dhana lakṣmī stotram

(Dhan Lakshmi Stotram in English (IAST))

Also known as Dhan Lakshmi Strotam · dhan lakshmi · devi devamupagamya nilakantham mama priyam

Language:Sanskrit

The Dhana Lakshmi Stotram, framed as Parvati approaching Shiva and asking, out of compassion for the world, for the means by which want is ended.

Read In:

Devanagari Gujarati Bengali Assamese Odia Telugu Tamil Kannada Malayalam English (IAST)

dhanadā uvāca
devī devamupāgamya nīlakaṇṭhaṃ mama priyam |
kṛpayā pārvatī prāha śaṃkaraṃ karuṇākaram ||

devyuvāca
brūhi vallabha sādhūnāṃ daridrāṇāṃ kuṭumbinām |
daridra dalanopāyamaṃjasaiva dhanapradam ||

śiva uvāca
pūjayan pārvatīvākyamidamāha maheśvaraḥ |
ucitaṃ jagadambāsi tava bhūtānukampayā ||

sa sītaṃ sānujaṃ rāmaṃ sāṃjaneyaṃ sahānugam |
praṇamya paramānandaṃ vakṣye'haṃ stotramuttamam ||

dhanadaṃ śraddhānānāṃ sadyaḥ sulabhakārakam |
yogakṣemakaraṃ satyaṃ satyameva vaco mama ||

paṭhaṃtaḥ pāṭhayaṃto'pi brahmaṇairāstikottamaiḥ |
dhanalābho bhavedāśu nāśameti daridratā ||

bhūbhavāṃśabhavāṃ bhūtyai bhaktikalpalatāṃ śubhām |
prārthayattāṃ yathākāmaṃ kāmadhenusvarūpiṇīm ||

dhanade dhanade devi dānaśīle dayākare |
tvaṃ prasīda maheśāni! yadarthaṃ prārthayāmyaham ||

dharā'marapriye puṇye dhanye dhanadapūjite |
sudhanaṃ rdhāmike dehi yajamānāya satvaram ||

ramye rudrapriye rūpe rāmarūpe ratipriye |
śikhīsakhamanomūrtte prasīda praṇate mayi ||

ārakta-caraṇāmbhoje siddhi-sarvārthadāyike |
divyāmbaradhare divye divyamālyānuśobhite ||

samastaguṇasampanne sarvalakṣaṇalakṣite |
śaraccandramukhe nīle nīla nīraja locane ||

caṃcarīka camū cāru śrīhāra kuṭilālake |
matte bhagavatī mātaḥ kalakaṇṭharavāmṛte ||

hāsā'valokanairdivyairbhaktacintāpahārike |
rūpa lāvaṇya tārūṇya kārūṇya guṇabhājane ||

kvaṇatkaṃkaṇamaṃjīre lasallīlākarāmbuje |
rudraprakāśite tattve dharmādhare dharālaye ||

prayaccha yajamānāya dhanaṃ dharmekasādhanam |
mātastvaṃ me'vilambena diśasva jagadambike ||

kṛpayā karurāgāre prārthitaṃ kuru me śubhe |
vasudhe vasudhārūpe vasu vāsava vandite ||

dhanade yajamānāya varade varadā bhava |
brahmaṇyairbrāhmaṇaiḥ pūjye pārvatīśivaśaṃkare ||

stotraṃ daridratāvyādhiśamanaṃ sudhanapradam |
śrīkare śaṃkare śrīde prasīda mayikiṃkare ||

pārvatīśaprasādena sureśa kiṃkareritam |
śraddhayā ye paṭhiṣyanti pāṭhayiṣyanti bhaktitaḥ ||

sahasramayutaṃ lakṣaṃ dhanalābho bhaved dhruvam |
dhanadāya namastubhyaṃ nidhipadmādhipāya ca |
bhavantu tvatprasādānme dhana-dhānyādisampadaḥ ||

|| iti śrī dhanalakṣmī stotraṃ sampūrṇam

Explore More

Lakshmi Collection Wealth Obstacles Health Protection Wisdom Home