জনক উৱাচ ॥
অহো নিৰঞ্জনঃ শান্তো বোধোঽহং প্ৰকৃতেঃ পৰঃ ।
এতাৱন্তমহং কালং মোহেনৈৱ ৱিডম্বিতঃ ॥ 2-1॥
এতাৱন্তমহং কালং মোহেনৈৱ ৱিডম্বিতঃ ॥ 2-1॥
যথা প্ৰকাশযাম্যেকো দেহমেনং তথা জগত্ ।
অতো মম জগত্সৰ্ৱমথৱা ন চ কিঞ্চন ॥ 2-2॥
অতো মম জগত্সৰ্ৱমথৱা ন চ কিঞ্চন ॥ 2-2॥
স শৰীৰমহো ৱিশ্ৱং পৰিত্যজ্য মযাধুনা ।
কুতশ্চিত্ কৌশলাদ্ এৱ পৰমাত্মা ৱিলোক্যতে ॥ 2-3॥
কুতশ্চিত্ কৌশলাদ্ এৱ পৰমাত্মা ৱিলোক্যতে ॥ 2-3॥
যথা ন তোযতো ভিন্নাস্তৰঙ্গাঃ ফেনবুদ্বুদাঃ ।
আত্মনো ন তথা ভিন্নং ৱিশ্ৱমাত্মৱিনিৰ্গতম্ ॥ 2-4॥
আত্মনো ন তথা ভিন্নং ৱিশ্ৱমাত্মৱিনিৰ্গতম্ ॥ 2-4॥
তন্তুমাত্ৰো ভৱেদ্ এৱ পটো যদ্ৱদ্ ৱিচাৰিতঃ ।
আত্মতন্মাত্ৰমেৱেদং তদ্ৱদ্ ৱিশ্ৱং ৱিচাৰিতম্ ॥ 2-5॥
আত্মতন্মাত্ৰমেৱেদং তদ্ৱদ্ ৱিশ্ৱং ৱিচাৰিতম্ ॥ 2-5॥
যথৈৱেক্ষুৰসে ক্লৃপ্তা তেন ৱ্যাপ্তৈৱ শৰ্কৰা ।
তথা ৱিশ্ৱং মযি ক্লৃপ্তং মযা ৱ্যাপ্তং নিৰন্তৰম্ ॥ 2-6॥
তথা ৱিশ্ৱং মযি ক্লৃপ্তং মযা ৱ্যাপ্তং নিৰন্তৰম্ ॥ 2-6॥
আত্মাজ্ঞানাজ্জগদ্ভাতি আত্মজ্ঞানান্ন ভাসতে ।
ৰজ্জ্ৱজ্ঞানাদহিৰ্ভাতি তজ্জ্ঞানাদ্ ভাসতে ন হি ॥ 2-7॥
ৰজ্জ্ৱজ্ঞানাদহিৰ্ভাতি তজ্জ্ঞানাদ্ ভাসতে ন হি ॥ 2-7॥
প্ৰকাশো মে নিজং ৰূপং নাতিৰিক্তোঽস্ম্যহং ততঃ ।
যদা প্ৰকাশতে ৱিশ্ৱং তদাহং ভাস এৱ হি ॥ 2-8॥
যদা প্ৰকাশতে ৱিশ্ৱং তদাহং ভাস এৱ হি ॥ 2-8॥
অহো ৱিকল্পিতং ৱিশ্ৱমজ্ঞানান্মযি ভাসতে ।
ৰূপ্যং শুক্তৌ ফণী ৰজ্জৌ ৱাৰি সূৰ্যকৰে যথা ॥ 2-9॥
ৰূপ্যং শুক্তৌ ফণী ৰজ্জৌ ৱাৰি সূৰ্যকৰে যথা ॥ 2-9॥
মত্তো ৱিনিৰ্গতং ৱিশ্ৱং ময্যেৱ লযমেষ্যতি ।
মৃদি কুম্ভো জলে ৱীচিঃ কনকে কটকং যথা ॥ 2-10॥
মৃদি কুম্ভো জলে ৱীচিঃ কনকে কটকং যথা ॥ 2-10॥
অহো অহং নমো মহ্যং ৱিনাশো যস্য নাস্তি মে ।
ব্ৰহ্মাদিস্তম্বপৰ্যন্তং জগন্নাশেঽপি তিষ্ঠতঃ ॥ 2-11॥
ব্ৰহ্মাদিস্তম্বপৰ্যন্তং জগন্নাশেঽপি তিষ্ঠতঃ ॥ 2-11॥
অহো অহং নমো মহ্যমেকোঽহং দেহৱানপি ।
ক্ৱচিন্ন গন্তা নাগন্তা ৱ্যাপ্য ৱিশ্ৱমৱস্থিতঃ ॥ 2-12॥
ক্ৱচিন্ন গন্তা নাগন্তা ৱ্যাপ্য ৱিশ্ৱমৱস্থিতঃ ॥ 2-12॥
অহো অহং নমো মহ্যং দক্ষো নাস্তীহ মত্সমঃ ।
অসংস্পৃশ্য শৰীৰেণ যেন ৱিশ্ৱং চিৰং ধৃতম্ ॥ 2-13॥
অসংস্পৃশ্য শৰীৰেণ যেন ৱিশ্ৱং চিৰং ধৃতম্ ॥ 2-13॥
অহো অহং নমো মহ্যং যস্য মে নাস্তি কিঞ্চন ।
অথৱা যস্য মে সৰ্ৱং যদ্ ৱাঙ্মনসগোচৰম্ ॥ 2-14॥
অথৱা যস্য মে সৰ্ৱং যদ্ ৱাঙ্মনসগোচৰম্ ॥ 2-14॥
জ্ঞানং জ্ঞেযং তথা জ্ঞাতা ত্ৰিতযং নাস্তি ৱাস্তৱম্ ।
অজ্ঞানাদ্ ভাতি যত্ৰেদং সোঽহমস্মি নিৰঞ্জনঃ ॥ 2-15॥
অজ্ঞানাদ্ ভাতি যত্ৰেদং সোঽহমস্মি নিৰঞ্জনঃ ॥ 2-15॥
দ্ৱৈতমূলমহো দুঃখং নান্যত্তস্যাঽস্তি ভেষজম্ ।
দৃশ্যমেতন্ মৃষা সৰ্ৱমেকোঽহং চিদ্ৰসোমলঃ ॥ 2-16॥
দৃশ্যমেতন্ মৃষা সৰ্ৱমেকোঽহং চিদ্ৰসোমলঃ ॥ 2-16॥
বোধমাত্ৰোঽহমজ্ঞানাদ্ উপাধিঃ কল্পিতো মযা ।
এৱং ৱিমৃশতো নিত্যং নিৰ্ৱিকল্পে স্থিতিৰ্মম ॥ 2-17॥
এৱং ৱিমৃশতো নিত্যং নিৰ্ৱিকল্পে স্থিতিৰ্মম ॥ 2-17॥
ন মে বন্ধোঽস্তি মোক্ষো ৱা ভ্ৰান্তিঃ শান্তা নিৰাশ্ৰযা ।
অহো মযি স্থিতং ৱিশ্ৱং ৱস্তুতো ন মযি স্থিতম্ ॥ 2-18॥
অহো মযি স্থিতং ৱিশ্ৱং ৱস্তুতো ন মযি স্থিতম্ ॥ 2-18॥
সশৰীৰমিদং ৱিশ্ৱং ন কিঞ্চিদিতি নিশ্চিতম্ ।
শুদ্ধচিন্মাত্ৰ আত্মা চ তত্কস্মিন্ কল্পনাধুনা ॥ 2-19॥
শুদ্ধচিন্মাত্ৰ আত্মা চ তত্কস্মিন্ কল্পনাধুনা ॥ 2-19॥
শৰীৰং স্ৱৰ্গনৰকৌ বন্ধমোক্ষৌ ভযং তথা ।
কল্পনামাত্ৰমেৱৈতত্ কিং মে কাৰ্যং চিদাত্মনঃ ॥ 2-20॥
কল্পনামাত্ৰমেৱৈতত্ কিং মে কাৰ্যং চিদাত্মনঃ ॥ 2-20॥
অহো জনসমূহেঽপি ন দ্ৱৈতং পশ্যতো মম ।
অৰণ্যমিৱ সংৱৃত্তং ক্ৱ ৰতিং কৰৱাণ্যহম্ ॥ 2-21॥
অৰণ্যমিৱ সংৱৃত্তং ক্ৱ ৰতিং কৰৱাণ্যহম্ ॥ 2-21॥
নাহং দেহো ন মে দেহো জীৱো নাহমহং হি চিত্ ।
অযমেৱ হি মে বন্ধ আসীদ্যা জীৱিতে স্পৃহা ॥ 2-22॥
অযমেৱ হি মে বন্ধ আসীদ্যা জীৱিতে স্পৃহা ॥ 2-22॥
অহো ভুৱনকল্লোলৈৰ্ৱিচিত্ৰৈৰ্দ্ৰাক্ সমুত্থিতম্ ।
ময্যনন্তমহাম্ভোধৌ চিত্তৱাতে সমুদ্যতে ॥ 2-23॥
ময্যনন্তমহাম্ভোধৌ চিত্তৱাতে সমুদ্যতে ॥ 2-23॥
ময্যনন্তমহাম্ভোধৌ চিত্তৱাতে প্ৰশাম্যতি ।
অভাগ্যাজ্জীৱৱণিজো জগত্পোতো ৱিনশ্ৱৰঃ ॥ 2-24॥
অভাগ্যাজ্জীৱৱণিজো জগত্পোতো ৱিনশ্ৱৰঃ ॥ 2-24॥
ময্যনন্তমহাম্ভোধাৱাশ্চৰ্যং জীৱৱীচযঃ ।
উদ্যন্তি ঘ্নন্তি খেলন্তি প্ৰৱিশন্তি স্ৱভাৱতঃ ॥ 2-25॥
উদ্যন্তি ঘ্নন্তি খেলন্তি প্ৰৱিশন্তি স্ৱভাৱতঃ ॥ 2-25॥