ମୈତ୍ରେଯ ଉଵାଚ
ଅଥ ତସ୍ଯ ପୁନର୍ଵିପ୍ରୈରପୁତ୍ରସ୍ଯ ମହୀପତେଃ ।
ବାହୁଭ୍ଯାଂ ମଥ୍ଯମାନାଭ୍ଯାଂ ମିଥୁନଂ ସମପଦ୍ଯତ ॥ ୧ ॥
ଅଥ ତସ୍ଯ ପୁନର୍ଵିପ୍ରୈରପୁତ୍ରସ୍ଯ ମହୀପତେଃ ।
ବାହୁଭ୍ଯାଂ ମଥ୍ଯମାନାଭ୍ଯାଂ ମିଥୁନଂ ସମପଦ୍ଯତ ॥ ୧ ॥
ତଦ୍ ଦୃଷ୍ଟ୍ଵା ମିଥୁନଂ ଜାତମୃଷଯୋ ବ୍ରହ୍ମଵାଦିନଃ ।
ଊଚୁଃ ପରମସନ୍ତୁଷ୍ଟା ଵିଦିତ୍ଵା ଭଗଵତ୍କଲାମ୍ ॥ ୨ ॥
ଊଚୁଃ ପରମସନ୍ତୁଷ୍ଟା ଵିଦିତ୍ଵା ଭଗଵତ୍କଲାମ୍ ॥ ୨ ॥
ଋଷଯ ଊଚୁଃ
ଏଷ ଵିଷ୍ଣୋର୍ଭଗଵତଃ କଲା ଭୁଵନପାଲିନୀ ।
ଇଯଂ ଚ ଲକ୍ଷ୍ମ୍ଯାଃ ସମ୍ଭୂତିଃ ପୁରୁଷସ୍ଯାନପାଯିନୀ ॥ ୩ ॥
ଏଷ ଵିଷ୍ଣୋର୍ଭଗଵତଃ କଲା ଭୁଵନପାଲିନୀ ।
ଇଯଂ ଚ ଲକ୍ଷ୍ମ୍ଯାଃ ସମ୍ଭୂତିଃ ପୁରୁଷସ୍ଯାନପାଯିନୀ ॥ ୩ ॥
ଅଯଂ ତୁ ପ୍ରଥମୋ ରାଜ୍ଞାଂ ପୁମାନ୍ ପ୍ରଥଯିତା ଯଶଃ ।
ପୃଥୁର୍ନାମ ମହାରାଜୋ ଭଵିଷ୍ଯତି ପୃଥୁଶ୍ରଵାଃ ॥ ୪ ॥
ପୃଥୁର୍ନାମ ମହାରାଜୋ ଭଵିଷ୍ଯତି ପୃଥୁଶ୍ରଵାଃ ॥ ୪ ॥
ଇଯଂ ଚ ସୁଦତୀ ଦେଵୀ ଗୁଣଭୂଷଣଭୂଷଣା ।
ଅର୍ଚିର୍ନାମ ଵରାରୋହା ପୃଥୁମେଵାଵରୁନ୍ଧତୀ ॥ ୫ ॥
ଅର୍ଚିର୍ନାମ ଵରାରୋହା ପୃଥୁମେଵାଵରୁନ୍ଧତୀ ॥ ୫ ॥
ଏଷ ସାକ୍ଷାଦ୍ଧରେରଂଶୋ ଜାତୋ ଲୋକରିରକ୍ଷଯା ।
ଇଯଂ ଚ ତତ୍ପରା ହି ଶ୍ରୀରନୁଜଜ୍ଞେଽନପାଯିନୀ ॥ ୬ ॥
ଇଯଂ ଚ ତତ୍ପରା ହି ଶ୍ରୀରନୁଜଜ୍ଞେଽନପାଯିନୀ ॥ ୬ ॥
ମୈତ୍ରେଯ ଉଵାଚ
ପ୍ରଶଂସନ୍ତି ସ୍ମ ତଂ ଵିପ୍ରା ଗନ୍ଧର୍ଵପ୍ରଵରା ଜଗୁଃ ।
ମୁମୁଚୁଃ ସୁମନୋଧାରାଃ ସିଦ୍ଧା ନୃତ୍ଯନ୍ତି ସ୍ଵଃସ୍ତ୍ରିଯଃ ॥ ୭ ॥
ପ୍ରଶଂସନ୍ତି ସ୍ମ ତଂ ଵିପ୍ରା ଗନ୍ଧର୍ଵପ୍ରଵରା ଜଗୁଃ ।
ମୁମୁଚୁଃ ସୁମନୋଧାରାଃ ସିଦ୍ଧା ନୃତ୍ଯନ୍ତି ସ୍ଵଃସ୍ତ୍ରିଯଃ ॥ ୭ ॥
ଶଙ୍ଖତୂର୍ଯମୃଦଙ୍ଗାଦ୍ଯା ନେଦୁର୍ଦୁନ୍ଦୁଭଯୋ ଦିଵି ।
ତତ୍ର ସର୍ଵ ଉପାଜଗ୍ମୁର୍ଦେଵର୍ଷିପିତୃଣାଂ ଗଣାଃ ॥ ୮ ॥
ତତ୍ର ସର୍ଵ ଉପାଜଗ୍ମୁର୍ଦେଵର୍ଷିପିତୃଣାଂ ଗଣାଃ ॥ ୮ ॥
ବ୍ରହ୍ମା ଜଗଦ୍ଗୁରୁର୍ଦେଵୈଃ ସହାସୃତ୍ଯ ସୁରେଶ୍ଵରୈଃ ।
ଵୈନ୍ଯସ୍ଯ ଦକ୍ଷିଣେ ହସ୍ତେ ଦୃଷ୍ଟ୍ଵା ଚିହ୍ନଂ ଗଦାଭୃତଃ ॥ ୯ ॥
ଵୈନ୍ଯସ୍ଯ ଦକ୍ଷିଣେ ହସ୍ତେ ଦୃଷ୍ଟ୍ଵା ଚିହ୍ନଂ ଗଦାଭୃତଃ ॥ ୯ ॥
ପାଦଯୋରରଵିନ୍ଦଂ ଚ ତଂ ଵୈ ମେନେ ହରେଃ କଲାମ୍ ।
ଯସ୍ଯାପ୍ରତିହତଂ ଚକ୍ରମଂଶଃ ସ ପରମେଷ୍ଠିନଃ ॥ ୧୦ ॥
ଯସ୍ଯାପ୍ରତିହତଂ ଚକ୍ରମଂଶଃ ସ ପରମେଷ୍ଠିନଃ ॥ ୧୦ ॥
ତସ୍ଯାଭିଷେକ ଆରବ୍ଧୋ ବ୍ରାହ୍ମଣୈର୍ବ୍ରହ୍ମଵାଦିଭିଃ ।
ଆଭିଷେଚନିକାନ୍ଯସ୍ମୈ ଆଜହ୍ରୁଃ ସର୍ଵତୋ ଜନାଃ ॥ ୧୧ ॥
ଆଭିଷେଚନିକାନ୍ଯସ୍ମୈ ଆଜହ୍ରୁଃ ସର୍ଵତୋ ଜନାଃ ॥ ୧୧ ॥
ସରିତ୍ସମୁଦ୍ରା ଗିରଯୋ ନାଗା ଗାଵଃ ଖଗା ମୃଗାଃ ।
ଦ୍ଯୌଃ କ୍ଷିତିଃ ସର୍ଵଭୂତାନି ସମାଜହ୍ରୁରୁପାଯନମ୍ ॥ ୧୨ ॥
ଦ୍ଯୌଃ କ୍ଷିତିଃ ସର୍ଵଭୂତାନି ସମାଜହ୍ରୁରୁପାଯନମ୍ ॥ ୧୨ ॥
ସୋଽଭିଷିକ୍ତୋ ମହାରାଜଃ ସୁଵାସାଃ ସାଧ୍ଵଲଡ୍କୃତଃ ।
ପତ୍ନ୍ଯାର୍ଚିଷାଲଡ୍କୃତଯା ଵିରେଜେଽଗ୍ନିରିଵାପରଃ ॥ ୧୩ ॥
ପତ୍ନ୍ଯାର୍ଚିଷାଲଡ୍କୃତଯା ଵିରେଜେଽଗ୍ନିରିଵାପରଃ ॥ ୧୩ ॥
ତସ୍ମୈ ଜହାର ଧନଦୋ ହୈମଂ ଵୀର ଵରାସନମ୍ ।
ଵରୁଣଃ ସଲିଲସ୍ରାଵମାତପତ୍ରଂ ଶଶିପ୍ରଭମ୍ ॥ ୧୪ ॥
ଵରୁଣଃ ସଲିଲସ୍ରାଵମାତପତ୍ରଂ ଶଶିପ୍ରଭମ୍ ॥ ୧୪ ॥
ଵାଯୁଶ୍ଚ ଵାଲଵ୍ଯଜନେ ଧର୍ମଃ କୀର୍ତିମଯୀଂ ସ୍ରଜମ୍ ।
ଇନ୍ଦ୍ରଃ କିରୀଟମୁତ୍କୃଷ୍ଟଂ ଦଣ୍ଡଂ ସଂଯମନଂ ଯମଃ ॥ ୧୫ ॥
ଇନ୍ଦ୍ରଃ କିରୀଟମୁତ୍କୃଷ୍ଟଂ ଦଣ୍ଡଂ ସଂଯମନଂ ଯମଃ ॥ ୧୫ ॥
ବ୍ରହ୍ମା ବ୍ରହ୍ମମଯଂ ଵର୍ମ ଭାରତୀ ହାରମୁତ୍ତମମ୍ ।
ହରିଃ ସୁଦର୍ଶନଂ ଚକ୍ରଂ ତତ୍ପତ୍ନ୍ଯଵ୍ଯାହତାଂ ଶ୍ରିଯମ୍ ॥ ୧୬ ॥
ହରିଃ ସୁଦର୍ଶନଂ ଚକ୍ରଂ ତତ୍ପତ୍ନ୍ଯଵ୍ଯାହତାଂ ଶ୍ରିଯମ୍ ॥ ୧୬ ॥
ଦଶଚନ୍ଦ୍ରମସିଂ ରୁଦ୍ରଃ ଶତଚନ୍ଦ୍ରଂ ତଥାମ୍ବିକା ।
ସୋମୋଽମୃତମଯାନଶ୍ଵାଂସ୍ତ୍ଵଷ୍ଟା ରୂପାଶ୍ରଯଂ ରଥମ୍ ॥ ୧୭ ॥
ସୋମୋଽମୃତମଯାନଶ୍ଵାଂସ୍ତ୍ଵଷ୍ଟା ରୂପାଶ୍ରଯଂ ରଥମ୍ ॥ ୧୭ ॥
ଅଗ୍ନିରାଜଗଵଂ ଚାପଂ ସୂର୍ଯୋ ରଶ୍ମିମଯାନିଷୂନ୍ ।
ଭୂଃ ପାଦୁକେ ଯୋଗମଯ୍ଯୌ ଦ୍ଯୌଃ ପୁଷ୍ପାଵଲିମନ୍ଵହମ୍ ॥ ୧୮ ॥
ଭୂଃ ପାଦୁକେ ଯୋଗମଯ୍ଯୌ ଦ୍ଯୌଃ ପୁଷ୍ପାଵଲିମନ୍ଵହମ୍ ॥ ୧୮ ॥
ନାଟ୍ଯଂ ସୁଗୀତଂ ଵାଦିତ୍ରମନ୍ତର୍ଧାନଂ ଚ ଖେଚରାଃ ।
ଋଷଯଶ୍ଚାଶିଷଃ ସତ୍ଯାଃ ସମୁଦ୍ରଃ ଶଙ୍ଖମାତ୍ମଜମ୍ ॥ ୧୯ ॥
ଋଷଯଶ୍ଚାଶିଷଃ ସତ୍ଯାଃ ସମୁଦ୍ରଃ ଶଙ୍ଖମାତ୍ମଜମ୍ ॥ ୧୯ ॥
ସିନ୍ଧଵଃ ପର୍ଵତା ନଦ୍ଯୋ ରଥଵୀଥୀର୍ମହାତ୍ମନଃ ।
ସୂତୋଽଥ ମାଗଧୋ ଵନ୍ଦୀ ତଂ ସ୍ତୋତୁମୁପତସ୍ଥିରେ ॥ ୨୦ ॥
ସୂତୋଽଥ ମାଗଧୋ ଵନ୍ଦୀ ତଂ ସ୍ତୋତୁମୁପତସ୍ଥିରେ ॥ ୨୦ ॥
ସ୍ତାଵକାଂସ୍ତାନଭିପ୍ରେତ୍ଯ ପୃଥୁର୍ଵୈନ୍ଯଃ ପ୍ରତାପଵାନ୍ ।
ମେଘନିର୍ହ୍ରାଦଯା ଵାଚା ପ୍ରହସନ୍ନିଦମବ୍ରଵୀତ୍ ॥ ୨୧ ॥
ମେଘନିର୍ହ୍ରାଦଯା ଵାଚା ପ୍ରହସନ୍ନିଦମବ୍ରଵୀତ୍ ॥ ୨୧ ॥
ପୃଥୁରୁଵାଚ
ଭୋଃ ସୂତ ହେ ମାଗଧ ସୌମ୍ଯ ଵନ୍ଦିଁ-
ଲ୍ଲୋକେଽଧୁନାସ୍ପଷ୍ଟଗୁଣସ୍ଯ ମେ ସ୍ଯାତ୍ ।
କିମାଶ୍ରଯୋ ମେ ସ୍ତଵ ଏଷ ଯୋଜ୍ଯତାଂ
ମା ମଯ୍ଯଭୂଵନ୍ଵିତଥା ଗିରୋ ଵଃ ॥ ୨୨ ॥
ଭୋଃ ସୂତ ହେ ମାଗଧ ସୌମ୍ଯ ଵନ୍ଦିଁ-
ଲ୍ଲୋକେଽଧୁନାସ୍ପଷ୍ଟଗୁଣସ୍ଯ ମେ ସ୍ଯାତ୍ ।
କିମାଶ୍ରଯୋ ମେ ସ୍ତଵ ଏଷ ଯୋଜ୍ଯତାଂ
ମା ମଯ୍ଯଭୂଵନ୍ଵିତଥା ଗିରୋ ଵଃ ॥ ୨୨ ॥
ତସ୍ମାତ୍ପରୋକ୍ଷେଽସ୍ମଦୁପଶ୍ରୁତାନ୍ଯଲଂ
କରିଷ୍ଯଥ ସ୍ତୋତ୍ରମପୀଚ୍ଯଵାଚଃ ।
ସତ୍ଯୁତ୍ତମଶ୍ଲୋକଗୁଣାନୁଵାଦେ
ଜୁଗୁପ୍ସିତଂ ନ ସ୍ତଵଯନ୍ତି ସଭ୍ଯାଃ ॥ ୨୩ ॥
କରିଷ୍ଯଥ ସ୍ତୋତ୍ରମପୀଚ୍ଯଵାଚଃ ।
ସତ୍ଯୁତ୍ତମଶ୍ଲୋକଗୁଣାନୁଵାଦେ
ଜୁଗୁପ୍ସିତଂ ନ ସ୍ତଵଯନ୍ତି ସଭ୍ଯାଃ ॥ ୨୩ ॥
ମହଦ୍ଗୁଣାନାତ୍ମନି କର୍ତୁମୀଶଃ
କଃ ସ୍ତାଵକୈଃ ସ୍ତାଵଯତେଽସତୋଽପି ।
ତେଽସ୍ଯାଭଵିଷ୍ଯନ୍ନିତି ଵିପ୍ରଲବ୍ଧୋ
ଜନାଵହାସଂ କୁମତିର୍ନ ଵେଦ ॥ ୨୪ ॥
କଃ ସ୍ତାଵକୈଃ ସ୍ତାଵଯତେଽସତୋଽପି ।
ତେଽସ୍ଯାଭଵିଷ୍ଯନ୍ନିତି ଵିପ୍ରଲବ୍ଧୋ
ଜନାଵହାସଂ କୁମତିର୍ନ ଵେଦ ॥ ୨୪ ॥
ପ୍ରଭଵୋ ହ୍ଯାତ୍ମନଃ ସ୍ତୋତ୍ରଂ ଜୁଗୁପ୍ସନ୍ତ୍ଯପି ଵିଶ୍ରୁତାଃ ।
ହ୍ରୀମନ୍ତଃ ପରମୋଦାରାଃ ପୌରୁଷଂ ଵା ଵିଗର୍ହିତମ୍ ॥ ୨୫ ॥
ହ୍ରୀମନ୍ତଃ ପରମୋଦାରାଃ ପୌରୁଷଂ ଵା ଵିଗର୍ହିତମ୍ ॥ ୨୫ ॥
ଵଯଂ ତ୍ଵଵିଦିତା ଲୋକେ ସୂତାଦ୍ଯାପି ଵରୀମଭିଃ ।
କର୍ମଭିଃ କଥମାତ୍ମାନଂ ଗାପଯିଷ୍ଯାମ ବାଲଵତ୍ ॥ ୨୬ ॥
କର୍ମଭିଃ କଥମାତ୍ମାନଂ ଗାପଯିଷ୍ଯାମ ବାଲଵତ୍ ॥ ୨୬ ॥