మైత్రేయ ఉవాచ
విజితాశ్వోఽధిరాజాసీత్పృథుపుత్రః పృథుశ్రవాః ।
యవీయోభ్యోఽదదాత్కాష్ఠా భ్రాతృభ్యో భ్రాతృవత్సలః ॥ ౧ ॥
విజితాశ్వోఽధిరాజాసీత్పృథుపుత్రః పృథుశ్రవాః ।
యవీయోభ్యోఽదదాత్కాష్ఠా భ్రాతృభ్యో భ్రాతృవత్సలః ॥ ౧ ॥
హర్యక్షాయాదిశత్ప్రాచీం ధూమ్రకేశాయ దక్షిణామ్ ।
ప్రతీచీం వృకసంజ్ఞాయ తుర్యాం ద్రవిణసే విభుః ॥ ౨ ॥
ప్రతీచీం వృకసంజ్ఞాయ తుర్యాం ద్రవిణసే విభుః ॥ ౨ ॥
అన్తర్ధానగతిం శక్రాల్లబ్ధ్వాన్తర్ధానసంజ్ఞితః ।
అపత్యత్రయమాధత్త శిఖణ్డిన్యాం సుసమ్మతమ్ ॥ ౩ ॥
అపత్యత్రయమాధత్త శిఖణ్డిన్యాం సుసమ్మతమ్ ॥ ౩ ॥
పావకః పవమానశ్చ శుచిరిత్యగ్నయః పురా ।
వసిష్ఠశాపాదుత్పన్నాః పునర్యోగగతిం గతాః ॥ ౪ ॥
వసిష్ఠశాపాదుత్పన్నాః పునర్యోగగతిం గతాః ॥ ౪ ॥
అన్తర్ధానో నభస్వత్యాం హవిర్ధానమవిన్దత ।
య ఇన్ద్రమశ్వహర్తారం విద్వానపి న జఘ్నివాన్ ॥ ౫ ॥
య ఇన్ద్రమశ్వహర్తారం విద్వానపి న జఘ్నివాన్ ॥ ౫ ॥
రాజ్ఞాం వృత్తిం కరాదానదణ్డశుల్కాదిదారుణామ్ ।
మన్యమానో దీర్ఘసత్త్రవ్యాజేన విససర్జ హ ॥ ౬ ॥
మన్యమానో దీర్ఘసత్త్రవ్యాజేన విససర్జ హ ॥ ౬ ॥
తత్రాపి హంసం పురుషం పరమాత్మానమాత్మదృక్ ।
యజంస్తల్లోకతామాప కుశలేన సమాధినా ॥ ౭ ॥
యజంస్తల్లోకతామాప కుశలేన సమాధినా ॥ ౭ ॥
హవిర్ధానాద్ధవిర్ధానీ విదురాసూత షట్సుతాన్ ।
బర్హిషదం గయం శుక్లం కృష్ణం సత్యం జితవ్రతమ్ ॥ ౮ ॥
బర్హిషదం గయం శుక్లం కృష్ణం సత్యం జితవ్రతమ్ ॥ ౮ ॥
బర్హిషత్ సుమహాభాగో హావిర్ధానిః ప్రజాపతిః ।
క్రియాకాణ్డేషు నిష్ణాతో యోగేషు చ కురూద్వహ ॥ ౯ ॥
క్రియాకాణ్డేషు నిష్ణాతో యోగేషు చ కురూద్వహ ॥ ౯ ॥
యస్యేదం దేవయజనమనుయజ్ఞం వితన్వతః ।
ప్రాచీనాగ్రైః కుశైరాసీదాస్తృతం వసుధాతలమ్ ॥ ౧౦ ॥
ప్రాచీనాగ్రైః కుశైరాసీదాస్తృతం వసుధాతలమ్ ॥ ౧౦ ॥
సాముద్రీం దేవదేవోక్తాముపయేమే శతద్రుతిమ్ ।
యాం వీక్ష్య చారుసర్వాఙ్గీం కిశోరీం సుష్ఠ్వలఙ్కృతామ్ ।
పరిక్రమన్తీముద్వాహే చకమేఽగ్నిః శుకీమివ ॥ ౧౧ ॥
యాం వీక్ష్య చారుసర్వాఙ్గీం కిశోరీం సుష్ఠ్వలఙ్కృతామ్ ।
పరిక్రమన్తీముద్వాహే చకమేఽగ్నిః శుకీమివ ॥ ౧౧ ॥
విబుధాసురగన్ధర్వమునిసిద్ధనరోరగాః ।
విజితాః సూర్యయా దిక్షు క్వణయన్త్యైవ నూపురైః ॥ ౧౨ ॥
విజితాః సూర్యయా దిక్షు క్వణయన్త్యైవ నూపురైః ॥ ౧౨ ॥
ప్రాచీనబర్హిషః పుత్రాః శతద్రుత్యాం దశాభవన్ ।
తుల్యనామవ్రతాః సర్వే ధర్మస్నాతాః ప్రచేతసః ॥ ౧౩ ॥
తుల్యనామవ్రతాః సర్వే ధర్మస్నాతాః ప్రచేతసః ॥ ౧౩ ॥
పిత్రాదిష్టాః ప్రజాసర్గే తపసేఽర్ణవమావిశన్ ।
దశవర్షసహస్రాణి తపసార్చంస్తపస్పతిమ్ ॥ ౧౪ ॥
దశవర్షసహస్రాణి తపసార్చంస్తపస్పతిమ్ ॥ ౧౪ ॥
యదుక్తం పథి దృష్టేన గిరిశేన ప్రసీదతా ।
తద్ధ్యాయన్తో జపన్తశ్చ పూజయన్తశ్చ సంయతాః ॥ ౧౫ ॥
తద్ధ్యాయన్తో జపన్తశ్చ పూజయన్తశ్చ సంయతాః ॥ ౧౫ ॥
విదుర ఉవాచ
ప్రచేతసాం గిరిత్రేణ యథాసీత్పథి సఙ్గమః ।
యదుతాహ హరః ప్రీతస్తన్నో బ్రహ్మన్ వదార్థవత్ ॥ ౧౬ ॥
ప్రచేతసాం గిరిత్రేణ యథాసీత్పథి సఙ్గమః ।
యదుతాహ హరః ప్రీతస్తన్నో బ్రహ్మన్ వదార్థవత్ ॥ ౧౬ ॥
సఙ్గమః ఖలు విప్రర్షే శివేనేహ శరీరిణామ్ ।
దుర్లభో మునయో దధ్యురసఙ్గాద్యమభీప్సితమ్ ॥ ౧౭ ॥
దుర్లభో మునయో దధ్యురసఙ్గాద్యమభీప్సితమ్ ॥ ౧౭ ॥
ఆత్మారామోఽపి యస్త్వస్య లోకకల్పస్య రాధసే ।
శక్త్యా యుక్తో విచరతి ఘోరయా భగవాన్ భవః ॥ ౧౮ ॥
శక్త్యా యుక్తో విచరతి ఘోరయా భగవాన్ భవః ॥ ౧౮ ॥
మైత్రేయ ఉవాచ
ప్రచేతసః పితుర్వాక్యం శిరసాదాయ సాధవః ।
దిశం ప్రతీచీం ప్రయయుస్తపస్యాదృతచేతసః ॥ ౧౯ ॥
ప్రచేతసః పితుర్వాక్యం శిరసాదాయ సాధవః ।
దిశం ప్రతీచీం ప్రయయుస్తపస్యాదృతచేతసః ॥ ౧౯ ॥
ససముద్రముప విస్తీర్ణమపశ్యన్ సుమహత్సరః ।
మహన్మన ఇవ స్వచ్ఛం ప్రసన్నసలిలాశయమ్ ॥ ౨౦ ॥
మహన్మన ఇవ స్వచ్ఛం ప్రసన్నసలిలాశయమ్ ॥ ౨౦ ॥
నీలరక్తోత్పలామ్భోజకహ్లారేన్దీవరాకరమ్ ।
హంససారసచక్రాహ్వకారణ్డవనికూజితమ్ ॥ ౨౧ ॥
హంససారసచక్రాహ్వకారణ్డవనికూజితమ్ ॥ ౨౧ ॥
మత్తభ్రమరసౌస్వర్యహృష్టరోమలతాఙ్ఘ్రిపమ్ ।
పద్మకోశరజో దిక్షు విక్షిపత్పవనోత్సవమ్ ॥ ౨౨ ॥
పద్మకోశరజో దిక్షు విక్షిపత్పవనోత్సవమ్ ॥ ౨౨ ॥
తత్ర గాన్ధర్వమాకర్ణ్య దివ్యమార్గమనోహరమ్ ।
విసిస్మ్యూ రాజపుత్రాస్తే మృదఙ్గపణవాద్యను ॥ ౨౩ ॥
విసిస్మ్యూ రాజపుత్రాస్తే మృదఙ్గపణవాద్యను ॥ ౨౩ ॥
తర్హ్యేవ సరసస్తస్మాన్నిష్క్రామన్తం సహానుగమ్ ।
ఉపగీయమానమమరప్రవరం విబుధానుగైః ॥ ౨౪ ॥
ఉపగీయమానమమరప్రవరం విబుధానుగైః ॥ ౨౪ ॥
తప్తహేమనికాయాభం శితికణ్ఠం త్రిలోచనమ్ ।
ప్రసాదసుముఖం వీక్ష్య ప్రణేముర్జాతకౌతుకాః ॥ ౨౫ ॥
ప్రసాదసుముఖం వీక్ష్య ప్రణేముర్జాతకౌతుకాః ॥ ౨౫ ॥
స తాన్ ప్రపన్నార్తిహరో భగవాన్ధర్మవత్సలః ।
ధర్మజ్ఞాన్ శీలసమ్పన్నాన్ ప్రీతః ప్రీతానువాచ హ ॥ ౨౬ ॥
ధర్మజ్ఞాన్ శీలసమ్పన్నాన్ ప్రీతః ప్రీతానువాచ హ ॥ ౨౬ ॥
శ్రీరుద్ర ఉవాచ
యూయం వేదిషదః పుత్రా విదితం వశ్చికీర్షితమ్ ।
అనుగ్రహాయ భద్రం వ ఏవం మే దర్శనం
కృతమ్ ॥ ౨౭ ॥
యూయం వేదిషదః పుత్రా విదితం వశ్చికీర్షితమ్ ।
అనుగ్రహాయ భద్రం వ ఏవం మే దర్శనం
కృతమ్ ॥ ౨౭ ॥
యః పరం రంహసః
సాక్షాత్త్రిరగుణాజ్జీవసంజ్ఞితాత్ ।
భగవన్తం వాసుదేవం ప్రపన్నః స ప్రియో హి
మే ॥ ౨౮ ॥
సాక్షాత్త్రిరగుణాజ్జీవసంజ్ఞితాత్ ।
భగవన్తం వాసుదేవం ప్రపన్నః స ప్రియో హి
మే ॥ ౨౮ ॥
స్వధర్మనిష్ఠః శతజన్మభిః పుమాన్
విరిఞ్చతామేతి తతః పరం హి మామ్ ।
అవ్యాకృతం భాగవతోఽథ వైష్ణవం
పదం యథాహం విబుధాః కలాత్యయే ॥ ౨౯ ॥
విరిఞ్చతామేతి తతః పరం హి మామ్ ।
అవ్యాకృతం భాగవతోఽథ వైష్ణవం
పదం యథాహం విబుధాః కలాత్యయే ॥ ౨౯ ॥
అథ భాగవతా యూయం ప్రియాః స్థ భగవాన్ యథా ।
న మద్భాగవతానాం చ ప్రేయానన్యోఽస్తి కర్హిచిత్ ॥ ౩౦ ॥
న మద్భాగవతానాం చ ప్రేయానన్యోఽస్తి కర్హిచిత్ ॥ ౩౦ ॥
ఇదం వివిక్తం జప్తవ్యం పవిత్రం మఙ్గలం పరమ్ ।
నిఃశ్రేయసకరం చాపి శ్రూయతాం తద్వదామి వః ॥ ౩౧ ॥
నిఃశ్రేయసకరం చాపి శ్రూయతాం తద్వదామి వః ॥ ౩౧ ॥
మైత్రేయ ఉవాచ
ఇత్యనుక్రోశహృదయో భగవానాహ తాఞ్ఛివః ।
బద్ధాఞ్జలీన్ రాజపుత్రాన్నారాయణపరో వచః ॥ ౩౨ ॥
ఇత్యనుక్రోశహృదయో భగవానాహ తాఞ్ఛివః ।
బద్ధాఞ్జలీన్ రాజపుత్రాన్నారాయణపరో వచః ॥ ౩౨ ॥
శ్రీరుద్ర ఉవాచ
జితం త ఆత్మవిద్వర్యస్వస్తయే స్వస్తిరస్తు మే ।
భవతారాధసా రాద్ధం సర్వస్మా ఆత్మనే నమః ॥ ౩౩ ॥
జితం త ఆత్మవిద్వర్యస్వస్తయే స్వస్తిరస్తు మే ।
భవతారాధసా రాద్ధం సర్వస్మా ఆత్మనే నమః ॥ ౩౩ ॥
నమః పఙ్కజనాభాయ భూతసూక్ష్మేన్ద్రియాత్మనే ।
వాసుదేవాయ శాన్తాయ కూటస్థాయ స్వరోచిషే ॥ ౩౪ ॥
వాసుదేవాయ శాన్తాయ కూటస్థాయ స్వరోచిషే ॥ ౩౪ ॥
సఙ్కర్షణాయ సూక్ష్మాయ దురన్తాయాన్తకాయ చ ।
నమో విశ్వప్రబోధాయ ప్రద్యుమ్నాయాన్తరాత్మనే ॥ ౩౫ ॥
నమో విశ్వప్రబోధాయ ప్రద్యుమ్నాయాన్తరాత్మనే ॥ ౩౫ ॥
నమో నమోఽనిరుద్ధాయ హృషీకేశేన్ద్రియాత్మనే ।
నమః పరమహంసాయ పూర్ణాయ నిభృతాత్మనే ॥ ౩౬ ॥
నమః పరమహంసాయ పూర్ణాయ నిభృతాత్మనే ॥ ౩౬ ॥
స్వర్గాపవర్గద్వారాయ నిత్యం శుచిషదే నమః ।
నమో హిరణ్యవీర్యాయ చాతుర్హోత్రాయ తన్తవే ॥ ౩౭ ॥
నమో హిరణ్యవీర్యాయ చాతుర్హోత్రాయ తన్తవే ॥ ౩౭ ॥
నమ ఊర్జ ఇషే త్రయ్యాః పతయే యజ్ఞరేతసే ।
తృప్తిదాయ చ జీవానాం నమః సర్వరసాత్మనే ॥ ౩౮ ॥
తృప్తిదాయ చ జీవానాం నమః సర్వరసాత్మనే ॥ ౩౮ ॥
సర్వసత్త్వాత్మదేహాయ విశేషాయ
స్థవీయసే ।
నమస్త్రైలోక్యపాలాయ సహ ఓజోబలాయ చ ॥ ౩౯ ॥
స్థవీయసే ।
నమస్త్రైలోక్యపాలాయ సహ ఓజోబలాయ చ ॥ ౩౯ ॥
అర్థలిఙ్గాయ నభసే నమోఽన్తర్బహిరాత్మనే ।
నమః పుణ్యాయ లోకాయ అముష్మై భూరివర్చసే ॥ ౪౦ ॥
నమః పుణ్యాయ లోకాయ అముష్మై భూరివర్చసే ॥ ౪౦ ॥
ప్రవృత్తాయ నివృత్తాయ పితృదేవాయ కర్మణే ।
నమోఽధర్మవిపాకాయ మృత్యవే దుఃఖదాయ చ ॥ ౪౧ ॥
నమోఽధర్మవిపాకాయ మృత్యవే దుఃఖదాయ చ ॥ ౪౧ ॥
నమస్త ఆశిషామీశ మనవే కారణాత్మనే ।
నమో ధర్మాయ బృహతే కృష్ణాయాకుణ్ఠమేధసే ।
పురుషాయ పురాణాయ సాఙ్ఖ్యయోగేశ్వరాయ చ ॥ ౪౨ ॥
నమో ధర్మాయ బృహతే కృష్ణాయాకుణ్ఠమేధసే ।
పురుషాయ పురాణాయ సాఙ్ఖ్యయోగేశ్వరాయ చ ॥ ౪౨ ॥
శక్తిత్రయసమేతాయ మీఢుషేఽహఙ్కృతాత్మనే ।
చేతఆకూతిరూపాయ నమో వాచో విభూతయే ॥ ౪౩ ॥
చేతఆకూతిరూపాయ నమో వాచో విభూతయే ॥ ౪౩ ॥
దర్శనం నో దిదృక్షూణాం దేహి భాగవతార్చితమ్ ।
రూపం ప్రియతమం స్వానాం సర్వేన్ద్రియగుణాఞ్జనమ్ ॥ ౪౪ ॥
రూపం ప్రియతమం స్వానాం సర్వేన్ద్రియగుణాఞ్జనమ్ ॥ ౪౪ ॥
స్నిగ్ధప్రావృడ్ఘనశ్యామం సర్వసౌన్దర్యసఙ్గ్రహమ్ ।
చార్వాయతచతుర్బాహు సుజాతరుచిరాననమ్ ॥ ౪౫ ॥
చార్వాయతచతుర్బాహు సుజాతరుచిరాననమ్ ॥ ౪౫ ॥
పద్మకోశపలాశాక్షం సున్దరభ్రు సునాసికమ్ ।
సుద్విజం సుకపోలాస్యం సమకర్ణవిభూషణమ్ ॥ ౪౬ ॥
సుద్విజం సుకపోలాస్యం సమకర్ణవిభూషణమ్ ॥ ౪౬ ॥
ప్రీతిప్రహసితాపాఙ్గమలకై రూపశోభితమ్ ।
లసత్పఙ్కజకిఞ్జల్కదుకూలం మృష్టకుణ్డలమ్ ॥ ౪౭ ॥
లసత్పఙ్కజకిఞ్జల్కదుకూలం మృష్టకుణ్డలమ్ ॥ ౪౭ ॥
స్ఫురత్కిరీటవలయహారనూపురమేఖలమ్ ।
శఙ్ఖచక్రగదాపద్మమాలామణ్యుత్తమర్ద్ధిమత్ ॥ ౪౮ ॥
శఙ్ఖచక్రగదాపద్మమాలామణ్యుత్తమర్ద్ధిమత్ ॥ ౪౮ ॥
సింహస్కన్ధత్విషో బిభ్రత్సౌభగగ్రీవకౌస్తుభమ్ ।
శ్రియానపాయిన్యా క్షిప్తనికషాశ్మోరసోల్లసత్ ॥ ౪౯ ॥
శ్రియానపాయిన్యా క్షిప్తనికషాశ్మోరసోల్లసత్ ॥ ౪౯ ॥
పూరరేచకసంవిగ్నవలివల్గుదలోదరమ్ ।
ప్రతిసఙ్క్రామయద్విశ్వం నాభ్యావర్తగభీరయా ॥ ౫౦ ॥
ప్రతిసఙ్క్రామయద్విశ్వం నాభ్యావర్తగభీరయా ॥ ౫౦ ॥
శ్యామశ్రోణ్యధిరోచిష్ణుదుకూలస్వర్ణమేఖలమ్ ।
సమచార్వఙ్ఘ్రిజఙ్ఘోరునిమ్నజానుసుదర్శనమ్ ॥ ౫౧ ॥
సమచార్వఙ్ఘ్రిజఙ్ఘోరునిమ్నజానుసుదర్శనమ్ ॥ ౫౧ ॥
పదా శరత్పద్మపలాశరోచిషా
నఖద్యుభిర్నోఽన్తరఘం విధున్వతా ।
ప్రదర్శయ స్వీయమపాస్తసాధ్వసం
పదం గురో మార్గగురుస్తమోజుషామ్ ॥ ౫౨ ॥
నఖద్యుభిర్నోఽన్తరఘం విధున్వతా ।
ప్రదర్శయ స్వీయమపాస్తసాధ్వసం
పదం గురో మార్గగురుస్తమోజుషామ్ ॥ ౫౨ ॥
ఏతద్రూపమనుధ్యేయమాత్మశుద్ధిమభీప్సతామ్ ।
యద్భక్తియోగోఽభయదః స్వధర్మమనుతిష్ఠతామ్ ॥ ౫౩ ॥
యద్భక్తియోగోఽభయదః స్వధర్మమనుతిష్ఠతామ్ ॥ ౫౩ ॥
భవాన్ భక్తిమతా లభ్యో దుర్లభః సర్వదేహినామ్ ।
స్వారాజ్యస్యాప్యభిమత ఏకాన్తేనాత్మవిద్గతిః ॥ ౫౪ ॥
స్వారాజ్యస్యాప్యభిమత ఏకాన్తేనాత్మవిద్గతిః ॥ ౫౪ ॥
తం దురారాధ్యమారాధ్య సతామపి దురాపయా ।
ఏకాన్తభక్త్యా కో వాఞ్ఛేత్పాదమూలం వినా బహిః ॥ ౫౫ ॥
ఏకాన్తభక్త్యా కో వాఞ్ఛేత్పాదమూలం వినా బహిః ॥ ౫౫ ॥
యత్ర నిర్విష్టమరణం కృతాన్తో నాభిమన్యతే ।
విశ్వం విధ్వంసయన్ వీర్యశౌర్యవిస్ఫూర్జితభ్రువా ॥ ౫౬ ॥
విశ్వం విధ్వంసయన్ వీర్యశౌర్యవిస్ఫూర్జితభ్రువా ॥ ౫౬ ॥
క్షణార్ధేనాపి తులయే న స్వర్గం నాపునర్భవమ్ ।
భగవత్సఙ్గిసఙ్గస్య మర్త్యానాం కిముతాశిషః ॥ ౫౭ ॥
భగవత్సఙ్గిసఙ్గస్య మర్త్యానాం కిముతాశిషః ॥ ౫౭ ॥
అథానఘాఙ్ఘ్రేస్తవ కీర్తితీర్థయో-
రన్తర్బహిఃస్నానవిధూతపాప్మనామ్ ।
భూతేష్వనుక్రోశసుసత్త్వశీలినాం
స్యాత్సఙ్గమోఽనుగ్రహ ఏష నస్తవ ॥ ౫౮ ॥
రన్తర్బహిఃస్నానవిధూతపాప్మనామ్ ।
భూతేష్వనుక్రోశసుసత్త్వశీలినాం
స్యాత్సఙ్గమోఽనుగ్రహ ఏష నస్తవ ॥ ౫౮ ॥
న యస్య చిత్తం బహిరర్థవిభ్రమం
తమోగుహాయాం చ విశుద్ధమావిశత్ ।
యద్భక్తియోగానుగృహీతమఞ్జసా
మునిర్విచష్టే నను తత్ర తే గతిమ్ ॥ ౫౯ ॥
తమోగుహాయాం చ విశుద్ధమావిశత్ ।
యద్భక్తియోగానుగృహీతమఞ్జసా
మునిర్విచష్టే నను తత్ర తే గతిమ్ ॥ ౫౯ ॥
యత్రేదం వ్యజ్యతే విశ్వం విశ్వస్మిన్నవభాతి యత్ ।
తత్ త్వం బ్రహ్మ పరం జ్యోతిరాకాశమివ విస్తృతమ్ ॥ ౬౦ ॥
తత్ త్వం బ్రహ్మ పరం జ్యోతిరాకాశమివ విస్తృతమ్ ॥ ౬౦ ॥
యో మాయయేదం పురురూపయాసృజద్
బిభర్తి భూయః క్షపయత్యవిక్రియః ।
యద్భేదబుద్ధిః సదివాత్మదుఃస్థయా
త్వమాత్మతన్త్రం భగవన్ ప్రతీమహి ॥ ౬౧ ॥
బిభర్తి భూయః క్షపయత్యవిక్రియః ।
యద్భేదబుద్ధిః సదివాత్మదుఃస్థయా
త్వమాత్మతన్త్రం భగవన్ ప్రతీమహి ॥ ౬౧ ॥
క్రియాకలాపైరిదమేవ యోగినః
శ్రద్ధాన్వితాః సాధు యజన్తి సిద్ధయే ।
భూతేన్ద్రియాన్తఃకరణోపలక్షితం
వేదే చ తన్త్రే చ త ఏవ కోవిదాః ॥ ౬౨ ॥
శ్రద్ధాన్వితాః సాధు యజన్తి సిద్ధయే ।
భూతేన్ద్రియాన్తఃకరణోపలక్షితం
వేదే చ తన్త్రే చ త ఏవ కోవిదాః ॥ ౬౨ ॥
త్వమేక ఆద్యః పురుషః సుప్తశక్తి-
స్తయా రజఃసత్త్వతమో విభిద్యతే ।
మహానహం ఖం మరుదగ్నివార్ధరాః
సురర్షయో భూతగణా ఇదం యతః ॥ ౬౩ ॥
స్తయా రజఃసత్త్వతమో విభిద్యతే ।
మహానహం ఖం మరుదగ్నివార్ధరాః
సురర్షయో భూతగణా ఇదం యతః ॥ ౬౩ ॥
సృష్టం స్వశక్త్యేదమనుప్రవిష్ట-
శ్చచతుర్విధం పురమాత్మాంశకేన ।
అథో విదుస్తం పురుషం సన్తమన్త-
ర్భుఙ్క్తే హృషీకైర్మధు సారఘం యః ॥ ౬౪ ॥
శ్చచతుర్విధం పురమాత్మాంశకేన ।
అథో విదుస్తం పురుషం సన్తమన్త-
ర్భుఙ్క్తే హృషీకైర్మధు సారఘం యః ॥ ౬౪ ॥
స ఏష లోకానతిచణ్డవేగో
వికర్షసి త్వం ఖలు కాలయానః ।
భూతాని భూతైరనుమేయతత్త్వో
ఘనావలీర్వాయురివావిషహ్యః ॥ ౬౫ ॥
వికర్షసి త్వం ఖలు కాలయానః ।
భూతాని భూతైరనుమేయతత్త్వో
ఘనావలీర్వాయురివావిషహ్యః ॥ ౬౫ ॥
ప్రమత్తముచ్చైరితి కృత్యచిన్తయా
ప్రవృద్ధలోభం విషయేషు లాలసమ్ ।
త్వమప్రమత్తః సహసాభిపద్యసే
క్షుల్లేలిహానోఽహిరివాఖుమన్తకః ॥ ౬౬ ॥
ప్రవృద్ధలోభం విషయేషు లాలసమ్ ।
త్వమప్రమత్తః సహసాభిపద్యసే
క్షుల్లేలిహానోఽహిరివాఖుమన్తకః ॥ ౬౬ ॥
కస్త్వత్పదాబ్జం విజహాతి పణ్డితో
యస్తేఽవమానవ్యయమానకేతనః ।
విశఙ్కయాస్మద్గురురర్చతి స్మ యద్
వినోపపత్తిం మనవశ్చతుర్దశ ॥ ౬౭ ॥
యస్తేఽవమానవ్యయమానకేతనః ।
విశఙ్కయాస్మద్గురురర్చతి స్మ యద్
వినోపపత్తిం మనవశ్చతుర్దశ ॥ ౬౭ ॥
అథ త్వమసి నో బ్రహ్మన్ పరమాత్మన్ విపశ్చితామ్ ।
విశ్వం రుద్రభయధ్వస్తమకుతశ్చిద్భయా గతిః ॥ ౬౮ ॥
విశ్వం రుద్రభయధ్వస్తమకుతశ్చిద్భయా గతిః ॥ ౬౮ ॥
ఇదం జపత భద్రం వో విశుద్ధా నృపనన్దనాః ।
స్వధర్మమనుతిష్ఠన్తో భగవత్యర్పితాశయాః ॥ ౬౯ ॥
స్వధర్మమనుతిష్ఠన్తో భగవత్యర్పితాశయాః ॥ ౬౯ ॥
తమేవాత్మానమాత్మస్థం సర్వభూతేష్వవస్థితమ్ ।
పూజయధ్వం గృణన్తశ్చ ధ్యాయన్తశ్చాసకృద్ధరిమ్ ॥ ౭౦ ॥
పూజయధ్వం గృణన్తశ్చ ధ్యాయన్తశ్చాసకృద్ధరిమ్ ॥ ౭౦ ॥
యోగాదేశముపాసాద్య ధారయన్తో మునివ్రతాః ।
సమాహితధియః సర్వ ఏతదభ్యసతాదృతాః ॥ ౭౧ ॥
సమాహితధియః సర్వ ఏతదభ్యసతాదృతాః ॥ ౭౧ ॥
ఇదమాహ పురాస్మాకం భగవాన్ విశ్వసృక్పతిః ।
భృగ్వాదీనామాత్మజానాం సిసృక్షుః సంసిసృక్షతామ్ ॥ ౭౨ ॥
భృగ్వాదీనామాత్మజానాం సిసృక్షుః సంసిసృక్షతామ్ ॥ ౭౨ ॥
తే వయం నోదితాః సర్వే ప్రజాసర్గే ప్రజేశ్వరాః ।
అనేన ధ్వస్తతమసః సిసృక్ష్మో వివిధాః ప్రజాః ॥ ౭౩ ॥
అనేన ధ్వస్తతమసః సిసృక్ష్మో వివిధాః ప్రజాః ॥ ౭౩ ॥
అథేదం నిత్యదా యుక్తో జపన్నవహితః పుమాన్ ।
అచిరాచ్ఛ్రేయ ఆప్నోతి వాసుదేవపరాయణః ॥ ౭౪ ॥
అచిరాచ్ఛ్రేయ ఆప్నోతి వాసుదేవపరాయణః ॥ ౭౪ ॥
శ్రేయసామిహ సర్వేషాం జ్ఞానం నిఃశ్రేయసం పరమ్ ।
సుఖం తరతి దుష్పారం జ్ఞాననౌర్వ్యసనార్ణవమ్ ॥ ౭౫ ॥
సుఖం తరతి దుష్పారం జ్ఞాననౌర్వ్యసనార్ణవమ్ ॥ ౭౫ ॥
య ఇమం శ్రద్ధయా యుక్తో మద్గీతం భగవత్స్తవమ్ ।
అధీయానో దురారాధ్యం హరిమారాధయత్యసౌ ॥ ౭౬ ॥
అధీయానో దురారాధ్యం హరిమారాధయత్యసౌ ॥ ౭౬ ॥
విన్దతే పురుషోఽముష్మాద్యద్యదిచ్ఛత్యసత్వరమ్ ।
మద్గీతగీతాత్సుప్రీతాచ్ఛ్రేయసామేకవల్లభాత్ ॥ ౭౭ ॥
మద్గీతగీతాత్సుప్రీతాచ్ఛ్రేయసామేకవల్లభాత్ ॥ ౭౭ ॥
ఇదం యః కల్య ఉత్థాయ ప్రాఞ్జలిః శ్రద్ధయాన్వితః ।
శృణుయాచ్ఛ్రావయేన్మర్త్యో ముచ్యతే కర్మబన్ధనైః ॥ ౭౮ ॥
శృణుయాచ్ఛ్రావయేన్మర్త్యో ముచ్యతే కర్మబన్ధనైః ॥ ౭౮ ॥
గీతం మయేదం నరదేవనన్దనాః
పరస్య పుంసః పరమాత్మనః స్తవమ్ ।
జపన్త ఏకాగ్రధియస్తపో మహత్
చరధ్వమన్తే తత ఆప్స్యథేప్సితమ్ ॥ ౭౯ ॥
పరస్య పుంసః పరమాత్మనః స్తవమ్ ।
జపన్త ఏకాగ్రధియస్తపో మహత్
చరధ్వమన్తే తత ఆప్స్యథేప్సితమ్ ॥ ౭౯ ॥