ভীষ্ম উবাচ ।
ইতি মতিরুপকল্পিতা বিতৃষ্ণা
ভগবতি সাত্বতপুঙ্গবে বিভূম্নি ।
স্বসুখমুপগতে ক্বচিদ্বিহর্তুং
প্রকৃতিমুপেযুষি যদ্ভবপ্রবাহঃ ॥ 1 ॥
স্বসুখমুপগতে ক্বচিদ্বিহর্তুং
প্রকৃতিমুপেযুষি যদ্ভবপ্রবাহঃ ॥ 1 ॥
ত্রিভুবনকমনং তমালবর্ণং
রবিকরগৌরবরাম্বরং দধানে ।
বপুরলককুলাবৃতাননাব্জং
বিজযসখে রতিরস্তু মেঽনবদ্যা ॥ 2 ॥
রবিকরগৌরবরাম্বরং দধানে ।
বপুরলককুলাবৃতাননাব্জং
বিজযসখে রতিরস্তু মেঽনবদ্যা ॥ 2 ॥
যুধি তুরগরজোবিধূম্রবিষ্বক্
কচলুলিতশ্রমবার্যলঙ্কৃতাস্যে ।
মম নিশিতশরৈর্বিভিদ্যমান
ত্বচি বিলসত্কবচেঽস্তু কৃষ্ণ আত্মা ॥ 3 ॥
কচলুলিতশ্রমবার্যলঙ্কৃতাস্যে ।
মম নিশিতশরৈর্বিভিদ্যমান
ত্বচি বিলসত্কবচেঽস্তু কৃষ্ণ আত্মা ॥ 3 ॥
সপদি সখিবচো নিশম্য মধ্যে
নিজপরযোর্বলযো রথং নিবেশ্য ।
স্থিতবতি পরসৈনিকাযুরক্ষ্ণা
হৃতবতি পার্থসখে রতির্মমাস্তু ॥ 4 ॥
নিজপরযোর্বলযো রথং নিবেশ্য ।
স্থিতবতি পরসৈনিকাযুরক্ষ্ণা
হৃতবতি পার্থসখে রতির্মমাস্তু ॥ 4 ॥
ব্যবহিত পৃথনামুখং নিরীক্ষ্য
স্বজনবধাদ্বিমুখস্য দোষবুদ্ধ্যা ।
কুমতিমহরদাত্মবিদ্যযা য-
-শ্চরণরতিঃ পরমস্য তস্য মেঽস্তু ॥ 5 ॥
স্বজনবধাদ্বিমুখস্য দোষবুদ্ধ্যা ।
কুমতিমহরদাত্মবিদ্যযা য-
-শ্চরণরতিঃ পরমস্য তস্য মেঽস্তু ॥ 5 ॥
স্বনিগমমপহায মত্প্রতিজ্ঞাং
ঋতমধিকর্তুমবপ্লুতো রথস্থঃ ।
ধৃতরথচরণোঽভ্যযাচ্চলদ্গুঃ
হরিরিব হন্তুমিভং গতোত্তরীযঃ ॥ 6 ॥
ঋতমধিকর্তুমবপ্লুতো রথস্থঃ ।
ধৃতরথচরণোঽভ্যযাচ্চলদ্গুঃ
হরিরিব হন্তুমিভং গতোত্তরীযঃ ॥ 6 ॥
শিতবিশিখহতো বিশীর্ণদংশঃ
ক্ষতজপরিপ্লুত আততাযিনো মে ।
প্রসভমভিসসার মদ্বধার্থং
স ভবতু মে ভগবান্ গতির্মুকুন্দঃ ॥ 7 ॥
ক্ষতজপরিপ্লুত আততাযিনো মে ।
প্রসভমভিসসার মদ্বধার্থং
স ভবতু মে ভগবান্ গতির্মুকুন্দঃ ॥ 7 ॥
বিজযরথকুটুম্ব আত্ততোত্রে
ধৃতহযরশ্মিনি তচ্ছ্রিযেক্ষণীযে ।
ভগবতি রতিরস্তু মে মুমূর্ষোঃ
যমিহ নিরীক্ষ্য হতাঃ গতাঃ সরূপম্ ॥ 8 ॥
ধৃতহযরশ্মিনি তচ্ছ্রিযেক্ষণীযে ।
ভগবতি রতিরস্তু মে মুমূর্ষোঃ
যমিহ নিরীক্ষ্য হতাঃ গতাঃ সরূপম্ ॥ 8 ॥
ললিত গতি বিলাস বল্গুহাস
প্রণয নিরীক্ষণ কল্পিতোরুমানাঃ ।
কৃতমনুকৃতবত্য উন্মদান্ধাঃ
প্রকৃতিমগন্ কিল যস্য গোপবধ্বঃ ॥ 9 ॥
প্রণয নিরীক্ষণ কল্পিতোরুমানাঃ ।
কৃতমনুকৃতবত্য উন্মদান্ধাঃ
প্রকৃতিমগন্ কিল যস্য গোপবধ্বঃ ॥ 9 ॥
মুনিগণনৃপবর্যসঙ্কুলেঽন্তঃ
সদসি যুধিষ্ঠিররাজসূয এষাম্ ।
অর্হণমুপপেদ ঈক্ষণীযো
মম দৃশিগোচর এষ আবিরাত্মা ॥ 10 ॥
সদসি যুধিষ্ঠিররাজসূয এষাম্ ।
অর্হণমুপপেদ ঈক্ষণীযো
মম দৃশিগোচর এষ আবিরাত্মা ॥ 10 ॥
তমিমমহমজং শরীরভাজাং
হৃদি হৃদি ধিষ্টিতমাত্মকল্পিতানাম্ ।
প্রতিদৃশমিব নৈকধাঽর্কমেকং
সমধিগতোঽস্মি বিধূতভেদমোহঃ ॥ 11 ॥
হৃদি হৃদি ধিষ্টিতমাত্মকল্পিতানাম্ ।
প্রতিদৃশমিব নৈকধাঽর্কমেকং
সমধিগতোঽস্মি বিধূতভেদমোহঃ ॥ 11 ॥
ইতি শ্রীমদ্ভাগবতে মহাপুরাণে প্রথমস্কন্ধে নবমোঽধ্যাযে ভীষ্মকৃত ভগবত্ স্তুতিঃ ।