What is Shri Rama Raksha Stotram?

Read Shri Rama Raksha Stotram in Gujarati script — full lyrics with English meaning and transliteration. Composed by the sage Budha Kaushika, the Shri Rama Raksha Stotram is a powerful Vedic prayer dedicated to Lord Rama. It serves as a spiritual armor, invoking divine protection against physical, mental, and spiritual adversaries. The stotra highlights the virtues of Rama, describing his divine form and his role as the protector of his devotees. Chanting this hymn with devotion is believed to grant courage, mental peace, and prosperity, effectively warding off negativity. It is widely recited during various rituals and daily practices to seek the grace and shield of the Maryada Purushottam.

Which deity is Shri Rama Raksha Stotram dedicated to?

Shri Rama Raksha Stotram is a Sanskrit hymn dedicated to Lord Rama.

Who composed Shri Rama Raksha Stotram?

Shri Rama Raksha Stotram is traditionally attributed to Budha Kaushika.

Shri Rama Raksha Stotram in Gujarati – Lyrics

ૐ અસ્ય શ્રી રામરક્ષા સ્તોત્રમન્ત્રસ્ય
બુધકૌશિક ઋષિઃ
શ્રી સીતારામ ચન્દ્રોદેવતા
અનુષ્ટુપ્ છન્દઃ
સીતા શક્તિઃ
શ્રીમદ્ હનુમાન્ કીલકમ્
શ્રીરામચન્દ્ર પ્રીત્યર્થે રામરક્ષા સ્તોત્રજપે વિનિયોગઃ ॥

ધ્યાનમ્
ધ્યાયેદાજાનુબાહું ધૃતશર ધનુષં બદ્ધ પદ્માસનસ્થં
પીતં વાસોવસાનં નવકમલ દલસ્પર્ધિ નેત્રં પ્રસન્નમ્ ।
વામાઙ્કારૂઢ સીતામુખ કમલમિલલ્લોચનં નીરદાભં
નાનાલઙ્કાર દીપ્તં દધતમુરુ જટામણ્ડલં રામચન્દ્રમ્ ॥

સ્તોત્રમ્
ચરિતં રઘુનાથસ્ય શતકોટિ પ્રવિસ્તરમ્ ।
એકૈકમક્ષરં પુંસાં મહાપાતક નાશનમ્ ॥ 1 ॥

ધ્યાત્વા નીલોત્પલ શ્યામં રામં રાજીવલોચનમ્ ।
જાનકી લક્ષ્મણોપેતં જટામુકુટ મણ્ડિતમ્ ॥ 2 ॥

સાસિતૂણ ધનુર્બાણ પાણિં નક્તં ચરાન્તકમ્ ।
સ્વલીલયા જગત્ત્રાતુ-માવિર્ભૂત-મજં વિભુમ્ ॥ 3 ॥

રામરક્ષાં પઠેત્પ્રાજ્ઞઃ પાપઘ્નીં સર્વકામદામ્ ।
શિરો મે રાઘવઃ પાતુ ફાલં (ભાલં) દશરથાત્મજઃ ॥ 4 ॥

કૌસલ્યેયો દૃશૌપાતુ વિશ્વામિત્રપ્રિયઃ શ્રુતી ।
ઘ્રાણં પાતુ મખત્રાતા મુખં સૌમિત્રિવત્સલઃ ॥ 5 ॥

જિહ્વાં વિદ્યાનિધિઃ પાતુ કણ્ઠં ભરતવન્દિતઃ ।
સ્કન્ધૌ દિવ્યાયુધઃ પાતુ ભુજૌ ભગ્નેશકાર્મુકઃ ॥ 6 ॥

કરૌ સીતાપતિઃ પાતુ હૃદયં જામદગ્ન્યજિત્ ।
મધ્યં પાતુ ખરધ્વંસી નાભિં જામ્બવદાશ્રયઃ ॥ 7 ॥

સુગ્રીવેશઃ કટિં પાતુ સક્થિની હનુમત્-પ્રભુઃ ।
ઊરૂ રઘૂત્તમઃ પાતુ રક્ષઃકુલ વિનાશકૃત્ ॥ 8 ॥

જાનુની સેતુકૃત્-પાતુ જઙ્ઘે દશમુખાન્તકઃ ।
પાદૌ વિભીષણશ્રીદઃ પાતુ રામોઽખિલં વપુઃ ॥ 9 ॥

એતાં રામબલોપેતાં રક્ષાં યઃ સુકૃતી પઠેત્ ।
સ ચિરાયુઃ સુખી પુત્રી વિજયી વિનયી ભવેત્ ॥ 10 ॥

પાતાલ-ભૂતલ-વ્યોમ-ચારિણ-શ્છદ્મ-ચારિણઃ ।
ન દ્રષ્ટુમપિ શક્તાસ્તે રક્ષિતં રામનામભિઃ ॥ 11 ॥

રામેતિ રામભદ્રેતિ રામચન્દ્રેતિ વા સ્મરન્ ।
નરો ન લિપ્યતે પાપૈર્ભુક્તિં મુક્તિં ચ વિન્દતિ ॥ 12 ॥

જગજ્જૈત્રૈક મન્ત્રેણ રામનામ્-નાભિરક્ષિતમ્ ।
યઃ કણ્ઠે ધારયેત્તસ્ય કરસ્થાઃ સર્વસિદ્ધયઃ ॥ 13 ॥

વજ્રપઞ્જર નામેદં યો રામકવચં સ્મરેત્ ।
અવ્યાહતાજ્ઞઃ સર્વત્ર લભતે જયમઙ્ગલમ્ ॥ 14 ॥

આદિષ્ટવાન્-યથા સ્વપ્ને રામરક્ષામિમાં હરઃ ।
તથા લિખિતવાન્-પ્રાતઃ પ્રબુદ્ધો બુધકૌશિકઃ ॥ 15 ॥

આરામઃ કલ્પવૃક્ષાણાં વિરામઃ સકલાપદામ્ ।
અભિરામ-સ્ત્રિલોકાનાં રામઃ શ્રીમાન્ સ નઃ પ્રભુઃ ॥ 16 ॥

તરુણૌ રૂપસમ્પન્નૌ સુકુમારૌ મહાબલૌ ।
પુણ્ડરીક વિશાલાક્ષૌ ચીરકૃષ્ણાજિનામ્બરૌ ॥ 17 ॥

ફલમૂલાશિનૌ દાન્તૌ તાપસૌ બ્રહ્મચારિણૌ ।
પુત્રૌ દશરથસ્યૈતૌ ભ્રાતરૌ રામલક્ષ્મણૌ ॥ 18 ॥

શરણ્યૌ સર્વસત્ત્વાનાં શ્રેષ્ઠૌ સર્વધનુષ્મતામ્ ।
રક્ષઃકુલ નિહન્તારૌ ત્રાયેતાં નો રઘૂત્તમૌ ॥ 19 ॥

આત્ત સજ્ય ધનુષા-વિષુસ્પૃષા-વક્ષયાશુગ નિષઙ્ગ સઙ્ગિનૌ ।
રક્ષણાય મમ રામલક્ષ્મણાવગ્રતઃ પથિ સદૈવ ગચ્છતામ્ ॥ 20 ॥

સન્નદ્ધઃ કવચી ખડ્ગી ચાપબાણધરો યુવા ।
ગચ્છન્ મનોરથાન્નશ્ચ (મનોરથોઽસ્માકં) રામઃ પાતુ સ લક્ષ્મણઃ ॥ 21 ॥

રામો દાશરથિ શ્શૂરો લક્ષ્મણાનુચરો બલી ।
કાકુત્સ્થઃ પુરુષઃ પૂર્ણઃ કૌસલ્યેયો રઘૂત્તમઃ ॥ 22 ॥

વેદાન્તવેદ્યો યજ્ઞેશઃ પુરાણપુરુષોત્તમઃ ।
જાનકીવલ્લભઃ શ્રીમા-નપ્રમેયપરાક્રમઃ ॥ 23 ॥

ઇત્યેતાનિ જપેન્નિત્યં મદ્ભક્તઃ શ્રદ્ધયાન્વિતઃ ।
અશ્વમેધાધિકં પુણ્યં સમ્પ્રાપ્નોતિ ન સંશયઃ ॥ 24 ॥

રામં દૂર્વાદલ શ્યામં પદ્માક્ષં પીતવાસસમ્ ।
સ્તુવન્તિ નામભિ-ર્દિવ્યૈર્ન તે સંસારિણો નરાઃ ॥ 25 ॥

રામં લક્ષ્મણ પૂર્વજં રઘુવરં સીતાપતિં સુન્દરમ્
કાકુત્સ્થં કરુણાર્ણવં ગુણનિધિં વિપ્રપ્રિયં ધાર્મિકમ્ ।
રાજેન્દ્રં સત્યસન્ધં દશરથતનયં શ્યામલં શાન્તમૂર્તિમ્
વન્દે લોકાભિરામં રઘુકુલ તિલકં રાઘવં રાવણારિમ્ ॥ 26 ॥

રામાય રામભદ્રાય રામચન્દ્રાય વેધસે ।
રઘુનાથાય નાથાય સીતાયાઃ પતયે નમઃ ॥ 27 ॥

શ્રીરામ રામ રઘુનન્દન રામ રામ
શ્રીરામ રામ ભરતાગ્રજ રામ રામ ।
શ્રીરામ રામ રણકર્કશ રામ રામ
શ્રીરામ રામ શરણં ભવ રામ રામ ॥ 28 ॥

શ્રીરામ ચન્દ્ર ચરણૌ મનસા સ્મરામિ
શ્રીરામ ચન્દ્ર ચરણૌ વચસા ગૃહ્ણામિ । [ગૃણામિ]
શ્રીરામ ચન્દ્ર ચરણૌ શિરસા નમામિ
શ્રીરામ ચન્દ્ર ચરણૌ શરણં પ્રપદ્યે ॥ 29 ॥

માતા રામો મત્-પિતા રામચન્દ્રઃ
સ્વામી રામો મત્-સખા રામચન્દ્રઃ ।
સર્વસ્વં મે રામચન્દ્રો દયાલુઃ
નાન્યં જાને નૈવ જાને ન જાને ॥ 30 ॥

દક્ષિણે લક્ષ્મણો યસ્ય વામે ચ (તુ) જનકાત્મજા ।
પુરતો મારુતિર્યસ્ય તં વન્દે રઘુનન્દનમ્ ॥ 31 ॥

લોકાભિરામં રણરઙ્ગધીરં
રાજીવનેત્રં રઘુવંશનાથમ્ ।
કારુણ્યરૂપં કરુણાકરં તં
શ્રીરામચન્દ્રં શરણં પ્રપદ્યે ॥ 32 ॥

મનોજવં મારુત તુલ્ય વેગં
જિતેન્દ્રિયં બુદ્ધિમતાં વરિષ્ઠમ્ ।
વાતાત્મજં વાનરયૂથ મુખ્યં
શ્રીરામદૂતં શરણં પ્રપદ્યે ॥ 33 ॥

કૂજન્તં રામરામેતિ મધુરં મધુરાક્ષરમ્ ।
આરુહ્ય કવિતાશાખાં વન્દે વાલ્મીકિ કોકિલમ્ ॥ 34 ॥

આપદામપહર્તારં દાતારં સર્વસમ્પદામ્ ।
લોકાભિરામં શ્રીરામં ભૂયોભૂયો નમામ્યહમ્ ॥ 35 ॥

ભર્જનં ભવબીજાનામર્જનં સુખસમ્પદામ્ ।
તર્જનં યમદૂતાનાં રામ રામેતિ ગર્જનમ્ ॥ 36 ॥

રામો રાજમણિઃ સદા વિજયતે રામં રમેશં ભજે
રામેણાભિહતા નિશાચરચમૂ રામાય તસ્મૈ નમઃ ।
રામાન્નાસ્તિ પરાયણં પરતરં રામસ્ય દાસોઽસ્મ્યહં
રામે ચિત્તલયઃ સદા ભવતુ મે ભો રામ મામુદ્ધર ॥ 37 ॥

શ્રીરામ રામ રામેતિ રમે રામે મનોરમે ।
સહસ્રનામ તત્તુલ્યં રામ નામ વરાનને ॥ 38 ॥

ઇતિ શ્રીબુધકૌશિકમુનિ વિરચિતં શ્રીરામ રક્ષાસ્તોત્રં સમ્પૂર્ણમ્ । શ્રીરામ જયરામ જયજયરામ ।

શ્રી રામ રક્ષા સ્તોત્રમ્

Explore More

More Rama Stotras

Explore More