ശ്രീ ദത്ത അഥര്വശീര്ഷ

ഓം നമോ ഭഗവതേ ദത്താത്രേയായ അവധൂതായ
ദിഗംബരായവിധിഹരിഹരായ ആദിതത്ത്വായ ആദിശക്തയേ ॥ ൧॥

ത്വം ചരാചരാത്മകഃ സര്വവ്യാപീ സര്വസാക്ഷീ
ത്വം ദിക്കാലാതീതഃ ത്വം ദ്വന്ദ്വാതീതഃ ॥ ൨॥

ത്വം വിശ്വാത്മകഃ ത്വം വിശ്വാധാരഃ വിശ്വേശഃ
വിശ്വനാഥഃ ത്വം വിശ്വനാടകസൂത്രധാരഃ
ത്വമേവ കേവലം കര്താസി ത്വം അകര്താസി ച നിത്യമ് ॥ ൩॥

ത്വം ആനന്ദമയഃ ധ്യാനഗമ്യഃ ത്വം ആത്മാനന്ദഃ
ത്വം പരമാനന്ദഃ ത്വം സച്ചിദാനന്ദഃ
ത്വമേവ ചൈതന്യഃ ചൈതന്യദത്താത്രേയഃ
ഓം ചൈതന്യദത്താത്രേയായ നമഃ ॥ ൪॥

ത്വം ഭക്തവത്സലഃ ഭക്തതാരകഃ ഭക്തരക്ഷകഃ
ദയാഘനഃ ഭജനപ്രിയഃ ത്വം പതിതപാവനഃ
കരുണാകരഃ ഭവഭയഹരഃ ॥ ൫॥

ത്വം ഭക്തകാരണസംഭൂതഃ അത്രിസുതഃ അനസൂയാത്മജഃ
ത്വം ശ്രീപാദശ്രീവല്ലഭഃ ത്വം ഗാണഗഗ്രാമനിവാസീ
ശ്രീമന്നൃസിംഹസരസ്വതീ ത്വം ശ്രീനൃസിംഹഭാനഃ
അക്കലകോടനിവാസീ ശ്രീസ്വാമീസമര്ഥഃ
ത്വം കരവീരനിവാസീ പരമസദ്ഗുരു ശ്രീകൃഷ്ണസരസ്വതീ
ത്വം ശ്രീസദ്ഗുരു മാധവസരസ്വതീ ॥ ൬॥

ത്വം സ്മര്തൃഗാമീ ശ്രീഗുരൂദത്തഃ ശരണാഗതോഽസ്മി ത്വാമ് ।
ദീനേ ആര്തേ മയി ദയാം കുരു
തവ ഏകമാത്രദൃഷ്ടിക്ഷേപഃ ദുരിതക്ഷയകാരകഃ ।
ഹേ ഭഗവന്, വരദദത്താത്രേയ,
മാമുദ്ധര, മാമുദ്ധര, മാമുദ്ധര ഇതി പ്രാര്ഥയാമി ।
ഓം ദ്രാം ദത്താത്രേയായ നമഃ ॥ ൭॥

॥ ഓം ദിഗംബരായ വിദ്മഹേ അവധൂതായ ധീമഹി തന്നോ ദത്തഃ പ്രചോദയാത് ॥