ଶ୍ରୀ ଦତ୍ତ ଅଥର୍ଵଶୀର୍ଷ

ଓଁ ନମୋ ଭଗଵତେ ଦତ୍ତାତ୍ରେଯାଯ ଅଵଧୂତାଯ
ଦିଗଂବରାଯଵିଧିହରିହରାଯ ଆଦିତତ୍ତ୍ଵାଯ ଆଦିଶକ୍ତଯେ ॥ ୧॥

ତ୍ଵଂ ଚରାଚରାତ୍ମକଃ ସର୍ଵଵ୍ଯାପୀ ସର୍ଵସାକ୍ଷୀ
ତ୍ଵଂ ଦିକ୍କାଲାତୀତଃ ତ୍ଵଂ ଦ୍ଵନ୍ଦ୍ଵାତୀତଃ ॥ ୨॥

ତ୍ଵଂ ଵିଶ୍ଵାତ୍ମକଃ ତ୍ଵଂ ଵିଶ୍ଵାଧାରଃ ଵିଶ୍ଵେଶଃ
ଵିଶ୍ଵନାଥଃ ତ୍ଵଂ ଵିଶ୍ଵନାଟକସୂତ୍ରଧାରଃ
ତ୍ଵମେଵ କେଵଲଂ କର୍ତାସି ତ୍ଵଂ ଅକର୍ତାସି ଚ ନିତ୍ଯମ୍ ॥ ୩॥

ତ୍ଵଂ ଆନନ୍ଦମଯଃ ଧ୍ଯାନଗମ୍ଯଃ ତ୍ଵଂ ଆତ୍ମାନନ୍ଦଃ
ତ୍ଵଂ ପରମାନନ୍ଦଃ ତ୍ଵଂ ସଚ୍ଚିଦାନନ୍ଦଃ
ତ୍ଵମେଵ ଚୈତନ୍ଯଃ ଚୈତନ୍ଯଦତ୍ତାତ୍ରେଯଃ
ଓଁ ଚୈତନ୍ଯଦତ୍ତାତ୍ରେଯାଯ ନମଃ ॥ ୪॥

ତ୍ଵଂ ଭକ୍ତଵତ୍ସଲଃ ଭକ୍ତତାରକଃ ଭକ୍ତରକ୍ଷକଃ
ଦଯାଘନଃ ଭଜନପ୍ରିଯଃ ତ୍ଵଂ ପତିତପାଵନଃ
କରୁଣାକରଃ ଭଵଭଯହରଃ ॥ ୫॥

ତ୍ଵଂ ଭକ୍ତକାରଣସଂଭୂତଃ ଅତ୍ରିସୁତଃ ଅନସୂଯାତ୍ମଜଃ
ତ୍ଵଂ ଶ୍ରୀପାଦଶ୍ରୀଵଲ୍ଲଭଃ ତ୍ଵଂ ଗାଣଗଗ୍ରାମନିଵାସୀ
ଶ୍ରୀମନ୍ନୃସିଂହସରସ୍ଵତୀ ତ୍ଵଂ ଶ୍ରୀନୃସିଂହଭାନଃ
ଅକ୍କଲକୋଟନିଵାସୀ ଶ୍ରୀସ୍ଵାମୀସମର୍ଥଃ
ତ୍ଵଂ କରଵୀରନିଵାସୀ ପରମସଦ୍ଗୁରୁ ଶ୍ରୀକୃଷ୍ଣସରସ୍ଵତୀ
ତ୍ଵଂ ଶ୍ରୀସଦ୍ଗୁରୁ ମାଧଵସରସ୍ଵତୀ ॥ ୬॥

ତ୍ଵଂ ସ୍ମର୍ତୃଗାମୀ ଶ୍ରୀଗୁରୂଦତ୍ତଃ ଶରଣାଗତୋଽସ୍ମି ତ୍ଵାମ୍ ।
ଦୀନେ ଆର୍ତେ ମଯି ଦଯାଂ କୁରୁ
ତଵ ଏକମାତ୍ରଦୃଷ୍ଟିକ୍ଷେପଃ ଦୁରିତକ୍ଷଯକାରକଃ ।
ହେ ଭଗଵନ୍, ଵରଦଦତ୍ତାତ୍ରେଯ,
ମାମୁଦ୍ଧର, ମାମୁଦ୍ଧର, ମାମୁଦ୍ଧର ଇତି ପ୍ରାର୍ଥଯାମି ।
ଓଁ ଦ୍ରାଂ ଦତ୍ତାତ୍ରେଯାଯ ନମଃ ॥ ୭॥

॥ ଓଁ ଦିଗଂବରାଯ ଵିଦ୍ମହେ ଅଵଧୂତାଯ ଧୀମହି ତନ୍ନୋ ଦତ୍ତଃ ପ୍ରଚୋଦଯାତ୍ ॥