গোপ্য ঊচুঃ ।
জযতি তেঽধিকং জন্মনা ৱ্ৰজঃ
শ্ৰযত ইন্দিৰা শশ্ৱদত্ৰ হি ।
দযিত দৃশ্যতাং দিক্ষু তাৱকা-
স্ত্ৱযি ধৃতাসৱস্ত্ৱাং ৱিচিন্ৱতে ॥ ১॥
জযতি তেঽধিকং জন্মনা ৱ্ৰজঃ
শ্ৰযত ইন্দিৰা শশ্ৱদত্ৰ হি ।
দযিত দৃশ্যতাং দিক্ষু তাৱকা-
স্ত্ৱযি ধৃতাসৱস্ত্ৱাং ৱিচিন্ৱতে ॥ ১॥
শৰদুদাশযে সাধুজাতস-
ত্সৰসিজোদৰশ্ৰীমুষা দৃশা ।
সুৰতনাথ তেঽশুল্কদাসিকা
ৱৰদ নিঘ্নতো নেহ কিং ৱধঃ ॥ ২॥
ত্সৰসিজোদৰশ্ৰীমুষা দৃশা ।
সুৰতনাথ তেঽশুল্কদাসিকা
ৱৰদ নিঘ্নতো নেহ কিং ৱধঃ ॥ ২॥
ৱিষজলাপ্যযাদ্ৱ্যালৰাক্ষসা-
দ্ৱৰ্ষমাৰুতাদ্ৱৈদ্যুতানলাত্ ।
ৱৃষমযাত্মজাদ্ৱিশ্ৱতোভযা-
দৃষভ তে ৱযং ৰক্ষিতা মুহুঃ ॥ ৩॥
দ্ৱৰ্ষমাৰুতাদ্ৱৈদ্যুতানলাত্ ।
ৱৃষমযাত্মজাদ্ৱিশ্ৱতোভযা-
দৃষভ তে ৱযং ৰক্ষিতা মুহুঃ ॥ ৩॥
ন খলু গোপিকানন্দনো ভৱা-
নখিলদেহিনামন্তৰাত্মদৃক্ ।
ৱিখনসাৰ্থিতো ৱিশ্ৱগুপ্তযে
সখ উদেযিৱান্সাত্ৱতাং কুলে ॥ ৪॥
নখিলদেহিনামন্তৰাত্মদৃক্ ।
ৱিখনসাৰ্থিতো ৱিশ্ৱগুপ্তযে
সখ উদেযিৱান্সাত্ৱতাং কুলে ॥ ৪॥
ৱিৰচিতাভযং ৱৃষ্ণিধুৰ্য তে
চৰণমীযুষাং সংসৃতেৰ্ভযাত্ ।
কৰসৰোৰুহং কান্ত কামদং
শিৰসি ধেহি নঃ শ্ৰীকৰগ্ৰহম্ ॥ ৫॥
চৰণমীযুষাং সংসৃতেৰ্ভযাত্ ।
কৰসৰোৰুহং কান্ত কামদং
শিৰসি ধেহি নঃ শ্ৰীকৰগ্ৰহম্ ॥ ৫॥
ৱ্ৰজজনাৰ্তিহন্ৱীৰ যোষিতাং
নিজজনস্মযধ্ৱংসনস্মিত ।
ভজ সখে ভৱত্কিঙ্কৰীঃ স্ম নো
জলৰুহাননং চাৰু দৰ্শয ॥ ৬॥
নিজজনস্মযধ্ৱংসনস্মিত ।
ভজ সখে ভৱত্কিঙ্কৰীঃ স্ম নো
জলৰুহাননং চাৰু দৰ্শয ॥ ৬॥
প্ৰণতদেহিনাং পাপকৰ্শনং
তৃণচৰানুগং শ্ৰীনিকেতনম্ ।
ফণিফণাৰ্পিতং তে পদাম্বুজং
কৃণু কুচেষু নঃ কৃন্ধি হৃচ্ছযম্ ॥ ৭॥
তৃণচৰানুগং শ্ৰীনিকেতনম্ ।
ফণিফণাৰ্পিতং তে পদাম্বুজং
কৃণু কুচেষু নঃ কৃন্ধি হৃচ্ছযম্ ॥ ৭॥
মধুৰযা গিৰা ৱল্গুৱাক্যযা
বুধমনোজ্ঞযা পুষ্কৰেক্ষণ ।
ৱিধিকৰীৰিমা ৱীৰ মুহ্যতী-
ৰধৰসীধুনাঽঽপ্যাযযস্ৱ নঃ ॥ ৮॥
বুধমনোজ্ঞযা পুষ্কৰেক্ষণ ।
ৱিধিকৰীৰিমা ৱীৰ মুহ্যতী-
ৰধৰসীধুনাঽঽপ্যাযযস্ৱ নঃ ॥ ৮॥
তৱ কথামৃতং তপ্তজীৱনং
কৱিভিৰীডিতং কল্মষাপহম্ ।
শ্ৰৱণমঙ্গলং শ্ৰীমদাততং
ভুৱি গৃণন্তি তে ভূৰিদা জনাঃ ॥ ৯॥
কৱিভিৰীডিতং কল্মষাপহম্ ।
শ্ৰৱণমঙ্গলং শ্ৰীমদাততং
ভুৱি গৃণন্তি তে ভূৰিদা জনাঃ ॥ ৯॥
প্ৰহসিতং প্ৰিয প্ৰেমৱীক্ষণং
ৱিহৰণং চ তে ধ্যানমঙ্গলম্ ।
ৰহসি সংৱিদো যা হৃদিস্পৃশঃ
কুহক নো মনঃ ক্ষোভযন্তি হি ॥ ১০॥
ৱিহৰণং চ তে ধ্যানমঙ্গলম্ ।
ৰহসি সংৱিদো যা হৃদিস্পৃশঃ
কুহক নো মনঃ ক্ষোভযন্তি হি ॥ ১০॥
চলসি যদ্ৱ্ৰজাচ্চাৰযন্পশূন্
নলিনসুন্দৰং নাথ তে পদম্ ।
শিলতৃণাঙ্কুৰৈঃ সীদতীতি নঃ
কলিলতাং মনঃ কান্ত গচ্ছতি ॥ ১১॥
নলিনসুন্দৰং নাথ তে পদম্ ।
শিলতৃণাঙ্কুৰৈঃ সীদতীতি নঃ
কলিলতাং মনঃ কান্ত গচ্ছতি ॥ ১১॥
দিনপৰিক্ষযে নীলকুন্তলৈ-
ৰ্ৱনৰুহাননং বিভ্ৰদাৱৃতম্ ।
ঘনৰজস্ৱলং দৰ্শযন্মুহু-
ৰ্মনসি নঃ স্মৰং ৱীৰ যচ্ছসি ॥ ১২॥
ৰ্ৱনৰুহাননং বিভ্ৰদাৱৃতম্ ।
ঘনৰজস্ৱলং দৰ্শযন্মুহু-
ৰ্মনসি নঃ স্মৰং ৱীৰ যচ্ছসি ॥ ১২॥
প্ৰণতকামদং পদ্মজাৰ্চিতং
ধৰণিমণ্ডনং ধ্যেযমাপদি ।
চৰণপঙ্কজং শন্তমং চ তে
ৰমণ নঃ স্তনেষ্ৱৰ্পযাধিহন্ ॥ ১৩॥
ধৰণিমণ্ডনং ধ্যেযমাপদি ।
চৰণপঙ্কজং শন্তমং চ তে
ৰমণ নঃ স্তনেষ্ৱৰ্পযাধিহন্ ॥ ১৩॥
সুৰতৱৰ্ধনং শোকনাশনং
স্ৱৰিতৱেণুনা সুষ্ঠু চুম্বিতম্ ।
ইতৰৰাগৱিস্মাৰণং নৃণাং
ৱিতৰ ৱীৰ নস্তেঽধৰামৃতম্ ॥ ১৪॥
স্ৱৰিতৱেণুনা সুষ্ঠু চুম্বিতম্ ।
ইতৰৰাগৱিস্মাৰণং নৃণাং
ৱিতৰ ৱীৰ নস্তেঽধৰামৃতম্ ॥ ১৪॥
অটতি যদ্ভৱানহ্নি কাননং
ত্ৰুটিৰ্যুগাযতে ত্ৱামপশ্যতাম্ ।
কুটিলকুন্তলং শ্ৰীমুখং চ তে
জড উদীক্ষতাং পক্ষ্মকৃদ্দৃশাম্ ॥ ১৫॥
ত্ৰুটিৰ্যুগাযতে ত্ৱামপশ্যতাম্ ।
কুটিলকুন্তলং শ্ৰীমুখং চ তে
জড উদীক্ষতাং পক্ষ্মকৃদ্দৃশাম্ ॥ ১৫॥
পতিসুতান্ৱযভ্ৰাতৃবান্ধৱা-
নতিৱিলঙ্ঘ্য তেঽন্ত্যচ্যুতাগতাঃ ।
গতিৱিদস্তৱোদ্গীতমোহিতাঃ
কিতৱ যোষিতঃ কস্ত্যজেন্নিশি ॥ ১৬॥
নতিৱিলঙ্ঘ্য তেঽন্ত্যচ্যুতাগতাঃ ।
গতিৱিদস্তৱোদ্গীতমোহিতাঃ
কিতৱ যোষিতঃ কস্ত্যজেন্নিশি ॥ ১৬॥
ৰহসি সংৱিদং হৃচ্ছযোদযং
প্ৰহসিতাননং প্ৰেমৱীক্ষণম্ ।
বৃহদুৰঃ শ্ৰিযো ৱীক্ষ্য ধাম তে
মুহুৰতিস্পৃহা মুহ্যতে মনঃ ॥ ১৭॥
প্ৰহসিতাননং প্ৰেমৱীক্ষণম্ ।
বৃহদুৰঃ শ্ৰিযো ৱীক্ষ্য ধাম তে
মুহুৰতিস্পৃহা মুহ্যতে মনঃ ॥ ১৭॥
ৱ্ৰজৱনৌকসাং ৱ্যক্তিৰঙ্গ তে
ৱৃজিনহন্ত্ৰ্যলং ৱিশ্ৱমঙ্গলম্ ।
ত্যজ মনাক্ চ নস্ত্ৱত্স্পৃহাত্মনাং
স্ৱজনহৃদ্ৰুজাং যন্নিষূদনম্ ॥ ১৮॥
ৱৃজিনহন্ত্ৰ্যলং ৱিশ্ৱমঙ্গলম্ ।
ত্যজ মনাক্ চ নস্ত্ৱত্স্পৃহাত্মনাং
স্ৱজনহৃদ্ৰুজাং যন্নিষূদনম্ ॥ ১৮॥
যত্তে সুজাতচৰণাম্বুৰুহং স্তনেষু
ভীতাঃ শনৈঃ প্ৰিয দধীমহি কৰ্কশেষু ।
তেনাটৱীমটসি তদ্ৱ্যথতে ন কিংস্ৱিত্
কূৰ্পাদিভিৰ্ভ্ৰমতি ধীৰ্ভৱদাযুষাং নঃ ॥ ১৯॥
ভীতাঃ শনৈঃ প্ৰিয দধীমহি কৰ্কশেষু ।
তেনাটৱীমটসি তদ্ৱ্যথতে ন কিংস্ৱিত্
কূৰ্পাদিভিৰ্ভ্ৰমতি ধীৰ্ভৱদাযুষাং নঃ ॥ ১৯॥
ইতি শ্ৰীমদ্ভাগৱত মহাপুৰাণে পাৰমহংস্যাং সংহিতাযাং
দশমস্কন্ধে পূৰ্ৱাৰ্ধে ৰাসক্ৰীডাযাং গোপীগীতং নামৈকত্ৰিংশোঽধ্যাযঃ ॥
দশমস্কন্ধে পূৰ্ৱাৰ্ধে ৰাসক্ৰীডাযাং গোপীগীতং নামৈকত্ৰিংশোঽধ্যাযঃ ॥