ಹಿರಣ್ಯಶೃಙ್ಗಂ-ವಁರುಣ-ಮ್ಪ್ರಪದ್ಯೇ ತೀರ್ಥ-ಮ್ಮೇ ದೇಹಿ ಯಾಚಿತಃ ।
ಯನ್ಮಯಾ ಭುಕ್ತಮಸಾಧೂನಾ-ಮ್ಪಾಪೇಭ್ಯಶ್ಚ ಪ್ರತಿಗ್ರಹಃ ।
ಯನ್ಮೇ ಮನಸಾ ವಾಚಾ ಕರ್ಮಣಾ ವಾ ದುಷ್ಕೃತ-ಙ್ಕೃತಮ್ ।
ತನ್ನ ಇನ್ದ್ರೋ ವರುಣೋ ಬೃಹಸ್ಪತಿಃ ಸವಿತಾ ಚ ಪುನನ್ತು ಪುನಃ ಪುನಃ ।
ನಮೋ-ಽಗ್ನಯೇ-ಽಪ್ಸುಮತೇ ನಮ ಇನ್ದ್ರಾಯ ನಮೋ ವರುಣಾಯ ನಮೋ ವಾರುಣ್ಯೈ ನಮೋ-ಽದ್ಭ್ಯಃ ॥
ಯದಪಾ-ಙ್ಕ್ರೂರಂ-ಯಁದಮೇಧ್ಯಂ-ಯಁದಶಾನ್ತ-ನ್ತದಪಗಚ್ಛತಾತ್ ।
ಯದಪಾ-ಙ್ಕ್ರೂರಂ-ಯಁದಮೇಧ್ಯಂ-ಯಁದಶಾನ್ತ-ನ್ತದಪಗಚ್ಛತಾತ್ ।
ಅತ್ಯಾಶನಾದತೀ-ಪಾನಾ-ದ್ಯಚ್ಚ ಉಗ್ರಾತ್ಪ್ರತಿಗ್ರಹಾತ್ ।
ತನ್ನೋ ವರುಣೋ ರಾಜಾ ಪಾಣಿನಾ ಹ್ಯವಮರ್ಶತು ।
ಸೋ-ಽಹಮಪಾಪೋ ವಿರಜೋ ನಿರ್ಮುಕ್ತೋ ಮುಕ್ತಕಿಲ್ಬಿಷಃ ।
ನಾಕಸ್ಯ ಪೃಷ್ಠ-ಮಾರುಹ್ಯ ಗಚ್ಛೇದ್ ಬ್ರಹ್ಮಸಲೋಕತಾಮ್ ।
ಯಶ್ಚಾಪ್ಸು ವರುಣಸ್ಸ ಪುನಾತ್ವಘಮರ್ಷಣಃ ।
ಇಮ-ಮ್ಮೇ ಗಙ್ಗೇ ಯಮುನೇ ಸರಸ್ವತಿ ಶುತುದ್ರಿ-ಸ್ತೋಮಗ್ಂ ಸಚತಾ ಪರುಷ್ಣಿಯಾ ।
ಅಸಿಕ್ನಿಯಾ ಮರುದ್ವೃಧೇ ವಿತಸ್ತಯಾ-ಽಽರ್ಜೀಕೀಯೇ ಶೃಣುಹ್ಯಾ ಸುಷೋಮಯಾ ।
ಋತ-ಞ್ಚ ಸತ್ಯ-ಞ್ಚಾಭೀದ್ಧಾ-ತ್ತಪಸೋ-ಽಧ್ಯಜಾಯತ ।
ತತೋ ರಾತ್ರಿರಜಾಯತ ತತ-ಸ್ಸಮುದ್ರೋ ಅರ್ಣವಃ ॥
ಸಮುದ್ರಾದರ್ಣವಾ ದಧಿ ಸಂವಁಥ್ಸರೋ ಅಜಾಯತ ।
ಸಮುದ್ರಾದರ್ಣವಾ ದಧಿ ಸಂವಁಥ್ಸರೋ ಅಜಾಯತ ।
ಅಹೋರಾತ್ರಾಣಿ ವಿದಧದ್ವಿಶ್ವಸ್ಯ ಮಿಷತೋ ವಶೀ ।
ಸೂರ್ಯಾಚನ್ದ್ರಮಸೌ ಧಾತಾ ಯಥಾ ಪೂರ್ವಮಕಲ್ಪಯತ್ ।
ದಿವ-ಞ್ಚ ಪೃಥಿವೀ-ಞ್ಚಾನ್ತರಿಕ್ಷ-ಮಥೋ ಸುವಃ ।
ಯತ್ಪೃಥಿವ್ಯಾಗ್ಂ ರಜಃ ಸ್ವಮಾನ್ತರಿಕ್ಷೇ ವಿರೋದಸೀ ।
ಇಮಾಗ್ಗ್ಂ ಸ್ತದಾಪೋ ವರುಣಃ ಪುನಾತ್ವಘಮರ್ಷಣಃ ।
ಪುನನ್ತು ವಸವಃ ಪುನಾತು ವರುಣಃ ಪುನಾತ್ವಘಮರ್ಷಣಃ ।
ಏಷ ಭೂತಸ್ಯ ಮಧ್ಯೇ ಭುವನಸ್ಯ ಗೋಪ್ತಾ ।
ಏಷ ಪುಣ್ಯಕೃತಾಂ-ಲೋಁಕಾನೇಷ ಮೃತ್ಯೋರ್ ಹಿರಣ್ಮಯಮ್ ।
ದ್ಯಾವಾಪೃಥಿವ್ಯೋರ್ ಹಿರಣ್ಮಯಗ್ಂ ಸಗ್ಗ್ಂ ಶ್ರಿತಗ್ಂ ಸುವಃ ॥
ಸನ-ಸ್ಸುವ-ಸ್ಸಗ್ಂಶಿಶಾಧಿ ।
ಸನ-ಸ್ಸುವ-ಸ್ಸಗ್ಂಶಿಶಾಧಿ ।
ಆರ್ದ್ರ-ಞ್ಜ್ವಲತಿ ಜ್ಯೋತಿರಹಮಸ್ಮಿ ।
ಜ್ಯೋತಿರ್ಜ್ವಲತಿ ಬ್ರಹ್ಮಾಹಮಸ್ಮಿ ।
ಯೋ-ಽಹಮಸ್ಮಿ ಬ್ರಹ್ಮಾಹಮಸ್ಮಿ ।
ಅಹಮಸ್ಮಿ ಬ್ರಹ್ಮಾಹಮಸ್ಮಿ ।
ಅಹಮೇವಾಹ-ಮ್ಮಾ-ಞ್ಜುಹೋಮಿ ಸ್ವಾಹಾ ।
ಅಕಾರ್ಯಕಾರ್ಯವಕೀರ್ಣೀಸ್ತೇನೋ ಭ್ರೂಣಹಾ ಗುರುತಲ್ಪಗಃ ।
ವರುಣೋ-ಽಪಾಮಘಮರ್ಷಣ-ಸ್ತಸ್ಮಾ-ತ್ಪಾಪಾ-ತ್ಪ್ರಮುಚ್ಯತೇ ।
ರಜೋಭೂಮಿ-ಸ್ತ್ವಮಾಗ್ಂ ರೋದಯಸ್ವ ಪ್ರವದನ್ತಿ ಧೀರಾಃ ।
ಆಕ್ರಾನ್ಥ್ಸಮುದ್ರಃ ಪ್ರಥಮೇ ವಿಧರ್ಮಞ್ಜನಯ-ನ್ಪ್ರಜಾ ಭುವನಸ್ಯ ರಾಜಾ ।
ವೃಷಾ ಪವಿತ್ರೇ ಅಧಿಸಾನೋ ಅವ್ಯೇ ಬೃಹತ್ಸೋಮೋ ವಾವೃಧೇ ಸುವಾನ ಇನ್ದುಃ ॥