ശ്രീശുക ഉവാച
തദാ ദേവര്ഷിഗന്ധര്വാ ബ്രഹ്മേശാനപുരോഗമാഃ ।
മുമുചുഃ കുസുമാസാരം ശംസന്തഃ കര്മ തദ്ധരേഃ ॥ ൧ ॥
തദാ ദേവര്ഷിഗന്ധര്വാ ബ്രഹ്മേശാനപുരോഗമാഃ ।
മുമുചുഃ കുസുമാസാരം ശംസന്തഃ കര്മ തദ്ധരേഃ ॥ ൧ ॥
നേദുര്ദുന്ദുഭയോ ദിവ്യാ ഗന്ധര്വാ നനൃതുര്ജഗുഃ ।
ഋഷയശ്ചാരണാഃ സിദ്ധാസ്തുഷ്ടുവുഃ പുരുഷോത്തമമ് ॥ ൨ ॥
ഋഷയശ്ചാരണാഃ സിദ്ധാസ്തുഷ്ടുവുഃ പുരുഷോത്തമമ് ॥ ൨ ॥
യോഽസൌ ഗ്രാഹഃ സ വൈ സദ്യഃ പരമാശ്ചര്യരൂപധൃക് ।
മുക്തോ ദേവലശാപേന ഹൂഹൂര്ഗന്ധര്വസത്തമഃ ॥ ൩ ॥
മുക്തോ ദേവലശാപേന ഹൂഹൂര്ഗന്ധര്വസത്തമഃ ॥ ൩ ॥
പ്രണമ്യ ശിരസാധീശമുത്തമശ്ലോകമവ്യയമ് ।
അഗായത യശോധാമ കീര്തന്യഗുണസത്കഥമ് ॥ ൪ ॥
അഗായത യശോധാമ കീര്തന്യഗുണസത്കഥമ് ॥ ൪ ॥
സോഽനുകമ്പിത ഈശേന പരിക്രമ്യ പ്രണമ്യ തമ് ।
ലോകസ്യ പശ്യതോ ലോകം സ്വമഗാന്മുക്തകില്ബിഷഃ ॥ ൫ ॥
ലോകസ്യ പശ്യതോ ലോകം സ്വമഗാന്മുക്തകില്ബിഷഃ ॥ ൫ ॥
ഗജേന്ദ്രോ ഭഗവത്സ്പര്ശാദ് വിമുക്തോഽജ്ഞാനബന്ധനാത് ।
പ്രാപ്തോ ഭഗവതോ രൂപം പീതവാസാശ്ചതുര്ഭുജഃ ॥ ൬ ॥
പ്രാപ്തോ ഭഗവതോ രൂപം പീതവാസാശ്ചതുര്ഭുജഃ ॥ ൬ ॥
സ വൈ പൂര്വമഭൂദ് രാജാ പാണ്ഡ്യോ ദ്രവിഡസത്തമഃ ।
ഇന്ദ്രദ്യുമ്ന ഇതി ഖ്യാതോ വിഷ്ണുവ്രതപരായണഃ ॥ ൭ ॥
ഇന്ദ്രദ്യുമ്ന ഇതി ഖ്യാതോ വിഷ്ണുവ്രതപരായണഃ ॥ ൭ ॥
സ ഏകദാരാധനകാല ആത്മവാന്
ഗൃഹീതമൌനവ്രത ഈശ്വരം ഹരിമ് ।
ജടാധരസ്താപസ ആപ്ലുതോഽച്യുതം
സമര്ചയാമാസ കുലാചലാശ്രമഃ ॥ ൮ ॥
ഗൃഹീതമൌനവ്രത ഈശ്വരം ഹരിമ് ।
ജടാധരസ്താപസ ആപ്ലുതോഽച്യുതം
സമര്ചയാമാസ കുലാചലാശ്രമഃ ॥ ൮ ॥
യദൃച്ഛയാ തത്ര മഹായശാ മുനിഃ
സമാഗമച്ഛിഷ്യഗണൈഃ പരിശ്രിതഃ ।
തം വീക്ഷ്യ തൂഷ്ണീമകൃതാര്ഹണാദികം
രഹസ്യുപാസീനമൃഷിശ്ചുകോപ ഹ ॥ ൯ ॥
സമാഗമച്ഛിഷ്യഗണൈഃ പരിശ്രിതഃ ।
തം വീക്ഷ്യ തൂഷ്ണീമകൃതാര്ഹണാദികം
രഹസ്യുപാസീനമൃഷിശ്ചുകോപ ഹ ॥ ൯ ॥
തസ്മാ ഇമം ശാപമദാദസാധു-
രയം ദുരാത്മാകൃതബുദ്ധിരദ്യ ।
വിപ്രാവമന്താ വിശതാം തമിസ്രം
യഥാ ഗജഃ സ്തബ്ധമതിഃ സ ഏവ ॥ ൧൦ ॥
രയം ദുരാത്മാകൃതബുദ്ധിരദ്യ ।
വിപ്രാവമന്താ വിശതാം തമിസ്രം
യഥാ ഗജഃ സ്തബ്ധമതിഃ സ ഏവ ॥ ൧൦ ॥
ശ്രീശുക ഉവാച
ഏവം ശപ്ത്വാ ഗതോഽഗസ്ത്യോ ഭഗവാന് നൃപ സാനുഗഃ ।
ഇന്ദ്രദ്യുമ്നോഽപി രാജര്ഷിര്ദിഷ്ടം തദുപധാരയന് ॥ ൧൧ ॥
ഏവം ശപ്ത്വാ ഗതോഽഗസ്ത്യോ ഭഗവാന് നൃപ സാനുഗഃ ।
ഇന്ദ്രദ്യുമ്നോഽപി രാജര്ഷിര്ദിഷ്ടം തദുപധാരയന് ॥ ൧൧ ॥
ആപന്നഃ കൌഞ്ജരീം യോനിമാത്മസ്മൃതിവിനാശിനീമ് ।
ഹര്യര്ചനാനുഭാവേന യദ്ഗജത്വേഽപ്യനുസ്മൃതിഃ ॥ ൧൨ ॥
ഹര്യര്ചനാനുഭാവേന യദ്ഗജത്വേഽപ്യനുസ്മൃതിഃ ॥ ൧൨ ॥
ഏവം വിമോക്ഷ്യ ഗജയൂഥപമബ്ജനാഭ-
സ്തേനാപി പാര്ഷദഗതിം ഗമിതേന യുക്തഃ ।
ഗന്ധര്വസിദ്ധവിബുധൈരുപഗീയമാന-
കര്മാദ്ഭുതം സ്വഭവനം ഗരുഡാസനോഽഗാത് ॥ ൧൩ ॥
സ്തേനാപി പാര്ഷദഗതിം ഗമിതേന യുക്തഃ ।
ഗന്ധര്വസിദ്ധവിബുധൈരുപഗീയമാന-
കര്മാദ്ഭുതം സ്വഭവനം ഗരുഡാസനോഽഗാത് ॥ ൧൩ ॥
ഏതന്മഹാരാജ തവേരിതോ മയാ
കൃഷ്ണാനുഭാവോ ഗജരാജമോക്ഷണമ് ।
സ്വര്ഗ്യം യശസ്യം കലികല്മഷാപഹം
ദുഃസ്വപ്നനാശം കുരുവര്യ ശൃണ്വതാമ് ॥ ൧൪ ॥
കൃഷ്ണാനുഭാവോ ഗജരാജമോക്ഷണമ് ।
സ്വര്ഗ്യം യശസ്യം കലികല്മഷാപഹം
ദുഃസ്വപ്നനാശം കുരുവര്യ ശൃണ്വതാമ് ॥ ൧൪ ॥
യഥാനുകീര്തയന്ത്യേതച്ഛ്രേയസ്കാമാ ദ്വിജാതയഃ ।
ശുചയഃ പ്രാതരുത്ഥായ ദുഃസ്വപ്നാദ്യുപശാന്തയേ ॥ ൧൫ ॥
ശുചയഃ പ്രാതരുത്ഥായ ദുഃസ്വപ്നാദ്യുപശാന്തയേ ॥ ൧൫ ॥
ഇദമാഹ ഹരിഃ പ്രീതോ ഗജേന്ദ്രം കുരുസത്തമ ।
ശൃണ്വതാം സര്വഭൂതാനാം സര്വഭൂതമയോ വിഭുഃ ॥ ൧൬ ॥
ശൃണ്വതാം സര്വഭൂതാനാം സര്വഭൂതമയോ വിഭുഃ ॥ ൧൬ ॥
ശ്രീഭഗവാനുവാച
യേ മാം ത്വാം ച സരശ്ചേദം ഗിരികന്ദരകാനനമ് ।
വേത്രകീചകവേണൂനാം ഗുല്മാനി സുരപാദപാന് ॥ ൧൭ ॥
യേ മാം ത്വാം ച സരശ്ചേദം ഗിരികന്ദരകാനനമ് ।
വേത്രകീചകവേണൂനാം ഗുല്മാനി സുരപാദപാന് ॥ ൧൭ ॥
ശൃങ്ഗാണീമാനി ധിഷ്ണ്യാനി ബ്രഹ്മണോ മേ ശിവസ്യ ച ।
ക്ഷീരോദം മേ പ്രിയം ധാമ ശ്വേതദ്വീപം ച ഭാസ്വരമ് ॥ ൧൮ ॥
ക്ഷീരോദം മേ പ്രിയം ധാമ ശ്വേതദ്വീപം ച ഭാസ്വരമ് ॥ ൧൮ ॥
ശ്രീവത്സം കൌസ്തുഭം മാലാം ഗദാം കൌമോദകീം മമ ।
സുദര്ശനം പാഞ്ചജന്യം സുപര്ണം പതഗേശ്വരമ് ॥ ൧൯ ॥
സുദര്ശനം പാഞ്ചജന്യം സുപര്ണം പതഗേശ്വരമ് ॥ ൧൯ ॥
ശേഷം ച മത്കലാം സൂക്ഷ്മാം ശ്രിയം ദേവീം മദാശ്രയാമ് ।
ബ്രഹ്മാണം നാരദമൃഷിം ഭവം പ്രഹ്ലാദമേവ ച ॥ ൨൦ ॥
ബ്രഹ്മാണം നാരദമൃഷിം ഭവം പ്രഹ്ലാദമേവ ച ॥ ൨൦ ॥
മത്സ്യകൂര്മവരാഹാദ്യൈരവതാരൈഃ കൃതാനി മേ ।
കര്മാണ്യനന്തപുണ്യാനി സൂര്യം സോമം ഹുതാശനമ് ॥ ൨൧ ॥
കര്മാണ്യനന്തപുണ്യാനി സൂര്യം സോമം ഹുതാശനമ് ॥ ൨൧ ॥
പ്രണവം സത്യമവ്യക്തം ഗോവിപ്രാന് ധര്മമവ്യയമ് ।
ദാക്ഷായണീര്ധര്മപത്നീഃ സോമകശ്യപയോരപി ॥ ൨൨ ॥
ദാക്ഷായണീര്ധര്മപത്നീഃ സോമകശ്യപയോരപി ॥ ൨൨ ॥
ഗങ്ഗാം സരസ്വതീം നന്ദാം കാലിന്ദീം സിതവാരണമ് ।
ധ്രുവം ബ്രഹ്മഋഷീന്സപ്ത പുണ്യശ്ലോകാംശ്ച മാനവാന് ॥ ൨൩ ॥
ധ്രുവം ബ്രഹ്മഋഷീന്സപ്ത പുണ്യശ്ലോകാംശ്ച മാനവാന് ॥ ൨൩ ॥
ഉത്ഥായാപരരാത്രാന്തേ പ്രയതാഃ സുസമാഹിതാഃ ।
സ്മരന്തി മമ രൂപാണി മുച്യന്തേ തേഹസോഽഖിലാത് ॥ ൨൪ ॥
സ്മരന്തി മമ രൂപാണി മുച്യന്തേ തേഹസോഽഖിലാത് ॥ ൨൪ ॥
യേ മാം സ്തുവന്ത്യനേനാങ്ഗ പ്രതിബുധ്യ നിശാത്യയേ ।
തേഷാം പ്രാണാത്യയേ ചാഹം ദദാമി വിപുലാം ഗതിമ് ॥ ൨൫ ॥
തേഷാം പ്രാണാത്യയേ ചാഹം ദദാമി വിപുലാം ഗതിമ് ॥ ൨൫ ॥
ശ്രീശുക ഉവാച
ഇത്യാദിശ്യ ഹൃഷീകേശഃ പ്രാധ്മായ ജലജോത്തമമ് ।
ഹര്ഷയന്വിബുധാനീകമാരുരോഹ ഖഗാധിപമ് ॥ ൨൬ ॥
ഇത്യാദിശ്യ ഹൃഷീകേശഃ പ്രാധ്മായ ജലജോത്തമമ് ।
ഹര്ഷയന്വിബുധാനീകമാരുരോഹ ഖഗാധിപമ് ॥ ൨൬ ॥