ভাৱনোপনিষদ্

শ্ৰীগুৰু-স্সৰ্ৱকাৰণভূতা শক্তিঃ ॥1॥

কেন নৱৰন্ধ্ৰৰূপো দেহঃ।
নৱশক্তিৰূপং শ্ৰীচক্ৰম।
ৱাৰাহী পিতৃৰূপা।
কুৰুকুল্লা বলিদেৱতা মাতা।
পুৰুষাৰ্থা-স্সাগৰাঃ।
দেহো নৱৰত্নদ্ৱীপঃ।
আধাৰনৱকমুদ্ৰাঃ শক্তযঃ।
ত্ৱগাদিসপ্তধাতুভিৰ-নেকৈ-স্সংযুঁক্তা-স্সঙ্কল্পাঃ কল্পতৰৱঃ।
তেজঃ কল্পকোদ্যানম্।ৰসনযা ভাৱ্যমানা মধুৰাম্লতিক্ত-কটুকষাযলৱণভেদা-ষ্ষড্ৰসা-ষ্ষডৃতৱঃ ।
ক্ৰিযাশক্তিঃ পীঠম্।
কুণ্ডলিনী জ্ঞানশক্তিৰ্গৃহম্। ইচ্ছাশক্তিৰ্মহাত্ৰিপুৰসুন্দৰী।
জ্ঞাতা হোতা জ্ঞানমগ্নিঃ জ্ঞেযং হৱিঃ। জ্ঞাতৃজ্ঞানজ্ঞেযানামভেদভাৱনং শ্ৰীচক্ৰপূজনম্। নিযতিসহিতা-শ্শ্ৰ্-ঋঙ্গাৰাদযো নৱ ৰসা অণিমাদযঃ। কামক্ৰোধলোভমোহমদ-মাত্সৰ্যপুণ্যপাপমযা ব্ৰাহ্মযাদ্যষ্টশক্তযঃ । পৃথিৱ্যপ্তেজোৱায্ৱাকাশশ্ৰোত্ৰত্ৱক্চক্ষুৰ্জিহ্ৱাঘ্ৰাণৱা-ক্পাণিপাদপাযূপস্থমনোৱিকাৰা-ষ্ষোডশ শক্তযঃ ।
ৱচনাদানগমনৱিসৰ্গানন্দহানোপেক্ষাবুদ্ধযো-ঽনঙ্গকুসুমাদিশক্তযো-ঽষ্টৌ।
অলম্বুসা কুহূৰ্ৱিশ্ৱোদৰী ৱৰুণা হস্তিজিহ্ৱা যশস্ৱত্যশ্ৱিনী গান্ধাৰী পূষা শঙ্খিনী সৰস্ৱতীডা পিঙ্গলা সুষুম্না চেতি চতুৰ্দশ নাড্যঃ। সৰ্ৱসঙ্ক্ষোভিণ্যাদিচতুৰ্দশাৰগা দেৱতাঃ। প্ৰাণাপানৱ্যানোদানসমাননাগকূৰ্মকৃকৰদেৱদত্তধনঞ্জযা ইতি দশ ৱাযৱঃ ।
সৰ্ৱসিদ্ধি-প্ৰদা দেৱ্যো বহিৰ্দশাৰগা দেৱতাঃ। এতদ্ৱাযুদশকসংসৰ্গোপাথিভেদেন ৰেচকপূৰকশোষকদাহক-প্লাৱকা অমৃতমিতি প্ৰাণমুখ্যত্ৱেন পঞ্চৱিধো-ঽস্তি ।
ক্ষাৰকো দাৰকঃ, ক্ষোভকো মোহকো জৃম্ভক ইত্যপালনমুখ্যত্ৱেন পঞ্চৱিধো-ঽস্তি ।
তেন মনুষ্যাণা-ম্মোহকো দাহকো ভক্ষ্যভোজ্যলেহ্যচোষ্যপেযা-ত্মক-ঞ্চতুৰ্ৱিধমন্ন-ম্পাচযতি।
এতা দশ ৱহ্নিকলা-স্সৰ্ৱাত্ৱাদ্যন্তৰ্দশাৰগা দেৱতাঃ। শীতোষ্ণসুখদুঃখেচ্ছাসত্ত্ৱৰজস্তমোগুণা ৱশিন্যাদিশক্তযো-ঽষ্টৌ।
শব্দস্পৰ্শৰূপৰসগন্ধাঃ পঞ্চতন্মাত্ৰাঃ পঞ্চ পুষ্পবাণা মন ইক্ষুধনুঃ।
ৱশ্যো বাণো ৰাগঃ পাশঃ।
দ্ৱেষো-ঽঙ্কুশঃ।
অৱ্যক্তমহত্তত্ত্ৱমহদহঙ্কাৰ ইতি কামেশ্ৱৰীৱজ্নেশ্ৱৰীভগমালিন্যো-ঽন্তস্ত্ৰিকোণাগ্নগা দেৱতাঃ ।
পঞ্চদশতিথিৰূপেণ কালস্য পৰিণামাৱলোকনস্থিতিঃ পঞ্চদশ নিত্যা শ্ৰদ্ধানুৰূপাধিদেৱতা।
তযোঃ কামেশ্ৱৰী সদানন্দঘনা পৰিপূৰ্ণস্ৱাত্মৈক্যৰূপা দেৱতা ॥2॥

সলিলমিতি সৌহিত্যকাৰণং সত্ত্ৱম্ । কৰ্তৱ্যমকৰ্তৱ্যমিতি ভাৱনাযুক্ত উপচাৰঃ।
অস্তি নাস্তীতি কৰ্তৱ্যতা উপচাৰঃ। বাহ্যাভ্যন্তঃকৰণানাং ৰূপগ্ৰহণযোগ্যতা-ঽস্ত্ৱিত্যাৱাহনম্।
তস্য ৱাহ্যাভ্যন্তঃকৰণানামেকৰূপৱিষযগ্ৰহণমাসনম্।
ৰক্তশুক্লপদৈকীকৰণ-ম্পাদ্যম্।
উজ্জ্ৱলদা-মোদানন্দাসনদানমৰ্ঘ্যম্।
স্ৱচ্ছং স্ৱতঃসিদ্ধমিত্যাচমনীযম্। চিচ্চন্দ্ৰমযীতি সৰ্ৱাঙ্গস্ত্ৰৱণং স্নানম্। চিদগ্নিস্ৱৰূপপৰমানন্দশক্তিস্ফুৰণং-ৱঁস্ত্ৰম্। প্ৰত্যেকং সপ্তৱিংশতিধা ভিন্নত্ৱেনেচ্ছাজ্ঞান-ক্ৰিযাত্মকব্ৰহ্মগ্ৰন্থিমদ্ৰসতন্তুব্ৰহ্মনাডী ব্ৰহ্মসূত্ৰম্।
স্ৱৱ্যতিৰিক্তৱস্তুসঙ্গৰহিতস্মৰণং-ৱিঁভূষণম্। স্ৱচ্ছস্ৱপৰিপূৰ্ণতাস্মৰণ-ঙ্গন্ধঃ ।
সমস্তৱিষযাণা-ম্মনস-স্স্থৈৰ্যেণানুসন্ধান-ঙ্কুসুমম্ । তেষামেৱ সৰ্ৱদা স্ৱীকৰণ-ন্ধূপঃ । পৱনাৱচ্ছিন্নোৰ্ধ্ৱগ্ৱলনসচ্চিদুল্কাকাশদেহো দীপঃ । সমস্তযাতাযা-তৱৰ্জ্য-ন্নৈৱেদ্যম্ । অৱস্থাত্ৰযাণামেকীকৰণ-ন্তাম্বূলম্। মূলাধাৰাদাব্ৰহ্মৰন্ধ্ৰপৰ্যন্ত-ম্ব্ৰহ্মৰন্ধ্ৰাদা-মূলাধাৰপৰ্যন্ত-ঙ্গতাগতৰূপেণ প্ৰাদক্ষিণ্যম্। তুৰ্যাৱস্থা নমস্কাৰঃ ।
দেহশূন্যপ্ৰমাতৃতানিমজ্জন-ম্বলিহৰণম্।
সত্যমস্তি কৰ্তৱ্যমকৰ্তৱ্যমৌদাসীন্যনিত্যাত্মৱিলাপনং হোমঃ।
স্ৱয-ন্তত্পাদুকা-নিমজ্জন-ম্পৰিপূৰ্ণধ্যানম্॥3॥

এৱ-ম্মুহূৰ্তত্ৰয-ম্ভাৱনাপৰো জীৱন্মুক্তো ভৱতি।
তস্য দেৱতাত্মৈক্যসিদ্ধিঃ।
চিন্তিতকাৰ্যাণ্য-যত্নেন সিদ্ধযন্তি।
স এৱ শিৱযোগীতি কথ্যতে ॥4॥