ଶ୍ରୀଶୁକ ଉଵାଚ
ଅତ୍ରାନୁଵର୍ଣ୍ଯତେଽଭୀକ୍ଷ୍ଣଂ ଵିଶ୍ଵାତ୍ମା ଭଗଵାନ୍ ହରିଃ ।
ଯସ୍ଯ ପ୍ରସାଦଜୋ ବ୍ରହ୍ମା ରୁଦ୍ରଃ କ୍ରୋଧସମୁଦ୍ଭଵଃ ॥ ୧ ॥
ଅତ୍ରାନୁଵର୍ଣ୍ଯତେଽଭୀକ୍ଷ୍ଣଂ ଵିଶ୍ଵାତ୍ମା ଭଗଵାନ୍ ହରିଃ ।
ଯସ୍ଯ ପ୍ରସାଦଜୋ ବ୍ରହ୍ମା ରୁଦ୍ରଃ କ୍ରୋଧସମୁଦ୍ଭଵଃ ॥ ୧ ॥
ତ୍ଵଂ ତୁ ରାଜନ୍ ମରିଷ୍ଯେତି ପଶୁବୁଦ୍ଧିମିମାଂ ଜହି ।
ନ ଜାତଃ ପ୍ରାଗଭୂତୋଽଦ୍ଯ ଦେହଵତ୍ତ୍ଵଂ ନ ନଙ୍କ୍ଷ୍ଯସି ॥ ୨ ॥
ନ ଜାତଃ ପ୍ରାଗଭୂତୋଽଦ୍ଯ ଦେହଵତ୍ତ୍ଵଂ ନ ନଙ୍କ୍ଷ୍ଯସି ॥ ୨ ॥
ନ ଭଵିଷ୍ଯସି ଭୂତ୍ଵା ତ୍ଵଂ ପୁତ୍ରପୌତ୍ରାଦିରୂପଵାନ୍ ।
ବୀଜାଙ୍କୁରଵଦ୍ ଦେହାଦେର୍ଵ୍ଯତିରିକ୍ତୋ ଯଥାନଲଃ ॥ ୩ ॥
ବୀଜାଙ୍କୁରଵଦ୍ ଦେହାଦେର୍ଵ୍ଯତିରିକ୍ତୋ ଯଥାନଲଃ ॥ ୩ ॥
ସ୍ଵପ୍ନେ ଯଥା ଶିରଶ୍ଛେଦଂ ପଞ୍ଚତ୍ଵାଦ୍ଯାତ୍ମନଃ ସ୍ଵଯମ୍ ।
ଯସ୍ମାତ୍ ପଶ୍ଯତି ଦେହସ୍ଯ ତତ ଆତ୍ମା ହ୍ଯଜୋଽମରଃ ॥ ୪ ॥
ଯସ୍ମାତ୍ ପଶ୍ଯତି ଦେହସ୍ଯ ତତ ଆତ୍ମା ହ୍ଯଜୋଽମରଃ ॥ ୪ ॥
ଘଟେ ଭିନ୍ନେ ଘଟାକାଶ ଆକାଶଃ ସ୍ଯାଦ୍ ଯଥା ପୁରା ।
ଏଵଂ ଦେହେ ମୃତେ ଜୀଵୋ ବ୍ରହ୍ମ ସମ୍ପଦ୍ଯତେ ପୁନଃ ॥ ୫ ॥
ଏଵଂ ଦେହେ ମୃତେ ଜୀଵୋ ବ୍ରହ୍ମ ସମ୍ପଦ୍ଯତେ ପୁନଃ ॥ ୫ ॥
ମନଃ ସୃଜତି ଵୈ ଦେହାନ୍ ଗୁଣାନ୍ କର୍ମାଣି ଚାତ୍ମନଃ ।
ତନ୍ମନଃ ସୃଜତେ ମାଯା ତତୋ ଜୀଵସ୍ଯ ସଂସୃତିଃ ॥ ୬ ॥
ତନ୍ମନଃ ସୃଜତେ ମାଯା ତତୋ ଜୀଵସ୍ଯ ସଂସୃତିଃ ॥ ୬ ॥
ସ୍ନେହାଧିଷ୍ଠାନଵର୍ତ୍ଯଗ୍ନିସଂଯୋଗୋ ଯାଵଦୀଯତେ ।
ତାଵଦ୍ଦୀପସ୍ଯ ଦୀପତ୍ଵମେଵଂ ଦେହକୃତୋ ଭଵଃ ।
ରଜଃସତ୍ତ୍ଵତମୋଵୃତ୍ତ୍ଯା ଜାଯତେଽଥ ଵିନଶ୍ଯତି ॥ ୭ ॥
ତାଵଦ୍ଦୀପସ୍ଯ ଦୀପତ୍ଵମେଵଂ ଦେହକୃତୋ ଭଵଃ ।
ରଜଃସତ୍ତ୍ଵତମୋଵୃତ୍ତ୍ଯା ଜାଯତେଽଥ ଵିନଶ୍ଯତି ॥ ୭ ॥
ନ ତତ୍ରାତ୍ମା ସ୍ଵଯଂଜ୍ଯୋତିର୍ଯୋ ଵ୍ଯକ୍ତାଵ୍ଯକ୍ତଯୋଃ ପରଃ ।
ଆକାଶ ଇଵ ଚାଧାରୋ ଧ୍ରୁଵୋଽନନ୍ତୋପମସ୍ତତଃ ॥ ୮ ॥
ଆକାଶ ଇଵ ଚାଧାରୋ ଧ୍ରୁଵୋଽନନ୍ତୋପମସ୍ତତଃ ॥ ୮ ॥
ଏଵମାତ୍ମାନମାତ୍ମସ୍ଥମାତ୍ମନୈଵାମୃଶ ପ୍ରଭୋ ।
ବୁଦ୍ଧ୍ଯାନୁମାନଗର୍ଭିଣ୍ଯା ଵାସୁଦେଵାନୁଚିନ୍ତଯା ॥ ୯ ॥
ବୁଦ୍ଧ୍ଯାନୁମାନଗର୍ଭିଣ୍ଯା ଵାସୁଦେଵାନୁଚିନ୍ତଯା ॥ ୯ ॥
ଚୋଦିତୋ ଵିପ୍ରଵାକ୍ଯେନ ନ ତ୍ଵାଂ ଧକ୍ଷ୍ଯତି ତକ୍ଷକଃ ।
ମୃତ୍ଯଵୋ ନୋପଧକ୍ଷ୍ଯନ୍ତି ମୃତ୍ଯୂନାଂ ମୃତ୍ଯୁମୀଶ୍ଵରମ୍ ॥ ୧୦ ॥
ମୃତ୍ଯଵୋ ନୋପଧକ୍ଷ୍ଯନ୍ତି ମୃତ୍ଯୂନାଂ ମୃତ୍ଯୁମୀଶ୍ଵରମ୍ ॥ ୧୦ ॥
ଅହଂ ବ୍ରହ୍ମ ପରଂ ଧାମ ବ୍ରହ୍ମାହଂ ପରମଂ ପଦମ୍ ।
ଏଵଂ ସମୀକ୍ଷ୍ଯ ଚାତ୍ମାନମାତ୍ମନ୍ଯାଧାଯ ନିଷ୍କଲେ ॥ ୧୧ ॥
ଏଵଂ ସମୀକ୍ଷ୍ଯ ଚାତ୍ମାନମାତ୍ମନ୍ଯାଧାଯ ନିଷ୍କଲେ ॥ ୧୧ ॥
ଦଶନ୍ତଂ ତକ୍ଷକଂ ପାଦେ ଲେଲିହାନଂ ଵିଷାନନୈଃ ।
ନ ଦ୍ରକ୍ଷ୍ଯସି ଶରୀରଂ ଚ ଵିଶ୍ଵଂ ଚ ପୃଥଗାତ୍ମନଃ ॥ ୧୨ ॥
ନ ଦ୍ରକ୍ଷ୍ଯସି ଶରୀରଂ ଚ ଵିଶ୍ଵଂ ଚ ପୃଥଗାତ୍ମନଃ ॥ ୧୨ ॥
ଏତତ୍ତେ କଥିତଂ ତାତ ଯଦାତ୍ମା ପୃଷ୍ଟଵାନ୍ ନୃପ ।
ହରେର୍ଵିଶ୍ଵାତ୍ମନଶ୍ଚେଷ୍ଟାଂ କିଂ ଭୂଯଃ ଶ୍ରୋତୁମିଚ୍ଛସି ॥ ୧୩ ॥
ହରେର୍ଵିଶ୍ଵାତ୍ମନଶ୍ଚେଷ୍ଟାଂ କିଂ ଭୂଯଃ ଶ୍ରୋତୁମିଚ୍ଛସି ॥ ୧୩ ॥