శ్రీశుక ఉవాచ
యోఽన్త్యః పురఞ్జయో నామ భవిష్యో బారహద్రథః ।
తస్యామాత్యస్తు శునకో హత్వా స్వామినమాత్మజమ్ ॥ ౧ ॥
యోఽన్త్యః పురఞ్జయో నామ భవిష్యో బారహద్రథః ।
తస్యామాత్యస్తు శునకో హత్వా స్వామినమాత్మజమ్ ॥ ౧ ॥
ప్రద్యోతసంజ్ఞం రాజానం కర్తా యత్ పాలకః సుతః ।
విశాఖయూపస్తత్పుత్రో భవితా రాజకస్తతః ॥ ౨ ॥
విశాఖయూపస్తత్పుత్రో భవితా రాజకస్తతః ॥ ౨ ॥
నన్దివర్ధనస్తత్పుత్రః పఞ్చ ప్రద్యోతనా ఇమే ।
అష్టత్రింశోత్తరశతం భోక్ష్యన్తి పృథివీం నృపాః ॥ ౩ ॥
అష్టత్రింశోత్తరశతం భోక్ష్యన్తి పృథివీం నృపాః ॥ ౩ ॥
శిశునాగస్తతో భావ్యః కాకవర్ణస్తు తత్సుతః ।
క్షేమధర్మా తస్య సుతః క్షేత్రజ్ఞః క్షేమధర్మజః ॥ ౪ ॥
క్షేమధర్మా తస్య సుతః క్షేత్రజ్ఞః క్షేమధర్మజః ॥ ౪ ॥
విధిసారః సుతస్తస్యాజాతశత్రుర్భవిష్యతి ।
దర్భకస్తత్సుతో భావీ దర్భకస్యాజయః స్మృతః ॥ ౫ ॥
దర్భకస్తత్సుతో భావీ దర్భకస్యాజయః స్మృతః ॥ ౫ ॥
నన్దివర్ధన ఆజేయో మహానన్దిః సుతస్తతః ।
శిశునాగా దశైవైతే సష్ట్యుత్తరశతత్రయమ్ ॥ ౬ ॥
శిశునాగా దశైవైతే సష్ట్యుత్తరశతత్రయమ్ ॥ ౬ ॥
సమా భోక్ష్యన్తి పృథివీం కురుశ్రేష్ఠ కలౌ నృపాః ।
మహానన్దిసుతో రాజన్ శూద్రాగర్భోద్భవో బలీ ॥ ౭ ॥
మహానన్దిసుతో రాజన్ శూద్రాగర్భోద్భవో బలీ ॥ ౭ ॥
మహాపద్మపతిః కశ్చిన్నన్దః క్షత్రవినాశకృత్ ।
తతో నృపా భవిష్యన్తి శూద్రప్రాయాస్త్వధార్మికాః ॥ ౮ ॥
తతో నృపా భవిష్యన్తి శూద్రప్రాయాస్త్వధార్మికాః ॥ ౮ ॥
స ఏకచ్ఛత్రాం పృథివీమనుల్లఙ్ఘితశాసనః ।
శాసిష్యతి మహాపద్మో ద్వితీయ ఇవ భార్గవః ॥ ౯ ॥
శాసిష్యతి మహాపద్మో ద్వితీయ ఇవ భార్గవః ॥ ౯ ॥
తస్య చాష్టౌ భవిష్యన్తి సుమాల్యప్రముఖాః సుతాః ।
య ఇమాం భోక్ష్యన్తి మహీం రాజానశ్చ శతం సమాః ॥ ౧౦ ॥
య ఇమాం భోక్ష్యన్తి మహీం రాజానశ్చ శతం సమాః ॥ ౧౦ ॥
నవ నన్దాన్ ద్విజః కశ్చిత్ ప్రపన్నానుద్ధరిష్యతి ।
తేషామభావే జగతీం మౌర్యా భోక్ష్యన్తి వై కలౌ ॥ ౧౧ ॥
తేషామభావే జగతీం మౌర్యా భోక్ష్యన్తి వై కలౌ ॥ ౧౧ ॥
స ఏవ చన్ద్రగుప్తం వై ద్విజో రాజ్యేఽభిషేక్ష్యతి ।
తత్సుతో వారిసారస్తు తతశ్చాశోకవర్ధనః ॥ ౧౨ ॥
తత్సుతో వారిసారస్తు తతశ్చాశోకవర్ధనః ॥ ౧౨ ॥
సుయశా భవితా తస్య సఙ్గతః సుయశఃసుతః ।
శాలిశూకస్తతస్తస్య సోమశర్మా భవిష్యతి ।
శతధన్వా తతస్తస్య భవితా తద్ బృహద్రథః ॥ ౧౩ ॥
శాలిశూకస్తతస్తస్య సోమశర్మా భవిష్యతి ।
శతధన్వా తతస్తస్య భవితా తద్ బృహద్రథః ॥ ౧౩ ॥
మౌర్యా హ్యేతే దశ నృపాః సప్తత్రింశచ్ఛతోత్తరమ్ ।
సమా భోక్ష్యన్తి పృథివీం కలౌ కురుకులోద్వహ ॥ ౧౪ ॥
సమా భోక్ష్యన్తి పృథివీం కలౌ కురుకులోద్వహ ॥ ౧౪ ॥
అగ్నిమిత్రస్తతస్తస్మాత్ సుజ్యేష్ఠో భవితా తతః ।
వసుమిత్రో భద్రకశ్చ పులిన్దో భవితా సుతః ॥ ౧౫ ॥
వసుమిత్రో భద్రకశ్చ పులిన్దో భవితా సుతః ॥ ౧౫ ॥
తతో ఘోషః సుతస్తస్మాద్ వజ్రమిత్రో భవిష్యతి ।
తతో భాగవతస్తస్మాద్ దేవభూతిః కురూద్వహ ॥ ౧౬ ॥
తతో భాగవతస్తస్మాద్ దేవభూతిః కురూద్వహ ॥ ౧౬ ॥
శుఙ్గా దశైతే భోక్ష్యన్తి భూమిం వర్షశతాధికమ్ ।
తతః కాణ్వానియం భూమిర్యాస్యత్యల్పగుణాన్నృప ॥ ౧౭ ॥
తతః కాణ్వానియం భూమిర్యాస్యత్యల్పగుణాన్నృప ॥ ౧౭ ॥
శుఙ్గం హత్వా దేవభూతిం కాణ్వోఽమాత్యస్తు కామినమ్ ।
స్వయం కరిష్యతే రాజ్యం వసుదేవో మహామతిః ॥ ౧౮ ॥
స్వయం కరిష్యతే రాజ్యం వసుదేవో మహామతిః ॥ ౧౮ ॥
తస్య పుత్రస్తు భూమిత్రస్తస్య నారాయణః సుతః ।
కాణ్వాయనా ఇమే భూమిం చత్వారింశచ్చ పఞ్చ చ ।
శతాని త్రీణి భోక్ష్యన్తి వర్షాణాం చ కలౌ యుగే ॥ ౧౯ ॥
కాణ్వాయనా ఇమే భూమిం చత్వారింశచ్చ పఞ్చ చ ।
శతాని త్రీణి భోక్ష్యన్తి వర్షాణాం చ కలౌ యుగే ॥ ౧౯ ॥
హత్వా కాణ్వం సుశర్మాణం తద్ భృత్యో వృషలో బలీ ।
గాం భోక్ష్యత్యన్ధ్రజాతీయః కఞ్చిత్ కాలమసత్తమః ॥ ౨౦ ॥
గాం భోక్ష్యత్యన్ధ్రజాతీయః కఞ్చిత్ కాలమసత్తమః ॥ ౨౦ ॥
కృష్ణనామాథ తద్భ్రాతా భవితా పృథివీపతిః ।
శ్రీశాన్తకర్ణస్తత్పుత్రః పౌర్ణమాసస్తు తత్సుతః ॥ ౨౧ ॥
శ్రీశాన్తకర్ణస్తత్పుత్రః పౌర్ణమాసస్తు తత్సుతః ॥ ౨౧ ॥
లమ్బోదరస్తు తత్పుత్రస్తస్మాచ్చిబిలకో నృపః ।
మేఘస్వాతిశ్చిబిలకాదటమానస్తు తస్య చ ॥ ౨౨ ॥
మేఘస్వాతిశ్చిబిలకాదటమానస్తు తస్య చ ॥ ౨౨ ॥
అనిష్టకర్మా హాలేయస్తలకస్తస్య చాత్మజః ।
పురీషభీరుస్తత్పుత్రస్తతో రాజా సునన్దనః ॥ ౨౩ ॥
పురీషభీరుస్తత్పుత్రస్తతో రాజా సునన్దనః ॥ ౨౩ ॥
చకోరో బహవో యత్ర శివస్వాతిరరిన్దమః ।
తస్యాపి గోమతీపుత్రః పురీమాన్ భవితా తతః ॥ ౨౪ ॥
తస్యాపి గోమతీపుత్రః పురీమాన్ భవితా తతః ॥ ౨౪ ॥
మేదశిరాః శివస్కన్దో యజ్ఞశ్రీస్తత్సుతస్తతః ।
విజయస్తత్సుతో భావ్యశ్చన్ద్రవిజ్ఞః సలోమధిః ॥ ౨౫ ॥
విజయస్తత్సుతో భావ్యశ్చన్ద్రవిజ్ఞః సలోమధిః ॥ ౨౫ ॥
ఏతే త్రింశన్నృపతయశ్చత్వార్యబ్దశతాని చ ।
షట్పఞ్చాశచ్చ పృథివీం భోక్ష్యన్తి కురునన్దన ॥ ౨౬ ॥
షట్పఞ్చాశచ్చ పృథివీం భోక్ష్యన్తి కురునన్దన ॥ ౨౬ ॥
సప్తాభీరా ఆవభృత్యా దశ గర్దభినో నృపాః ।
కఙ్కాః షోడశ భూపాలా భవిష్యన్త్యతిలోలుపాః ॥ ౨౭ ॥
కఙ్కాః షోడశ భూపాలా భవిష్యన్త్యతిలోలుపాః ॥ ౨౭ ॥
తతోఽష్టౌ యవనా భావ్యాశ్చతుర్దశ తురుష్కకాః ।
భూయో దశ గురుణ్డాశ్చ మౌలా ఏకాదశైవ తు ॥ ౨౮ ॥
భూయో దశ గురుణ్డాశ్చ మౌలా ఏకాదశైవ తు ॥ ౨౮ ॥
ఏతే భోక్ష్యన్తి పృథివీం దశవర్షశతాని చ ।
నవాధికాం చ నవతిం మౌలా ఏకాదశ క్షితిమ్ ॥ ౨౯ ॥
నవాధికాం చ నవతిం మౌలా ఏకాదశ క్షితిమ్ ॥ ౨౯ ॥
భోక్ష్యన్త్యబ్దశతాన్యఙ్గ త్రీణి తైః సంస్థితే తతః ।
కిలకిలాయాం నృపతయో భూతనన్దోఽథ వఙ్గిరిః ॥ ౩౦ ॥
కిలకిలాయాం నృపతయో భూతనన్దోఽథ వఙ్గిరిః ॥ ౩౦ ॥
శిశునన్దిశ్చ తద్భ్రాతా యశోనన్దిః ప్రవీరకః ।
ఇత్యేతే వై వర్షశతం భవిష్యన్త్యధికాని షట్ ॥ ౩౧ ॥
ఇత్యేతే వై వర్షశతం భవిష్యన్త్యధికాని షట్ ॥ ౩౧ ॥
తేషాం త్రయోదశ సుతా భవితారశ్చ బాహ్లికాః ।
పుష్పమిత్రోఽథ రాజన్యో దుర్మిత్రోఽస్య తథైవ చ ॥ ౩౨ ॥
పుష్పమిత్రోఽథ రాజన్యో దుర్మిత్రోఽస్య తథైవ చ ॥ ౩౨ ॥
ఏకకాలా ఇమే భూపాః సప్తాన్ధ్రాః సప్త కౌశలాః ।
విదూరపతయో భావ్యా నిషధాస్తత ఏవ హి ॥ ౩౩ ॥
విదూరపతయో భావ్యా నిషధాస్తత ఏవ హి ॥ ౩౩ ॥
మాగధానాం తు భవితా విశ్వస్ఫూర్జిః పురఞ్జయః ।
కరిష్యత్యపరో వర్ణాన్ పులిన్దయదుమద్రకాన్ ॥ ౩౪ ॥
కరిష్యత్యపరో వర్ణాన్ పులిన్దయదుమద్రకాన్ ॥ ౩౪ ॥
ప్రజాశ్చాబ్రహ్మభూయిష్ఠాః స్థాపయిష్యతి దుర్మతిః ।
వీర్యవాన్ క్షత్రముత్సాద్య పద్మవత్యాం స వై పురి ।
అనుగఙ్గమాప్రయాగం గుప్తాం భోక్ష్యతి మేదినీమ్ ॥ ౩౫ ॥
వీర్యవాన్ క్షత్రముత్సాద్య పద్మవత్యాం స వై పురి ।
అనుగఙ్గమాప్రయాగం గుప్తాం భోక్ష్యతి మేదినీమ్ ॥ ౩౫ ॥
సౌరాష్ట్రావన్త్యాభీరాశ్చ శూరా అర్బుదమాలవాః ।
వ్రాత్యా ద్విజా భవిష్యన్తి శూద్రప్రాయా జనాధిపాః ॥ ౩౬ ॥
వ్రాత్యా ద్విజా భవిష్యన్తి శూద్రప్రాయా జనాధిపాః ॥ ౩౬ ॥
సిన్ధోస్తటం చన్ద్రభాగాం కౌన్తీం కాశ్మీరమణ్డలమ్ ।
భోక్ష్యన్తి శూద్రా వ్రాత్యాద్యా మ్లేచ్ఛాశ్చాబ్రహ్మవర్చసః ॥ ౩౭ ॥
భోక్ష్యన్తి శూద్రా వ్రాత్యాద్యా మ్లేచ్ఛాశ్చాబ్రహ్మవర్చసః ॥ ౩౭ ॥
తుల్యకాలా ఇమే రాజన్ మ్లేచ్ఛప్రాయాశ్చ భూభృతః ।
ఏతేఽధర్మానృతపరాః ఫల్గుదాస్తీవ్రమన్యవః ॥ ౩౮ ॥
ఏతేఽధర్మానృతపరాః ఫల్గుదాస్తీవ్రమన్యవః ॥ ౩౮ ॥
స్త్రీబాలగోద్విజఘ్నాశ్చ పరదారధనాదృతాః ।
ఉదితాస్తమితప్రాయా అల్పసత్త్వాల్పకాయుషః ॥ ౩౯ ॥
ఉదితాస్తమితప్రాయా అల్పసత్త్వాల్పకాయుషః ॥ ౩౯ ॥
అసంస్కృతాః క్రియాహీనా రజసా తమసావృతాః ।
ప్రజాస్తే భక్షయిష్యన్తి మ్లేచ్ఛా రాజన్యరూపిణః ॥ ౪౦ ॥
ప్రజాస్తే భక్షయిష్యన్తి మ్లేచ్ఛా రాజన్యరూపిణః ॥ ౪౦ ॥
తన్నాథాస్తే జనపదాస్తచ్ఛీలాచారవాదినః ।
అన్యోన్యతో రాజభిశ్చ క్షయం యాస్యన్తి పీడితాః ॥ ౪౧ ॥
అన్యోన్యతో రాజభిశ్చ క్షయం యాస్యన్తి పీడితాః ॥ ౪౧ ॥
అసంస్కృతాః క్రియాహీనా రజసా తమసాఽఽవృతాః ।
ప్రజాస్తే భక్షయిష్యన్తి మ్లేచ్ఛా రాజన్యరూపిణః
ప్రజాస్తే భక్షయిష్యన్తి మ్లేచ్ఛా రాజన్యరూపిణః
తన్నాథాస్తే జనపదాస్తచ్ఛీలాచారవాదినః ।
అన్యోన్యతో రాజభిశ్చ క్షయం యాస్యన్తి పీడితాః
అన్యోన్యతో రాజభిశ్చ క్షయం యాస్యన్తి పీడితాః