সূত উবাচ
বৈযাসকেরিতি বচস্তত্ত্বনিশ্চযমাত্মনঃ ।
উপধার্য মতিং কৃষ্ণে ঔত্তরেযঃ সতীং ব্যধাত্ ॥ ১ ॥
বৈযাসকেরিতি বচস্তত্ত্বনিশ্চযমাত্মনঃ ।
উপধার্য মতিং কৃষ্ণে ঔত্তরেযঃ সতীং ব্যধাত্ ॥ ১ ॥
আত্মজাযাসুতাগারপশুদ্রবিণবন্ধুষু ।
রাজ্যে চাবিকলে নিত্যং বিরূঢাং মমতাং জহৌ ॥ ২ ॥
রাজ্যে চাবিকলে নিত্যং বিরূঢাং মমতাং জহৌ ॥ ২ ॥
পপ্রচ্ছ চেমমেবার্থং যন্মাং পৃচ্ছথ সত্তমাঃ ।
কৃষ্ণানুভাবশ্রবণে শ্রদ্দধানো মহামনাঃ ॥ ৩ ॥
কৃষ্ণানুভাবশ্রবণে শ্রদ্দধানো মহামনাঃ ॥ ৩ ॥
সংস্থাং বিজ্ঞায সংন্যস্য কর্ম ত্রৈবর্গিকং চ যত্ ।
বাসুদেবে ভগবতি আত্মভাবং দৃঢং গতঃ ॥ ৪ ॥
বাসুদেবে ভগবতি আত্মভাবং দৃঢং গতঃ ॥ ৪ ॥
রাজোবাচ
সমীচীনং বচো ব্রহ্মন্ সর্বজ্ঞস্য তবানঘ ।
তমো বিশীর্যতে মহ্যং হরেঃ কথযতঃ কথাম্ ॥ ৫ ॥
সমীচীনং বচো ব্রহ্মন্ সর্বজ্ঞস্য তবানঘ ।
তমো বিশীর্যতে মহ্যং হরেঃ কথযতঃ কথাম্ ॥ ৫ ॥
ভূয এব বিবিত্সামি ভগবানাত্মমাযযা ।
যথেদং সৃজতে বিশ্বং দুর্বিভাব্যমধীশ্বরৈঃ ॥ ৬ ॥
যথেদং সৃজতে বিশ্বং দুর্বিভাব্যমধীশ্বরৈঃ ॥ ৬ ॥
যথা গোপাযতি বিভুর্যথা সংযচ্ছতে পুনঃ ।
যাং যাং শক্তিমুপাশ্রিত্য পুরুশক্তিঃ পরঃ পুমান্ ।
আত্মানং ক্রীডযন্ ক্রীডন্ করোতি বিকরোতি চ ॥ ৭ ॥
যাং যাং শক্তিমুপাশ্রিত্য পুরুশক্তিঃ পরঃ পুমান্ ।
আত্মানং ক্রীডযন্ ক্রীডন্ করোতি বিকরোতি চ ॥ ৭ ॥
নূনং ভগবতো ব্রহ্মন্ হরেরদ্ভুতকর্মণঃ ।
দুর্বিভাব্যমিবাভাতি কবিভিশ্চাপি চেষ্টিতম্ ॥ ৮ ॥
দুর্বিভাব্যমিবাভাতি কবিভিশ্চাপি চেষ্টিতম্ ॥ ৮ ॥
যথা গুণাংস্তু প্রকৃতের্যুগপত্ ক্রমশোঽপি বা ।
বিভর্তি ভূরিশস্ত্বেকঃ কুর্বন্ কর্মাণি জন্মভিঃ ॥ ৯ ॥
বিভর্তি ভূরিশস্ত্বেকঃ কুর্বন্ কর্মাণি জন্মভিঃ ॥ ৯ ॥
বিচিকিত্সিতমেতন্মে ব্রবীতু ভগবান্ যথা ।
শাব্দে ব্রহ্মণি নিষ্ণাতঃ পরস্মিংশ্চ ভবান্খলু ॥ ১০ ॥
শাব্দে ব্রহ্মণি নিষ্ণাতঃ পরস্মিংশ্চ ভবান্খলু ॥ ১০ ॥
সূত উবাচ
ইত্যুপামন্ত্রিতো রাজ্ঞা গুণানুকথনে হরেঃ ।
হৃষীকেশমনুস্মৃত্য প্রতিবক্তুং প্রচক্রমে ॥ ১১ ॥
ইত্যুপামন্ত্রিতো রাজ্ঞা গুণানুকথনে হরেঃ ।
হৃষীকেশমনুস্মৃত্য প্রতিবক্তুং প্রচক্রমে ॥ ১১ ॥
শ্রী শুক উবাচ
নমঃ পরস্মৈ পুরুষায ভূযসে
সদুদ্ভবস্থাননিরোধলীলযা ।
গৃহীতশক্তিত্রিতযায দেহিনা-
মন্তর্ভবাযানুপলক্ষ্যবর্ত্মনে ॥ ১২ ॥
নমঃ পরস্মৈ পুরুষায ভূযসে
সদুদ্ভবস্থাননিরোধলীলযা ।
গৃহীতশক্তিত্রিতযায দেহিনা-
মন্তর্ভবাযানুপলক্ষ্যবর্ত্মনে ॥ ১২ ॥
ভূযো নমঃ সদ্বৃজিনচ্ছিদেঽসতা-
মসম্ভবাযাখিলসত্ত্বমূর্তযে ।
পুংসাং পুনঃ পারমহংস্য আশ্রমে
ব্যবস্থিতানামনুমৃগ্যদাশুষে ॥ ১৩ ॥
মসম্ভবাযাখিলসত্ত্বমূর্তযে ।
পুংসাং পুনঃ পারমহংস্য আশ্রমে
ব্যবস্থিতানামনুমৃগ্যদাশুষে ॥ ১৩ ॥
নমো নমস্তেঽস্ত্বৃষভায সাত্বতাং
বিদূরকাষ্ঠায মুহুঃ কুযোগিনাম্ ।
নিরস্তসাম্যাতিশযেন রাধসা
স্বধামনি ব্রহ্মণি রংস্যতে নমঃ ॥ ১৪ ॥
বিদূরকাষ্ঠায মুহুঃ কুযোগিনাম্ ।
নিরস্তসাম্যাতিশযেন রাধসা
স্বধামনি ব্রহ্মণি রংস্যতে নমঃ ॥ ১৪ ॥
যত্কীর্তনং যত্স্মরণং যদীক্ষণং
যদ্বন্দনং যচ্ছ্রবণং যদর্হণম্ ।
লোকস্য সদ্যো বিধুনোতি কল্মষং
তস্মৈ সুভদ্রশ্রবসে নমো নমঃ ॥ ১৫ ॥
যদ্বন্দনং যচ্ছ্রবণং যদর্হণম্ ।
লোকস্য সদ্যো বিধুনোতি কল্মষং
তস্মৈ সুভদ্রশ্রবসে নমো নমঃ ॥ ১৫ ॥
বিচক্ষণা যচ্চরণোপসাদনাত্
সঙ্গং ব্যুদস্যোভযতোঽন্তরাত্মনঃ ।
বিন্দন্তি হি ব্রহ্মগতিং গতক্লমা-
স্তস্মৈ সুভদ্রশ্রবসে নমো নমঃ ॥ ১৬ ॥
সঙ্গং ব্যুদস্যোভযতোঽন্তরাত্মনঃ ।
বিন্দন্তি হি ব্রহ্মগতিং গতক্লমা-
স্তস্মৈ সুভদ্রশ্রবসে নমো নমঃ ॥ ১৬ ॥
তপস্বিনো দানপরা যশস্বিনো
মনস্বিনো মন্ত্রবিদঃ সুমঙ্গলাঃ ।
ক্ষেমং ন বিন্দন্তি বিনা যদর্পণং
তস্মৈ সুভদ্রশ্রবসে নমো নমঃ ॥ ১৭ ॥
মনস্বিনো মন্ত্রবিদঃ সুমঙ্গলাঃ ।
ক্ষেমং ন বিন্দন্তি বিনা যদর্পণং
তস্মৈ সুভদ্রশ্রবসে নমো নমঃ ॥ ১৭ ॥
কিরাতহূণান্ধ্রপুলিন্দপুল্কশা
আভীরশুম্ভা যবনাঃ খসাদযঃ ।
যেঽন্যে চ পাপা যদপাশ্রযাশ্রযাঃ
শুধ্যন্তি তস্মৈ প্রভবিষ্ণবে নমঃ ॥ ১৮ ॥
আভীরশুম্ভা যবনাঃ খসাদযঃ ।
যেঽন্যে চ পাপা যদপাশ্রযাশ্রযাঃ
শুধ্যন্তি তস্মৈ প্রভবিষ্ণবে নমঃ ॥ ১৮ ॥
স এষ আত্মাত্মবতামধীশ্বর-
স্ত্রযীমযো ধর্মমযস্তপোমযঃ ।
গতব্যলীকৈরজশঙ্করাদিভি-
র্বিতর্ক্যলিঙ্গো ভগবান্ প্রসীদতাম্ ॥ ১৯ ॥
স্ত্রযীমযো ধর্মমযস্তপোমযঃ ।
গতব্যলীকৈরজশঙ্করাদিভি-
র্বিতর্ক্যলিঙ্গো ভগবান্ প্রসীদতাম্ ॥ ১৯ ॥
শ্রিযঃ পতির্যজ্ঞপতিঃ প্রজাপতি-
র্ধিযাং পতির্লোকপতির্ধরাপতিঃ ।
পতির্গতিশ্চান্ধকবৃষ্ণিসাত্বতাং
প্রসীদতাং মে ভগবান্ সতাং পতিঃ ॥ ২০ ॥
র্ধিযাং পতির্লোকপতির্ধরাপতিঃ ।
পতির্গতিশ্চান্ধকবৃষ্ণিসাত্বতাং
প্রসীদতাং মে ভগবান্ সতাং পতিঃ ॥ ২০ ॥
যদঙ্ঘ্র্যধ্যানসমাধিধৌতযা
ধিযানুপশ্যন্তি হি তত্ত্বমাত্মনঃ ।
বদন্তি চৈতত্ কবযো যথারুচং
স মে মুকুন্দো ভগবান্ প্রসীদতাম্ ॥ ২১ ॥
ধিযানুপশ্যন্তি হি তত্ত্বমাত্মনঃ ।
বদন্তি চৈতত্ কবযো যথারুচং
স মে মুকুন্দো ভগবান্ প্রসীদতাম্ ॥ ২১ ॥
প্রচোদিতা যেন পুরা সরস্বতী
বিতন্বতাজস্য সতীং স্মৃতিং হৃদি ।
স্বলক্ষণা প্রাদুরভূত্ কিলাস্যতঃ
স মে ঋষীণামৃষভঃ প্রসীদতাম্ ॥ ২২ ॥
বিতন্বতাজস্য সতীং স্মৃতিং হৃদি ।
স্বলক্ষণা প্রাদুরভূত্ কিলাস্যতঃ
স মে ঋষীণামৃষভঃ প্রসীদতাম্ ॥ ২২ ॥
ভূতৈর্মহদ্ভির্য ইমাঃ পুরো বিভু-
র্নির্মায শেতে যদমূষু পূরুষঃ ।
ভুঙ্ক্তে গুণান্ ষোডশ ষোডশাত্মকঃ
সোঽলঙ্কৃষীষ্ট ভগবান্ বচাংসি মে ॥ ২৩ ॥
র্নির্মায শেতে যদমূষু পূরুষঃ ।
ভুঙ্ক্তে গুণান্ ষোডশ ষোডশাত্মকঃ
সোঽলঙ্কৃষীষ্ট ভগবান্ বচাংসি মে ॥ ২৩ ॥
নমস্তস্মৈ ভগবতে বাসুদেবায বেধসে ।
পপুর্জ্ঞানমযং সৌম্যা যন্মুখাম্বুরুহাসবম্ ॥ ২৪ ॥
পপুর্জ্ঞানমযং সৌম্যা যন্মুখাম্বুরুহাসবম্ ॥ ২৪ ॥
এতদেবাত্মভূ রাজন্ নারদায বিপৃচ্ছতে ।
বেদগর্ভোঽভ্যধাত্ সাক্ষাদ্ যদাহ হরিরাত্মনঃ ॥ ২৫ ॥
বেদগর্ভোঽভ্যধাত্ সাক্ষাদ্ যদাহ হরিরাত্মনঃ ॥ ২৫ ॥