ಶ್ರೀ ರುದ್ರಂ ನಮಕಮ್

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾ
ಚತುರ್ಥಂ-ವೈಁಶ್ವದೇವ-ಙ್ಕಾಣ್ಡ-ಮ್ಪಞ್ಚಮಃ ಪ್ರಪಾಠಕಃ

ಓ-ನ್ನಮೋ ಭಗವತೇ ರುದ್ರಾಯ ॥

ನಮಸ್ತೇ ರುದ್ರ ಮನ್ಯವ ಉತೋತ ಇಷವೇ ನಮಃ ।
ನಮಸ್ತೇ ಅಸ್ತು ಧನ್ವನೇ ಬಾಹುಭ್ಯಾಮುತ ತೇ ನಮಃ ॥

ಯಾ ತ ಇಷುಃ ಶಿವತಮಾ ಶಿವ-ಮ್ಬಭೂವ ತೇ ಧನುಃ ।
ಶಿವಾ ಶರವ್ಯಾ ಯಾ ತವ ತಯಾ ನೋ ರುದ್ರ ಮೃಡಯ ।
ಯಾ ತೇ ರುದ್ರ ಶಿವಾ ತನೂರಘೋರಾ-ಽಪಾಪಕಾಶಿನೀ ।
ತಯಾ ನಸ್ತನುವಾ ಶನ್ತಮಯಾ ಗಿರಿಶನ್ತಾಭಿಚಾಕಶೀಹಿ ॥

ಯಾಮಿಷು-ಙ್ಗಿರಿಶನ್ತ ಹಸ್ತೇ ಬಿಭರ್ಷ್ಯಸ್ತವೇ ।
ಶಿವಾ-ಙ್ಗಿರಿತ್ರ ತಾ-ಙ್ಕುರು ಮಾ ಹಿಗ್ಂಸೀಃ ಪುರುಷ-ಞ್ಜಗತ್॥

ಶಿವೇನ ವಚಸಾ ತ್ವಾ ಗಿರಿಶಾಚ್ಛಾ ವದಾಮಸಿ ।
ಯಥಾ ನ-ಸ್ಸರ್ವಮಿಜ್ಜಗದಯಕ್ಷ್ಮಗ್ಂ ಸುಮನಾ ಅಸತ್ ॥

ಅಧ್ಯವೋಚದಧಿವಕ್ತಾ ಪ್ರಥಮೋ ದೈವ್ಯೋ ಭಿಷಕ್ ।
ಅಹೀಗ್ಶ್ಚ ಸರ್ವಾಞ್ಜಮ್ಭಯನ್-ಥ್ಸರ್ವಾಶ್ಚ ಯಾತುಧಾನ್ಯಃ ॥

ಅಸೌ ಯಸ್ತಾಮ್ರೋ ಅರುಣ ಉತ ಬಭ್ರುಸ್ಸುಮಙ್ಗಲಃ ।
ಯೇ ಚೇಮಾಗ್ಂ ರುದ್ರಾ ಅಭಿತೋ ದಿಕ್ಷು ಶ್ರಿತಾ-ಸ್ಸಹಸ್ರಶೋ-ಽವೈಷಾಗ್ಂ ಹೇಡ ಈಮಹೇ ॥

ಅಸೌ ಯೋ-ಽವಸರ್ಪತಿ ನೀಲಗ್ರೀವೋ ವಿಲೋಹಿತಃ ।
ಉತೈನ-ಙ್ಗೋಪಾ ಅದೃಶನ್ನದೃಶನ್ನುದಹಾರ್ಯಃ ।
ಉತೈನಂ-ವಿಁಶ್ವಾ ಭೂತಾನಿ ಸ ದೃಷ್ಟೋ ಮೃಡಯಾತಿ ನಃ ॥

ನಮೋ ಅಸ್ತು ನೀಲಗ್ರೀವಾಯ ಸಹಸ್ರಾಕ್ಷಾಯ ಮೀಢುಷೇ ।
ಅಥೋ ಯೇ ಅಸ್ಯ ಸತ್ವಾನೋ-ಽಹ-ನ್ತೇಭ್ಯೋ-ಽಕರನ್ನಮಃ ॥

ಪ್ರಮುಞ್ಚ ಧನ್ವನಸ್ತ್ವಮುಭಯೋರಾರ್ತ್ನಿ ಯೋರ್ಜ್ಯಾಮ್ ।
ಯಾಶ್ಚ ತೇ ಹಸ್ತ ಇಷವಃ ಪರಾ ತಾ ಭಗವೋ ವಪ ॥

ಅವತತ್ಯ ಧನುಸ್ತ್ವಗ್ಂ ಸಹಸ್ರಾಕ್ಷ ಶತೇಷುಧೇ ।
ನಿಶೀರ್ಯ ಶಲ್ಯಾನಾ-ಮ್ಮುಖಾ ಶಿವೋ ನಃ ಸುಮನಾ ಭವ ॥

ವಿಜ್ಯ-ನ್ಧನುಃ ಕಪರ್ದಿನೋ ವಿಶಲ್ಯೋ ಬಾಣವಾಗ್ಂ ಉತ ।
ಅನೇಶನ್ನಸ್ಯೇಷವ ಆಭುರಸ್ಯ ನಿಷಙ್ಗಥಿಃ ॥

ಯಾ ತೇ ಹೇತಿರ್ಮೀಡುಷ್ಟಮ ಹಸ್ತೇ ಬಭೂವ ತೇ ಧನುಃ ।
ತಯಾ-ಽಸ್ಮಾನ್, ವಿಶ್ವತಸ್ತ್ವಮಯಕ್ಷ್ಮಯಾ ಪರಿಬ್ಭುಜ ॥

ನಮಸ್ತೇ ಅಸ್ತ್ವಾಯುಧಾಯಾನಾತತಾಯ ಧೃಷ್ಣವೇ ।
ಉಭಾಭ್ಯಾಮುತ ತೇ ನಮೋ ಬಾಹುಭ್ಯಾ-ನ್ತವ ಧನ್ವನೇ ॥

ಪರಿ ತೇ ಧನ್ವನೋ ಹೇತಿರಸ್ಮಾನ್ ವೃಣಕ್ತು ವಿಶ್ವತಃ ।
ಅಥೋ ಯ ಇಷುಧಿಸ್ತವಾರೇ ಅಸ್ಮನ್ನಿಧೇಹಿ ತಮ್ ॥ 1 ॥

ಶ್ರೀ ಶಮ್ಭವೇ ನಮಃ ॥
ನಮಸ್ತೇ ಅಸ್ತು ಭಗವನ್-ವಿಶ್ವೇಶ್ವರಾಯ ಮಹಾದೇವಾಯ ತ್ರ್ಯಮ್ಬಕಾಯ ತ್ರಿಪುರಾನ್ತಕಾಯ ತ್ರಿಕಾಗ್ನಿಕಾಲಾಯ ಕಾಲಾಗ್ನಿರುದ್ರಾಯ ನೀಲಕಣ್ಠಾಯ ಮೃತ್ಯುಞ್ಜಯಾಯ ಸರ್ವೇಶ್ವರಾಯ ಸದಾಶಿವಾಯ [ಶಙ್ಕರಾಯ] ಶ್ರೀಮ-ನ್ಮಹಾದೇವಾಯ ನಮಃ ।
ನಮೋ ಹಿರಣ್ಯ ಬಾಹವೇ ಸೇನಾನ್ಯೇ ದಿಶಾ-ಞ್ಚ ಪತಯೇ ನಮೋ
ನಮೋ ವೃಕ್ಷೇಭ್ಯೋ ಹರಿಕೇಶೇಭ್ಯಃ ಪಶೂನಾ-ಮ್ಪತಯೇ ನಮೋ
ನಮಃ ಸಸ್ಪಿಞ್ಜರಾಯ ತ್ವಿಷೀಮತೇ ಪಥೀನಾ-ಮ್ಪತಯೇ ನಮೋ
ನಮೋ ಬಭ್ಲುಶಾಯ ವಿವ್ಯಾಧಿನೇ-ಽನ್ನಾನಾ-ಮ್ಪತಯೇ ನಮೋ
ನಮೋ ಹರಿಕೇಶಾಯೋಪವೀತಿನೇ ಪುಷ್ಟಾನಾ-ಮ್ಪತಯೇ ನಮೋ
ನಮೋ ಭವಸ್ಯ ಹೇತ್ಯೈ ಜಗತಾ-ಮ್ಪತಯೇ ನಮೋ
ನಮೋ ರುದ್ರಾಯಾತತಾವಿನೇ ಕ್ಷೇತ್ರಾಣಾ-ಮ್ಪತಯೇ ನಮೋ
ನಮಸ್ಸೂತಾಯಾಹನ್ತ್ಯಾಯ ವನಾನಾ-ಮ್ಪತಯೇ ನಮೋ
ನಮೋ ರೋಹಿತಾಯ ಸ್ಥಪತಯೇ ವೃಕ್ಷಾಣಾ-ಮ್ಪತಯೇ ನಮೋ
ನಮೋ ಮನ್ತ್ರಿಣೇ ವಾಣಿಜಾಯ ಕಕ್ಷಾಣಾ-ಮ್ಪತಯೇ ನಮೋ
ನಮೋ ಭುವನ್ತಯೇ ವಾರಿವಸ್ಕೃತಾ-ಯೌಷಧೀನಾ-ಮ್ಪತಯೇ ನಮೋ
ನಮ ಉಚ್ಚೈರ್ಘೋಷಾಯಾಕ್ರನ್ದಯತೇ ಪತ್ತೀನಾ-ಮ್ಪತಯೇ ನಮೋ
ನಮಃ ಕೃತ್ಸ್ನವೀತಾಯ ಧಾವತೇ ಸತ್ತ್ವನಾ-ಮ್ಪತಯೇ ನಮಃ ॥ 2 ॥

ನಮ-ಸ್ಸಹಮಾನಾಯ ನಿವ್ಯಾಧಿನ ಆವ್ಯಾಧಿನೀನಾ-ಮ್ಪತಯೇ ನಮೋ
ನಮಃ ಕಕುಭಾಯ ನಿಷಙ್ಗಿಣೇ ಸ್ತೇನಾನಾ-ಮ್ಪತಯೇ ನಮೋ
ನಮೋ ನಿಷಙ್ಗಿಣ ಇಷುಧಿಮತೇ ತಸ್ಕರಾಣಾ-ಮ್ಪತಯೇ ನಮೋ
ನಮೋ ವಞ್ಚತೇ ಪರಿವಞ್ಚತೇ ಸ್ತಾಯೂನಾ-ಮ್ಪತಯೇ ನಮೋ
ನಮೋ ನಿಚೇರವೇ ಪರಿಚರಾಯಾರಣ್ಯಾನಾ-ಮ್ಪತಯೇ ನಮೋ
ನಮಃ ಸೃಕಾವಿಭ್ಯೋ ಜಿಘಾಗ್ಂಸದ್ಭ್ಯೋ ಮುಷ್ಣತಾ-ಮ್ಪತಯೇ ನಮೋ
ನಮೋ-ಽಸಿಮದ್ಭ್ಯೋ ನಕ್ತಞ್ಚರದ್ಭ್ಯಃ ಪ್ರಕೃನ್ತಾನಾ-ಮ್ಪತಯೇ ನಮೋ
ನಮ ಉಷ್ಣೀಷಿಣೇ ಗಿರಿಚರಾಯ ಕುಲುಞ್ಚಾನಾ-ಮ್ಪತಯೇ ನಮೋ
ನಮ ಇಷುಮದ್ಭ್ಯೋ ಧನ್ವಾವಿಭ್ಯಶ್ಚ ವೋ ನಮೋ
ನಮ ಆತನ್-ವಾನೇಭ್ಯಃ ಪ್ರತಿದಧಾನೇಭ್ಯಶ್ಚ ವೋ ನಮೋ
ನಮ ಆಯಚ್ಛದ್ಭ್ಯೋ ವಿಸೃಜದ್ಭ್ಯಶ್ಚ ವೋ ನಮೋ
ನಮೋ-ಽಸ್ಯದ್ಭ್ಯೋ ವಿದ್ಯದ್ಭ್ಯಶ್ಚ ವೋ ನಮೋ
ನಮ ಆಸೀನೇಭ್ಯ-ಶ್ಶಯಾನೇಭ್ಯಶ್ಚ ವೋ ನಮೋ
ನಮಃ ಸ್ವಪದ್ಭ್ಯೋ ಜಾಗ್ರದ್ಭ್ಯಶ್ಚ ವೋ ನಮೋ
ನಮಸ್ತಿಷ್ಠದ್ಭ್ಯೋ ಧಾವದ್ಭ್ಯಶ್ಚ ವೋ ನಮೋ
ನಮಃ ಸಭಾಭ್ಯಃ ಸಭಾಪತಿಭ್ಯಶ್ಚ ವೋ ನಮೋ
ನಮೋ ಅಶ್ವೇಭ್ಯೋ-ಽಶ್ವಪತಿಭ್ಯಶ್ಚ ವೋ ನಮಃ ॥ 3 ॥

ನಮ ಆವ್ಯಾಧಿನೀಭ್ಯೋ ವಿವಿಧ್ಯನ್ತೀಭ್ಯಶ್ಚ ವೋ ನಮೋ
ನಮ ಉಗಣಾಭ್ಯಸ್ತೃಗ್ಂ-ಹತೀಭ್ಯಶ್ಚ ವೋ ನಮೋ
ನಮೋ ಗೃತ್ಸೇಭ್ಯೋ ಗೃತ್ಸಪತಿಭ್ಯಶ್ಚ ವೋ ನಮೋ
ನಮೋ ವ್ರಾತೇಭ್ಯೋ ವ್ರಾತಪತಿಭ್ಯಶ್ಚ ವೋ ನಮೋ
ನಮೋ ಗಣೇಭ್ಯೋ ಗಣಪತಿಭ್ಯಶ್ಚ ವೋ ನಮೋ
ನಮೋ ವಿರೂಪೇಭ್ಯೋ ವಿಶ್ವರೂಪೇಭ್ಯಶ್ಚ ವೋ ನಮೋ
ನಮೋ ಮಹದ್ಭ್ಯಃ, ಕ್ಷುಲ್ಲಕೇಭ್ಯಶ್ಚ ವೋ ನಮೋ
ನಮೋ ರಥಿಭ್ಯೋ-ಽರಥೇಭ್ಯಶ್ಚ ವೋ ನಮೋ
ನಮೋ ರಥೇಭ್ಯೋ ರಥಪತಿಭ್ಯಶ್ಚ ವೋ ನಮೋ
ನಮ-ಸ್ಸೇನಾಭ್ಯ-ಸ್ಸೇನಾನಿಭ್ಯಶ್ಚ ವೋ ನಮೋ
ನಮಃ, ಕ್ಷತ್ತೃಭ್ಯಃ ಸಙ್ಗ್ರಹೀತೃಭ್ಯಶ್ಚ ವೋ ನಮೋ
ನಮಸ್ತಕ್ಷಭ್ಯೋ ರಥಕಾರೇಭ್ಯಶ್ಚ ವೋ ನಮೋ
ನಮಃ ಕುಲಾಲೇಭ್ಯಃ ಕರ್ಮಾರೇಭ್ಯಶ್ಚ ವೋ ನಮೋ
ನಮಃ ಪುಞ್ಜಿಷ್ಟೇಭ್ಯೋ ನಿಷಾದೇಭ್ಯಶ್ಚ ವೋ ನಮೋ
ನಮ ಇಷುಕೃದ್ಭ್ಯೋ ಧನ್ವಕೃದ್ಭ್ಯಶ್ಚ ವೋ ನಮೋ
ನಮೋ ಮೃಗಯುಭ್ಯಃ ಶ್ವನಿಭ್ಯಶ್ಚ ವೋ ನಮೋ
ನಮ-ಶ್ಶ್ವಭ್ಯ-ಶ್ಶ್ವಪತಿಭ್ಯಶ್ಚ ವೋ ನಮಃ ॥ 4 ॥

ನಮೋ ಭವಾಯ ಚ ರುದ್ರಾಯ ಚ
ನಮಃ ಶರ್ವಾಯ ಚ ಪಶುಪತಯೇ ಚ
ನಮೋ ನೀಲಗ್ರೀವಾಯ ಚ ಶಿತಿಕಣ್ಠಾಯ ಚ
ನಮಃ ಕಪರ್ದಿನೇ ಚ ವ್ಯುಪ್ತಕೇಶಾಯ ಚ
ನಮಃ ಸಹಸ್ರಾಕ್ಷಾಯ ಚ ಶತಧನ್ವನೇ ಚ
ನಮೋ ಗಿರಿಶಾಯ ಚ ಶಿಪಿವಿಷ್ಟಾಯ ಚ
ನಮೋ ಮೀಢುಷ್ಟಮಾಯ ಚೇಷುಮತೇ ಚ
ನಮೋ ಹ್ರಸ್ವಾಯ ಚ ವಾಮನಾಯ ಚ
ನಮೋ ಬೃಹತೇ ಚ ವರ್ಷೀಯಸೇ ಚ
ನಮೋ ವೃದ್ಧಾಯ ಚ ಸಂವೃಁಧ್ವನೇ ಚ
ನಮೋ ಅಗ್ರಿಯಾಯ ಚ ಪ್ರಥಮಾಯ ಚ
ನಮ ಆಶವೇ ಚಾಜಿರಾಯ ಚ
ನಮ-ಶ್ಶೀಘ್ರಿಯಾಯ ಚ ಶೀಭ್ಯಾಯ ಚ
ನಮ ಊರ್ಮ್ಯಾಯ ಚಾವಸ್ವನ್ಯಾಯ ಚ
ನಮಃ ಸ್ರೋತಸ್ಯಾಯ ಚ ದ್ವೀಪ್ಯಾಯ ಚ ॥ 5 ॥

ನಮೋ ಜ್ಯೇಷ್ಠಾಯ ಚ ಕನಿಷ್ಠಾಯ ಚ
ನಮಃ ಪೂರ್ವಜಾಯ ಚಾಪರಜಾಯ ಚ
ನಮೋ ಮಧ್ಯಮಾಯ ಚಾಪಗಲ್ಭಾಯ ಚ
ನಮೋ ಜಘನ್ಯಾಯ ಚ ಬುಧ್ನಿಯಾಯ ಚ
ನಮಃ ಸೋಭ್ಯಾಯ ಚ ಪ್ರತಿಸರ್ಯಾಯ ಚ
ನಮೋ ಯಾಮ್ಯಾಯ ಚ ಕ್ಷೇಮ್ಯಾಯ ಚ
ನಮ ಉರ್ವರ್ಯಾಯ ಚ ಖಲ್ಯಾಯ ಚ
ನಮ-ಶ್ಶ್ಲೋಕ್ಯಾಯ ಚಾ-ಽವಸಾನ್ಯಾಯ ಚ
ನಮೋ ವನ್ಯಾಯ ಚ ಕಕ್ಷ್ಯಾಯ ಚ
ನಮಃ ಶ್ರವಾಯ ಚ ಪ್ರತಿಶ್ರವಾಯ ಚ
ನಮ ಆಶುಷೇಣಾಯ ಚಾಶುರಥಾಯ ಚ
ನಮ-ಶ್ಶೂರಾಯ ಚಾವಭಿನ್ದತೇ ಚ
ನಮೋ ವರ್ಮಿಣೇ ಚ ವರೂಥಿನೇ ಚ
ನಮೋ ಬಿಲ್ಮಿನೇ ಚ ಕವಚಿನೇ ಚ
ನಮಃ ಶ್ರುತಾಯ ಚ ಶ್ರುತಸೇನಾಯ ಚ ॥ 6 ॥

ನಮೋ ದುನ್ದುಭ್ಯಾಯ ಚಾಹನನ್ಯಾಯ ಚ
ನಮೋ ಧೃಷ್ಣವೇ ಚ ಪ್ರಮೃಶಾಯ ಚ
ನಮೋ ದೂತಾಯ ಚ ಪ್ರಹಿತಾಯ ಚ
ನಮೋ ನಿಷಙ್ಗಿಣೇ ಚೇಷುಧಿಮತೇ ಚ
ನಮಸ್ತೀಕ್ಷ್ಣೇಷವೇ ಚಾಯುಧಿನೇ ಚ
ನಮಃ ಸ್ವಾಯುಧಾಯ ಚ ಸುಧನ್ವನೇ ಚ
ನಮ-ಸ್ಸ್ರುತ್ಯಾಯ ಚ ಪಥ್ಯಾಯ ಚ
ನಮಃ ಕಾಟ್ಯಾಯ ಚ ನೀಪ್ಯಾಯ ಚ
ನಮ-ಸ್ಸೂದ್ಯಾಯ ಚ ಸರಸ್ಯಾಯ ಚ
ನಮೋ ನಾದ್ಯಾಯ ಚ ವೈಶನ್ತಾಯ ಚ
ನಮಃ ಕೂಪ್ಯಾಯ ಚಾವಟ್ಯಾಯ ಚ
ನಮೋ ವರ್ಷ್ಯಾಯ ಚಾವರ್ಷ್ಯಾಯ ಚ
ನಮೋ ಮೇಘ್ಯಾಯ ಚ ವಿದ್ಯುತ್ಯಾಯ ಚ
ನಮ ಈಧ್ರಿಯಾಯ ಚಾತಪ್ಯಾಯ ಚ
ನಮೋ ವಾತ್ಯಾಯ ಚ ರೇಷ್ಮಿಯಾಯ ಚ
ನಮೋ ವಾಸ್ತವ್ಯಾಯ ಚ ವಾಸ್ತುಪಾಯ ಚ ॥ 7 ॥

ನಮ-ಸ್ಸೋಮಾಯ ಚ ರುದ್ರಾಯ ಚ
ನಮಸ್ತಾಮ್ರಾಯ ಚಾರುಣಾಯ ಚ
ನಮಃ ಶಙ್ಗಾಯ ಚ ಪಶುಪತಯೇ ಚ
ನಮ ಉಗ್ರಾಯ ಚ ಭೀಮಾಯ ಚ
ನಮೋ ಅಗ್ರೇವಧಾಯ ಚ ದೂರೇವಧಾಯ ಚ
ನಮೋ ಹನ್ತ್ರೇ ಚ ಹನೀಯಸೇ ಚ
ನಮೋ ವೃಕ್ಷೇಭ್ಯೋ ಹರಿಕೇಶೇಭ್ಯೋ
ನಮಸ್ತಾರಾಯ
ನಮಶ್ಶಮ್ಭವೇ ಚ ಮಯೋಭವೇ ಚ
ನಮಃ ಶಙ್ಕರಾಯ ಚ ಮಯಸ್ಕರಾಯ ಚ
ನಮಃ ಶಿವಾಯ ಚ ಶಿವತರಾಯ ಚ
ನಮಸ್ತೀರ್ಥ್ಯಾಯ ಚ ಕೂಲ್ಯಾಯ ಚ
ನಮಃ ಪಾರ್ಯಾಯ ಚಾವಾರ್ಯಾಯ ಚ
ನಮಃ ಪ್ರತರಣಾಯ ಚೋತ್ತರಣಾಯ ಚ
ನಮ ಆತಾರ್ಯಾಯ ಚಾಲಾದ್ಯಾಯ ಚ
ನಮ-ಶ್ಶಷ್ಪ್ಯಾಯ ಚ ಫೇನ್ಯಾಯ ಚ
ನಮಃ ಸಿಕತ್ಯಾಯ ಚ ಪ್ರವಾಹ್ಯಾಯ ಚ ॥ 8 ॥

ನಮ ಇರಿಣ್ಯಾಯ ಚ ಪ್ರಪಥ್ಯಾಯ ಚ
ನಮಃ ಕಿಗ್ಂಶಿಲಾಯ ಚ ಕ್ಷಯಣಾಯ ಚ
ನಮಃ ಕಪರ್ದಿನೇ ಚ ಪುಲಸ್ತಯೇ ಚ
ನಮೋ ಗೋಷ್ಠ್ಯಾಯ ಚ ಗೃಹ್ಯಾಯ ಚ
ನಮಸ್ತಲ್ಪ್ಯಾಯ ಚ ಗೇಹ್ಯಾಯ ಚ
ನಮಃ ಕಾಟ್ಯಾಯ ಚ ಗಹ್ವರೇಷ್ಠಾಯ ಚ
ನಮೋ ಹ್ರದಯ್ಯಾಯ ಚ ನಿವೇಷ್ಪ್ಯಾಯ ಚ
ನಮಃ ಪಾಗ್ಂ ಸವ್ಯಾಯ ಚ ರಜಸ್ಯಾಯ ಚ
ನಮ-ಶ್ಶುಷ್ಕ್ಯಾಯ ಚ ಹರಿತ್ಯಾಯ ಚ
ನಮೋ ಲೋಪ್ಯಾಯ ಚೋಲಪ್ಯಾಯ ಚ
ನಮ ಊರ್ವ್ಯಾಯ ಚ ಸೂರ್ಮ್ಯಾಯ ಚ
ನಮಃ ಪರ್ಣ್ಯಾಯ ಚ ಪರ್ಣಶದ್ಯಾಯ ಚ
ನಮೋ-ಽಪಗುರಮಾಣಾಯ ಚಾಭಿಘ್ನತೇ ಚ
ನಮ ಆಕ್ಖಿದತೇ ಚ ಪ್ರಕ್ಖಿದತೇ ಚ
ನಮೋ ವಃ ಕಿರಿಕೇಭ್ಯೋ ದೇವಾನಾಗ್ಮ್ ಹೃದಯೇಭ್ಯೋ
ನಮೋ ವಿಕ್ಷೀಣಕೇಭ್ಯೋ ನಮೋ ವಿಚಿನ್ವತ್ಕೇಭ್ಯೋ
ನಮ ಆನಿರ್ ಹತೇಭ್ಯೋ ನಮ ಆಮೀವತ್ಕೇಭ್ಯಃ ॥ 9 ॥

ದ್ರಾಪೇ ಅನ್ಧಸಸ್ಪತೇ ದರಿದ್ರನ್ನೀಲಲೋಹಿತ ।
ಏಷಾ-ಮ್ಪುರುಷಾಣಾಮೇಷಾ-ಮ್ಪಶೂನಾ-ಮ್ಮಾ ಭೇರ್ಮಾ-ಽರೋ ಮೋ ಏಷಾ-ಙ್ಕಿಞ್ಚನಾಮಮತ್ ।
ಯಾ ತೇ ರುದ್ರ ಶಿವಾ ತನೂ-ಶ್ಶಿವಾ ವಿಶ್ವಾಹಭೇಷಜೀ ।
ಶಿವಾ ರುದ್ರಸ್ಯ ಭೇಷಜೀ ತಯಾ ನೋ ಮೃಡ ಜೀವಸೇ ॥
ಇಮಾಗ್ಂ ರುದ್ರಾಯ ತವಸೇ ಕಪರ್ದಿನೇ ಕ್ಷಯದ್ವೀರಾಯ ಪ್ರಭರಾಮಹೇ ಮತಿಮ್ ।
ಯಥಾ ನಶ್ಶಮಸದ್ದ್ವಿಪದೇ ಚತುಷ್ಪದೇ ವಿಶ್ವ-ಮ್ಪುಷ್ಟ-ಙ್ಗ್ರಾಮೇ ಅಸ್ಮಿನ್ನನಾತುರಮ್ ।
ಮೃಡಾ ನೋ ರುದ್ರೋತ ನೋ ಮಯಸ್ಕೃಧಿ ಕ್ಷಯದ್ವೀರಾಯ ನಮಸಾ ವಿಧೇಮ ತೇ ।
ಯಚ್ಛ-ಞ್ಚ ಯೋಶ್ಚ ಮನುರಾಯಜೇ ಪಿತಾ ತದಶ್ಯಾಮ ತವ ರುದ್ರ ಪ್ರಣೀತೌ ।
ಮಾ ನೋ ಮಹಾನ್ತಮುತ ಮಾ ನೋ ಅರ್ಭಕ-ಮ್ಮಾ ನ ಉಕ್ಷನ್ತಮುತ ಮಾ ನ ಉಕ್ಷಿತಮ್ ।
ಮಾ ನೋ-ಽವಧೀಃ ಪಿತರ-ಮ್ಮೋತ ಮಾತರ-ಮ್ಪ್ರಿಯಾ ಮಾ ನಸ್ತನುವೋ ರುದ್ರ ರೀರಿಷಃ ।
ಮಾ ನಸ್ತೋಕೇ ತನಯೇ ಮಾ ನ ಆಯುಷಿ ಮಾ ನೋ ಗೋಷು ಮಾ ನೋ ಅಶ್ವೇಷು ರೀರಿಷಃ ।
ವೀರಾನ್ಮಾ ನೋ ರುದ್ರ ಭಾಮಿತೋ-ಽವಧೀರ್ಹವಿಷ್ಮಂತೋ ನಮಸಾ ವಿಧೇಮ ತೇ ।
ಆರಾತ್ತೇ ಗೋಘ್ನ ಉತ ಪೂರುಷಘ್ನೇ ಕ್ಷಯದ್ವೀರಾಯ ಸುಮ್ನಮಸ್ಮೇ ತೇ ಅಸ್ತು ।
ರಕ್ಷಾ ಚ ನೋ ಅಧಿ ಚ ದೇವ ಬ್ರೂಹ್ಯಧಾ ಚ ನ-ಶ್ಶರ್ಮ ಯಚ್ಛ ದ್ವಿಬರ್ಹಾಃ ।
ಸ್ತುಹಿ ಶ್ರುತ-ಙ್ಗರ್ತಸದಂ-ಯುಁವಾನ-ಮ್ಮೃಗನ್ನ ಭೀಮಮುಪಹತ್ನುಮುಗ್ರಮ್ ।
ಮೃಡಾ ಜರಿತ್ರೇ ರುದ್ರ ಸ್ತವಾನೋ ಅನ್ಯನ್ತೇ ಅಸ್ಮನ್ನಿವಪನ್ತು ಸೇನಾಃ ।
ಪರಿಣೋ ರುದ್ರಸ್ಯ ಹೇತಿರ್ವೃಣಕ್ತು ಪರಿ ತ್ವೇಷಸ್ಯ ದುರ್ಮತಿ ರಘಾಯೋಃ ।
ಅವ ಸ್ಥಿರಾ ಮಘವದ್ಭ್ಯ-ಸ್ತನುಷ್ವ ಮೀಢ್ವಸ್ತೋಕಾಯ ತನಯಾಯ ಮೃಡಯ ।
ಮೀಢುಷ್ಟಮ ಶಿವತಮ ಶಿವೋ ನಃ ಸುಮನಾ ಭವ ।
ಪರಮೇ ವೃಕ್ಷ ಆಯುಧನ್ನಿಧಾಯ ಕೃತ್ತಿಂ-ವಁಸಾನ ಆಚರ ಪಿನಾಕ-ಮ್ಬಿಭ್ರದಾಗಹಿ ।
ವಿಕಿರಿದ ವಿಲೋಹಿತ ನಮಸ್ತೇ ಅಸ್ತು ಭಗವಃ ।
ಯಾಸ್ತೇ ಸಹಸ್ರಗ್ಂ ಹೇತಯೋನ್ಯಮಸ್ಮನ್ನಿವಪನ್ತು ತಾಃ ।
ಸಹಸ್ರಾಣಿ ಸಹಸ್ರಧಾ ಬಾಹುವೋಸ್ತವ ಹೇತಯಃ ।
ತಾಸಾಮೀಶಾನೋ ಭಗವಃ ಪರಾಚೀನಾ ಮುಖಾ ಕೃಧಿ ॥ 10 ॥

ಸಹಸ್ರಾಣಿ ಸಹಸ್ರಶೋ ಯೇ ರುದ್ರಾ ಅಧಿ ಭೂಮ್ಯಾಮ್ ।
ತೇಷಾಗ್ಂ ಸಹಸ್ರಯೋಜನೇ-ಽವಧನ್ವಾನಿ ತನ್ಮಸಿ ।
ಅಸ್ಮಿನ್ಮಹತ್ಯರ್ಣವೇ-ಽನ್ತರಿಕ್ಷೇ ಭವಾ ಅಧಿ ।
ನೀಲಗ್ರೀವಾ-ಶ್ಶಿತಿಕಣ್ಠಾ-ಶ್ಶರ್ವಾ ಅಧಃ, ಕ್ಷಮಾಚರಾಃ ।
ನೀಲಗ್ರೀವಾ-ಶ್ಶಿತಿಕಣ್ಠಾ ದಿವಗ್ಂ ರುದ್ರಾ ಉಪಶ್ರಿತಾಃ ।
ಯೇ ವೃಕ್ಷೇಷು ಸಸ್ಪಿಞ್ಜರಾ ನೀಲಗ್ರೀವಾ ವಿಲೋಹಿತಾಃ ।
ಯೇ ಭೂತಾನಾಮಧಿಪತಯೋ ವಿಶಿಖಾಸಃ ಕಪರ್ದಿನಃ ।
ಯೇ ಅನ್ನೇಷು ವಿವಿಧ್ಯನ್ತಿ ಪಾತ್ರೇಷು ಪಿಬತೋ ಜನಾನ್ ।
ಯೇ ಪಥಾ-ಮ್ಪಥಿರಕ್ಷಯ ಐಲಬೃದಾ ಯವ್ಯುಧಃ ।
ಯೇ ತೀರ್ಥಾನಿ ಪ್ರಚರನ್ತಿ ಸೃಕಾವನ್ತೋ ನಿಷಙ್ಗಿಣಃ ।
ಯ ಏತಾವನ್ತಶ್ಚ ಭೂಯಾಗ್ಂಸಶ್ಚ ದಿಶೋ ರುದ್ರಾ ವಿತಸ್ಥಿರೇ ।
ತೇಷಾಗ್ಂ ಸಹಸ್ರಯೋಜನೇ-ಽವಧನ್ವಾನಿ ತನ್ಮಸಿ ।
ನಮೋ ರುದ್ರೇಭ್ಯೋ ಯೇ ಪೃಥಿವ್ಯಾಂ-ಯೇಁ-ಽನ್ತರಿಕ್ಷೇ ಯೇ ದಿವಿ ಯೇಷಾಮನ್ನಂ-ವಾಁತೋ ವರ್ಷಮಿಷವಸ್ತೇಭ್ಯೋ ದಶ ಪ್ರಾಚೀರ್ದಶ ದಕ್ಷಿಣಾ ದಶ ಪ್ರತೀಚೀ-ರ್ದಶೋ-ದೀಚೀ-ರ್ದಶೋರ್ಧ್ವಾಸ್ತೇಭ್ಯೋ ನಮಸ್ತೇ ನೋ ಮೃಡಯನ್ತು ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ॥ 11 ॥

ತ್ರ್ಯಮ್ಬಕಂ-ಯಁಜಾಮಹೇ ಸುಗನ್ಧಿ-ಮ್ಪುಷ್ಟಿವರ್ಧನಮ್ ।
ಉರ್ವಾರುಕಮಿವ ಬನ್ಧನಾನ್ಮೃತ್ಯೋರ್ಮುಕ್ಷೀಯ ಮಾ-ಽಮೃತಾತ್ ।
ಯೋ ರುದ್ರೋ ಅಗ್ನೌ ಯೋ ಅಪ್ಸು ಯ ಓಷಧೀಷು ಯೋ ರುದ್ರೋ ವಿಶ್ವಾ ಭುವನಾ ವಿವೇಶ ತಸ್ಮೈ ರುದ್ರಾಯ ನಮೋ ಅಸ್ತು ।
ತಮು ಷ್ಟುಹಿ ಯ-ಸ್ಸ್ವಿಷುಸ್ಸುಧನ್ವಾ ಯೋ ವಿಶ್ವಸ್ಯ ಕ್ಷಯತಿ ಭೇಷಜಸ್ಯ ।
ಯಕ್ಷ್ವಾಮಹೇ ಸೌಮನಸಾಯ ರುದ್ರ-ನ್ನಮೋಭಿರ್ದೇವಮಸುರ-ನ್ದುವಸ್ಯ ।
ಅಯ-ಮ್ಮೇ ಹಸ್ತೋ ಭಗವಾನಯ-ಮ್ಮೇ ಭಗವತ್ತರಃ ।
ಅಯ-ಮ್ಮೇ ವಿಶ್ವಭೇಷಜೋ-ಽಯಗ್ಂ ಶಿವಾಭಿಮರ್ಶನಃ ।
ಯೇ ತೇ ಸಹಸ್ರಮಯುತ-ಮ್ಪಾಶಾ ಮೃತ್ಯೋ ಮರ್ತ್ಯಾಯ ಹನ್ತವೇ ।
ತಾನ್ ಯಜ್ಞಸ್ಯ ಮಾಯಯಾ ಸರ್ವಾನವ ಯಜಾಮಹೇ ।
ಮೃತ್ಯವೇ ಸ್ವಾಹಾ ಮೃತ್ಯವೇ ಸ್ವಾಹಾ ।
ಓ-ನ್ನಮೋ ಭಗವತೇ ರುದ್ರಾಯ ವಿಷ್ಣವೇ ಮೃತ್ಯುರ್ಮೇ ಪಾಹಿ ॥
ಪ್ರಾಣಾನಾ-ಙ್ಗ್ರನ್ಥಿರಸಿ ರುದ್ರೋ ಮಾ ವಿಶಾನ್ತಕಃ ।
ತೇನಾನ್ನೇನಾಪ್ಯಾಯಸ್ವ ॥
ನಮೋ ರುದ್ರಾಯ ವಿಷ್ಣವೇ ಮೃತ್ಯುರ್ಮೇ ಪಾಹಿ ॥
ಸದಾಶಿವೋಮ್ ।
ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ।