What is Mritasanjivana Kavacha Stotram?

Read Mritasanjivana Kavacha Stotram in Gujarati script — full lyrics with English meaning and transliteration. The Mritasanjivana Kavacha is a potent protective hymn dedicated to Lord Shiva, the conqueror of death, known as Mrityunjaya. Originating from the sacred Rudrayamala Tantra, this stotra acts as a spiritual armor for the devotee. Chanting this sacred text is believed to bestow longevity, dissolve the fear of death, and grant relief from grave illnesses and calamities. It invokes the divine grace of Lord Shiva to shield the practitioner from negativity, ensuring both physical vitality and spiritual liberation. Regular recitation is said to be among the most meritorious practices for gaining the protection of the Supreme Being.

Which deity is Mritasanjivana Kavacha Stotram dedicated to?

Mritasanjivana Kavacha Stotram is a Sanskrit hymn dedicated to Lord Shiva.

Who composed Mritasanjivana Kavacha Stotram?

Mritasanjivana Kavacha Stotram is traditionally attributed to From Rudrayamala Tantra.

Mritasanjivana Kavacha Stotram in Gujarati – Lyrics

એવમારાધ્ય ગૌરીશં દેવં મૃત્યુઞ્જયેશ્વરમ્ ।
મૃતસઞ્જીવનં નામ્ના કવચં પ્રજપેત્ સદા ॥ 1 ॥

સારાત્સારતરં પુણ્યં ગુહ્યાદ્ગુહ્યતરં શુભમ્ ।
મહાદેવસ્ય કવચં મૃતસઞ્જીવનામકમ્ ॥ 2 ॥

સમાહિતમના ભૂત્વા શૃણુષ્વ કવચં શુભમ્ ।
શૃત્વૈતદ્દિવ્ય કવચં રહસ્યં કુરુ સર્વદા ॥ 3 ॥

વરાભયકરો યજ્વા સર્વદેવનિષેવિતઃ ।
મૃત્યુઞ્જયો મહાદેવઃ પ્રાચ્યાં માં પાતુ સર્વદા ॥ 4 ॥

દધાનઃ શક્તિમભયાં ત્રિમુખં ષડ્ભુજઃ પ્રભુઃ ।
સદાશિવોઽગ્નિરૂપી મામાગ્નેય્યાં પાતુ સર્વદા ॥ 5 ॥

અષ્ટાદશભુજોપેતો દણ્ડાભયકરો વિભુઃ ।
યમરૂપી મહાદેવો દક્ષિણસ્યાં સદાવતુ ॥ 6 ॥

ખડ્ગાભયકરો ધીરો રક્ષોગણનિષેવિતઃ ।
રક્ષોરૂપી મહેશો માં નૈરૃત્યાં સર્વદાવતુ ॥ 7 ॥

પાશાભયભુજઃ સર્વરત્નાકરનિષેવિતઃ ।
વરુણાત્મા મહાદેવઃ પશ્ચિમે માં સદાવતુ ॥ 8 ॥

ગદાભયકરઃ પ્રાણનાયકઃ સર્વદાગતિઃ ।
વાયવ્યાં મારુતાત્મા માં શઙ્કરઃ પાતુ સર્વદા ॥ 9 ॥

શઙ્ખાભયકરસ્થો માં નાયકઃ પરમેશ્વરઃ ।
સર્વાત્માન્તરદિગ્ભાગે પાતુ માં શઙ્કરઃ પ્રભુઃ ॥ 10 ॥

શૂલાભયકરઃ સર્વવિદ્યાનામધિનાયકઃ ।
ઈશાનાત્મા તથૈશાન્યાં પાતુ માં પરમેશ્વરઃ ॥ 11 ॥

ઊર્ધ્વભાગે બ્રહ્મરૂપી વિશ્વાત્માધઃ સદાવતુ ।
શિરો મે શઙ્કરઃ પાતુ લલાટં ચન્દ્રશેખરઃ ॥ 12 ॥

ભ્રૂમધ્યં સર્વલોકેશસ્ત્રિનેત્રો લોચનેઽવતુ ।
ભ્રૂયુગ્મં ગિરિશઃ પાતુ કર્ણૌ પાતુ મહેશ્વરઃ ॥ 13 ॥

નાસિકાં મે મહાદેવ ઓષ્ઠૌ પાતુ વૃષધ્વજઃ ।
જિહ્વાં મે દક્ષિણામૂર્તિર્દન્તાન્મે ગિરિશોઽવતુ ॥ 14 ॥

મૃત્યુઞ્જયો મુખં પાતુ કણ્ઠં મે નાગભૂષણઃ ।
પિનાકિ મત્કરૌ પાતુ ત્રિશૂલિ હૃદયં મમ ॥ 15 ॥

પઞ્ચવક્ત્રઃ સ્તનૌ પાતુ ઉદરં જગદીશ્વરઃ ।
નાભિં પાતુ વિરૂપાક્ષઃ પાર્શ્વૌ મે પાર્વતીપતિઃ ॥ 16 ॥

કટદ્વયં ગિરીશો મે પૃષ્ઠં મે પ્રમથાધિપઃ ।
ગુહ્યં મહેશ્વરઃ પાતુ મમોરૂ પાતુ ભૈરવઃ ॥ 17 ॥

જાનુની મે જગદ્ધર્તા જઙ્ઘે મે જગદમ્બિકા ।
પાદૌ મે સતતં પાતુ લોકવન્દ્યઃ સદાશિવઃ ॥ 18 ॥

ગિરિશઃ પાતુ મે ભાર્યાં ભવઃ પાતુ સુતાન્મમ ।
મૃત્યુઞ્જયો મમાયુષ્યં ચિત્તં મે ગણનાયકઃ ॥ 19 ॥

સર્વાઙ્ગં મે સદા પાતુ કાલકાલઃ સદાશિવઃ ।
એતત્તે કવચં પુણ્યં દેવતાનાં ચ દુર્લભમ્ ॥ 20 ॥

મૃતસઞ્જીવનં નામ્ના મહાદેવેન કીર્તિતમ્ ।
સહસ્રાવર્તનં ચાસ્ય પુરશ્ચરણમીરિતમ્ ॥ 21 ॥

યઃ પઠેચ્ચૃણુયાન્નિત્યં શ્રાવયેત્સુ સમાહિતઃ ।
સ કાલમૃત્યું નિર્જિત્ય સદાયુષ્યં સમશ્નુતે ॥ 22 ॥

હસ્તેન વા યદા સ્પૃષ્ટ્વા મૃતં સઞ્જીવયત્યસૌ ।
આધયોવ્યાધયસ્તસ્ય ન ભવન્તિ કદાચન ॥ 23 ॥

કાલમૃત્યુમપિ પ્રાપ્તમસૌ જયતિ સર્વદા ।
અણિમાદિગુણૈશ્વર્યં લભતે માનવોત્તમઃ ॥ 24 ॥

યુદ્ધારમ્ભે પઠિત્વેદમષ્ટાવિંશતિવારકમ્ ।
યુદ્ધમધ્યે સ્થિતઃ શત્રુઃ સદ્યઃ સર્વૈર્ન દૃશ્યતે ॥ 25 ॥

ન બ્રહ્માદીનિ ચાસ્ત્રાણિ ક્ષયં કુર્વન્તિ તસ્ય વૈ ।
વિજયં લભતે દેવયુદ્ધમધ્યેઽપિ સર્વદા ॥ 26 ॥

પ્રાતરુત્થાય સતતં યઃ પઠેત્કવચં શુભમ્ ।
અક્ષય્યં લભતે સૌખ્યમિહલોકે પરત્ર ચ ॥ 27 ॥

સર્વવ્યાધિવિનિર્મુક્તઃ સર્વરોગવિવર્જિતઃ ।
અજરામરણો ભૂત્વા સદા ષોડશવાર્ષિકઃ ॥ 28 ॥

વિચરત્યખિલાન્લોકાન્પ્રાપ્ય ભોગાંશ્ચ દુર્લભાન્ ।
તસ્માદિદં મહાગોપ્યં કવચં સમુદાહૃતમ્ ॥ 29 ॥

મૃતસઞ્જીવનં નામ્ના દેવતૈરપિ દુર્લભમ્ ॥ 30 ॥

ઇતિ વસિષ્ઠ કૃત મૃતસઞ્જીવન કવચ સ્તોત્રમ્ ॥

More Shiva Stotras

Explore More