|| oṃ śrī paramātmane namaḥ ||
|| atha śrīmadbhagavadgītā ||
| atha caturdaśo'dhyāyaḥ – adhyāya caudāvā | |
| guṇatrayavibhāgayogaḥ |
jaya jaya ācāryā | samastasuravaryā |
prajñāprabhātasūryā | sukhodayā || 1 ||
| guṇatrayavibhāgayogaḥ |
jaya jaya ācāryā | samastasuravaryā |
prajñāprabhātasūryā | sukhodayā || 1 ||
jaya jaya sarva visāṃvayā | sohaṃbhāvasuhāvayā |
nānā loka helāvayā | samudrā tūṃ || 2 ||
nānā loka helāvayā | samudrā tūṃ || 2 ||
āikeṃ gā ārtabaṃdhū | niraṃtarakāruṇyasiṃdhū |
viśadavidyāvadhū- | vallabhā jī || 3 ||
viśadavidyāvadhū- | vallabhā jī || 3 ||
tū jayāṃprati lapasī | tayā viśva heṃ dāvisī |
prakaṭa taiṃ karisī | āghaveṃci tūṃ || 4 ||
prakaṭa taiṃ karisī | āghaveṃci tūṃ || 4 ||
kīṃ puḍhilācī dṛṣṭi corije | hā dṛṣṭibaṃdhu niphaje |
parī navala lāghava tujheṃ | jeṃ āpaṇapeṃ coreṃ || 5 ||
parī navala lāghava tujheṃ | jeṃ āpaṇapeṃ coreṃ || 5 ||
jī tūṃci tūṃ sarvāṃ yayā | mā koṇā bodhu koṇā māyā |
aisiyā āpeṃāpa lāghaviyā | namo tuja || 6 ||
aisiyā āpeṃāpa lāghaviyā | namo tuja || 6 ||
jāṇoṃ jagīṃ āpa voleṃ | teṃ tujhiyā bolā surasa jāleṃ |
tujheni kṣamatva āleṃ | pṛthviyesī || 7 ||
tujheni kṣamatva āleṃ | pṛthviyesī || 7 ||
ravicaṃdrādi śuktī | udo karitī trijagatīṃ |
teṃ tujhiyā dīptī | teja tejāṃ || 8 ||
teṃ tujhiyā dīptī | teja tejāṃ || 8 ||
cal̤aval̤ije anil̤eṃ | teṃ daivikeni jī nijabal̤eṃ |
nabha tujamājīṃ khel̤e | lapīthapī || 9 ||
nabha tujamājīṃ khel̤e | lapīthapī || 9 ||
kiṃbahunā māyā asosa | jñāna jī tujheni ḍol̤asa |
aso vānaṇeṃ sāyāsa | śrutīsi he || 10 ||
aso vānaṇeṃ sāyāsa | śrutīsi he || 10 ||
veda vānūni taṃvaci cāṃga | jaṃva na dise tujheṃ āṃga |
maga āmhāṃ tayā mūga | eke pāṃtī || 11 ||
maga āmhāṃ tayā mūga | eke pāṃtī || 11 ||
jī ekārṇavāce ṭhāīṃ | pāhatāṃ theṃbācā pāḍu nāhīṃ |
mā mahānadī kāī | jāṇijatī || 12 ||
mā mahānadī kāī | jāṇijatī || 12 ||
kāṃ uadayaliyā bhāsvatu | caṃdra jaisā khadyotu |
āmhāṃ śruti tuja āṃtu | to pāḍu ase || 13 ||
āmhāṃ śruti tuja āṃtu | to pāḍu ase || 13 ||
āṇi dujayā thāṃvo moḍe | jetha pareśīṃ vaikharī buḍe |
to tūṃ mā koṇeṃ toṃḍeṃ | vānāvāsī || 14 ||
to tūṃ mā koṇeṃ toṃḍeṃ | vānāvāsī || 14 ||
yālāgīṃ ātāṃ | stuti sāṃḍūni nivāṃtā |
caraṇīṃ ṭhevije māthā | heṃci bhaleṃ || 15 ||
caraṇīṃ ṭhevije māthā | heṃci bhaleṃ || 15 ||
tarī tū jaisā āhāsi taisiyā | namo jī śrīgururāyā |
maja graṃthodyamu phal̤āvayā | vevhārā hoīṃ || 16 ||
maja graṃthodyamu phal̤āvayā | vevhārā hoīṃ || 16 ||
ātāṃ kṛpābhāṃḍavala soḍīṃ | bharīṃ mati mājhī potaḍī |
karīṃ jñānapadya joḍī | thorā māteṃ || 17 ||
karīṃ jñānapadya joḍī | thorā māteṃ || 17 ||
maga mī saṃsarena teṇeṃ | karīna saṃtāṃsī karṇabhūṣaṇeṃ |
levavīna sulakṣaṇeṃ | vivekācīṃ || 18 ||
levavīna sulakṣaṇeṃ | vivekācīṃ || 18 ||
jī gītārthanidhāna | kāḍhū mājheṃ mana |
suyīṃ snehāṃjana | āpaleṃ tūṃ || 19 ||
suyīṃ snehāṃjana | āpaleṃ tūṃ || 19 ||
he vāksṛṣṭi eke vel̤e | dekhatu mājhe buddhīce ḍol̤e |
taisā udaijo jo nirmal̤eṃ | kāruṇyabiṃbeṃ || 20 ||
taisā udaijo jo nirmal̤eṃ | kāruṇyabiṃbeṃ || 20 ||
mājhī prajñāvelī velhāl̤a | kāvyeṃ hoya saphal̤a |
to vasaṃtu hoya snehāl̤a- | śiromaṇī || 21 ||
to vasaṃtu hoya snehāl̤a- | śiromaṇī || 21 ||
prameya mahāpūreṃ | he matigaṃgā ye thoreṃ |
taisā variṣa udāreṃ | diṭhīvenī || 22 ||
taisā variṣa udāreṃ | diṭhīvenī || 22 ||
agā viśvaikadhāmā | tujhā prasāda caṃdramā |
karūṃ maja pūrṇimā | sphūrtīcī jī || 23 ||
karūṃ maja pūrṇimā | sphūrtīcī jī || 23 ||
jī avalokiliyā māteṃ | unmeṣasāgarīṃ bhariteṃ |
vosaṃḍela sphūrtīteṃ | rasavṛttīceṃ || 24 ||
vosaṃḍela sphūrtīteṃ | rasavṛttīceṃ || 24 ||
taṃva saṃtoṣoni śrīgururājeṃ | mhaṇitaleṃ vinativyājeṃ |
māṃḍileṃ dekhoni dujeṃ | stavanamiṣeṃ || 25 ||
māṃḍileṃ dekhoni dujeṃ | stavanamiṣeṃ || 25 ||
heṃ aso ātāṃ vāṃjaṭā | to jñānārtha karūni gomaṭā |
graṃthu dāvīṃ utkaṃṭhā | bhaṃgo nedīṃ || 26 ||
graṃthu dāvīṃ utkaṃṭhā | bhaṃgo nedīṃ || 26 ||
ho kāṃ jī svāmī | heṃci pāhata hotoṃ mī |
je śrīmukheṃ mhaṇā tumhī | graṃthu sāṃga || 27 ||
je śrīmukheṃ mhaṇā tumhī | graṃthu sāṃga || 27 ||
sahajeṃ durvecā ḍiru | āṃgeṃci taṃva amaru |
varī ālā pūru | pīyūṣācā || 28 ||
varī ālā pūru | pīyūṣācā || 28 ||
tarī ātāṃ yeṇeṃ prasādeṃ | vinyāseṃ vidagdheṃ |
mūl̤aśāstrapadeṃ | vākhāṇīna || 29 ||
mūl̤aśāstrapadeṃ | vākhāṇīna || 29 ||
parī jīvā āṃtulīkaḍe | jaisī saṃdehācī ḍoṇī buḍe |
nā śravaṇīṃ tarī cāḍe | vāḍhī dise || 30 ||
nā śravaṇīṃ tarī cāḍe | vāḍhī dise || 30 ||
taisī bolī sācārī | avataro mājhī mādhurī |
māle māgūni gharīṃ | gurukṛpecyā || 31 ||
māle māgūni gharīṃ | gurukṛpecyā || 31 ||
tarī māgāṃ trayodaśīṃ | adhyāyīṃ goṭhī aisī |
śrīkṛṣṇa arjuneṃsī | cāval̤ale || 32 ||
śrīkṛṣṇa arjuneṃsī | cāval̤ale || 32 ||
je kṣetrakṣetrajñayogeṃ | hoīje yeṇeṃ jageṃ |
ātmā guṇasaṃgeṃ | saṃsāriyā || 33 ||
ātmā guṇasaṃgeṃ | saṃsāriyā || 33 ||
āṇi hāci prakṛtigatu | sukhaduḥkha bhogīṃ hetu |
athavā guṇātītu | keval̤u hā || 34 ||
athavā guṇātītu | keval̤u hā || 34 ||
tarī kaisā pāṃ asaṃgā saṃgu | koṇa to kṣetrakṣetrajñāyogu |
sukhaduḥkhādi bhogu | kevīṃ tayā ? || 35 ||
sukhaduḥkhādi bhogu | kevīṃ tayā ? || 35 ||
guṇa te kaise kitī | bāṃdhatī kavaṇe rītī |
nātarī guṇātītīṃ | cinheṃ kāī ? || 36 ||
nātarī guṇātītīṃ | cinheṃ kāī ? || 36 ||
evaṃ iyā āghaveyā | arthā rūpa karāvayā |
viṣo etha caudāviyā | adhyāyāsī || 37 ||
viṣo etha caudāviyā | adhyāyāsī || 37 ||
tarī to ātāṃ aisā | prastuta pariyesā |
abhiprāyo viśveśā | vaikuṃṭhācā || 38 ||
abhiprāyo viśveśā | vaikuṃṭhācā || 38 ||
to mhaṇe gā arjunā | avadhānācī sarva senā |
mel̤aūni iyā jñānā | jhoṃbāveṃ ho \! || 39 ||
mel̤aūni iyā jñānā | jhoṃbāveṃ ho \! || 39 ||
āmhīṃ māgāṃ tuja bahutīṃ | dāvileṃ heṃ upapattī |
tarī ājhunī pratītī- | kuśīṃ na nighe || 40 ||
tarī ājhunī pratītī- | kuśīṃ na nighe || 40 ||
śrībhagavānuvāca |
paraṃ bhūyaḥ pravakṣyāmi jñānānāṃ jñānamuttamam |
yadjñātvā munayaḥ sarve parāṃ siddhimito gatāḥ || 1||
paraṃ bhūyaḥ pravakṣyāmi jñānānāṃ jñānamuttamam |
yadjñātvā munayaḥ sarve parāṃ siddhimito gatāḥ || 1||
mhaṇauni gā puḍhatī | sāṃgijaila tujapratī |
para mhaṇa mhaṇauni śrutīṃ | ḍāhārileṃ jeṃ || 41 ||
para mhaṇa mhaṇauni śrutīṃ | ḍāhārileṃ jeṃ || 41 ||
eṟhavīṃ jñāna heṃ āpuleṃ | parī para aiseni jāleṃ |
je āvaḍoni ghetaleṃ | bhavasvargādika || 42 ||
je āvaḍoni ghetaleṃ | bhavasvargādika || 42 ||
agā yāci kāraṇeṃ | heṃ uttama sarvāṃparī mī mhaṇeṃ |
je vanhi heṃ tṛṇeṃ | yereṃ jñāneṃ || 43 ||
je vanhi heṃ tṛṇeṃ | yereṃ jñāneṃ || 43 ||
jiyeṃ bhavasvargāteṃ jāṇatī | yāgaci cāṃga mhaṇatī |
pārakhī phuḍī āthī | bhedīṃ jayā || 44 ||
pārakhī phuḍī āthī | bhedīṃ jayā || 44 ||
tiyeṃ āghavīṃci jñāneṃ | kelīṃ yeṇeṃ svapneṃ |
jaiśā vātormī gaganeṃ | gil̤ijatī aṃtīṃ || 45 ||
jaiśā vātormī gaganeṃ | gil̤ijatī aṃtīṃ || 45 ||
kāṃ uditeṃ raśmirājeṃ | lopilīṃ caṃdrādi tejeṃ |
nānā pral̤ayāṃbumājeṃ | nadī nada || 46 ||
nānā pral̤ayāṃbumājeṃ | nadī nada || 46 ||
taiseṃ yeṇeṃ pāhaleyā | jñānajāta jāya layā |
mhaṇauniyāṃ dhanaṃjayā | uttama heṃ || 47 ||
mhaṇauniyāṃ dhanaṃjayā | uttama heṃ || 47 ||
anādi je muktatā | āpulī ase paṃḍusutā |
to mokṣu hātāṃ yetā | hoya jeṇeṃ || 48 ||
to mokṣu hātāṃ yetā | hoya jeṇeṃ || 48 ||
jayāciyā pratītī | vicāravīrīṃ samastīṃ |
nedijeci saṃsṛtī | māthāṃ udhaūṃ || 49 ||
nedijeci saṃsṛtī | māthāṃ udhaūṃ || 49 ||
maneṃ mana ghālūni māgeṃ | viśrāṃti jāliyā āṃgeṃ |
te dehīṃ dehājoge | hotīci nā || 50 ||
te dehīṃ dehājoge | hotīci nā || 50 ||
maga teṃ dehāceṃ bel̤eṃ | volāṃḍūni ekeci vel̤e |
saṃvatukī kāṃṭāl̤eṃ | mājheṃ jāleṃ || 51 ||
saṃvatukī kāṃṭāl̤eṃ | mājheṃ jāleṃ || 51 ||
idaṃ jñānamupāśritya mama sādharmyamāgatāḥ |
sarge'pi nopajāyante pralaye na vyathanti ca || 2||
sarge'pi nopajāyante pralaye na vyathanti ca || 2||
je mājhiyā nityatā | teṇeṃ nitya te paṃḍusutā |
paripūrṇa pūrṇatā | mājhiyācī || 52 ||
paripūrṇa pūrṇatā | mājhiyācī || 52 ||
mī jaisā anaṃtānaṃdu | jaisāci satyasiṃdhu |
taiseci te bhedu | ureci nā || 53 ||
taiseci te bhedu | ureci nā || 53 ||
jeṃ mī jevaḍheṃ jaiseṃ | teṃci te jāle taiseṃ |
ghaṭabhaṃgīṃ ghaṭākāśeṃ | ākāśa jevīṃ || 54 ||
ghaṭabhaṃgīṃ ghaṭākāśeṃ | ākāśa jevīṃ || 54 ||
nātarīṃ dīpamūl̤akīṃ | dīpaśikhā anekīṃ |
mīnaliyā avalokīṃ | hoya jaiseṃ || 55 ||
mīnaliyā avalokīṃ | hoya jaiseṃ || 55 ||
arjunā tayāparī | saralī dvaitācī vārī |
nāṃde nāmārtha ekāhārīṃ | mītūṃviṇa || 56 ||
nāṃde nāmārtha ekāhārīṃ | mītūṃviṇa || 56 ||
yeṇeṃci paiṃ kāraṇeṃ | jaiṃ pahileṃ sṛṣṭīceṃ juṃpaṇeṃ |
teṃhī tayā hoṇeṃ | paḍecinā || 57 ||
teṃhī tayā hoṇeṃ | paḍecinā || 57 ||
sṛṣṭīciye sarvādī | jayāṃ dehācī nāhīṃ bāṃdhī |
te kaiceṃ pral̤ayāvadhī | nimatīla pāṃ ? || 58 ||
te kaiceṃ pral̤ayāvadhī | nimatīla pāṃ ? || 58 ||
mhaṇauni janmakṣayāṃ- | atīta te dhanaṃjayā |
mī jāleṃ jñānā iyā | anusaronī || 59 ||
mī jāleṃ jñānā iyā | anusaronī || 59 ||
aisī jñānācī vāḍhī | vānilī deveṃ āvaḍī |
tevīṃci pārthāhī goḍī | lāvāvayā || 60 ||
tevīṃci pārthāhī goḍī | lāvāvayā || 60 ||
taṃva tayā jāleṃ āna | sarvāṃgīṃ nighāle kāna |
saṇaī avadhāna | ātalā pāṃ || 61 ||
saṇaī avadhāna | ātalā pāṃ || 61 ||
ātāṃ devāciyā aiseṃ | jākal̤ījata ase voraseṃ |
jeṃ nirūpaṇa ākāśeṃ | veṃṭāl̤enā || 62 ||
jeṃ nirūpaṇa ākāśeṃ | veṃṭāl̤enā || 62 ||
maga mhaṇe gā prajñākāṃtā | ujavalī āji vaktṛtvatā |
je bolāyevaḍhā śrotā | joḍalāsī || 63 ||
je bolāyevaḍhā śrotā | joḍalāsī || 63 ||
tari eku mī anekīṃ | goṃvije dehapāśakīṃ |
triguṇīṃ lubdhakīṃ | kavaṇeparī || 64 ||
triguṇīṃ lubdhakīṃ | kavaṇeparī || 64 ||
kaisā kṣetrayogeṃ | viyeṃ iyeṃ jageṃ |
teṃ parisa sāṃgeṃ | kavaṇeparī || 65 ||
teṃ parisa sāṃgeṃ | kavaṇeparī || 65 ||
paiṃ kṣetra yeṇeṃ vyājeṃ | yālāgīṃ heṃ bolije |
je matsaṃgabījeṃ | bhūtīṃ pike || 66 ||
je matsaṃgabījeṃ | bhūtīṃ pike || 66 ||
mama yonirmahadbrahma tasmingarbhaṃ dadhāmahamyam |
saṃbhavaḥ sarvabhūtānāṃ tato bhavati bhārata || 3||
saṃbhavaḥ sarvabhūtānāṃ tato bhavati bhārata || 3||
eṟhavīṃ tarī mahadbrahma | yālāgīṃ heṃ aiseṃ nāma |
je mahadādiviśrāma | śālikā heṃ || 67 ||
je mahadādiviśrāma | śālikā heṃ || 67 ||
vikārāṃ bahuvasa thorī | arjunā heṃci karī |
mhaṇauni avadhārīṃ | mahadbrahma || 68 ||
mhaṇauni avadhārīṃ | mahadbrahma || 68 ||
avyaktavādamatīṃ | avyakta aisī vadaṃtī |
sāṃkhyāciyā pratītī | prakṛti heci || 69 ||
sāṃkhyāciyā pratītī | prakṛti heci || 69 ||
vedāṃtīṃ iyeteṃ māyā | aiseṃ mhaṇije prājñarāyā |
aso kitī boloṃ vāyāṃ | ajñāna heṃ ||70 ||
aso kitī boloṃ vāyāṃ | ajñāna heṃ ||70 ||
āpalā āpaṇapeyāṃ | visaru jo dhanaṃjayā |
teṃci rūpa yayā | ajñānāsī || 71 ||
teṃci rūpa yayā | ajñānāsī || 71 ||
āṇikahī eka ase | jeṃ vicārāvel̤e na dise |
vātīṃ pāhatāṃ jaiseṃ | aṃdhāreṃ kāṃ || 72 ||
vātīṃ pāhatāṃ jaiseṃ | aṃdhāreṃ kāṃ || 72 ||
hālaviliyā jāya | niścal̤īṃ tarī hoya |
dudhīṃ jaisī sāya | dudhācī te || 73 ||
dudhīṃ jaisī sāya | dudhācī te || 73 ||
paiṃ jāgaru nā svapna | nā svarūpa avasthāna |
te suṣupti kāṃ ghana | jaisī hoya || 74 ||
te suṣupti kāṃ ghana | jaisī hoya || 74 ||
kāṃ na viyatāṃ vāyūteṃ | vāṃjheṃ ākāśa riteṃ |
tayā aiseṃ niruteṃ | ajñāna gā || 75 ||
tayā aiseṃ niruteṃ | ajñāna gā || 75 ||
paila khāṃbu kāṃ purukhu | aisā niścayo nāhīṃ eku |
parī kāya neṇoṃ āloku | disata ase || 76 ||
parī kāya neṇoṃ āloku | disata ase || 76 ||
tevīṃ vastu jaisī ase | taisī kīra na dise |
parī kāṃhīṃ anāriseṃ | dekhijenā || 77 ||
parī kāṃhīṃ anāriseṃ | dekhijenā || 77 ||
nā rātī nā teja | te saṃdhi jevīṃ sāṃja |
tevīṃ viruddha nā nija | jñāna āthī || 78 ||
tevīṃ viruddha nā nija | jñāna āthī || 78 ||
aisī koṇhī ekī diśā | tiye vādu ajñāna aisā |
tayā guṃḍaliyā prakāśā | kṣetrajñu nāma || 79 ||
tayā guṃḍaliyā prakāśā | kṣetrajñu nāma || 79 ||
ajñāna thoriye āṇije | āpaṇapeṃ tarī neṇije |
teṃ rūpa jāṇije | kṣetrajñāceṃ || 80 ||
teṃ rūpa jāṇije | kṣetrajñāceṃ || 80 ||
hāci ubhaya yogu | bujheṃ bāpā cāṃgu |
sattecā naisargu | svabhāvo hā || 81 ||
sattecā naisargu | svabhāvo hā || 81 ||
.ātāṃ ajñānāsārikheṃ | vastu āpaṇapāṃci dekhe |
parī rūpeṃ anekeṃ | neṇoṃ koṇeṃ || 82 ||
parī rūpeṃ anekeṃ | neṇoṃ koṇeṃ || 82 ||
jaisā raṃku bhramalā | mhaṇe jā re mī rāvo ālā |
kāṃ mūrcchitu gelā | svargalokāṃ || 83 ||
kāṃ mūrcchitu gelā | svargalokāṃ || 83 ||
tevīṃ lacakaliyā diṭhī | maga dekhaṇeṃ jeṃ jeṃ uṭhī |
tayā nāma sṛṣṭī | mīci viyeṃ paiṃ gā || 84 ||
tayā nāma sṛṣṭī | mīci viyeṃ paiṃ gā || 84 ||
jaiseṃ kāṃ svapnamohā | to ekākī dekhe bahuvā |
toci pāḍu ātmayā | smaraṇeṃvīṇa ase || 85 ||
toci pāḍu ātmayā | smaraṇeṃvīṇa ase || 85 ||
heṃci ānībhrāṃtī | prameya upalavūṃ puḍhatī |
parī tūṃ pratītī | yāci ghe pāṃ || 86 ||
parī tūṃ pratītī | yāci ghe pāṃ || 86 ||
tarī mājhī he gṛhiṇī | anādi taruṇī |
anirvācyaguṇī | avidyā he || 87 ||
anirvācyaguṇī | avidyā he || 87 ||
iye nāhīṃ heṃci rūpa | ṭhāṇeṃ heṃ ati umapa |
heṃ nidritāṃ samīpa | cetāṃ durī || 88 ||
heṃ nidritāṃ samīpa | cetāṃ durī || 88 ||
paiṃ mājhenici āṃgeṃ | pahuḍhalyā he jāge |
āṇi sattāsaṃbhogeṃ | gurviṇī hoya || 89 ||
āṇi sattāsaṃbhogeṃ | gurviṇī hoya || 89 ||
mahadbrahmaudarīṃ | prakṛtīṃ āṭhai vikārīṃ |
garbhācī karī | pelovelī || 90 ||
garbhācī karī | pelovelī || 90 ||
ubhayasaṃgu pahileṃ | buddhitattveṃ prasavaleṃ |
buddhitattva bhāraileṃ | hoya mana || 91 ||
buddhitattva bhāraileṃ | hoya mana || 91 ||
taruṇī mamatā manācī | te ahaṃkāra tattva racī |
teṇeṃ mahābhūtāṃcī | abhivyakti hoya || 92 ||
teṇeṃ mahābhūtāṃcī | abhivyakti hoya || 92 ||
āṇi viṣayeṃdriyāṃ gausī | svabhāveṃ taṃva bhūtāṃsī |
mhaṇauni yetī sarisīṃ | tiyeṃhī rūpā || 93 ||
mhaṇauni yetī sarisīṃ | tiyeṃhī rūpā || 93 ||
jāleni vikārakṣobheṃ | pāṭhīṃ triguṇāceṃ ubheṃ |
tevhāṃ ye vāsanāgarbheṃ | ṭhāyeṃṭhāvoṃ || 94 ||
tevhāṃ ye vāsanāgarbheṃ | ṭhāyeṃṭhāvoṃ || 94 ||
rukhācā āvāṃkā | jaisī bījakaṇikā |
jīvīṃ bāṃdheṃ udakā | bheṭatakheṃvo || 95 ||
jīvīṃ bāṃdheṃ udakā | bheṭatakheṃvo || 95 ||
taisī mājheni saṃgeṃ | avidyā nānā jageṃ |
āra ghevoṃ lāge | āṇiyācī || 96 ||
āra ghevoṃ lāge | āṇiyācī || 96 ||
maga garbhagol̤ā tayā | kaiseṃ rūpa taiṃ ye āyā |
teṃ pariyeseṃ rāyā | sujanāṃciyā || 97 ||
teṃ pariyeseṃ rāyā | sujanāṃciyā || 97 ||
paiṃ maṇija svedaja | udbhija jāraja |
umaṭatī sahaja | avayava heṃ || 98 ||
umaṭatī sahaja | avayava heṃ || 98 ||
vyomavāyuvaśeṃ | vāḍhaleni garbharaseṃ |
maṇiju usase | avayava to || 99 ||
maṇiju usase | avayava to || 99 ||
poṭīṃ sūni tamarajeṃ | āgal̤ikāṃ toya tejeṃ |
uṭhitāṃ niphaje | svedaju gā || 100 ||
uṭhitāṃ niphaje | svedaju gā || 100 ||
āpapṛthvī utkaṭeṃ | āṇi tamomātreṃ nikṛṣṭeṃ |
sthāvaru umaṭe | udbhiju hā || 101 ||
sthāvaru umaṭe | udbhiju hā || 101 ||
pāṃcāṃ pāṃcahī virajīṃ | hotī manabuddhyādi sājīṃ |
hīṃ hetu jārajīṃ | aiseṃ jāṇa || 102 ||
hīṃ hetu jārajīṃ | aiseṃ jāṇa || 102 ||
aise cārī he saral̤a | karacaraṇatal̤a |
mahāprakṛti sthūl̤a | teṃci śira || 103 ||
mahāprakṛti sthūl̤a | teṃci śira || 103 ||
pravṛtti pelaleṃ poṭa | nivṛtti te pāṭhī nīṭa |
sura yonī āṃgeṃ āṭha | ūrdhvācīṃ || 104 ||
sura yonī āṃgeṃ āṭha | ūrdhvācīṃ || 104 ||
kaṃṭhu ulhāsatā svargu | mṛtyuloku madhyabhāgu |
adhodeśu cāṃgu | nitaṃbu to || 105 ||
adhodeśu cāṃgu | nitaṃbu to || 105 ||
aiseṃ lekarūṃ eka | prasavalī heṃ dekha |
jayāceṃ tinhī loka | bāl̤aseṃ gā || 106 ||
jayāceṃ tinhī loka | bāl̤aseṃ gā || 106 ||
cauryāṃyaśīṃ lakṣa yonī | tiyeṃ kāṃḍāṃ perāṃ sāṃdaṇī |
vāḍhe pratidinīṃ | bāl̤aka heṃ || 107 ||
vāḍhe pratidinīṃ | bāl̤aka heṃ || 107 ||
nānā deha avayavīṃ | nāmācīṃ leṇīṃ levavī |
mohastanyeṃ vāḍhavī | nitya naveṃ || 108 ||
mohastanyeṃ vāḍhavī | nitya naveṃ || 108 ||
sṛṣṭī vegavegal̤īyā | tiyā karāṃghrīṃ āṃgol̤iyāṃ |
bhinnābhimāna sūdaliyā | mudiyā tetheṃ || 109 ||
bhinnābhimāna sūdaliyā | mudiyā tetheṃ || 109 ||
heṃ ekalauteṃ carācara | avicārita suṃdara |
prasavoni thora | thorāvalī || 110 ||
prasavoni thora | thorāvalī || 110 ||
pai brahmā prātaḥkāl̤u | viṣṇu to mādhyānha vel̤u |
sadāśiva sāyaṃkāl̤u | bāl̤ā yayā || 111 ||
sadāśiva sāyaṃkāl̤u | bāl̤ā yayā || 111 ||
mahāpral̤ayaseje | khil̤oni nivāṃta nije |
viṣamajñāneṃ umajeṃ | kalpodayīṃ || 112 ||
viṣamajñāneṃ umajeṃ | kalpodayīṃ || 112 ||
arjunā iyāparī | mithyādṛṣṭīcyā gharīṃ |
yugānuvṛttīcīṃ karī | coja pāuleṃ || 113 ||
yugānuvṛttīcīṃ karī | coja pāuleṃ || 113 ||
saṃkalpu jayācā iṣṭu | ahaṃkāru to vinaṭu |
aisiyā hoya śevaṭu | jñāneṃ yayā || 114 ||
aisiyā hoya śevaṭu | jñāneṃ yayā || 114 ||
ātāṃ aso he bahu bolī | aiseṃ viśva māyā vyālī |
tetha sāhya jālī | mājhī sattā || 115 ||
tetha sāhya jālī | mājhī sattā || 115 ||
sarvayoniṣu kaunteya mūrtayaḥ saṃbhavanti yāḥ |
tāsāṃ brahma mahadyonirahaṃ bījapradaḥ pitā || 4||
tāsāṃ brahma mahadyonirahaṃ bījapradaḥ pitā || 4||
yākāraṇeṃ mī pitā | mahadbrahma he mātā |
apatya paṃḍusutā | jagaḍaṃbaru || 116 ||
apatya paṃḍusutā | jagaḍaṃbaru || 116 ||
ātāṃ śarīreṃ bahuteṃ | dekhoni na bhedeṃ ho citteṃ |
je manabuddhyādi bhūteṃ | ekeṃci yetheṃ || 117 ||
je manabuddhyādi bhūteṃ | ekeṃci yetheṃ || 117 ||
hāṃ gā ekāci dehīṃ | kāya anāriseṃ avayava nāhīṃ ? |
tevīṃ vicitra viśva pāhīṃ | ekaci heṃ || 118 ||
tevīṃ vicitra viśva pāhīṃ | ekaci heṃ || 118 ||
paiṃ uṃcā nīcā ḍāhāl̤iyā | viṣamā vegal̤āliyā |
yekāci jevīṃ jāliyā | bījāciyā || 119 ||
yekāci jevīṃ jāliyā | bījāciyā || 119 ||
āṇi saṃbaṃdhu tohī aisā | mṛttike ghaṭu leṃku jaisā |
kāṃ paṭatva kāpusā | nātū hoya || 120 ||
kāṃ paṭatva kāpusā | nātū hoya || 120 ||
nānā kallol̤aparaṃparā | saṃtatī jaisī sāgarā |
āmhāṃ āṇi carācarā | saṃbaṃdhu taisā || 121 ||
āmhāṃ āṇi carācarā | saṃbaṃdhu taisā || 121 ||
mhaṇauni vanhi āṇi jvāl̤a | donhī vanhīci keval̤a |
tevīṃ mī gā sakal̤a | saṃbaṃdhu vāvo || 122 ||
tevīṃ mī gā sakal̤a | saṃbaṃdhu vāvo || 122 ||
jāleni jageṃ mī jhāṃkeṃ | tarī jagatveṃ koṇa phāṃke ? |
kil̤evarī māṇikeṃ | lopije kāī ? || 123 ||
kil̤evarī māṇikeṃ | lopije kāī ? || 123 ||
al̤aṃkārāteṃ āleṃ | tarī sonepaṇa kāi geleṃ ? |
kīṃ kamal̤a phāṃkaleṃ | kamal̤atvā muke ? || 124 ||
kīṃ kamal̤a phāṃkaleṃ | kamal̤atvā muke ? || 124 ||
sāṃga pāṃ dhanaṃjayā | avayavīṃ avayaviyā |
ācchādije kīṃ tayā | teṃci rūpa ? || 125 ||
ācchādije kīṃ tayā | teṃci rūpa ? || 125 ||
kīṃ virūḍhaliyā joṃdhal̤ā | kaṇisācā nirvāl̤ā |
veṃcalā kīṃ āgal̤ā | disatase || 126 ||
veṃcalā kīṃ āgal̤ā | disatase || 126 ||
mhaṇauni jaga parauteṃ | sārūni pāhije māteṃ |
taisā novheṃ ukhiteṃ | āghaveṃ mīci || 127 ||
taisā novheṃ ukhiteṃ | āghaveṃ mīci || 127 ||
hā tūṃ sācokārā | niścayācā kharā |
gāṃṭhīṃ bāṃdha vīrā | jīvāciye || 128 ||
gāṃṭhīṃ bāṃdha vīrā | jīvāciye || 128 ||
ātāṃ miyāṃ maja dāvilā | śarīrīṃ vegal̤ālā |
guṇīṃ mīci bāṃdhalā | aisā āvaḍeṃ || 129 ||
guṇīṃ mīci bāṃdhalā | aisā āvaḍeṃ || 129 ||
jaiseṃ svapnīṃ āpaṇa | uṭhūniyāṃ ātmamaraṇa |
bhogije gā jāṇa | kapidhvajā || 130 ||
bhogije gā jāṇa | kapidhvajā || 130 ||
kāṃ kaval̤āteṃ ḍol̤e | prakāśūni pival̤eṃ |
dekhatī teṃhī kal̤e | tayāṃsīci || 131 ||
dekhatī teṃhī kal̤e | tayāṃsīci || 131 ||
nānā sūryaprakāśeṃ | prakaṭī taiṃ abhra bhāse |
to lopalā heṃhī dise | sūryeṃci kīṃ || 132 ||
to lopalā heṃhī dise | sūryeṃci kīṃ || 132 ||
paiṃ āpaṇapeni jāliyā | chāyā gā āpuliyā |
bihoni bihāliyā | āna āhe ? || 133 ||
bihoni bihāliyā | āna āhe ? || 133 ||
taisīṃ iyeṃ nānā deheṃ | dāūni mī nānā hoyeṃ |
tetha aisā jo baṃdhu āhe | teṃhī dekheṃ || 134 ||
tetha aisā jo baṃdhu āhe | teṃhī dekheṃ || 134 ||
baṃdhu kāṃ na baṃdhije | heṃ jāṇaṇeṃ maja mājheṃ |
neṇaṇeni upaje | āpaleni || 135 ||
neṇaṇeni upaje | āpaleni || 135 ||
tarī koṇeṃ guṇeṃ kaisā | majaci mī baṃdhu aisā |
āvaḍe teṃ pariyesā | arjunadevā || 136 ||
āvaḍe teṃ pariyesā | arjunadevā || 136 ||
guṇa te kitī kiṃdharma | kāyi yayāṃ rūpanāma |
keṃ jāleṃ heṃ varma | avadhārīṃ pāṃ || 137 ||
keṃ jāleṃ heṃ varma | avadhārīṃ pāṃ || 137 ||
sattvaṃ rajastama iti guṇāḥ prakṛtisaṃbhavāḥ |
nibadhnanti mahābāho dehe dehinamavyayam || 5||
nibadhnanti mahābāho dehe dehinamavyayam || 5||
tarī sattvarajatama | tighāṃsi heṃ nāma |
āṇi prakṛti janma- | bhūmikā yayāṃ || 138 ||
āṇi prakṛti janma- | bhūmikā yayāṃ || 138 ||
yetha sattva teṃ uttama | raja teṃ madhyama |
tihīṃmājīṃ tama | sāviyādhāreṃ || 139 ||
tihīṃmājīṃ tama | sāviyādhāreṃ || 139 ||
heṃ ekeci vṛttīcyā ṭhāyīṃ | triguṇatva āvaḍe pāhīṃ |
vayasātraya dehīṃ | yekīṃ jevīṃ || 140 ||
vayasātraya dehīṃ | yekīṃ jevīṃ || 140 ||
kāṃ mīnaleni kīḍeṃ | jaṃva jaṃva tūka vāḍhe |
taṃva taṃva soneṃ hīna paḍe | pāṃcikā kasīṃ || 141 ||
taṃva taṃva soneṃ hīna paḍe | pāṃcikā kasīṃ || 141 ||
paiṃ sāvadhapaṇa jaiseṃ | vāhavileṃ āl̤aseṃ |
suṣupti baise | ghaṇāvoni || 142 ||
suṣupti baise | ghaṇāvoni || 142 ||
taisī ajñānāṃgīkāreṃ | nigālī vṛtti vikhure |
te sattvarajadvāreṃ | tamahī hoya || 143 ||
te sattvarajadvāreṃ | tamahī hoya || 143 ||
arjunā gā jāṇa | yayāṃ nāma guṇa |
ātāṃ dākhaūṃ khūṇa | bāṃdhitī te || 144 ||
ātāṃ dākhaūṃ khūṇa | bāṃdhitī te || 144 ||
tarī kṣetrajñadaśe | ātmā moṭakā paise |
heṃ deha mī aiseṃ | muhūrta karī || 145 ||
heṃ deha mī aiseṃ | muhūrta karī || 145 ||
ājanmamaraṇāṃtīṃ | dehadharmīṃ samastīṃ |
mamatvācī sūtī | ghe nā jaṃva || 146 ||
mamatvācī sūtī | ghe nā jaṃva || 146 ||
jaisī mīnācyā toṃḍīṃ | paḍenā jaṃva uṃḍī |
taṃva gal̤a āsuḍī | jal̤apāradhī || 147 ||
taṃva gal̤a āsuḍī | jal̤apāradhī || 147 ||
tatra sattvaṃ nirmalatvāt prakāśakamanāmayam |
sukhasaṃgena badhnāti jñānasaṃgena cānagha || 6||
sukhasaṃgena badhnāti jñānasaṃgena cānagha || 6||
tevīṃ sattveṃ lubdhakeṃ | sukhajñānācīṃ pāśakeṃ |
voḍhijatī maga khuḍake | mṛgu jaisā || 148 ||
voḍhijatī maga khuḍake | mṛgu jaisā || 148 ||
maga jñāneṃ caḍaphaḍī | jāṇivece khurakhoḍī |
svayaṃ sukha heṃ dhāḍī | hātīṃceṃ gā || 149 ||
svayaṃ sukha heṃ dhāḍī | hātīṃceṃ gā || 149 ||
tevhāṃ vidyāmāneṃ tokhe | lābhamātreṃ harikhe |
mī saṃtuṣṭa heṃhī dekhe | ślāghoṃ lāge || 150 ||
mī saṃtuṣṭa heṃhī dekhe | ślāghoṃ lāge || 150 ||
mhaṇe bhāgya nā mājheṃ ? | āji sukhiyeṃ nāhīṃ dujeṃ |
vikārāṣṭakeṃ phuṃje | sāttvikāceni || 151 ||
vikārāṣṭakeṃ phuṃje | sāttvikāceni || 151 ||
āṇi yeṇeṃhī na sare | lāṃkaṇa lāge dusareṃ |
jeṃ vidvatteceṃ bhare | bhūta āṃgīṃ || 152 ||
jeṃ vidvatteceṃ bhare | bhūta āṃgīṃ || 152 ||
āpaṇaci jñānasvarūpa āhe | teṃ geleṃ heṃ duḥkha na vāhe |
kīṃ viṣayajñāneṃ hoye | gaganāyevaḍhā || 153 ||
kīṃ viṣayajñāneṃ hoye | gaganāyevaḍhā || 153 ||
rāvo jaisā svapnīṃ | raṃkapaṇeṃ righe dhānīṃ |
to doṃ dāṇāṃ mānī | iṃdru nā mī || 154 ||
to doṃ dāṇāṃ mānī | iṃdru nā mī || 154 ||
taiseṃ gā dehātītā | jāleyā dehavaṃtā |
hoṃ lāge paṃḍusutā | bāhyajñāneṃ || 155 ||
hoṃ lāge paṃḍusutā | bāhyajñāneṃ || 155 ||
pravṛttiśāstra bujhe | yajñavidyā umaje |
kiṃbahunā sujhe | svargavarī || 156 ||
kiṃbahunā sujhe | svargavarī || 156 ||
āṇi mhaṇe āji āna | mīvāṃcūni nāhīṃ sajñāna |
cāturyacaṃdrā gagana | citta mājheṃ || 157 ||
cāturyacaṃdrā gagana | citta mājheṃ || 157 ||
aiseṃ sattva sukhajñānīṃ | jīvāsi lāvūni kānī |
bailācī karī vānī | pāṃgul̤āciyā || 158 ||
bailācī karī vānī | pāṃgul̤āciyā || 158 ||
ātāṃ hāci śarīrīṃ | rajeṃ jiyāparī |
bāṃdhije teṃ avadhārīṃ | sāṃgijaila || 159 ||
bāṃdhije teṃ avadhārīṃ | sāṃgijaila || 159 ||
rajo rāgātmakaṃ viddhi tṛṣṇāsaṃgasamudbhavam |
tannibadhnāti kaunteya karmasaṃgena dehinam || 7||
tannibadhnāti kaunteya karmasaṃgena dehinam || 7||
heṃ raja yāci kāraṇeṃ | jīvāteṃ raṃjaūṃ jāṇe |
heṃ abhilākhāceṃ taruṇeṃ | sadāci gā || 160 ||
heṃ abhilākhāceṃ taruṇeṃ | sadāci gā || 160 ||
heṃ jīvīṃ moṭakeṃ rige | āṇi kāmācyā madīṃ lāge |
maga vārayā val̤aghe | tṛṣṇeciyā || 161 ||
maga vārayā val̤aghe | tṛṣṇeciyā || 161 ||
ghṛteṃ āṃbukhūni āgiyāl̤eṃ | vajrāgnīceṃ sādukaleṃ |
ātāṃ bahu theṃkuleṃ | āhe tetha ? || 162 ||
ātāṃ bahu theṃkuleṃ | āhe tetha ? || 162 ||
taisī khaval̤eṃ cāḍa | hoya duḥkhāsakaṭa goḍa |
iṃdraśrīhi sāṃkaḍa | gamoṃ lāge || 163 ||
iṃdraśrīhi sāṃkaḍa | gamoṃ lāge || 163 ||
taisī tṛṣṇā vāḍhinaliyā | meruhī hātā āliyā |
taṟhī mhaṇe ekhādiyā | dāruṇā val̤agho || 164 ||
taṟhī mhaṇe ekhādiyā | dāruṇā val̤agho || 164 ||
jīvitāci kuroṃḍī | vovāl̤ūṃ lāge kavaḍī |
mānī tṛṇāciye joḍī | kṛtakṛtyatā || 165 ||
mānī tṛṇāciye joḍī | kṛtakṛtyatā || 165 ||
āji asateṃ veṃcijela | parī pāhe kāya kījela |
aisā pāṃgīṃ vaḍīla | vyavasāya māṃḍī || 166 ||
aisā pāṃgīṃ vaḍīla | vyavasāya māṃḍī || 166 ||
mhaṇe svargā hana jāveṃ | tarī kāya tetheṃ khāveṃ |
iyālāgīṃ dhāṃveṃ | yāga karūṃ || 167 ||
iyālāgīṃ dhāṃveṃ | yāga karūṃ || 167 ||
vratāpāṭhīṃ vrateṃ | ācareṃ iṣṭāpūrteṃ |
kāmyāvāṃcūni hāteṃ | śivaṇeṃ nāhīṃ || 168 ||
kāmyāvāṃcūni hāteṃ | śivaṇeṃ nāhīṃ || 168 ||
paiṃ grīṣmāṃtīṃcā vārā | visāṃvo neṇeṃ vīrā |
taisā na mhaṇe vyāpārā | rātradivasa || 169 ||
taisā na mhaṇe vyāpārā | rātradivasa || 169 ||
kāya caṃcal̤u māsā ? | kāminīkaṭākṣu jaisā |
lavalāho taisā | vijūhī nāhīṃ || 170 ||
lavalāho taisā | vijūhī nāhīṃ || 170 ||
tetuleni gā vegeṃ | svargasaṃsārapāṃgeṃ |
āgīmājīṃ rige | kriyāṃciye || 171 ||
āgīmājīṃ rige | kriyāṃciye || 171 ||
aisā dehīṃ dehāvegal̤ā | le tṛṣṇeciyā sāṃkhal̤ā |
khaṭāṭopu vāhe gal̤āṃ | vyāpārācā || 172 ||
khaṭāṭopu vāhe gal̤āṃ | vyāpārācā || 172 ||
heṃ rajoguṇāceṃ dāruṇa | dehīṃ dehiyāsī baṃdhana |
parisa ātāṃ viṃdāṇa | tamāceṃ teṃ || 173 ||
parisa ātāṃ viṃdāṇa | tamāceṃ teṃ || 173 ||
tamastvajñānajaṃ viddhi mohanaṃ sarvadehinām |
pramādālasyanidrābhistannibadhnāti bhārata || 8||
pramādālasyanidrābhistannibadhnāti bhārata || 8||
vyavahārācehi ḍol̤e | maṃda jeṇeṃ paḍal̤eṃ |
moharātrīceṃ kāl̤eṃ | mehuḍeṃ jeṃ || 174 ||
moharātrīceṃ kāl̤eṃ | mehuḍeṃ jeṃ || 174 ||
ajñānāceṃ jiyāleṃ | jayā ekā lāgaleṃ |
jeṇeṃ viśva bhulaleṃ | nācata ase || 175 ||
jeṇeṃ viśva bhulaleṃ | nācata ase || 175 ||
avivekamahāmaṃtra | jeṃ mauḍhyamadyāceṃ pātra |
heṃ aso mohanāstra | jīvāṃsi jeṃ || 176 ||
heṃ aso mohanāstra | jīvāṃsi jeṃ || 176 ||
pārthā teṃ gā tama | racūni aiseṃ varma |
caukhurī dehātma- | māniyāteṃ || 177 ||
caukhurī dehātma- | māniyāteṃ || 177 ||
heṃ ekaci kīra śarīrīṃ | mājoṃ lāge carācarīṃ |
āṇi tetha dusarī | goṭhī nāhīṃ || 178 ||
āṇi tetha dusarī | goṭhī nāhīṃ || 178 ||
sarveṃdriyā jāḍya | manāmājīṃ mauḍhya |
mālhātī je dāḍhrya | ālasyāceṃṃ || 179 ||
mālhātī je dāḍhrya | ālasyāceṃṃ || 179 ||
āṃgeṃ āṃga moḍāmoḍī | kāryajātī anāvaḍī |
nusatī paravaḍī | jāṃbhayāṃcī || 180 ||
nusatī paravaḍī | jāṃbhayāṃcī || 180 ||
ughaḍiyācī diṭhī | dekhaṇeṃ nāhīṃ kirīṭī |
nāl̤avitāṃci uṭhī | vo mhaṇauni || 181 ||
nāl̤avitāṃci uṭhī | vo mhaṇauni || 181 ||
paḍaliye dhoṃḍī | neṇe kānī muraḍī |
tayāci parī murakuṃḍī | ukalūṃ neṇeṃ || 182 ||
tayāci parī murakuṃḍī | ukalūṃ neṇeṃ || 182 ||
pṛthvī pātāl̤īṃ jāṃvo | kāṃ ākāśahī varī yevo |
parī uṭhaṇeṃ hā bhāvo | upajoṃ neṇeṃ || 183 ||
parī uṭhaṇeṃ hā bhāvo | upajoṃ neṇeṃ || 183 ||
ucitānucita āghaveṃ | jhāṃsuratā nāṭhave jīveṃ |
jethīṃcā tetha lol̤āveṃ | aisī medhā || 184 ||
jethīṃcā tetha lol̤āveṃ | aisī medhā || 184 ||
ubhaūni karatal̤eṃ | paḍighāye kapol̤eṃ |
pāyāceṃ śiriyāl̤eṃ | māṃḍūṃ lāge || 185 ||
pāyāceṃ śiriyāl̤eṃ | māṃḍūṃ lāge || 185 ||
āṇi nidreviṣayīṃ cāṃgu | jīvīṃ āthi lāgu |
jhoṃpīṃ jātāṃ svargu | vāvo mhaṇe || 186 ||
jhoṃpīṃ jātāṃ svargu | vāvo mhaṇe || 186 ||
brahmāyu hoīje | mā nijaleyāci asije |
heṃ vāṃcūni dujeṃ | vyasana nāhīṃ || 187 ||
heṃ vāṃcūni dujeṃ | vyasana nāhīṃ || 187 ||
kāṃ vāṭeṃ jātāṃ vogheṃ | kalhātāṃhī ḍol̤ā lāge |
amṛtahī parī neghe | jarī nīda ālī || 188 ||
amṛtahī parī neghe | jarī nīda ālī || 188 ||
tevīṃci ākrośabal̤eṃ | vyāpāre koṇe eke vel̤e |
nigāleṃ tarī āṃdhal̤eṃ | roṣeṃ jaiseṃ || 189 ||
nigāleṃ tarī āṃdhal̤eṃ | roṣeṃ jaiseṃ || 189 ||
kedhavāṃ kaise rāhāṭāveṃ | koṇesīṃ kāya bolāveṃ |
heṃ ṭhākateṃ kīṃ nāgaveṃ | heṃhī neṇeṃ || 190 ||
heṃ ṭhākateṃ kīṃ nāgaveṃ | heṃhī neṇeṃ || 190 ||
vaṇavā miyāṃ āghavā | pāṃkheṃ pusoni gheyāvā |
pataṃgu pāṃ hāṃvā | ghālī jevīṃ || 191 ||
pataṃgu pāṃ hāṃvā | ghālī jevīṃ || 191 ||
taisā val̤aghe sāhasā | akaraṇīṃca dhiṃvasā |
kiṃbahunā aisā | pramādu ruce || 192 ||
kiṃbahunā aisā | pramādu ruce || 192 ||
evaṃ nidrālasyapramādīṃ | tama iyā tribaṃdhīṃ |
bāṃdhe nirupādhī | cokhaṭāteṃ || 193 ||
bāṃdhe nirupādhī | cokhaṭāteṃ || 193 ||
jaisā vanhī kāṣṭhīṃ bhare | taiṃ dise kāṣṭhākāreṃ |
vyoma ghaṭeṃ āvare | teṃ ghaṭākāśa || 194 ||
vyoma ghaṭeṃ āvare | teṃ ghaṭākāśa || 194 ||
nānā sarovara bharaleṃ | taiṃ caṃdratva tetheṃ biṃbaleṃ |
taiseṃ guṇābhāsīṃ bāṃdhaleṃ | ātmatva game || 195 ||
taiseṃ guṇābhāsīṃ bāṃdhaleṃ | ātmatva game || 195 ||
sattvaṃ sukhe saṃjayati rajaḥ karmaṇi bhārata |
jñānamāvṛtya tu tamaḥ pramāde saṃjayatyuta || 9||
jñānamāvṛtya tu tamaḥ pramāde saṃjayatyuta || 9||
rajastamaścābhibhūya sattvaṃ bhavati bhārata |
rajaḥ sattvaṃ tamaścaiva tamaḥ sattvaṃ rajastathā || 10||
rajaḥ sattvaṃ tamaścaiva tamaḥ sattvaṃ rajastathā || 10||
paiṃ harūni kaphavāta | jaiṃ dehī āṭope pitta |
taiṃ karī saṃtapta | deha jevīṃ || 196 ||
taiṃ karī saṃtapta | deha jevīṃ || 196 ||
kāṃ variṣa ātapa jaiseṃ | jiṇauni śītaci dise |
tevhāṃ hoya hiṃva aiseṃ | ākāśa heṃ || 197 ||
tevhāṃ hoya hiṃva aiseṃ | ākāśa heṃ || 197 ||
nānā svapna jāgṛtī | lopūni ye suṣuptī |
taiṃ kṣaṇu eka cittavṛttī | teci hoya || 198 ||
taiṃ kṣaṇu eka cittavṛttī | teci hoya || 198 ||
taisīṃ rajatameṃ hāravī | jaiṃ sattva māju miravī |
taiṃ jīvākaravīṃ mhaṇavī | sukhiyā nā mī ? || 199 ||
taiṃ jīvākaravīṃ mhaṇavī | sukhiyā nā mī ? || 199 ||
taiseṃci sattva raja | lopūni tamāceṃ bhoja |
val̤agheṃ taiṃ sahaja | pramādīṃ hoya || 200 ||
val̤agheṃ taiṃ sahaja | pramādīṃ hoya || 200 ||
tayāci gā paripāṭhīṃ | sattva tamāteṃ poṭīṃ |
ghālūni jevhāṃ uṭhī | rajoguṇa || 201 ||
ghālūni jevhāṃ uṭhī | rajoguṇa || 201 ||
tevhāṃ karmāvāṃcūni kāṃhīṃ | āna gomaṭeṃ nāhīṃ |
aiseṃ mānī dehīṃ | deharāju || 202 ||
aiseṃ mānī dehīṃ | deharāju || 202 ||
triguṇa vṛddhi nirūpaṇa | tīṃ ślokīṃ sāṃgitaleṃ jāṇa |
ātāṃ sattvādi vṛddhilakṣaṇa | sādara pariyesīṃ || 203 ||
ātāṃ sattvādi vṛddhilakṣaṇa | sādara pariyesīṃ || 203 ||
sarvadvāreṣu dehe'smin prakāśa upajāyate |
jñānaṃ yadā tadā vidyādvivṛddhaṃ sattvamityuta || 11||
jñānaṃ yadā tadā vidyādvivṛddhaṃ sattvamityuta || 11||
lobhaḥ pravṛttirārambhaḥ karmaṇāmaśamaḥ spṛhā |
rajasyetāni jāyante vivṛddhe bharatarṣabha || 12||
rajasyetāni jāyante vivṛddhe bharatarṣabha || 12||
aprakāśo'pravṛttiśca pramādo moha eva ca |
tamasyetāni jāyante vivṛddhe kurunandana || 13||
tamasyetāni jāyante vivṛddhe kurunandana || 13||
yadā sattve pravṛddhe tu pralayaṃ yāti dehabhṛt |
tadottamavidāṃ lokānamalān pratipadyate || 14||
tadottamavidāṃ lokānamalān pratipadyate || 14||
rajasi pralayaṃ gatvā karmasaṃgiṣu jāyate |
tathā pralīnastamasi mūḍhayoniṣu jāyate || 15||
tathā pralīnastamasi mūḍhayoniṣu jāyate || 15||
paiṃ rajatamavijayeṃ | sattva gā dehīṃ iyeṃ |
vāḍhatāṃ cinheṃ tiyeṃ | aisīṃ hotī || 204 ||
vāḍhatāṃ cinheṃ tiyeṃ | aisīṃ hotī || 204 ||
je prajñā āṃtulīkaḍe | na samātī bāherī vosaṃḍeṃ |
vasaṃtīṃ padmakhaṃḍeṃ | dṛtī jaisī || 205 ||
vasaṃtīṃ padmakhaṃḍeṃ | dṛtī jaisī || 205 ||
sarveṃdriyāṃcyā āṃgaṇīṃ | viveka karī rābaṇī |
sācaci karacaraṇīṃ | hotī ḍol̤e || 206 ||
sācaci karacaraṇīṃ | hotī ḍol̤e || 206 ||
rājahaṃsāpuḍheṃ | cāṃcūceṃ āgaraḍeṃ |
toḍī jevīṃ jhagaḍe | kṣīranīrāce || 207 ||
toḍī jevīṃ jhagaḍe | kṣīranīrāce || 207 ||
tevīṃ doṣādoṣavivekīṃ | iṃdriyeṃci hotī pārakhīṃ |
niyamu bā re pāyikī | vol̤age taiṃ || 208 ||
niyamu bā re pāyikī | vol̤age taiṃ || 208 ||
nāikaṇeṃ teṃ kānaci vāl̤ī | na pahāṇeṃ teṃ diṭhīci gāl̤ī |
avācya teṃ ṭāl̤ī | jībhaci gā || 209 ||
avācya teṃ ṭāl̤ī | jībhaci gā || 209 ||
vātī puḍhāṃ jaiseṃ | pal̤oṃ lāge kāl̤avaseṃ |
niṣiddha iṃdriyāṃ taiseṃ | samora nohe || 210 ||
niṣiddha iṃdriyāṃ taiseṃ | samora nohe || 210 ||
dhārādharakāl̤eṃ | mahānadī ucaṃbal̤e |
taisī buddhi paghal̤e | śāstrajātīṃ || 211 ||
taisī buddhi paghal̤e | śāstrajātīṃ || 211 ||
agā punavecyā divaśīṃ | caṃdraprabhā dhāṃveṃ ākāśīṃ |
jñānīṃ vṛtti taisī | phāṃke saiṃgha || 212 ||
jñānīṃ vṛtti taisī | phāṃke saiṃgha || 212 ||
vāsanā ekavaṭe | pravṛtti vohaṭe |
mānasa viṭe | viṣayāṃvarī || 213 ||
mānasa viṭe | viṣayāṃvarī || 213 ||
evaṃ sattva vāḍhe | taiṃ heṃ cinha phuḍeṃ |
āṇi nidhanahī ghaḍe | tevhāṃci jarī || 214 ||
āṇi nidhanahī ghaḍe | tevhāṃci jarī || 214 ||
kāṃ pāhāleni suyāṇeṃ | jālayā paraguṇeṃ |
paḍiyaṃteṃ pāhuṇeṃ | svargauniyāṃ || 215 ||
paḍiyaṃteṃ pāhuṇeṃ | svargauniyāṃ || 215 ||
tarī jaisīci gharīṃcī saṃpattī | āṇi taisīci audāryadhairyavṛttī |
mā paratrā āṇi kīrtī | kāṃ nohāveṃ ? || 216 ||
mā paratrā āṇi kīrtī | kāṃ nohāveṃ ? || 216 ||
maga gomaṭeyā tayā | jāval̤ī ase dhanaṃjayā |
tevīṃ sattvīṃ jāṇe dehā | keṃ āthi gā ? || 217 ||
tevīṃ sattvīṃ jāṇe dehā | keṃ āthi gā ? || 217 ||
je svaguṇīṃ udbhaṭa | gheūni sattva cokhaṭa |
nige sāṃḍūni kopaṭa | bhogakṣama heṃ || 218 ||
nige sāṃḍūni kopaṭa | bhogakṣama heṃ || 218 ||
avacaṭeṃ aisā jo jāye | to sattvācāci navā hoye |
kiṃbahunā janma lāhe | jñāniyāṃmājīṃ || 219 ||
kiṃbahunā janma lāhe | jñāniyāṃmājīṃ || 219 ||
sāṃga pāṃ dhanurdharā | rāvo rāyapaṇeṃ ḍoṃgarā |
geliyā apurā | hoya kāī ? || 220 ||
geliyā apurā | hoya kāī ? || 220 ||
nātarī yethiṃcā divā | neliyā sejiyā gāṃvā |
to tetheṃ tarī pāṃḍavā | dīpaci kīṃ || 221 ||
to tetheṃ tarī pāṃḍavā | dīpaci kīṃ || 221 ||
taisī te sattvaśuddhī | āgal̤ī jñāneṃsī vṛddhī |
taraṃgāvoṃ lāgeṃ buddhī | vivekāvarī || 222 ||
taraṃgāvoṃ lāgeṃ buddhī | vivekāvarī || 222 ||
paiṃ mahadādi paripāṭhīṃ | vicārūni śevaṭīṃ |
vicārāsakaṭa poṭīṃ | jironi jāya || 223 ||
vicārāsakaṭa poṭīṃ | jironi jāya || 223 ||
chattisāṃ sadatisāveṃ | covisāṃ paṃcavisāveṃ |
tinhī nuroni svabhāveṃ | caturtha jeṃ || 224 ||
tinhī nuroni svabhāveṃ | caturtha jeṃ || 224 ||
aiseṃ sarva jeṃ sarvottama | jāleṃ ase jayā sugama |
tayāsaveṃ nirupama | lāhe deha || 225 ||
tayāsaveṃ nirupama | lāhe deha || 225 ||
iyāci parī dekha | tamasattva adhomukha |
baisoni jaiṃ āgal̤īka | dharī raja || 226 ||
baisoni jaiṃ āgal̤īka | dharī raja || 226 ||
āpaliyā kāryācā | dhumāḍa gāṃvīṃ dehācā |
mājavī taiṃ cinhāṃcā | udayo aisā || 227 ||
mājavī taiṃ cinhāṃcā | udayo aisā || 227 ||
pāṃjaralī vāhuṭal̤ī | karī vegal̤a veṃṭāl̤ī |
taisī viṣayīṃ saral̤ī | iṃdriyāṃ hoya || 228 ||
taisī viṣayīṃ saral̤ī | iṃdriyāṃ hoya || 228 ||
paradārādi paḍe | parī viruddha aiseṃ nāvaḍe |
maga śel̤iyeceni toṃḍeṃ | saiṃgha cārī || 229 ||
maga śel̤iyeceni toṃḍeṃ | saiṃgha cārī || 229 ||
hā ṭhāyavarī lobhu | karī svairatvācā rābu |
veṃṭāl̤itāṃ alābhu | teṃ teṃ ure || 230 ||
veṃṭāl̤itāṃ alābhu | teṃ teṃ ure || 230 ||
āṇi āḍa paḍaliyā | udyamajātī bhalatiyā |
pravṛttī dhanaṃjayā | hātu na kāḍhī || 231 ||
pravṛttī dhanaṃjayā | hātu na kāḍhī || 231 ||
tevīṃci ekhādā prāsādu | kāṃ karāvā aśvamedhu |
aisā acāṭa chaṃdu | gheūni uṭhī || 232 ||
aisā acāṭa chaṃdu | gheūni uṭhī || 232 ||
nagareṃci racāvīṃ | jal̤āśayeṃ nirmāvīṃ |
mahāvaneṃ lāvāvīṃ | nānāvidheṃ || 233 ||
mahāvaneṃ lāvāvīṃ | nānāvidheṃ || 233 ||
aisaisāṃ aphāṭīṃ karmīṃ | samāraṃbhu upakramīṃ |
āṇi dṛṣṭādṛṣṭa kāmīṃ | pure na mhaṇe || 234 ||
āṇi dṛṣṭādṛṣṭa kāmīṃ | pure na mhaṇe || 234 ||
sāgaruhī sāṃḍīṃ paḍe | āgī na lāhe tīna kavaḍe |
aiseṃ abhilaṣīṃ joḍe | durbharatva || 235 ||
aiseṃ abhilaṣīṃ joḍe | durbharatva || 235 ||
spṛhā manā puḍhāṃ puḍhāṃ | āśecā ghe davaḍā |
viśva ghāpe cāḍā | pāyāṃtal̤īṃ || 236 ||
viśva ghāpe cāḍā | pāyāṃtal̤īṃ || 236 ||
ityādi vāḍhatāṃ rajīṃ | iyeṃ cinheṃ hotīṃ sājīṃ |
āṇi aiśā samājīṃ | veṃce jarī deha || 237 ||
āṇi aiśā samājīṃ | veṃce jarī deha || 237 ||
tarī āghavāci ihīṃ | parivāralā ānī dehīṃ |
rige parī yonihī | mānuṣīci || 238 ||
rige parī yonihī | mānuṣīci || 238 ||
suravāḍeṃsiṃ bhikārī | vaso pāṃ rājamaṃdirīṃ |
tarī kāya avadhārīṃ | rāvo hoīla ? || 239 ||
tarī kāya avadhārīṃ | rāvo hoīla ? || 239 ||
baila tetheṃ karabāḍeṃ | heṃ na cuke gā phuḍeṃ |
neījo kāṃ vaṟhāḍeṃ | samarthācenī || 240 ||
neījo kāṃ vaṟhāḍeṃ | samarthācenī || 240 ||
mhaṇauni vyāpārā hātīṃ | usaṃtu dihā nā rātī |
taisayāciye pāṃtī | juṃpije to || 241 ||
taisayāciye pāṃtī | juṃpije to || 241 ||
karmajaḍācyā ṭhāyīṃ | kiṃbahunā hoya dehīṃ |
jo rajovṛttīcyā ḍohīṃ | buḍoni nime || 242 ||
jo rajovṛttīcyā ḍohīṃ | buḍoni nime || 242 ||
maga taisāci puḍhatī | rajasattvavṛttī |
gil̤ūni ye unnatī | tamoguṇa || 243 ||
gil̤ūni ye unnatī | tamoguṇa || 243 ||
taiṃci jiyeṃ liṃgeṃ | dehīṃcīṃ sabāhya sāṃgeṃ |
tiyeṃ parisa cāṃgeṃ | śrotrabal̤eṃ || 244 ||
tiyeṃ parisa cāṃgeṃ | śrotrabal̤eṃ || 244 ||
tarī hoya aiseṃ mana | jaiseṃ ravicaṃdrahīna |
rātrīṃceṃ kāṃ gagana | aṃvaseciye || 245 ||
rātrīṃceṃ kāṃ gagana | aṃvaseciye || 245 ||
taiseṃ aṃtara asosa | hoya sphūrtihīna udvasa |
vicārācī bhāṣa | hārape taiṃ || 246 ||
vicārācī bhāṣa | hārape taiṃ || 246 ||
buddhi mecavenā dhoṃḍīṃ | hā ṭhāyavarī mavāl̤eṃ sāṃḍī |
āṭhavo deśadhaḍī | jālā dise || 247 ||
āṭhavo deśadhaḍī | jālā dise || 247 ||
avivekāceni mājeṃ | sabāhya śarīra gāje |
ekaleni ghepe dīje | mauḍhya tetha || 248 ||
ekaleni ghepe dīje | mauḍhya tetha || 248 ||
ācārabhaṃgācīṃ hāḍeṃ | rupatīṃ iṃdriyāṃpuḍheṃ |
mare jarī teṇeṃkaḍe | kriyā jāya || 249 ||
mare jarī teṇeṃkaḍe | kriyā jāya || 249 ||
paiṃ āṇikahī eka dise | je duṣkṛtīṃ citta ulhāse |
āṃdhārī dekhaṇeṃ jaiseṃ | ḍuḍul̤āceṃ || 250 ||
āṃdhārī dekhaṇeṃ jaiseṃ | ḍuḍul̤āceṃ || 250 ||
taiseṃ niṣiddhāceni nāṃveṃ | bhalateṃhī bhare hāve |
tiyeviṣayīṃ dhāṃve | ghetī karaṇeṃ || 251 ||
tiyeviṣayīṃ dhāṃve | ghetī karaṇeṃ || 251 ||
madirā na ghetāṃ ḍule | sannipāteṃvīṇa baral̤e |
niṣpremeṃci bhule | piseṃ jaiseṃ || 252 ||
niṣpremeṃci bhule | piseṃ jaiseṃ || 252 ||
citta tarī geleṃ āhe | parī unmanī te nohe |
aiseṃ mālhātije moheṃ | mājireni || 253 ||
aiseṃ mālhātije moheṃ | mājireni || 253 ||
kiṃbahunā aisaisīṃ | iyeṃ cinheṃ tama poṣīṃ |
jaiṃ vāḍhe āyitīsī | āpuliyā || 254 ||
jaiṃ vāḍhe āyitīsī | āpuliyā || 254 ||
āṇi heṃci hoya prasaṃgeṃ | maraṇāceṃ jarī paḍe khāgeṃ |
tarī tetuleni nige | tameṃsīṃ to || 255 ||
tarī tetuleni nige | tameṃsīṃ to || 255 ||
rāī rāīpaṇa bījīṃ | sāṃṭhavūniyāṃ aṃga tyajī |
maga virūḍhe taiṃ dujī | goṭhī āhe ? || 256 ||
maga virūḍhe taiṃ dujī | goṭhī āhe ? || 256 ||
paiṃ hoūni dīpakalikā | yeru āgī vijho kāṃ |
kāṃ jetha lāge tetha asakā | toci āhe || 257 ||
kāṃ jetha lāge tetha asakā | toci āhe || 257 ||
mhaṇauni tamāciye lotheṃ | bāṃdhoniyāṃ saṃkalpāteṃ |
deha jāya taiṃ māgauteṃ | tamāceci hoya || 258 ||
deha jāya taiṃ māgauteṃ | tamāceci hoya || 258 ||
ātāṃ kāya yeṇeṃ bahuve | jo tamovṛddhi mṛtyu lāhe |
to paśu kāṃ pakṣī hoye | jhāḍa kāṃ kṛmī || 259 ||
to paśu kāṃ pakṣī hoye | jhāḍa kāṃ kṛmī || 259 ||
karmaṇaḥ sukṛtasyāhuḥ sāttvikaṃ nirmalaṃ phalam |
rajasastu phalaṃ duḥkhamajñānaṃ tamasaḥ phalam || 16||
rajasastu phalaṃ duḥkhamajñānaṃ tamasaḥ phalam || 16||
yeṇeṃci paiṃ kāraṇeṃ | jeṃ nipaje sattvaguṇeṃ |
teṃ sukṛta aiseṃ mhaṇe | śrauta samo || 260 ||
teṃ sukṛta aiseṃ mhaṇe | śrauta samo || 260 ||
mhaṇauni tayā nirmal̤ā | sukhajñānī saral̤ā |
apūrva ye phal̤ā | sāttvika teṃ || 261 ||
apūrva ye phal̤ā | sāttvika teṃ || 261 ||
maga rājasā jiyā kriyā | tayā iṃdrāvaṇī phal̤aliyā |
jeṃ sukheṃ citārūniyāṃ | phal̤atī duḥkheṃ || 262 ||
jeṃ sukheṃ citārūniyāṃ | phal̤atī duḥkheṃ || 262 ||
kāṃ niṃbol̤iyeceṃ pika | vari goḍa āṃta vikha |
taiseṃ teṃ rājasa dekha | kriyāphal̤a || 263 ||
taiseṃ teṃ rājasa dekha | kriyāphal̤a || 263 ||
tāmasa karma jitukeṃ | ajñānaphal̤eṃci pike |
viṣāṃkura vikheṃ | jiyāparī || 264 ||
viṣāṃkura vikheṃ | jiyāparī || 264 ||
sattvātsaṃjāyate jñānaṃ rajaso lobha eva ca |
pramādamohau tamaso bhavato'jñānameva ca || 17||
pramādamohau tamaso bhavato'jñānameva ca || 17||
mhaṇauni bā re arjunā | yetha sattvaci hetu jñānā |
jaisā kāṃ dinamānā | sūrya hā paiṃ || 265 ||
jaisā kāṃ dinamānā | sūrya hā paiṃ || 265 ||
āṇi taiseṃci heṃ jāṇa | lobhāsi raja kāraṇa |
āpuleṃ vismaraṇa | advaitā jevīṃ || 266 ||
āpuleṃ vismaraṇa | advaitā jevīṃ || 266 ||
moha ajñāna pramādā | yayāṃ mail̤eyā doṣavṛṃdā |
puḍhatī puḍhatī prabuddhā | tamaci mūl̤a || 267 ||
puḍhatī puḍhatī prabuddhā | tamaci mūl̤a || 267 ||
aiseṃ vicārācyā ḍol̤āṃ | tinhī guṇa he vegal̤avegal̤āṃ |
dāvile jaisā āṃval̤ā | tal̤ahātīṃcā || 268 ||
dāvile jaisā āṃval̤ā | tal̤ahātīṃcā || 268 ||
taṃva rajatameṃ donhīṃ | dekhilīṃ prauḍha patanīṃ |
sattvāvāṃcūni nāṇīṃ | jñānākaḍe || 269 ||
sattvāvāṃcūni nāṇīṃ | jñānākaḍe || 269 ||
mhaṇauni sāttvika vṛttī | eka jāle gā janmavratī |
sarvatyāgeṃ caturthī | bhakti jaisī || 270 ||
sarvatyāgeṃ caturthī | bhakti jaisī || 270 ||
ūrdhva gacchanti sattvasthā madhye tiṣṭhanti rājasāḥ |
jaghanyaguṇavṛttisthā adho gacchanti tāmasāḥ || 18||
jaghanyaguṇavṛttisthā adho gacchanti tāmasāḥ || 18||
taiseṃ sattvāceni naṭanāceṃ | asaṇeṃ jāṇeṃ jayāṃceṃ |
te tanutyāgīṃ svargīṃce | rāya hotī || 271 ||
te tanutyāgīṃ svargīṃce | rāya hotī || 271 ||
iyāci parī rajeṃ | jihīṃ kāṃ jīje marije |
tihīṃ manuṣya hoīje | mṛtyulokīṃ || 272 ||
tihīṃ manuṣya hoīje | mṛtyulokīṃ || 272 ||
tetha sukhaduḥkhāceṃ khicaṭeṃ | jevijeṃ ekeci tāṭeṃ |
jetha iye maraṇavāṭe | paḍileṃ nuṭhī || 273 ||
jetha iye maraṇavāṭe | paḍileṃ nuṭhī || 273 ||
āṇi tayāci sthiti tamīṃ | je vāḍhoni nimatī bhogakṣamīṃ |
te ghetī narakabhūmī | mūl̤apatra || 274 ||
te ghetī narakabhūmī | mūl̤apatra || 274 ||
evaṃ vastūciyā sattā | triguṇāsī paṃḍusutā |
dāvilī sakāraṇatā | āghavīci || 275 ||
dāvilī sakāraṇatā | āghavīci || 275 ||
paiṃ vastu vastutveṃ asikeṃ | teṃ āpaṇapeṃ guṇāsārikheṃ |
dekhoni kāryaviśekheṃ | anukare gā || 276 ||
dekhoni kāryaviśekheṃ | anukare gā || 276 ||
jaiseṃ kāṃ svapnīṃceni rājeṃ | jaiṃ paracakra dekhije |
taiṃ hārī jaita hoīje | āpaṇapāṃci || 277 ||
taiṃ hārī jaita hoīje | āpaṇapāṃci || 277 ||
taise madhyordhva adha | he je guṇavṛttibheda |
te dṛṣṭīvāṃcūni śuddha | vastuci ase || 278 ||
te dṛṣṭīvāṃcūni śuddha | vastuci ase || 278 ||
nānyaṃ guṇebhyaḥ kartāraṃ yadā draṣṭā'nupaśyati |
guṇebhyaśca paraṃ vetti madbhāvaṃ so'dhigacchati || 19||
guṇebhyaśca paraṃ vetti madbhāvaṃ so'dhigacchati || 19||
parī he vāhaṇī aso | tarī tuja āna na diso |
pariseṃ teṃ sāṃgatasoṃ | māgīla goṭhī || 279 ||
pariseṃ teṃ sāṃgatasoṃ | māgīla goṭhī || 279 ||
tarī aiseṃ jāṇije | sāmarthyeṃ tinhī sahajeṃ |
hotī dehavyājeṃ | guṇaci he || 280 ||
hotī dehavyājeṃ | guṇaci he || 280 ||
iṃdhanāceni ākāreṃ | agni jaisā avatare |
kāṃ āṃgave taruvareṃ | bhūmirasu || 281 ||
kāṃ āṃgave taruvareṃ | bhūmirasu || 281 ||
nānā dahiṃyāceni miseṃ | pariṇame dūdhaci jaiseṃ |
kāṃ mūrta hoya ūṃseṃ | goḍī jevīṃ || 282 ||
kāṃ mūrta hoya ūṃseṃ | goḍī jevīṃ || 282 ||
taiseṃ he svāṃtaḥkaraṇa | dehaci hotī triguṇa |
mhaṇauni baṃdhāsi kāraṇa | ghaḍe kīra || 283 ||
mhaṇauni baṃdhāsi kāraṇa | ghaḍe kīra || 283 ||
parī coja heṃ dhanurdharā | je evaḍhā hā guṃphirā |
mokṣācā saṃsārā | uṇā nohe || 284 ||
mokṣācā saṃsārā | uṇā nohe || 284 ||
triguṇa āpulāleni dharmeṃ | dehīṃce māghuta sāumeṃ |
cāl̤itāṃhī na khomeṃ | guṇātītatā || 285 ||
cāl̤itāṃhī na khomeṃ | guṇātītatā || 285 ||
aisī mukti ase sahaja | te ātāṃ parisaūṃ tuja |
je tūṃ jñānāṃbuja- | dvirephu kīṃ || 286 ||
je tūṃ jñānāṃbuja- | dvirephu kīṃ || 286 ||
āṇi guṇīṃ guṇājogeṃ | caitanya nohe māgeṃ |
boliloṃ teṃ khāgeṃ | tevīṃci heṃ || 287 ||
boliloṃ teṃ khāgeṃ | tevīṃci heṃ || 287 ||
tarī pārthā jaiṃ aiseṃ | bodhaleni jīveṃ dise |
svapna kāṃ jaiseṃ | ceilenī || 288 ||
svapna kāṃ jaiseṃ | ceilenī || 288 ||
nātarī āpaṇa jal̤īṃ | biṃbaloṃ tīronī nyāhal̤ī |
cal̤aṇa hotāṃ kallol̤īṃ | anekadhā || 289 ||
cal̤aṇa hotāṃ kallol̤īṃ | anekadhā || 289 ||
kāṃ naṭaleni lāghaveṃ | naṭu jaisā na jhakave |
taiseṃ guṇajāta dekhāveṃ | na honiyāṃ || 290 ||
taiseṃ guṇajāta dekhāveṃ | na honiyāṃ || 290 ||
paiṃ ṛtutraya ākāśeṃ | dharūniyāṃhī jaiseṃ |
nedijeci yevoṃ voseṃ | vegal̤epaṇā || 291 ||
nedijeci yevoṃ voseṃ | vegal̤epaṇā || 291 ||
taiseṃ guṇīṃ guṇāparauteṃ | jeṃ āpaṇapeṃ ase āyiteṃ |
tiye ahaṃ baise ahaṃteṃ | mūl̤akeciye || 292 ||
tiye ahaṃ baise ahaṃteṃ | mūl̤akeciye || 292 ||
taiṃ tethūni maga pāhatāṃ | mhaṇe sākṣī mī akartā |
he guṇaci kriyājātāṃ | niyojita || 293 ||
he guṇaci kriyājātāṃ | niyojita || 293 ||
sattvarajatamāṃcā | bhedīṃ pasaru karmācā |
hota ase to guṇāṃcā | vikāru hā || 294 ||
hota ase to guṇāṃcā | vikāru hā || 294 ||
yayāmājīṃ mī aisā | vanīṃ kāṃ vasaṃtu jaisā |
vanalakṣmīvilāsā | hetubhūta || 295 ||
vanalakṣmīvilāsā | hetubhūta || 295 ||
kāṃ tārāṃgaṇīṃ lopāveṃ | sūryakāṃtīṃ uddīpāveṃ |
kamal̤īṃ vikāsāveṃ | jāveṃ tameṃ || 296 ||
kamal̤īṃ vikāsāveṃ | jāveṃ tameṃ || 296 ||
ye koṇācīṃ kājeṃ kahīṃ | savitiyā jaisī nāhīṃ |
taisā akartā mī dehīṃ | sattārūpa || 297 ||
taisā akartā mī dehīṃ | sattārūpa || 297 ||
mī dāūni guṇa dekhe | guṇatā he miyāṃ pokhe |
yayāceni niḥśekheṃ | ure teṃ mī || 298 ||
yayāceni niḥśekheṃ | ure teṃ mī || 298 ||
aiseni vivekeṃ jayā | udo hoya dhanaṃjayā |
ye guṇātītatva tayā | arthapaṃtheṃ || 299 ||
ye guṇātītatva tayā | arthapaṃtheṃ || 299 ||
guṇānetānatītya trīndehī dehasamudbhavān |
janmamṛtyujarāduḥkhairvimukto'mṛtamaśnute || 20||
janmamṛtyujarāduḥkhairvimukto'mṛtamaśnute || 20||
ātāṃ nirguṇa ase āṇika | teṃ to jāṇeṃ acuka |
je jñāneṃ keleṃ ṭīka | tayācivarī || 300 ||
je jñāneṃ keleṃ ṭīka | tayācivarī || 300 ||
kiṃbahunā paṃḍusutā | aisī to mājhī sattā |
pāve jaisī saritā | siṃdhutva gā || 301 ||
pāve jaisī saritā | siṃdhutva gā || 301 ||
nal̤ikevarūni uṭhilā | jaisā śuka śākhe baisalā |
taisā mūl̤a ahaṃteṃ veḍhilā | to mī mhaṇauni || 302 ||
taisā mūl̤a ahaṃteṃ veḍhilā | to mī mhaṇauni || 302 ||
agā ajñānāciyā nidā | jo ghorata hotā badabadā |
to svasvarūpīṃ prabuddhā | ceilā kīṃ || 303 ||
to svasvarūpīṃ prabuddhā | ceilā kīṃ || 303 ||
paiṃ buddhibhedācā ārisā | tayā hātoni paḍilā vīreśā |
mhaṇauni pratimukhābhāsā | mukalā to || 304 ||
mhaṇauni pratimukhābhāsā | mukalā to || 304 ||
dehābhimānācā vārā | ātāṃ vājo ṭhelā vīrā |
taiṃ aikya vīcisāgarāṃ | jīveśāṃ heṃ || 305 ||
taiṃ aikya vīcisāgarāṃ | jīveśāṃ heṃ || 305 ||
mhaṇauni madbhāveṃsī | prāpti pāvije teṇeṃsarisī |
varṣāṃtīṃ ākāśīṃ | ghanajāta jevīṃ || 306 ||
varṣāṃtīṃ ākāśīṃ | ghanajāta jevīṃ || 306 ||
tevīṃ mī hoūni nirutā | maga dehīṃci ye asatāṃ |
nāgave dehasaṃbhūtāṃ | guṇāṃsi to || 307 ||
nāgave dehasaṃbhūtāṃ | guṇāṃsi to || 307 ||
jaisā bhiṃgāceni ghareṃ | dīpaprakāśu nāvare |
kāṃ na vijheci sāgareṃ | vaḍavānal̤u || 308 ||
kāṃ na vijheci sāgareṃ | vaḍavānal̤u || 308 ||
taisā ālā gelā guṇāṃcā | bodhu na mail̤e tayācā |
to dehīṃ jaisā vyomīṃcā | caṃdra jal̤īṃ || 309 ||
to dehīṃ jaisā vyomīṃcā | caṃdra jal̤īṃ || 309 ||
tinhī guṇa āpulāliye prauḍhī | dehīṃ nācavitī bāgaḍīṃ |
to pāhoṃhī na dhāḍī | ahaṃteteṃ || 310 ||
to pāhoṃhī na dhāḍī | ahaṃteteṃ || 310 ||
hā ṭhāyavarī | nehaṭoni ṭhelā aṃtarīṃ |
ātāṃ kāya varte śarīrīṃ | heṃhīṃ neṇe || 311 ||
ātāṃ kāya varte śarīrīṃ | heṃhīṃ neṇe || 311 ||
sāṃḍuni āṃgīṃcī khol̤ī | sarpa rigāliyā pātāl̤īṃ |
te tvacā koṇa sāṃbhāl̤ī | taiseṃ jāleṃ || 312 ||
te tvacā koṇa sāṃbhāl̤ī | taiseṃ jāleṃ || 312 ||
kāṃ saurabhya jīrṇu jaisā | āmodu mil̤oni jāya ākāśā |
māghārā kamal̤akośā | nayeci to || 313 ||
māghārā kamal̤akośā | nayeci to || 313 ||
paiṃ svarūpasamaraseṃ | aikya gā jāleṃ taiseṃ |
tetha kiṃ dharma heṃ kaiseṃ | neṇeṃ deha || 314 ||
tetha kiṃ dharma heṃ kaiseṃ | neṇeṃ deha || 314 ||
mhaṇauni janmajarāmaraṇa | ityādi je sāhī guṇa |
te dehīṃci ṭhele kāraṇa | nāhīṃ tayā || 315 ||
te dehīṃci ṭhele kāraṇa | nāhīṃ tayā || 315 ||
ghaṭāciyā khāpariyā | ghaṭabhaṃgīṃ pheḍiliyā |
mahadākāśa apaisayā | jāleṃci ase || 316 ||
mahadākāśa apaisayā | jāleṃci ase || 316 ||
taisī dehabuddhī jāye | jaiṃ āpaṇapāṃ āṭhau hoya |
taiṃ āna kāṃhīṃ āhe | teṃvāṃcunī ? || 317 ||
taiṃ āna kāṃhīṃ āhe | teṃvāṃcunī ? || 317 ||
yeṇeṃ thora bodhalepaṇeṃ | tayāsi gā dehīṃ asaṇeṃ |
mhaṇūni to mī mhaṇeṃ | guṇātīta || 318 ||
mhaṇūni to mī mhaṇeṃ | guṇātīta || 318 ||
yayā devāciyā bolā | pārthu ati sukhāvalā |
megheṃ saṃbokhilā | moru jaisā || 319 ||
megheṃ saṃbokhilā | moru jaisā || 319 ||
arjuna uvāca|
kairliṃgaistrīnguṇātnetānatīto bhavati prabho |
kimācāraḥ kathaṃcaitāṃstrīnguṇānativartate || 21||
kairliṃgaistrīnguṇātnetānatīto bhavati prabho |
kimācāraḥ kathaṃcaitāṃstrīnguṇānativartate || 21||
teṇeṃ toṣeṃ vīra puse | jī koṇhī cinhīṃ to dise |
jayāmājīṃ vase | aisā bodhu || 320 ||
jayāmājīṃ vase | aisā bodhu || 320 ||
to nirguṇa kāya ācare | kaiseni guṇa nistare |
heṃ sāṃgijo māhereṃ | kṛpeceni || 321 ||
heṃ sāṃgijo māhereṃ | kṛpeceni || 321 ||
yayā arjunāciyā praśnā | to ṣaḍguṇāṃcā rāṇā |
parihāru ākarṇā | bolatu ase || 322 ||
parihāru ākarṇā | bolatu ase || 322 ||
mhaṇe pārthā tujhī navāī | heṃ yetuleṃci pusasī kāī |
teṃ nāmaci tayā pāhīṃ | satya laṭikeṃ || 323 ||
teṃ nāmaci tayā pāhīṃ | satya laṭikeṃ || 323 ||
guṇātīta jayā nāṃveṃ | to guṇādhīna tarī navhe |
nā hoya tarī nāṃgave | guṇāṃ yayā || 324 ||
nā hoya tarī nāṃgave | guṇāṃ yayā || 324 ||
parī adhīna kāṃ nāṃgaveṃ | heṃci kaiseni jāṇāveṃ |
guṇāṃciye ravarave- | mājīṃ asatāṃ || 325 ||
guṇāṃciye ravarave- | mājīṃ asatāṃ || 325 ||
hā saṃdeha jarī vāhasī | tarī sukheṃ pusoṃ lāhasī |
parisa ātāṃ tayāsī | rūpa karūṃ || 326 ||
parisa ātāṃ tayāsī | rūpa karūṃ || 326 ||
śrībhagavānuvāca |
prakāśaṃ ca pravṛttiṃ ca mohameva ca pāṇḍava |
na dveṣṭi saṃpravṛttāni na nivṛttāni kāṃkṣati || 22||
prakāśaṃ ca pravṛttiṃ ca mohameva ca pāṇḍava |
na dveṣṭi saṃpravṛttāni na nivṛttāni kāṃkṣati || 22||
tarī rajāceni mājeṃ | dehīṃ karmāceṃ āṇojeṃ |
pravṛtti jaiṃ gheīje | veṃṭāl̤uni || 327 ||
pravṛtti jaiṃ gheīje | veṃṭāl̤uni || 327 ||
taiṃ mīci kāṃ karmaṭha | aisā na ye śrīmāṭha |
daridraliye buddhī vīṭa | tohī nāhīṃ || 328 ||
daridraliye buddhī vīṭa | tohī nāhīṃ || 328 ||
athavā sattveṃci adhikeṃ | jaiṃ sarveṃdriyīṃ jñāna phāṃke |
taiṃ suvidyatā tokheṃ | ubhajehī nā || 329 ||
taiṃ suvidyatā tokheṃ | ubhajehī nā || 329 ||
kāṃ vāḍhinnaleni tameṃ | na gil̤ijeci mohabhrameṃ |
taiṃ ajñānatveṃ na śrame | gheṇeṃhī nāhīṃ || 330 ||
taiṃ ajñānatveṃ na śrame | gheṇeṃhī nāhīṃ || 330 ||
paiṃ mohācyā avasarīṃ | jñānācī cāḍa na dharī |
jñāneṃ karmeṃ nādarī | hotāṃ na duḥkhī || 331 ||
jñāneṃ karmeṃ nādarī | hotāṃ na duḥkhī || 331 ||
sāyaṃpratarmadhyānhā | yā tinhī kāl̤āṃcī gaṇanā |
nāhīṃ jevīṃ tapanā | taisā ase || 332 ||
nāhīṃ jevīṃ tapanā | taisā ase || 332 ||
tayā vegal̤āci kāya prakāśeṃ | jñānitva yāveṃ aseṃ |
kāyi jal̤ārṇava pāuseṃ | sājā hoya ? || 333 ||
kāyi jal̤ārṇava pāuseṃ | sājā hoya ? || 333 ||
nā pravartaleni karmeṃ | karmaṭhatva tayāṃ kāṃ game |
sāṃgeṃ himavaṃtu himeṃ | kāṃpe kāyī ? || 334 ||
sāṃgeṃ himavaṃtu himeṃ | kāṃpe kāyī ? || 334 ||
nātarī moha āliyā | kāī pāṃ jñānā mukijaila tayā |
ho mā āgīteṃ unhāl̤eyā | jāl̤avata ase ? || 335 ||
ho mā āgīteṃ unhāl̤eyā | jāl̤avata ase ? || 335 ||
udāsīnavadāsīno guṇairyo na vicālyate |
guṇā vartanta ityeva yo~vatiṣṭhati neṅgate || 23||
guṇā vartanta ityeva yo~vatiṣṭhati neṅgate || 23||
taise guṇāguṇakārya heṃ | āghaveṃci āpaṇa āhe |
mhaṇauni ekekā nohe | taḍātoḍī || 336 ||
mhaṇauni ekekā nohe | taḍātoḍī || 336 ||
yevaḍhe gā pratītī | to dehā ālāse vastī |
vāṭe jātāṃ guṃtī- | mājīṃ jaisā || 337 ||
vāṭe jātāṃ guṃtī- | mājīṃ jaisā || 337 ||
to jiṇatā nā haravī | taisā guṇa navhe nā karavī |
jaisī kāṃ śroṇavī | saṃgrāmīṃcī || 338 ||
jaisī kāṃ śroṇavī | saṃgrāmīṃcī || 338 ||
kāṃ śarīrā{āṃ}tīla prāṇu | gharīṃ ātithyācā brāhmaṇu |
nānā cohaṭāṃcā sthāṇu | udāsu jaisā || 339 ||
nānā cohaṭāṃcā sthāṇu | udāsu jaisā || 339 ||
āṇi guṇācā yāvājāvā | ḍhal̤e cal̤e nā pāṃḍavā |
mṛgajal̤ācā helāvā | meru jaisā || 340 ||
mṛgajal̤ācā helāvā | meru jaisā || 340 ||
heṃ bahuta kāyi bolije | vyoma vāreni na vacije |
kāṃ sūrya nā gil̤ije | aṃdhakāreṃ ? || 341 ||
kāṃ sūrya nā gil̤ije | aṃdhakāreṃ ? || 341 ||
svapna kāṃ gā jiyāparī | jagatayāteṃ na siṃtarī |
guṇīṃ taisā avadhārīṃ | na baṃdhije to || 342 ||
guṇīṃ taisā avadhārīṃ | na baṃdhije to || 342 ||
guṇāṃsi kīra nātuḍe | parī durūni jaiṃ pāhe koḍeṃ |
taiṃ guṇadoṣa sāyikhaḍeṃ | sabhyu jaisā || 343 ||
taiṃ guṇadoṣa sāyikhaḍeṃ | sabhyu jaisā || 343 ||
satkarmeṃ sāttvikīṃ | raja teṃ rajoviṣayakīṃ |
tama mohādikīṃ | vartata ase || 344 ||
tama mohādikīṃ | vartata ase || 344 ||
parisa tayāciyā gā sattā | hotī guṇakriyā samastā |
heṃ phuḍeṃ jāṇe savitā | laukikā jevīṃ || 345 ||
heṃ phuḍeṃ jāṇe savitā | laukikā jevīṃ || 345 ||
samudraci bharatī | somakāṃtaci dravatī |
kumudeṃ vikāsatī | caṃdru to ugā || 346 ||
kumudeṃ vikāsatī | caṃdru to ugā || 346 ||
kāṃ vārāci vāje vijhe | gaganeṃ niścal̤a asije |
taisā guṇāciye gajabaje | ḍolenā jo || 347 ||
taisā guṇāciye gajabaje | ḍolenā jo || 347 ||
arjunā yeṇeṃ lakṣaṇeṃ | to guṇātītu jāṇaṇeṃ |
parisa ātāṃ ācaraṇeṃ | tayācīṃ jīṃ || 348 ||
parisa ātāṃ ācaraṇeṃ | tayācīṃ jīṃ || 348 ||
samaduḥkhasukhaḥ svasthaḥ samaloṣṭāśmakāñcanaḥ |
tulyapriyāpriyodhīrastulyanindātmasaṃstutiḥ || 24||
tulyapriyāpriyodhīrastulyanindātmasaṃstutiḥ || 24||
tarī vastrāsi pāṭhīṃ poṭīṃ | nāhīṃ sutāvāṃcūni kirīṭī |
aiseṃ suye diṭhī | carācara madrūpeṃ || 349 ||
aiseṃ suye diṭhī | carācara madrūpeṃ || 349 ||
mhaṇauni sukhaduḥkhāsariseṃ | kāṃṭāl̤eṃ ācare aiseṃ |
ripubhaktāṃ jaiseṃ | harīceṃ deṇeṃ || 350 ||
ripubhaktāṃ jaiseṃ | harīceṃ deṇeṃ || 350 ||
eṟhavīṃ tarī sahajeṃ | sukhaduḥkha taiṃci sevije |
dehajal̤īṃ hoīje | māsol̤ī jaiṃ || 351 ||
dehajal̤īṃ hoīje | māsol̤ī jaiṃ || 351 ||
ātāṃ teṃ taṃva teṇeṃ sāṃḍileṃ | āhe svasvarūpeṃsīci māṃḍileṃ |
sasyāṃtīṃ nivaḍileṃ | bīja jaiseṃ || 352 ||
sasyāṃtīṃ nivaḍileṃ | bīja jaiseṃ || 352 ||
kāṃ vogha sāṃḍūni gāṃga | righoni samudrāceṃ āṃga |
nistaralī lagabaga | khal̤āl̤ācī || 353 ||
nistaralī lagabaga | khal̤āl̤ācī || 353 ||
tevīṃ āpaṇapāṃci jayā | vastī jālī gā dhanaṃjayā |
tayā dehīṃ apaisayā | sukha taiseṃ duḥkha || 354 ||
tayā dehīṃ apaisayā | sukha taiseṃ duḥkha || 354 ||
rātri taiseṃ pāhaleṃ | heṃ dhāraṇā jevīṃ eka jāleṃ |
ātmārāma dehīṃ ātaleṃ | dvaṃdva taiseṃ || 355 ||
ātmārāma dehīṃ ātaleṃ | dvaṃdva taiseṃ || 355 ||
paiṃ nidritāceni āṃgeṃśīṃ | sāpu taiśī urvaśī |
tevīṃ svarūpasthā sariśīṃ | dehīṃ dvaṃdveṃ || 356 ||
tevīṃ svarūpasthā sariśīṃ | dehīṃ dvaṃdveṃ || 356 ||
mhaṇauni tayācyā ṭhāyīṃ | śeṇā sonayā viśeṣa nāhīṃ |
ratnā guṃḍeyā kāṃhīṃ | neṇije bhedu || 357 ||
ratnā guṃḍeyā kāṃhīṃ | neṇije bhedu || 357 ||
gharā yevoṃ pāṃ svarga | kāṃ varipaḍo vāgha |
parī ātmabuddhīsi bhaṃga | kadā navhe || 358 ||
parī ātmabuddhīsi bhaṃga | kadā navhe || 358 ||
nivaṭaleṃ na upavaḍe | jal̤īnaleṃ na virūḍhe |
sāmyabuddhī na moḍe | tayāparī || 359 ||
sāmyabuddhī na moḍe | tayāparī || 359 ||
hā brahmā aiseni stavijo | kāṃ nīca mhaṇauni niṃdijo |
parī neṇeṃ jal̤oṃ vijhoṃ | rākhoṃḍī jaisī || 360 ||
parī neṇeṃ jal̤oṃ vijhoṃ | rākhoṃḍī jaisī || 360 ||
taisī niṃdā āṇi stutī | naye koṇheci vyaktī |
nāhīṃ aṃdhāreṃ kāṃ vātī | sūryā gharīṃ || 361 ||
nāhīṃ aṃdhāreṃ kāṃ vātī | sūryā gharīṃ || 361 ||
mānāpamānayostulyastulyo mitrāripakṣayoḥ |
sarvārambhaparityāgī guṇātītaḥ sa ucyate || 25||
sarvārambhaparityāgī guṇātītaḥ sa ucyate || 25||
īśvara mhaṇauni pūjilā | kāṃ coru mhaṇauni gāṃjilā |
vṛṣagajīṃ veḍhilā | kelā rāvo || 362 ||
vṛṣagajīṃ veḍhilā | kelā rāvo || 362 ||
kāṃ suhṛda pāsīṃ āle | athavā vairī varapaḍe jāle |
parī neṇeṃ rātī pāhāleṃ | teja jevīṃ || 363 ||
parī neṇeṃ rātī pāhāleṃ | teja jevīṃ || 363 ||
sāhīṃ ṛtu yetāṃ ākāśeṃ | liṃpijeci nā jaiseṃ |
tevīṃ vaiśamya mānaseṃ | jāṇijenā || 364 ||
tevīṃ vaiśamya mānaseṃ | jāṇijenā || 364 ||
āṇīkahī eku pāhīṃ | ācāru tayācyā ṭhāyīṃ |
tarī vyāpārāsi nāhīṃ | jāleṃ dise || 365 ||
tarī vyāpārāsi nāhīṃ | jāleṃ dise || 365 ||
sarvāṃraṃbhā uṭakaleṃ | pravṛttīceṃ tetha māval̤ale |
jal̤atī gā karmaphal̤eṃ | te to āgī || 366 ||
jal̤atī gā karmaphal̤eṃ | te to āgī || 366 ||
dṛṣṭādṛṣṭāceni nāṃveṃ | bhāvoci jīvīṃ nugaveṃ |
sevī jeṃ kāṃ svabhāveṃ | paiṭheṃ hoye || 367 ||
sevī jeṃ kāṃ svabhāveṃ | paiṭheṃ hoye || 367 ||
sukhe nā śiṇe | pāṣāṇu kāṃ jeṇeṃ māneṃ |
taisī sāṃḍīmāṃḍī maneṃ | varjilī ase || 368 ||
taisī sāṃḍīmāṃḍī maneṃ | varjilī ase || 368 ||
ātāṃ kitī hā vistāru | jāṇeṃ aisā ācāru |
jayāteṃ toci sācāru | guṇātītu || 369 ||
jayāteṃ toci sācāru | guṇātītu || 369 ||
guṇāṃteṃ atikramaṇeṃ | ghaḍe upāyeṃ jeṇeṃ |
to ātāṃ āīka mhaṇe | śrīkṛṣṇanāthu || 370 ||
to ātāṃ āīka mhaṇe | śrīkṛṣṇanāthu || 370 ||
māṃ ca yo'vyabhicāreṇa bhaktiyogena sevate |
sa guṇānsamatītyaitān brahmabhūyāya kalpate || 26||
sa guṇānsamatītyaitān brahmabhūyāya kalpate || 26||
tarī vyabhicārarahita citteṃ | bhaktiyogeṃ māteṃ |
sevī to guṇāteṃ | jākal̤ūṃ śake || 371 ||
sevī to guṇāteṃ | jākal̤ūṃ śake || 371 ||
tarī koṇa mī kaisī bhaktī | avyabhicārā kāya vyaktī |
he āghavīci nirutī | hoāvī lāge || 372 ||
he āghavīci nirutī | hoāvī lāge || 372 ||
tarī pārthā pariyesā | mī taṃva yetha aisā |
ratnīṃ kil̤āvo jaisā | ratnaci kīṃ to || 373 ||
ratnīṃ kil̤āvo jaisā | ratnaci kīṃ to || 373 ||
kāṃ dravapaṇaci nīra | avakāśaci aṃbara |
goḍī teci sākhara | āna nāhīṃ || 374 ||
goḍī teci sākhara | āna nāhīṃ || 374 ||
vanhi teci jvāl̤a | dal̤āci nāṃva kamal̤a |
rūkha teṃci ḍāl̤a- | phal̤ādika || 375 ||
rūkha teṃci ḍāl̤a- | phal̤ādika || 375 ||
agā hima jeṃ ākarṣaleṃ | teṃci himavaṃta jevīṃ jāleṃ |
nānā dūdha murāleṃ | teṃci dahīṃ || 376 ||
nānā dūdha murāleṃ | teṃci dahīṃ || 376 ||
taiseṃ viśva yeṇeṃ nāṃveṃ | heṃ mīci paiṃ āghaveṃ |
gheīṃ caṃdrabiṃba solāveṃ | na lage jevīṃ || 377 ||
gheīṃ caṃdrabiṃba solāveṃ | na lage jevīṃ || 377 ||
ghṛtāceṃ thijaleṃpaṇa | na moḍitāṃ ghṛtaci jāṇa |
kāṃ nāṭitāṃ kāṃkaṇa | soneṃci teṃ || 378 ||
kāṃ nāṭitāṃ kāṃkaṇa | soneṃci teṃ || 378 ||
na ukalitāṃ paṭu | taṃtuci ase spaṣṭu |
na viravitāṃ ghaṭu | mṛttikā jevīṃ || 379 ||
na viravitāṃ ghaṭu | mṛttikā jevīṃ || 379 ||
mhaṇauni viśvapaṇa jāveṃ | maga taiṃ māteṃ gheyāveṃ |
taisā navhe āghaveṃ | sakaṭaci mī || 380 ||
taisā navhe āghaveṃ | sakaṭaci mī || 380 ||
aiseni māteṃ jāṇije | te avyabhicārī bhakti mhaṇije |
yetha bhedu kāṃhīṃ dekhije | tarī vyabhicāru to || 381 ||
yetha bhedu kāṃhīṃ dekhije | tarī vyabhicāru to || 381 ||
yākāraṇeṃ bhedāteṃ | sāṃḍūni abhedeṃ citteṃ |
āpaṇa sakaṭa māteṃ | jāṇāveṃ gā || 382 ||
āpaṇa sakaṭa māteṃ | jāṇāveṃ gā || 382 ||
pārthā sonayācī ṭikā | sonayāsī lāgalī dekhā |
taiseṃ āpaṇapeṃ āṇikā | mānāveṃ nā || 383 ||
taiseṃ āpaṇapeṃ āṇikā | mānāveṃ nā || 383 ||
tejācā tejauni nighālā | parī tejīṃci ase lāgalā |
tayā raśmī aisā bhalā | bodhu hoāvā || 384 ||
tayā raśmī aisā bhalā | bodhu hoāvā || 384 ||
paiṃ paramāṇu bhūtal̤īṃ | himakaṇu himācal̤īṃ |
majamājīṃ nyāhāl̤īṃ | ahaṃ taiseṃ || 385 ||
majamājīṃ nyāhāl̤īṃ | ahaṃ taiseṃ || 385 ||
ho kāṃ taraṃgu lahānu | parī siṃdhūsī nāhīṃ bhinnu |
taisā īśvarīṃ mī ānu | noheci gā || 386 ||
taisā īśvarīṃ mī ānu | noheci gā || 386 ||
aiseni bā samaraseṃ | dṛṣṭi je ulhāse |
te bhakti paiṃ aise | āmhī mhaṇoṃ || 387 ||
te bhakti paiṃ aise | āmhī mhaṇoṃ || 387 ||
āṇi jñānāceṃ cāṃgāveṃ | iyeci dṛṣṭi nāṃveṃ |
yogāceṃhī āghaveṃ | sarvasva heṃ || 388 ||
yogāceṃhī āghaveṃ | sarvasva heṃ || 388 ||
siṃdhū āṇi jal̤adharā- | mājīṃ lāgalī akhaṃḍa dhārā |
taisī vṛtti vīrā | pravarte te || 389 ||
taisī vṛtti vīrā | pravarte te || 389 ||
kāṃ kuhesīṃ ākāśā | toṃḍīṃ sāṃdā nāhīṃ taisā |
to paramapuruṣīṃ taisā | ekavaṭe gā || 390 ||
to paramapuruṣīṃ taisā | ekavaṭe gā || 390 ||
pratibiṃbauni biṃbavarī | prabhecī jaisī ujarī |
te so'haṃvṛttī avadhārīṃ | taisī hoya || 391 ||
te so'haṃvṛttī avadhārīṃ | taisī hoya || 391 ||
aiseni maga paraspareṃ | te so'haṃvṛtti jaiṃ avatare |
taiṃ tiyehi sakaṭa sare | apaisayā || 392 ||
taiṃ tiyehi sakaṭa sare | apaisayā || 392 ||
jaisā saiṃdhavācā ravā | siṃdhūmājīṃ pāṃḍavā |
virāleyā viravāvā | heṃhī ṭhāke || 393 ||
virāleyā viravāvā | heṃhī ṭhāke || 393 ||
nātarī jāl̤ūni tṛṇa | vanhihī vijhe āpaṇa |
taiseṃ bhedu nāśūni jāṇa | jñānahī nure || 394 ||
taiseṃ bhedu nāśūni jāṇa | jñānahī nure || 394 ||
mājheṃ pailapaṇa jāye | bhakta heṃ ailapaṇa ṭhāye |
anādi aikya jeṃ āhe | teṃci nivaḍe || 395 ||
anādi aikya jeṃ āhe | teṃci nivaḍe || 395 ||
ātāṃ guṇāteṃ to kirīṭī | jiṇe yā navhatī goṣṭī |
je ekapaṇāhī miṭhī | paḍoṃ saralī || 396 ||
je ekapaṇāhī miṭhī | paḍoṃ saralī || 396 ||
kiṃbahunā aisī daśā | teṃ brahmatva gā sudaṃśā |
heṃ to pāveṃ jo aisā | māteṃ bhaje || 397 ||
heṃ to pāveṃ jo aisā | māteṃ bhaje || 397 ||
puḍhatīṃ ihīṃ liṃgīṃ | bhaktu jo mājhā jagīṃ |
he brahmatā tayālāgīṃ | pativratā || 398 ||
he brahmatā tayālāgīṃ | pativratā || 398 ||
jaiseṃ gaṃgeceni vogheṃ | ḍal̤amal̤ita jal̤a jeṃ nighe |
siṃdhupada tayājogeṃ | āna nāhīṃ || 399 ||
siṃdhupada tayājogeṃ | āna nāhīṃ || 399 ||
taisā jñānāciyā diṭhī | jo māteṃ sevī kirīṭī |
to hoya brahmatecyā mukuṭīṃ | cūḍāratna || 400 ||
to hoya brahmatecyā mukuṭīṃ | cūḍāratna || 400 ||
yayā brahmatvāsīci pārthā | sāyujya aisī vyavasthā |
yāci nāṃveṃ cauthā | puruṣārtha gā || 401 ||
yāci nāṃveṃ cauthā | puruṣārtha gā || 401 ||
parī mājheṃ ārādhana | brahmatvīṃ hoya sopāna |
etha mī hana sādhana | gamena ho || 402 ||
etha mī hana sādhana | gamena ho || 402 ||
tarī jhaṇīṃ aiseṃ | tujhyā cittīṃ paiseṃ |
paiṃ brahma āna nase | mīvāṃcūni || 403 ||
paiṃ brahma āna nase | mīvāṃcūni || 403 ||
brahmaṇo hi pratiṣṭhāhamamṛtasyāvyayasya ca |
śāśvatasya ca dharmasya sukhasyaikāntikasya ca || 27||
śāśvatasya ca dharmasya sukhasyaikāntikasya ca || 27||
oṃ tatsaditi śrīmadbhagavadgītāsūpaniṣatsu brahmavidyāyāṃ yogaśāstre
śrīkṛṣṇārjunasaṃvāde guṇatrayavibhāgayogonāma caturdaśo'dhyāyaḥ || 14 ||
śrīkṛṣṇārjunasaṃvāde guṇatrayavibhāgayogonāma caturdaśo'dhyāyaḥ || 14 ||
agā brahma yā nāṃvā | abhiprāyo mī pāṃḍavā |
mīci bolije āghavā | śabdīṃ ihīṃ || 404 ||
mīci bolije āghavā | śabdīṃ ihīṃ || 404 ||
paiṃ maṃḍal̤a āṇi caṃdramā | donhī navhatī suvarmā |
taisā maja āṇi brahmā | bhedu nāhīṃ || 405 ||
taisā maja āṇi brahmā | bhedu nāhīṃ || 405 ||
agā nitya jeṃ niṣkaṃpa | anāvṛta dharmarūpa |
sukha jeṃ umapa | advitīya || 406 ||
sukha jeṃ umapa | advitīya || 406 ||
viveku āpaleṃ kāma | sārūni ṭhākī jeṃ dhāma |
niṣkarṣāceṃ niḥsīma | kiṃbahunā mī || 407 ||
niṣkarṣāceṃ niḥsīma | kiṃbahunā mī || 407 ||
aiseseṃ ho avadhārā | to ananyācā soyarā |
sāṃgatase vīrā | pārthāsī || 408 ||
sāṃgatase vīrā | pārthāsī || 408 ||
yetha dhṛtarāṣṭra mhaṇe | saṃjayā heṃ tūteṃ koṇeṃ |
pusaleniviṇa vāyāṇeṃ | kāṃ bolasī ? || 409 ||
pusaleniviṇa vāyāṇeṃ | kāṃ bolasī ? || 409 ||
mājhī avasarī te pheḍī | vijayācī sāṃgeṃ guḍhī |
yeru jīvīṃ mhaṇe sāṃḍīṃ | goṭhī yiyā || 410 ||
yeru jīvīṃ mhaṇe sāṃḍīṃ | goṭhī yiyā || 410 ||
saṃjayo vismayo mānasīṃ | āhā karūni rasarasī |
mhaṇe kaiseṃ pāṃ deveṃsī | dvaṃdva yayā ? || 411 ||
mhaṇe kaiseṃ pāṃ deveṃsī | dvaṃdva yayā ? || 411 ||
tarī to kṛpāl̤u tuṣṭo | yayā viveku hā ghoṃṭo |
mohācā phiṭo | mahārogu || 412 ||
mohācā phiṭo | mahārogu || 412 ||
saṃjayo aiseṃ ciṃtitāṃ | saṃvādu to sāṃbhāl̤itāṃ |
harikhācā yetu cittā | mahāpūru || 413 ||
harikhācā yetu cittā | mahāpūru || 413 ||
mhaṇauni ātāṃ yeṇeṃ | utsāhāceni avataraṇeṃ |
śrīkṛṣṇāceṃ bolaṇeṃ | sāṃgijaila || 414 ||
śrīkṛṣṇāceṃ bolaṇeṃ | sāṃgijaila || 414 ||
tayā akṣarāāṃtīla bhāvo | pāvavīna mī tumacā ṭhāvo |
āikā mhaṇe jñānadevo | nivṛttīcā || 415 ||
āikā mhaṇe jñānadevo | nivṛttīcā || 415 ||
iti śrījñānadevaviracitāyāṃ bhāvārthadīpikāyāṃ
guṇatrayavibhāgayogonāma caturdaśo'dhyāyaḥ ||
guṇatrayavibhāgayogonāma caturdaśo'dhyāyaḥ ||