॥ ദേവദാനവകൃത ശിവസ്തോത്രമ് ॥
ദേവദാനവാ ഊചുഃ ।
നമസ്തുഭ്യം വിരൂപാക്ഷ സര്വതോഽനന്തചക്ഷുഷേ ।
നമഃ പിനാകഹസ്തായ വജ്രഹസ്തായ ധന്വിനേ ॥ ൧ ॥
നമഃ പിനാകഹസ്തായ വജ്രഹസ്തായ ധന്വിനേ ॥ ൧ ॥
നമസ്ത്രിശൂലഹസ്തായ ദണ്ഡഹസ്തായ ധൂര്ജടേ ।
നമസ്ത്രൈലോക്യനാഥായ ഭൂതഗ്രാമശരീരിണേ ॥ ൨ ॥
നമസ്ത്രൈലോക്യനാഥായ ഭൂതഗ്രാമശരീരിണേ ॥ ൨ ॥
നമഃ സുരാരിഹന്ത്രേ ച സോമാഗ്ന്യര്കാഗ്ര്യചക്ഷുഷേ ।
ബ്രഹ്മണേ ചൈവ രുദ്രായ നമസ്തേ വിഷ്ണുരൂപിണേ ॥ ൩ ॥
ബ്രഹ്മണേ ചൈവ രുദ്രായ നമസ്തേ വിഷ്ണുരൂപിണേ ॥ ൩ ॥
ബ്രഹ്മണേ വേദരൂപായ നമസ്തേ ദേവരൂപിണേ ।
സാങ്ഖ്യയോഗായ ഭൂതാനാം നമസ്തേ ശമ്ഭവായ തേ ॥ ൪ ॥
സാങ്ഖ്യയോഗായ ഭൂതാനാം നമസ്തേ ശമ്ഭവായ തേ ॥ ൪ ॥
മന്മഥാങ്ഗവിനാശായ നമഃ കാലക്ഷയങ്കര ।
രംഹസേ ദേവദേവായ നമസ്തേ വസുരേതസേ ॥ ൫ ॥
രംഹസേ ദേവദേവായ നമസ്തേ വസുരേതസേ ॥ ൫ ॥
ഏകവീരായ സര്വായ നമഃ പിങ്ഗകപര്ദിനേ ।
ഉമാഭര്ത്രേ നമസ്തുഭ്യം യജ്ഞത്രിപുരഘാതിനേ ॥ ൬ ॥
ഉമാഭര്ത്രേ നമസ്തുഭ്യം യജ്ഞത്രിപുരഘാതിനേ ॥ ൬ ॥
ശുദ്ധബോധപ്രബുദ്ധായ മുക്തകൈവല്യരൂപിണേ ।
ലോകത്രയവിധാത്രേ ച വരുണേന്ദ്രാഗ്നിരൂപിണേ ॥ ൭ ॥
ലോകത്രയവിധാത്രേ ച വരുണേന്ദ്രാഗ്നിരൂപിണേ ॥ ൭ ॥
ഋഗ്യജുഃ സാമവേദായ പുരുഷായേശ്വരായ ച ।
അഗ്രായ ചൈവ ചോഗ്രായ വിപ്രായ ശ്രുതിചക്ഷുഷേ ॥ ൮ ॥
അഗ്രായ ചൈവ ചോഗ്രായ വിപ്രായ ശ്രുതിചക്ഷുഷേ ॥ ൮ ॥
രജസേ ചൈവ സത്ത്വായ തമസേ സ്ഥിമിതാത്മനേ ।
അനിത്യനിത്യഭാസായ നമോ നിത്യചരാത്മനേ ॥ ൯ ॥
അനിത്യനിത്യഭാസായ നമോ നിത്യചരാത്മനേ ॥ ൯ ॥
വ്യക്തായ ചൈവാവ്യക്തായ വ്യക്താവ്യക്താത്മനേ നമഃ ।
ഭക്താനാമാര്തിനാശായ പ്രിയനാരായണായ ച ॥ ൧൦ ॥
ഭക്താനാമാര്തിനാശായ പ്രിയനാരായണായ ച ॥ ൧൦ ॥
ഉമാപ്രിയായ ശര്വായ നന്ദിവക്ത്രാഞ്ചിതായ വൈ ।
ഋതുമന്വന്തകല്പായ പക്ഷമാസദിനാത്മനേ ॥ ൧൧ ॥
ഋതുമന്വന്തകല്പായ പക്ഷമാസദിനാത്മനേ ॥ ൧൧ ॥
നാനാരൂപായ മുണ്ഡായ വരൂഥ പൃഥുദണ്ഡിനേ ।
നമഃ കപാലഹസ്തായ ദിഗ്വാസായ ശിഖണ്ഡിനേ ॥ ൧൨ ॥
നമഃ കപാലഹസ്തായ ദിഗ്വാസായ ശിഖണ്ഡിനേ ॥ ൧൨ ॥
ധന്വിനേ രഥിനേ ചൈവ യതയേ ബ്രഹ്മചാരിണേ ।
ഇത്യേവമാദിചരിതൈഃ സ്തുതം തുഭ്യം നമോ നമഃ ॥ ൧൩ ॥
ഇത്യേവമാദിചരിതൈഃ സ്തുതം തുഭ്യം നമോ നമഃ ॥ ൧൩ ॥
॥ ഇതി ശ്രീമത്സ്യപുരാണേ ദേവദാനവകൃത ശിവസ്തോത്രം സമ്പൂര്ണമ് ॥