snigdhāṃ mugdhāṃ satatamapi tāṃ lālayan satyabhāmāṃ
yāto bhūyaḥ saha khalu tayā yājñasenīvivāham |
pārthaprītyai punarapi manāgāsthito hastipuryāṃ
saśakraprasthaṃ puramapi vibho saṃvidhāyāgato'bhūḥ ||1||
yāto bhūyaḥ saha khalu tayā yājñasenīvivāham |
pārthaprītyai punarapi manāgāsthito hastipuryāṃ
saśakraprasthaṃ puramapi vibho saṃvidhāyāgato'bhūḥ ||1||
bhadrāṃ bhadrāṃ bhavadavarajāṃ kauraveṇārthyamānāṃ
tvadvācā tāmahṛta kuhanāmaskarī śakrasūnuḥ |
tatra kruddhaṃ balamanunayan pratyagāstena sārdhaṃ
śakraprasthaṃ priyasakhamude satyabhāmāsahāyaḥ ||2||
tvadvācā tāmahṛta kuhanāmaskarī śakrasūnuḥ |
tatra kruddhaṃ balamanunayan pratyagāstena sārdhaṃ
śakraprasthaṃ priyasakhamude satyabhāmāsahāyaḥ ||2||
tatra krīḍannapi ca yamunākūladṛṣṭāṃ gṛhītvā
tāṃ kālindīṃ nagaramagamaḥ khāṇḍavaprīṇitāgniḥ |
bhrātṛtrastāṃ praṇayavivaśāṃ deva paitṛṣvaseyīṃ
rājñāṃ madhye sapadi jahṛṣe mitravindāmavantīm ||3||
tāṃ kālindīṃ nagaramagamaḥ khāṇḍavaprīṇitāgniḥ |
bhrātṛtrastāṃ praṇayavivaśāṃ deva paitṛṣvaseyīṃ
rājñāṃ madhye sapadi jahṛṣe mitravindāmavantīm ||3||
satyāṃ gatvā punarudavaho nagnajinnandanāṃ tāṃ
badhvā saptāpi ca vṛṣavarān saptamūrtirnimeṣāt |
bhadrāṃ nāma pradaduratha te deva santardanādyā-
statsodaryā varada bhavataḥ sā'pi paitṛṣvaseyī ||4||
badhvā saptāpi ca vṛṣavarān saptamūrtirnimeṣāt |
bhadrāṃ nāma pradaduratha te deva santardanādyā-
statsodaryā varada bhavataḥ sā'pi paitṛṣvaseyī ||4||
pārthādyairapyakṛtalavanaṃ toyamātrābhilakṣyaṃ
lakṣaṃ chitvā śapharamavṛthā lakṣmaṇāṃ madrakanyām |
aṣṭāvevaṃ tava samabhavan vallabhāstatra madhye
śuśrotha tvaṃ surapatigirā bhaumaduśceṣṭitāni ||5||
lakṣaṃ chitvā śapharamavṛthā lakṣmaṇāṃ madrakanyām |
aṣṭāvevaṃ tava samabhavan vallabhāstatra madhye
śuśrotha tvaṃ surapatigirā bhaumaduśceṣṭitāni ||5||
smṛtāyātaṃ pakṣipravaramadhirūḍhastvamagamo
vahannaṅke bhāmāmupavanamivārātibhavanam |
vibhindan durgāṇi truṭitapṛtanāśoṇitarasaiḥ
puraṃ tāvat prāgjyotiṣamakuruthāḥ śoṇitapuram ||6||
vahannaṅke bhāmāmupavanamivārātibhavanam |
vibhindan durgāṇi truṭitapṛtanāśoṇitarasaiḥ
puraṃ tāvat prāgjyotiṣamakuruthāḥ śoṇitapuram ||6||
murastvāṃ pañcāsyo jaladhivanamadhyādudapatat
sa cakre cakreṇa pradalitaśirā maṅkṣu bhavatā |
caturdantairdantāvalapatibhirindhānasamaraṃ
rathāṅgena chitvā narakamakarostīrṇanarakam ||7||
sa cakre cakreṇa pradalitaśirā maṅkṣu bhavatā |
caturdantairdantāvalapatibhirindhānasamaraṃ
rathāṅgena chitvā narakamakarostīrṇanarakam ||7||
stuto bhūmyā rājyaṃ sapadi bhagadatte'sya tanaye
gajañcaikaṃ datvā prajighayitha nāgānnijapurīm |
khalenābaddhānāṃ svagatamanasāṃ ṣoḍaśa punaḥ
sahasrāṇi strīṇāmapi ca dhanarāśiṃ ca vipulam ||8||
gajañcaikaṃ datvā prajighayitha nāgānnijapurīm |
khalenābaddhānāṃ svagatamanasāṃ ṣoḍaśa punaḥ
sahasrāṇi strīṇāmapi ca dhanarāśiṃ ca vipulam ||8||
bhaumāpāhṛtakuṇḍalaṃ tadaditerdātuṃ prayāto divaṃ
śakrādyairmahitaḥ samaṃ dayitayā dyustrīṣu dattahriyā |
hṛtvā kalpataruṃ ruṣābhipatitaṃ jitvendramabhyāgama-
stattu śrīmadadoṣa īdṛśa iti vyākhyātumevākṛthāḥ ||9||
śakrādyairmahitaḥ samaṃ dayitayā dyustrīṣu dattahriyā |
hṛtvā kalpataruṃ ruṣābhipatitaṃ jitvendramabhyāgama-
stattu śrīmadadoṣa īdṛśa iti vyākhyātumevākṛthāḥ ||9||
kalpadruṃ satyabhāmābhavanabhuvi sṛjan dvyaṣṭasāhasrayoṣāḥ
svīkṛtya pratyagāraṃ vihitabahuvapurlālayan kelibhedaiḥ |
āścaryānnāradālokitavividhagatistatra tatrāpi gehe
bhūyaḥ sarvāsu kurvan daśa daśa tanayān pāhi vātālayeśa ||10||
svīkṛtya pratyagāraṃ vihitabahuvapurlālayan kelibhedaiḥ |
āścaryānnāradālokitavividhagatistatra tatrāpi gehe
bhūyaḥ sarvāsu kurvan daśa daśa tanayān pāhi vātālayeśa ||10||