శ్రీశుక ఉవాచ
మనుర్వివస్వతః పుత్రః శ్రాద్ధదేవ ఇతి శ్రుతః ।
సప్తమో వర్తమానో యస్తదపత్యాని మే శృణు ॥ ౧ ॥
మనుర్వివస్వతః పుత్రః శ్రాద్ధదేవ ఇతి శ్రుతః ।
సప్తమో వర్తమానో యస్తదపత్యాని మే శృణు ॥ ౧ ॥
ఇక్ష్వాకుర్నభగశ్చైవ ధృష్టః శర్యాతిరేవ చ ।
నరిష్యన్తోఽథ నాభాగః సప్తమో దిష్ట ఉచ్యతే ॥ ౨ ॥
నరిష్యన్తోఽథ నాభాగః సప్తమో దిష్ట ఉచ్యతే ॥ ౨ ॥
తరూషశ్చ పృషధ్రశ్చ దశమో వసుమాన్స్మృతః ।
మనోర్వైవస్వతస్యైతే దశపుత్రాః పరన్తప ॥ ౩ ॥
మనోర్వైవస్వతస్యైతే దశపుత్రాః పరన్తప ॥ ౩ ॥
ఆదిత్యా వసవో రుద్రా విశ్వేదేవా మరుద్గణాః ।
అశ్వినావృభవో రాజన్నిన్ద్రస్తేషాం పురన్దరః ॥ ౪ ॥
అశ్వినావృభవో రాజన్నిన్ద్రస్తేషాం పురన్దరః ॥ ౪ ॥
కశ్యపోఽత్రిర్వసిష్ఠశ్చ విశ్వామిత్రోఽథ గౌతమః ।
జమదగ్నిర్భరద్వాజ ఇతి సప్తర్షయః స్మృతాః ॥ ౫ ॥
జమదగ్నిర్భరద్వాజ ఇతి సప్తర్షయః స్మృతాః ॥ ౫ ॥
అత్రాపి భగవజ్జన్మ కశ్యపాదదితేరభూత్ ।
ఆదిత్యానామవరజో విష్ణుర్వామనరూపధృక్ ॥ ౬ ॥
ఆదిత్యానామవరజో విష్ణుర్వామనరూపధృక్ ॥ ౬ ॥
సఙ్క్షేపతో మయోక్తాని సప్తమన్వన్తరాణి తే ।
భవిష్యాణ్యథ వక్ష్యామి విష్ణోః శక్త్యాన్వితాని చ ॥ ౭ ॥
భవిష్యాణ్యథ వక్ష్యామి విష్ణోః శక్త్యాన్వితాని చ ॥ ౭ ॥
వివస్వతశ్చ ద్వే జాయే విశ్వకర్మసుతే ఉభే ।
సంజ్ఞా ఛాయా చ రాజేన్ద్ర యే ప్రాగభిహితే తవ ॥ ౮ ॥
సంజ్ఞా ఛాయా చ రాజేన్ద్ర యే ప్రాగభిహితే తవ ॥ ౮ ॥
తృతీయాం వడవామేకే తాసాం సంజ్ఞాసుతాస్త్రయః ।
యమో యమీ శ్రాద్ధదేవశ్ఛాయాయాశ్చ సుతాఞ్ఛృణు ॥ ౯ ॥
యమో యమీ శ్రాద్ధదేవశ్ఛాయాయాశ్చ సుతాఞ్ఛృణు ॥ ౯ ॥
సావర్ణిస్తపతీ కన్యా భార్యా సంవరణస్య యా ।
శనైశ్చరస్తృతీయోఽభూదశ్వినౌ వడవాత్మజౌ ॥ ౧౦ ॥
శనైశ్చరస్తృతీయోఽభూదశ్వినౌ వడవాత్మజౌ ॥ ౧౦ ॥
అష్టమేఽన్తర ఆయాతే సావర్ణిర్భవితా మనుః ।
నిర్మోకవిరజస్కాద్యాః సావర్ణితనయా నృప ॥ ౧౧ ॥
నిర్మోకవిరజస్కాద్యాః సావర్ణితనయా నృప ॥ ౧౧ ॥
తత్ర దేవాః సుతపసో విరజా అమృతప్రభాః ।
తేషాం విరోచనసుతో బలిరిన్ద్రో భవిష్యతి ॥ ౧౨ ॥
తేషాం విరోచనసుతో బలిరిన్ద్రో భవిష్యతి ॥ ౧౨ ॥
దత్త్వేమాం యాచమానాయ విష్ణవే యః పదత్రయమ్ ।
రాద్ధమిన్ద్రపదం హిత్వా తతః సిద్ధిమవాప్స్యతి ॥ ౧౩ ॥
రాద్ధమిన్ద్రపదం హిత్వా తతః సిద్ధిమవాప్స్యతి ॥ ౧౩ ॥
యోఽసౌ భగవతా బద్ధః ప్రీతేన సుతలే పునః ।
నివేశితోఽధికే స్వర్గాదధునాస్తే స్వరాడివ ॥ ౧౪ ॥
నివేశితోఽధికే స్వర్గాదధునాస్తే స్వరాడివ ॥ ౧౪ ॥
గాలవో దీప్తిమాన్రామో ద్రోణపుత్రః కృపస్తథా ।
ఋష్యశృఙ్గః పితాస్మాకం భగవాన్బాదరాయణః ॥ ౧౫ ॥
ఋష్యశృఙ్గః పితాస్మాకం భగవాన్బాదరాయణః ॥ ౧౫ ॥
ఇమే సప్తర్షయస్తత్ర భవిష్యన్తి స్వయోగతః ।
ఇదానీమాసతే రాజన్ స్వే స్వ ఆశ్రమమణ్డలే ॥ ౧౬ ॥
ఇదానీమాసతే రాజన్ స్వే స్వ ఆశ్రమమణ్డలే ॥ ౧౬ ॥
దేవగుహ్యాత్సరస్వత్యాం సార్వభౌమ ఇతి ప్రభుః ।
స్థానం పురన్దరాద్ధృత్వా బలయే దాస్యతీశ్వరః ॥ ౧౭ ॥
స్థానం పురన్దరాద్ధృత్వా బలయే దాస్యతీశ్వరః ॥ ౧౭ ॥
నవమో దక్షసావర్ణిర్మనుర్వరుణసమ్భవః ।
భూతకేతుర్దీప్తకేతురిత్యాద్యాస్తత్సుతా నృప ॥ ౧౮ ॥
భూతకేతుర్దీప్తకేతురిత్యాద్యాస్తత్సుతా నృప ॥ ౧౮ ॥
పారామరీచిగర్భాద్యా దేవా ఇన్ద్రోఽద్భుతః స్మృతః ।
ద్యుతిమత్ప్రముఖాస్తత్ర భవిష్యన్త్యృషయస్తతః ॥ ౧౯ ॥
ద్యుతిమత్ప్రముఖాస్తత్ర భవిష్యన్త్యృషయస్తతః ॥ ౧౯ ॥
ఆయుష్మతోఽమ్బుధారాయామృషభో భగవత్కలా ।
భవితా యేన సంరాద్ధాం త్రిలోకీం భోక్ష్యతేఽద్భుతః ॥ ౨౦ ॥
భవితా యేన సంరాద్ధాం త్రిలోకీం భోక్ష్యతేఽద్భుతః ॥ ౨౦ ॥
దశమో బ్రహ్మసావర్ణిరుపశ్లోకసుతో మనుః ।
తత్సుతా భూరిషేణాద్యా హవిష్మత్ప్రముఖా ద్విజాః ॥ ౨౧ ॥
తత్సుతా భూరిషేణాద్యా హవిష్మత్ప్రముఖా ద్విజాః ॥ ౨౧ ॥
హవిష్మాన్సుకృతః సత్యో జయో మూర్తిస్తదా ద్విజాః ।
సువాసనవిరుద్ధాద్యా దేవాః శమ్భుః సురేశ్వరః ॥ ౨౨ ॥
సువాసనవిరుద్ధాద్యా దేవాః శమ్భుః సురేశ్వరః ॥ ౨౨ ॥
విష్వక్సేనో విషూచ్యాం తు శమ్భోః సఖ్యం కరిష్యతి ।
జాతః స్వాంశేన భగవాన్గృహే విశ్వసృజో విభుః ॥ ౨౩ ॥
జాతః స్వాంశేన భగవాన్గృహే విశ్వసృజో విభుః ॥ ౨౩ ॥
మనుర్వై ధర్మసావర్ణిరేకాదశమ ఆత్మవాన్ ।
అనాగతాస్తత్సుతాశ్చ సత్యధర్మాదయో దశ ॥ ౨౪ ॥
అనాగతాస్తత్సుతాశ్చ సత్యధర్మాదయో దశ ॥ ౨౪ ॥
విహఙ్గమాః కామగమా నిర్వాణరుచయః సురాః ।
ఇన్ద్రశ్చ వైధృతస్తేషామృషయశ్చారుణాదయః ॥ ౨౫ ॥
ఇన్ద్రశ్చ వైధృతస్తేషామృషయశ్చారుణాదయః ॥ ౨౫ ॥
ఆర్యకస్య సుతస్తత్ర ధర్మసేతురితి స్మృతః ।
వైధృతాయాం హరేరంశస్త్రిలోకీం ధారయిష్యతి ॥ ౨౬ ॥
వైధృతాయాం హరేరంశస్త్రిలోకీం ధారయిష్యతి ॥ ౨౬ ॥
భవితా రుద్రసావర్ణీ రాజన్ద్వాదశమో మనుః ।
దేవవానుపదేవశ్చ దేవశ్రేష్ఠాదయః సుతాః ॥ ౨౭ ॥
దేవవానుపదేవశ్చ దేవశ్రేష్ఠాదయః సుతాః ॥ ౨౭ ॥
ఋతధామా చ తత్రేన్ద్రో దేవాశ్చ హరితాదయః ।
ఋషయశ్చ తపోమూర్తిస్తపస్వ్యాగ్నీధ్రకాదయః ॥ ౨౮ ॥
ఋషయశ్చ తపోమూర్తిస్తపస్వ్యాగ్నీధ్రకాదయః ॥ ౨౮ ॥
స్వధామాఖ్యో హరేరంశః సాధయిష్యతి తన్మనోః ।
అన్తరం సత్యసహసః సునృతాయాః సుతో విభుః ॥ ౨౯ ॥
అన్తరం సత్యసహసః సునృతాయాః సుతో విభుః ॥ ౨౯ ॥
మనుస్త్రయోదశో భావ్యో దేవసావర్ణిరాత్మవాన్ ।
చిత్రసేనవిచిత్రాద్యా దేవసావర్ణిదేహజాః ॥ ౩౦ ॥
చిత్రసేనవిచిత్రాద్యా దేవసావర్ణిదేహజాః ॥ ౩౦ ॥
దేవాః సుకర్మసుత్రామసంజ్ఞా ఇన్ద్రో దివస్పతిః ।
నిర్మోకతత్త్వదర్శాద్యా భవిష్యన్త్యృషయస్తదా ॥ ౩౧ ॥
నిర్మోకతత్త్వదర్శాద్యా భవిష్యన్త్యృషయస్తదా ॥ ౩౧ ॥
దేవహోత్రస్య తనయ ఉపహర్తా దివస్పతేః ।
యోగేశ్వరో హరేరంశో బృహత్యాం సమ్భవిష్యతి ॥ ౩౨ ॥
యోగేశ్వరో హరేరంశో బృహత్యాం సమ్భవిష్యతి ॥ ౩౨ ॥
మనుర్వా ఇన్ద్రసావర్ణిశ్చతుర్దశమ ఏష్యతి ।
ఉరుగమ్భీరబుధాద్యా ఇన్ద్రసావర్ణివీర్యజాః ॥ ౩౩ ॥
ఉరుగమ్భీరబుధాద్యా ఇన్ద్రసావర్ణివీర్యజాః ॥ ౩౩ ॥
పవిత్రాశ్చాక్షుషా దేవాః శుచిరిన్ద్రో భవిష్యతి ।
అగ్నిర్బాహుః శుచిః శుద్ధో మాగధాద్యాస్తపస్వినః ॥ ౩౪ ॥
అగ్నిర్బాహుః శుచిః శుద్ధో మాగధాద్యాస్తపస్వినః ॥ ౩౪ ॥
సత్రాయణస్య తనయో బృహద్భానుస్తదా హరిః ।
వితానాయాం మహారాజ క్రియాతన్తూన్వితాయితా ॥ ౩౫ ॥
వితానాయాం మహారాజ క్రియాతన్తూన్వితాయితా ॥ ౩౫ ॥
రాజంశ్చతుర్దశైతాని త్రికాలానుగతాని తే ।
ప్రోక్తాన్యేభిర్మితః కల్పో యుగసాహస్రపర్యయః ॥ ౩౬ ॥
ప్రోక్తాన్యేభిర్మితః కల్పో యుగసాహస్రపర్యయః ॥ ౩౬ ॥