શ્રીશુક ઉવાચ
મનુર્વિવસ્વતઃ પુત્રઃ શ્રાદ્ધદેવ ઇતિ શ્રુતઃ ।
સપ્તમો વર્તમાનો યસ્તદપત્યાનિ મે શૃણુ ॥ ૧ ॥
મનુર્વિવસ્વતઃ પુત્રઃ શ્રાદ્ધદેવ ઇતિ શ્રુતઃ ।
સપ્તમો વર્તમાનો યસ્તદપત્યાનિ મે શૃણુ ॥ ૧ ॥
ઇક્ષ્વાકુર્નભગશ્ચૈવ ધૃષ્ટઃ શર્યાતિરેવ ચ ।
નરિષ્યન્તોઽથ નાભાગઃ સપ્તમો દિષ્ટ ઉચ્યતે ॥ ૨ ॥
નરિષ્યન્તોઽથ નાભાગઃ સપ્તમો દિષ્ટ ઉચ્યતે ॥ ૨ ॥
તરૂષશ્ચ પૃષધ્રશ્ચ દશમો વસુમાન્સ્મૃતઃ ।
મનોર્વૈવસ્વતસ્યૈતે દશપુત્રાઃ પરન્તપ ॥ ૩ ॥
મનોર્વૈવસ્વતસ્યૈતે દશપુત્રાઃ પરન્તપ ॥ ૩ ॥
આદિત્યા વસવો રુદ્રા વિશ્વેદેવા મરુદ્ગણાઃ ।
અશ્વિનાવૃભવો રાજન્નિન્દ્રસ્તેષાં પુરન્દરઃ ॥ ૪ ॥
અશ્વિનાવૃભવો રાજન્નિન્દ્રસ્તેષાં પુરન્દરઃ ॥ ૪ ॥
કશ્યપોઽત્રિર્વસિષ્ઠશ્ચ વિશ્વામિત્રોઽથ ગૌતમઃ ।
જમદગ્નિર્ભરદ્વાજ ઇતિ સપ્તર્ષયઃ સ્મૃતાઃ ॥ ૫ ॥
જમદગ્નિર્ભરદ્વાજ ઇતિ સપ્તર્ષયઃ સ્મૃતાઃ ॥ ૫ ॥
અત્રાપિ ભગવજ્જન્મ કશ્યપાદદિતેરભૂત્ ।
આદિત્યાનામવરજો વિષ્ણુર્વામનરૂપધૃક્ ॥ ૬ ॥
આદિત્યાનામવરજો વિષ્ણુર્વામનરૂપધૃક્ ॥ ૬ ॥
સઙ્ક્ષેપતો મયોક્તાનિ સપ્તમન્વન્તરાણિ તે ।
ભવિષ્યાણ્યથ વક્ષ્યામિ વિષ્ણોઃ શક્ત્યાન્વિતાનિ ચ ॥ ૭ ॥
ભવિષ્યાણ્યથ વક્ષ્યામિ વિષ્ણોઃ શક્ત્યાન્વિતાનિ ચ ॥ ૭ ॥
વિવસ્વતશ્ચ દ્વે જાયે વિશ્વકર્મસુતે ઉભે ।
સંજ્ઞા છાયા ચ રાજેન્દ્ર યે પ્રાગભિહિતે તવ ॥ ૮ ॥
સંજ્ઞા છાયા ચ રાજેન્દ્ર યે પ્રાગભિહિતે તવ ॥ ૮ ॥
તૃતીયાં વડવામેકે તાસાં સંજ્ઞાસુતાસ્ત્રયઃ ।
યમો યમી શ્રાદ્ધદેવશ્છાયાયાશ્ચ સુતાઞ્છૃણુ ॥ ૯ ॥
યમો યમી શ્રાદ્ધદેવશ્છાયાયાશ્ચ સુતાઞ્છૃણુ ॥ ૯ ॥
સાવર્ણિસ્તપતી કન્યા ભાર્યા સંવરણસ્ય યા ।
શનૈશ્ચરસ્તૃતીયોઽભૂદશ્વિનૌ વડવાત્મજૌ ॥ ૧૦ ॥
શનૈશ્ચરસ્તૃતીયોઽભૂદશ્વિનૌ વડવાત્મજૌ ॥ ૧૦ ॥
અષ્ટમેઽન્તર આયાતે સાવર્ણિર્ભવિતા મનુઃ ।
નિર્મોકવિરજસ્કાદ્યાઃ સાવર્ણિતનયા નૃપ ॥ ૧૧ ॥
નિર્મોકવિરજસ્કાદ્યાઃ સાવર્ણિતનયા નૃપ ॥ ૧૧ ॥
તત્ર દેવાઃ સુતપસો વિરજા અમૃતપ્રભાઃ ।
તેષાં વિરોચનસુતો બલિરિન્દ્રો ભવિષ્યતિ ॥ ૧૨ ॥
તેષાં વિરોચનસુતો બલિરિન્દ્રો ભવિષ્યતિ ॥ ૧૨ ॥
દત્ત્વેમાં યાચમાનાય વિષ્ણવે યઃ પદત્રયમ્ ।
રાદ્ધમિન્દ્રપદં હિત્વા તતઃ સિદ્ધિમવાપ્સ્યતિ ॥ ૧૩ ॥
રાદ્ધમિન્દ્રપદં હિત્વા તતઃ સિદ્ધિમવાપ્સ્યતિ ॥ ૧૩ ॥
યોઽસૌ ભગવતા બદ્ધઃ પ્રીતેન સુતલે પુનઃ ।
નિવેશિતોઽધિકે સ્વર્ગાદધુનાસ્તે સ્વરાડિવ ॥ ૧૪ ॥
નિવેશિતોઽધિકે સ્વર્ગાદધુનાસ્તે સ્વરાડિવ ॥ ૧૪ ॥
ગાલવો દીપ્તિમાન્રામો દ્રોણપુત્રઃ કૃપસ્તથા ।
ઋષ્યશૃઙ્ગઃ પિતાસ્માકં ભગવાન્બાદરાયણઃ ॥ ૧૫ ॥
ઋષ્યશૃઙ્ગઃ પિતાસ્માકં ભગવાન્બાદરાયણઃ ॥ ૧૫ ॥
ઇમે સપ્તર્ષયસ્તત્ર ભવિષ્યન્તિ સ્વયોગતઃ ।
ઇદાનીમાસતે રાજન્ સ્વે સ્વ આશ્રમમણ્ડલે ॥ ૧૬ ॥
ઇદાનીમાસતે રાજન્ સ્વે સ્વ આશ્રમમણ્ડલે ॥ ૧૬ ॥
દેવગુહ્યાત્સરસ્વત્યાં સાર્વભૌમ ઇતિ પ્રભુઃ ।
સ્થાનં પુરન્દરાદ્ધૃત્વા બલયે દાસ્યતીશ્વરઃ ॥ ૧૭ ॥
સ્થાનં પુરન્દરાદ્ધૃત્વા બલયે દાસ્યતીશ્વરઃ ॥ ૧૭ ॥
નવમો દક્ષસાવર્ણિર્મનુર્વરુણસમ્ભવઃ ।
ભૂતકેતુર્દીપ્તકેતુરિત્યાદ્યાસ્તત્સુતા નૃપ ॥ ૧૮ ॥
ભૂતકેતુર્દીપ્તકેતુરિત્યાદ્યાસ્તત્સુતા નૃપ ॥ ૧૮ ॥
પારામરીચિગર્ભાદ્યા દેવા ઇન્દ્રોઽદ્ભુતઃ સ્મૃતઃ ।
દ્યુતિમત્પ્રમુખાસ્તત્ર ભવિષ્યન્ત્યૃષયસ્તતઃ ॥ ૧૯ ॥
દ્યુતિમત્પ્રમુખાસ્તત્ર ભવિષ્યન્ત્યૃષયસ્તતઃ ॥ ૧૯ ॥
આયુષ્મતોઽમ્બુધારાયામૃષભો ભગવત્કલા ।
ભવિતા યેન સંરાદ્ધાં ત્રિલોકીં ભોક્ષ્યતેઽદ્ભુતઃ ॥ ૨૦ ॥
ભવિતા યેન સંરાદ્ધાં ત્રિલોકીં ભોક્ષ્યતેઽદ્ભુતઃ ॥ ૨૦ ॥
દશમો બ્રહ્મસાવર્ણિરુપશ્લોકસુતો મનુઃ ।
તત્સુતા ભૂરિષેણાદ્યા હવિષ્મત્પ્રમુખા દ્વિજાઃ ॥ ૨૧ ॥
તત્સુતા ભૂરિષેણાદ્યા હવિષ્મત્પ્રમુખા દ્વિજાઃ ॥ ૨૧ ॥
હવિષ્માન્સુકૃતઃ સત્યો જયો મૂર્તિસ્તદા દ્વિજાઃ ।
સુવાસનવિરુદ્ધાદ્યા દેવાઃ શમ્ભુઃ સુરેશ્વરઃ ॥ ૨૨ ॥
સુવાસનવિરુદ્ધાદ્યા દેવાઃ શમ્ભુઃ સુરેશ્વરઃ ॥ ૨૨ ॥
વિષ્વક્સેનો વિષૂચ્યાં તુ શમ્ભોઃ સખ્યં કરિષ્યતિ ।
જાતઃ સ્વાંશેન ભગવાન્ગૃહે વિશ્વસૃજો વિભુઃ ॥ ૨૩ ॥
જાતઃ સ્વાંશેન ભગવાન્ગૃહે વિશ્વસૃજો વિભુઃ ॥ ૨૩ ॥
મનુર્વૈ ધર્મસાવર્ણિરેકાદશમ આત્મવાન્ ।
અનાગતાસ્તત્સુતાશ્ચ સત્યધર્માદયો દશ ॥ ૨૪ ॥
અનાગતાસ્તત્સુતાશ્ચ સત્યધર્માદયો દશ ॥ ૨૪ ॥
વિહઙ્ગમાઃ કામગમા નિર્વાણરુચયઃ સુરાઃ ।
ઇન્દ્રશ્ચ વૈધૃતસ્તેષામૃષયશ્ચારુણાદયઃ ॥ ૨૫ ॥
ઇન્દ્રશ્ચ વૈધૃતસ્તેષામૃષયશ્ચારુણાદયઃ ॥ ૨૫ ॥
આર્યકસ્ય સુતસ્તત્ર ધર્મસેતુરિતિ સ્મૃતઃ ।
વૈધૃતાયાં હરેરંશસ્ત્રિલોકીં ધારયિષ્યતિ ॥ ૨૬ ॥
વૈધૃતાયાં હરેરંશસ્ત્રિલોકીં ધારયિષ્યતિ ॥ ૨૬ ॥
ભવિતા રુદ્રસાવર્ણી રાજન્દ્વાદશમો મનુઃ ।
દેવવાનુપદેવશ્ચ દેવશ્રેષ્ઠાદયઃ સુતાઃ ॥ ૨૭ ॥
દેવવાનુપદેવશ્ચ દેવશ્રેષ્ઠાદયઃ સુતાઃ ॥ ૨૭ ॥
ઋતધામા ચ તત્રેન્દ્રો દેવાશ્ચ હરિતાદયઃ ।
ઋષયશ્ચ તપોમૂર્તિસ્તપસ્વ્યાગ્નીધ્રકાદયઃ ॥ ૨૮ ॥
ઋષયશ્ચ તપોમૂર્તિસ્તપસ્વ્યાગ્નીધ્રકાદયઃ ॥ ૨૮ ॥
સ્વધામાખ્યો હરેરંશઃ સાધયિષ્યતિ તન્મનોઃ ।
અન્તરં સત્યસહસઃ સુનૃતાયાઃ સુતો વિભુઃ ॥ ૨૯ ॥
અન્તરં સત્યસહસઃ સુનૃતાયાઃ સુતો વિભુઃ ॥ ૨૯ ॥
મનુસ્ત્રયોદશો ભાવ્યો દેવસાવર્ણિરાત્મવાન્ ।
ચિત્રસેનવિચિત્રાદ્યા દેવસાવર્ણિદેહજાઃ ॥ ૩૦ ॥
ચિત્રસેનવિચિત્રાદ્યા દેવસાવર્ણિદેહજાઃ ॥ ૩૦ ॥
દેવાઃ સુકર્મસુત્રામસંજ્ઞા ઇન્દ્રો દિવસ્પતિઃ ।
નિર્મોકતત્ત્વદર્શાદ્યા ભવિષ્યન્ત્યૃષયસ્તદા ॥ ૩૧ ॥
નિર્મોકતત્ત્વદર્શાદ્યા ભવિષ્યન્ત્યૃષયસ્તદા ॥ ૩૧ ॥
દેવહોત્રસ્ય તનય ઉપહર્તા દિવસ્પતેઃ ।
યોગેશ્વરો હરેરંશો બૃહત્યાં સમ્ભવિષ્યતિ ॥ ૩૨ ॥
યોગેશ્વરો હરેરંશો બૃહત્યાં સમ્ભવિષ્યતિ ॥ ૩૨ ॥
મનુર્વા ઇન્દ્રસાવર્ણિશ્ચતુર્દશમ એષ્યતિ ।
ઉરુગમ્ભીરબુધાદ્યા ઇન્દ્રસાવર્ણિવીર્યજાઃ ॥ ૩૩ ॥
ઉરુગમ્ભીરબુધાદ્યા ઇન્દ્રસાવર્ણિવીર્યજાઃ ॥ ૩૩ ॥
પવિત્રાશ્ચાક્ષુષા દેવાઃ શુચિરિન્દ્રો ભવિષ્યતિ ।
અગ્નિર્બાહુઃ શુચિઃ શુદ્ધો માગધાદ્યાસ્તપસ્વિનઃ ॥ ૩૪ ॥
અગ્નિર્બાહુઃ શુચિઃ શુદ્ધો માગધાદ્યાસ્તપસ્વિનઃ ॥ ૩૪ ॥
સત્રાયણસ્ય તનયો બૃહદ્ભાનુસ્તદા હરિઃ ।
વિતાનાયાં મહારાજ ક્રિયાતન્તૂન્વિતાયિતા ॥ ૩૫ ॥
વિતાનાયાં મહારાજ ક્રિયાતન્તૂન્વિતાયિતા ॥ ૩૫ ॥
રાજંશ્ચતુર્દશૈતાનિ ત્રિકાલાનુગતાનિ તે ।
પ્રોક્તાન્યેભિર્મિતઃ કલ્પો યુગસાહસ્રપર્યયઃ ॥ ૩૬ ॥
પ્રોક્તાન્યેભિર્મિતઃ કલ્પો યુગસાહસ્રપર્યયઃ ॥ ૩૬ ॥