ভীষ্ম উৱাচ ।
ইতি মতিৰুপকল্পিতা ৱিতৃষ্ণা
ভগৱতি সাত্ৱতপুঙ্গৱে ৱিভূম্নি ।
স্ৱসুখমুপগতে ক্ৱচিদ্ৱিহৰ্তুং
প্ৰকৃতিমুপেযুষি যদ্ভৱপ্ৰৱাহঃ ॥ 1 ॥
স্ৱসুখমুপগতে ক্ৱচিদ্ৱিহৰ্তুং
প্ৰকৃতিমুপেযুষি যদ্ভৱপ্ৰৱাহঃ ॥ 1 ॥
ত্ৰিভুৱনকমনং তমালৱৰ্ণং
ৰৱিকৰগৌৰৱৰাম্বৰং দধানে ।
ৱপুৰলককুলাৱৃতাননাব্জং
ৱিজযসখে ৰতিৰস্তু মেঽনৱদ্যা ॥ 2 ॥
ৰৱিকৰগৌৰৱৰাম্বৰং দধানে ।
ৱপুৰলককুলাৱৃতাননাব্জং
ৱিজযসখে ৰতিৰস্তু মেঽনৱদ্যা ॥ 2 ॥
যুধি তুৰগৰজোৱিধূম্ৰৱিষ্ৱক্
কচলুলিতশ্ৰমৱাৰ্যলঙ্কৃতাস্যে ।
মম নিশিতশৰৈৰ্ৱিভিদ্যমান
ত্ৱচি ৱিলসত্কৱচেঽস্তু কৃষ্ণ আত্মা ॥ 3 ॥
কচলুলিতশ্ৰমৱাৰ্যলঙ্কৃতাস্যে ।
মম নিশিতশৰৈৰ্ৱিভিদ্যমান
ত্ৱচি ৱিলসত্কৱচেঽস্তু কৃষ্ণ আত্মা ॥ 3 ॥
সপদি সখিৱচো নিশম্য মধ্যে
নিজপৰযোৰ্বলযো ৰথং নিৱেশ্য ।
স্থিতৱতি পৰসৈনিকাযুৰক্ষ্ণা
হৃতৱতি পাৰ্থসখে ৰতিৰ্মমাস্তু ॥ 4 ॥
নিজপৰযোৰ্বলযো ৰথং নিৱেশ্য ।
স্থিতৱতি পৰসৈনিকাযুৰক্ষ্ণা
হৃতৱতি পাৰ্থসখে ৰতিৰ্মমাস্তু ॥ 4 ॥
ৱ্যৱহিত পৃথনামুখং নিৰীক্ষ্য
স্ৱজনৱধাদ্ৱিমুখস্য দোষবুদ্ধ্যা ।
কুমতিমহৰদাত্মৱিদ্যযা য-
-শ্চৰণৰতিঃ পৰমস্য তস্য মেঽস্তু ॥ 5 ॥
স্ৱজনৱধাদ্ৱিমুখস্য দোষবুদ্ধ্যা ।
কুমতিমহৰদাত্মৱিদ্যযা য-
-শ্চৰণৰতিঃ পৰমস্য তস্য মেঽস্তু ॥ 5 ॥
স্ৱনিগমমপহায মত্প্ৰতিজ্ঞাং
ঋতমধিকৰ্তুমৱপ্লুতো ৰথস্থঃ ।
ধৃতৰথচৰণোঽভ্যযাচ্চলদ্গুঃ
হৰিৰিৱ হন্তুমিভং গতোত্তৰীযঃ ॥ 6 ॥
ঋতমধিকৰ্তুমৱপ্লুতো ৰথস্থঃ ।
ধৃতৰথচৰণোঽভ্যযাচ্চলদ্গুঃ
হৰিৰিৱ হন্তুমিভং গতোত্তৰীযঃ ॥ 6 ॥
শিতৱিশিখহতো ৱিশীৰ্ণদংশঃ
ক্ষতজপৰিপ্লুত আততাযিনো মে ।
প্ৰসভমভিসসাৰ মদ্ৱধাৰ্থং
স ভৱতু মে ভগৱান্ গতিৰ্মুকুন্দঃ ॥ 7 ॥
ক্ষতজপৰিপ্লুত আততাযিনো মে ।
প্ৰসভমভিসসাৰ মদ্ৱধাৰ্থং
স ভৱতু মে ভগৱান্ গতিৰ্মুকুন্দঃ ॥ 7 ॥
ৱিজযৰথকুটুম্ব আত্ততোত্ৰে
ধৃতহযৰশ্মিনি তচ্ছ্ৰিযেক্ষণীযে ।
ভগৱতি ৰতিৰস্তু মে মুমূৰ্ষোঃ
যমিহ নিৰীক্ষ্য হতাঃ গতাঃ সৰূপম্ ॥ 8 ॥
ধৃতহযৰশ্মিনি তচ্ছ্ৰিযেক্ষণীযে ।
ভগৱতি ৰতিৰস্তু মে মুমূৰ্ষোঃ
যমিহ নিৰীক্ষ্য হতাঃ গতাঃ সৰূপম্ ॥ 8 ॥
ললিত গতি ৱিলাস ৱল্গুহাস
প্ৰণয নিৰীক্ষণ কল্পিতোৰুমানাঃ ।
কৃতমনুকৃতৱত্য উন্মদান্ধাঃ
প্ৰকৃতিমগন্ কিল যস্য গোপৱধ্ৱঃ ॥ 9 ॥
প্ৰণয নিৰীক্ষণ কল্পিতোৰুমানাঃ ।
কৃতমনুকৃতৱত্য উন্মদান্ধাঃ
প্ৰকৃতিমগন্ কিল যস্য গোপৱধ্ৱঃ ॥ 9 ॥
মুনিগণনৃপৱৰ্যসঙ্কুলেঽন্তঃ
সদসি যুধিষ্ঠিৰৰাজসূয এষাম্ ।
অৰ্হণমুপপেদ ঈক্ষণীযো
মম দৃশিগোচৰ এষ আৱিৰাত্মা ॥ 10 ॥
সদসি যুধিষ্ঠিৰৰাজসূয এষাম্ ।
অৰ্হণমুপপেদ ঈক্ষণীযো
মম দৃশিগোচৰ এষ আৱিৰাত্মা ॥ 10 ॥
তমিমমহমজং শৰীৰভাজাং
হৃদি হৃদি ধিষ্টিতমাত্মকল্পিতানাম্ ।
প্ৰতিদৃশমিৱ নৈকধাঽৰ্কমেকং
সমধিগতোঽস্মি ৱিধূতভেদমোহঃ ॥ 11 ॥
হৃদি হৃদি ধিষ্টিতমাত্মকল্পিতানাম্ ।
প্ৰতিদৃশমিৱ নৈকধাঽৰ্কমেকং
সমধিগতোঽস্মি ৱিধূতভেদমোহঃ ॥ 11 ॥
ইতি শ্ৰীমদ্ভাগৱতে মহাপুৰাণে প্ৰথমস্কন্ধে নৱমোঽধ্যাযে ভীষ্মকৃত ভগৱত্ স্তুতিঃ ।