ৱ্ৰজেশ্ৱৰৈঃ শৌৰিৱচো নিশম্য সমাৱ্ৰজন্নধ্ৱনি ভীতচেতাঃ ।
নিষ্পিষ্টনিশ্শেষতৰুং নিৰীক্ষ্য কঞ্চিত্পদাৰ্থং শৰণং গতস্ৱাম্ ॥1॥
নিষ্পিষ্টনিশ্শেষতৰুং নিৰীক্ষ্য কঞ্চিত্পদাৰ্থং শৰণং গতস্ৱাম্ ॥1॥
নিশম্য গোপীৱচনাদুদন্তং সৰ্ৱেঽপি গোপা ভযৱিস্মযান্ধাঃ ।
ত্ৱত্পাতিতং ঘোৰপিশাচদেহং দেহুৰ্ৱিদূৰেঽথ কুঠাৰকৃত্তম্ ॥2॥
ত্ৱত্পাতিতং ঘোৰপিশাচদেহং দেহুৰ্ৱিদূৰেঽথ কুঠাৰকৃত্তম্ ॥2॥
ত্ৱত্পীতপূতস্তনতচ্ছৰীৰাত্ সমুচ্চলন্নুচ্চতৰো হি ধূমঃ ।
শঙ্কামধাদাগৰৱঃ কিমেষ কিং চান্দনো গৌল্গুলৱোঽথৱেতি ॥3॥
শঙ্কামধাদাগৰৱঃ কিমেষ কিং চান্দনো গৌল্গুলৱোঽথৱেতি ॥3॥
মদঙ্গসঙ্গস্য ফলং ন দূৰে ক্ষণেন তাৱত্ ভৱতামপি স্যাত্ ।
ইত্যুল্লপন্ ৱল্লৱতল্লজেভ্যঃ ত্ৱং পূতনামাতনুথাঃ সুগন্ধিম্ ॥4॥
ইত্যুল্লপন্ ৱল্লৱতল্লজেভ্যঃ ত্ৱং পূতনামাতনুথাঃ সুগন্ধিম্ ॥4॥
চিত্ৰং পিশাচ্যা ন হতঃ কুমাৰঃ চিত্ৰং পুৰৈৱাকথি শৌৰিণেদম্ ।
ইতি প্ৰশংসন্ কিল গোপলোকো ভৱন্মুখালোকৰসে ন্যমাঙ্ক্ষীত্ ॥5॥
ইতি প্ৰশংসন্ কিল গোপলোকো ভৱন্মুখালোকৰসে ন্যমাঙ্ক্ষীত্ ॥5॥
দিনেদিনেঽথ প্ৰতিৱৃদ্ধলক্ষ্মীৰক্ষীণমাঙ্গল্যশতো ৱ্ৰজোঽযম্ ।
ভৱন্নিৱাসাদযি ৱাসুদেৱ প্ৰমোদসান্দ্ৰঃ পৰিতো ৱিৰেজে ॥6॥
ভৱন্নিৱাসাদযি ৱাসুদেৱ প্ৰমোদসান্দ্ৰঃ পৰিতো ৱিৰেজে ॥6॥
গৃহেষু তে কোমলৰূপহাসমিথঃকথাসঙ্কুলিতাঃ কমন্যঃ ।
ৱৃত্তেষু কৃত্যেষু ভৱন্নিৰীক্ষাসমাগতাঃ প্ৰত্যহমত্যনন্দন্ ॥7॥
ৱৃত্তেষু কৃত্যেষু ভৱন্নিৰীক্ষাসমাগতাঃ প্ৰত্যহমত্যনন্দন্ ॥7॥
অহো কুমাৰো মযি দত্তদৃষ্টিঃ স্মিতং কৃতং মাং প্ৰতি ৱত্সকেন ।
এহ্যেহি মামিত্যুপসাৰ্য পাণী ত্ৱযীশ কিং কিং ন কৃতং ৱধূভিঃ ॥8॥
এহ্যেহি মামিত্যুপসাৰ্য পাণী ত্ৱযীশ কিং কিং ন কৃতং ৱধূভিঃ ॥8॥
ভৱদ্ৱপুঃস্পৰ্শনকৌতুকেন কৰাত্কৰং গোপৱধূজনেন ।
নীতস্ত্ৱমাতাম্ৰসৰোজমালাৱ্যালম্বিলোলম্বতুলামলাসীঃ ॥9॥
নীতস্ত্ৱমাতাম্ৰসৰোজমালাৱ্যালম্বিলোলম্বতুলামলাসীঃ ॥9॥
নিপাযযন্তী স্তনমঙ্কগং ত্ৱাং ৱিলোকযন্তী ৱদনং হসন্তী ।
দশাং যশোদা কতমাং ন ভেজে স তাদৃশঃ পাহি হৰে গদান্মাম্ ॥10॥
দশাং যশোদা কতমাং ন ভেজে স তাদৃশঃ পাহি হৰে গদান্মাম্ ॥10॥