॥ श्री शुक्र स्तवराज स्तोत्रम् ॥
॥ श्रीब्रह्मयामले ॥
॥ विनियोगः ॥
अस्य श्रीशुक्रस्तवराजस्य प्रजापतिरृषिः अनुष्टुप् छन्दः
श्रीशुक्रो देवता श्रीशुक्रप्रीत्यर्थे जपे विनियोगः ॥
श्रीशुक्रो देवता श्रीशुक्रप्रीत्यर्थे जपे विनियोगः ॥
॥ स्तवराज ॥
नमस्ते भार्गवश्रेष्ठ दैत्यदानवपूजित ।
वृष्टिरोधप्रकर्त्रे च वृष्टिकर्त्रे नमो नमः ॥ १ ॥
वृष्टिरोधप्रकर्त्रे च वृष्टिकर्त्रे नमो नमः ॥ १ ॥
देवयानिपतिस्तुभ्यं वेदवेदाङ्गपारगः ।
परेण तपसा शुद्धः शङ्करो लोकसुन्दरः ॥ २ ॥
परेण तपसा शुद्धः शङ्करो लोकसुन्दरः ॥ २ ॥
प्राप्तो विद्यां जीवनाख्यां तस्मै शुक्रात्मने नमः ।
नमस्तस्मै भगवते भृगुपुत्राय वेधसे ॥ ३ ॥
नमस्तस्मै भगवते भृगुपुत्राय वेधसे ॥ ३ ॥
तारामण्डलमध्यस्थ स्वभासाभासिताम्बर ।
यस्योदये जगत्सर्वं मङ्गलार्हं भवेदिह ॥ ४ ॥
यस्योदये जगत्सर्वं मङ्गलार्हं भवेदिह ॥ ४ ॥
अस्तं याते ह्यरिष्टं स्यात्तस्मै मङ्गलरूपिणे ।
त्रिपुरावासिनो दैत्यान् शिवबाणप्रपीडितान् ॥ ५ ॥
त्रिपुरावासिनो दैत्यान् शिवबाणप्रपीडितान् ॥ ५ ॥
विद्ययाऽजीवयच्छुक्रो नमस्ते भृगुनन्दन ।
ययातिगुरवे तुभ्यं नमस्ते कविनन्दन ॥ ६ ॥
ययातिगुरवे तुभ्यं नमस्ते कविनन्दन ॥ ६ ॥
बलिराज्यप्रदो जीवस्तस्मै जीवात्मने नमः ।
भार्गवाय नमस्तुभ्यं पूर्वगीर्वाणवन्दित ॥ ७ ॥
भार्गवाय नमस्तुभ्यं पूर्वगीर्वाणवन्दित ॥ ७ ॥
जीवपुत्राय यो विद्या प्रादात्तस्मै नमो नमः ।
नमः शुक्राय काव्याय भृगुपुत्राय धीमहि ॥ ८ ॥
नमः शुक्राय काव्याय भृगुपुत्राय धीमहि ॥ ८ ॥
नमः कारणरूपाय नमस्ते कारणात्मने ।
स्तवराजमिदं पुण्यं भार्गवस्य महात्मनः ॥ ९ ॥
स्तवराजमिदं पुण्यं भार्गवस्य महात्मनः ॥ ९ ॥
॥ फलश्रुति ॥
यः पठेच्छृणुयाद्वापि लभते वाञ्छितं फलम् ।
पुत्रकामो लभेत्पुत्रान् श्रीकामो लभते श्रियम् ॥ १० ॥
पुत्रकामो लभेत्पुत्रान् श्रीकामो लभते श्रियम् ॥ १० ॥
राज्यकामो लभेद्राज्यं स्त्रीकामः स्त्रियमुत्तमाम् ।
भृगुवारे प्रयत्नेन पठितव्यं समाहितैः ॥ ११ ॥
भृगुवारे प्रयत्नेन पठितव्यं समाहितैः ॥ ११ ॥
अन्यवारे तु होरायां पूजयेद्भृगुनन्दनम् ।
रोगार्तो मुच्यते रोगाद्भयार्तो मुच्यते भयात् ॥ १२ ॥
रोगार्तो मुच्यते रोगाद्भयार्तो मुच्यते भयात् ॥ १२ ॥
यद्यत् प्रार्थयते जन्तुस्तत्तत्प्राप्नोति सर्वदा ।
प्रातःकाले प्रकर्तव्या भृगुपूजा प्रयत्नतः ।
सर्वपापविनिर्मुक्तः प्राप्नुयाच्छिवसन्निधिम् ॥ १३ ॥
प्रातःकाले प्रकर्तव्या भृगुपूजा प्रयत्नतः ।
सर्वपापविनिर्मुक्तः प्राप्नुयाच्छिवसन्निधिम् ॥ १३ ॥
॥ इति श्रीब्रह्मयामले श्री शुक्र स्तवराजः सम्पूर्णः ॥