ନାରାଯଣୀଯଂ ଦଶକ 40 - ପୂତନାମୋକ୍ଷମ୍

ତଦନୁ ନନ୍ଦମମନ୍ଦଶୁଭାସ୍ପଦଂ ନୃପପୁରୀଂ କରଦାନକୃତେ ଗତମ୍।
ସମଵଲୋକ୍ଯ ଜଗାଦ ଭଵତ୍ପିତା ଵିଦିତକଂସସହାଯଜନୋଦ୍ଯମଃ ॥1॥

ଅଯି ସଖେ ତଵ ବାଲକଜନ୍ମ ମାଂ ସୁଖଯତେଽଦ୍ଯ ନିଜାତ୍ମଜଜନ୍ମଵତ୍ ।
ଇତି ଭଵତ୍ପିତୃତାଂ ଵ୍ରଜନାଯକେ ସମଧିରୋପ୍ଯ ଶଶଂସ ତମାଦରାତ୍ ॥2॥

ଇହ ଚ ସନ୍ତ୍ଯନିମିତ୍ତଶତାନି ତେ କଟକସୀମ୍ନି ତତୋ ଲଘୁ ଗମ୍ଯତାମ୍ ।
ଇତି ଚ ତଦ୍ଵଚସା ଵ୍ରଜନାଯକୋ ଭଵଦପାଯଭିଯା ଦ୍ରୁତମାଯଯୌ ॥3॥

ଅଵସରେ ଖଲୁ ତତ୍ର ଚ କାଚନ ଵ୍ରଜପଦେ ମଧୁରାକୃତିରଙ୍ଗନା ।
ତରଲଷଟ୍ପଦଲାଲିତକୁନ୍ତଲା କପଟପୋତକ ତେ ନିକଟଂ ଗତା ॥4॥

ସପଦି ସା ହୃତବାଲକଚେତନା ନିଶିଚରାନ୍ଵଯଜା କିଲ ପୂତନା ।
ଵ୍ରଜଵଧୂଷ୍ଵିହ କେଯମିତି କ୍ଷଣଂ ଵିମୃଶତୀଷୁ ଭଵନ୍ତମୁପାଦଦେ ॥5॥
ଲଲିତଭାଵଵିଲାସହୃତାତ୍ମଭିର୍ଯୁଵତିଭିଃ ପ୍ରତିରୋଦ୍ଧୁମପାରିତା ।
ସ୍ତନମସୌ ଭଵନାନ୍ତନିଷେଦୁଷୀ ପ୍ରଦଦୁଷୀ ଭଵତେ କପଟାତ୍ମନେ ॥5॥
ସମଧିରୁହ୍ଯ ତଦଙ୍କମଶଙ୍କିତସ୍ତ୍ଵମଥ ବାଲକଲୋପନରୋଷିତଃ ।
ମହଦିଵାମ୍ରଫଲଂ କୁଚମଣ୍ଡଲଂ ପ୍ରତିଚୁଚୂଷିଥ ଦୁର୍ଵିଷଦୂଷିତମ୍ ॥7॥
ଅସୁଭିରେଵ ସମଂ ଧଯତି ତ୍ଵଯି ସ୍ତନମସୌ ସ୍ତନିତୋପମନିସ୍ଵନା ।
ନିରପତଦ୍ଭଯଦାଯି ନିଜଂ ଵପୁଃ ପ୍ରତିଗତା ପ୍ରଵିସାର୍ଯ ଭୁଜାଵୁଭୌ ॥8॥
ଭଯଦଘୋଷଣଭୀଷଣଵିଗ୍ରହଶ୍ରଵଣଦର୍ଶନମୋହିତଵଲ୍ଲଵେ ।
ଵ୍ରଜପଦେ ତଦୁରଃସ୍ଥଲଖେଲନଂ ନନୁ ଭଵନ୍ତମଗୃହ୍ଣତ ଗୋପିକାଃ ॥9॥
ଭୁଵନମଙ୍ଗଲନାମଭିରେଵ ତେ ଯୁଵତିଭିର୍ବହୁଧା କୃତରକ୍ଷଣଃ ।
ତ୍ଵମଯି ଵାତନିକେତନନାଥ ମାମଗଦଯନ୍ କୁରୁ ତାଵକସେଵକମ୍ ॥10॥