વન્દે ગજેન્દ્રવદનં વામાઙ્કારૂઢવલ્લભાશ્લિષ્ટમ્ ।
કુઙ્કુમપરાગશોણં કુવલયિનીજારકોરકાપીડમ્ ॥ 1 ॥
કુઙ્કુમપરાગશોણં કુવલયિનીજારકોરકાપીડમ્ ॥ 1 ॥
સ જયતિ સુવર્ણશૈલઃ સકલજગચ્ચક્રસઙ્ઘટિતમૂર્તિઃ ।
કાઞ્ચનનિકુઞ્જવાટી-કન્દલદમરીપ્રપઞ્ચસઙ્ગીતઃ ॥ 2 ॥
કાઞ્ચનનિકુઞ્જવાટી-કન્દલદમરીપ્રપઞ્ચસઙ્ગીતઃ ॥ 2 ॥
હરિહયનૈરૃતમારુત-હરિતામન્તેષ્વવસ્થિતં તસ્ય ।
વિનુમઃ સાનુત્રિતયં વિધિહરિગૌરીશવિષ્ટપાધારમ્ ॥ 3 ॥
વિનુમઃ સાનુત્રિતયં વિધિહરિગૌરીશવિષ્ટપાધારમ્ ॥ 3 ॥
મધ્યે પુનર્મનોહર-રત્નરુચિસ્તબકરઞ્જિતદિગન્તમ્ ।
ઉપરિ ચતુઃશતયોજન-મુત્તુઙ્ગં શૃઙ્ગપુઙ્ગવમુપાસે ॥ 4 ॥
ઉપરિ ચતુઃશતયોજન-મુત્તુઙ્ગં શૃઙ્ગપુઙ્ગવમુપાસે ॥ 4 ॥
તત્ર ચતુઃશતયોજન-પરિણાહં દેવશિલ્પિના રચિતમ્ ।
નાનાસાલમનોજ્ઞં નમામ્યહં નગરમાદિવિદ્યાયાઃ ॥ 5 ॥
નાનાસાલમનોજ્ઞં નમામ્યહં નગરમાદિવિદ્યાયાઃ ॥ 5 ॥
પ્રથમં સહસ્રપૂર્વક-ષટ્શતસઙ્ખ્યાકયોજનં પરિતઃ ।
વલયીકૃતસ્વગાત્રં વરણં શરણં વ્રજામ્યયોરૂપમ્ ॥ 6 ॥
વલયીકૃતસ્વગાત્રં વરણં શરણં વ્રજામ્યયોરૂપમ્ ॥ 6 ॥
તસ્યોત્તરે સમીરણ-યોજનદૂરે તરઙ્ગિતચ્છાયઃ ।
ઘટયતુ મુદં દ્વિતીયો ઘણ્ટાસ્તનસારનિર્મિતઃ સાલઃ ॥ 7 ॥
ઘટયતુ મુદં દ્વિતીયો ઘણ્ટાસ્તનસારનિર્મિતઃ સાલઃ ॥ 7 ॥
ઉભયોરન્તરસીમ-ન્યુદ્દામભ્રમરરઞ્જિતોદારમ્ ।
ઉપવનમુપાસ્મહે વય-મૂરીકૃતમન્દમારુતસ્યન્દમ્ ॥ 8 ॥
ઉપવનમુપાસ્મહે વય-મૂરીકૃતમન્દમારુતસ્યન્દમ્ ॥ 8 ॥
આલિઙ્ગ્ય ભદ્રકાલી-માસીનસ્તત્ર હરિશિલાશ્યામામ્ ।
મનસિ મહાકાલો મે વિહરતુ મધુપાનવિભ્રમન્નેત્રઃ ॥ 9 ॥
મનસિ મહાકાલો મે વિહરતુ મધુપાનવિભ્રમન્નેત્રઃ ॥ 9 ॥
તાર્તીયીકો વરણ-સ્તસ્યોત્તરસીમ્નિ વાતયોજનતઃ ।
તામ્રેણ રચિતમૂર્તિ-સ્તનુતામાચન્દ્રતારકં ભદ્રમ્ ॥ 10 ॥
તામ્રેણ રચિતમૂર્તિ-સ્તનુતામાચન્દ્રતારકં ભદ્રમ્ ॥ 10 ॥
મધ્યે તયોશ્ચ મણિમય-પલ્લવશાખાપ્રસૂનપક્ષ્મલિતામ્ ।
કલ્પાનોકહવાટીં કલયે મકરન્દપઙ્કિલાવાલામ્ ॥ 11 ॥
કલ્પાનોકહવાટીં કલયે મકરન્દપઙ્કિલાવાલામ્ ॥ 11 ॥
તત્ર મધુમાધવશ્રી-તરુણીભ્યાં તરલદૃક્ચકોરાભ્યામ્ ।
આલિઙ્ગિતોઽવતાન્મા-મનિશં પ્રથમર્તુરાત્તપુષ્પાસ્ત્રઃ ॥ 12 ॥
આલિઙ્ગિતોઽવતાન્મા-મનિશં પ્રથમર્તુરાત્તપુષ્પાસ્ત્રઃ ॥ 12 ॥
નમત તદુત્તરભાગે નાકિપથોલ્લઙ્ઘિશૃઙ્ગસઙ્ઘાતમ્ ।
સીસાકૃતિં તુરીયં સિતકિરણાલોકનિર્મલં સાલમ્ ॥ 13 ॥
સીસાકૃતિં તુરીયં સિતકિરણાલોકનિર્મલં સાલમ્ ॥ 13 ॥
સાલદ્વયાન્તરાલે સરલાલિકપોતચાટુસુભગાયામ્ ।
સન્તાનવાટિકાયાં સક્તં ચેતોઽસ્તુ સતતમસ્માકમ્ ॥ 14 ॥
સન્તાનવાટિકાયાં સક્તં ચેતોઽસ્તુ સતતમસ્માકમ્ ॥ 14 ॥
તત્ર તપનાતિરૂક્ષઃ સામ્રાજ્ઞીચરણસાન્દ્રિતસ્વાન્તઃ ।
શુક્રશુચિશ્રીસહિતો ગ્રીષ્મર્તુર્દિશતુ કીર્તિમાકલ્પમ્ ॥ 15 ॥
શુક્રશુચિશ્રીસહિતો ગ્રીષ્મર્તુર્દિશતુ કીર્તિમાકલ્પમ્ ॥ 15 ॥
ઉત્તરસીમનિ તસ્યો-ન્નતશિખરોત્કમ્પિહાટકપતાકઃ ।
પ્રકટયતુ પઞ્ચમો નઃ પ્રાકારઃ કુશલમારકૂટમયઃ ॥ 16 ॥
પ્રકટયતુ પઞ્ચમો નઃ પ્રાકારઃ કુશલમારકૂટમયઃ ॥ 16 ॥
પ્રાકારયોશ્ચ મધ્યે પલ્લવિતાન્યભૃતપઞ્ચમોન્મેષા ।
હરિચન્દનદ્રુવાટી-હરતાદામૂલમસ્મદનુતાપમ્ ॥ 17 ॥
હરિચન્દનદ્રુવાટી-હરતાદામૂલમસ્મદનુતાપમ્ ॥ 17 ॥
તત્ર નભઃ શ્રીમુખ્યૈ-સ્તરુણીવર્ગૈઃ સમન્વિતઃ પરિતઃ ।
વજ્રાટ્ટહાસમુખરો વાઞ્છાપૂર્તિં તનોતુ વર્ષર્તુઃ ॥ 18 ॥
વજ્રાટ્ટહાસમુખરો વાઞ્છાપૂર્તિં તનોતુ વર્ષર્તુઃ ॥ 18 ॥
મારુતયોજનદૂરે મહનીયસ્તસ્ય ચોત્તરે ભાગે ।
ભદ્રં કૃષીષ્ટ ષષ્ઠઃ પ્રાકારઃ પઞ્ચલોહધાતુમયઃ ॥ 19 ॥
ભદ્રં કૃષીષ્ટ ષષ્ઠઃ પ્રાકારઃ પઞ્ચલોહધાતુમયઃ ॥ 19 ॥
અનયોર્મધ્યે સન્તત-મઙ્કૂરદ્દિવ્યકુસુમગન્ધાયામ્ ।
મન્દારવાટિકાયાં માનસમઙ્ગીકરોતુ મે વિહૃતિમ્ ॥ 20 ॥
મન્દારવાટિકાયાં માનસમઙ્ગીકરોતુ મે વિહૃતિમ્ ॥ 20 ॥
તસ્યામિષોર્જલક્ષ્મી-તરુણીભ્યાં શરદૃતુઃ સદા સહિતઃ ।
અભ્યર્ચયન્ સ જીયા-દમ્બામામોદમેદુરૈઃ કુસુમૈઃ ॥ 21 ॥
અભ્યર્ચયન્ સ જીયા-દમ્બામામોદમેદુરૈઃ કુસુમૈઃ ॥ 21 ॥
તસ્યર્ષિસઙ્ખ્યયોજન-દૂરે દેદીપ્યમાનશૃઙ્ગૌઘઃ ।
કલધૌતકલિતમૂર્તિઃ કલ્યાણં દિશતુ સપ્તમઃ સાલઃ ॥ 22 ॥
કલધૌતકલિતમૂર્તિઃ કલ્યાણં દિશતુ સપ્તમઃ સાલઃ ॥ 22 ॥
મધ્યે તયોર્મરુત્પથ લઙ્ઘિતવિટપાગ્રવિરુતકલકણ્ઠા ।
શ્રીપારિજાતવાટી શ્રિયમનિશં દિશતુ શીતલોદ્દેશા ॥ 23 ॥
શ્રીપારિજાતવાટી શ્રિયમનિશં દિશતુ શીતલોદ્દેશા ॥ 23 ॥
તસ્યામતિપ્રિયાભ્યાં સહ ખેલન્ સહસહસ્યલક્ષ્મીભ્યામ્ ।
સામન્તો ઝષકેતો-ર્હેમન્તો ભવતુ હેમવૃદ્ધ્યૈ નઃ ॥ 24 ॥
સામન્તો ઝષકેતો-ર્હેમન્તો ભવતુ હેમવૃદ્ધ્યૈ નઃ ॥ 24 ॥
ઉત્તરતસ્તસ્ય મહા-નુદ્ભટહુતભુક્શિખારુણમયૂખઃ ।
તપનીયખણ્ડરચિત-સ્તનુતાદાયુષ્યમષ્ટમો વરણઃ ॥ 25 ॥
તપનીયખણ્ડરચિત-સ્તનુતાદાયુષ્યમષ્ટમો વરણઃ ॥ 25 ॥
કાદમ્બવિપિનવાટી-મનયોર્મધ્યભુવિ કલ્પિતાવાસામ્ ।
કલયામિ સૂનકોરક-કન્દલિતામોદતુન્દિલસમીરામ્ ॥ 26 ॥
કલયામિ સૂનકોરક-કન્દલિતામોદતુન્દિલસમીરામ્ ॥ 26 ॥
તસ્યામતિશિશિરાકૃતિ-રાસીનસ્તપતપસ્યલક્ષ્મીભ્યામ્ ।
શિવમનિશં કુરુતાન્મે શિશિરર્તુઃ સતતશીતલદિગન્તઃ ॥ 27 ॥
શિવમનિશં કુરુતાન્મે શિશિરર્તુઃ સતતશીતલદિગન્તઃ ॥ 27 ॥
તસ્યાં કદમ્બવાટ્યાં તત્પ્રસવામોદમિલિતમધુગન્ધમ્ ।
સપ્તાવરણમનોજ્ઞં શરણં સમુપૈમિ મન્ત્રિણીશરણમ્ ॥ 28 ॥
સપ્તાવરણમનોજ્ઞં શરણં સમુપૈમિ મન્ત્રિણીશરણમ્ ॥ 28 ॥
તત્રાલયે વિશાલે તપનીયારચિતતરલસોપાને ।
માણિક્યમણ્ડપાન્ત-ર્મહિતે સિંહાસને સુમણિખચિતે ॥ 29 ॥
માણિક્યમણ્ડપાન્ત-ર્મહિતે સિંહાસને સુમણિખચિતે ॥ 29 ॥
બિન્દુત્રિપઞ્ચકોણ-દ્વિપનૃપવસુવેદદલકુરેખાઢ્યે ।
ચક્રે સદા નિવિષ્ટાં ષષ્ઠ્યષ્ટત્રિંશદક્ષરેશાનીમ્ ॥ 30 ॥
ચક્રે સદા નિવિષ્ટાં ષષ્ઠ્યષ્ટત્રિંશદક્ષરેશાનીમ્ ॥ 30 ॥
તાપિઞ્છમેચકાભાં તાલીદલઘટિતકર્ણતાટઙ્કામ્ ।
તામ્બૂલપૂરિતમુખીં તામ્રાધરબિમ્બદૃષ્ટદરહાસામ્ ॥ 31 ॥
તામ્બૂલપૂરિતમુખીં તામ્રાધરબિમ્બદૃષ્ટદરહાસામ્ ॥ 31 ॥
કુઙ્કુમપઙ્કિલદેહાં કુવલયજીવાતુશાવકવતંસામ્ ।
કોકનદશોણચરણાં કોકિલનિક્વાણકોમલાલાપામ્ ॥ 32 ॥
કોકનદશોણચરણાં કોકિલનિક્વાણકોમલાલાપામ્ ॥ 32 ॥
વામાઙ્ગગલિતચૂલીં વનમાલ્યકદમ્બમાલિકાભરણામ્ ।
મુક્તાલલન્તિકાઞ્ચિત મુગ્ધાલિકમિલિતચિત્રકોદારામ્ ॥ 33 ॥
મુક્તાલલન્તિકાઞ્ચિત મુગ્ધાલિકમિલિતચિત્રકોદારામ્ ॥ 33 ॥
કરવિધૃતકીરશાવક-કલનિનદવ્યક્તનિખિલનિગમાર્થામ્ ।
વામકુચસઙ્ગિવીણાવાદન-સૌખ્યાર્ધમીલિતાક્ષિયુગામ્ ॥ 34 ॥
વામકુચસઙ્ગિવીણાવાદન-સૌખ્યાર્ધમીલિતાક્ષિયુગામ્ ॥ 34 ॥
આપાટલાંશુકધરા-માદિરસોન્મેષવાસિતકટાક્ષામ્ ।
આમ્નાયસારગુલિકા-માદ્યાં સઙ્ગીતમાતૃકાં વન્દે ॥ 35 ॥
આમ્નાયસારગુલિકા-માદ્યાં સઙ્ગીતમાતૃકાં વન્દે ॥ 35 ॥
તસ્ય ચ સુવર્ણસાલ-સ્યોત્તરતસ્તરુણકુઙ્કુમચ્છાયઃ ।
શમયતુ મમ સન્તાપં સાલો નવમઃ સ પુષ્પરાગમયઃ ॥ 36 ॥
શમયતુ મમ સન્તાપં સાલો નવમઃ સ પુષ્પરાગમયઃ ॥ 36 ॥
અનયોરન્તરવસુધાઃ પ્રણુમઃ પ્રત્યગ્રપુષ્પરાગમયીઃ ।
સિંહાસનેશ્વરીમનુ-ચિન્તનનિસ્તન્દ્રસિદ્ધનીરન્ધ્રાઃ ॥ 37 ॥
સિંહાસનેશ્વરીમનુ-ચિન્તનનિસ્તન્દ્રસિદ્ધનીરન્ધ્રાઃ ॥ 37 ॥
તત્સાલોત્તરદેશે તરુણજપાકિરણધોરણીશોણઃ ।
પ્રશમયતુ પદ્મરાગ-પ્રાકારો મમ પરાભવં દશમઃ ॥ 38 ॥
પ્રશમયતુ પદ્મરાગ-પ્રાકારો મમ પરાભવં દશમઃ ॥ 38 ॥
અન્તરભૂકૃતવાસા-નનયોરપનીતચિત્તવૈમત્યાન્ ।
ચક્રેશીપદભક્તાં-શ્ચારણવર્ગાનહર્નિશં કલયે ॥ 39 ॥
ચક્રેશીપદભક્તાં-શ્ચારણવર્ગાનહર્નિશં કલયે ॥ 39 ॥
સારઙ્ગવાહયોજનદૂરે-ઽસઙ્ઘટિતકેતનસ્તસ્ય ।
ગોમેદકેન રચિતો ગોપાયતુ માં સમુન્નતઃ સાલઃ ॥ 40 ॥
ગોમેદકેન રચિતો ગોપાયતુ માં સમુન્નતઃ સાલઃ ॥ 40 ॥
વપ્રદ્વયાન્તરોર્વ્યાં વટુકૈર્વિવિધૈશ્ચ યોગિનીબૃન્દૈઃ ।
સતતં સમર્ચિતાયાઃ સઙ્કર્ષણ્યાઃ પ્રણૌમિ ચરણાબ્જમ્ ॥ 41 ॥
સતતં સમર્ચિતાયાઃ સઙ્કર્ષણ્યાઃ પ્રણૌમિ ચરણાબ્જમ્ ॥ 41 ॥
તાપસયોજનદૂરે તસ્ય સમુત્તુઙ્ગ ગોપુરોપેતઃ ।
વાઞ્છાપૂર્ત્યૈ ભવતા-દ્વજ્રમણીનિકરનિર્મિતો વપ્રઃ ॥ 42 ॥
વાઞ્છાપૂર્ત્યૈ ભવતા-દ્વજ્રમણીનિકરનિર્મિતો વપ્રઃ ॥ 42 ॥
વરણદ્વિતયાન્તરતો વાસજુષો વિહિતમધુરસાસ્વાદાઃ ।
રમ્ભાદિવિબુધવેશ્યા રચયન્તુ મહાન્તમસ્મદાનન્દમ્ ॥ 43 ॥
રમ્ભાદિવિબુધવેશ્યા રચયન્તુ મહાન્તમસ્મદાનન્દમ્ ॥ 43 ॥
તત્ર સદા પ્રવહન્તી તટિની વજ્રાભિધા ચિરં જીયાત્ ।
ચટુલોર્મિજાલનૃત્ય-ત્કલહંસીકુલકલક્વણિતપુષ્ટા ॥ 44 ॥
ચટુલોર્મિજાલનૃત્ય-ત્કલહંસીકુલકલક્વણિતપુષ્ટા ॥ 44 ॥
રોધસિ તસ્યા રુચિરે વજ્રેશી જયતિ વજ્રભૂષાઢ્યા ।
વજ્રપ્રદાનતોષિત-વજ્રિમુખત્રિદશવિનુતચારિત્રા ॥ 45 ॥
વજ્રપ્રદાનતોષિત-વજ્રિમુખત્રિદશવિનુતચારિત્રા ॥ 45 ॥
તસ્યોદીચ્યાં હરિતિ સ્તવકિતસુષમાવલીઢવિયદન્તઃ ।
વૈડૂર્યરત્નરચિતો વૈમલ્યં દિશતુ ચેતસો વરણઃ ॥ 46 ॥
વૈડૂર્યરત્નરચિતો વૈમલ્યં દિશતુ ચેતસો વરણઃ ॥ 46 ॥
અધિમધ્યમેતયોઃ પુન-રમ્બાચરણાવલમ્બિતસ્વાન્તાન્ ।
કાર્કોટકાદિનાગાન્ કલયામઃ કિં ચ બલિમુખાન્ દનુજાન્ ॥ 47 ॥
કાર્કોટકાદિનાગાન્ કલયામઃ કિં ચ બલિમુખાન્ દનુજાન્ ॥ 47 ॥
ગન્ધવહસઙ્ખ્યયોજન-દૂરે ગગનોર્ધ્વજાઙ્ઘિકસ્તસ્ય ।
વાસવમણિપ્રણીતો વરણો બહલયતુ વૈદુષીં વિશદામ્ ॥ 48 ॥
વાસવમણિપ્રણીતો વરણો બહલયતુ વૈદુષીં વિશદામ્ ॥ 48 ॥
મધ્યક્ષોણ્યામનયો-ર્મહેન્દ્રનીલાત્મકાનિ ચ સરાંસિ ।
શાતોદરીસહાયા-ન્ભૂપાલાનપિ પુનઃ પુનઃ પ્રણુમઃ ॥ 49 ॥
શાતોદરીસહાયા-ન્ભૂપાલાનપિ પુનઃ પુનઃ પ્રણુમઃ ॥ 49 ॥
આશુગયોજનદૂરે તસ્યોર્ધ્વં કાન્તિધવલિતદિગન્તઃ ।
મુક્તાવિરચિતગાત્રો મુહુરસ્માકં મુદે ભવતુ સાલઃ ॥ 50 ॥
મુક્તાવિરચિતગાત્રો મુહુરસ્માકં મુદે ભવતુ સાલઃ ॥ 50 ॥
આવૃત્ત્યોરધિમધ્યં પૂર્વસ્યાં દિશિ પુરન્દરઃ શ્રીમાન્ ।
અભ્રમુવિટાધિરૂઢો વિભ્રમમસ્માકમનિશમાતનુતાત્ ॥ 51 ॥
અભ્રમુવિટાધિરૂઢો વિભ્રમમસ્માકમનિશમાતનુતાત્ ॥ 51 ॥
તત્કોણે વ્યજનસ્રુ-ક્તોમરપાત્રસ્રુવાન્નશક્તિધરઃ ।
સ્વાહાસ્વધાસમેતઃ સુખયતુ માં હવ્યવાહનઃ સુચિરમ્ ॥ 52 ॥
સ્વાહાસ્વધાસમેતઃ સુખયતુ માં હવ્યવાહનઃ સુચિરમ્ ॥ 52 ॥
દક્ષિણદિગન્તરાલે દણ્ડધરો નીલનીરદચ્છાયઃ ।
ત્રિપુરાપદાબ્જભક્તસ્તિરયતુ મમ નિખિલમંહસાં નિકરમ્ ॥ 53 ॥
ત્રિપુરાપદાબ્જભક્તસ્તિરયતુ મમ નિખિલમંહસાં નિકરમ્ ॥ 53 ॥
તસ્યૈવ પશ્ચિમાયાં દિશિ દલિતેન્દીવરપ્રભાશ્યામઃ ।
ખેટાસિયષ્ટિધારી ખેદાનપનયતુ યાતુધાનો મે ॥ 54 ॥
ખેટાસિયષ્ટિધારી ખેદાનપનયતુ યાતુધાનો મે ॥ 54 ॥
તસ્યા ઉત્તરદેશે ધવલાઙ્ગો વિપુલઝષવરારૂઢઃ ।
પાશાયુધાત્તપાણિઃ પાશી વિદલયતુ પાશજાલાનિ ॥ 55 ॥
પાશાયુધાત્તપાણિઃ પાશી વિદલયતુ પાશજાલાનિ ॥ 55 ॥
વન્દે તદુત્તરહરિ-ત્કોણે વાયું ચમૂરુવરવાહમ્ ।
કોરકિતતત્ત્વબોધા-ન્ગોરક્ષપ્રમુખયોગિનોઽપિ મુહુઃ ॥ 56 ॥
કોરકિતતત્ત્વબોધા-ન્ગોરક્ષપ્રમુખયોગિનોઽપિ મુહુઃ ॥ 56 ॥
તરુણીરિડાપ્રધાના-સ્તિસ્રો વાતસ્ય તસ્ય કૃતવાસાઃ ।
પ્રત્યગ્રકાપિશાયન-પાનપરિભ્રાન્તલોચનાઃ કલયે ॥ 57 ॥
પ્રત્યગ્રકાપિશાયન-પાનપરિભ્રાન્તલોચનાઃ કલયે ॥ 57 ॥
તલ્લોકપૂર્વભાગે ધનદં ધ્યાયામિ શેવધિકુલેશમ્ ।
અપિ માણિભદ્રમુખ્યા-નમ્બાચરણાવલમ્બિનો યક્ષાન્ ॥ 58 ॥
અપિ માણિભદ્રમુખ્યા-નમ્બાચરણાવલમ્બિનો યક્ષાન્ ॥ 58 ॥
તસ્યૈવ પૂર્વસીમનિ તપનીયારચિતગોપુરે નગરે ।
કાત્યાયનીસહાયં કલયે શીતાંશુખણ્ડચૂડાલમ્ ॥ 59 ॥
કાત્યાયનીસહાયં કલયે શીતાંશુખણ્ડચૂડાલમ્ ॥ 59 ॥
તત્પુરષોડશવરણ-સ્થલભાજસ્તરુણચન્દ્રચૂડાલાન્ ।
રુદ્રાધ્યાયે પઠિતા-ન્રુદ્રાણીસહચરાન્ભજે રુદ્રાન્ ॥ 60 ॥
રુદ્રાધ્યાયે પઠિતા-ન્રુદ્રાણીસહચરાન્ભજે રુદ્રાન્ ॥ 60 ॥
પવમાનસઙ્ખ્યયોજન-દૂરે બાલતૃણ્મેચકસ્તસ્ય ।
સાલો મરકતરચિતઃ સમ્પદમચલાં શ્રિયં ચ પુષ્ણાતુ ॥ 61 ॥
સાલો મરકતરચિતઃ સમ્પદમચલાં શ્રિયં ચ પુષ્ણાતુ ॥ 61 ॥
આવૃતિયુગ્માન્તરતો હરિતમણીનિવહમેચકે દેશે ।
હાટકતાલીવિપિનં હાલાઘટઘટિતવિટપમાકલયે ॥ 62 ॥
હાટકતાલીવિપિનં હાલાઘટઘટિતવિટપમાકલયે ॥ 62 ॥
તત્રૈવ મન્ત્રિણીગૃહ-પરિણાહં તરલકેતનં સદનમ્ ।
મરકતસૌધમનોજ્ઞં દદ્યાદાયૂંષિ દણ્ડનાથાયાઃ ॥ 63 ॥
મરકતસૌધમનોજ્ઞં દદ્યાદાયૂંષિ દણ્ડનાથાયાઃ ॥ 63 ॥
સદને તત્ર હરિન્મણિ-સઙ્ઘટિતે મણ્ડપે શતસ્તમ્ભે ।
કાર્તસ્વરમયપીઠે કનકમયામ્બુરુહકર્ણિકામધ્યે ॥ 64 ॥
કાર્તસ્વરમયપીઠે કનકમયામ્બુરુહકર્ણિકામધ્યે ॥ 64 ॥
બિન્દુત્રિકોણવર્તુલ-ષડસ્રવૃત્તદ્વયાન્વિતે ચક્રે ।
સઞ્ચારિણી દશોત્તરશતાર્ણમનુરાજકમલકલહંસી ॥ 65 ॥
સઞ્ચારિણી દશોત્તરશતાર્ણમનુરાજકમલકલહંસી ॥ 65 ॥
કોલવદના કુશેશય-નયના કોકારિમણ્ડિતશિખણ્ડા ।
સન્તપ્તકાઞ્ચનાભા સન્ધ્યારુણચેલસંવૃતનિતમ્બા ॥ 66 ॥
સન્તપ્તકાઞ્ચનાભા સન્ધ્યારુણચેલસંવૃતનિતમ્બા ॥ 66 ॥
હલમુસલશઙ્ખચક્રા-ઽઙ્કુશપાશાભયવરસ્ફુરિતહસ્તા ।
કૂલઙ્કષાનુકમ્પા કુઙ્કુમજમ્બાલિતસ્તનાભોગા ॥ 67 ॥
કૂલઙ્કષાનુકમ્પા કુઙ્કુમજમ્બાલિતસ્તનાભોગા ॥ 67 ॥
ધૂર્તાનામતિદૂરા-વાર્તાશેષાવલગ્નકમનીયા ।
આર્તાલીશુભદાત્રી વાર્તાલી ભવતુ વાઞ્છિતાર્થાય ॥ 68 ॥
આર્તાલીશુભદાત્રી વાર્તાલી ભવતુ વાઞ્છિતાર્થાય ॥ 68 ॥
તસ્યાઃ પરિતો દેવીઃ સ્વપ્નેશ્યુન્મત્તભૈરવીમુખ્યાઃ ।
પ્રણમત જમ્ભિન્યાદ્યાઃ ભૈરવવર્ગાંશ્ચ હેતુકપ્રમુખાન્ ॥ 69 ॥
પ્રણમત જમ્ભિન્યાદ્યાઃ ભૈરવવર્ગાંશ્ચ હેતુકપ્રમુખાન્ ॥ 69 ॥
પૂર્વોક્તસઙ્ખ્યયોજન-દૂરે પૂયાંશુપાટલસ્તસ્ય ।
વિદ્રાવયતુ મદાર્તિં વિદ્રુમસાલો વિશઙ્કટદ્વારઃ ॥ 70 ॥
વિદ્રાવયતુ મદાર્તિં વિદ્રુમસાલો વિશઙ્કટદ્વારઃ ॥ 70 ॥
આવરણયોરહર્નિશ-મન્તરભૂમૌપ્રકાશશાલિન્યામ્ ।
આસીનમમ્બુજાસન-મભિનવસિન્દૂરગૌરમહમીડે ॥ 71 ॥
આસીનમમ્બુજાસન-મભિનવસિન્દૂરગૌરમહમીડે ॥ 71 ॥
વરણસ્ય તસ્ય મારુત-યોજનતો વિપુલગોપુરદ્વારઃ ।
સાલો નાનારત્નૈઃ સઙ્ઘટિતાઙ્ગઃ કૃષીષ્ટ મદભીષ્ટમ્ ॥ 72 ॥
સાલો નાનારત્નૈઃ સઙ્ઘટિતાઙ્ગઃ કૃષીષ્ટ મદભીષ્ટમ્ ॥ 72 ॥
અન્તરકક્ષ્યામનયો-રવિરલશોભાપિચણ્ડિલોદ્દેશામ્ ।
માણિક્યમણ્ડપાખ્યાં મહતીમધિહૃદયમનિશમાકલયે ॥ 73 ॥
માણિક્યમણ્ડપાખ્યાં મહતીમધિહૃદયમનિશમાકલયે ॥ 73 ॥
તત્ર સ્થિતં પ્રસન્નં તરુણતમાલપ્રવાલકિરણાભમ્ ।
કર્ણાવલમ્બિકુણ્ડલ-કન્દલિતાભીશુકવચિતકપોલમ્ ॥ 74 ॥
કર્ણાવલમ્બિકુણ્ડલ-કન્દલિતાભીશુકવચિતકપોલમ્ ॥ 74 ॥
શોણાધરં શુચિસ્મિત-મેણાઙ્કવદનમેધમાનકૃપમ્ ।
મુગ્ધૈણમદવિશેષક-મુદ્રિતનિટિલેન્દુરેખિકારુચિરમ્ ॥ 75 ॥
મુગ્ધૈણમદવિશેષક-મુદ્રિતનિટિલેન્દુરેખિકારુચિરમ્ ॥ 75 ॥
નાલીકદલસહોદર-નયનાઞ્ચલઘટિતમનસિજાકૂતમ્ ।
કમલાકઠિનપયોધર-કસ્તૂરીઘુસૃણપઙ્કિલોરસ્કમ્ ॥ 76 ॥
કમલાકઠિનપયોધર-કસ્તૂરીઘુસૃણપઙ્કિલોરસ્કમ્ ॥ 76 ॥
ચામ્પેયગન્ધિકૈશ્યં શમ્પાસબ્રહ્મચારિકૌશેયમ્ ।
શ્રીવત્સકૌસ્તુભધરં શ્રિતજનરક્ષાધુરીણચરણાબ્જમ્ ॥ 77 ॥
શ્રીવત્સકૌસ્તુભધરં શ્રિતજનરક્ષાધુરીણચરણાબ્જમ્ ॥ 77 ॥
કમ્બુસુદર્શનવિલસ-ત્કરપદ્મં કણ્ઠલોલવનમાલમ્ ।
મુચુકુન્દમોક્ષફલદં મુકુન્દમાનન્દકન્દમવલમ્બે ॥ 78 ॥
મુચુકુન્દમોક્ષફલદં મુકુન્દમાનન્દકન્દમવલમ્બે ॥ 78 ॥
તદ્વરણોત્તરભાગે તારાપતિબિમ્બચુમ્બિનિજશૃઙ્ગઃ ।
વિવિધમણીગણઘટિતો વિતરતુ સાલો વિનિર્મલાં ધિષણામ્ ॥ 79 ॥
વિવિધમણીગણઘટિતો વિતરતુ સાલો વિનિર્મલાં ધિષણામ્ ॥ 79 ॥
પ્રાકારદ્વિતયાન્તર-કક્ષ્યાં પૃથુરત્નનિકરસઙ્કીર્ણામ્ ।
નમત સહસ્રસ્તમ્ભક-મણ્ડપનામ્નાતિવિશ્રુતાં ભુવને ॥ 80 ॥
નમત સહસ્રસ્તમ્ભક-મણ્ડપનામ્નાતિવિશ્રુતાં ભુવને ॥ 80 ॥
પ્રણુમસ્તત્ર ભવાની-સહચરમીશાનમિન્દુખણ્ડધરમ્ ।
શૃઙ્ગારનાયિકામનુ-શીલનભાજોઽપિ ભૃઙ્ગિનન્દિમુખાન્ ॥ 81 ॥
શૃઙ્ગારનાયિકામનુ-શીલનભાજોઽપિ ભૃઙ્ગિનન્દિમુખાન્ ॥ 81 ॥
તસ્યૈણવાહયોજન-દૂરે વન્દે મનોમયં વપ્રમ્ ।
અઙ્કૂરન્મણિકિરણા-મન્તરકક્ષ્યાં ચ નિર્મલામનયોઃ ॥ 82 ॥
અઙ્કૂરન્મણિકિરણા-મન્તરકક્ષ્યાં ચ નિર્મલામનયોઃ ॥ 82 ॥
તત્રૈવામૃતવાપીં તરલતરઙ્ગાવલીઢતટયુગ્મામ્ ।
મુક્તામયકલહંસી-મુદ્રિતકનકારવિન્દસન્દોહામ્ ॥ 83 ॥
મુક્તામયકલહંસી-મુદ્રિતકનકારવિન્દસન્દોહામ્ ॥ 83 ॥
શક્રોપલમયભૃઙ્ગી-સઙ્ગીતોન્મેષઘોષિતદિગન્તામ્ ।
કાઞ્ચનમયાઙ્ગવિલસ-ત્કારણ્ડવષણ્ડતાણ્ડવમનોજ્ઞામ્ ॥ 84 ॥
કાઞ્ચનમયાઙ્ગવિલસ-ત્કારણ્ડવષણ્ડતાણ્ડવમનોજ્ઞામ્ ॥ 84 ॥
કુરુવિન્દાત્મકહલ્લક-કોરકસુષમાસમૂહપાટલિતામ્ ।
કલયે સુધાસ્વરૂપાં કન્દલિતામન્દકૈરવામોદામ્ ॥ 85 ॥
કલયે સુધાસ્વરૂપાં કન્દલિતામન્દકૈરવામોદામ્ ॥ 85 ॥
તદ્વાપિકાન્તરાલે તરલે મણિપોતસીમ્નિ વિહરન્તીમ્ ।
સિન્દૂરપાટલાઙ્ગીં સિતકિરણાઙ્કૂરકલ્પિતવતંસામ્ ॥ 86 ॥
સિન્દૂરપાટલાઙ્ગીં સિતકિરણાઙ્કૂરકલ્પિતવતંસામ્ ॥ 86 ॥
પર્વેન્દુબિમ્બવદનાં પલ્લવશોણાધરસ્ફુરિતહાસામ્ ।
કુટિલકબરીં કુરઙ્ગી-શિશુનયનાં કુણ્ડલસ્ફુરિતગણ્ડામ્ ॥ 87 ॥
કુટિલકબરીં કુરઙ્ગી-શિશુનયનાં કુણ્ડલસ્ફુરિતગણ્ડામ્ ॥ 87 ॥
નિકટસ્થપોતનિલયાઃ શક્તીઃ શયવિધૃતહેમશૃઙ્ગજલૈઃ ।
પરિષિઞ્ચન્તીં પરિત-સ્તારાં તારુણ્યગર્વિતાં વન્દે ॥ 88 ॥
પરિષિઞ્ચન્તીં પરિત-સ્તારાં તારુણ્યગર્વિતાં વન્દે ॥ 88 ॥
પ્રાગુક્તસઙ્ખ્યયોજનદૂરે પ્રણમામિ બુદ્ધિમયસાલમ્ ।
અનયોરન્તરકક્ષ્યા-મષ્ટાપદપુષ્ટમેદિનીં રુચિરામ્ ॥ 89 ॥
અનયોરન્તરકક્ષ્યા-મષ્ટાપદપુષ્ટમેદિનીં રુચિરામ્ ॥ 89 ॥
કાદમ્બરીનિધાનાં કલયામ્યાનન્દવાપિકાં તસ્યામ્ ।
શોણાશ્મનિવહનિર્મિત-સોપાનશ્રેણિશોભમાનતટીમ્ ॥ 90 ॥
શોણાશ્મનિવહનિર્મિત-સોપાનશ્રેણિશોભમાનતટીમ્ ॥ 90 ॥
માણિક્યતરણિનિલયાં મધ્યે તસ્યા મદારુણકપોલામ્ ।
અમૃતેશીત્યભિધાના-મન્તઃ કલયામિ વારુણીં દેવીમ્ ॥ 91 ॥
અમૃતેશીત્યભિધાના-મન્તઃ કલયામિ વારુણીં દેવીમ્ ॥ 91 ॥
સૌવર્ણકેનિપાતન-હસ્તાઃ સૌન્દર્યગર્વિતા દેવ્યઃ ।
તત્પુરતઃ સ્થિતિભાજો વિતરન્ત્વસ્માકમાયુષો વૃદ્ધિમ્ ॥ 92 ॥
તત્પુરતઃ સ્થિતિભાજો વિતરન્ત્વસ્માકમાયુષો વૃદ્ધિમ્ ॥ 92 ॥
તસ્ય પૃષદશ્વયોજન-દૂરેઽહઙ્કારસાલમતિતુઙ્ગમ્ ।
વન્દે તયોશ્ચ મધ્યે કક્ષ્યાં વલમાનમલયપવમાનામ્ ॥ 93 ॥
વન્દે તયોશ્ચ મધ્યે કક્ષ્યાં વલમાનમલયપવમાનામ્ ॥ 93 ॥
વિનુમો વિમર્શવાપીં સૌષુમ્નસુધાસ્વરૂપિણીં તત્ર ।
વેલાતિલઙ્ઘ્યવીચી-કોલાહલભરિતકૂલવનવાટીમ્ ॥ 94 ॥
વેલાતિલઙ્ઘ્યવીચી-કોલાહલભરિતકૂલવનવાટીમ્ ॥ 94 ॥
તત્રૈવ સલિલમધ્યે તાપિઞ્છદલપ્રપઞ્ચસુષમાભામ્ ।
શ્યામલકઞ્ચુકલસિતાં શ્યામાવિટબિમ્બડમ્બરહરાસ્યામ્ ॥ 95 ॥
શ્યામલકઞ્ચુકલસિતાં શ્યામાવિટબિમ્બડમ્બરહરાસ્યામ્ ॥ 95 ॥
આભુગ્નમસૃણચિલ્લી-હસિતાયુગ્મશરકાર્મુકવિલાસામ્ ।
મન્દસ્મિતાઞ્ચિતમુખીં મણિમયતાટઙ્કમણ્ડિતકપોલામ્ ॥ 96 ॥
મન્દસ્મિતાઞ્ચિતમુખીં મણિમયતાટઙ્કમણ્ડિતકપોલામ્ ॥ 96 ॥
કુરુવિન્દતરણિનિલયાં કુલાચલસ્પર્ધિકુચનમન્મધ્યામ્ ।
કુઙ્કુમવિલિપ્તગાત્રીં કુરુકુલ્લાં મનસિ કુર્મહે સતતમ્ ॥ 97 ॥
કુઙ્કુમવિલિપ્તગાત્રીં કુરુકુલ્લાં મનસિ કુર્મહે સતતમ્ ॥ 97 ॥
તત્સાલોત્તરભાગે ભાનુમયં વપ્રમાશ્રયે દીપ્તમ્ ।
મધ્યં ચ વિપુલમનયો-ર્મન્યે વિશ્રાન્તમાતપોદ્ગારમ્ ॥ 98 ॥
મધ્યં ચ વિપુલમનયો-ર્મન્યે વિશ્રાન્તમાતપોદ્ગારમ્ ॥ 98 ॥
તત્ર કુરુવિન્દપીઠે તામરસે કનકકર્ણિકાઘટિતે ।
આસીનમરુણવાસસ-મમ્લાનપ્રસવમાલિકાભરણમ્ ॥ 99 ॥
આસીનમરુણવાસસ-મમ્લાનપ્રસવમાલિકાભરણમ્ ॥ 99 ॥
ચક્ષુષ્મતીપ્રકાશન-શક્તિચ્છાયાસમારચિતકેલિમ્ ।
માણિક્યમુકુટરમ્યં મન્યે માર્તાણ્ડભૈરવં હૃદયે ॥ 100 ॥
માણિક્યમુકુટરમ્યં મન્યે માર્તાણ્ડભૈરવં હૃદયે ॥ 100 ॥
ઇન્દુમયસાલમીડે તસ્યોત્તરતસ્તુષારગિરિગૌરમ્ ।
અત્યન્તશિશિરમારુત-મનયોર્મધ્યં ચ ચન્દ્રિકોદ્ગારમ્ ॥ 101 ॥
અત્યન્તશિશિરમારુત-મનયોર્મધ્યં ચ ચન્દ્રિકોદ્ગારમ્ ॥ 101 ॥
તત્ર પ્રકાશમાનં તારાનિકરૈઃ પરિષ્કૃતોદ્દેશમ્ ।
અમૃતમયકાન્તિકન્દલ-મન્તઃ કલયામિ કુન્દસિતમિન્દુમ્ ॥ 102 ॥
અમૃતમયકાન્તિકન્દલ-મન્તઃ કલયામિ કુન્દસિતમિન્દુમ્ ॥ 102 ॥
શૃઙ્ગારસાલમીડે શૃઙ્ગોલ્લસિતં તદુત્તરે ભાગે ।
મધ્યસ્થલે તયોરપિ મહિતાં શૃઙ્ગારપૂર્વિકાં પરિખામ્ ॥ 103 ॥
મધ્યસ્થલે તયોરપિ મહિતાં શૃઙ્ગારપૂર્વિકાં પરિખામ્ ॥ 103 ॥
તત્ર મણિનૌસ્થિતાભિ-સ્તપનીયાવિરચિતાગ્રહસ્તાભિઃ ।
શૃઙ્ગારદેવતાભિઃ સહિતં પરિખાધિપં ભજે મદનમ્ ॥ 104 ॥
શૃઙ્ગારદેવતાભિઃ સહિતં પરિખાધિપં ભજે મદનમ્ ॥ 104 ॥
શૃઙ્ગારવરણવર્યસ્યોત્તરતઃ સકલવિબુધસંસેવ્યમ્ ।
ચિન્તામણિગણરચિતં ચિન્તાં દૂરીકરોતુ મે સદનમ્ ॥ 105 ॥
ચિન્તામણિગણરચિતં ચિન્તાં દૂરીકરોતુ મે સદનમ્ ॥ 105 ॥
મણિસદનસાલયોરધિ-મધ્યં દશતાલભૂમિરુહદીર્ઘૈઃ ।
પર્ણૈઃ સુવર્ણવર્ણૈ-ર્યુક્તાં કાણ્ડૈશ્ચ યોજનોત્તુઙ્ગૈઃ ॥ 106 ॥
પર્ણૈઃ સુવર્ણવર્ણૈ-ર્યુક્તાં કાણ્ડૈશ્ચ યોજનોત્તુઙ્ગૈઃ ॥ 106 ॥
મૃદુલૈસ્તાલીપઞ્ચક-માનૈર્મિલિતાં ચ કેસરકદમ્બૈઃ ।
સન્તતગલિતમરન્દ-સ્રોતોનિર્યન્મિલિન્દસન્દોહામ્ ॥ 107 ॥
સન્તતગલિતમરન્દ-સ્રોતોનિર્યન્મિલિન્દસન્દોહામ્ ॥ 107 ॥
પાટીરપવનબાલક-ધાટીનિર્યત્પરાગપિઞ્જરિતામ્ ।
કલહંસીકુલકલકલ-કૂલઙ્કષનિનદનિચયકમનીયામ્ ॥ 108 ॥
કલહંસીકુલકલકલ-કૂલઙ્કષનિનદનિચયકમનીયામ્ ॥ 108 ॥
પદ્માટવીં ભજામઃ પરિમલકલ્લોલપક્ષ્મલોપાન્તામ્ ।
[ દેવ્યર્ઘ્યપાત્રધારી તસ્યાઃ પૂર્વદિશિ દશકલાયુક્તઃ ।
] વલયિતમૂર્તિર્ભગવા-ન્વહ્નિઃ ક્રોશોન્નતશ્ચિરં પાયાત્ ॥ 109 ॥
[ દેવ્યર્ઘ્યપાત્રધારી તસ્યાઃ પૂર્વદિશિ દશકલાયુક્તઃ ।
] વલયિતમૂર્તિર્ભગવા-ન્વહ્નિઃ ક્રોશોન્નતશ્ચિરં પાયાત્ ॥ 109 ॥
તત્રાધારે દેવ્યાઃ પાત્રીરૂપઃ પ્રભાકરઃ શ્રીમાન્ ।
દ્વાદશકલાસમેતો ધ્વાન્તં મમ બહુલમાન્તરં ભિન્દ્યાત્ ॥ 110 ॥
દ્વાદશકલાસમેતો ધ્વાન્તં મમ બહુલમાન્તરં ભિન્દ્યાત્ ॥ 110 ॥
તસ્મિન્ દિનેશપાત્રે તરઙ્ગિતામોદમમૃતમયમર્ઘ્યમ્ ।
ચન્દ્રકલાત્મકમમૃતં સાન્દ્રીકુર્યાદમન્દમાનન્દમ્ ॥ 111 ॥
ચન્દ્રકલાત્મકમમૃતં સાન્દ્રીકુર્યાદમન્દમાનન્દમ્ ॥ 111 ॥
અમૃતે તસ્મિન્નભિતો વિહરન્ત્યો વિવિધમણિતરણિભાજઃ ।
ષોડશ કલાઃ સુધાંશોઃ શોકાદુત્તારયન્તુ મામનિશમ્ ॥ 112 ॥
ષોડશ કલાઃ સુધાંશોઃ શોકાદુત્તારયન્તુ મામનિશમ્ ॥ 112 ॥
તત્રૈવ વિહૃતિભાજો ધાતૃમુખાનાં ચ કારણેશાનામ્ ।
સૃષ્ટ્યાદિરૂપિકાસ્તાઃ શમયન્ત્વખિલાઃ કલાશ્ચ સન્તાપમ્ ॥ 113 ॥
સૃષ્ટ્યાદિરૂપિકાસ્તાઃ શમયન્ત્વખિલાઃ કલાશ્ચ સન્તાપમ્ ॥ 113 ॥
કીનાશવરુણકિન્નર-રાજદિગન્તેષુ રત્નગેહસ્ય ।
કલયામિ તાન્યજસ્રં કલયન્ત્વાયુષ્યમર્ઘ્યપાત્રાણિ ॥ 114 ॥
કલયામિ તાન્યજસ્રં કલયન્ત્વાયુષ્યમર્ઘ્યપાત્રાણિ ॥ 114 ॥
પાત્રસ્થલસ્ય પુરતઃ પદ્મારમણવિધિપાર્વતીશાનામ્ ।
ભવનાનિ શર્મણે નો ભવન્તુ ભાસા પ્રદીપિતજગન્તિ ॥ 115 ॥
ભવનાનિ શર્મણે નો ભવન્તુ ભાસા પ્રદીપિતજગન્તિ ॥ 115 ॥
સદનસ્યાનલકોણે સતતં પ્રણમામિ કુણ્ડમાગ્નેયમ્ ।
તત્ર સ્થિતં ચ વહ્નિં તરલશિખાજટિલમમ્બિકાજનકમ્ ॥ 116 ॥
તત્ર સ્થિતં ચ વહ્નિં તરલશિખાજટિલમમ્બિકાજનકમ્ ॥ 116 ॥
તસ્યાસુરદિશિ તાદૃશ-રત્નપરિસ્ફુરિતપર્વનવકાઢ્યમ્ ।
ચક્રાત્મકં શતાઙ્ગં શતયોજનમુન્નતં ભજે દિવ્યમ્ ॥ 117 ॥
ચક્રાત્મકં શતાઙ્ગં શતયોજનમુન્નતં ભજે દિવ્યમ્ ॥ 117 ॥
તત્રૈવ દિશિ નિષણ્ણં તપનીયધ્વજપરમ્પરાશ્લિષ્ટમ્ ।
રથમપરં ચ ભવાન્યા રચયામો મનસિ રત્નમયચૂડમ્ ॥ 118 ॥
રથમપરં ચ ભવાન્યા રચયામો મનસિ રત્નમયચૂડમ્ ॥ 118 ॥
ભવનસ્ય વાયુભાગે પરિષ્કૃતો વિવિધવૈજયન્તીભિઃ ।
રચયતુ મુદં રથેન્દ્રઃ સચિવેશાન્યાઃ સમસ્તવન્દ્યાયાઃ ॥ 119 ॥
રચયતુ મુદં રથેન્દ્રઃ સચિવેશાન્યાઃ સમસ્તવન્દ્યાયાઃ ॥ 119 ॥
કુર્મોઽધિહૃદયમનિશં ક્રોડાસ્યાયાઃ શતાઙ્ગમૂર્ધન્યમ્ ।
રુદ્રદિશિ રત્નધામ્નો રુચિરશલાકાપ્રપઞ્ચકઞ્ચુકિતમ્ ॥ 120 ॥
રુદ્રદિશિ રત્નધામ્નો રુચિરશલાકાપ્રપઞ્ચકઞ્ચુકિતમ્ ॥ 120 ॥
પરિતો દેવીધામ્નઃ પ્રણીતવાસા મનુસ્વરૂપિણ્યઃ ।
કુર્વન્તુ રશ્મિમાલા-કૃતયઃ કુશલાનિ દેવતા નિખિલાઃ ॥ 121 ॥
કુર્વન્તુ રશ્મિમાલા-કૃતયઃ કુશલાનિ દેવતા નિખિલાઃ ॥ 121 ॥
પ્રાગ્દ્વારસ્ય ભવાની-ધામ્નઃ પાર્શ્વદ્વયારચિતવાસે ।
માતઙ્ગીકિટિમુખ્યૌ મણિસદને મનસિ ભાવયામિ ચિરમ્ ॥ 122 ॥
માતઙ્ગીકિટિમુખ્યૌ મણિસદને મનસિ ભાવયામિ ચિરમ્ ॥ 122 ॥
યોજનયુગલાભોગા તત્ક્રોશપરિણાહયૈવ ભિત્ત્યા ચ ।
ચિન્તામણિગૃહભૂમિ-ર્જીયાદામ્નાયમયચતુર્દ્વારા ॥ 123 ॥
ચિન્તામણિગૃહભૂમિ-ર્જીયાદામ્નાયમયચતુર્દ્વારા ॥ 123 ॥
દ્વારે દ્વારે ધામ્નઃ પિણ્ડીભૂતા નવીનબિમ્બાભાઃ ।
વિદધતુ વિપુલાં કીર્તિં દિવ્યા લૌહિત્યસિદ્ધ્યો દેવ્યઃ ॥ 124 ॥
વિદધતુ વિપુલાં કીર્તિં દિવ્યા લૌહિત્યસિદ્ધ્યો દેવ્યઃ ॥ 124 ॥
મણિસદનસ્યાન્તરતો મહનીયે રત્નવેદિકામધ્યે ।
બિન્દુમયચક્રમીડે પીઠાનામુપરિ વિરચિતાવાસમ્ ॥ 125 ॥
બિન્દુમયચક્રમીડે પીઠાનામુપરિ વિરચિતાવાસમ્ ॥ 125 ॥
ચક્રાણાં સકલાનાં પ્રથમમધઃ સીમફલકવાસ્તવ્યાઃ ।
અણિમાદિસિદ્ધયો મા-મવન્તુ દેવી પ્રભાસ્વરૂપિણ્યઃ ॥ 126 ॥
અણિમાદિસિદ્ધયો મા-મવન્તુ દેવી પ્રભાસ્વરૂપિણ્યઃ ॥ 126 ॥
અણિમાદિસિદ્ધિફલક-સ્યોપરિહરિણાઙ્કખણ્ડકૃતચૂડાઃ ।
ભદ્રં પક્ષ્મલયન્તુ બ્રાહ્મીપ્રમુખાશ્ચ માતરોઽસ્માકમ્ ॥ 127 ॥
ભદ્રં પક્ષ્મલયન્તુ બ્રાહ્મીપ્રમુખાશ્ચ માતરોઽસ્માકમ્ ॥ 127 ॥
તસ્યોપરિ મણિફલકે તારુણ્યોત્તુઙ્ગપીનકુચભારાઃ ।
સઙ્ક્ષોભિણીપ્રધાનાઃ ભ્રાન્તિ વિદ્રાવયન્તુ દશ મુદ્રાઃ ॥ 128 ॥
સઙ્ક્ષોભિણીપ્રધાનાઃ ભ્રાન્તિ વિદ્રાવયન્તુ દશ મુદ્રાઃ ॥ 128 ॥
ફલકત્રયસ્વરૂપે પૃથુલે ત્રૈલોક્યમોહને ચક્રે ।
દીવ્યન્તુ પ્રકટાખ્યા-સ્તાસાં કર્ત્રીં ચ ભગવતી ત્રિપુરા ॥ 129 ॥
દીવ્યન્તુ પ્રકટાખ્યા-સ્તાસાં કર્ત્રીં ચ ભગવતી ત્રિપુરા ॥ 129 ॥
તદુપરિ વિપુલે ધિષ્ણ્યે તરલદૃશસ્તરુણકોકનદભાસઃ ।
કામાકર્ષિણ્યાદ્યાઃ કલયે દેવીઃ કલાધરશિખણ્ડાઃ ॥ 130 ॥
કામાકર્ષિણ્યાદ્યાઃ કલયે દેવીઃ કલાધરશિખણ્ડાઃ ॥ 130 ॥
સર્વાશાપરિપૂરકચક્રે-ઽસ્મિન્ ગુપ્તયોગિનીસેવ્યાઃ ।
ત્રિપુરેશી મમ દુરિતં તુદ્યાત્ કણ્ઠાવલમ્બિમણિહારા ॥ 131 ॥
ત્રિપુરેશી મમ દુરિતં તુદ્યાત્ કણ્ઠાવલમ્બિમણિહારા ॥ 131 ॥
તસ્યોપરિ મણિપીઠે તામ્રામ્ભોરુહદલપ્રભાશોણાઃ ।
ધ્યાયામ્યનઙ્ગકુસુમા-પ્રમુખા દેવીશ્ચ વિધૃતકૂર્પાસાઃ ॥ 132 ॥
ધ્યાયામ્યનઙ્ગકુસુમા-પ્રમુખા દેવીશ્ચ વિધૃતકૂર્પાસાઃ ॥ 132 ॥
સઙ્ક્ષોભકારકેઽસ્મિં-શ્ચક્રે શ્રીત્રિપુરસુન્દરી સાક્ષાત્ ।
ગોપ્ત્રી ગુપ્તતરાખ્યાઃ ગોપાયતુ માં કૃપાર્દ્રયા દૃષ્ટ્યા ॥ 133 ॥
ગોપ્ત્રી ગુપ્તતરાખ્યાઃ ગોપાયતુ માં કૃપાર્દ્રયા દૃષ્ટ્યા ॥ 133 ॥
સઙ્ક્ષોભિણીપ્રધાનાઃ શક્તીસ્તસ્યોર્ધ્વવલયકૃતવાસાઃ ।
આલોલનીલવેણી-રન્તઃ કલયામિ યૌવનોન્મત્તાઃ ॥ 134 ॥
આલોલનીલવેણી-રન્તઃ કલયામિ યૌવનોન્મત્તાઃ ॥ 134 ॥
સૌભાગ્યદાયકેઽસ્મિં-શ્ચક્રેશી ત્રિપુરવાસિની જીયાત્ ।
શક્તીશ્ચ સમ્પ્રદાયાભિધાઃ સમસ્તાઃ પ્રમોદયન્ત્વનિશમ્ ॥ 135 ॥
શક્તીશ્ચ સમ્પ્રદાયાભિધાઃ સમસ્તાઃ પ્રમોદયન્ત્વનિશમ્ ॥ 135 ॥
મણિપીઠોપરિ તાસાં મહતિ ચતુર્હસ્તવિસ્તૃતે વલયે ।
સન્તતવિરચિતવાસાઃ શક્તીઃ કલયામિ સર્વસિદ્ધિમુખાઃ ॥ 136 ॥
સન્તતવિરચિતવાસાઃ શક્તીઃ કલયામિ સર્વસિદ્ધિમુખાઃ ॥ 136 ॥
સર્વાર્થસાધકાખ્યે ચક્રેઽમુષ્મિન્ સમસ્તફલદાત્રી ।
ત્રિપુરા શ્રીર્મમ કુશલં દિશતાદુત્તીર્ણયોગિનીસેવ્યા ॥ 137 ॥
ત્રિપુરા શ્રીર્મમ કુશલં દિશતાદુત્તીર્ણયોગિનીસેવ્યા ॥ 137 ॥
તાસાં નિલયસ્યોપરિ ધિષ્ણ્યે કૌસુમ્ભકઞ્ચુકમનોજ્ઞાઃ ।
સર્વાજ્ઞાદ્યાઃ દેવ્યઃ સકલાઃ સમ્પાદયન્તુ મમ કીર્તિમ્ ॥ 138 ॥
સર્વાજ્ઞાદ્યાઃ દેવ્યઃ સકલાઃ સમ્પાદયન્તુ મમ કીર્તિમ્ ॥ 138 ॥
ચક્રે સમસ્તરક્ષા-કરનામ્ન્યસ્મિન્ સમસ્તજનસેવ્યામ્ ।
મનસિ નિગર્ભાસહિતાં મન્યે શ્રીત્રિપુરમાલિનીં દેવીમ્ ॥ 139 ॥
મનસિ નિગર્ભાસહિતાં મન્યે શ્રીત્રિપુરમાલિનીં દેવીમ્ ॥ 139 ॥
સર્વજ્ઞાસદનસ્યોપરિ ચક્રે વિપુલે સમાકલિતગેહાઃ ।
વન્દે વશિનીમુખ્યાઃ શક્તીઃ સિન્દૂરરેણુરુચઃ ॥ 140 ॥
વન્દે વશિનીમુખ્યાઃ શક્તીઃ સિન્દૂરરેણુરુચઃ ॥ 140 ॥
શ્રીસર્વરોગહરાખ્ય-ચક્રેઽસ્મિંસ્ત્રિપુરપૂર્વિકાં સિદ્ધામ્ ।
વન્દે રહસ્યનામ્ના વેદ્યાભિઃ શક્તિભિઃ સદા સેવ્યામ્ ॥ 141 ॥
વન્દે રહસ્યનામ્ના વેદ્યાભિઃ શક્તિભિઃ સદા સેવ્યામ્ ॥ 141 ॥
વશિનીગૃહોપરિષ્ટા-દ્વિંશતિહસ્તોન્નતે મહાપીઠે ।
શમયન્તુ શત્રુબૃન્દં શસ્ત્રાણ્યસ્ત્રાણિ ચાદિદમ્પત્યોઃ ॥ 142 ॥
શમયન્તુ શત્રુબૃન્દં શસ્ત્રાણ્યસ્ત્રાણિ ચાદિદમ્પત્યોઃ ॥ 142 ॥
શસ્ત્રસદનોપરિષ્ટા-દ્વલયે વલવૈરિરત્નસઙ્ઘટિતે ।
કામેશ્વરીપ્રધાનાઃ કલયે દેવીઃ સમસ્તજનવન્દ્યાઃ ॥ 143 ॥
કામેશ્વરીપ્રધાનાઃ કલયે દેવીઃ સમસ્તજનવન્દ્યાઃ ॥ 143 ॥
ચક્રેઽત્ર સર્વસિદ્ધિપ્રદ-નામનિ સર્વફલદાત્રી ।
ત્રિપુરામ્બાવતુ સતતં પરાપરરહસ્યયોગિનીસેવ્યા ॥ 144 ॥
ત્રિપુરામ્બાવતુ સતતં પરાપરરહસ્યયોગિનીસેવ્યા ॥ 144 ॥
કામેશ્વરીગૃહોપરિવલયે વિવિધમનુસમ્પ્રદાયજ્ઞાઃ ।
ચત્વારો યુગનાથા જયન્તુ મિત્રેશપૂર્વકાઃ ગુરવઃ ॥ 145 ॥
ચત્વારો યુગનાથા જયન્તુ મિત્રેશપૂર્વકાઃ ગુરવઃ ॥ 145 ॥
નાથભવનોપરિષ્ટા-ન્નાનારત્નચયમેદુરે પીઠે ।
કામેશ્યાદ્યા નિત્યાઃ કલયન્તુ મુદં તિથિસ્વરૂપિણ્યઃ ॥ 146 ॥
કામેશ્યાદ્યા નિત્યાઃ કલયન્તુ મુદં તિથિસ્વરૂપિણ્યઃ ॥ 146 ॥
નિત્યાસદનસ્યોપરિ નિર્મલમણિનિવહવિરચિતે ધિષ્ણ્યે ।
કુશલં ષડઙ્ગદેવ્યઃ કલયન્ત્વસ્માકમુત્તરલનેત્રાઃ ॥ 147 ॥
કુશલં ષડઙ્ગદેવ્યઃ કલયન્ત્વસ્માકમુત્તરલનેત્રાઃ ॥ 147 ॥
સદનસ્યોપરિ તાસાં સર્વાનન્દમયનામકે બિન્દૌ ।
પઞ્ચબ્રહ્માકારાં મઞ્ચં પ્રણમામિ મણિગણાકીર્ણમ્ ॥ 148 ॥
પઞ્ચબ્રહ્માકારાં મઞ્ચં પ્રણમામિ મણિગણાકીર્ણમ્ ॥ 148 ॥
પરિતો મણિમઞ્ચસ્ય પ્રલમ્બમાના નિયન્ત્રિતા પાશૈઃ ।
માયામયી જવનિકા મમ દુરિતં હરતુ મેચકચ્છાયા ॥ 149 ॥
માયામયી જવનિકા મમ દુરિતં હરતુ મેચકચ્છાયા ॥ 149 ॥
મઞ્ચસ્યોપરિ લમ્બ-ન્મદનીપુન્નાગમાલિકાભરિતમ્ ।
હરિગોપમયવિતાનં હરતાદાલસ્યમનિશમસ્માકમ્ ॥ 150 ॥
હરિગોપમયવિતાનં હરતાદાલસ્યમનિશમસ્માકમ્ ॥ 150 ॥
પર્યઙ્કસ્ય ભજામઃ પાદાન્બિમ્બામ્બુદેન્દુહેમરુચઃ ।
અજહરિરુદ્રેશમયા-નનલાસુરમારુતેશકોણસ્થાન્ ॥ 151 ॥
અજહરિરુદ્રેશમયા-નનલાસુરમારુતેશકોણસ્થાન્ ॥ 151 ॥
ફલકં સદાશિવમયં પ્રણૌમિ સિન્દૂરરેણુકિરણાભમ્ ।
આરભ્યાઙ્ગેશીનાં સદનાત્કલિતં ચ રત્નસોપાનમ્ ॥ 152 ॥
આરભ્યાઙ્ગેશીનાં સદનાત્કલિતં ચ રત્નસોપાનમ્ ॥ 152 ॥
પટ્ટોપધાનગણ્ડક-ચતુષ્ટયસ્ફુરિતપાટલાસ્તરણમ્ ।
પર્યઙ્કોપરિ ઘટિતં પાતુ ચિરં હંસતૂલશયનં નઃ ॥ 153 ॥
પર્યઙ્કોપરિ ઘટિતં પાતુ ચિરં હંસતૂલશયનં નઃ ॥ 153 ॥
તસ્યોપરિ નિવસન્તં તારુણ્યશ્રીનિષેવિતં સતતમ્ ।
આવૃન્તપુલ્લહલ્લક-મરીચિકાપુઞ્જમઞ્જુલચ્છાયમ્ ॥ 154 ॥
આવૃન્તપુલ્લહલ્લક-મરીચિકાપુઞ્જમઞ્જુલચ્છાયમ્ ॥ 154 ॥
સિન્દૂરશોણવસનં શીતાંશુસ્તબકચુમ્બિતકિરીટમ્ ।
કુઙ્કુમતિલકમનોહર-કુટિલાલિકહસિતકુમુદબન્ધુશિશુમ્ ॥ 155 ॥
કુઙ્કુમતિલકમનોહર-કુટિલાલિકહસિતકુમુદબન્ધુશિશુમ્ ॥ 155 ॥
પૂર્ણેન્દુબિમ્બવદનં ફુલ્લસરોજાતલોચનત્રિતયમ્ ।
તરલાપાઙ્ગતરઙ્ગિત-શફરાઙ્કનશાસ્ત્રસમ્પ્રદાયાર્થમ્ ॥ 156 ॥
તરલાપાઙ્ગતરઙ્ગિત-શફરાઙ્કનશાસ્ત્રસમ્પ્રદાયાર્થમ્ ॥ 156 ॥
મણિમયકુણ્ડલપુષ્ય-ન્મરીચિકલ્લોલમાંસલકપોલમ્ ।
વિદ્રુમસહોદરાધર-વિસૃમરસુસ્મિતકિશોરસઞ્ચારમ્ ॥ 157 ॥
વિદ્રુમસહોદરાધર-વિસૃમરસુસ્મિતકિશોરસઞ્ચારમ્ ॥ 157 ॥
આમોદિકુસુમશેખર-માનીલભ્રૂલતાયુગમનોજ્ઞમ્ ।
વીટીસૌરભવીચી-દ્વિગુણિતવક્ત્રારવિન્દસૌરભ્યમ્ ॥ 158 ॥
વીટીસૌરભવીચી-દ્વિગુણિતવક્ત્રારવિન્દસૌરભ્યમ્ ॥ 158 ॥
પાશાઙ્કુશેક્ષુચાપ-પ્રસવશરસ્ફુરિતકોમલકરાબ્જમ્ ।
કાશ્મીરપઙ્કિલાઙ્ગં કામેશં મનસિ કુર્મહે સતતમ્ ॥ 159 ॥
કાશ્મીરપઙ્કિલાઙ્ગં કામેશં મનસિ કુર્મહે સતતમ્ ॥ 159 ॥
તસ્યાઙ્કભુવિ નિષણ્ણાં તરુણકદમ્બપ્રસૂનકિરણાભામ્ ।
શીતાંશુખણ્ડચૂડાં સીમન્તન્યસ્તસાન્દ્રસિન્દૂરામ્ ॥ 160 ॥
શીતાંશુખણ્ડચૂડાં સીમન્તન્યસ્તસાન્દ્રસિન્દૂરામ્ ॥ 160 ॥
કુઙ્કુમલલામભાસ્વ-ન્નિટિલાં કુટિલતરચિલ્લિકાયુગલામ્ ।
નાલીકતુલ્યનયનાં નાસાઞ્ચલનટિતમૌક્તિકાભરણામ્ ॥ 161 ॥
નાલીકતુલ્યનયનાં નાસાઞ્ચલનટિતમૌક્તિકાભરણામ્ ॥ 161 ॥
અઙ્કુરિતમન્દહાસ-મરુણાધરકાન્તિવિજિતબિમ્બાભામ્ ।
કસ્તૂરીમકરીયુત-કપોલસઙ્ક્રાન્તકનકતાટઙ્કામ્ ॥ 162 ॥
કસ્તૂરીમકરીયુત-કપોલસઙ્ક્રાન્તકનકતાટઙ્કામ્ ॥ 162 ॥
કર્પૂરસાન્દ્રવીટી-કબલિતવદનારવિન્દકમનીયામ્ ।
કમ્બુસહોદરકણ્ઠ-પ્રલમ્બમાનાચ્છમૌક્તિકકલાપામ્ ॥ 163 ॥
કમ્બુસહોદરકણ્ઠ-પ્રલમ્બમાનાચ્છમૌક્તિકકલાપામ્ ॥ 163 ॥
કહ્લારદામકોમલ-ભુજયુગલસ્ફુરિતરત્નકેયૂરામ્ ।
કરપદ્મમૂલવિલસ-ત્કાઞ્ચનમયકટકવલયસન્દોહામ્ ॥ 164 ॥
કરપદ્મમૂલવિલસ-ત્કાઞ્ચનમયકટકવલયસન્દોહામ્ ॥ 164 ॥
પાણિચતુષ્ટયવિલસ-ત્પાશાઙ્કુશપુણ્ડ્રચાપપુષ્પાસ્ત્રામ્ ।
કૂલઙ્કષકુચશિખરાં કુઙ્કુમકર્દમિતરત્નકૂર્પાસામ્ ॥ 165 ॥
કૂલઙ્કષકુચશિખરાં કુઙ્કુમકર્દમિતરત્નકૂર્પાસામ્ ॥ 165 ॥
અણુદાયાદવલગ્ના-મમ્બુદશોભાસનાભિરોમલતામ્ ।
માણિક્યખચિતકાઞ્ચી-મરીચિકાક્રાન્તમાંસલનિતમ્બામ્ ॥ 166 ॥
માણિક્યખચિતકાઞ્ચી-મરીચિકાક્રાન્તમાંસલનિતમ્બામ્ ॥ 166 ॥
કરભોરુકાણ્ડયુગલાં જઙ્ઘાજિતકામજૈત્રતૂણીરામ્ ।
પ્રપદપરિભૂતકૂર્માં પલ્લવસચ્છાયપદયુગમનોજ્ઞામ્ ॥ 167 ॥
પ્રપદપરિભૂતકૂર્માં પલ્લવસચ્છાયપદયુગમનોજ્ઞામ્ ॥ 167 ॥
કમલભવકઞ્જલોચન-કિરીટરત્નાંશુરઞ્જિતપદાબ્જામ્ ।
ઉન્મસ્તકાનુકમ્પા-મુત્તરલાપાઙ્ગપોષિતાનઙ્ગામ્ ॥ 168 ॥
ઉન્મસ્તકાનુકમ્પા-મુત્તરલાપાઙ્ગપોષિતાનઙ્ગામ્ ॥ 168 ॥
આદિમરસાવલમ્બા-મનિદં પ્રથમોક્તિવલ્લરીકલિકામ્ ।
આબ્રહ્મકીટજનની-મન્તઃ કલયામિ સુન્દરીમનિશમ્ ॥ 169 ॥
આબ્રહ્મકીટજનની-મન્તઃ કલયામિ સુન્દરીમનિશમ્ ॥ 169 ॥
કસ્તુ ક્ષિતૌ પટીયા-ન્વસ્તુ સ્તોતું શિવાઙ્કવાસ્તવ્યમ્ ।
અસ્તુ ચિરન્તનસુકૃતૈઃ પ્રસ્તુતકામ્યાય તન્મમ પુરસ્તાત્ ॥ 170 ॥
અસ્તુ ચિરન્તનસુકૃતૈઃ પ્રસ્તુતકામ્યાય તન્મમ પુરસ્તાત્ ॥ 170 ॥
પ્રભુસમ્મિતોક્તિગમ્યં પરમશિવોત્સઙ્ગતુઙ્ગપર્યઙ્કમ્ ।
તેજઃ કિઞ્ચન દિવ્યં પુરતો મે ભવતુ પુણ્ડ્રકોદણ્ડમ્ ॥ 171 ॥
તેજઃ કિઞ્ચન દિવ્યં પુરતો મે ભવતુ પુણ્ડ્રકોદણ્ડમ્ ॥ 171 ॥
મધુરિમભરિતશરાસં મકરન્દસ્યન્દિમાર્ગણોદારમ્ ।
કૈરવિણીવિટચૂડં કૈવલ્યાયાસ્તુ કિઞ્ચન મહો નઃ ॥ 172 ॥
કૈરવિણીવિટચૂડં કૈવલ્યાયાસ્તુ કિઞ્ચન મહો નઃ ॥ 172 ॥
અક્ષુદ્રમિક્ષુચાપં પરોક્ષમવલગ્નસીમ્નિ ત્ર્યક્ષમ્ ।
ક્ષપયતુ મે ક્ષેમેતર-મુક્ષરથપ્રેમપક્ષ્મલં તેજઃ ॥ 173 ॥
ક્ષપયતુ મે ક્ષેમેતર-મુક્ષરથપ્રેમપક્ષ્મલં તેજઃ ॥ 173 ॥
ભૃઙ્ગરુચિસઙ્ગરકરાપાઙ્ગં શૃઙ્ગારતુઙ્ગમરુણાઙ્ગમ્ ।
મઙ્ગલમભઙ્ગુરં મે ઘટયતુ ગઙ્ગાધરાઙ્ગસઙ્ગિ મહઃ ॥ 174 ॥
મઙ્ગલમભઙ્ગુરં મે ઘટયતુ ગઙ્ગાધરાઙ્ગસઙ્ગિ મહઃ ॥ 174 ॥
પ્રપદાજિતકૂર્મમૂર્જિત-કરુણં ભર્મરુચિનિર્મથનદેહમ્ ।
શ્રિતવર્મ મર્મ શમ્ભોઃ કિઞ્ચન મમ નર્મ શર્મ નિર્માતુ ॥ 175 ॥
શ્રિતવર્મ મર્મ શમ્ભોઃ કિઞ્ચન મમ નર્મ શર્મ નિર્માતુ ॥ 175 ॥
કાલકુરલાલિકાલિમ-કન્દલવિજિતાલિ વિધૃતમણિવાલિ ।
મિલતુ હૃદિ પુલિનજઘનં બહુલિતગલગરલકેલિ કિમપિ મહઃ ॥ 176 ॥
મિલતુ હૃદિ પુલિનજઘનં બહુલિતગલગરલકેલિ કિમપિ મહઃ ॥ 176 ॥
કુઙ્કુમતિલકિતફાલા કુરુવિન્દચ્છાયપાટલદુકૂલા ।
કરુણાપયોધિવેલા કાચન ચિત્તે ચકાસ્તુ મે લીલા ॥ 177 ॥
કરુણાપયોધિવેલા કાચન ચિત્તે ચકાસ્તુ મે લીલા ॥ 177 ॥
પુષ્પન્ધયરુચિવેણ્યઃ પુલિનાભોગત્રપાકરશ્રેણ્યઃ ।
જીયાસુરિક્ષુપાણ્યઃ કાશ્ચન કામારિકેલિસાક્ષિણ્યઃ ॥ 178 ॥
જીયાસુરિક્ષુપાણ્યઃ કાશ્ચન કામારિકેલિસાક્ષિણ્યઃ ॥ 178 ॥
તપનીયાંશુકભાંસિ દ્રાક્ષામાધુર્યનાસ્તિકવચાંસિ ।
કતિચન શુચં મહાંસિ ક્ષપયતુ કપાલિતોષિતમનાંસિ ॥ 179 ॥
કતિચન શુચં મહાંસિ ક્ષપયતુ કપાલિતોષિતમનાંસિ ॥ 179 ॥
અસિતકચમાયતાક્ષં કુસુમશરં કૂલમુદ્વહકૃપાર્દ્રમ્ ।
આદિમરસાધિદૈવત-મન્તઃ કલયે હરાઙ્કવાસિ મહઃ ॥ 180 ॥
આદિમરસાધિદૈવત-મન્તઃ કલયે હરાઙ્કવાસિ મહઃ ॥ 180 ॥
કર્ણોપાન્તતરઙ્ગિત-કટાક્ષવિસ્પન્દિકણ્ઠદઘ્નકૃપામ્ ।
કામેશ્વરાઙ્કનિલયાં કામપિ વિદ્યાં પુરાતનીં કલયે ॥ 181 ॥
કામેશ્વરાઙ્કનિલયાં કામપિ વિદ્યાં પુરાતનીં કલયે ॥ 181 ॥
અરવિન્દકાન્ત્યરુન્તુદ-વિલોચનદ્વન્દ્વસુન્દરમુખેન્દુ ।
છન્દઃ કન્દલમન્દિર-મન્તઃપુરમૈન્દુશેખરં વન્દે ॥ 182 ॥
છન્દઃ કન્દલમન્દિર-મન્તઃપુરમૈન્દુશેખરં વન્દે ॥ 182 ॥
બિમ્બિનિકુરમ્બડમ્બર-વિડમ્બકચ્છાયમમ્બરવલગ્નમ્ ।
કમ્બુગલમમ્બુદકુચં બિમ્બોકં કમપિ ચુમ્બતુ મનો મે ॥ 183 ॥
કમ્બુગલમમ્બુદકુચં બિમ્બોકં કમપિ ચુમ્બતુ મનો મે ॥ 183 ॥
કમપિ કમનીયરૂપં કલયામ્યન્તઃ કદમ્બકુસુમાઢ્યમ્ ।
ચમ્પકરુચિરસુવેષૈઃ સમ્પાદિતકાન્ત્યલઙ્કૃતદિગન્તમ્ ॥ 184 ॥
ચમ્પકરુચિરસુવેષૈઃ સમ્પાદિતકાન્ત્યલઙ્કૃતદિગન્તમ્ ॥ 184 ॥
શમ્પારુચિભર-ગર્હાસમ્પાદકકાન્તિકવચિતદિગન્તમ્ ।
સિદ્ધાન્તં નિગમાનાં શુદ્ધાન્તં કિમપિ શૂલિનઃ કલયે ॥ 185 ॥
સિદ્ધાન્તં નિગમાનાં શુદ્ધાન્તં કિમપિ શૂલિનઃ કલયે ॥ 185 ॥
ઉદ્યદ્દિનકરશોણા-નુત્પલબન્ધુસ્તનન્ધયાપીડાન્ ।
કરકલિતપુણ્ડ્રચાપા-ન્કલયે કાનપિ કપર્દિનઃ પ્રાણાન્ ॥ 186 ॥
કરકલિતપુણ્ડ્રચાપા-ન્કલયે કાનપિ કપર્દિનઃ પ્રાણાન્ ॥ 186 ॥
રશનાલસજ્જઘનયા રસનાજીવાતુચાપભાસુરયા ।
ઘ્રાણાયુષ્કરશરયા ઘ્રાતં ચિત્તં કયાપિ વાસનયા ॥ 187 ॥
ઘ્રાણાયુષ્કરશરયા ઘ્રાતં ચિત્તં કયાપિ વાસનયા ॥ 187 ॥
સરસિજસહયુધ્વદૃશા શમ્પાલતિકાસનાભિવિગ્રહયા ।
ભાસા કયાપિ ચેતો નાસામણિશોભિવદનયા ભરિતમ્ ॥ 188 ॥
ભાસા કયાપિ ચેતો નાસામણિશોભિવદનયા ભરિતમ્ ॥ 188 ॥
નવયાવકાભસિચયાન્વિતયા ગજયાનયા દયાપરયા ।
ધૃતયામિનીશકલયા ધિયા કયાપિ ક્ષતામયા હિ વયમ્ ॥ 189 ॥
ધૃતયામિનીશકલયા ધિયા કયાપિ ક્ષતામયા હિ વયમ્ ॥ 189 ॥
અલમલમકુસુમબાણૈ-રબિમ્બશોણૈરપુણ્ડ્રકોદણ્ડૈઃ ।
અકુમુદબાન્ધવચૂડૈ-રન્યૈરિહ જગતિ દૈવતં મન્યૈઃ ॥ 190 ॥
અકુમુદબાન્ધવચૂડૈ-રન્યૈરિહ જગતિ દૈવતં મન્યૈઃ ॥ 190 ॥
કુવલયસદૃક્ષનયનૈઃ કુલગિરિકૂટસ્થબન્ધુકુચભારૈઃ ।
કરુણાસ્પન્દિકટાક્ષૈઃ કવચિતચિત્તોઽસ્મિ કતિપયૈઃ કુતુકૈઃ ॥ 191 ॥
કરુણાસ્પન્દિકટાક્ષૈઃ કવચિતચિત્તોઽસ્મિ કતિપયૈઃ કુતુકૈઃ ॥ 191 ॥
નતજનસુલભાય નમો નાલીકસનાભિલોચનાય નમઃ ।
નન્દિતગિરિશાય નમો મહસે નવનીપપાટલાય નમઃ ॥ 192 ॥
નન્દિતગિરિશાય નમો મહસે નવનીપપાટલાય નમઃ ॥ 192 ॥
કાદમ્બકુસુમદામ્ને કાયચ્છાયાકણાયિતાર્યમ્ણે ।
સીમ્ને ચિરન્તનગિરાં ભૂમ્ને કસ્મૈચિદાદદે પ્રણતિમ્ ॥ 193 ॥
સીમ્ને ચિરન્તનગિરાં ભૂમ્ને કસ્મૈચિદાદદે પ્રણતિમ્ ॥ 193 ॥
કુટિલકબરીભરેભ્યઃ કુઙ્કુમસબ્રહ્મચારિકિરણેભ્યઃ ।
કૂલઙ્કષસ્તનેભ્યઃ કુર્મઃ પ્રણતિં કુલાદ્રિકુતુકેભ્યઃ ॥ 194 ॥
કૂલઙ્કષસ્તનેભ્યઃ કુર્મઃ પ્રણતિં કુલાદ્રિકુતુકેભ્યઃ ॥ 194 ॥
કોકનદશોણચરણા-ત્કોમલકુરલાલિવિજિતશૈવાલાત્ ।
ઉત્પલસગન્ધિનયના-દુરરીકુર્મો ન દેવતમાન્યામ્ ॥ 195 ॥
ઉત્પલસગન્ધિનયના-દુરરીકુર્મો ન દેવતમાન્યામ્ ॥ 195 ॥
આપાટલાધરાણા-માનીલસ્નિગ્ધબર્બરકચાનામ્ ।
આમ્નાયજીવનાના-માકૂતાનાં હરસ્ય દાસોઽહમ્ ॥ 196 ॥
આમ્નાયજીવનાના-માકૂતાનાં હરસ્ય દાસોઽહમ્ ॥ 196 ॥
પુઙ્ખિતવિલાસહાસ-સ્ફુરિતાસુ પુરાહિતાઙ્કનિલયાસુ ।
મગ્નં મનો મદીયં કાસ્વપિ કામારિજીવનાડીષુ ॥ 197 ॥
મગ્નં મનો મદીયં કાસ્વપિ કામારિજીવનાડીષુ ॥ 197 ॥
લલિતા પાતુ શિરો મે લલાટમમ્બા ચ મધુમતીરૂપા ।
ભ્રૂયુગ્મં ચ ભવાની પુષ્પશરા પાતુ લોચનદ્વન્દ્વમ્ ॥ 198 ॥
ભ્રૂયુગ્મં ચ ભવાની પુષ્પશરા પાતુ લોચનદ્વન્દ્વમ્ ॥ 198 ॥
પાયાન્નાસાં બાલા સુભગા દન્તાંશ્ચ સુન્દરી જિહ્વામ્ ।
અધરોષ્ઠમાદિશક્તિ-શ્ચક્રેશી પાતુ મે ચિરં ચિબુકમ્ ॥ 199 ॥
અધરોષ્ઠમાદિશક્તિ-શ્ચક્રેશી પાતુ મે ચિરં ચિબુકમ્ ॥ 199 ॥
કામેશ્વરી ચ કર્ણૌ કામાક્ષી પાતુ ગણ્ડયોર્યુગલમ્ ।
શૃઙ્ગારનાયિકાવ્યા-દ્વદનં સિંહાસનેશ્વરી ચ ગલમ્ ॥ 200 ॥
શૃઙ્ગારનાયિકાવ્યા-દ્વદનં સિંહાસનેશ્વરી ચ ગલમ્ ॥ 200 ॥
સ્કન્દપ્રસૂશ્ચ પાતુ સ્કન્ધૌ બાહૂ ચ પાટલાઙ્ગી મે ।
પાણી ચ પદ્મનિલયા પાયાદનિશં નખાવલીર્વિજયા ॥ 201 ॥
પાણી ચ પદ્મનિલયા પાયાદનિશં નખાવલીર્વિજયા ॥ 201 ॥
કોદણ્ડિની ચ વક્ષઃ કુક્ષિં ચાવ્યાત્ કુલાચલતનૂજા ।
કલ્યાણી ચ વલગ્નં કટિં ચ પાયાત્કલાધરશિખણ્ડા ॥ 202 ॥
કલ્યાણી ચ વલગ્નં કટિં ચ પાયાત્કલાધરશિખણ્ડા ॥ 202 ॥
ઊરુદ્વયં ચ પાયા-દુમા મૃડાની ચ જાનુની રક્ષેત્ ।
જઙ્ઘે ચ ષોડશી મે પાયાત્ પાદૌ ચ પાશસૃણિહસ્તા ॥ 203 ॥
જઙ્ઘે ચ ષોડશી મે પાયાત્ પાદૌ ચ પાશસૃણિહસ્તા ॥ 203 ॥
પ્રાતઃ પાતુ પરા માં મધ્યાહ્ને પાતુ મણિગૃહાધીશા ।
શર્વાણ્યવતુ ચ સાયં પાયાદ્રાત્રૌ ચ ભૈરવી સાક્ષાત્ ॥ 204 ॥
શર્વાણ્યવતુ ચ સાયં પાયાદ્રાત્રૌ ચ ભૈરવી સાક્ષાત્ ॥ 204 ॥
ભાર્યાં રક્ષતુ ગૌરીં પાયાત્ પુત્રાંશ્ચ બિન્દુગૃહપીઠા ।
શ્રીવિદ્યા ચ યશો મે શીલં ચાવ્યાચ્ચિરં મહારાજ્ઞી ॥ 205 ॥
શ્રીવિદ્યા ચ યશો મે શીલં ચાવ્યાચ્ચિરં મહારાજ્ઞી ॥ 205 ॥
પવનમયિ પાવકમયિ ક્ષોણીમયિ ગગનમયિ કૃપીટમયિ ।
રવિમયિ શશિમયિ દિઙ્મયિ સમયમયિ પ્રાણમયિ શિવે પાહિ ॥ 206 ॥
રવિમયિ શશિમયિ દિઙ્મયિ સમયમયિ પ્રાણમયિ શિવે પાહિ ॥ 206 ॥
કાલિ કપાલિનિ શૂલિનિ ભૈરવિ માતઙ્ગિ પઞ્ચમિ ત્રિપુરે ।
વાગ્દેવિ વિન્ધ્યવાસિનિ બાલે ભુવનેશિ પાલય ચિરં મામ્ ॥ 207 ॥
વાગ્દેવિ વિન્ધ્યવાસિનિ બાલે ભુવનેશિ પાલય ચિરં મામ્ ॥ 207 ॥
અભિનવસિન્દૂરાભા-મમ્બ ત્વાં ચિન્તયન્તિ યે હૃદયે ।
ઉપરિ નિપતન્તિ તેષા-મુત્પલનયનાકટાક્ષકલ્લોલાઃ ॥ 208 ॥
ઉપરિ નિપતન્તિ તેષા-મુત્પલનયનાકટાક્ષકલ્લોલાઃ ॥ 208 ॥
વર્ગાષ્ટકમિલિતાભિ-ર્વશિનીમુખ્યાભિરાવૃતાં ભવતીમ્ ।
ચિન્તયતાં સિતવર્ણાં વાચો નિર્યાન્ત્યયત્નતો વદનાત્ ॥ 209 ॥
ચિન્તયતાં સિતવર્ણાં વાચો નિર્યાન્ત્યયત્નતો વદનાત્ ॥ 209 ॥
કનકશલાકાગૌરીં કર્ણવ્યાલોલકુણ્ડલદ્વિતયામ્ ।
પ્રહસિતમુખીં ચ ભવતીં ધ્યાયન્તો યે ત એવ ભૂધનદાઃ ॥ 210 ॥
પ્રહસિતમુખીં ચ ભવતીં ધ્યાયન્તો યે ત એવ ભૂધનદાઃ ॥ 210 ॥
શીર્ષામ્ભોરુહમધ્યે શીતલપીયૂષવર્ષિણીં ભવતીમ્ ।
અનુદિનમનુચિન્તયતા-માયુષ્યં ભવતિ પુષ્કલમવન્યામ્ ॥ 211 ॥
અનુદિનમનુચિન્તયતા-માયુષ્યં ભવતિ પુષ્કલમવન્યામ્ ॥ 211 ॥
મધુરસ્મિતાં મદારુણનયનાં માતઙ્ગકુમ્ભવક્ષોજામ્ ।
ચન્દ્રવતંસિનીં ત્વાં સવિધે પશ્યન્તિ સુકૃતિનઃ કેચિત્ ॥ 212 ॥
ચન્દ્રવતંસિનીં ત્વાં સવિધે પશ્યન્તિ સુકૃતિનઃ કેચિત્ ॥ 212 ॥
લલિતાયાઃ સ્તવરત્નં લલિતપદાભિઃ પ્રણીતમાર્યાભિઃ ।
પ્રતિદિનમવનૌ પઠતાં ફલાનિ વક્તું પ્રગલ્ભતે સૈવ ॥ 213 ॥
પ્રતિદિનમવનૌ પઠતાં ફલાનિ વક્તું પ્રગલ્ભતે સૈવ ॥ 213 ॥
સદસદનુગ્રહનિગ્રહ-ગૃહીતમુનિવિગ્રહો ભગવાન્ ।
સર્વાસામુપનિષદાં દુર્વાસા જયતિ દેશિકઃ પ્રથમઃ ॥ 214 ॥
સર્વાસામુપનિષદાં દુર્વાસા જયતિ દેશિકઃ પ્રથમઃ ॥ 214 ॥
ઇતિ મહર્ષિદુર્વાસઃ વિરચિતં શ્રીલલિતાસ્તવરત્નમ્ ।