நாராயணீயம் தஶக 21 - நவ வர்ஷாஃ ததா ஸப்தத்வீபாஃ

மத்யோத்பவே புவ இலாவ்ரு'தநாம்நி வர்ஷே
கௌரீப்ரதாநவநிதாஜநமாத்ரபாஜி ।
ஶர்வேண மந்த்ரநுதிபிஃ ஸமுபாஸ்யமாநம்
ஸங்கர்ஷணாத்மகமதீஶ்வர ஸம்ஶ்ரயே த்வாம் ॥1॥

பத்ராஶ்வநாமக இலாவ்ரு'தபூர்வவர்ஷே
பத்ரஶ்ரவோபிஃ ரு'ஷிபிஃ பரிணூயமாநம் ।
கல்பாந்தகூடநிகமோத்தரணப்ரவீணம்
த்யாயாமி தேவ ஹயஶீர்ஷதநும் பவந்தம் ॥2॥

த்யாயாமி தக்ஷிணகதே ஹரிவர்ஷவர்ஷே
ப்ரஹ்லாதமுக்யபுருஷைஃ பரிஷேவ்யமாணம் ।
உத்துங்கஶாந்ததவலாக்ரு'திமேகஶுத்த-
ஜ்ஞாநப்ரதம் நரஹரிம் பகவந் பவந்தம் ॥3॥

வர்ஷே ப்ரதீசி லலிதாத்மநி கேதுமாலே
லீலாவிஶேஷலலிதஸ்மிதஶோபநாங்கம் ।
லக்ஷ்ம்யா ப்ரஜாபதிஸுதைஶ்ச நிஷேவ்யமாணம்
தஸ்யாஃ ப்ரியாய த்ரு'தகாமதநும் பஜே த்வாம் ॥4॥

ரம்யே ஹ்யுதீசி கலு ரம்யகநாம்நி வர்ஷே
தத்வர்ஷநாதமநுவர்யஸபர்யமாணம் ।
பக்தைகவத்ஸலமமத்ஸரஹ்ரு'த்ஸு பாந்தம்
மத்ஸ்யாக்ரு'திம் புவநநாத பஜே பவந்தம் ॥5॥

வர்ஷம் ஹிரண்மயஸமாஹ்வயமௌத்தராஹ-
மாஸீநமத்ரித்ரு'திகர்மடகாமடாங்கம் ।
ஸம்ஸேவதே பித்ரு'கணப்ரவரோऽர்யமா யம்
தம் த்வாம் பஜாமி பகவந் பரசிந்மயாத்மந் ॥6॥

கிஞ்சோத்தரேஷு குருஷு ப்ரியயா தரண்யா
ஸம்ஸேவிதோ மஹிதமந்த்ரநுதிப்ரபேதைஃ ।
தம்ஷ்ட்ராக்ரக்ரு'ஷ்டகநப்ரு'ஷ்டகரிஷ்டவர்ஷ்மா
த்வம் பாஹி பிஜ்ஞநுத யஜ்ஞவராஹமூர்தே ॥7॥

யாம்யாம் திஶம் பஜதி கிம்புருஷாக்யவர்ஷே
ஸம்ஸேவிதோ ஹநுமதா த்ரு'டபக்திபாஜா ।
ஸீதாபிராமபரமாத்புதரூபஶாலீ
ராமாத்மகஃ பரிலஸந் பரிபாஹி விஷ்ணோ ॥8॥

ஶ்ரீநாரதேந ஸஹ பாரதகண்டமுக்யை-
ஸ்த்வம் ஸாங்க்யயோகநுதிபிஃ ஸமுபாஸ்யமாநஃ ।
ஆகல்பகாலமிஹ ஸாதுஜநாபிரக்ஷீ
நாராயணோ நரஸகஃ பரிபாஹி பூமந் ॥9॥

ப்லாக்ஷேऽர்கரூபமயி ஶால்மல இந்துரூபம்
த்வீபே பஜந்தி குஶநாமநி வஹ்நிரூபம் ।
க்ரௌஞ்சேऽம்புரூபமத வாயுமயம் ச ஶாகே
த்வாம் ப்ரஹ்மரூபமபி புஷ்கரநாம்நி லோகாஃ ॥10॥

ஸர்வைர்த்ருவாதிபிருடுப்ரகரைர்க்ரஹைஶ்ச
புச்சாதிகேஷ்வவயவேஷ்வபிகல்ப்யமாநைஃ ।
த்வம் ஶிம்ஶுமாரவபுஷா மஹதாமுபாஸ்யஃ
ஸந்த்யாஸு ருந்தி நரகம் மம ஸிந்துஶாயிந் ॥11॥

பாதாலமூலபுவி ஶேஷதநும் பவந்தம்
லோலைககுண்டலவிராஜிஸஹஸ்ரஶீர்ஷம் ।
நீலாம்பரம் த்ரு'தஹலம் புஜகாங்கநாபி-
ர்ஜுஷ்டம் பஜே ஹர கதாந் குருகேஹநாத ॥12॥