ഓം അഹം രുദ്രേഭിര്വസുഭിശ്ചരാമ്യഹമാദിത്യൈരുത വിശ്വദേവൈഃ ।
അഹ-മ്മിത്രാവരുണോഭാ ബിഭര്മ്യഹമിന്ദ്രാഗ്നീ അഹമശ്വിനോഭാ ॥1॥
അഹ-മ്മിത്രാവരുണോഭാ ബിഭര്മ്യഹമിന്ദ്രാഗ്നീ അഹമശ്വിനോഭാ ॥1॥
അഹം സോമമാഹനസ-മ്ബിഭര്മ്യഹ-ന്ത്വഷ്ടാരമുത പൂഷണ-മ്ഭഗമ് ।
അഹ-ന്ദധാമി ദ്രവിണം ഹവിഷ്മതേ സുപ്രാവ്യേ യേ 3 യജമാനായ സുന്വതേ ॥2॥
അഹ-ന്ദധാമി ദ്രവിണം ഹവിഷ്മതേ സുപ്രാവ്യേ യേ 3 യജമാനായ സുന്വതേ ॥2॥
അഹം രാഷ്ട്രീ സങ്ഗമനീ വസൂനാ-ഞ്ചികിതുഷീ പ്രഥമാ യജ്ഞിയാനാമ് ।
താ-മ്മാ ദേവാ വ്യദധുഃ പുരുത്രാ ഭൂരിസ്ഥാത്രാ-മ്ഭൂ~ര്യാവേശയന്തീമ് ॥3॥
താ-മ്മാ ദേവാ വ്യദധുഃ പുരുത്രാ ഭൂരിസ്ഥാത്രാ-മ്ഭൂ~ര്യാവേശയന്തീമ് ॥3॥
മയാ സോ അന്നമത്തി യോ വിപശ്യതി യഃ പ്രാണിതി യ ഈം ശൃണോത്യുക്തമ് ।
അമന്തവോമാന്ത ഉപക്ഷിയന്തി ശ്രുധി ശ്രുതം ശ്രദ്ധിവ-ന്തേ വദാമി ॥4॥
അമന്തവോമാന്ത ഉപക്ഷിയന്തി ശ്രുധി ശ്രുതം ശ്രദ്ധിവ-ന്തേ വദാമി ॥4॥
അഹമേവ സ്വയമിദം-വഁദാമി ജുഷ്ട-ന്ദേവേഭിരുത മാനുഷേഭിഃ ।
യ-ങ്കാമയേ ത-ന്തമുഗ്ര-ങ്കൃണോമി ത-മ്ബ്രഹ്മാണ-ന്തമൃഷി-ന്തം സുമേധാമ് ॥5॥
യ-ങ്കാമയേ ത-ന്തമുഗ്ര-ങ്കൃണോമി ത-മ്ബ്രഹ്മാണ-ന്തമൃഷി-ന്തം സുമേധാമ് ॥5॥
അഹം രുദ്രായ ധനുരാതനോമി ബ്രഹ്മദ്വിഷേ ശരവേ ഹന്ത വാ ഉ ।
അഹ-ഞ്ജനായ സമദ-ങ്കൃണോമ്യഹ-ന്ദ്യാവാപൃഥിവീ ആവിവേശ ॥6॥
അഹ-ഞ്ജനായ സമദ-ങ്കൃണോമ്യഹ-ന്ദ്യാവാപൃഥിവീ ആവിവേശ ॥6॥
അഹം സുവേ പിതരമസ്യ മൂര്ധ-ന്മമ യോനിരപ്സ്വന്ത-സ്സമുദ്രേ ।
തതോ വിതിഷ്ഠേ ഭുവനാനു വിശ്വോതാമൂ-ന്ദ്യാം-വഁര്ഷ്മണോപ സ്പൃശാമി ॥7॥
തതോ വിതിഷ്ഠേ ഭുവനാനു വിശ്വോതാമൂ-ന്ദ്യാം-വഁര്ഷ്മണോപ സ്പൃശാമി ॥7॥
അഹമേവ വാത ഇവ പ്രവാമ്യാ-രഭമാണാ ഭുവനാനി വിശ്വാ ।
പരോ ദിവാപര ഏനാ പൃഥിവ്യൈ-താവതീ മഹിനാ സമ്ബഭൂവ ॥8॥
പരോ ദിവാപര ഏനാ പൃഥിവ്യൈ-താവതീ മഹിനാ സമ്ബഭൂവ ॥8॥
ഓം ശാന്തി-ശ്ശാന്തി-ശ്ശാന്തിഃ ॥
॥ ഇതി ഋഗ്വേദോക്ത-ന്ദേവീസൂക്തം സമാപ്തമ് ॥
॥ത-ഥ്സത് ॥