॥ মুক্তকমঙ্গলম্ ॥
শ্রীশৈলেশদযাপাত্রং ধীভক্ত্যাদিগুণার্ণবম্ ।
যতীন্দ্রপ্রবণং বন্দে রম্যজামাতরং মুনিম্ ॥
যতীন্দ্রপ্রবণং বন্দে রম্যজামাতরং মুনিম্ ॥
লক্ষ্মীচরণলাক্ষাঙ্কসাক্ষী শ্রীবত্সবক্ষসে ।
ক্ষেমংকরায সর্বেষাং শ্রীরঙ্গেশায মঙ্গলম্ ॥ ১ ॥
ক্ষেমংকরায সর্বেষাং শ্রীরঙ্গেশায মঙ্গলম্ ॥ ১ ॥
শ্রিযঃকান্তায কল্যাণনিধযে নিধযেঽর্থিনাম্ ।
শ্রীবেঙ্কটনিবাসায শ্রীনিবাসায মঙ্গলম্ ॥ ২ ॥
শ্রীবেঙ্কটনিবাসায শ্রীনিবাসায মঙ্গলম্ ॥ ২ ॥
অস্তু শ্রীস্তনকস্তূরীবাসনাবাসিতোরসে ।
শ্রীহস্তিগিরিনাথায দেবরাজায মঙ্গলম্ ॥ ৩ ॥
শ্রীহস্তিগিরিনাথায দেবরাজায মঙ্গলম্ ॥ ৩ ॥
কমলাকুচকস্তূরীকর্দমাঙ্কিতবক্ষসে ।
যাদবাদ্রিনিবাসায সম্পত্পুত্রায মঙ্গলম্ ॥ ৪ ॥
যাদবাদ্রিনিবাসায সম্পত্পুত্রায মঙ্গলম্ ॥ ৪ ॥
শ্রীনগর্যাং মহাপুর্যাং তাম্রপর্ণ্যুত্তরে তটে ।
শ্রীতিন্ত্রিণীমূলধাম্নে শঠকোপায মঙ্গলম্ ॥ ৫ ॥
শ্রীতিন্ত্রিণীমূলধাম্নে শঠকোপায মঙ্গলম্ ॥ ৫ ॥
শ্রীমত্যৈ বিষ্ণুচিত্তার্যমনোনন্দনহেতবে ।
নন্দনন্দনসুন্দর্যৈ গোদাযৈ নিত্যমঙ্গলম্ ॥ ৬ ॥
নন্দনন্দনসুন্দর্যৈ গোদাযৈ নিত্যমঙ্গলম্ ॥ ৬ ॥
শ্রীমন্মহাভূতপুরে শ্রীমত্কেশবযজ্বনঃ ।
কান্তিমত্যাং প্রসূতায যতিরাজায মঙ্গলম্ ॥ ৭ ॥
কান্তিমত্যাং প্রসূতায যতিরাজায মঙ্গলম্ ॥ ৭ ॥
মঙ্গলাশাসনপরৈঃ মদাচর্যপুরোগমৈঃ ।
সর্বৈশ্চ পূর্বৈরাচার্যৈঃ সত্কৃতাযাস্তু মঙ্গলম্ ॥ ৮ ॥
সর্বৈশ্চ পূর্বৈরাচার্যৈঃ সত্কৃতাযাস্তু মঙ্গলম্ ॥ ৮ ॥
পিত্রে ব্রহ্মোপদেষ্ট্রে মে গুরবে দৈবতায চ ।
প্রাপ্যায প্রাপকাযাঽস্তু বেঙ্কটেশায মঙ্গলম্ ॥ ৯ ॥
প্রাপ্যায প্রাপকাযাঽস্তু বেঙ্কটেশায মঙ্গলম্ ॥ ৯ ॥
শ্রীমতে রম্যজামাতৃ মুনীন্দ্রায মহাত্মনে ।
শ্রীরঙ্গবাসিনে ভূযাত্ নিত্যশ্রীঃ নিত্যমঙ্গলম্ ॥ ১০ ॥
শ্রীরঙ্গবাসিনে ভূযাত্ নিত্যশ্রীঃ নিত্যমঙ্গলম্ ॥ ১০ ॥
॥ ইতি শ্রীবরবরমুনি কৃত মুক্তক মঙ্গলম্ সম্পূর্ণম্ ॥