Lord Narasimha

શ્રી લક્ષ્મીનૃસિંહ કરાવલમ્બ સ્તોત્રમ્

(Lakshmi Narasimha Karavalambam in Gujarati)

(શ્રીમત્પયોનિધિનિકેતન ચક્રપાણે ભોગીન્દ્રભોગમણિરઞ્જિતપુણ્યમૂર્તે)

Language:Sanskrit
Translation:English

Narasimha is a fierce avatar of the Hindu god Vishnu, one who incarnates in the form of part lion and part man to destroy evil and end religious persecution and calamity on Earth, thereby restoring Dharma. This stotra is composed by Sri Adi Shankaracharya.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
શ્રીમત્પયોનિધિનિકેતન ચક્રપાણે
ભોગીન્દ્રભોગમણિરઞ્જિતપુણ્યમૂર્તે ।
યોગીશ શાશ્વત શરણ્ય ભવાબ્ધિપોત
લક્ષ્મીનૃસિંહ મમ દેહિ કરાવલમ્બમ્ ॥૧॥
બ્રહ્મેન્દ્રરુદ્રમરુદર્કકિરીટકોટિ_
સઙ્ઘટ્ટિતાઙ્ઘ્રિકમલામલકાન્તિકાન્ત ।
લક્ષ્મીલસત્કુચસરોરુહરાજહંસ
લક્ષ્મીનૃસિંહ મમ દેહિ કરાવલમ્બમ્ ॥૨॥
સંસારઘોરગહને ચરતો મુરારે
મારોગ્રભીકરમૃગપ્રવરાર્દિતસ્ય ।
આર્તસ્ય મત્સરનિદાઘનિપીડિતસ્ય
લક્ષ્મીનૃસિંહ મમ દેહિ કરાવલમ્બમ્ ॥૩॥
સંસારકૂપમતિઘોરમગાધમૂલં
સમ્પ્રાપ્ય દુઃખશતસર્પસમાકુલસ્ય ।
દીનસ્ય દેવ કૃપણાપદમાગતસ્ય
લક્ષ્મીનૃસિંહ મમ દેહિ કરાવલમ્બમ્ ॥૪॥
સંસારસાગરવિશાલકરાલકાલ_
નક્રગ્રહગ્રસનનિગ્રહવિગ્રહસ્ય ।
વ્યગ્રસ્ય રાગરસનોર્મિનિપીડિતસ્ય
લક્ષ્મીનૃસિંહ મમ દેહિ કરાવલમ્બમ્ ॥૫॥
સંસારવૃક્ષમઘબીજમનન્તકર્મ_
શાખાશતં કરણપત્રમનઙ્ગપુષ્પમ્ ।
આરુહ્ય દુઃખફલિતં પતતો દયાલો
લક્ષ્મીનૃસિંહ મમ દેહિ કરાવલમ્બમ્ ॥૬॥
સંસારસર્પઘનવક્ત્રભયોગ્રતીવ્ર_
દંષ્ટ્રાકરાલવિષદગ્ધવિનષ્ટમૂર્તેઃ ।
નાગારિવાહન સુધાબ્ધિનિવાસ શૌરે
લક્ષ્મીનૃસિંહ મમ દેહિ કરાવલમ્બમ્ ॥૭॥
સંસારદાવદહનાતુરભીકરોરુ_
જ્વાલાવલીભિરતિદગ્ધતનૂરુહસ્ય ।
ત્વત્પાદપદ્મસરસીશરણાગતસ્ય
લક્ષ્મીનૃસિંહ મમ દેહિ કરાવલમ્બમ્ ॥૮॥
સંસારજાલપતિતસ્ય જગન્નિવાસ
સર્વેન્દ્રિયાર્તવડિશાર્થઝષોપમસ્ય ।
પ્રોત્ખણ્ડિતપ્રચુરતાલુકમસ્તકસ્ય
લક્ષ્મીનૃસિંહ મમ દેહિ કરાવલમ્બમ્ ॥૯॥
સંસારભીકરકરીન્દ્રકરાભિઘાત_
નિષ્પિષ્ટમર્મવપુષઃ સકલાર્તિનાશ ।
પ્રાણપ્રયાણભવભીતિસમાકુલસ્ય
લક્ષ્મીનૃસિંહ મમ દેહિ કરાવલમ્બમ્ ॥૧૦॥
અન્ધસ્ય મે હૃતવિવેકમહાધનસ્ય
ચોરૈઃ પ્રભો બલિભિરિન્દ્રિયનામધેયૈઃ ।
મોહાન્ધકૂપકુહરે વિનિપાતિતસ્ય
લક્ષ્મીનૃસિંહ મમ દેહિ કરાવલમ્બમ્ ॥૧૧॥
લક્ષ્મીપતે કમલનાભ સુરેશ વિષ્ણો
વૈકુણ્ઠ કૃષ્ણ મધુસૂદન પુષ્કરાક્ષ ।
બ્રહ્મણ્ય કેશવ જનાર્દન વાસુદેવ
દેવેશ દેહિ કૃપણસ્ય કરાવલમ્બમ્ ॥૧૨॥
યન્માયયોર્જિતવપુઃપ્રચુરપ્રવાહ_
મગ્નાર્થમત્ર નિવહોરુકરાવલમ્બમ્ ।
લક્ષ્મીનૃસિંહચરણાબ્જમધુવ્રતેન
સ્તોત્રં કૃતં સુખકરં ભુવિ શઙ્કરેણ ॥૧૩॥

More Narasimha Stotras

श्रीलक्ष्मीनृसिंहसहस्रनाम स्तोत्रम्
Lakshmi Narasimha Sahasranama
मृत्युञ्जय स्तोत्रम् (नरसिंह पुराण)
Mrtyunjaya Stotram Narasimha Purana
नरहर्यष्टकम्
Narahari Ashtakam
श्रीनृसिंहाष्टकम्
Narasimha Ashtakam
नरसिंह चालीसा
Narasimha Chalisa
श्रीनृसिंहकवचम्
Narasimha Kavacham
श्रीनृसिंह प्रपत्तिः
Narasimha Prapatti
श्री ऋणमोचन नृसिंह स्तोत्रम्
Narasimha Runavimochana
View All Narasimha Collection →

Explore More

Narasimha CollectionWealthObstaclesHealthProtectionWisdomHome