॥ श्री गणेशाय नमः ॥
॥ श्री काली कवचम् (त्रैलोक्यविजयम्) ॥
॥ महानिर्वाण तंत्र - सप्तमोल्लासः ॥
॥ श्री काली कवचम् (त्रैलोक्यविजयम्) ॥
॥ महानिर्वाण तंत्र - सप्तमोल्लासः ॥
॥ श्रीसदाशिव उवाच॥
त्रैलोक्यविजयस्यास्य कवचस्य ऋषिः शिवः ।
छन्दोऽनुष्टुब्देवता च आद्याकाली प्रकीर्तिता ॥ १ ॥
छन्दोऽनुष्टुब्देवता च आद्याकाली प्रकीर्तिता ॥ १ ॥
मायाबीजं बीजमिति रमा शक्तिरुदाहृता ।
क्रीं कीलकं काम्यसिद्धौ विनियोगः प्रकीर्तितः ॥ २ ॥
क्रीं कीलकं काम्यसिद्धौ विनियोगः प्रकीर्तितः ॥ २ ॥
॥ अथ कवचम् ॥
ह्रीमाद्या मे शिरः पातु श्रीं काली वदनं मम ।
हृदयं क्रीं परा शक्तिः पायात्कण्ठं परात्परा ॥ ३ ॥
हृदयं क्रीं परा शक्तिः पायात्कण्ठं परात्परा ॥ ३ ॥
नेत्रे पातु जगद्धात्री कर्णौ रक्षतु शङ्करी ।
घ्राणं पातु महामाया रसनां सर्वमङ्गला ॥ ४ ॥
घ्राणं पातु महामाया रसनां सर्वमङ्गला ॥ ४ ॥
दन्तान् रक्षतु कौमारी कपोलौ कमलालया ।
ओष्ठाधरौ क्षमा रक्षेच्चिबुकं चारुहासिनी ॥ ५ ॥
ओष्ठाधरौ क्षमा रक्षेच्चिबुकं चारुहासिनी ॥ ५ ॥
ग्रीवां पायात्कुलेशानी ककुत्पातु कृपामयी ।
द्वौ बाहू बाहुदा रक्षेत्करौ कैवल्यदायिनी ॥ ६ ॥
द्वौ बाहू बाहुदा रक्षेत्करौ कैवल्यदायिनी ॥ ६ ॥
स्कन्धौ कपर्दिनी पातु पृष्ठं त्रैलोक्यतारिणी ।
पार्श्वे पायादपर्णा मे कटिं मे कमठासना ॥ ७ ॥
पार्श्वे पायादपर्णा मे कटिं मे कमठासना ॥ ७ ॥
नाभौ पातु विशालाक्षी प्रजास्थानं प्रभावती ।
ऊरू रक्षतु कल्याणी पादौ मे पातु पार्वती ॥ ८ ॥
ऊरू रक्षतु कल्याणी पादौ मे पातु पार्वती ॥ ८ ॥
जयदुर्गाऽवतु प्राणान् सर्वाङ्गं सर्वसिद्धिदा ।
रक्षाहीनं तु यत् स्थानं वर्जितं कवचेन च ॥ ९ ॥
रक्षाहीनं तु यत् स्थानं वर्जितं कवचेन च ॥ ९ ॥
तत्सर्वं मे सदा रक्षेदाद्याकाली सनातनी ।
इति ते कथितं दिव्यं त्रैलोक्यविजयाभिधम् ॥ १० ॥
इति ते कथितं दिव्यं त्रैलोक्यविजयाभिधम् ॥ १० ॥
॥ फलश्रुति ॥
कवचं कालिकादेव्या आद्यायाः परमाद्भुतम् ।
पूजाकाले पठेद्यस्तु आद्याधिकृतमानसः ॥ ११ ॥
पूजाकाले पठेद्यस्तु आद्याधिकृतमानसः ॥ ११ ॥
सर्वान् कामानवाप्नोति तस्याद्याशु प्रसीदति ।
मन्त्रसिद्धिर्भवेदाशु किङ्कराः क्षुद्रसिद्धयः ॥ १२ ॥
मन्त्रसिद्धिर्भवेदाशु किङ्कराः क्षुद्रसिद्धयः ॥ १२ ॥
अपुत्रो लभते पुत्रं धनार्थी प्राप्नुयाद्धनम् ।
विद्यार्थी लभते विद्यां कामी कामानवाप्नुयात् ॥ १३ ॥
विद्यार्थी लभते विद्यां कामी कामानवाप्नुयात् ॥ १३ ॥
॥ पुरश्चरण विधि ॥
सहस्रावृत्तपाठेन वर्मणोऽस्य पुरस्क्रिया ।
पुरश्चरणसम्पन्नं यथोक्तफलदं भवेत् ॥ १४ ॥
पुरश्चरणसम्पन्नं यथोक्तफलदं भवेत् ॥ १४ ॥
॥ धारण विधि ॥
चन्दनागरुकस्तूरीकुङ्कुमै रक्तचन्दनैः ।
भूर्जे विलिख्य गुटिकां स्वर्णस्थां धारयेद्यदि ॥ १५ ॥
भूर्जे विलिख्य गुटिकां स्वर्णस्थां धारयेद्यदि ॥ १५ ॥
शिखायां दक्षिणे बाहौ कण्ठे वा साधकः कटौ ।
तस्याद्या कालिका वश्या वाञ्छितार्थं प्रयच्छति ॥ १६ ॥
तस्याद्या कालिका वश्या वाञ्छितार्थं प्रयच्छति ॥ १६ ॥
न कुत्रापि भयं तस्य सर्वत्र विजयी कविः ।
अरोगी चिरजीवी स्याद्बलवान् धारणक्षमः ॥ १७ ॥
अरोगी चिरजीवी स्याद्बलवान् धारणक्षमः ॥ १७ ॥
सर्वविद्यासु निपुणः सर्वशास्त्रार्थतत्त्ववित् ।
वशे तस्य महीपाला भोगमोक्षौ करस्थितौ ॥ १८ ॥
वशे तस्य महीपाला भोगमोक्षौ करस्थितौ ॥ १८ ॥
॥ इति महानिर्वाणतन्त्रे सप्तमोल्लासे त्रैलोक्यविजयकवचं नाम श्री कालिका कवचम् सम्पूर्णम् ॥