দকারাদি শ্রী দুর্গা সহস্র নাম স্তোত্রম্

মম নাম সহস্রং চ শিব পূর্ববিনির্মিতম্ ।
তত্পঠ্যতাং বিধানেন তথা সর্বং ভবিষ্যতি ॥
ইত্যুক্ত্বা পার্বতী দেবি শ্রাবযামাস তচ্চতান্ ।
তদেব নামসাহস্রং দকারাদি বরাননে ॥
রোগদারিদ্র্যদৌর্ভাগ্যশোকদুঃখবিনাশকম্ ।
সর্বাসাং পূজিতং নাম শ্রীদুর্গাদেবতা মতা ॥
নিজবীজং ভবেদ্বীজং মন্ত্রং কীলকমুচ্যতে ।
সর্বাশাপূরণে দেবী বিনিযোগঃ প্রকীর্তিতঃ ॥
ওঁ অস্য শ্রীদকারাদি দুর্গাসহস্রনাম স্তোত্রস্য শিব ঋষিঃ অনুষ্টুপ্ছন্দঃ শ্রীদুর্গা দেবতা দুং বীজং দুং কীলকং দুঃখদারিদ্র্যরোগশোক নিবৃত্ত্যর্থং পাঠে বিনিযোগঃ ।
ধ্যানম্
বিদ্যুদ্দামসমপ্রভাং মৃগপতি স্কন্ধস্থিতাং ভীষণাং
কন্যাভিঃ করবালখেটবিলদ্দস্তাভিরাসেবিতাম্ ।
হসৈশ্চক্রগদাসিখেট বিশিখাংশ্চাপং গুণং তর্জনীং
বিভ্রাণামনলাত্মিকাং শশিধরাং দুর্গাং ত্রিনেত্রাং ভজে ॥
স্তোত্রম্
দুং দুর্গা দুর্গতিহরা দুর্গাচলনিবাসিনী ।
দুর্গমার্গানুসঞ্চারা দুর্গমার্গনিবাসিনী ॥ 1 ॥

দুর্গমার্গপ্রবিষ্টা চ দুর্গমার্গপ্রবেশিনী ।
দুর্গমার্গকৃতাবাসা দুর্গমার্গজযপ্রিযা ॥ 2 ॥

দুর্গমার্গগৃহীতার্চা দুর্গমার্গস্থিতাত্মিকা ।
দুর্গমার্গস্তুতিপরা দুর্গমার্গস্মৃতিঃ পরা ॥ 3 ॥

দুর্গমার্গসদাস্থাত্রী দুর্গমার্গরতিপ্রিযা ।
দুর্গমার্গস্থলস্থানা দুর্গমার্গবিলাসিনী ॥ 4 ॥

দুর্গমার্গত্যক্তবস্ত্রা দুর্গমার্গপ্রবর্তিনী ।
দুর্গাসুরনিহন্ত্রী চ দুর্গাসুরনিষূদিনী ॥ 5 ॥

দুর্গাসুরহরা দূতী দুর্গাসুরবিনাশিনী ।
দুর্গাসুরবধোন্মত্তা দুর্গাসুরবধোত্সুকা ॥ 6 ॥

দুর্গাসুরবধোত্সাহা দুর্গাসুরবধোদ্যতা ।
দুর্গাসুরবধপ্রেপ্সুঃ দুর্গাসুরমুখান্তকৃত্ ॥ 7 ॥

দুর্গাসুরধ্বংসতোষা দুর্গদানবদারিণী ।
দুর্গবিদ্রাবণকরী দুর্গবিদ্রাবণী সদা ॥ 8 ॥

দুর্গবিক্ষোভণকরী দুর্গশীর্ষনিকৃন্তনী ।
দুর্গবিধ্বংসনকরী দুর্গদৈত্যনিকৃন্তনী ॥ 9 ॥

দুর্গদৈত্যপ্রাণহরা দুর্গদৈত্যান্তকারিণী ।
দুর্গদৈত্যহরত্রাতা দুর্গদৈত্যাসৃগুন্মদা ॥ 10 ॥

দুর্গদৈত্যাশনকরী দুর্গচর্মাম্বরাবৃতা ।
দুর্গযুদ্ধোত্সবকরী দুর্গযুদ্ধবিশারদা ॥ 11 ॥

দুর্গযুদ্ধাসবরতা দুর্গযুদ্ধবিমর্দিনী ।
দুর্গযুদ্ধহাস্যরতা দুর্গযুদ্ধাট্টহাসিনী ॥ 12 ॥

দুর্গযুদ্ধমহামত্তা দুর্গযুদ্ধানুসারিণী ।
দুর্গযুদ্ধোত্সবোত্সাহা দুর্গদেশনিষেবিণী ॥ 13 ॥

দুর্গদেশবাসরতা দুর্গদেশবিলাসিনী ।
দুর্গদেশার্চনরতা দুর্গদেশজনপ্রিযা ॥ 14 ॥

দুর্গমস্থানসংস্থানা দুর্গমধ্যানুসাধনা ।
দুর্গমা দুর্গমধ্যানা দুর্গমাত্মস্বরূপিণী ॥ 15 ॥

দুর্গমাগমসন্ধানা দুর্গমাগমসংস্তুতা ।
দুর্গমাগমদুর্জ্ঞেযা দুর্গমশ্রুতিসম্মতা ॥ 16 ॥

দুর্গমশ্রুতিমান্যা চ দুর্গমশ্রুতিপূজিতা ।
দুর্গমশ্রুতিসুপ্রীতা দুর্গমশ্রুতিহর্ষদা ॥ 17 ॥

দুর্গমশ্রুতিসংস্থানা দুর্গমশ্রুতিমানিতা ।
দুর্গমাচারসন্তুষ্টা দুর্গমাচারতোষিতা ॥ 18 ॥

দুর্গমাচারনির্বৃত্তা দুর্গমাচারপূজিতা ।
দুর্গমাচারকলিতা দুর্গমস্থানদাযিনী ॥ 19 ॥

দুর্গমপ্রেমনিরতা দুর্গমদ্রবিণপ্রদা ।
দুর্গমাম্বুজমধ্যস্থা দুর্গমাম্বুজবাসিনী ॥ 20 ॥

দুর্গনাডীমার্গগতির্দুর্গনাডীপ্রচারিণী ।
দুর্গনাডীপদ্মরতা দুর্গনাড্যম্বুজস্থিতা ॥ 21 ॥

দুর্গনাডীগতাযাতা দুর্গনাডীকৃতাস্পদা ।
দুর্গনাডীরতরতা দুর্গনাডীশসংস্তুতা ॥ 22 ॥

দুর্গনাডীশ্বররতা দুর্গনাডীশচুম্বিতা ।
দুর্গনাডীশক্রোডস্থা দুর্গনাড্যত্থিতোত্সুকা ॥ 23 ॥

দুর্গনাড্যারোহণা চ দুর্গনাডীনিষেবিতা ।
দরিস্থানা দরিস্থানবাসিনী দনুজান্তকৃত্ ॥ 24 ॥

দরীকৃততপস্যা চ দরীকৃতহরার্চনা ।
দরীজাপিতদিষ্টা চ দরীকৃতরতিপ্রিযা ॥ 25 ॥

দরীকৃতহরার্হা চ দরীক্রীডিতপুত্রিকা ।
দরীসন্দর্শনরতা দরীরোপিতবৃশ্চিকা ॥ 26 ॥

দরীগুপ্তিকৌতুকাঢ্যা দরীভ্রমণতত্পরা ।
দনুজান্তকরী দীনা দনুসন্তানদারিণী ॥ 27 ॥

দনুজধ্বংসিনী দূনা দনুজেন্দ্রবিনাশিনী ।
দানবধ্বংসিনী দেবী দানবানাং ভযঙ্করী ॥ 28 ॥

দানবী দানবারাধ্যা দানবেন্দ্রবরপ্রদা ।
দানবেন্দ্রনিহন্ত্রী চ দানবদ্বেষিণীসতী ॥ 29 ॥

দানবারিপ্রেমরতা দানবারিপ্রপূজিতা ।
দানবারিকৃতার্চা চ দানবারিবিভূতিদা ॥ 30 ॥

দানবারিমহানন্দা দানবারিরতিপ্রিযা ।
দানবারিদানরতা দানবারিকৃতাস্পদা ॥ 31 ॥

দানবারিস্তুতিরতা দানবারিস্মৃতিপ্রিযা ।
দানবার্যাহাররতা দানবারিপ্রবোধিনী ॥ 32 ॥

দানবারিধৃতপ্রেমা দুঃখশোকবিমোচনী ।
দুঃখহন্ত্রী দুঃখদাত্রী দুঃখনির্মূলকারিণী ॥ 33 ॥

দুঃখনির্মূলনকরী দুঃখদারিদ্র্যনাশিনী । [দার্যরিনাশিনী]
দুঃখহরা দুঃখনাশা দুঃখগ্রামা দুরাসদা ॥ 34 ॥

দুঃখহীনা দুঃখদূরা দ্রবিণাচারদাযিনী ।
দ্রবিণোত্সর্গসন্তুষ্টা দ্রবিণত্যাগতোষিতা ॥ 35 ॥

দ্রবিণস্পর্শসন্তুষ্টা দ্রবিণস্পর্শমানদা ।
দ্রবিণস্পর্শহর্ষাঢ্যা দ্রবিণস্পর্শতুষ্টিদা ॥ 36 ॥

দ্রবিণস্পর্শনকরী দ্রবিণস্পর্শনাতুরা ।
দ্রবিণস্পর্শনোত্সাহা দ্রবিণস্পর্শসাধিতা ॥ 37 ॥

দ্রবিণস্পর্শনমতা দ্রবিণস্পর্শপুত্রিকা ।
দ্রবিণস্পর্শরক্ষিণী দ্রবিণস্তোমদাযিনী ॥ 38 ॥

দ্রবিণাকর্ষণকরী দ্রবিণৌঘবিসর্জনী ।
দ্রবিণাচলদানাঢ্যা দ্রবিণাচলবাসিনী ॥ 39 ॥

দীনমাতা দীনবন্ধুর্দীনবিঘ্নবিনাশিনী ।
দীনসেব্যা দীনসিদ্ধা দীনসাধ্যা দিগম্বরী ॥ 40 ॥

দীনগেহকৃতানন্দা দীনগেহবিলাসিনী ।
দীনভাবপ্রেমরতা দীনভাববিনোদিনী ॥ 41 ॥

দীনমানবচেতঃস্থা দীনমানবহর্ষদা ।
দীনদৈন্যবিঘাতেচ্ছুর্দীনদ্রবিণদাযিনী ॥ 42 ॥

দীনসাধনসন্তুষ্টা দীনদর্শনদাযিনী ।
দীনপুত্রাদিদাত্রী চ দীনসম্যগ্বিধাযিনী ॥ 43 ॥

দত্তাত্রেযধ্যানরতা দত্তাত্রেযপ্রপূজিতা ।
দত্তাত্রেযর্ষিসংসিদ্ধা দত্তাত্রেযবিভাবিতা ॥ 44 ॥

দত্তাত্রেযকৃতার্হা চ দত্তাত্রেযপ্রসাদিতা ।
দত্তাত্রেযহর্ষদাত্রী দত্তাত্রেযসুখপ্রদা ॥ 45 ॥

দত্তাত্রেযস্তুতা চৈব দত্তাত্রেযনুতাসদা ।
দত্তাত্রেযপ্রেমরতা দত্তাত্রেযানুমানিতা ॥ 46 ॥

দত্তাত্রেযসমুদ্গীতা দত্তাত্রেযকুটুম্বিনী ।
দত্তাত্রেযপ্রাণতুল্যা দত্তাত্রেযশরীরিণী ॥ 47 ॥

দত্তাত্রেযকৃতানন্দা দত্তাত্রেযাংশসম্ভবা ।
দত্তাত্রেযবিভূতিস্থা দত্তাত্রেযানুসারিণী ॥ 48 ॥

দত্তাত্রেযগীতিরতা দত্তাত্রেযধনপ্রদা ।
দত্তাত্রেযদুঃখহরা দত্তাত্রেযবরপ্রদা ॥ 49 ॥

দত্তাত্রেযজ্ঞানদাত্রী দত্তাত্রেযভযাপহা ।
দেবকন্যা দেবমান্যা দেবদুঃখবিনাশিনী ॥ 50 ॥

দেবসিদ্ধা দেবপূজ্যা দেবেজ্যা দেববন্দিতা ।
দেবমান্যা দেবধন্যা দেববিঘ্নবিনাশিনী ॥ 51 ॥

দেবরম্যা দেবরতা দেবকৌতুকতত্পরা ।
দেবক্রীডা দেবব্রীডা দেববৈরিবিনাশিনী ॥ 52 ॥

দেবকামা দেবরামা দেবদ্বিষবিনাশিনী ।
দেবদেবপ্রিযা দেবী দেবদানববন্দিতা ॥ 53 ॥

দেবদেবরতানন্দা দেবদেববরোত্সুকা ।
দেবদেবপ্রেমরতা দেবদেবপ্রিযংবদা ॥ 54 ॥

দেবদেবপ্রাণতুল্যা দেবদেবনিতম্বিনী ।
দেবদেবহৃতমনা দেবদেবসুখাবহা ॥ 55 ॥

দেবদেবক্রোডরতা দেবদেবসুখপ্রদা ।
দেবদেবমহানন্দা দেবদেবপ্রচুম্বিতা ॥ 56 ॥

দেবদেবোপভুক্তা চ দেবদেবানুসেবিতা ।
দেবদেবগতপ্রাণা দেবদেবগতাত্মিকা ॥ 57 ॥

দেবদেবহর্ষদাত্রী দেবদেবসুখপ্রদা ।
দেবদেবমহানন্দা দেবদেববিলাসিনী ॥ 58 ॥

দেবদেবধর্মপত্নী দেবদেবমনোগতা ।
দেবদেববধূর্দেবী দেবদেবার্চনপ্রিযা ॥ 59 ॥

দেবদেবাঙ্গনিলযা দেবদেবাঙ্গশাযিনী ।
দেবদেবাঙ্গসুখিনী দেবদেবাঙ্গবাসিনী ॥ 60 ॥

দেবদেবাঙ্গভূষা চ দেবদেবাঙ্গভূষণা ।
দেবদেবপ্রিযকরী দেবদেবাপ্রিযান্তকৃত্ ॥ 61 ॥

দেবদেবপ্রিযপ্রাণা দেবদেবপ্রিযাত্মিকা ।
দেবদেবার্চকপ্রাণা দেবদেবার্চকপ্রিযা ॥ 62 ॥

দেবদেবার্চকোত্সাহা দেবদেবার্চকাশ্রযা ।
দেবদেবার্চকাবিঘ্না দেবদেবপ্রসূরপি ॥ 63 ॥

দেবদেবস্য জননী দেবদেববিধাযিনী ।
দেবদেবস্য রমণী দেবদেবহৃদাশ্রযা ॥ 64 ॥

দেবদেবেষ্টদেবী চ দেবতাপবিপাতিনী । [তাপসপালিনী]
দেবতাভাবসন্তুষ্টা দেবতাভাবতোষিতা ॥ 65 ॥

দেবতাভাববরদা দেবতাভাবসিদ্ধিদা ।
দেবতাভাবসংসিদ্ধা দেবতাভাবসম্ভবা ॥ 66 ॥

দেবতাভাবসুখিনী দেবতাভাববন্দিতা ।
দেবতাভাবসুপ্রীতা দেবতাভাবহর্ষদা ॥ 67 ॥

দেবতাবিঘ্নহন্ত্রী চ দেবতাদ্বিষনাশিনী ।
দেবতাপূজিতপদা দেবতাপ্রেমতোষিতা ॥ 68 ॥

দেবতাগারনিলযা দেবতাসৌখ্যদাযিনী ।
দেবতানিজভাবা চ দেবতাহৃতমানসা ॥ 69 ॥

দেবতাকৃতপাদার্চা দেবতাহৃতভক্তিকা ।
দেবতাগর্বমধ্যস্থা দেবতাদেবতাতনুঃ ॥ 70 ॥

দুং‍দুর্গাযৈ নমো নাম্নী দুং‍ষণ্মন্ত্রস্বরূপিণী ।
দূন্নমোমন্ত্ররূপা চ দূন্নমোমূর্তিকাত্মিকা ॥ 71 ॥

দূরদর্শিপ্রিযা দুষ্টা দুষ্টভূতনিষেবিতা ।
দূরদর্শিপ্রেমরতা দূরদর্শিপ্রিযংবদা ॥ 72 ॥

দূরদর্শিসিদ্ধিদাত্রী দূরদর্শিপ্রতোষিতা ।
দূরদর্শিকণ্ঠসংস্থা দূরদর্শিপ্রহর্ষিতা ॥ 73 ॥

দূরদর্শিগৃহীতার্চা দূরদর্শিপ্রতর্পিতা ।
দূরদর্শিপ্রাণতুল্যা দূরদর্শিসুখপ্রদা ॥ 74 ॥

দূরদর্শিভ্রান্তিহরা দূরদর্শিহৃদাস্পদা ।
দূরদর্শ্যরিবিদ্ভাবা দীর্ঘদর্শিপ্রমোদিনী ॥ 75 ॥

দীর্ঘদর্শিপ্রাণতুল্যা দীর্ঘদর্শিবরপ্রদা ।
দীর্ঘদর্শিহর্ষদাত্রী দীর্ঘদর্শিপ্রহর্ষিতা ॥ 76 ॥

দীর্ঘদর্শিমহানন্দা দীর্ঘদর্শিগৃহালযা ।
দীর্ঘদর্শিগৃহীতার্চা দীর্ঘদর্শিহৃতার্হণা ॥ 77 ॥

দযা দানবতী দাত্রী দযালুর্দীনবত্সলা ।
দযার্দ্রা চ দযাশীলা দযাঢ্যা চ দযাত্মিকা ॥ 78 ॥

দযাম্বুধির্দযাসারা দযাসাগরপারগা ।
দযাসিন্ধুর্দযাভারা দযাবত্করুণাকরী ॥ 80 ॥

দযাবদ্বত্সলাদেবী দযাদানরতাসদা ।
দযাবদ্ভক্তিসুখিনী দযাবত্পরিতোষিতা ॥ 81 ॥

দযাবত্স্নেহনিরতা দযাবত্প্রতিপাদিকা ।
দযাবত্প্রাণকর্ত্রী চ দযাবন্মুক্তিদাযিনী ॥ 82 ॥

দযাবদ্ভাবসন্তুষ্টা দযাবত্পরিতোষিতা ।
দযাবত্তারণপরা দযাবত্সিদ্ধিদাযিনী ॥ 83 ॥

দযাবত্পুত্রবদ্ভাবা দযাবত্পুত্ররূপিণী ।
দযাবদ্দেহনিলযা দযাবন্ধুর্দযাশ্রযা ॥ 84 ॥

দযালুবাত্সল্যকরী দযালুসিদ্ধিদাযিনী ।
দযালুশরণাসক্তা দযালুর্দেহমন্দিরা ॥ 85 ॥

দযালুভক্তিভাবস্থা দযালুপ্রাণরূপিণী ।
দযালুসুখদা দম্ভা দযালুপ্রেমবর্ষিণী ॥ 86 ॥

দযালুবশগা দীর্ঘা দীর্ঘাঙ্গী দীর্ঘলোচনা ।
দীর্ঘনেত্রা দীর্ঘচক্ষুর্দীর্ঘবাহুলতাত্মিকা ॥ 87 ॥

দীর্ঘকেশী দীর্ঘমুখী দীর্ঘঘোণা চ দারুণা ।
দারুণাসুরহন্ত্রী চ দারুণাসুরদারিণী ॥ 88 ॥

দারুণাহবকর্ত্রী চ দারুণাহবহর্ষিতা ।
দারুণাহবহোমাঢ্যা দারুণাচলনাশিনী ॥ 89 ॥

দারুণাচারনিরতা দারুণোত্সবহর্ষিতা ।
দারুণোদ্যতরূপা চ দারুণারিনিবারিণী ॥ 90 ॥

দারুণেক্ষণসংযুক্তা দোশ্চতুষ্কবিরাজিতা ।
দশদোষ্কা দশভুজা দশবাহুবিরাজিতা ॥ 91 ॥

দশাস্ত্রধারিণী দেবী দশদিক্খ্যাতবিক্রমা ।
দশরথার্চিতপদা দাশরথিপ্রিযা সদা ॥ 92 ॥

দাশরথিপ্রেমতুষ্টা দাশরথিরতিপ্রিযা ।
দাশরথিপ্রিযকরী দাশরথিপ্রিযংবদা ॥ 93 ॥

দাশরথীষ্টসন্দাত্রী দাশরথীষ্টদেবতা ।
দাশরথিদ্বেষিনাশা দাশরথ্যানুকূল্যদা ॥ 94 ॥

দাশরথিপ্রিযতমা দাশরথিপ্রপূজিতা ।
দশাননারিসম্পূজ্যা দশাননারিদেবতা ॥ 95 ॥

দশাননারিপ্রমদা দশাননারিজন্মভূঃ ।
দশাননারিরতিদা দশাননারিসেবিতা ॥ 96 ॥

দশাননারিসুখদা দশাননারিবৈরিহৃত্ ।
দশাননারীষ্টদেবী দশগ্রীবারিবন্দিতা ॥ 97 ॥

দশগ্রীবারিজননী দশগ্রীবারিভাবিনী ।
দশগ্রীবারিসহিতা দশগ্রীবসভাজিতা ॥ 98 ॥

দশগ্রীবারিরমণী দশগ্রীববধূরপি ।
দশগ্রীবনাশকর্ত্রী দশগ্রীববরপ্রদা ॥ 99 ॥

দশগ্রীবপুরস্থা চ দশগ্রীববধোত্সুকা ।
দশগ্রীবপ্রীতিদাত্রী দশগ্রীববিনাশিনী ॥ 100 ॥

দশগ্রীবাহবকরী দশগ্রীবানপাযিনী ।
দশগ্রীবপ্রিযাবন্দ্যা দশগ্রীবাহৃতা তথা ॥ 101 ॥

দশগ্রীবাহিতকরী দশগ্রীবেশ্বরপ্রিযা ।
দশগ্রীবেশ্বরপ্রাণা দশগ্রীববরপ্রদা ॥ 102 ॥

দশগ্রীবেশ্বররতা দশবর্ষীযকন্যকা ।
দশবর্ষীযবালা চ দশবর্ষীযবাসিনী ॥ 103 ॥

দশপাপহরা দম্যা দশহস্তবিভূষিতা ।
দশশস্ত্রলসদ্দোষ্কা দশদিক্পালবন্দিতা ॥ 104 ॥

দশাবতাররূপা চ দশাবতাররূপিণী ।
দশবিদ্যাভিন্নদেবী দশপ্রাণস্বরূপিণী ॥ 105 ॥

দশবিদ্যাস্বরূপা চ দশবিদ্যামযী তথা ।
দৃক্স্বরূপা দৃক্প্রদাত্রী দৃগ্রূপা দৃক্প্রকাশিনী ॥ 106 ॥

দিগন্তরা দিগন্তস্থা দিগম্বরবিলাসিনী ।
দিগম্বরসমাজস্থা দিগম্বরপ্রপূজিতা ॥ 107 ॥

দিগম্বরসহচরী দিগম্বরকৃতাস্পদা ।
দিগম্বরহৃতাচিত্তা দিগম্বরকথাপ্রিযা ॥ 108 ॥

দিগম্বরগুণরতা দিগম্বরস্বরূপিণী ।
দিগম্বরশিরোধার্যা দিগম্বরহৃতাশ্রযা ॥ 109 ॥

দিগম্বরপ্রেমরতা দিগম্বররতাতুরা ।
দিগম্বরীস্বরূপা চ দিগম্বরীগণার্চিতা ॥ 110 ॥

দিগম্বরীগণপ্রাণা দিগম্বরীগণপ্রিযা ।
দিগম্বরীগণারাধ্যা দিগম্বরগণেশ্বরা ॥ 111 ॥

দিগম্বরগণস্পর্শামদিরাপানবিহ্বলা ।
দিগম্বরীকোটিবৃতা দিগম্বরীগণাবৃতা ॥ 112 ॥

দুরন্তা দুষ্কৃতিহরা দুর্ধ্যেযা দুরতিক্রমা ।
দুরন্তদানবদ্বেষ্টী দুরন্তদনুজান্তকৃত্ ॥ 113 ॥

দুরন্তপাপহন্ত্রী চ দস্রনিস্তারকারিণী ।
দস্রমানসসংস্থানা দস্রজ্ঞানবিবর্ধিনী ॥ 114 ॥

দস্রসম্ভোগজননী দস্রসম্ভোগদাযিনী ।
দস্রসম্ভোগভবনা দস্রবিদ্যাবিধাযিনী ॥ 115 ॥

দস্রোদ্বেগহরা দস্রজননী দস্রসুন্দরী ।
দস্রভক্তিবিধাজ্ঞানা দস্রদ্বিষবিনাশিনী ॥ 116 ॥

দস্রাপকারদমনী দস্রসিদ্ধিবিধাযিনী ।
দস্রতারারাধিতা চ দস্রমাতৃপ্রপূজিতা ॥ 117 ॥

দস্রদৈন্যহরা চৈব দস্রতাতনিষেবিতা ।
দস্রপিতৃশতজ্যোতির্দস্রকৌশলদাযিনী ॥ 118 ॥

দশশীর্ষারিসহিতা দশশীর্ষারিকামিনী ।
দশশীর্ষপুরী দেবী দশশীর্ষসভাজিতা ॥ 119 ॥

দশশীর্ষারিসুপ্রীতা দশশীর্ষবধূপ্রিযা ।
দশশীর্ষশিরশ্ছেত্রী দশশীর্ষনিতম্বিনী ॥ 120 ॥

দশশীর্ষহরপ্রাণা দশশীর্ষহরাত্মিকা ।
দশশীর্ষহরারাধ্যা দশশীর্ষারিবন্দিতা ॥ 121 ॥

দশশীর্ষারিসুখদা দশশীর্ষকপালিনী ।
দশশীর্ষজ্ঞানদাত্রী দশশীর্ষারিদেহিনী ॥ 122 ॥

দশশীর্ষবধোপাত্তশ্রীরামচন্দ্ররূপতা ।
দশশীর্ষরাষ্ট্রদেবী দশশীর্ষারিসারিণী ॥ 123 ॥

দশশীর্ষভ্রাতৃতুষ্টা দশশীর্ষবধূপ্রিযা ।
দশশীর্ষবধূপ্রাণা দশশীর্ষবধূরতা ॥ 124 ॥

দৈত্যগুরুরতা সাধ্বী দৈত্যগুরুপ্রপূজিতা ।
দৈত্যগুরূপদেষ্ট্রী চ দৈত্যগুরুনিষেবিতা ॥ 125 ॥

দৈত্যগুরুগতপ্রাণা দৈত্যগুরুতাপনাশিনী ।
দুরন্তদুঃখশমনী দুরন্তদমনীতমী ॥ 126 ॥

দুরন্তশোকশমনী দুরন্তরোগনাশিনী ।
দুরন্তবৈরিদমনী দুরন্তদৈত্যনাশিনী ॥ 127 ॥

দুরন্তকলুষঘ্নী চ দুষ্কৃতিস্তোমনাশিনী ।
দুরাশযা দুরাধারা দুর্জযা দুষ্টকামিনী ॥ 128 ॥

দর্শনীযা চ দৃশ্যা চ দৃষ্ট্বা চ দৃষ্টিগোচরা ।
দূতীযাগপ্রিযা দূতী দূতীযাগকরপ্রিযা ॥ 129 ॥

দূতীযাগকরানন্দা দূতীযাগসুখপ্রদা ।
দূতীযাগকরাযাতা দূতীযাগপ্রমোদিনী ॥ 130 ॥

দুর্বাসঃপূজিতা চৈব দুর্বাসোমুনিভাবিতা ।
দুর্বাসোঽর্চিতপাদা চ দুর্বাসোমুনিভাবিতা ॥ 131 ॥

দুর্বাসোমুনিবন্দ্যা চ দুর্বাসোমুনিদেবতা ।
দুর্বাসোমুনিমাতা চ দুর্বাসোমুনিসিদ্ধিদা ॥ 132 ॥

দুর্বাসোমুনিভাবস্থা দুর্বাসোমুনিসেবিতা ।
দুর্বাসোমুনিচিত্তস্থা দুর্বাসোমুনিমণ্ডিতা ॥ 133 ॥

দুর্বাসোমুনিসঞ্চারা দুর্বাসোহৃদযঙ্গমা ।
দুর্বাসোহৃদযারাধ্যা দুর্বাসোহৃত্সরোজগা ॥ 134 ॥

দুর্বাসস্তাপসারাধ্যা দুর্বাসস্তাপসাশ্রযা ।
দুর্বাসস্তাপসরতা দুর্বাসস্তাপসেশ্বরী ॥ 135 ॥

দুর্বাসোমুনিকন্যা চ দুর্বাসোঽদ্ভুতসিদ্ধিদা ।
দররাত্রী দরহরা দরযুক্তা দরাপহা ॥ 136 ॥

দরঘ্নী দরহন্ত্রী চ দরযুক্তা দরাশ্রযা ।
দরস্মেরা দরাপাঙ্গী দযাদাত্রী দযাশ্রযা ।
দস্রপূজ্যা দস্রমাতা দস্রদেবী দরোন্মদা ॥ 137 ॥

দস্রসিদ্ধা দস্রসংস্থা দস্রতাপবিমোচনী ।
দস্রক্ষোভহরা নিত্যা দস্রলোকগতাত্মিকা ॥ 138 ॥

দৈত্যগুর্বঙ্গনাবন্দ্যা দৈত্যগুর্বঙ্গনাপ্রিযা ।
দৈত্যগুর্বঙ্গনাসিদ্ধা দৈত্যগুর্বঙ্গনোত্সুকা ॥ 139 ॥

দৈত্যগুরুপ্রিযতমা দেবগুরুনিষেবিতা ।
দেবগুরুপ্রসূরূপা দেবগুরুকৃতার্হণা ॥ 140 ॥

দেবগুরুপ্রেমযুতা দেবগুর্বনুমানিতা ।
দেবগুরুপ্রভাবজ্ঞা দেবগুরুসুখপ্রদা ॥ 141 ॥

দেবগুরুজ্ঞানদাত্রী দেবগুরুপ্রমোদিনী ।
দৈত্যস্ত্রীগণসম্পূজ্যা দৈত্যস্ত্রীগণপূজিতা ॥ 142 ॥

দৈত্যস্ত্রীগণরূপা চ দৈত্যস্ত্রীচিত্তহারিণী ।
দেবস্ত্রীগণপূজ্যা চ দেবস্ত্রীগণবন্দিতা ॥ 143 ॥

দেবস্ত্রীগণচিত্তস্থা দেবস্ত্রীগণভূষিতা ।
দেবস্ত্রীগণসংসিদ্ধা দেবস্ত্রীগণতোষিতা ॥ 144 ॥

দেবস্ত্রীগণহস্তস্থচারুচামরবীজিতা ।
দেবস্ত্রীগণহস্তস্থচারুগন্ধবিলেপিতা ॥ 145 ॥

দেবাঙ্গনাধৃতাদর্শদৃষ্ট্যর্থমুখচন্দ্রমা ।
দেবাঙ্গনোত্সৃষ্টনাগবল্লীদলকৃতোত্সুকা ॥ 146 ॥

দেবস্ত্রীগণহস্তস্থধূপাঘ্রাণবিনোদিনী ।
দেবস্ত্রীগণহস্তস্থদীপমালাবিলোকনা ॥ 147 ॥

দেবনারীকরগতবাসকাসবপাযিনী ।
দেবনারীকঙ্কতিকাকৃতকেশনিমার্জনা ॥ 148 ॥

দেবনারীসেব্যগাত্রা দেবনারীকৃতোত্সুকা ।
দেবনারীবিরচিতপুষ্পমালাবিরাজিতা ॥ 149 ॥

দেবনারীবিচিত্রাঙ্গী দেবস্ত্রীদত্তভোজনা ।
দেবস্ত্রীগণগীতা চ দেবস্ত্রীগীতসোত্সুকা ॥ 150 ॥

দেবস্ত্রীনৃত্যসুখিনী দেবস্ত্রীনৃত্যদর্শিনী ।
দেবস্ত্রীযোজিতলসদ্রত্নপাদপদাম্বুজা ॥ 151 ॥

দেবস্ত্রীগণবিস্তীর্ণচারুতল্পনিষেদুষী ।
দেবনারীচারুকরাকলিতাঙ্ঘ্র্যাদিদেহিকা ॥ 152 ॥

দেবনারীকরব্যগ্রতালবৃন্তমরুত্সকা ।
দেবনারীবেণুবীণানাদসোত্কণ্ঠমানসা ॥ 153 ॥

দেবকোটিস্তুতিনুতা দেবকোটিকৃতার্হণা ।
দেবকোটিগীতগুণা দেবকোটিকৃতস্তুতিঃ ॥ 154 ॥

দন্তদাষ্ট্যোদ্বেগফলা দেবকোলাহলাকুলা ।
দ্বেষরাগপরিত্যক্তা দ্বেষরাগবিবর্জিতা ॥ 155 ॥

দামপূজ্যা দামভূষা দামোদরবিলাসিনী ।
দামোদরপ্রেমরতা দামোদরভগিন্যপি ॥ 156 ॥

দামোদরপ্রসূর্দামোদরপত্নীপতিব্রতা ।
দামোদরাঽভিন্নদেহা দামোদররতিপ্রিযা ॥ 157 ॥

দামোদরাভিন্নতনুর্দামোদরকৃতাস্পদা ।
দামোদরকৃতপ্রাণা দামোদরগতাত্মিকা ॥ 158 ॥

দামোদরকৌতুকাঢ্যা দামোদরকলাকলা ।
দামোদরালিঙ্গিতাঙ্গী দামোদরকুতূহলা ॥ 159 ॥

দামোদরকৃতাহ্লাদা দামোদরসুচুম্বিতা ।
দামোদরসুতাকৃষ্টা দামোদরসুখপ্রদা ॥ 160 ॥

দামোদরসহাঢ্যা চ দামোদরসহাযিনী ।
দামোদরগুণজ্ঞা চ দামোদরবরপ্রদা ॥ 161 ॥

দামোদরানুকূলা চ দামোদরনিতম্বিনী ।
দামোদরজলক্রীডাকুশলা দর্শনপ্রিযা ॥ 162 ॥

দামোদরজলক্রীডাত্যক্তস্বজনসৌহৃদা ।
দামোদরলসদ্রাসকেলিকৌতুকিনী তথা ॥ 163 ॥

দামোদরভ্রাতৃকা চ দামোদরপরাযণা ।
দামোদরধরা দামোদরবৈরিবিনাশিনী ॥ 164 ॥

দামোদরোপজাযা চ দামোদরনিমন্ত্রিতা ।
দামোদরপরাভূতা দামোদরপরাজিতা ॥ 165 ॥

দামোদরসমাক্রান্তা দামোদরহতাশুভা ।
দামোদরোত্সবরতা দামোদরোত্সবাবহা ॥ 166 ॥

দামোদরস্তন্যদাত্রী দামোদরগবেষিতা ।
দমযন্তীসিদ্ধিদাত্রী দমযন্তীপ্রসাদিতা ॥ 167 ॥

দমযন্তীষ্টদেবী চ দমযন্তীস্বরূপিণী ।
দমযন্তীকৃতার্চা চ দমনর্ষিবিভাবিতা ॥ 168 ॥

দমনর্ষিপ্রাণতুল্যা দমনর্ষিস্বরূপিণী ।
দমনর্ষিস্বরূপা চ দম্ভপূরিতবিগ্রহা ॥ 169 ॥

দম্ভহন্ত্রী দম্ভধাত্রী দম্ভলোকবিমোহিনী ।
দম্ভশীলা দম্ভহরা দম্ভবত্পরিমর্দিনী ॥ 170 ॥

দম্ভরূপা দম্ভকরী দম্ভসন্তানধারিণী ।
দত্তমোক্ষা দত্তধনা দত্তারোগ্যা চ দাম্ভিকা ॥ 171 ॥

দত্তপুত্রা দত্তদারা দত্তহারা চ দারিকা ।
দত্তভোগা দত্তশোকা দত্তহস্ত্যাদিবাহনা ॥ 172 ॥

দত্তমতির্দত্তভার্যা দত্তশাস্ত্রাববোধিকা ।
দত্তপানা দত্তদানা দত্তদারিদ্র্যনাশিনী ॥ 173 ॥

দত্তসৌধাবনীবাসা দত্তস্বর্গা চ দাসদা ।
দাস্যতুষ্টা দাস্যহরা দাসদাসীশতপ্রদা ॥ 174 ॥

দাররূপা দারবাসা দারবাসিহৃদাস্পদা ।
দারবাসিজনারাধ্যা দারবাসিজনপ্রিযা ॥ 175 ॥

দারবাসিবিনির্ণীতা দারবাসিসমর্চিতা ।
দারবাস্যাহৃতপ্রাণা দারবাস্যারিনাশিনী ॥ 176 ॥

দারবাসিবিঘ্নহরা দারবাসিবিমুক্তিদা ।
দারাগ্নিরূপিণী দারা দারকার্যরিনাশিনী ॥ 177 ॥

দম্পতী দম্পতীষ্টা চ দম্পতীপ্রাণরূপিকা ।
দম্পতীস্নেহনিরতা দাম্পত্যসাধনপ্রিযা ॥ 178 ॥

দাম্পত্যসুখসেবা চ দাম্পত্যসুখদাযিনী ।
দাম্পত্যাচারনিরতা দাম্পত্যামোদমোদিতা ॥ 179 ॥

দাম্পত্যামোদসুখিনী দাম্পত্যাহ্লাদকারিণী ।
দম্পতীষ্টপাদপদ্মা দাম্পত্যপ্রেমরূপিণী ॥ 180 ॥

দাম্পত্যভোগভবনা দাডিমীফলভোজিনী ।
দাডিমীফলসন্তুষ্টা দাডিমীফলমানসা ॥ 181 ॥

দাডিমীবৃক্ষসংস্থানা দাডিমীবৃক্ষবাসিনী ।
দাডিমীবৃক্ষরূপা চ দাডিমীবনবাসিনী ॥ 182 ॥

দাডিমীফলসাম্যোরুপযোধরহৃদাযুতা । [সমন্বিতা]
দক্ষিণা দক্ষিণারূপা দক্ষিণারূপধারিণী ॥ 183 ॥

দক্ষকন্যা দক্ষপুত্রী দক্ষমাতা চ দক্ষসূঃ ।
দক্ষগোত্রা দক্ষসুতা দক্ষযজ্ঞবিনাশিনী ॥ 184 ॥

দক্ষযজ্ঞনাশকর্ত্রী দক্ষযজ্ঞান্তকারিণী ।
দক্ষপ্রসূতির্দক্ষেজ্যা দক্ষবংশৈকপাবনী ॥ 185 ॥

দক্ষাত্মজা দক্ষসূনুর্দক্ষজা দক্ষজাতিকা ।
দক্ষজন্মা দক্ষজনুর্দক্ষদেহসমুদ্ভবা ॥ 186 ॥

দক্ষজনির্দক্ষযাগধ্বংসিনী দক্ষকন্যকা ।
দক্ষিণাচারনিরতা দক্ষিণাচারতুষ্টিদা ॥ 187 ॥

দক্ষিণাচারসংসিদ্ধা দক্ষিণাচারভাবিতা ।
দক্ষিণাচারসুখিনী দক্ষিণাচারসাধিতা ॥ 188 ॥

দক্ষিণাচারমোক্ষাপ্তির্দক্ষিণাচারবন্দিতা ।
দক্ষিণাচারশরণা দক্ষিণাচারহর্ষিতা ॥ 189 ॥

দ্বারপালপ্রিযা দ্বারবাসিনী দ্বারসংস্থিতা ।
দ্বাররূপা দ্বারসংস্থা দ্বারদেশনিবাসিনী ॥ 190 ॥

দ্বারকরী দ্বারধাত্রী দোষমাত্রবিবর্জিতা ।
দোষকরা দোষহরা দোষরাশিবিনাশিনী ॥ 191 ॥

দোষাকরবিভূষাঢ্যা দোষাকরকপালিনী ।
দোষাকরসহস্রাভা দোষাকরসমাননা ॥ 192 ॥

দোষাকরমুখী দিব্যা দোষাকরকরাগ্রজা ।
দোষাকরসমজ্যোতির্দোষাকরসুশীতলা ॥ 193 ॥

দোষাকরশ্রেণী দোষসদৃশাপাঙ্গবীক্ষণা ।
দোষাকরেষ্টদেবী চ দোষাকরনিষেবিতা ॥ 194 ॥

দোষাকরপ্রাণরূপা দোষাকরমরীচিকা ।
দোষাকরোল্লসত্ফালা দোষাকরসুহর্ষিণী ॥ 195 ॥

দোষাকরশিরোভূষা দোষাকরবধূপ্রিযা ।
দোষাকরবধূপ্রাণা দোষাকরবধূর্মতা ॥ 196 ॥

দোষাকরবধূপ্রীতা দোষাকরবধূরপি ।
দোষাপূজ্যা তথা দোষাপূজিতা দোষহারিণী ॥ 197 ॥

দোষাজাপমহানন্দা দোষাজপপরাযণা ।
দোষাপুরশ্চাররতা দোষাপূজকপুত্রিকা ॥ 198 ॥

দোষাপূজকবাত্সল্যকারিণীজগদম্বিকা ।
দোষাপূজকবৈরিঘ্নী দোষাপূজকবিঘ্নহৃত্ ॥ 199 ॥

দোষাপূজকসন্তুষ্টা দোষাপূজকমুক্তিদা ।
দমপ্রসূনসম্পূজ্যা দমপুষ্পপ্রিযা সদা ॥ 200 ॥

দুর্যোধনপ্রপূজ্যা চ দুশ্শাসনসমর্চিতা ।
দণ্ডপাণিপ্রিযা দণ্ডপাণিমাতা দযানিধিঃ ॥ 201 ॥

দণ্ডপাণিসমারাধ্যা দণ্ডপাণিপ্রপূজিতা ।
দণ্ডপাণিগৃহাসক্তা দণ্ডপাণিপ্রিযংবদা ॥ 202 ॥

দণ্ডপাণিপ্রিযতমা দণ্ডপাণিমনোহরা ।
দণ্ডপাণিহৃতপ্রাণা দণ্ডপাণিসুসিদ্ধিদা ॥ 203 ॥

দণ্ডপাণিপরামৃষ্টা দণ্ডপাণিপ্রহর্ষিতা ।
দণ্ডপাণিবিঘ্নহরা দণ্ডপাণিশিরোধৃতা ॥ 204 ॥

দণ্ডপাণিপ্রাপ্তচর্চা দণ্ডপাণ্যুন্মুখী সদা ।
দণ্ডপাণিপ্রাপ্তপদা দণ্ডপাণিপরাঙ্মুখী ॥ 205 ॥

দণ্ডহস্তা দণ্ডপাণির্দণ্ডবাহুর্দরান্তকৃত্ ।
দণ্ডদোষ্কা দণ্ডকরা দণ্ডচিত্তকৃতাস্পদা ॥ 206 ॥

দণ্ডিবিদ্যা দণ্ডিমাতা দণ্ডিখণ্ডকনাশিনী ।
দণ্ডিপ্রিযা দণ্ডিপূজ্যা দণ্ডিসন্তোষদাযিনী ॥ 207 ॥

দস্যুপূজা দস্যুরতা দস্যুদ্রবিণদাযিনী ।
দস্যুবর্গকৃতার্হা চ দস্যুবর্গবিনাশিনী ॥ 208 ॥

দস্যুনির্নাশিনী দস্যুকুলনির্নাশিনী তথা ।
দস্যুপ্রিযকরী দস্যুনৃত্যদর্শনতত্পরা ॥ 209 ॥

দুষ্টদণ্ডকরী দুষ্টবর্গবিদ্রাবিণী তথা ।
দুষ্টবর্গনিগ্রহার্হা দূষকপ্রাণনাশিনী ॥ 210 ॥

দূষকোত্তাপজননী দূষকারিষ্টকারিণী ।
দূষকদ্বেষণকরী দাহিকা দহনাত্মিকা ॥ 211 ॥

দারুকারিনিহন্ত্রী চ দারুকেশ্বরপূজিতা ।
দারুকেশ্বরমাতা চ দারুকেশ্বরবন্দিতা ॥ 212 ॥

দর্ভহস্তা দর্ভযুতা দর্ভকর্মবিবর্জিতা ।
দর্ভমযী দর্ভতনুর্দর্ভসর্বস্বরূপিণী ॥ 213 ॥

দর্ভকর্মাচাররতা দর্ভহস্তকৃতার্হণা ।
দর্ভানুকূলা দার্ভর্যা দর্বীপাত্রানুদামিনী ॥ 214 ॥

দমঘোষপ্রপূজ্যা চ দমঘোষবরপ্রদা ।
দমঘোষসমারাধ্যা দাবাগ্নিরূপিণী তথা ॥ 215 ॥

দাবাগ্নিরূপা দাবাগ্নিনির্নাশিতমহাবলা ।
দন্তদংষ্ট্রাসুরকলা দন্তচর্চিতহস্তিকা ॥ 216 ॥

দন্তদংষ্ট্রস্যন্দনা চ দন্তনির্নাশিতাসুরা ।
দধিপূজ্যা দধিপ্রীতা দধীচিবরদাযিনী ॥ 217 ॥

দধীচীষ্টদেবতা চ দধীচিমোক্ষদাযিনী ।
দধীচিদৈন্যহন্ত্রী চ দধীচিদরধারিণী ॥ 218 ॥

দধীচিভক্তিসুখিনী দধীচিমুনিসেবিতা ।
দধীচিজ্ঞানদাত্রী চ দধীচিগুণদাযিনী ॥ 219 ॥

দধীচিকুলসম্ভূষা দধীচিভুক্তিমুক্তিদা ।
দধীচিকুলদেবী চ দধীচিকুলদেবতা ॥ 220 ॥

দধীচিকুলগম্যা চ দধীচিকুলপূজিতা ।
দধীচিসুখদাত্রী চ দধীচিদৈন্যহারিণী ॥ 221 ॥

দধীচিদুঃখহন্ত্রী চ দধীচিকুলসুন্দরী ।
দধীচিকুলসম্ভূতা দধীচিকুলপালিনী ॥ 222 ॥

দধীচিদানগম্যা চ দধীচিদানমানিনী ।
দধীচিদানসন্তুষ্টা দধীচিদানদেবতা ॥ 223 ॥

দধীচিজযসম্প্রীতা দধীচিজপমানসা ।
দধীচিজপপূজাঢ্যা দধীচিজপমালিকা ॥ 224 ॥

দধীচিজপসন্তুষ্টা দধীচিজপতোষিণী ।
দধীচিতাপসারাধ্যা দধীচিশুভদাযিনী ॥ 225 ॥

দূর্বা দূর্বাদলশ্যামা দূর্বাদলসমদ্যুতিঃ ।
নাম্নাং সহস্রং দুর্গাযা দাদীনামিতি কীর্তিতম্ ॥ 226 ॥

ফলশৃতিঃ
যঃ পঠেত্সাধকাধীশঃ সর্বসিদ্ধির্লভেত্তু সঃ ।
প্রাতর্মধ্যাহ্নকালে চ সন্ধ্যাযাং নিযতঃ শুচিঃ ॥ 227 ॥

তথাঽর্ধরাত্রসমযে স মহেশ ইবাপরঃ ।
শক্তিযুক্তা মহারাত্রৌ মহাবীরঃ প্রপূজযেত্ ॥ 228 ॥

মহাদেবীং মকারাদ্যৈঃ পঞ্চভির্দ্রব্য সত্তমৈঃ ।
তত্পঠেত্ স্তুতিমিমাং যঃ স চ সিদ্ধিস্বরূপধৃক্ ॥ 229 ॥

দেবালযে শ্মশানে চ গঙ্গাতীরে নিজেগৃহে ।
বারাঙ্গনাগৃহে চৈব শ্রীগুরোঃ সন্নিধানপি ॥ 230 ॥

পর্বতে প্রান্তরে ঘোরে স্তোত্রমেতত্সদা পঠেত্ ।
দুর্গানামসহস্রেণ দুর্গাং পশ্যতি চক্ষুষা ॥ 231 ॥

শতাবর্তনমেতস্য পুরশ্চরণমুচ্যতে ।
স্তুতিসারো নিগদিতঃ কিং ভূযঃ শ্রোতুমিচ্ছসি ॥ 232 ॥