ૐ અહં રુદ્રેભિર્વસુભિશ્ચરામ્યહમાદિત્યૈરુત વિશ્વદેવૈઃ ।
અહ-મ્મિત્રાવરુણોભા બિભર્મ્યહમિન્દ્રાગ્ની અહમશ્વિનોભા ॥1॥
અહ-મ્મિત્રાવરુણોભા બિભર્મ્યહમિન્દ્રાગ્ની અહમશ્વિનોભા ॥1॥
અહં સોમમાહનસ-મ્બિભર્મ્યહ-ન્ત્વષ્ટારમુત પૂષણ-મ્ભગમ્ ।
અહ-ન્દધામિ દ્રવિણં હવિષ્મતે સુપ્રાવ્યે યે 3 યજમાનાય સુન્વતે ॥2॥
અહ-ન્દધામિ દ્રવિણં હવિષ્મતે સુપ્રાવ્યે યે 3 યજમાનાય સુન્વતે ॥2॥
અહં રાષ્ટ્રી સઙ્ગમની વસૂના-ઞ્ચિકિતુષી પ્રથમા યજ્ઞિયાનામ્ ।
તા-મ્મા દેવા વ્યદધુઃ પુરુત્રા ભૂરિસ્થાત્રા-મ્ભૂ~ર્યાવેશયન્તીમ્ ॥3॥
તા-મ્મા દેવા વ્યદધુઃ પુરુત્રા ભૂરિસ્થાત્રા-મ્ભૂ~ર્યાવેશયન્તીમ્ ॥3॥
મયા સો અન્નમત્તિ યો વિપશ્યતિ યઃ પ્રાણિતિ ય ઈં શૃણોત્યુક્તમ્ ।
અમન્તવોમાન્ત ઉપક્ષિયન્તિ શ્રુધિ શ્રુતં શ્રદ્ધિવ-ન્તે વદામિ ॥4॥
અમન્તવોમાન્ત ઉપક્ષિયન્તિ શ્રુધિ શ્રુતં શ્રદ્ધિવ-ન્તે વદામિ ॥4॥
અહમેવ સ્વયમિદં-વઁદામિ જુષ્ટ-ન્દેવેભિરુત માનુષેભિઃ ।
ય-ઙ્કામયે ત-ન્તમુગ્ર-ઙ્કૃણોમિ ત-મ્બ્રહ્માણ-ન્તમૃષિ-ન્તં સુમેધામ્ ॥5॥
ય-ઙ્કામયે ત-ન્તમુગ્ર-ઙ્કૃણોમિ ત-મ્બ્રહ્માણ-ન્તમૃષિ-ન્તં સુમેધામ્ ॥5॥
અહં રુદ્રાય ધનુરાતનોમિ બ્રહ્મદ્વિષે શરવે હન્ત વા ઉ ।
અહ-ઞ્જનાય સમદ-ઙ્કૃણોમ્યહ-ન્દ્યાવાપૃથિવી આવિવેશ ॥6॥
અહ-ઞ્જનાય સમદ-ઙ્કૃણોમ્યહ-ન્દ્યાવાપૃથિવી આવિવેશ ॥6॥
અહં સુવે પિતરમસ્ય મૂર્ધ-ન્મમ યોનિરપ્સ્વન્ત-સ્સમુદ્રે ।
તતો વિતિષ્ઠે ભુવનાનુ વિશ્વોતામૂ-ન્દ્યાં-વઁર્ષ્મણોપ સ્પૃશામિ ॥7॥
તતો વિતિષ્ઠે ભુવનાનુ વિશ્વોતામૂ-ન્દ્યાં-વઁર્ષ્મણોપ સ્પૃશામિ ॥7॥
અહમેવ વાત ઇવ પ્રવામ્યા-રભમાણા ભુવનાનિ વિશ્વા ।
પરો દિવાપર એના પૃથિવ્યૈ-તાવતી મહિના સમ્બભૂવ ॥8॥
પરો દિવાપર એના પૃથિવ્યૈ-તાવતી મહિના સમ્બભૂવ ॥8॥
ૐ શાન્તિ-શ્શાન્તિ-શ્શાન્તિઃ ॥
॥ ઇતિ ઋગ્વેદોક્ત-ન્દેવીસૂક્તં સમાપ્તમ્ ॥
॥ત-થ્સત્ ॥