದಶಾನ್ತ್ಯೈ
ಲಿಙ್ಗಾತ್ಮನಾ ಯಃ ಪ್ರಬಭೂವ ಪೂರ್ವಮ್ ।
ತಮಾದಿಮಧ್ಯಾನ್ತವಿಹೀನರೂಪಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೦ ॥
ಲಿಙ್ಗಾತ್ಮನಾ ಯಃ ಪ್ರಬಭೂವ ಪೂರ್ವಮ್ ।
ತಮಾದಿಮಧ್ಯಾನ್ತವಿಹೀನರೂಪಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೦ ॥
ಹುತಾಶನಾದಿತ್ಯಮಹೀಪ್ರಮುಖ್ಯಾ
ಯಸ್ಯಾಷ್ಟಮೂರ್ತೀರ್ನಿಜಗಾದ ವೇದಃ ।
ತಂ ಸರ್ವಲೋಕಾವನಸಕ್ತಚಿತ್ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೧ ॥
ಯಸ್ಯಾಷ್ಟಮೂರ್ತೀರ್ನಿಜಗಾದ ವೇದಃ ।
ತಂ ಸರ್ವಲೋಕಾವನಸಕ್ತಚಿತ್ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೧ ॥
ಹಸ್ತ್ಯನ್ತಲಕ್ಷ್ಮೀಮಪಿ ದೀನವರ್ಯಃ
ಪ್ರಾಪ್ನೋತಿ ಯತ್ಪಾದಸರೋಜನತ್ಯಾ ।
ತಂ ಕಲ್ಪವಲ್ಲೀಮದಭಙ್ಗದಕ್ಷಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೨ ॥
ಪ್ರಾಪ್ನೋತಿ ಯತ್ಪಾದಸರೋಜನತ್ಯಾ ।
ತಂ ಕಲ್ಪವಲ್ಲೀಮದಭಙ್ಗದಕ್ಷಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೨ ॥
ಹಯಾಗ್ರ್ಯಮಾರುಹ್ಯ ಗಜೋತ್ತಮಂ ವಾ
ಸಮೇತ್ಯ ಯತ್ಪಾದಯುಗಾರ್ಚಕಾಯ ।
ಯಚ್ಛನ್ತಿ ರಾಜ್ಯಂ ಧರಣೀಧವಾಸ್ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೩ ॥
ಸಮೇತ್ಯ ಯತ್ಪಾದಯುಗಾರ್ಚಕಾಯ ।
ಯಚ್ಛನ್ತಿ ರಾಜ್ಯಂ ಧರಣೀಧವಾಸ್ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೩ ॥
ಹವೀಂಷಿ ಸಞ್ಜುಹ್ವತಿ ಭೂಸುರಾಗ್ರ್ಯಾಃ
ಕಾಲೇಷು ವಹ್ನೌ ಯದನುಗ್ರಹಾರ್ಥಮ್ ।
ಕರ್ಮಾನುಗುಣ್ಯೇನ ಫಲಪ್ರದಂ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೪ ॥
ಕಾಲೇಷು ವಹ್ನೌ ಯದನುಗ್ರಹಾರ್ಥಮ್ ।
ಕರ್ಮಾನುಗುಣ್ಯೇನ ಫಲಪ್ರದಂ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೪ ॥
ಹೇತ್ಯಾ ಲಲಾಟಸ್ಥಶುಚೇರ್ಮಹಾಘ-
-ವನಂ ದಹನ್ತಂ ತರಸೈವ ಮೋದಾತ್ ।
ಕುರ್ವನ್ತಮಾರಾನ್ನತಚಿತ್ತಶುದ್ಧಿಂ
ಶ್ರೀದಕ್ಷಿಣಾಸ್ಯಂ ಹದಿ ಭಾವಯೇಽಹಮ್ ॥ ೨೫ ॥
-ವನಂ ದಹನ್ತಂ ತರಸೈವ ಮೋದಾತ್ ।
ಕುರ್ವನ್ತಮಾರಾನ್ನತಚಿತ್ತಶುದ್ಧಿಂ
ಶ್ರೀದಕ್ಷಿಣಾಸ್ಯಂ ಹದಿ ಭಾವಯೇಽಹಮ್ ॥ ೨೫ ॥
ಹೇಮಾಶ್ಮನೋಃ ಸಾಮ್ಯಮತಿಂ ಕರೋತಿ
ಯತ್ಪಾದಪಾಥೋರುಹಸಕ್ತಚಿತ್ತಃ ।
ವೈರಾಗ್ಯದಾನೈಕಧುರನ್ಧರಂ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೬ ॥
ಯತ್ಪಾದಪಾಥೋರುಹಸಕ್ತಚಿತ್ತಃ ।
ವೈರಾಗ್ಯದಾನೈಕಧುರನ್ಧರಂ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೬ ॥
ಹಾಲಾಸ್ಯಗೋಕರ್ಣಮುಖೇಷು ದಿವ್ಯ-
-ಕ್ಷೇತ್ರೇಷು ವಾಸಂ ಕೃಪಯಾ ಕರೋತಿ ।
ಯಃ ಪಾದನಮ್ರೋದ್ಧತಯೇ ಸದಾ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೭ ॥
-ಕ್ಷೇತ್ರೇಷು ವಾಸಂ ಕೃಪಯಾ ಕರೋತಿ ।
ಯಃ ಪಾದನಮ್ರೋದ್ಧತಯೇ ಸದಾ ತಂ
ಶ್ರೀದಕ್ಷಿಣಾಸ್ಯಂ ಹೃದಿ ಭಾವಯೇಽಹಮ್ ॥ ೨೭ ॥
ಹಂಸೇನ ಕೇನಾಪಿ ಪರಾದಿನೇಮಾಂ
ಕೃತಾಂ ಪ್ರಯತ್ನಾದತಿಮೋದತಶ್ಚ ।
ನಕ್ಷತ್ರಮಾಲಾಂ ದಧತಾಂ ನರಾಣಾಂ
ಕಣ್ಠೇ ಭವಿಷ್ಯತ್ಯಚಿರಾತ್ಪರಾಪ್ತಿಃ ॥ ೨೮ ॥
ಕೃತಾಂ ಪ್ರಯತ್ನಾದತಿಮೋದತಶ್ಚ ।
ನಕ್ಷತ್ರಮಾಲಾಂ ದಧತಾಂ ನರಾಣಾಂ
ಕಣ್ಠೇ ಭವಿಷ್ಯತ್ಯಚಿರಾತ್ಪರಾಪ್ತಿಃ ॥ ೨೮ ॥
॥ ಇತಿ ಶ್ರೀಜಗದ್ಗುರು ಶ್ರೀಸಚ್ಚಿದಾನನ್ದ ಶಿವಾಭಿನವ ನೃಸಿಂಹ ಭಾರತೀ ಸ್ವಾಮಿಭಿಃ ವಿರಚಿತಂ ಶ್ರೀ ದಕ್ಷಿಣಾಸ್ಯ ನಕ್ಷತ್ರಮಾಲಾ ಸ್ತೋತ್ರಮ್ ಸಮ್ಪೂರ್ಣಮ್ ॥