శ్రీశుక ఉవాచ
తదా దేవర్షిగన్ధర్వా బ్రహ్మేశానపురోగమాః ।
ముముచుః కుసుమాసారం శంసన్తః కర్మ తద్ధరేః ॥ ౧ ॥
తదా దేవర్షిగన్ధర్వా బ్రహ్మేశానపురోగమాః ।
ముముచుః కుసుమాసారం శంసన్తః కర్మ తద్ధరేః ॥ ౧ ॥
నేదుర్దున్దుభయో దివ్యా గన్ధర్వా ననృతుర్జగుః ।
ఋషయశ్చారణాః సిద్ధాస్తుష్టువుః పురుషోత్తమమ్ ॥ ౨ ॥
ఋషయశ్చారణాః సిద్ధాస్తుష్టువుః పురుషోత్తమమ్ ॥ ౨ ॥
యోఽసౌ గ్రాహః స వై సద్యః పరమాశ్చర్యరూపధృక్ ।
ముక్తో దేవలశాపేన హూహూర్గన్ధర్వసత్తమః ॥ ౩ ॥
ముక్తో దేవలశాపేన హూహూర్గన్ధర్వసత్తమః ॥ ౩ ॥
ప్రణమ్య శిరసాధీశముత్తమశ్లోకమవ్యయమ్ ।
అగాయత యశోధామ కీర్తన్యగుణసత్కథమ్ ॥ ౪ ॥
అగాయత యశోధామ కీర్తన్యగుణసత్కథమ్ ॥ ౪ ॥
సోఽనుకమ్పిత ఈశేన పరిక్రమ్య ప్రణమ్య తమ్ ।
లోకస్య పశ్యతో లోకం స్వమగాన్ముక్తకిల్బిషః ॥ ౫ ॥
లోకస్య పశ్యతో లోకం స్వమగాన్ముక్తకిల్బిషః ॥ ౫ ॥
గజేన్ద్రో భగవత్స్పర్శాద్ విముక్తోఽజ్ఞానబన్ధనాత్ ।
ప్రాప్తో భగవతో రూపం పీతవాసాశ్చతుర్భుజః ॥ ౬ ॥
ప్రాప్తో భగవతో రూపం పీతవాసాశ్చతుర్భుజః ॥ ౬ ॥
స వై పూర్వమభూద్ రాజా పాణ్డ్యో ద్రవిడసత్తమః ।
ఇన్ద్రద్యుమ్న ఇతి ఖ్యాతో విష్ణువ్రతపరాయణః ॥ ౭ ॥
ఇన్ద్రద్యుమ్న ఇతి ఖ్యాతో విష్ణువ్రతపరాయణః ॥ ౭ ॥
స ఏకదారాధనకాల ఆత్మవాన్
గృహీతమౌనవ్రత ఈశ్వరం హరిమ్ ।
జటాధరస్తాపస ఆప్లుతోఽచ్యుతం
సమర్చయామాస కులాచలాశ్రమః ॥ ౮ ॥
గృహీతమౌనవ్రత ఈశ్వరం హరిమ్ ।
జటాధరస్తాపస ఆప్లుతోఽచ్యుతం
సమర్చయామాస కులాచలాశ్రమః ॥ ౮ ॥
యదృచ్ఛయా తత్ర మహాయశా మునిః
సమాగమచ్ఛిష్యగణైః పరిశ్రితః ।
తం వీక్ష్య తూష్ణీమకృతార్హణాదికం
రహస్యుపాసీనమృషిశ్చుకోప హ ॥ ౯ ॥
సమాగమచ్ఛిష్యగణైః పరిశ్రితః ।
తం వీక్ష్య తూష్ణీమకృతార్హణాదికం
రహస్యుపాసీనమృషిశ్చుకోప హ ॥ ౯ ॥
తస్మా ఇమం శాపమదాదసాధు-
రయం దురాత్మాకృతబుద్ధిరద్య ।
విప్రావమన్తా విశతాం తమిస్రం
యథా గజః స్తబ్ధమతిః స ఏవ ॥ ౧౦ ॥
రయం దురాత్మాకృతబుద్ధిరద్య ।
విప్రావమన్తా విశతాం తమిస్రం
యథా గజః స్తబ్ధమతిః స ఏవ ॥ ౧౦ ॥
శ్రీశుక ఉవాచ
ఏవం శప్త్వా గతోఽగస్త్యో భగవాన్ నృప సానుగః ।
ఇన్ద్రద్యుమ్నోఽపి రాజర్షిర్దిష్టం తదుపధారయన్ ॥ ౧౧ ॥
ఏవం శప్త్వా గతోఽగస్త్యో భగవాన్ నృప సానుగః ।
ఇన్ద్రద్యుమ్నోఽపి రాజర్షిర్దిష్టం తదుపధారయన్ ॥ ౧౧ ॥
ఆపన్నః కౌఞ్జరీం యోనిమాత్మస్మృతివినాశినీమ్ ।
హర్యర్చనానుభావేన యద్గజత్వేఽప్యనుస్మృతిః ॥ ౧౨ ॥
హర్యర్చనానుభావేన యద్గజత్వేఽప్యనుస్మృతిః ॥ ౧౨ ॥
ఏవం విమోక్ష్య గజయూథపమబ్జనాభ-
స్తేనాపి పార్షదగతిం గమితేన యుక్తః ।
గన్ధర్వసిద్ధవిబుధైరుపగీయమాన-
కర్మాద్భుతం స్వభవనం గరుడాసనోఽగాత్ ॥ ౧౩ ॥
స్తేనాపి పార్షదగతిం గమితేన యుక్తః ।
గన్ధర్వసిద్ధవిబుధైరుపగీయమాన-
కర్మాద్భుతం స్వభవనం గరుడాసనోఽగాత్ ॥ ౧౩ ॥
ఏతన్మహారాజ తవేరితో మయా
కృష్ణానుభావో గజరాజమోక్షణమ్ ।
స్వర్గ్యం యశస్యం కలికల్మషాపహం
దుఃస్వప్ననాశం కురువర్య శృణ్వతామ్ ॥ ౧౪ ॥
కృష్ణానుభావో గజరాజమోక్షణమ్ ।
స్వర్గ్యం యశస్యం కలికల్మషాపహం
దుఃస్వప్ననాశం కురువర్య శృణ్వతామ్ ॥ ౧౪ ॥
యథానుకీర్తయన్త్యేతచ్ఛ్రేయస్కామా ద్విజాతయః ।
శుచయః ప్రాతరుత్థాయ దుఃస్వప్నాద్యుపశాన్తయే ॥ ౧౫ ॥
శుచయః ప్రాతరుత్థాయ దుఃస్వప్నాద్యుపశాన్తయే ॥ ౧౫ ॥
ఇదమాహ హరిః ప్రీతో గజేన్ద్రం కురుసత్తమ ।
శృణ్వతాం సర్వభూతానాం సర్వభూతమయో విభుః ॥ ౧౬ ॥
శృణ్వతాం సర్వభూతానాం సర్వభూతమయో విభుః ॥ ౧౬ ॥
శ్రీభగవానువాచ
యే మాం త్వాం చ సరశ్చేదం గిరికన్దరకాననమ్ ।
వేత్రకీచకవేణూనాం గుల్మాని సురపాదపాన్ ॥ ౧౭ ॥
యే మాం త్వాం చ సరశ్చేదం గిరికన్దరకాననమ్ ।
వేత్రకీచకవేణూనాం గుల్మాని సురపాదపాన్ ॥ ౧౭ ॥
శృఙ్గాణీమాని ధిష్ణ్యాని బ్రహ్మణో మే శివస్య చ ।
క్షీరోదం మే ప్రియం ధామ శ్వేతద్వీపం చ భాస్వరమ్ ॥ ౧౮ ॥
క్షీరోదం మే ప్రియం ధామ శ్వేతద్వీపం చ భాస్వరమ్ ॥ ౧౮ ॥
శ్రీవత్సం కౌస్తుభం మాలాం గదాం కౌమోదకీం మమ ।
సుదర్శనం పాఞ్చజన్యం సుపర్ణం పతగేశ్వరమ్ ॥ ౧౯ ॥
సుదర్శనం పాఞ్చజన్యం సుపర్ణం పతగేశ్వరమ్ ॥ ౧౯ ॥
శేషం చ మత్కలాం సూక్ష్మాం శ్రియం దేవీం మదాశ్రయామ్ ।
బ్రహ్మాణం నారదమృషిం భవం ప్రహ్లాదమేవ చ ॥ ౨౦ ॥
బ్రహ్మాణం నారదమృషిం భవం ప్రహ్లాదమేవ చ ॥ ౨౦ ॥
మత్స్యకూర్మవరాహాద్యైరవతారైః కృతాని మే ।
కర్మాణ్యనన్తపుణ్యాని సూర్యం సోమం హుతాశనమ్ ॥ ౨౧ ॥
కర్మాణ్యనన్తపుణ్యాని సూర్యం సోమం హుతాశనమ్ ॥ ౨౧ ॥
ప్రణవం సత్యమవ్యక్తం గోవిప్రాన్ ధర్మమవ్యయమ్ ।
దాక్షాయణీర్ధర్మపత్నీః సోమకశ్యపయోరపి ॥ ౨౨ ॥
దాక్షాయణీర్ధర్మపత్నీః సోమకశ్యపయోరపి ॥ ౨౨ ॥
గఙ్గాం సరస్వతీం నన్దాం కాలిన్దీం సితవారణమ్ ।
ధ్రువం బ్రహ్మఋషీన్సప్త పుణ్యశ్లోకాంశ్చ మానవాన్ ॥ ౨౩ ॥
ధ్రువం బ్రహ్మఋషీన్సప్త పుణ్యశ్లోకాంశ్చ మానవాన్ ॥ ౨౩ ॥
ఉత్థాయాపరరాత్రాన్తే ప్రయతాః సుసమాహితాః ।
స్మరన్తి మమ రూపాణి ముచ్యన్తే తేహసోఽఖిలాత్ ॥ ౨౪ ॥
స్మరన్తి మమ రూపాణి ముచ్యన్తే తేహసోఽఖిలాత్ ॥ ౨౪ ॥
యే మాం స్తువన్త్యనేనాఙ్గ ప్రతిబుధ్య నిశాత్యయే ।
తేషాం ప్రాణాత్యయే చాహం దదామి విపులాం గతిమ్ ॥ ౨౫ ॥
తేషాం ప్రాణాత్యయే చాహం దదామి విపులాం గతిమ్ ॥ ౨౫ ॥
శ్రీశుక ఉవాచ
ఇత్యాదిశ్య హృషీకేశః ప్రాధ్మాయ జలజోత్తమమ్ ।
హర్షయన్విబుధానీకమారురోహ ఖగాధిపమ్ ॥ ౨౬ ॥
ఇత్యాదిశ్య హృషీకేశః ప్రాధ్మాయ జలజోత్తమమ్ ।
హర్షయన్విబుధానీకమారురోహ ఖగాధిపమ్ ॥ ౨౬ ॥