શિવ પઞ્ચાયતન ષોડશ ઉપચાર પુજ

અપવિત્રઃ પવિત્રો વા સર્વાવસ્થા-ઙ્ગતો-ઽપિ વા ।
ય-સ્સ્મરે-ત્પુણ્ડરીકાક્ષં સ બાહ્યાભ્યન્તર-શ્શુચિઃ ॥
પુણ્ડરીકાક્ષ પુણ્ડરીકાક્ષ પુણ્ડરીકાક્ષાય નમઃ ॥

પ્રાર્થના

શુક્લામ્બરધરં-વિઁષ્ણું શશિવર્ણ-ઞ્ચતુર્ભુજમ્ ।
પ્રસન્નવદન-ન્ધ્યાયે-થ્સર્વવિઘ્નોપશાન્તયે ॥

અગજાનન પદ્માર્ક-ઙ્ગજાનનમહર્નિશમ્ ।
અનેકદ-ન્ત-મ્ભક્તાનાં એકદન્તમુપાસ્મહે ॥

દેવીં-વાઁચમજનયન્ત દેવાસ્તાં-વિઁશ્વરૂપાઃ પશવો વદન્તિ ।
સા નો મન્દ્રેષમૂર્જ-ન્દુહાના ધેનુર્વાગસ્માનુપ સુષ્ટુતૈતુ ॥

ય-શ્શિવો નામ રૂપાભ્યાં-યાઁ દેવી સર્વમઙ્ગલા ।
તયો-સ્સંસ્મરણાન્નિત્યં સર્વદા જય મઙ્ગલમ્ ॥

તદેવ લગ્નં સુદિન-ન્તદેવ
તારાબલ-ઞ્ચન્દ્રબલ-ન્તદેવ ।
વિદ્યાબલ-ન્દૈવબલ-ન્તદેવ
લક્ષ્મીપતે તે-ઽઙ્ઘ્રિયુગં સ્મરામિ ॥

ગુરુર્બ્રહ્મા ગુરુર્વિષ્ણુઃ ગુરુર્દેવો મહેશ્વરઃ ।
ગુરુ-સ્સાક્ષા-ત્પરબ્રહ્મ તસ્મૈ શ્રીગુરવે નમઃ ॥

લાભસ્તેષા-ઞ્જયસ્તેષા-ઙ્કુતસ્તેષા-મ્પરાભવઃ ।
એષામિન્દીવરશ્યામો હૃદયસ્થો જનાર્દનઃ ॥

સર્વમઙ્ગલ માઙ્ગલ્યે શિવે સર્વાર્થસાધિકે ।
શરણ્યે ત્ર્યમ્બકે ગૌરી નારાયણિ નમો-ઽસ્તુ તે ॥

શ્રીલક્ષ્મીનારાયણાભ્યા-ન્નમઃ ।
ઉમામહેશ્વરાભ્યા-ન્નમઃ ।
વાણીહિરણ્યગર્ભાભ્યા-ન્નમઃ ।
શચીપુરન્દરાભ્યા-ન્નમઃ ।
અરુન્ધતીવસિષ્ઠાભ્યા-ન્નમઃ ।
શ્રીસીતારામાભ્યા-ન્નમઃ ।
માતાપિતૃભ્યો નમઃ ।
સર્વેભ્યો મહાજનેભ્યો નમઃ ।
કર્પૂર ગૌર-ઙ્કરુણાવતારં
સંસારસાર-મ્ભુજગેન્દ્ર હારમ્ ।
સદા રમન્તં હૃદયારવિન્દે
ભવ-મ્ભવાની સહિત-ન્નમામિ ॥

વાગર્થાવિવ સમ્પૃક્તૌ વાગર્થ પ્રતિપત્તયે ।
જગતઃ પિતરૌ વન્દે પાર્વતી પરમેશ્વરૌ ॥

વન્દે મહેશં સુરસિદ્ધસેવિતં
દેવાઙ્ગના ગીત સુનૃત્ય તુષ્ટમ્ ।
પર્યઙ્કગં શૈલસુતાસમેતં
કલ્પદ્રુમારણ્યગત-મ્પ્રસન્નમ્ ॥

આપાતાલ-નભસ્સ્થલાન્ત-ભુવન-બ્રહ્માણ્ડ-માવિસ્ફુરત્-
જ્યોતિ-સ્સ્ફાટિક-લિઙ્ગ-મૌલિ-વિલસત્-પૂર્ણેન્દુ-વાન્તામૃતૈઃ ।
અસ્તોકાપ્લુત-મેક-મીશ-મનિશં રુદ્રાનુ-વાકાઞ્જપન્
ધ્યાયે-દીપ્સિત-સિદ્ધયે ધ્રુવપદં-વિઁપ્રો-ઽભિષિઞ્ચે-ચ્ચિવમ્ ॥

બ્રહ્માણ્ડ વ્યાપ્તદેહા ભસિત હિમરુચા ભાસમાના ભુજઙ્ગૈઃ
કણ્ઠે કાલાઃ કપર્દાઃ કલિત-શશિકલા-શ્ચણ્ડ કોદણ્ડ હસ્તાઃ ।
ત્ર્યક્ષા રુદ્રાક્ષમાલાઃ પ્રકટિતવિભવા-શ્શામ્ભવા મૂર્તિભેદાઃ
રુદ્રા-શ્શ્રીરુદ્રસૂક્ત-પ્રકટિતવિભવા નઃ પ્રયચ્ચન્તુ સૌખ્યમ્ ॥

દીપારાધનમ્
દીપસ્ત્વ-મ્બ્રહ્મરૂપો-ઽસિ જ્યોતિષા-મ્પ્રભુરવ્યયઃ ।
સૌભાગ્ય-ન્દેહિ પુત્રાંશ્ચ સર્વાન્કામાંશ્ચ દેહિ મે ॥
ભો દીપ દેવિ રૂપસ્ત્વ-ઙ્કર્મસાક્ષી હ્યવિઘ્નકૃત્ ।
યાવત્પૂજા-ઙ્કરિષ્યામિ તાવત્ત્વં સુસ્થિરો ભવ ॥
દીપારાધન મુહૂર્ત-સ્સુમુહૂર્તો-ઽસ્તુ ॥
પૂજાર્થે હરિદ્રા કુઙ્કુમ વિલેપન-ઙ્કરિષ્યે ॥

આચમ્ય
ઓ-ઙ્કેશવાય સ્વાહા ।
ઓ-ન્નારાયણાય સ્વાહા ।
ઓ-મ્માધવાય સ્વાહા ।
ઓ-ઙ્ગોવિન્દાય નમઃ ।
ૐ-વિઁષ્ણવે નમઃ ।
ઓ-મ્મધુસૂદનાય નમઃ ।
ઓ-ન્ત્રિવિક્રમાય નમઃ ।
ૐ-વાઁમનાય નમઃ ।
ૐ શ્રીધરાય નમઃ ।
ૐ હૃષીકેશાય નમઃ ।
ઓ-મ્પદ્મનાભાય નમઃ ।
ઓ-ન્દામોદરાય નમઃ ।
ૐ સઙ્કર્ષણાય નમઃ ।
ૐ-વાઁસુદેવાય નમઃ ।
ઓ-મ્પ્રદ્યુમ્નાય નમઃ ।
ૐ અનિરુદ્ધાય નમઃ ।
ઓ-મ્પુરુષોત્તમાય નમઃ ।
ૐ અધોક્ષજાય નમઃ ।
ઓ-ન્નારસિંહાય નમઃ ।
ૐ અચ્યુતાય નમઃ ।
ઓ-ઞ્જનાર્દનાય નમઃ ।
ૐ ઉપેન્દ્રાય નમઃ ।
ૐ હરયે નમઃ ।
ૐ શ્રીકૃષ્ણાય નમઃ ।

ભૂતોચ્ચાટનમ્
ઉત્તિષ્ઠન્તુ ભૂતપિશાચાઃ ય એતે ભૂમિ ભારકાઃ ।
એતેષામવિરોધેન બ્રહ્મકર્મ સમારભે ॥
અપસર્પન્તુ તે ભૂતા યે ભૂતા ભૂમિસંસ્થિતાઃ ।
યે ભૂતા વિઘ્નકર્તારસ્તે ગચ્છન્તુ શિવા-ઽજ્ઞયા ॥

પ્રાણાયામમ્
ઓ-મ્ભૂઃ ઓ-મ્ભુવઃ ઓગ્ં સુવઃ ઓ-મ્મહઃ ઓ-ઞ્જનઃ ઓ-ન્તપઃ ઓગ્ં સત્યમ્ ।
ઓ-ન્તત્સવિતુર્વરેણ્ય-મ્ભર્ગો દેવસ્ય ધીમહિ ।
ધિયો યો નઃ પ્રચોદયાત્ ॥
ઓમાપો જ્યોતી રસો-ઽમૃત-મ્બ્રહ્મ ભૂર્ભુવસ્સુવરોમ્ ॥

સઙ્કલ્પમ્
મમોપાત્ત સમસ્ત દુરિતક્ષયદ્વારા શ્રી પરમેશ્વર પ્રીત્યર્થમ્,
શુભે શોભને મુહૂર્તે આદ્યબ્રહ્મણઃ દ્વિતીય પરાર્ધે શ્વેતવરાહ કલ્પે વૈવસ્વત મન્વન્તરે અષ્ટાવિંશતિ તમે કલિયુગે પ્રથમે પાદે જમ્બૂદ્વીપે ભારતવર્ષે ભરતખણ્ડે મેરોઃ દક્ષિણે પાર્શ્વે શકાબ્દે અસ્મિન્ વર્તમાને વ્યવહારિકે પ્રભવાદિ ષષ્ઠ્યા-સ્સંવઁથ્સરાણા-મ્મદ્ધ્યે ......... નામસંવઁથ્સરે ......-ઽયને .......... ઋતૌ ........ માસે ............પક્ષે .......... શુભતિથૌ. .............. વાસરયુક્તાયાં ............. નક્ષત્રયુક્તાયામ્, શુભયોગ શુભકરણ એવ-ઙ્ગુણ સકલ વિશેષણ વિશિષ્ટાયાં અસ્યાં ...........શુભતિથૌ મમોપાત્ત સમસ્ત દુરિતક્ષયદ્વારા શ્રી પરમેશ્વર પ્રીત્યર્થં .......... નક્ષત્રે .......રાશૌ જાતસ્ય ..........શર્મણઃ મમ .......... નક્ષત્રે ...............રાશૌ .............જાતયાઃ મમ ધર્મપત્ન્યાશ્ચ આવયો-સ્સકુટુમ્બયોઃ ............... સપુત્રકયો-સ્સબન્ધુવર્ગયો-સ્સાશ્રિત-જનયોશ્ચ ક્ષેમ-સ્થૈર્ય-વીર્ય-વિજય, આયુરારોગ્ય-ઐશ્વર્યાણાં અભિવૃદ્ધ્યર્થમ્, ધર્માર્થ-કામ-મોક્ષ-ચતુર્વિધ ફલપુરુષાર્થ સિદ્ધ્યર્થમ્, સર્વારિષ્ટ શાન્ત્યર્થમ્, સર્વાભીષ્ટ સિદ્ધ્યર્થમ્, સપરિવાર સોમાસ્કન્દ પરમેશ્વર ચરણારવિન્દયોઃ અચઞ્ચલ-નિષ્કપટ-ભક્તિ સિદ્ધ્યર્થમ્, યાવચ્છક્તિ પરિવાર સહિત રુદ્રવિધાનેન ધ્યાન-આવાહનાદિ-ષોડશોપચાર-પૂજા પુરસ્સર-મ્મહાન્યાસજપ (લઘુન્યાસજપ) રુદ્રાભિષેક-અર્ચ્ચનાદિ સહિત સામ્બશિવ પૂજા-ઙ્કરિષ્યે ।
તદઙ્ગ-ઙ્કલશ-શઙ્ખ-આત્મ-પીઠ-પૂજા-ઞ્ચ કરિષ્યે । (દ્વિ)
(નિર્વિઘ્ન પૂજા પરિસમાપ્ત્યર્થં આદૌ શ્રીમહાગણપતિ પૂજા-ઙ્કરિષ્યે ।)
શ્રી મહાગણપતિ પૂજા ॥
તદઙ્ગ કલશારાધન-ઙ્કરિષ્યે ।

કલશારાધનમ્
કલશે ગન્ધ પુષ્પાક્ષતૈરભ્યર્ચ્ય ।
કલશે ઉદક-મ્પૂરયિત્વા ।
કલશસ્યોપરિ હસ્ત-ન્નિધાય ।
કલશસ્ય મુખે વિષ્ણુઃ કણ્ઠે રુદ્ર-સ્સમાશ્રિતઃ ।
મૂલે ત્વસ્ય સ્થિતો બ્રહ્મા મધ્યે માતૃગણા-સ્સ્મૃતા ॥
કુક્ષૌ તુ સાગરા-સ્સર્વે સપ્તદ્વીપા વસુન્ધરા ।
ઋગ્વેદો-ઽથ યજુર્વેદો સામવેદો હ્યથર્વણઃ ॥
અઙ્ગૈશ્ચ સહિતા-સ્સર્વે કલશામ્બુ સમાશ્રિતાઃ ।
ૐ આકલશેષુ ધાવતિ પવિત્રે પરિષિચ્યતે ।
ઉક્થૈર્યજ્ઞેષુ વર્ધતે ।
આપો વા ઇદગ્ં સર્વં-વિઁશ્વા ભૂતાન્યાપઃ
પ્રાણા વા આપઃ પશવ આપો-ઽન્નમાપો-ઽમૃતમાપઃ
સમ્રાડાપો વિરાડાપઃ સ્વરાડાપશ્છન્દાગ્સ્યાપો
જ્યોતીગ્ષ્યાપો યજૂગ્ષ્યાપઃ સત્યમાપઃ
સર્વા દેવતા આપો ભૂર્ભુવ-સ્સુવરાપ ઓમ્ ॥
ગઙ્ગે ચ યમુને ચૈવ ગોદાવરી સરસ્વતી ।
નર્મદે સિન્ધુ કાવેરી જલે-ઽસ્મિન્ સન્નિધિ-ઙ્કુરુ ॥
કાવેરી તુઙ્ગભદ્રા ચ કૃષ્ણવેણી ચ ગૌતમી ।
ભાગીરથીતિ વિખ્યાતાઃ પઞ્ચગઙ્ગાઃ પ્રકીર્તિતાઃ ॥
આયાન્તુ શ્રી શિવપૂજાર્થ-મ્મમ દુરિતક્ષયકારકાઃ ।
ઓ-મ્ભૂર્ભુવસ્સુવો ભૂર્ભુવસ્સુવો ભૂર્ભુવસ્સુવઃ ॥
ૐ ૐ ઓ-ઙ્કલશોદકેન પૂજા દ્રવ્યાણિ સમ્પ્રોક્ષ્ય,
દેવં સમ્પ્રોક્ષ્ય, આત્માન-ઞ્ચ સમ્પ્રોક્ષ્ય ॥

પઞ્ચકલશ સ્થાપનં
પશ્ચિમં
સદ્યો જાત-મ્પ્રપદ્યામિ સદ્યો જાતાય વૈ નમો નમઃ ।
ભવે ભવે નાતિભવે ભવસ્વ મામ્ । ભવોદ્ભવાય નમઃ ॥
ઓ-મ્ભૂર્ભુવસ્સુવરોમ્ ।
અસ્મિ-ન્પશ્ચિમકલશે સદ્યોજાત-ન્ધ્યાયામિ । આવાહયામિ ।
ઉત્તરં
વામદેવાય નમો જ્યેષ્ઠાય નમઃ શ્રેષ્ઠાય નમો રુદ્રાય નમઃ કાલાય નમઃ કલવિકરણાય નમો બલવિકરણાય નમો બલાય નમો બલપ્રમથનાય નમ-સ્સર્વભૂતદમનાય નમો મનોન્મનાય નમઃ । ઓ-મ્ભૂર્ભુવસ્સુવરોમ્ । અસ્મિન્ ઉત્તરકલશે વામદેવ-ન્ધ્યાયામિ । આવાહયામિ ।
દક્ષિણં
અઘોરેભ્યો ઽથઘોરેભ્યો ઘોરઘોરતરેભ્યઃ ।
સર્વેભ્ય-સ્સર્વશર્વેભ્યો નમસ્તે અસ્તુ રુદ્રરૂપેભ્યઃ ॥
ઓ-મ્ભૂર્ભુવસ્સુવરોમ્ ।
અસ્મિ-ન્દક્ષિણકલશે અઘોર-ન્ધ્યાયામિ । આવાહયામિ ।
પૂર્વં
ઓ-ન્તત્પુરુષાય વિદ્મહે મહાદેવાય ધીમહિ । તન્નો રુદ્રઃ પ્રચોદયાત્ ॥
ઓ-મ્ભૂર્ભુવસ્સુવરોમ્ ।
અસ્મિ-ન્પૂર્વકલશે તત્પુરુષ-ન્ધ્યાયામિ । આવાહયામિ ।
મદ્ધ્યમં
ઈશાન-સ્સર્વવિદ્યાના-મીશ્વર-સ્સર્વભૂતાના-મ્બ્રહ્માધિપતિ ર્બ્રહ્મણો-ઽધિપતિ ર્બ્રહ્મા શિવો મે અસ્તુ સદાશિવોમ્ ॥
ઓ-મ્ભૂર્ભુવસ્સુવરોમ્ ।
અસ્મિ-ન્મદ્ધ્યમ કલશે ઈશાન-ન્ધ્યાયામિ । આવાહયામિ ।

પ્રાણપ્રતિષ્ઠા
ૐ અસુનીતે પુનરસ્માસુ ચક્ષુઃ
પુનઃ પ્રાણમિહ નો ધેહિ ભોગમ્ ।
જ્યોક્પશ્યેમ સૂર્યમુચ્ચરન્ત
મનુમતે મૃડયા ન-સ્સ્વસ્તિ ॥
અમૃતં-વૈઁ પ્રાણા અમૃતમાપઃ
પ્રાણાનેવ યથાસ્થાનમુપહ્વયતે ॥
સ્વામિન્ સર્વજગન્નાથ યાવ-ત્પૂજાવસાનકમ્ ।
તાવ-ત્ત્વ-મ્પ્રીતિભાવેન લિઙ્ગે-ઽસ્મિન્ સન્ન્નિધિ-ઙ્કુરુ ॥
ઓ-ન્ત્ર્યમ્બકં-યઁજામહે સુગન્ધિ-મ્પુષ્ટિ વર્ધનમ્ ।
ઉર્વારુકમિવ બન્ધનાન્મૃત્યોર્મુક્ષીય મા-ઽમૃતાત્ ॥
આવાહિતો ભવ । સ્થાપિતો ભવ । સન્નિહિતો ભવ । સન્નિરુદ્ધો ભવ । અવકુણ્ઠિતો ભવ । સુપ્રીતો ભવ । સુપ્રસન્નો ભવ । વરદો ભવ ।
સ્વાગતં અસ્તુ । પ્રસીદ પ્રસીદ ।
લઘુન્યાસં / મહાન્યાસમ્ ॥

ધ્યાનં
કૈલાસે કમનીય રત્ન ખચિતે કલ્પદ્રુમૂલે સ્થિતં
કર્પૂર સ્ફટિકેન્દુ સુન્દર તનુ-ઙ્કાત્યાયની સેવિતમ્ ।
ગઙ્ગોત્તુઙ્ગ તરઙ્ગ રઞ્જિત જટા ભાર-ઙ્કૃપાસાગરં
કણ્ઠાલઙ્કૃત શેષભૂષણમહ-મ્મૃત્યુઞ્જય-મ્ભાવયે ॥
ૐ શ્રી ઉમામહેશ્વર સ્વામિને નમઃ ધ્યાયામિ ।
આવાહનં (ૐ સદ્યોજાત-મ્પ્રપદ્યામિ)
ઓઙ્કારાય નમસ્તુભ્યં ઓઙ્કારપ્રિય શઙ્કર ।
આવાહન-ઙ્ગૃહાણેદ-મ્પાર્વતીપ્રિય વલ્લભ ॥
ૐ શ્રી ઉમામહેશ્વર સ્વામિને નમઃ આવાહયામિ ।
આસનં (ૐ સદ્યોજાતાયવૈ નમો નમઃ)
નમસ્તે ગિરિજાનાથ કૈલાસગિરિ મન્દિર ।
સિંહાસન-મ્મયા દત્તં સ્વીકુરુષ્વ ઉમાપતે ॥
શ્રી ઉમામહેશ્વર સ્વામિને નમઃ નવરત્ન ખચિત હેમ સિંહાસનં સમર્પયામિ ।
પાદ્યં (ઓ-મ્ભવે ભવેન)
મહાદેવ જગન્નાથ ભક્તાનામભયપ્રદ ।
પાદ્ય-ઙ્ગૃહાણ દેવેશ મમ સૌખ્યં-વિઁવર્ધય ॥
શ્રી ઉમામહેશ્વર સ્વામિને નમઃ પાદયોઃ પાદ્યં સમર્પયામિ ।
અર્ઘ્યં (ૐ અતિ ભવે ભવસ્વમાં)
શિવાપ્રિય નમસ્તેસ્તુ પાવન-ઞ્જલપૂરિતમ્ ।
અર્ઘ્ય-ઙ્ગૃહાણ ભગવ-ન્ગાઙ્ગેય કલશસ્થિતમ્ ॥
શ્રી ઉમામહેશ્વર સ્વામિને નમઃ હસ્તયોઃ અર્ઘ્યં સમર્પયામિ ।
આચમનં (ઓ-મ્ભવોદ્ભવાય નમઃ)
વામદેવ સુરાધીશ વન્દિતાઙ્ઘ્રિ સરોરુહ ।
ગૃહાણાચમન-ન્દેવ કરુણા વરુણાલય ॥
શ્રી ઉમામહેશ્વર સ્વામિને નમઃ મુખે આચમનીયં સમર્પયામિ ।

મધુપર્કં
યમાન્તકાય ઉગ્રાય ભીમાય ચ નમો નમઃ ।
મધુપર્ક-મ્પ્રદાસ્યામિ ગૃહાણ ત્વમુમાપતે ॥
શ્રી ઉમામહેશ્વર સ્વામિને નમઃ મધુપર્કં સમર્પયામિ ।

પઞ્ચામૃત સ્નાનં
1. આપ્યાયસ્યેતિ ક્ષીરં (milk) –
ૐ આપ્યાયસ્વ સમેતુ તે વિશ્વતસ્સોમ વૃષ્ણિયમ્ ।
ભવા વાજસ્ય સઙ્ગથે ॥
શ્રી ભવાનીશઙ્કરાસ્વામિને નમઃ, ક્ષીરેણ સ્નપયામિ ।
આપો હિષ્ઠા મયોભુવસ્તા ન ઊર્જે દધાતન ।
મહેરણાય ચક્ષસે ।
યો વઃ શિવતમો રસસ્તસ્ય ભાજયતે હ નઃ ।
ઉશતીરિવ માતરઃ ।
તસ્મા અરઙ્ગમામવો યસ્ય ક્ષયાય જિન્વથ ।
આપો જનયથા ચ નઃ ।
શ્રી ભવાનીશઙ્કરાસ્વામિને નમઃ । ક્ષીરસ્નાનાનન્તરં શુદ્ધોદક સ્નાનં સમર્પયામિ ।

2. દધિક્રાવ્ણો ઇતિ દધિ (yogurt) –
ઓ-ન્દધિક્રાવ્ણો અકારિષ-ઞ્જિષ્ણોરશ્વસ્ય વાજિનઃ ।
સુરભિ નો મુખા કરત્પ્રણ આયૂગ્ંષિ તારિષત્ ॥
શ્રી ભવાનીશઙ્કરાસ્વામિને નમઃ । દધ્ના સ્નપયામિ ।
આપો હિષ્ઠા મયોભુવસ્તા ન ઊર્જે દધાતન ।
મહેરણાય ચક્ષસે ।
યો વઃ શિવતમો રસસ્તસ્ય ભાજયતે હ નઃ ।
ઉશતીરિવ માતરઃ ।
તસ્મા અરઙ્ગમામવો યસ્ય ક્ષયાય જિન્વથ ।
આપો જનયથા ચ નઃ ।
શ્રી ભવાનીશઙ્કરાસ્વામિને નમઃ । દધિસ્નાનાનન્તરં શુદ્ધોદક સ્નાનં સમર્પયામિ ।

3. શુક્રમસીતિ આજ્યં (ghee) –
ૐ શુક્રમસિ જ્યોતિરસિ તેજોસિ દેવોવસ્સવિતોત્પુનાતુ
અચ્છિદ્રેણ પવિત્રેણ વસોસ્સૂર્યસ્ય રશ્મિભિઃ ।
શ્રી ભવાનીશઙ્કરાસ્વામિને નમઃ । આજ્યેન સ્નપયામિ ।
આપો હિષ્ઠા મયોભુવસ્તા ન ઊર્જે દધાતન ।
મહેરણાય ચક્ષસે ।
યો વઃ શિવતમો રસસ્તસ્ય ભાજયતે હ નઃ ।
ઉશતીરિવ માતરઃ ।
તસ્મા અરઙ્ગમામવો યસ્ય ક્ષયાય જિન્વથ ।
આપો જનયથા ચ નઃ ।
શ્રી ભવાનીશઙ્કરાસ્વામિને નમઃ । આજ્ય સ્નાનાનન્તરં શુદ્ધોદક સ્નાનં સમર્પયામિ ।

4. મધુવાતા ઋતાયતે ઇતિ મધુ (honey) –
ઓ-મ્મધુવાતા ઋતાયતે મધુક્ષરન્તિ સિન્ધવઃ ।
માધ્વીર્ન-સ્સન્ત્વૌષધીઃ ।
મધુનક્તમુતોષસિ મધુમત્પાર્થિવગ્ં રજઃ ।
મધુદ્યૌરસ્તુ નઃ પિતા ।
મધુમાન્નો વનસ્પતિર્મધુમાગ્ં અસ્તુ સૂર્યઃ ।
માધ્વીર્ગાવો ભવન્તુ નઃ ।
શ્રી ભવાનીશઙ્કરાસ્વામિને નમઃ । મધુના સ્નપયામિ ।
આપો હિષ્ઠા મયોભુવસ્તા ન ઊર્જે દધાતન ।
મહેરણાય ચક્ષસે ।
યો વઃ શિવતમો રસસ્તસ્ય ભાજયતે હ નઃ ।
ઉશતીરિવ માતરઃ ।
તસ્મા અરઙ્ગમામવો યસ્ય ક્ષયાય જિન્વથ ।
આપો જનયથા ચ નઃ ।
શ્રી ભવાનીશઙ્કરાસ્વામિને નમઃ । મધુસ્નાનાનન્તરં શુદ્ધોદક સ્નાનં સમર્પયામિ ।

5. સ્વાદુઃ પવસ્યેતિ શર્કરા (sugar) –
ૐ સ્વાદુઃ પવસ્વ દિવ્યાય જન્મને ।
સ્વાદુરિન્દ્રાય સુહવીતુ નામ્ને ।
સ્વાદુર્મિત્રાય વરુણાય વાયવે ।
બૃહસ્પતયે મધુમાં અદાભ્યઃ ।
શ્રી ભવાનીશઙ્કરાસ્વામિને નમઃ । શર્કરયા સ્નપયામિ ।
આપો હિષ્ઠા મયોભુવસ્તા ન ઊર્જે દધાતન ।
મહેરણાય ચક્ષસે ।
યો વઃ શિવતમો રસસ્તસ્ય ભાજયતે હ નઃ ।
ઉશતીરિવ માતરઃ ।
તસ્મા અરઙ્ગમામવો યસ્ય ક્ષયાય જિન્વથ ।
આપો જનયથા ચ નઃ ।
શ્રી ભવાનીશઙ્કરાસ્વામિને નમઃ । શર્કર સ્નાનાનન્તરં શુદ્ધોદક સ્નાનં સમર્પયામિ ।

શઙ્ખોદકં
આપો હિષ્ઠા મયોભુવસ્તા ન ઊર્જે દધાતન ।
મહેરણાય ચક્ષસે ।
યો વઃ શિવતમો રસસ્તસ્ય ભાજયતે હ નઃ ।
ઉશતીરિવ માતરઃ ।
તસ્મા અરઙ્ગમામવો યસ્ય ક્ષયાય જિન્વથ ।
આપો જનયથા ચ નઃ ।
શ્રી ભવાનીશઙ્કરાસ્વામિને નમઃ । શઙ્ખોદકેન સ્નપયામિ ॥

ફલોદકં
યાઃ ફલિનીર્યા અફલા અપુષ્પાયાશ્ચ પુષ્પિણીઃ ।
બૃહસ્પતિ પ્રસૂતાસ્તાનો મુઞ્ચન્ત્વગ્ં હસઃ ॥
શ્રી ભવાનીશઙ્કરાસ્વામિને નમઃ । ફલોદકેન સ્નપયામિ ।

ગન્ધોદકં
ગન્ધદ્વારા-ન્દુરાધર્ષા-ન્નિત્યપુષ્ટા-ઙ્કરીષિણીમ્ ।
ઈશ્વરીગ્ં સર્વભૂતાના-ન્તામિહોપહ્વયે શ્રિયમ્ ॥
શ્રી ભવાનીશઙ્કરાસ્વામિને નમઃ । ગન્ધોદકેન સ્નપયામિ ।

પુષ્પોદકં
યો-ઽપા-મ્પુષ્પં-વેઁદ ।
પુષ્પવા-ન્પ્રજાવા-ન્પશુમા-ન્ભવતિ ।
ચન્દ્રમા વા અપા-મ્પુષ્પમ્ ।
પુષ્પવા-ન્પ્રજાવા-ન્પશુમા-ન્ભવતિ ।
શ્રી ભવાનીશઙ્કરાસ્વામિને નમઃ । પુષ્પોદકેન સ્નપયામિ ।

અક્ષતોદકં
આયને તે પરાયણે દૂર્વા રોહન્તુ પુષ્પિણીઃ ।
હ્રદાશ્ચ પુણ્ડરીકાણિ સમુદ્રસ્ય ગૃહા ઇમે ।
શ્રી ભવાનીશઙ્કરાસ્વામિને નમઃ । અક્ષતોદકેન સ્નપયામિ ।

સુવર્ણોદકં
તથ્સુવર્ણગ્ં હિરણ્યમભવત્ ।
તથ્સુવર્ણસ્ય હિરણ્યસ્ય જન્મ ।
ય એવગ્ં સુવર્ણસ્ય હિરણ્યસ્ય જન્મવેદ ।
સુવર્ણ આત્મના ભવતિ ।
શ્રી ભવાનીશઙ્કરાસ્વામિને નમઃ । સુવર્ણોદકેન સ્નપયામિ ।

રુદ્રાક્ષોદકં
ત્ર્યમ્બકં-યઁજામહે સુગન્ધિ-મ્પુષ્ટિ વર્ધનમ્ ।
ઉર્વારુકમિવ બન્ધનાન્મૃત્યોર્મુક્ષીય મા-ઽમૃતાત્ ॥
શ્રી ભવાનીશઙ્કરાસ્વામિને નમઃ । રુદ્રાક્ષોદકેન સ્નપયામિ ।

ભસ્મોદકં
મા નો મહાન્તમુત મા નો અર્ભકં
મા ન ઉક્ષન્તમુત મા ન ઉક્ષિતમ્ ।
મા નો-ઽવધીઃ પિતર-મ્મોત માતરં
પ્રિયા મા નસ્તનુવો રુદ્ર રીરિષઃ ।
શ્રી ભવાનીશઙ્કરાસ્વામિને નમઃ । ભસ્મોદકેન સ્નપયામિ ।

બિલ્વોદકં
મા નસ્તોકે તનયે મા ન આયુષિ
મા નો ગોષુ મા નો અશ્વેષુ રીરિષઃ ।
વીરાન્મા નો રુદ્ર ભામિતો-ઽવધીર્હવિષ્મન્તો
નમસા વિધેમ તે ।
શ્રી ભવાનીશઙ્કરાસ્વામિને નમઃ । બિલ્વોદકેન સ્નપયામિ ।

દૂર્વોદકં
કાણ્ડાત્કાણ્ડાત્પ્રરોહન્તિ પરુષઃ પરુષઃ પરિ ।
એવાનો દૂર્વે પ્રતનુ સહસ્રેણ શતેન ચ ॥
શ્રી ભવાનીશઙ્કરાસ્વામિને નમઃ । દૂર્વોદકેન સ્નપયામિ ।
અથ મલાપકર્ષણ સ્નાનમ્
હિરણ્યવર્ણાશ્શુચયઃ પાવકા
યાસુ જાતઃ કશ્યપો યાસ્વિન્દ્રઃ ।
અગ્નિં-યાઁ ગર્ભ-ન્દધિરે વિરૂપાસ્તા
ન આપશ્શગ્ગ્ સ્યોના ભવન્તુ ॥
યાસાગ્ં રાજા વરુણો યાતિ મધ્યે
સત્યાનૃતે અવપશ્યઞ્જનાનામ્ ।
મધુશ્ચુતશ્શુચયો યાઃ પાવકાસ્તા
ન આપશ્શગ્ગ્ સ્યોના ભવન્તુ ॥
યાસા-ન્દેવા દિવિ કૃણ્વન્તિ ભક્ષં
યા અન્તરિક્ષે બહુધા ભવન્તિ ।
યાઃ પૃથિવી-મ્પયસોન્દન્તિ શુક્રાસ્તા
ન આપશ્શગ્ગ્ સ્યોના ભવન્તુ ॥
શિવેન મા ચક્ષુષા પશ્યતાપશ્શિવયા
તનુવોપ સ્પૃશત ત્વચ-મ્મે ।
સર્વાગ્ં અગ્નીગ્ં રફ્સુષદો હુવે વો મયિ
વર્ચો બલમોજો નિધત્ત ॥
(અ.વે., કાણ્ડ-3, સૂક્તં-13)
યદદ-સ્સમ્પ્રયતી-રહા-વનદતા હતે ।
તસ્માદા નદ્યો નામ સ્થ તા વો નામાનિ સિન્ધવઃ ॥ 1

યત્પ્રેષિતા વરુણેનતાશ્શીભગ્ં સમવલ્ગત ।
તદાપ્નોદિન્દ્રો વો યતીસ્તસ્માદાપો અનુસ્થન ॥ 2

આપકામગ્ગ્ં સ્યન્દમાના અવીવરત વો હિ કમ્ ।
ઇન્દ્રો વશ્શક્તિભિર્દેવીસ્તસ્માદ્વાર્ણામ વો હિતમ્ ॥ 3

એકો વો દેવો અપ્યતિષ્ઠથ્સ્યન્દમાના યથાવશમ્ ।
ઉદાનિષુર્મહીરિતિ તસ્માદુદકમુચ્યતે ॥ 4

આપો ભદ્રા ઘૃતમિદાપ આનુરગ્નીષોમૌ બિભ્રત્યાપ ઇત્તાઃ ।
તીવ્રો રસો મધુપૃચાં અરઙ્ગમ આ મા પ્રાણેન સહ વર્ચસાગન્ન્ ॥ 5

આદિત્પશ્યામ્યુત વા શૃણોમ્યા મા ઘોષો ગચ્છતિ વાઙ્મ આસામ્ ।
મન્યે ભેજાનો અમૃતસ્ય તર્હિ હિરણ્યવર્ણા અતૃપં-યઁદા વઃ ॥ 6

આપો હિષ્ઠા મયોભુવસ્તા ન ઊર્જે દધાતન ।
મહેરણાય ચક્ષસે ।
યો વઃ શિવતમો રસસ્તસ્ય ભાજયતે હ નઃ ।
ઉશતીરિવ માતરઃ ।
તસ્મા અરઙ્ગમામવો યસ્ય ક્ષયાય જિન્વથ ।
આપો જનયથા ચ નઃ ।
શ્રી ભવાનીશઙ્કરાસ્વામિને નમઃ । શુદ્ધોદકેન સ્નપયામિ ।
આપો વા ઇદગ્ં સર્વં-વિઁશ્વા ભૂતાન્યાપઃ પ્રાણા વા આપઃ
પશવ આપો-ઽન્નમાપો-ઽમૃતમાપઃ સમ્રાડાપો વિરાડાપઃ
સ્વરાડાપશ્છન્દાગ્ંસ્યાપો જ્યોતીગ્ંષ્યાપો
યજૂગ્ંષ્યાપસ્સત્યમાપસ્સર્વા દેવતા આપો
ભૂર્ભુવસ્સુવરાપ ઓમ્ ॥
અપઃ પ્રણયતિ । શ્રદ્ધાવા આપઃ ।
શ્રદ્ધામેવારભ્ય પ્રણીય પ્રચરતિ ।
અપઃ પ્રણયતિ । યજ્ઞો વા આપઃ ।
યજ્ઞમેવારભ્ય પ્રણીય પ્રચરતિ
અપઃ પ્રણયતિ । વજ્રો વા આપઃ ।
વજ્રમેવ ભ્રાતૃવ્યેભ્યઃ પ્રહૃત્ય પ્રણીય પ્રચરતિ ।
અપઃ પ્રણયતિ । આપો વૈ રક્ષોઘ્નીઃ ।
રક્ષસામપહત્યૈ ।
અપઃ પ્રણયતિ । આપો વૈ દેવાના-મ્પ્રિયન્ધામ ।
દેવાનામેવ પ્રિયન્ધામ પ્રણીય પ્રચરતિ ।
અપઃ પ્રણયતિ । આપો વૈ સર્વા દેવતાઃ ।
દેવતા એવારભ્ય પ્રણીય પ્રચરતિ ।
(આપો વૈ શાન્તાઃ । શાન્તાભિરેવાસ્ય શુચગ્ં શમયતિ ॥)
શ્રી ભવાનીશઙ્કરાસ્વામિને નમઃ । મલાપકર્ષણસ્નાનં સમર્પયામિ ।
શ્રીરુદ્રપ્રશ્નઃ – નમકમ્ ॥
શ્રીરુદ્રપ્રશ્નઃ – ચમકમ્ ॥
પુરુષ સૂક્તમ્ ॥
શ્રી સૂક્તમ્ ॥
ૐ શ્રી ઉમામહેશ્વર સ્વામિને નમ-શ્શુદ્ધોદક સ્નાનં સમર્પયામિ ।
સ્નાનાનન્તરં આચમનીયં સમર્પયામિ ।
વસ્ત્રં – (ઓ-ઞ્જ્યેષ્ઠાય નમઃ)
નમો નાગવિભૂષાય નારદાદિ સ્તુતાય ચ ।
વસ્ત્રયુગ્મ-મ્પ્રદાસ્યામિ પાર્થિવેશ્વર સ્વીકુરુ ॥
ૐ શ્રી ઉમામહેશ્વર સ્વામિને નમઃ વસ્ત્રયુગ્મં સમર્પયામિ ।
(વસ્ત્રાર્થં અક્ષતાન્ સમર્પયામિ)
યજ્ઞોપવીતં – (ૐ શ્રેષ્ઠાય નમઃ)
યજ્ઞેશ યજ્ઞવિધ્વંસ સર્વદેવ નમસ્કૃત ।
યજ્ઞસૂત્ર-મ્પ્રદાસ્યામિ શોભન-ઞ્ચોત્તરીયકમ્ ॥
ૐ શ્રી ઉમામહેશ્વર સ્વામિને નમઃ યજ્ઞોપવીતં સમર્પયામિ ।
(ઉપવીતાર્થં અક્ષતાન્ સમર્પયામિ)
આભરણં – (ૐ રુદ્રાય નમઃ)
નાગાભરણ વિશ્વેશ ચન્દ્રાર્ધકૃતમસ્તક ।
પાર્થિવેશ્વર મદ્દત્ત-ઙ્ગૃહાણાભરણં-વિઁભો ॥
ૐ શ્રી ઉમામહેશ્વર સ્વામિને નમઃ આભરણં સમર્પયામિ ।
ગન્ધં – (ઓ-ઙ્કાલાય નમઃ)
શ્રી ગન્ધ-ન્તે પ્રયચ્છામિ ગૃહાણ પરમેશ્વર ।
કસ્તૂરિ કુઙ્કુમોપેતં શિવાશ્લિષ્ટ ભુજદ્વય ॥
ૐ શ્રી ઉમામહેશ્વર સ્વામિને નમ-શ્શ્રીગન્ધાદિ પરિમલ દ્રવ્યં સમર્પયામિ ।
અક્ષતાન્ – (ઓ-ઙ્કલવિકરણાય નમઃ)
અક્ષતા-ન્ધવલા-ન્દિવ્યાન્ શાલિ તુણ્ડુલ મિશ્રિતાન્ ।
અક્ષતોસિ સ્વભાવેન સ્વીકુરુષ્વ મહેશ્વર ॥
ૐ શ્રી ઉમામહેશ્વર સ્વામિને નમઃ ધવલાક્ષતાન્ સમર્પયામિ ।
પુષ્પં – (ઓ-મ્બલ વિકરણાય નમઃ)
સુગન્ધીનિ સુપુષ્પાણિ જાજીબિલ્વાર્ક ચમ્પકૈઃ ।
નિર્મિત-મ્પુષ્પમાલઞ્ચ નીલકણ્ઠ ગૃહાણ ભો ॥
ૐ શ્રી ઉમામહેશ્વર સ્વામિને નમઃ પુષ્પ બિલ્વદલાનિ સમર્પયામિ ।
અથાઙ્ગ પૂજા
ઓ-મ્મહેશ્વરાય નમઃ – પાદૌ પૂજયામિ ।
ૐ ઈશ્વરાય નમઃ – જઙ્ઘૌ પૂજયામિ ।
ઓ-ઙ્કામરૂપાય નમઃ – જાનુની પૂજયામિ ।
ૐ હરાય નમઃ – ઊરૂ પૂજયામિ ।
ઓ-ન્ત્રિપુરાન્તકાય નમઃ – ગુહ્ય-મ્પૂજયામિ ।
ઓ-મ્ભવાય નમઃ – કટિ-મ્પૂજયામિ ।
ૐ-વ્યાઁઘ્રચર્મામ્બરધરાય નમઃ – નાભિ-મ્પૂજયામિ ।
ઓ-ઙ્કુક્ષિસ્થ બ્રહાણ્ડાય નમઃ – ઉદર-મ્પૂજયામિ ।
ઓ-ઙ્ગૌરી મનઃ પ્રિયાય નમઃ – હૃદય-મ્પૂજયામિ ।
ઓ-મ્પિનાકિને નમઃ – હસ્તૌ પૂજયામિ ।
ઓ-ન્નાગાવૃતભુજદણ્ડાય નમઃ – ભુજૌ પૂજયામિ ।
ૐ શ્રીકણ્ઠાય નમઃ – કણ્ઠ-મ્પૂજયામિ ।
ૐ-વિઁરૂપાક્ષાય નમઃ – મુખ-મ્પૂજયામિ ।
ઓ-ન્ત્રિનેત્રાય નમઃ – નેત્રાણિ પૂજયામિ ।
ૐ રુદ્રાય નમઃ – લલાટ-મ્પૂજયામિ ।
ૐ શર્વાય નમઃ – શિરઃ પૂજયામિ ।
ઓ-ઞ્ચન્દ્રમૌલયે નમઃ – મૌલિ-મ્પૂજયામિ ।
ૐ અર્ધનારીશ્વરાય નમઃ – તનુ-મ્પૂજયામિ ।
ૐ શ્રી ઉમામહેશ્વરાય નમઃ – સર્વાણ્યઙ્ગાનિ પૂજયામિ ।
અષ્ટોત્તરશતનામ પૂજા
ૐ શિવાય નમઃ
ઓ-મ્મહેશ્વરાય નમઃ
ૐ શમ્ભવે નમઃ
ઓ-મ્પિનાકિને નમઃ
ૐ શશિશેખરાય નમઃ
ૐ-વાઁમદેવાય નમઃ
ૐ-વિઁરૂપાક્ષાય નમઃ
ઓ-ઙ્કપર્દિને નમઃ
ઓ-ન્નીલલોહિતાય નમઃ
ૐ શઙ્કરાય નમઃ (10)
ૐ શૂલપાણયે નમઃ
ઓ-ઙ્ખટ્વાઙ્ગિને નમઃ
ૐ-વિઁષ્ણુવલ્લભાય નમઃ
ૐ શિપિવિષ્ટાય નમઃ
ૐ અમ્બિકાનાથાય નમઃ
ૐ શ્રીકણ્ઠાય નમઃ
ઓ-મ્ભક્તવત્સલાય નમઃ
ઓ-મ્ભવાય નમઃ
ૐ શર્વાય નમઃ
ઓ-ન્ત્રિલોકેશાય નમઃ (20)
ૐ શિતિકણ્ઠાય નમઃ
ૐ શિવાપ્રિયાય નમઃ
ૐ ઉગ્રાય નમઃ
ઓ-ઙ્કપાલિને નમઃ
ઓ-ઙ્કામારયે નમઃ
ૐ અન્ધકાસુર સૂદનાય નમઃ
ઓ-ઙ્ગઙ્ગાધરાય નમઃ
ૐ-લઁલાટાક્ષાય નમઃ
ઓ-ઙ્કાલકાલાય નમઃ
ઓ-ઙ્કૃપાનિધયે નમઃ (30)
ઓ-મ્ભીમાય નમઃ
ઓ-મ્પરશુહસ્તાય નમઃ
ઓ-મ્મૃગપાણયે નમઃ
ઓ-ઞ્જટાધરાય નમઃ
ઓ-ઙ્કૈલાસવાસિને નમઃ
ઓ-ઙ્કવચિને નમઃ
ઓ-ઙ્કઠોરાય નમઃ
ઓ-ન્ત્રિપુરાન્તકાય નમઃ
ૐ-વૃઁષાઙ્કાય નમઃ
ૐ-વૃઁષભારૂઢાય નમઃ (40)
ઓ-મ્ભસ્મોદ્ધૂલિત વિગ્રહાય નમઃ
ૐ સામપ્રિયાય નમઃ
ૐ સ્વરમયાય નમઃ
ઓ-ન્ત્રયીમૂર્તયે નમઃ
ૐ અનીશ્વરાય નમઃ
ૐ સર્વજ્ઞાય નમઃ
ઓ-મ્પરમાત્મને નમઃ
ૐ સોમસૂર્યાગ્નિ લોચનાય નમઃ
ૐ હવિષે નમઃ
ૐ-યઁજ્ઞમયાય નમઃ (50)
ૐ સોમાય નમઃ
ઓ-મ્પઞ્ચવક્ત્રાય નમઃ
ૐ સદાશિવાય નમઃ
ૐ-વિઁશ્વેશ્વરાય નમઃ
ૐ-વીઁરભદ્રાય નમઃ
ઓ-ઙ્ગણનાથાય નમઃ
ઓ-મ્પ્રજાપતયે નમઃ
ૐ હિરણ્યરેતસે નમઃ
ઓ-ન્દુર્ધર્ષાય નમઃ
ઓ-ઙ્ગિરીશાય નમઃ (60)
ઓ-ઙ્ગિરિશાય નમઃ
ૐ અનઘાય નમઃ
ઓ-મ્ભુજઙ્ગ ભૂષણાય નમઃ
ઓ-મ્ભર્ગાય નમઃ
ઓ-ઙ્ગિરિધન્વને નમઃ
ઓ-ઙ્ગિરિપ્રિયાય નમઃ
ઓ-ઙ્કૃત્તિવાસસે નમઃ
ઓ-મ્પુરારાતયે નમઃ
ઓ-મ્ભગવતે નમઃ
ઓ-મ્પ્રમથાધિપાય નમઃ (70)
ઓ-મ્મૃત્યુઞ્જયાય નમઃ
ૐ સૂક્ષ્મતનવે નમઃ
ઓ-ઞ્જગદ્વ્યાપિને નમઃ
ઓ-ઞ્જગદ્ગુરવે નમઃ
ૐ-વ્યોઁમકેશાય નમઃ
ઓ-મ્મહાસેન જનકાય નમઃ
ઓ-ઞ્ચારુવિક્રમાય નમઃ
ૐ રુદ્રાય નમઃ
ઓ-મ્ભૂતપતયે નમઃ
ૐ સ્થાણવે નમઃ (80)
ૐ અહિર્બુધ્ન્યાય નમઃ
ઓ-ન્દિગમ્બરાય નમઃ
ૐ અષ્ટમૂર્તયે નમઃ
ૐ અનેકાત્મને નમઃ
ૐ સાત્ત્વિકાય નમઃ
ૐ શુદ્ધવિગ્રહાય નમઃ
ૐ શાશ્વતાય નમઃ
ઓ-ઙ્ખણ્ડપરશવે નમઃ
ૐ અજાય નમઃ
ઓ-મ્પાશવિમોચકાય નમઃ (90)
ઓ-મ્મૃડાય નમઃ
ઓ-મ્પશુપતયે નમઃ
ઓ-ન્દેવાય નમઃ
ઓ-મ્મહાદેવાય નમઃ
ૐ અવ્યયાય નમઃ
ૐ હરયે નમઃ
ઓ-મ્પૂષદન્તભિદે નમઃ
ૐ અવ્યગ્રાય નમઃ
ઓ-ન્દક્ષાધ્વરહરાય નમઃ
ૐ હરાય નમઃ (100)
ઓ-મ્ભગનેત્રભિદે નમઃ
ૐ અવ્યક્તાય નમઃ
ૐ સહસ્રાક્ષાય નમઃ
ૐ સહસ્રપાદે નમઃ
ૐ અપવર્ગપ્રદાય નમઃ
ૐ અનન્તાય નમઃ
ઓ-ન્તારકાય નમઃ
ઓ-મ્પરમેશ્વરાય નમઃ (108)
ઓ-ન્નિધનપતયે નમઃ । ઓ-ન્નિધનપતાન્તિકાય નમઃ ।
ૐ ઊર્ધ્વાય નમઃ । ૐ ઊર્ધ્વલિઙ્ગાય નમઃ ।
ૐ હિરણ્યાય નમઃ । ૐ હિરણ્યલિઙ્ગાય નમઃ ।
ૐ સુવર્ણાય નમઃ । ૐ સુવર્ણલિઙ્ગાય નમઃ ।
ઓ-ન્દિવ્યાય નમઃ । ઓ-ન્દિવ્યલિઙ્ગાય નમઃ ।
ઓ-મ્ભવાય નમઃ । ઓ-મ્ભવલિઙ્ગાય નમઃ ।
ૐ શર્વાય નમઃ । ૐ શર્વલિઙ્ગાય નમઃ ।
ૐ શિવાય નમઃ । ૐ શિવલિઙ્ગાય નમઃ ।
ઓ-ઞ્જ્વલાય નમઃ । ઓ-ઞ્જ્વલલિઙ્ગાય નમઃ ।
ૐ આત્માય નમઃ । ૐ આત્મલિઙ્ગાય નમઃ ।
ઓ-મ્પરમાય નમઃ । ઓ-મ્પરમલિઙ્ગાય નમઃ ।
ઓ-મ્ભવાય દેવાય નમઃ
– ઓ-મ્ભવસ્ય દેવસ્ય પત્ન્યૈ નમઃ ।
ૐ શર્વાય દેવાય નમઃ
– ૐ શર્વસ્ય દેવસ્ય પત્ન્યૈ નમઃ ।
ૐ ઈશાનાય દેવાય નમઃ
– ૐ ઈશાનસ્ય દેવસ્ય પત્ન્યૈ નમઃ ।
ઓ-મ્પશુપતયે દેવાય નમઃ
– ઓ-મ્પશુપતેર્દેવસ્ય પત્ન્યૈ નમઃ ।
ૐ રુદ્રાય દેવાય નમઃ
– ૐ રુદ્રસ્ય દેવસ્ય પત્ન્યૈ નમઃ ।
ૐ ઉગ્રાય દેવાય નમઃ
– ૐ ઉગ્રસ્ય દેવસ્ય પત્ન્યૈ નમઃ ।
ઓ-મ્ભીમાય દેવાય નમઃ
– ઓ-મ્ભીમસ્ય દેવસ્ય પત્ન્યૈ નમઃ ।
ઓ-મ્મહતે દેવાય નમઃ
– ઓ-મ્મહતો દેવસ્ય પત્ન્યૈ નમઃ ।
ૐ શ્રી ઉમામહેશ્વર સ્વામિને નમઃ નાના વિધ પરિમલ પત્ર પુષ્પાક્ષતાન્ સમર્પયામિ ।
ધૂપં – (ઓ-મ્બલાય નમઃ)
ધૂરસિ ધૂર્વ ધૂર્વન્ત-ન્ધૂર્વતં-યોઁ-ઽસ્મા-ન્ધૂર્વતિ ત-ન્ધૂર્વયં-વઁયં
ધૂર્વામસ્ત્વ-ન્દેવાનામસિ સસ્નિતમ-મ્પપ્રિતમ-ઞ્જુષ્ટતમં-વઁહ્નિતમં
દેવહૂતમ-મહ્રુતમસિ હવિર્ધાન-ન્દૃગ્ં હસ્વ માહ્વા ર્મિત્રસ્ય ત્વા ચક્ષુષા
પ્રેક્ષે મા ભેર્મા સંવિઁક્તા મા ત્વા હિગ્ંસિષમ્ ।
આવાહિતાભ્ય-સ્સર્વાભ્યો દેવતાભ્યો નમઃ । ધૂપમાઘ્રાપયામિ ।
દીપં – (ઓ-મ્બલ પ્રમથનાય નમઃ)
ઉદ્દીપ્યસ્વ જાતવેદો-ઽપઘ્ન-ન્નિઋતિ-મ્મમ । પશુગ્ગ્શ્ચ મહ્યમાવહ જીવન-ઞ્ચ દિશો દિશ । માનો હિગ્ંસી-જ્જાતવેદો ગામશ્વ-મ્પુરુષ-ઞ્જગત્ । અબિભ્રદગ્ન આગહિ શ્રિયા મા પરિપાતય ।
આવાહિતાભ્ય-સ્સર્વાભ્યો દેવતાભ્યો નમઃ । ધૂપમાઘ્રાપયામિ ।
ધૂપ દીપાનન્તરં શુદ્ધાચમનીયં સમર્પયામિ ।
નૈવેદ્યં – (ૐ સર્વ ભૂત દમનાય નમઃ)
ઓ-મ્ભૂર્ભુવસ્સુવઃ । તત્સવિતુર્વરેણ્ય-મ્ભર્ગો દેવસ્ય ધીમહિ ।
ધિયો યો નઃ પ્રચોદયાત્ । દેવ સવિતઃ પ્રસુવઃ ।
સત્ય-ન્ત્વર્તેન પરિષિઞ્ચામિ ।
(સાયઙ્કાલે – ઋત-ન્ત્વા સત્યેન પરિષિઞ્ચામિ)
અમૃતં અસ્તુ । અમૃતોપસ્તરણમસિ ।
ઓ-મ્પ્રાણાય સ્વાહાઃ । ૐ અપાનાય સ્વાહાઃ ।
ૐ-વ્યાઁનાય સ્વાહાઃ । ૐ ઉદાનાય સ્વાહાઃ ।
ૐ સમાનાય સ્વાહાઃ । ઓ-મ્બ્રહ્મણે સ્વાહાઃ ।
મધુવાતા ઋતાયતે મધુક્ષરન્તિ સિન્ધવઃ ।
માદ્ધ્વીર્ન-સ્સન્ત્વોષધીઃ । મધુનક્ત મુતોષસિ મધુમ-ત્પાર્થિવગ્ં રજઃ ।
મધુદ્યૌરસ્તુ નઃ પિતા । મધુમાન્નો વનસ્પતિ ર્મધુમાગ્ં અસ્તુ સૂર્યઃ ।
માધ્વીર્ગાવો ભવન્તુ નઃ ॥ મધુ મધુ મધુ ॥
આવાહિતાભ્ય-સ્સર્વાભ્યો દેવતાભ્યો નમઃ ।
(દિવ્યાન્નમ્, ઘૃતગુલપાયસમ્, નાલિકેરખણ્ડદ્વયમ્, કદલીફલં ...)
ૐ શ્રી ઉમામહેશ્વર સ્વામિને નમઃ । મહાનૈવેદ્ય-ન્નિવેદયામિ ।
મધ્યે મધ્યે પાનીયં સમર્પયામિ ।
અમૃતાપિધાનમસિ । ઉત્તરાપોશનં સમર્પયામિ ।
હસ્તૌ પ્રક્ષાલયામિ । પાદૌ પ્રક્ષાલયામિ ।
શુદ્ધાચમનીયં સમર્પયામિ ।
તામ્બૂલં – (ઓ-મ્મનોન્મનાય નમઃ)
પૂગીફલસમાયુક્ત-ન્નાગવલ્લીદલૈર્યુતમ્ ।
કર્પૂરચૂર્ણ સંયુઁક્ત-ન્તામ્બૂલ-મ્પ્રતિગૃહ્યતામ્ ।
આવાહિતાભ્ય-સ્સર્વાભ્યો દેવતાભ્યો નમઃ । તામ્બૂલ-ન્નિવેદયામિ ।
તામ્બૂલ ચર્વણાનન્તરં શુદ્ધ આચમનીયં સમર્પયામિ ।
નીરાજનં
સોમો વા એતસ્ય રાજ્યમાદત્તે । યો રાજાસ-ન્રાજ્યો વા સોમેન
યજતે । દેવ સુવામેતાનિ હવિગ્ંષિ ભવન્તિ ।
એતાવન્તો વૈ દેવાનાગ્ં સવાઃ । ત એવાસ્મૈ સવા-ન્પ્રયચ્છન્તિ ।
ત એન-મ્પુન-સ્સુવન્તે રાજ્યાય । દેવસૂ રાજા ભવતિ ।
રાજાધિરાજાય પ્રસહ્ય સાહિને । નમો વયં-વૈઁશ્રવણાય કુર્મહે ।
સ મે કામાન્ કામકામાય મહ્યમ્ । કામેશ્વરો વૈશ્રવણો દદાતુ ।
કુબેરાય વૈશ્રવણાય । મહારાજાય નમઃ ।
અઘોરેભ્યો ઽથઘોરેભ્યો ઘોરઘોરતરેભ્યઃ ।
સર્વેભ્ય-સ્સર્વશર્વેભ્યો નમસ્તે અસ્તુ રુદ્રરૂપેભ્યઃ ॥
તત્પુરુષાય વિદ્મહે મહાદેવાય ધીમહિ ।
તન્નો રુદ્રઃ પ્રચોદયાત્ ॥
ઈશાન-સ્સર્વવિદ્યાના-મીશ્વર-સ્સર્વભૂતાના-મ્બ્રહ્માધિપતિ ર્બ્રહ્મણો-ઽધિપતિ ર્બ્રહ્મા શિવો મે અસ્તુ સદાશિવોમ્ ॥
નીરાજનમિદ-ન્દેવ કર્પૂરામોદ સંયુઁતમ્ ।
ગૃહાણ પરમાનન્દ હેરમ્બ વરદાયક ॥
આવાહિતાભ્ય-સ્સર્વાભ્યો દેવતાભ્યો નમઃ । કર્પૂર નીરાજન-ન્દર્શયામિ ।
નીરાજનાનન્તરં શુદ્ધ આચમનીયં સમર્પયામિ ।
મન્ત્રપુષ્પં
આત્મરક્ષા
બ્રહ્માત્મન્ વદસૃજત । તદકામયત । સમાત્મના પદ્યેયેતિ ।
આત્મન્ના-ત્મન્નિત્યા-મન્ત્રયત । તસ્મૈ દશમગ્ં હૂતઃ પ્રત્યશૃણોત્ ।
સ દશહૂતો-ઽભવત્ । દશહૂતો હવૈ નામૈષઃ । તં-વાઁ એત-ન્દશહૂતગ્ં સન્તમ્ ।
દશહોતેત્યા ચક્ષતે પરોક્ષેણ । પરોક્ષપ્રિયા ઇવ હિ દેવાઃ ॥ 1
આત્મન્ના-ત્મન્નિત્યા-મન્ત્રયત । તસ્મૈ સપ્તમગ્ં હૂતઃ પ્રત્યશૃણોત્ ।
સ સપ્તહૂતો-ઽભવત્ । સપ્તહૂતો હવૈ નામૈષઃ । તં-વાઁ એતગ્ં સપ્તહૂતગ્ં સન્તમ્ । સપ્તહોતેત્યા ચક્ષતે પરોક્ષેણ । પરોક્ષપ્રિયા ઇવ હિ દેવાઃ ॥ 2
આત્મન્ના-ત્મન્નિત્યા-મન્ત્રયત । તસ્મૈ ષષ્ઠગ્ં હૂતઃ પ્રત્યશૃણોત્ ।
સ ષડ્ઢૂતો-ઽભવત્ । ષડ્ઢૂતો હવૈ નામૈષઃ । તં-વાઁ એતગ્ં ષડ્ઢૂતગ્ં સન્તમ્ ।
ષડ્ઢોતેત્યા ચક્ષતે પરોક્ષેણ । પરોક્ષપ્રિયા ઇવ હિ દેવાઃ ॥ 3
આત્મન્ના-ત્મન્નિત્યા-મન્ત્રયત । તસ્મૈ પઞ્ચમગ્ં હૂતઃ પ્રત્યશૃણોત્ ।
સ પઞ્ચહૂતો-ઽભવત્ । પઞ્ચહૂતો હવૈ નામૈષઃ । તં-વાઁ એત-મ્પઞ્ચહૂતગ્ં સન્તમ્ । પઞ્ચહોતેત્યા ચક્ષતે પરોક્ષેણ । પરોક્ષપ્રિયા ઇવ હિ દેવાઃ ॥ 4
આત્મન્ના-ત્મન્નિત્યા-મન્ત્રયત । તસ્મૈ ચતુર્થગ્ં હૂતઃ પ્રત્યશૃણોત્ ।
સ ચતુર્હૂતો-ઽભવત્ । ચતુર્હૂતો હવૈ નામૈષઃ । તં-વાઁ એત-ઞ્ચતુર્હૂતગ્ં
સન્તમ્ । ચતુર્હોતેત્યા ચક્ષતે પરોક્ષેણ । પરોક્ષપ્રિયા ઇવ હિ દેવાઃ ॥ 5
તમબ્રવીત્ । ત્વં-વૈઁ મે નેદિષ્ઠગ્ં હૂતઃ પ્રત્યશ્રૌષીઃ ।
ત્વયૈ નાનાખ્યાતાર ઇતિ । તસ્માન્નુહૈનાગ્-શ્ચતુ ર્હોતાર ઇત્યાચક્ષતે ।
તસ્માચ્છુશ્રૂષુઃ પુત્રાણાગ્ં હૃદ્યતમઃ । નેદિષ્ઠો હૃદ્યતમઃ ।
નેદિષ્ઠો બ્રહ્મણો ભવતિ । ય એવં-વેઁદ ॥ 6 (આત્મને નમઃ)
ઓ-ન્તત્પુરુષાય વિદ્મહે મહાદેવાય ધીમહિ ।
તન્નો રુદ્રઃ પ્રચોદયાત્ ॥
ઓ-ઙ્કાત્યાયનાય વિદ્મહે કન્યકુમારિ ધીમહિ ।
તન્નો દુર્ગિઃ પ્રચોદયાત્ ॥
યો-ઽપા-મ્પુષ્પં-વેઁદ । પુષ્પવા-ન્પ્રજાવા-ન્પશુમા-ન્ભવતિ ।
ચન્દ્રમા વા અપા-મ્પુષ્પમ્ । પુષ્પવા-ન્પ્રજાવા-ન્પશુમા-ન્ભવતિ ।
ઓ-ન્તદ્બ્રહ્મ । ઓ-ન્તદ્વાયુઃ । ઓ-ન્તદાત્મા । ઓ-ન્તથ્સત્યમ્ ।
ઓ-ન્તથ્સર્વમ્ । ઓ-ન્તત્પુરોર્નમઃ ।
અન્તશ્ચરતિ ભૂતેષુ ગુહાયાં-વિઁશ્વમૂર્તિષુ । ત્વં-યઁજ્ઞસ્ત્વં-વઁષટ્કાર સ્ત્વમિન્દ્રસ્ત્વગ્ં રુદ્રસ્ત્વં-વિઁષ્ણુસ્ત્વ-મ્બ્રહ્મત્વ-મ્પ્રજાપતિઃ ।
ત્વ-ન્તદાપ આપો જ્યોતીરસો-ઽમૃત-મ્બ્રહ્મ ભૂર્ભુવસ્સુવરોમ્ ।
ચતુર્વેદ પારાયણં
ૐ શ્રી ભવાનીશઙ્કર સ્વામિને નમઃ ॥
ઋગ્વેદપ્રિયઃ ॥ ઋગ્વેદમવધારય ॥
હરિઃ ઓમ્ ॥ અગ્નિમીલે પુરોહિતં-યઁજ્ઞસ્ય દેવમૃત્વિજમ્ । હોતારં રત્ન ધાતમમ્ ।
હરિઃ ઓમ્ ॥
ૐ શ્રી ભવાનીશઙ્કર સ્વામિને નમઃ ॥
યજુર્વેદપ્રિયઃ ॥ યજુર્વેદમવધારય ॥
હરિઃ ઓમ્ ॥ ઇષે ત્વોર્જે ત્વા વાયવઃ સ્થોપાયવઃ સ્થ દેવો વઃ સવિતા પ્રાર્પયતુ શ્રેષ્ઠતમાય કર્મણ આ પ્યાયદ્ધ્વમઘ્નિયા દેવભાગ-મૂર્જસ્વતીઃ પયસ્વતીઃ પ્રજાવતી-રનમીવા અયક્ષ્મા મા વઃ સ્તેન ઈશત મા-ઽઘશગ્ંસો રુદ્રસ્ય હેતિઃ પરિ વો વૃણક્તુ ધ્રુવા અસ્મિ-ન્ગોપતૌ સ્યાત બહ્વી-ર્યજમાનસ્ય પશૂ-ન્પાહિ ॥
હરિઃ ઓમ્ ॥
ૐ શ્રી ભવાનીશઙ્કર સ્વામિને નમઃ ॥
સામવેદપ્રિયઃ ॥ સામવેદમવધારય ॥
હરિઃ ઓમ્ ॥ અગ્ન આયાહિ વીતયે ગૃણાનો હવ્ય દાતયે ।
નિહોતા સથ્સિ બર્હિષિ ।
હરિઃ ઓમ્ ॥
ૐ શ્રી ભવાનીશઙ્કર સ્વામિને નમઃ ॥
અથર્વવેદપ્રિયઃ ॥ અથર્વવેદમવધારય ॥
હરિઃ ઓમ્ ॥ શન્નો દેવીરભિષ્ટય આપો ભવન્તુ પીતયે । શંયોઁરભિસ્રવન્તુ નઃ ॥
હરિઃ ઓમ્ ॥
ૐ શ્રી ભવાનીશઙ્કર સ્વામિને નમઃ ॥
ઉપનિષદ્પ્રિયઃ ॥ ઉપનિષદવધારય ॥
હરિઃ ઓમ્ ॥ અહમન્ન-મહમન્ન-મહમન્નમ્ । અહમન્નાદો(3)-ઽહમન્નાદો(3)-ઽહમન્નાદઃ । અહગ્ગ્ શ્લોકકૃદહગ્ગ્ શ્લોકકૃદહગ્ગ્ શ્લોકકૃત્ । અહમસ્મિ પ્રથમજા ઋતા(3) સ્ય । પૂર્વ-ન્દેવેભ્યો અમૃતસ્ય ના(3) ભાયિ । યો મા દદાતિ સ ઇદેવ મા(3) વાઃ । અહમન્ન-મન્ન-મદન્તમા(3) દ્મિ । અહં-વિઁશ્વ-મ્ભુવન-મભ્યભવામ્ । સુવર્ન જ્યોતીઃ । ય એવં-વેઁદ । ઇત્યુપનિષત્ ॥
આવાહિતાભ્ય-સ્સર્વાભ્યો દેવતાભ્યો નમઃ ।
પાદારવિન્દયોઃ દિવ્ય સુવર્ણ મન્ત્ર પુષ્પાઞ્જલિં સમર્પયામિ ।
પ્રદક્ષિણં
ઈશાન-સ્સર્વવિદ્યાનામીશ્વર-સ્સર્વભૂતાનાં
બ્રહ્માધિપતિર્બ્રહ્મણો-ઽધિપતિર્બ્રહ્મા શિવો મે અસ્તુ સદાશિવોમ્ ॥
પદે પદે સર્વતમો નિકૃન્તનં
પદે પદે સર્વ શુભપ્રદાયકમ્ ।
પ્રદક્ષિણ-મ્ભક્તિયુતેન ચેતસા
કરોમિ મૃત્યુઞ્જય રક્ષ રક્ષ મામ્ ॥
ૐ શ્રી ઉમામહેશ્વર સ્વામિને નમઃ આત્મપ્રદક્ષિણ નમસ્કારાન્ સમર્પયામિ ।
પ્રાર્થના
નમો હિરણ્યબાહવે હિરણ્યવર્ણાય હિરણ્યરૂપાય હિરણ્યપતયે-ઽમ્બિકાપતય ઉમાપતયે પશુપતયે નમો નમઃ ॥
અથ તર્પણં
ભવ-ન્દેવ-ન્તર્પયામિ
– ભવસ્ય દેવસ્ય પત્ની-ન્તર્પયામિ ।
શર્વ-ન્દેવ-ન્તર્પયામિ
– શર્વસ્ય દેવસ્ય પત્ની-ન્તર્પયામિ ।
ઈશાન-ન્દેવ-ન્તર્પયામિ
– ઈશાનસ્ય દેવસ્ય પત્ની-ન્તર્પયામિ ।
પશુપતિ-ન્દેવ-ન્તર્પયામિ
– પશુપતેર્દેવસ્ય પત્ની-ન્તર્પયામિ ।
રુદ્ર-ન્દેવ-ન્તર્પયામિ
– રુદ્રસ્ય દેવસ્ય પત્ની-ન્તર્પયામિ ।
ઉગ્ર-ન્દેવ-ન્તર્પયામિ
– ઉગ્રસ્ય દેવસ્ય પત્ની-ન્તર્પયામિ ।
ભીમ-ન્દેવ-ન્તર્પયામિ
– ભીમસ્ય દેવસ્ય પત્ની-ન્તર્પયામિ ।
મહાન્ત-ન્દેવ-ન્તર્પયામિ
– મહતો દેવસ્ય પત્ની-ન્તર્પયામિ ।
ઇતિ તર્પયિત્વા અઘોરાદિભિસ્ત્રિભિર્મન્ત્રૈઃ ઘોર તનૂરુપતિષ્ઠતે ।
ૐ અઘોરેભ્યો-ઽથ ઘોરેભ્યો ઘોરઘોરતરેભ્યઃ ।
સર્વેભ્ય-સ્સર્વશર્વેભ્યો નમસ્તે અસ્તુ રુદ્રરૂપેભ્યઃ ॥
ઓ-ન્તત્પુરુષાય વિદ્મહે મહાદેવાય ધીમહિ ।
તન્નો રુદ્રઃ પ્રચોદયાત્ ॥
ઈશાનસ્સર્વવિદ્યાનામીશ્વરસ્સર્વભૂતાના-મ્બ્રહ્મા-ઽધિપતિર્બ્રહ્મણો-ઽધિપતિર્બ્રહ્મા શિવો મે અસ્તુ સદાશિવોમ્ ॥
ઇતિ ધ્યાત્વા રુદ્રગાયત્રીં-યઁથા શક્તિ જપેત્ ।
ઓ-ન્તત્પુરુષાય વિદ્મહે મહાદેવાય ધીમહિ ।
તન્નો રુદ્રઃ પ્રચોદયાત્ ॥
ઇતિ જપિત્વા અથૈનમાશિષમાશાસ્તે ।
(તૈ.બ્રા.3-5-10-4)
આશાસ્તે-ઽયં-યઁજમાનો-ઽસૌ । આયુરાશાસ્તે ।
સુપ્રજાસ્ત્વમાશાસ્તે । સજાતવનસ્યામાશાસ્તે ।
ઉત્તરા-ન્દેવયજ્યામાશાસ્તે । ભૂયો હવિષ્કરણમાશાસ્તે ।
દિવ્ય-ન્ધામાશાસ્તે । વિશ્વ-મ્પ્રિયમાશાસ્તે ।
યદનેન હવિષા-ઽઽશાસ્તે । તદસ્યાત્તદૃધ્યાત્ ।
તદસ્મૈ દેવા રાસન્તામ્ । તદગ્નિર્દેવો દેવેભ્યો વનતે ।
વયમગ્નેર્માનુષાઃ । ઇષ્ટ-ઞ્ચ વીત-ઞ્ચ ।
ઉભે ચ નો દ્યાવાપૃથિવી અગ્ંહસ-સ્સ્પાતામ્ ।
ઇહ ગતિર્વામસ્યેદ-ઞ્ચ । નમો દેવેભ્યઃ ॥
ઉપચારપૂજાઃ
પુનઃ પૂજા-ઙ્કરિષ્યે । છત્રમાચ્છાદયામિ ।
ચામરૈર્વીજયામિ । નૃત્ય-ન્દર્શયામિ ।
ગીતં શ્રાવયામિ । આન્દોલિકાનારોહયામિ ।
અશ્વાનારોહયામિ । ગજાનારોહયામિ ।
સમસ્ત રાજોપચાર દેવોપચાર ભક્ત્યુપચાર શક્ત્યુપચાર મન્ત્રોપચાર પૂજાસ્સમર્પયામિ ॥
લિઙ્ગાષ્ટકમ્ ॥
બિલ્વાષ્ટકમ્ ॥
ક્ષમાપ્રાર્થન
કરચરણકૃતં-વાઁક્કાયજ-ઙ્કર્મજં-વાઁ
શ્રવણનયનજં-વાઁ માનસં-વાઁ-ઽપરાધમ્ ।
વિહિતમવિહિતં-વાઁ સર્વમેતત્ક્ષ્મસ્વ
શિવ શિવ કરુણાબ્ધે શ્રીમહાદેવ શમ્ભો ॥ 18॥
યસ્ય સ્મૃત્યા ચ નામોક્ત્યા તપઃ પૂજા ક્રિયાદિષુ ।
ન્યૂનં સમ્પૂર્ણતાં-યાઁતિ સદ્યોવન્દે મહેશ્વરમ્ ॥
મન્ત્રહીન-ઙ્ક્રિયાહીન-મ્ભક્તિહીન-મ્મહેશ્વર ।
યત્પૂજિત-મ્મયા દેવ પરિપૂર્ણ-ન્તદસ્તુ તે ॥
અનયા સદ્યોજાત વિધિના ધ્યાનાવાહનાદિ ષોડશોપચાર પૂજયા ભગવાન્ સર્વાત્મક-શ્શ્રી ઉમામહેશ્વરસ્વામી સુપ્રીત-સ્સુપ્રસન્નો વરદો ભવતુ ।
એતત્ફલં શ્રી પરમેશ્વરાર્પણમસ્તુ ॥
ઉત્તરતશ્ચણ્ડીશ્વરાય નમઃ નિર્માલ્યં-વિઁસૃજ્ય ॥
તીર્થં
અકાલમૃત્યુહરણં સર્વવ્યાધિ નિવારણમ્ ।
સમસ્તપાપક્ષયકરં શિવપાદોદક-મ્પાવનં શુભમ્ ॥
ઇતિ ત્રિવાર-મ્પીત્વા શિવ નિર્માલ્ય રૂપ બિલ્વદલં-વાઁ દક્ષિણે કર્ણે ધારયેત્ ।
ૐ શાન્તિ-શ્શાન્તિ-શ્શાન્તિઃ ॥