হিৰণ্যশৃঙ্গং-ৱঁৰুণ-ম্প্ৰপদ্যে তীৰ্থ-ম্মে দেহি যাচিতঃ ।
যন্মযা ভুক্তমসাধূনা-ম্পাপেভ্যশ্চ প্ৰতিগ্ৰহঃ ।
যন্মে মনসা ৱাচা কৰ্মণা ৱা দুষ্কৃত-ঙ্কৃতম্ ।
তন্ন ইন্দ্ৰো ৱৰুণো বৃহস্পতিঃ সৱিতা চ পুনন্তু পুনঃ পুনঃ ।
নমো-ঽগ্নযে-ঽপ্সুমতে নম ইন্দ্ৰায নমো ৱৰুণায নমো ৱাৰুণ্যৈ নমো-ঽদ্ভ্যঃ ॥
যদপা-ঙ্ক্ৰূৰং-যঁদমেধ্যং-যঁদশান্ত-ন্তদপগচ্ছতাত্ ।
যদপা-ঙ্ক্ৰূৰং-যঁদমেধ্যং-যঁদশান্ত-ন্তদপগচ্ছতাত্ ।
অত্যাশনাদতী-পানা-দ্যচ্চ উগ্ৰাত্প্ৰতিগ্ৰহাত্ ।
তন্নো ৱৰুণো ৰাজা পাণিনা হ্যৱমৰ্শতু ।
সো-ঽহমপাপো ৱিৰজো নিৰ্মুক্তো মুক্তকিল্বিষঃ ।
নাকস্য পৃষ্ঠ-মাৰুহ্য গচ্ছেদ্ ব্ৰহ্মসলোকতাম্ ।
যশ্চাপ্সু ৱৰুণস্স পুনাত্ৱঘমৰ্ষণঃ ।
ইম-ম্মে গঙ্গে যমুনে সৰস্ৱতি শুতুদ্ৰি-স্তোমগ্ং সচতা পৰুষ্ণিযা ।
অসিক্নিযা মৰুদ্ৱৃধে ৱিতস্তযা-ঽঽৰ্জীকীযে শৃণুহ্যা সুষোমযা ।
ঋত-ঞ্চ সত্য-ঞ্চাভীদ্ধা-ত্তপসো-ঽধ্যজাযত ।
ততো ৰাত্ৰিৰজাযত তত-স্সমুদ্ৰো অৰ্ণৱঃ ॥
সমুদ্ৰাদৰ্ণৱা দধি সংৱঁথ্সৰো অজাযত ।
সমুদ্ৰাদৰ্ণৱা দধি সংৱঁথ্সৰো অজাযত ।
অহোৰাত্ৰাণি ৱিদধদ্ৱিশ্ৱস্য মিষতো ৱশী ।
সূৰ্যাচন্দ্ৰমসৌ ধাতা যথা পূৰ্ৱমকল্পযত্ ।
দিৱ-ঞ্চ পৃথিৱী-ঞ্চান্তৰিক্ষ-মথো সুৱঃ ।
যত্পৃথিৱ্যাগ্ং ৰজঃ স্ৱমান্তৰিক্ষে ৱিৰোদসী ।
ইমাগ্গ্ং স্তদাপো ৱৰুণঃ পুনাত্ৱঘমৰ্ষণঃ ।
পুনন্তু ৱসৱঃ পুনাতু ৱৰুণঃ পুনাত্ৱঘমৰ্ষণঃ ।
এষ ভূতস্য মধ্যে ভুৱনস্য গোপ্তা ।
এষ পুণ্যকৃতাং-লোঁকানেষ মৃত্যোৰ্ হিৰণ্মযম্ ।
দ্যাৱাপৃথিৱ্যোৰ্ হিৰণ্মযগ্ং সগ্গ্ং শ্ৰিতগ্ং সুৱঃ ॥
সন-স্সুৱ-স্সগ্ংশিশাধি ।
সন-স্সুৱ-স্সগ্ংশিশাধি ।
আৰ্দ্ৰ-ঞ্জ্ৱলতি জ্যোতিৰহমস্মি ।
জ্যোতিৰ্জ্ৱলতি ব্ৰহ্মাহমস্মি ।
যো-ঽহমস্মি ব্ৰহ্মাহমস্মি ।
অহমস্মি ব্ৰহ্মাহমস্মি ।
অহমেৱাহ-ম্মা-ঞ্জুহোমি স্ৱাহা ।
অকাৰ্যকাৰ্যৱকীৰ্ণীস্তেনো ভ্ৰূণহা গুৰুতল্পগঃ ।
ৱৰুণো-ঽপামঘমৰ্ষণ-স্তস্মা-ত্পাপা-ত্প্ৰমুচ্যতে ।
ৰজোভূমি-স্ত্ৱমাগ্ং ৰোদযস্ৱ প্ৰৱদন্তি ধীৰাঃ ।
আক্ৰান্থ্সমুদ্ৰঃ প্ৰথমে ৱিধৰ্মঞ্জনয-ন্প্ৰজা ভুৱনস্য ৰাজা ।
ৱৃষা পৱিত্ৰে অধিসানো অৱ্যে বৃহত্সোমো ৱাৱৃধে সুৱান ইন্দুঃ ॥