ശിവ പഞ്ചായതന ഷോഡശ ഉപചാര പുജ

അപവിത്രഃ പവിത്രോ വാ സര്വാവസ്ഥാ-ങ്ഗതോ-ഽപി വാ ।
യ-സ്സ്മരേ-ത്പുണ്ഡരീകാക്ഷം സ ബാഹ്യാഭ്യന്തര-ശ്ശുചിഃ ॥
പുണ്ഡരീകാക്ഷ പുണ്ഡരീകാക്ഷ പുണ്ഡരീകാക്ഷായ നമഃ ॥

പ്രാര്ഥനാ

ശുക്ലാമ്ബരധരം-വിഁഷ്ണും ശശിവര്ണ-ഞ്ചതുര്ഭുജമ് ।
പ്രസന്നവദന-ന്ധ്യായേ-ഥ്സര്വവിഘ്നോപശാന്തയേ ॥

അഗജാനന പദ്മാര്ക-ങ്ഗജാനനമഹര്നിശമ് ।
അനേകദ-ന്ത-മ്ഭക്താനാം ഏകദന്തമുപാസ്മഹേ ॥

ദേവീം-വാഁചമജനയന്ത ദേവാസ്താം-വിഁശ്വരൂപാഃ പശവോ വദന്തി ।
സാ നോ മന്ദ്രേഷമൂര്ജ-ന്ദുഹാനാ ധേനുര്വാഗസ്മാനുപ സുഷ്ടുതൈതു ॥

യ-ശ്ശിവോ നാമ രൂപാഭ്യാം-യാഁ ദേവീ സര്വമങ്ഗലാ ।
തയോ-സ്സംസ്മരണാന്നിത്യം സര്വദാ ജയ മങ്ഗലമ് ॥

തദേവ ലഗ്നം സുദിന-ന്തദേവ
താരാബല-ഞ്ചന്ദ്രബല-ന്തദേവ ।
വിദ്യാബല-ന്ദൈവബല-ന്തദേവ
ലക്ഷ്മീപതേ തേ-ഽങ്ഘ്രിയുഗം സ്മരാമി ॥

ഗുരുര്ബ്രഹ്മാ ഗുരുര്വിഷ്ണുഃ ഗുരുര്ദേവോ മഹേശ്വരഃ ।
ഗുരു-സ്സാക്ഷാ-ത്പരബ്രഹ്മ തസ്മൈ ശ്രീഗുരവേ നമഃ ॥

ലാഭസ്തേഷാ-ഞ്ജയസ്തേഷാ-ങ്കുതസ്തേഷാ-മ്പരാഭവഃ ।
ഏഷാമിന്ദീവരശ്യാമോ ഹൃദയസ്ഥോ ജനാര്ദനഃ ॥

സര്വമങ്ഗല മാങ്ഗല്യേ ശിവേ സര്വാര്ഥസാധികേ ।
ശരണ്യേ ത്ര്യമ്ബകേ ഗൌരീ നാരായണി നമോ-ഽസ്തു തേ ॥

ശ്രീലക്ഷ്മീനാരായണാഭ്യാ-ന്നമഃ ।
ഉമാമഹേശ്വരാഭ്യാ-ന്നമഃ ।
വാണീഹിരണ്യഗര്ഭാഭ്യാ-ന്നമഃ ।
ശചീപുരന്ദരാഭ്യാ-ന്നമഃ ।
അരുന്ധതീവസിഷ്ഠാഭ്യാ-ന്നമഃ ।
ശ്രീസീതാരാമാഭ്യാ-ന്നമഃ ।
മാതാപിതൃഭ്യോ നമഃ ।
സര്വേഭ്യോ മഹാജനേഭ്യോ നമഃ ।
കര്പൂര ഗൌര-ങ്കരുണാവതാരം
സംസാരസാര-മ്ഭുജഗേന്ദ്ര ഹാരമ് ।
സദാ രമന്തം ഹൃദയാരവിന്ദേ
ഭവ-മ്ഭവാനീ സഹിത-ന്നമാമി ॥

വാഗര്ഥാവിവ സമ്പൃക്തൌ വാഗര്ഥ പ്രതിപത്തയേ ।
ജഗതഃ പിതരൌ വന്ദേ പാര്വതീ പരമേശ്വരൌ ॥

വന്ദേ മഹേശം സുരസിദ്ധസേവിതം
ദേവാങ്ഗനാ ഗീത സുനൃത്യ തുഷ്ടമ് ।
പര്യങ്കഗം ശൈലസുതാസമേതം
കല്പദ്രുമാരണ്യഗത-മ്പ്രസന്നമ് ॥

ആപാതാല-നഭസ്സ്ഥലാന്ത-ഭുവന-ബ്രഹ്മാണ്ഡ-മാവിസ്ഫുരത്-
ജ്യോതി-സ്സ്ഫാടിക-ലിങ്ഗ-മൌലി-വിലസത്-പൂര്ണേന്ദു-വാന്താമൃതൈഃ ।
അസ്തോകാപ്ലുത-മേക-മീശ-മനിശം രുദ്രാനു-വാകാഞ്ജപന്
ധ്യായേ-ദീപ്സിത-സിദ്ധയേ ധ്രുവപദം-വിഁപ്രോ-ഽഭിഷിഞ്ചേ-ച്ചിവമ് ॥

ബ്രഹ്മാണ്ഡ വ്യാപ്തദേഹാ ഭസിത ഹിമരുചാ ഭാസമാനാ ഭുജങ്ഗൈഃ
കണ്ഠേ കാലാഃ കപര്ദാഃ കലിത-ശശികലാ-ശ്ചണ്ഡ കോദണ്ഡ ഹസ്താഃ ।
ത്ര്യക്ഷാ രുദ്രാക്ഷമാലാഃ പ്രകടിതവിഭവാ-ശ്ശാമ്ഭവാ മൂര്തിഭേദാഃ
രുദ്രാ-ശ്ശ്രീരുദ്രസൂക്ത-പ്രകടിതവിഭവാ നഃ പ്രയച്ചന്തു സൌഖ്യമ് ॥

ദീപാരാധനമ്
ദീപസ്ത്വ-മ്ബ്രഹ്മരൂപോ-ഽസി ജ്യോതിഷാ-മ്പ്രഭുരവ്യയഃ ।
സൌഭാഗ്യ-ന്ദേഹി പുത്രാംശ്ച സര്വാന്കാമാംശ്ച ദേഹി മേ ॥
ഭോ ദീപ ദേവി രൂപസ്ത്വ-ങ്കര്മസാക്ഷീ ഹ്യവിഘ്നകൃത് ।
യാവത്പൂജാ-ങ്കരിഷ്യാമി താവത്ത്വം സുസ്ഥിരോ ഭവ ॥
ദീപാരാധന മുഹൂര്ത-സ്സുമുഹൂര്തോ-ഽസ്തു ॥
പൂജാര്ഥേ ഹരിദ്രാ കുങ്കുമ വിലേപന-ങ്കരിഷ്യേ ॥

ആചമ്യ
ഓ-ങ്കേശവായ സ്വാഹാ ।
ഓ-ന്നാരായണായ സ്വാഹാ ।
ഓ-മ്മാധവായ സ്വാഹാ ।
ഓ-ങ്ഗോവിന്ദായ നമഃ ।
ഓം-വിഁഷ്ണവേ നമഃ ।
ഓ-മ്മധുസൂദനായ നമഃ ।
ഓ-ന്ത്രിവിക്രമായ നമഃ ।
ഓം-വാഁമനായ നമഃ ।
ഓം ശ്രീധരായ നമഃ ।
ഓം ഹൃഷീകേശായ നമഃ ।
ഓ-മ്പദ്മനാഭായ നമഃ ।
ഓ-ന്ദാമോദരായ നമഃ ।
ഓം സങ്കര്ഷണായ നമഃ ।
ഓം-വാഁസുദേവായ നമഃ ।
ഓ-മ്പ്രദ്യുമ്നായ നമഃ ।
ഓം അനിരുദ്ധായ നമഃ ।
ഓ-മ്പുരുഷോത്തമായ നമഃ ।
ഓം അധോക്ഷജായ നമഃ ।
ഓ-ന്നാരസിംഹായ നമഃ ।
ഓം അച്യുതായ നമഃ ।
ഓ-ഞ്ജനാര്ദനായ നമഃ ।
ഓം ഉപേന്ദ്രായ നമഃ ।
ഓം ഹരയേ നമഃ ।
ഓം ശ്രീകൃഷ്ണായ നമഃ ।

ഭൂതോച്ചാടനമ്
ഉത്തിഷ്ഠന്തു ഭൂതപിശാചാഃ യ ഏതേ ഭൂമി ഭാരകാഃ ।
ഏതേഷാമവിരോധേന ബ്രഹ്മകര്മ സമാരഭേ ॥
അപസര്പന്തു തേ ഭൂതാ യേ ഭൂതാ ഭൂമിസംസ്ഥിതാഃ ।
യേ ഭൂതാ വിഘ്നകര്താരസ്തേ ഗച്ഛന്തു ശിവാ-ഽജ്ഞയാ ॥

പ്രാണായാമമ്
ഓ-മ്ഭൂഃ ഓ-മ്ഭുവഃ ഓഗ്ം സുവഃ ഓ-മ്മഹഃ ഓ-ഞ്ജനഃ ഓ-ന്തപഃ ഓഗ്ം സത്യമ് ।
ഓ-ന്തത്സവിതുര്വരേണ്യ-മ്ഭര്ഗോ ദേവസ്യ ധീമഹി ।
ധിയോ യോ നഃ പ്രചോദയാത് ॥
ഓമാപോ ജ്യോതീ രസോ-ഽമൃത-മ്ബ്രഹ്മ ഭൂര്ഭുവസ്സുവരോമ് ॥

സങ്കല്പമ്
മമോപാത്ത സമസ്ത ദുരിതക്ഷയദ്വാരാ ശ്രീ പരമേശ്വര പ്രീത്യര്ഥമ്,
ശുഭേ ശോഭനേ മുഹൂര്തേ ആദ്യബ്രഹ്മണഃ ദ്വിതീയ പരാര്ധേ ശ്വേതവരാഹ കല്പേ വൈവസ്വത മന്വന്തരേ അഷ്ടാവിംശതി തമേ കലിയുഗേ പ്രഥമേ പാദേ ജമ്ബൂദ്വീപേ ഭാരതവര്ഷേ ഭരതഖണ്ഡേ മേരോഃ ദക്ഷിണേ പാര്ശ്വേ ശകാബ്ദേ അസ്മിന് വര്തമാനേ വ്യവഹാരികേ പ്രഭവാദി ഷഷ്ഠ്യാ-സ്സംവഁഥ്സരാണാ-മ്മദ്ധ്യേ ......... നാമസംവഁഥ്സരേ ......-ഽയനേ .......... ഋതൌ ........ മാസേ ............പക്ഷേ .......... ശുഭതിഥൌ. .............. വാസരയുക്തായാം ............. നക്ഷത്രയുക്തായാമ്, ശുഭയോഗ ശുഭകരണ ഏവ-ങ്ഗുണ സകല വിശേഷണ വിശിഷ്ടായാം അസ്യാം ...........ശുഭതിഥൌ മമോപാത്ത സമസ്ത ദുരിതക്ഷയദ്വാരാ ശ്രീ പരമേശ്വര പ്രീത്യര്ഥം .......... നക്ഷത്രേ .......രാശൌ ജാതസ്യ ..........ശര്മണഃ മമ .......... നക്ഷത്രേ ...............രാശൌ .............ജാതയാഃ മമ ധര്മപത്ന്യാശ്ച ആവയോ-സ്സകുടുമ്ബയോഃ ............... സപുത്രകയോ-സ്സബന്ധുവര്ഗയോ-സ്സാശ്രിത-ജനയോശ്ച ക്ഷേമ-സ്ഥൈര്യ-വീര്യ-വിജയ, ആയുരാരോഗ്യ-ഐശ്വര്യാണാം അഭിവൃദ്ധ്യര്ഥമ്, ധര്മാര്ഥ-കാമ-മോക്ഷ-ചതുര്വിധ ഫലപുരുഷാര്ഥ സിദ്ധ്യര്ഥമ്, സര്വാരിഷ്ട ശാന്ത്യര്ഥമ്, സര്വാഭീഷ്ട സിദ്ധ്യര്ഥമ്, സപരിവാര സോമാസ്കന്ദ പരമേശ്വര ചരണാരവിന്ദയോഃ അചഞ്ചല-നിഷ്കപട-ഭക്തി സിദ്ധ്യര്ഥമ്, യാവച്ഛക്തി പരിവാര സഹിത രുദ്രവിധാനേന ധ്യാന-ആവാഹനാദി-ഷോഡശോപചാര-പൂജാ പുരസ്സര-മ്മഹാന്യാസജപ (ലഘുന്യാസജപ) രുദ്രാഭിഷേക-അര്ച്ചനാദി സഹിത സാമ്ബശിവ പൂജാ-ങ്കരിഷ്യേ ।
തദങ്ഗ-ങ്കലശ-ശങ്ഖ-ആത്മ-പീഠ-പൂജാ-ഞ്ച കരിഷ്യേ । (ദ്വി)
(നിര്വിഘ്ന പൂജാ പരിസമാപ്ത്യര്ഥം ആദൌ ശ്രീമഹാഗണപതി പൂജാ-ങ്കരിഷ്യേ ।)
ശ്രീ മഹാഗണപതി പൂജാ ॥
തദങ്ഗ കലശാരാധന-ങ്കരിഷ്യേ ।

കലശാരാധനമ്
കലശേ ഗന്ധ പുഷ്പാക്ഷതൈരഭ്യര്ച്യ ।
കലശേ ഉദക-മ്പൂരയിത്വാ ।
കലശസ്യോപരി ഹസ്ത-ന്നിധായ ।
കലശസ്യ മുഖേ വിഷ്ണുഃ കണ്ഠേ രുദ്ര-സ്സമാശ്രിതഃ ।
മൂലേ ത്വസ്യ സ്ഥിതോ ബ്രഹ്മാ മധ്യേ മാതൃഗണാ-സ്സ്മൃതാ ॥
കുക്ഷൌ തു സാഗരാ-സ്സര്വേ സപ്തദ്വീപാ വസുന്ധരാ ।
ഋഗ്വേദോ-ഽഥ യജുര്വേദോ സാമവേദോ ഹ്യഥര്വണഃ ॥
അങ്ഗൈശ്ച സഹിതാ-സ്സര്വേ കലശാമ്ബു സമാശ്രിതാഃ ।
ഓം ആകലശേഷു ധാവതി പവിത്രേ പരിഷിച്യതേ ।
ഉക്ഥൈര്യജ്ഞേഷു വര്ധതേ ।
ആപോ വാ ഇദഗ്ം സര്വം-വിഁശ്വാ ഭൂതാന്യാപഃ
പ്രാണാ വാ ആപഃ പശവ ആപോ-ഽന്നമാപോ-ഽമൃതമാപഃ
സമ്രാഡാപോ വിരാഡാപഃ സ്വരാഡാപശ്ഛന്ദാഗ്സ്യാപോ
ജ്യോതീഗ്ഷ്യാപോ യജൂഗ്ഷ്യാപഃ സത്യമാപഃ
സര്വാ ദേവതാ ആപോ ഭൂര്ഭുവ-സ്സുവരാപ ഓമ് ॥
ഗങ്ഗേ ച യമുനേ ചൈവ ഗോദാവരീ സരസ്വതീ ।
നര്മദേ സിന്ധു കാവേരീ ജലേ-ഽസ്മിന് സന്നിധി-ങ്കുരു ॥
കാവേരീ തുങ്ഗഭദ്രാ ച കൃഷ്ണവേണീ ച ഗൌതമീ ।
ഭാഗീരഥീതി വിഖ്യാതാഃ പഞ്ചഗങ്ഗാഃ പ്രകീര്തിതാഃ ॥
ആയാന്തു ശ്രീ ശിവപൂജാര്ഥ-മ്മമ ദുരിതക്ഷയകാരകാഃ ।
ഓ-മ്ഭൂര്ഭുവസ്സുവോ ഭൂര്ഭുവസ്സുവോ ഭൂര്ഭുവസ്സുവഃ ॥
ഓം ഓം ഓ-ങ്കലശോദകേന പൂജാ ദ്രവ്യാണി സമ്പ്രോക്ഷ്യ,
ദേവം സമ്പ്രോക്ഷ്യ, ആത്മാന-ഞ്ച സമ്പ്രോക്ഷ്യ ॥

പഞ്ചകലശ സ്ഥാപനം
പശ്ചിമം
സദ്യോ ജാത-മ്പ്രപദ്യാമി സദ്യോ ജാതായ വൈ നമോ നമഃ ।
ഭവേ ഭവേ നാതിഭവേ ഭവസ്വ മാമ് । ഭവോദ്ഭവായ നമഃ ॥
ഓ-മ്ഭൂര്ഭുവസ്സുവരോമ് ।
അസ്മി-ന്പശ്ചിമകലശേ സദ്യോജാത-ന്ധ്യായാമി । ആവാഹയാമി ।
ഉത്തരം
വാമദേവായ നമോ ജ്യേഷ്ഠായ നമഃ ശ്രേഷ്ഠായ നമോ രുദ്രായ നമഃ കാലായ നമഃ കലവികരണായ നമോ ബലവികരണായ നമോ ബലായ നമോ ബലപ്രമഥനായ നമ-സ്സര്വഭൂതദമനായ നമോ മനോന്മനായ നമഃ । ഓ-മ്ഭൂര്ഭുവസ്സുവരോമ് । അസ്മിന് ഉത്തരകലശേ വാമദേവ-ന്ധ്യായാമി । ആവാഹയാമി ।
ദക്ഷിണം
അഘോരേഭ്യോ ഽഥഘോരേഭ്യോ ഘോരഘോരതരേഭ്യഃ ।
സര്വേഭ്യ-സ്സര്വശര്വേഭ്യോ നമസ്തേ അസ്തു രുദ്രരൂപേഭ്യഃ ॥
ഓ-മ്ഭൂര്ഭുവസ്സുവരോമ് ।
അസ്മി-ന്ദക്ഷിണകലശേ അഘോര-ന്ധ്യായാമി । ആവാഹയാമി ।
പൂര്വം
ഓ-ന്തത്പുരുഷായ വിദ്മഹേ മഹാദേവായ ധീമഹി । തന്നോ രുദ്രഃ പ്രചോദയാത് ॥
ഓ-മ്ഭൂര്ഭുവസ്സുവരോമ് ।
അസ്മി-ന്പൂര്വകലശേ തത്പുരുഷ-ന്ധ്യായാമി । ആവാഹയാമി ।
മദ്ധ്യമം
ഈശാന-സ്സര്വവിദ്യാനാ-മീശ്വര-സ്സര്വഭൂതാനാ-മ്ബ്രഹ്മാധിപതി ര്ബ്രഹ്മണോ-ഽധിപതി ര്ബ്രഹ്മാ ശിവോ മേ അസ്തു സദാശിവോമ് ॥
ഓ-മ്ഭൂര്ഭുവസ്സുവരോമ് ।
അസ്മി-ന്മദ്ധ്യമ കലശേ ഈശാന-ന്ധ്യായാമി । ആവാഹയാമി ।

പ്രാണപ്രതിഷ്ഠാ
ഓം അസുനീതേ പുനരസ്മാസു ചക്ഷുഃ
പുനഃ പ്രാണമിഹ നോ ധേഹി ഭോഗമ് ।
ജ്യോക്പശ്യേമ സൂര്യമുച്ചരന്ത
മനുമതേ മൃഡയാ ന-സ്സ്വസ്തി ॥
അമൃതം-വൈഁ പ്രാണാ അമൃതമാപഃ
പ്രാണാനേവ യഥാസ്ഥാനമുപഹ്വയതേ ॥
സ്വാമിന് സര്വജഗന്നാഥ യാവ-ത്പൂജാവസാനകമ് ।
താവ-ത്ത്വ-മ്പ്രീതിഭാവേന ലിങ്ഗേ-ഽസ്മിന് സന്ന്നിധി-ങ്കുരു ॥
ഓ-ന്ത്ര്യമ്ബകം-യഁജാമഹേ സുഗന്ധി-മ്പുഷ്ടി വര്ധനമ് ।
ഉര്വാരുകമിവ ബന്ധനാന്മൃത്യോര്മുക്ഷീയ മാ-ഽമൃതാത് ॥
ആവാഹിതോ ഭവ । സ്ഥാപിതോ ഭവ । സന്നിഹിതോ ഭവ । സന്നിരുദ്ധോ ഭവ । അവകുണ്ഠിതോ ഭവ । സുപ്രീതോ ഭവ । സുപ്രസന്നോ ഭവ । വരദോ ഭവ ।
സ്വാഗതം അസ്തു । പ്രസീദ പ്രസീദ ।
ലഘുന്യാസം / മഹാന്യാസമ് ॥

ധ്യാനം
കൈലാസേ കമനീയ രത്ന ഖചിതേ കല്പദ്രുമൂലേ സ്ഥിതം
കര്പൂര സ്ഫടികേന്ദു സുന്ദര തനു-ങ്കാത്യായനീ സേവിതമ് ।
ഗങ്ഗോത്തുങ്ഗ തരങ്ഗ രഞ്ജിത ജടാ ഭാര-ങ്കൃപാസാഗരം
കണ്ഠാലങ്കൃത ശേഷഭൂഷണമഹ-മ്മൃത്യുഞ്ജയ-മ്ഭാവയേ ॥
ഓം ശ്രീ ഉമാമഹേശ്വര സ്വാമിനേ നമഃ ധ്യായാമി ।
ആവാഹനം (ഓം സദ്യോജാത-മ്പ്രപദ്യാമി)
ഓങ്കാരായ നമസ്തുഭ്യം ഓങ്കാരപ്രിയ ശങ്കര ।
ആവാഹന-ങ്ഗൃഹാണേദ-മ്പാര്വതീപ്രിയ വല്ലഭ ॥
ഓം ശ്രീ ഉമാമഹേശ്വര സ്വാമിനേ നമഃ ആവാഹയാമി ।
ആസനം (ഓം സദ്യോജാതായവൈ നമോ നമഃ)
നമസ്തേ ഗിരിജാനാഥ കൈലാസഗിരി മന്ദിര ।
സിംഹാസന-മ്മയാ ദത്തം സ്വീകുരുഷ്വ ഉമാപതേ ॥
ശ്രീ ഉമാമഹേശ്വര സ്വാമിനേ നമഃ നവരത്ന ഖചിത ഹേമ സിംഹാസനം സമര്പയാമി ।
പാദ്യം (ഓ-മ്ഭവേ ഭവേന)
മഹാദേവ ജഗന്നാഥ ഭക്താനാമഭയപ്രദ ।
പാദ്യ-ങ്ഗൃഹാണ ദേവേശ മമ സൌഖ്യം-വിഁവര്ധയ ॥
ശ്രീ ഉമാമഹേശ്വര സ്വാമിനേ നമഃ പാദയോഃ പാദ്യം സമര്പയാമി ।
അര്ഘ്യം (ഓം അതി ഭവേ ഭവസ്വമാം)
ശിവാപ്രിയ നമസ്തേസ്തു പാവന-ഞ്ജലപൂരിതമ് ।
അര്ഘ്യ-ങ്ഗൃഹാണ ഭഗവ-ന്ഗാങ്ഗേയ കലശസ്ഥിതമ് ॥
ശ്രീ ഉമാമഹേശ്വര സ്വാമിനേ നമഃ ഹസ്തയോഃ അര്ഘ്യം സമര്പയാമി ।
ആചമനം (ഓ-മ്ഭവോദ്ഭവായ നമഃ)
വാമദേവ സുരാധീശ വന്ദിതാങ്ഘ്രി സരോരുഹ ।
ഗൃഹാണാചമന-ന്ദേവ കരുണാ വരുണാലയ ॥
ശ്രീ ഉമാമഹേശ്വര സ്വാമിനേ നമഃ മുഖേ ആചമനീയം സമര്പയാമി ।

മധുപര്കം
യമാന്തകായ ഉഗ്രായ ഭീമായ ച നമോ നമഃ ।
മധുപര്ക-മ്പ്രദാസ്യാമി ഗൃഹാണ ത്വമുമാപതേ ॥
ശ്രീ ഉമാമഹേശ്വര സ്വാമിനേ നമഃ മധുപര്കം സമര്പയാമി ।

പഞ്ചാമൃത സ്നാനം
1. ആപ്യായസ്യേതി ക്ഷീരം (milk) –
ഓം ആപ്യായസ്വ സമേതു തേ വിശ്വതസ്സോമ വൃഷ്ണിയമ് ।
ഭവാ വാജസ്യ സങ്ഗഥേ ॥
ശ്രീ ഭവാനീശങ്കരാസ്വാമിനേ നമഃ, ക്ഷീരേണ സ്നപയാമി ।
ആപോ ഹിഷ്ഠാ മയോഭുവസ്താ ന ഊര്ജേ ദധാതന ।
മഹേരണായ ചക്ഷസേ ।
യോ വഃ ശിവതമോ രസസ്തസ്യ ഭാജയതേ ഹ നഃ ।
ഉശതീരിവ മാതരഃ ।
തസ്മാ അരങ്ഗമാമവോ യസ്യ ക്ഷയായ ജിന്വഥ ।
ആപോ ജനയഥാ ച നഃ ।
ശ്രീ ഭവാനീശങ്കരാസ്വാമിനേ നമഃ । ക്ഷീരസ്നാനാനന്തരം ശുദ്ധോദക സ്നാനം സമര്പയാമി ।

2. ദധിക്രാവ്ണോ ഇതി ദധി (yogurt) –
ഓ-ന്ദധിക്രാവ്ണോ അകാരിഷ-ഞ്ജിഷ്ണോരശ്വസ്യ വാജിനഃ ।
സുരഭി നോ മുഖാ കരത്പ്രണ ആയൂഗ്ംഷി താരിഷത് ॥
ശ്രീ ഭവാനീശങ്കരാസ്വാമിനേ നമഃ । ദധ്നാ സ്നപയാമി ।
ആപോ ഹിഷ്ഠാ മയോഭുവസ്താ ന ഊര്ജേ ദധാതന ।
മഹേരണായ ചക്ഷസേ ।
യോ വഃ ശിവതമോ രസസ്തസ്യ ഭാജയതേ ഹ നഃ ।
ഉശതീരിവ മാതരഃ ।
തസ്മാ അരങ്ഗമാമവോ യസ്യ ക്ഷയായ ജിന്വഥ ।
ആപോ ജനയഥാ ച നഃ ।
ശ്രീ ഭവാനീശങ്കരാസ്വാമിനേ നമഃ । ദധിസ്നാനാനന്തരം ശുദ്ധോദക സ്നാനം സമര്പയാമി ।

3. ശുക്രമസീതി ആജ്യം (ghee) –
ഓം ശുക്രമസി ജ്യോതിരസി തേജോസി ദേവോവസ്സവിതോത്പുനാതു
അച്ഛിദ്രേണ പവിത്രേണ വസോസ്സൂര്യസ്യ രശ്മിഭിഃ ।
ശ്രീ ഭവാനീശങ്കരാസ്വാമിനേ നമഃ । ആജ്യേന സ്നപയാമി ।
ആപോ ഹിഷ്ഠാ മയോഭുവസ്താ ന ഊര്ജേ ദധാതന ।
മഹേരണായ ചക്ഷസേ ।
യോ വഃ ശിവതമോ രസസ്തസ്യ ഭാജയതേ ഹ നഃ ।
ഉശതീരിവ മാതരഃ ।
തസ്മാ അരങ്ഗമാമവോ യസ്യ ക്ഷയായ ജിന്വഥ ।
ആപോ ജനയഥാ ച നഃ ।
ശ്രീ ഭവാനീശങ്കരാസ്വാമിനേ നമഃ । ആജ്യ സ്നാനാനന്തരം ശുദ്ധോദക സ്നാനം സമര്പയാമി ।

4. മധുവാതാ ഋതായതേ ഇതി മധു (honey) –
ഓ-മ്മധുവാതാ ഋതായതേ മധുക്ഷരന്തി സിന്ധവഃ ।
മാധ്വീര്ന-സ്സന്ത്വൌഷധീഃ ।
മധുനക്തമുതോഷസി മധുമത്പാര്ഥിവഗ്ം രജഃ ।
മധുദ്യൌരസ്തു നഃ പിതാ ।
മധുമാന്നോ വനസ്പതിര്മധുമാഗ്ം അസ്തു സൂര്യഃ ।
മാധ്വീര്ഗാവോ ഭവന്തു നഃ ।
ശ്രീ ഭവാനീശങ്കരാസ്വാമിനേ നമഃ । മധുനാ സ്നപയാമി ।
ആപോ ഹിഷ്ഠാ മയോഭുവസ്താ ന ഊര്ജേ ദധാതന ।
മഹേരണായ ചക്ഷസേ ।
യോ വഃ ശിവതമോ രസസ്തസ്യ ഭാജയതേ ഹ നഃ ।
ഉശതീരിവ മാതരഃ ।
തസ്മാ അരങ്ഗമാമവോ യസ്യ ക്ഷയായ ജിന്വഥ ।
ആപോ ജനയഥാ ച നഃ ।
ശ്രീ ഭവാനീശങ്കരാസ്വാമിനേ നമഃ । മധുസ്നാനാനന്തരം ശുദ്ധോദക സ്നാനം സമര്പയാമി ।

5. സ്വാദുഃ പവസ്യേതി ശര്കരാ (sugar) –
ഓം സ്വാദുഃ പവസ്വ ദിവ്യായ ജന്മനേ ।
സ്വാദുരിന്ദ്രായ സുഹവീതു നാമ്നേ ।
സ്വാദുര്മിത്രായ വരുണായ വായവേ ।
ബൃഹസ്പതയേ മധുമാം അദാഭ്യഃ ।
ശ്രീ ഭവാനീശങ്കരാസ്വാമിനേ നമഃ । ശര്കരയാ സ്നപയാമി ।
ആപോ ഹിഷ്ഠാ മയോഭുവസ്താ ന ഊര്ജേ ദധാതന ।
മഹേരണായ ചക്ഷസേ ।
യോ വഃ ശിവതമോ രസസ്തസ്യ ഭാജയതേ ഹ നഃ ।
ഉശതീരിവ മാതരഃ ।
തസ്മാ അരങ്ഗമാമവോ യസ്യ ക്ഷയായ ജിന്വഥ ।
ആപോ ജനയഥാ ച നഃ ।
ശ്രീ ഭവാനീശങ്കരാസ്വാമിനേ നമഃ । ശര്കര സ്നാനാനന്തരം ശുദ്ധോദക സ്നാനം സമര്പയാമി ।

ശങ്ഖോദകം
ആപോ ഹിഷ്ഠാ മയോഭുവസ്താ ന ഊര്ജേ ദധാതന ।
മഹേരണായ ചക്ഷസേ ।
യോ വഃ ശിവതമോ രസസ്തസ്യ ഭാജയതേ ഹ നഃ ।
ഉശതീരിവ മാതരഃ ।
തസ്മാ അരങ്ഗമാമവോ യസ്യ ക്ഷയായ ജിന്വഥ ।
ആപോ ജനയഥാ ച നഃ ।
ശ്രീ ഭവാനീശങ്കരാസ്വാമിനേ നമഃ । ശങ്ഖോദകേന സ്നപയാമി ॥

ഫലോദകം
യാഃ ഫലിനീര്യാ അഫലാ അപുഷ്പായാശ്ച പുഷ്പിണീഃ ।
ബൃഹസ്പതി പ്രസൂതാസ്താനോ മുഞ്ചന്ത്വഗ്ം ഹസഃ ॥
ശ്രീ ഭവാനീശങ്കരാസ്വാമിനേ നമഃ । ഫലോദകേന സ്നപയാമി ।

ഗന്ധോദകം
ഗന്ധദ്വാരാ-ന്ദുരാധര്ഷാ-ന്നിത്യപുഷ്ടാ-ങ്കരീഷിണീമ് ।
ഈശ്വരീഗ്ം സര്വഭൂതാനാ-ന്താമിഹോപഹ്വയേ ശ്രിയമ് ॥
ശ്രീ ഭവാനീശങ്കരാസ്വാമിനേ നമഃ । ഗന്ധോദകേന സ്നപയാമി ।

പുഷ്പോദകം
യോ-ഽപാ-മ്പുഷ്പം-വേഁദ ।
പുഷ്പവാ-ന്പ്രജാവാ-ന്പശുമാ-ന്ഭവതി ।
ചന്ദ്രമാ വാ അപാ-മ്പുഷ്പമ് ।
പുഷ്പവാ-ന്പ്രജാവാ-ന്പശുമാ-ന്ഭവതി ।
ശ്രീ ഭവാനീശങ്കരാസ്വാമിനേ നമഃ । പുഷ്പോദകേന സ്നപയാമി ।

അക്ഷതോദകം
ആയനേ തേ പരായണേ ദൂര്വാ രോഹന്തു പുഷ്പിണീഃ ।
ഹ്രദാശ്ച പുണ്ഡരീകാണി സമുദ്രസ്യ ഗൃഹാ ഇമേ ।
ശ്രീ ഭവാനീശങ്കരാസ്വാമിനേ നമഃ । അക്ഷതോദകേന സ്നപയാമി ।

സുവര്ണോദകം
തഥ്സുവര്ണഗ്ം ഹിരണ്യമഭവത് ।
തഥ്സുവര്ണസ്യ ഹിരണ്യസ്യ ജന്മ ।
യ ഏവഗ്ം സുവര്ണസ്യ ഹിരണ്യസ്യ ജന്മവേദ ।
സുവര്ണ ആത്മനാ ഭവതി ।
ശ്രീ ഭവാനീശങ്കരാസ്വാമിനേ നമഃ । സുവര്ണോദകേന സ്നപയാമി ।

രുദ്രാക്ഷോദകം
ത്ര്യമ്ബകം-യഁജാമഹേ സുഗന്ധി-മ്പുഷ്ടി വര്ധനമ് ।
ഉര്വാരുകമിവ ബന്ധനാന്മൃത്യോര്മുക്ഷീയ മാ-ഽമൃതാത് ॥
ശ്രീ ഭവാനീശങ്കരാസ്വാമിനേ നമഃ । രുദ്രാക്ഷോദകേന സ്നപയാമി ।

ഭസ്മോദകം
മാ നോ മഹാന്തമുത മാ നോ അര്ഭകം
മാ ന ഉക്ഷന്തമുത മാ ന ഉക്ഷിതമ് ।
മാ നോ-ഽവധീഃ പിതര-മ്മോത മാതരം
പ്രിയാ മാ നസ്തനുവോ രുദ്ര രീരിഷഃ ।
ശ്രീ ഭവാനീശങ്കരാസ്വാമിനേ നമഃ । ഭസ്മോദകേന സ്നപയാമി ।

ബില്വോദകം
മാ നസ്തോകേ തനയേ മാ ന ആയുഷി
മാ നോ ഗോഷു മാ നോ അശ്വേഷു രീരിഷഃ ।
വീരാന്മാ നോ രുദ്ര ഭാമിതോ-ഽവധീര്ഹവിഷ്മന്തോ
നമസാ വിധേമ തേ ।
ശ്രീ ഭവാനീശങ്കരാസ്വാമിനേ നമഃ । ബില്വോദകേന സ്നപയാമി ।

ദൂര്വോദകം
കാണ്ഡാത്കാണ്ഡാത്പ്രരോഹന്തി പരുഷഃ പരുഷഃ പരി ।
ഏവാനോ ദൂര്വേ പ്രതനു സഹസ്രേണ ശതേന ച ॥
ശ്രീ ഭവാനീശങ്കരാസ്വാമിനേ നമഃ । ദൂര്വോദകേന സ്നപയാമി ।
അഥ മലാപകര്ഷണ സ്നാനമ്
ഹിരണ്യവര്ണാശ്ശുചയഃ പാവകാ
യാസു ജാതഃ കശ്യപോ യാസ്വിന്ദ്രഃ ।
അഗ്നിം-യാഁ ഗര്ഭ-ന്ദധിരേ വിരൂപാസ്താ
ന ആപശ്ശഗ്ഗ് സ്യോനാ ഭവന്തു ॥
യാസാഗ്ം രാജാ വരുണോ യാതി മധ്യേ
സത്യാനൃതേ അവപശ്യഞ്ജനാനാമ് ।
മധുശ്ചുതശ്ശുചയോ യാഃ പാവകാസ്താ
ന ആപശ്ശഗ്ഗ് സ്യോനാ ഭവന്തു ॥
യാസാ-ന്ദേവാ ദിവി കൃണ്വന്തി ഭക്ഷം
യാ അന്തരിക്ഷേ ബഹുധാ ഭവന്തി ।
യാഃ പൃഥിവീ-മ്പയസോന്ദന്തി ശുക്രാസ്താ
ന ആപശ്ശഗ്ഗ് സ്യോനാ ഭവന്തു ॥
ശിവേന മാ ചക്ഷുഷാ പശ്യതാപശ്ശിവയാ
തനുവോപ സ്പൃശത ത്വച-മ്മേ ।
സര്വാഗ്ം അഗ്നീഗ്ം രഫ്സുഷദോ ഹുവേ വോ മയി
വര്ചോ ബലമോജോ നിധത്ത ॥
(അ.വേ., കാണ്ഡ-3, സൂക്തം-13)
യദദ-സ്സമ്പ്രയതീ-രഹാ-വനദതാ ഹതേ ।
തസ്മാദാ നദ്യോ നാമ സ്ഥ താ വോ നാമാനി സിന്ധവഃ ॥ 1

യത്പ്രേഷിതാ വരുണേനതാശ്ശീഭഗ്ം സമവല്ഗത ।
തദാപ്നോദിന്ദ്രോ വോ യതീസ്തസ്മാദാപോ അനുസ്ഥന ॥ 2

ആപകാമഗ്ഗ്ം സ്യന്ദമാനാ അവീവരത വോ ഹി കമ് ।
ഇന്ദ്രോ വശ്ശക്തിഭിര്ദേവീസ്തസ്മാദ്വാര്ണാമ വോ ഹിതമ് ॥ 3

ഏകോ വോ ദേവോ അപ്യതിഷ്ഠഥ്സ്യന്ദമാനാ യഥാവശമ് ।
ഉദാനിഷുര്മഹീരിതി തസ്മാദുദകമുച്യതേ ॥ 4

ആപോ ഭദ്രാ ഘൃതമിദാപ ആനുരഗ്നീഷോമൌ ബിഭ്രത്യാപ ഇത്താഃ ।
തീവ്രോ രസോ മധുപൃചാം അരങ്ഗമ ആ മാ പ്രാണേന സഹ വര്ചസാഗന്ന് ॥ 5

ആദിത്പശ്യാമ്യുത വാ ശൃണോമ്യാ മാ ഘോഷോ ഗച്ഛതി വാങ്മ ആസാമ് ।
മന്യേ ഭേജാനോ അമൃതസ്യ തര്ഹി ഹിരണ്യവര്ണാ അതൃപം-യഁദാ വഃ ॥ 6

ആപോ ഹിഷ്ഠാ മയോഭുവസ്താ ന ഊര്ജേ ദധാതന ।
മഹേരണായ ചക്ഷസേ ।
യോ വഃ ശിവതമോ രസസ്തസ്യ ഭാജയതേ ഹ നഃ ।
ഉശതീരിവ മാതരഃ ।
തസ്മാ അരങ്ഗമാമവോ യസ്യ ക്ഷയായ ജിന്വഥ ।
ആപോ ജനയഥാ ച നഃ ।
ശ്രീ ഭവാനീശങ്കരാസ്വാമിനേ നമഃ । ശുദ്ധോദകേന സ്നപയാമി ।
ആപോ വാ ഇദഗ്ം സര്വം-വിഁശ്വാ ഭൂതാന്യാപഃ പ്രാണാ വാ ആപഃ
പശവ ആപോ-ഽന്നമാപോ-ഽമൃതമാപഃ സമ്രാഡാപോ വിരാഡാപഃ
സ്വരാഡാപശ്ഛന്ദാഗ്ംസ്യാപോ ജ്യോതീഗ്ംഷ്യാപോ
യജൂഗ്ംഷ്യാപസ്സത്യമാപസ്സര്വാ ദേവതാ ആപോ
ഭൂര്ഭുവസ്സുവരാപ ഓമ് ॥
അപഃ പ്രണയതി । ശ്രദ്ധാവാ ആപഃ ।
ശ്രദ്ധാമേവാരഭ്യ പ്രണീയ പ്രചരതി ।
അപഃ പ്രണയതി । യജ്ഞോ വാ ആപഃ ।
യജ്ഞമേവാരഭ്യ പ്രണീയ പ്രചരതി
അപഃ പ്രണയതി । വജ്രോ വാ ആപഃ ।
വജ്രമേവ ഭ്രാതൃവ്യേഭ്യഃ പ്രഹൃത്യ പ്രണീയ പ്രചരതി ।
അപഃ പ്രണയതി । ആപോ വൈ രക്ഷോഘ്നീഃ ।
രക്ഷസാമപഹത്യൈ ।
അപഃ പ്രണയതി । ആപോ വൈ ദേവാനാ-മ്പ്രിയന്ധാമ ।
ദേവാനാമേവ പ്രിയന്ധാമ പ്രണീയ പ്രചരതി ।
അപഃ പ്രണയതി । ആപോ വൈ സര്വാ ദേവതാഃ ।
ദേവതാ ഏവാരഭ്യ പ്രണീയ പ്രചരതി ।
(ആപോ വൈ ശാന്താഃ । ശാന്താഭിരേവാസ്യ ശുചഗ്ം ശമയതി ॥)
ശ്രീ ഭവാനീശങ്കരാസ്വാമിനേ നമഃ । മലാപകര്ഷണസ്നാനം സമര്പയാമി ।
ശ്രീരുദ്രപ്രശ്നഃ – നമകമ് ॥
ശ്രീരുദ്രപ്രശ്നഃ – ചമകമ് ॥
പുരുഷ സൂക്തമ് ॥
ശ്രീ സൂക്തമ് ॥
ഓം ശ്രീ ഉമാമഹേശ്വര സ്വാമിനേ നമ-ശ്ശുദ്ധോദക സ്നാനം സമര്പയാമി ।
സ്നാനാനന്തരം ആചമനീയം സമര്പയാമി ।
വസ്ത്രം – (ഓ-ഞ്ജ്യേഷ്ഠായ നമഃ)
നമോ നാഗവിഭൂഷായ നാരദാദി സ്തുതായ ച ।
വസ്ത്രയുഗ്മ-മ്പ്രദാസ്യാമി പാര്ഥിവേശ്വര സ്വീകുരു ॥
ഓം ശ്രീ ഉമാമഹേശ്വര സ്വാമിനേ നമഃ വസ്ത്രയുഗ്മം സമര്പയാമി ।
(വസ്ത്രാര്ഥം അക്ഷതാന് സമര്പയാമി)
യജ്ഞോപവീതം – (ഓം ശ്രേഷ്ഠായ നമഃ)
യജ്ഞേശ യജ്ഞവിധ്വംസ സര്വദേവ നമസ്കൃത ।
യജ്ഞസൂത്ര-മ്പ്രദാസ്യാമി ശോഭന-ഞ്ചോത്തരീയകമ് ॥
ഓം ശ്രീ ഉമാമഹേശ്വര സ്വാമിനേ നമഃ യജ്ഞോപവീതം സമര്പയാമി ।
(ഉപവീതാര്ഥം അക്ഷതാന് സമര്പയാമി)
ആഭരണം – (ഓം രുദ്രായ നമഃ)
നാഗാഭരണ വിശ്വേശ ചന്ദ്രാര്ധകൃതമസ്തക ।
പാര്ഥിവേശ്വര മദ്ദത്ത-ങ്ഗൃഹാണാഭരണം-വിഁഭോ ॥
ഓം ശ്രീ ഉമാമഹേശ്വര സ്വാമിനേ നമഃ ആഭരണം സമര്പയാമി ।
ഗന്ധം – (ഓ-ങ്കാലായ നമഃ)
ശ്രീ ഗന്ധ-ന്തേ പ്രയച്ഛാമി ഗൃഹാണ പരമേശ്വര ।
കസ്തൂരി കുങ്കുമോപേതം ശിവാശ്ലിഷ്ട ഭുജദ്വയ ॥
ഓം ശ്രീ ഉമാമഹേശ്വര സ്വാമിനേ നമ-ശ്ശ്രീഗന്ധാദി പരിമല ദ്രവ്യം സമര്പയാമി ।
അക്ഷതാന് – (ഓ-ങ്കലവികരണായ നമഃ)
അക്ഷതാ-ന്ധവലാ-ന്ദിവ്യാന് ശാലി തുണ്ഡുല മിശ്രിതാന് ।
അക്ഷതോസി സ്വഭാവേന സ്വീകുരുഷ്വ മഹേശ്വര ॥
ഓം ശ്രീ ഉമാമഹേശ്വര സ്വാമിനേ നമഃ ധവലാക്ഷതാന് സമര്പയാമി ।
പുഷ്പം – (ഓ-മ്ബല വികരണായ നമഃ)
സുഗന്ധീനി സുപുഷ്പാണി ജാജീബില്വാര്ക ചമ്പകൈഃ ।
നിര്മിത-മ്പുഷ്പമാലഞ്ച നീലകണ്ഠ ഗൃഹാണ ഭോ ॥
ഓം ശ്രീ ഉമാമഹേശ്വര സ്വാമിനേ നമഃ പുഷ്പ ബില്വദലാനി സമര്പയാമി ।
അഥാങ്ഗ പൂജാ
ഓ-മ്മഹേശ്വരായ നമഃ – പാദൌ പൂജയാമി ।
ഓം ഈശ്വരായ നമഃ – ജങ്ഘൌ പൂജയാമി ।
ഓ-ങ്കാമരൂപായ നമഃ – ജാനുനീ പൂജയാമി ।
ഓം ഹരായ നമഃ – ഊരൂ പൂജയാമി ।
ഓ-ന്ത്രിപുരാന്തകായ നമഃ – ഗുഹ്യ-മ്പൂജയാമി ।
ഓ-മ്ഭവായ നമഃ – കടി-മ്പൂജയാമി ।
ഓം-വ്യാഁഘ്രചര്മാമ്ബരധരായ നമഃ – നാഭി-മ്പൂജയാമി ।
ഓ-ങ്കുക്ഷിസ്ഥ ബ്രഹാണ്ഡായ നമഃ – ഉദര-മ്പൂജയാമി ।
ഓ-ങ്ഗൌരീ മനഃ പ്രിയായ നമഃ – ഹൃദയ-മ്പൂജയാമി ।
ഓ-മ്പിനാകിനേ നമഃ – ഹസ്തൌ പൂജയാമി ।
ഓ-ന്നാഗാവൃതഭുജദണ്ഡായ നമഃ – ഭുജൌ പൂജയാമി ।
ഓം ശ്രീകണ്ഠായ നമഃ – കണ്ഠ-മ്പൂജയാമി ।
ഓം-വിഁരൂപാക്ഷായ നമഃ – മുഖ-മ്പൂജയാമി ।
ഓ-ന്ത്രിനേത്രായ നമഃ – നേത്രാണി പൂജയാമി ।
ഓം രുദ്രായ നമഃ – ലലാട-മ്പൂജയാമി ।
ഓം ശര്വായ നമഃ – ശിരഃ പൂജയാമി ।
ഓ-ഞ്ചന്ദ്രമൌലയേ നമഃ – മൌലി-മ്പൂജയാമി ।
ഓം അര്ധനാരീശ്വരായ നമഃ – തനു-മ്പൂജയാമി ।
ഓം ശ്രീ ഉമാമഹേശ്വരായ നമഃ – സര്വാണ്യങ്ഗാനി പൂജയാമി ।
അഷ്ടോത്തരശതനാമ പൂജാ
ഓം ശിവായ നമഃ
ഓ-മ്മഹേശ്വരായ നമഃ
ഓം ശമ്ഭവേ നമഃ
ഓ-മ്പിനാകിനേ നമഃ
ഓം ശശിശേഖരായ നമഃ
ഓം-വാഁമദേവായ നമഃ
ഓം-വിഁരൂപാക്ഷായ നമഃ
ഓ-ങ്കപര്ദിനേ നമഃ
ഓ-ന്നീലലോഹിതായ നമഃ
ഓം ശങ്കരായ നമഃ (10)
ഓം ശൂലപാണയേ നമഃ
ഓ-ങ്ഖട്വാങ്ഗിനേ നമഃ
ഓം-വിഁഷ്ണുവല്ലഭായ നമഃ
ഓം ശിപിവിഷ്ടായ നമഃ
ഓം അമ്ബികാനാഥായ നമഃ
ഓം ശ്രീകണ്ഠായ നമഃ
ഓ-മ്ഭക്തവത്സലായ നമഃ
ഓ-മ്ഭവായ നമഃ
ഓം ശര്വായ നമഃ
ഓ-ന്ത്രിലോകേശായ നമഃ (20)
ഓം ശിതികണ്ഠായ നമഃ
ഓം ശിവാപ്രിയായ നമഃ
ഓം ഉഗ്രായ നമഃ
ഓ-ങ്കപാലിനേ നമഃ
ഓ-ങ്കാമാരയേ നമഃ
ഓം അന്ധകാസുര സൂദനായ നമഃ
ഓ-ങ്ഗങ്ഗാധരായ നമഃ
ഓം-ലഁലാടാക്ഷായ നമഃ
ഓ-ങ്കാലകാലായ നമഃ
ഓ-ങ്കൃപാനിധയേ നമഃ (30)
ഓ-മ്ഭീമായ നമഃ
ഓ-മ്പരശുഹസ്തായ നമഃ
ഓ-മ്മൃഗപാണയേ നമഃ
ഓ-ഞ്ജടാധരായ നമഃ
ഓ-ങ്കൈലാസവാസിനേ നമഃ
ഓ-ങ്കവചിനേ നമഃ
ഓ-ങ്കഠോരായ നമഃ
ഓ-ന്ത്രിപുരാന്തകായ നമഃ
ഓം-വൃഁഷാങ്കായ നമഃ
ഓം-വൃഁഷഭാരൂഢായ നമഃ (40)
ഓ-മ്ഭസ്മോദ്ധൂലിത വിഗ്രഹായ നമഃ
ഓം സാമപ്രിയായ നമഃ
ഓം സ്വരമയായ നമഃ
ഓ-ന്ത്രയീമൂര്തയേ നമഃ
ഓം അനീശ്വരായ നമഃ
ഓം സര്വജ്ഞായ നമഃ
ഓ-മ്പരമാത്മനേ നമഃ
ഓം സോമസൂര്യാഗ്നി ലോചനായ നമഃ
ഓം ഹവിഷേ നമഃ
ഓം-യഁജ്ഞമയായ നമഃ (50)
ഓം സോമായ നമഃ
ഓ-മ്പഞ്ചവക്ത്രായ നമഃ
ഓം സദാശിവായ നമഃ
ഓം-വിഁശ്വേശ്വരായ നമഃ
ഓം-വീഁരഭദ്രായ നമഃ
ഓ-ങ്ഗണനാഥായ നമഃ
ഓ-മ്പ്രജാപതയേ നമഃ
ഓം ഹിരണ്യരേതസേ നമഃ
ഓ-ന്ദുര്ധര്ഷായ നമഃ
ഓ-ങ്ഗിരീശായ നമഃ (60)
ഓ-ങ്ഗിരിശായ നമഃ
ഓം അനഘായ നമഃ
ഓ-മ്ഭുജങ്ഗ ഭൂഷണായ നമഃ
ഓ-മ്ഭര്ഗായ നമഃ
ഓ-ങ്ഗിരിധന്വനേ നമഃ
ഓ-ങ്ഗിരിപ്രിയായ നമഃ
ഓ-ങ്കൃത്തിവാസസേ നമഃ
ഓ-മ്പുരാരാതയേ നമഃ
ഓ-മ്ഭഗവതേ നമഃ
ഓ-മ്പ്രമഥാധിപായ നമഃ (70)
ഓ-മ്മൃത്യുഞ്ജയായ നമഃ
ഓം സൂക്ഷ്മതനവേ നമഃ
ഓ-ഞ്ജഗദ്വ്യാപിനേ നമഃ
ഓ-ഞ്ജഗദ്ഗുരവേ നമഃ
ഓം-വ്യോഁമകേശായ നമഃ
ഓ-മ്മഹാസേന ജനകായ നമഃ
ഓ-ഞ്ചാരുവിക്രമായ നമഃ
ഓം രുദ്രായ നമഃ
ഓ-മ്ഭൂതപതയേ നമഃ
ഓം സ്ഥാണവേ നമഃ (80)
ഓം അഹിര്ബുധ്ന്യായ നമഃ
ഓ-ന്ദിഗമ്ബരായ നമഃ
ഓം അഷ്ടമൂര്തയേ നമഃ
ഓം അനേകാത്മനേ നമഃ
ഓം സാത്ത്വികായ നമഃ
ഓം ശുദ്ധവിഗ്രഹായ നമഃ
ഓം ശാശ്വതായ നമഃ
ഓ-ങ്ഖണ്ഡപരശവേ നമഃ
ഓം അജായ നമഃ
ഓ-മ്പാശവിമോചകായ നമഃ (90)
ഓ-മ്മൃഡായ നമഃ
ഓ-മ്പശുപതയേ നമഃ
ഓ-ന്ദേവായ നമഃ
ഓ-മ്മഹാദേവായ നമഃ
ഓം അവ്യയായ നമഃ
ഓം ഹരയേ നമഃ
ഓ-മ്പൂഷദന്തഭിദേ നമഃ
ഓം അവ്യഗ്രായ നമഃ
ഓ-ന്ദക്ഷാധ്വരഹരായ നമഃ
ഓം ഹരായ നമഃ (100)
ഓ-മ്ഭഗനേത്രഭിദേ നമഃ
ഓം അവ്യക്തായ നമഃ
ഓം സഹസ്രാക്ഷായ നമഃ
ഓം സഹസ്രപാദേ നമഃ
ഓം അപവര്ഗപ്രദായ നമഃ
ഓം അനന്തായ നമഃ
ഓ-ന്താരകായ നമഃ
ഓ-മ്പരമേശ്വരായ നമഃ (108)
ഓ-ന്നിധനപതയേ നമഃ । ഓ-ന്നിധനപതാന്തികായ നമഃ ।
ഓം ഊര്ധ്വായ നമഃ । ഓം ഊര്ധ്വലിങ്ഗായ നമഃ ।
ഓം ഹിരണ്യായ നമഃ । ഓം ഹിരണ്യലിങ്ഗായ നമഃ ।
ഓം സുവര്ണായ നമഃ । ഓം സുവര്ണലിങ്ഗായ നമഃ ।
ഓ-ന്ദിവ്യായ നമഃ । ഓ-ന്ദിവ്യലിങ്ഗായ നമഃ ।
ഓ-മ്ഭവായ നമഃ । ഓ-മ്ഭവലിങ്ഗായ നമഃ ।
ഓം ശര്വായ നമഃ । ഓം ശര്വലിങ്ഗായ നമഃ ।
ഓം ശിവായ നമഃ । ഓം ശിവലിങ്ഗായ നമഃ ।
ഓ-ഞ്ജ്വലായ നമഃ । ഓ-ഞ്ജ്വലലിങ്ഗായ നമഃ ।
ഓം ആത്മായ നമഃ । ഓം ആത്മലിങ്ഗായ നമഃ ।
ഓ-മ്പരമായ നമഃ । ഓ-മ്പരമലിങ്ഗായ നമഃ ।
ഓ-മ്ഭവായ ദേവായ നമഃ
– ഓ-മ്ഭവസ്യ ദേവസ്യ പത്ന്യൈ നമഃ ।
ഓം ശര്വായ ദേവായ നമഃ
– ഓം ശര്വസ്യ ദേവസ്യ പത്ന്യൈ നമഃ ।
ഓം ഈശാനായ ദേവായ നമഃ
– ഓം ഈശാനസ്യ ദേവസ്യ പത്ന്യൈ നമഃ ।
ഓ-മ്പശുപതയേ ദേവായ നമഃ
– ഓ-മ്പശുപതേര്ദേവസ്യ പത്ന്യൈ നമഃ ।
ഓം രുദ്രായ ദേവായ നമഃ
– ഓം രുദ്രസ്യ ദേവസ്യ പത്ന്യൈ നമഃ ।
ഓം ഉഗ്രായ ദേവായ നമഃ
– ഓം ഉഗ്രസ്യ ദേവസ്യ പത്ന്യൈ നമഃ ।
ഓ-മ്ഭീമായ ദേവായ നമഃ
– ഓ-മ്ഭീമസ്യ ദേവസ്യ പത്ന്യൈ നമഃ ।
ഓ-മ്മഹതേ ദേവായ നമഃ
– ഓ-മ്മഹതോ ദേവസ്യ പത്ന്യൈ നമഃ ।
ഓം ശ്രീ ഉമാമഹേശ്വര സ്വാമിനേ നമഃ നാനാ വിധ പരിമല പത്ര പുഷ്പാക്ഷതാന് സമര്പയാമി ।
ധൂപം – (ഓ-മ്ബലായ നമഃ)
ധൂരസി ധൂര്വ ധൂര്വന്ത-ന്ധൂര്വതം-യോഁ-ഽസ്മാ-ന്ധൂര്വതി ത-ന്ധൂര്വയം-വഁയം
ധൂര്വാമസ്ത്വ-ന്ദേവാനാമസി സസ്നിതമ-മ്പപ്രിതമ-ഞ്ജുഷ്ടതമം-വഁഹ്നിതമം
ദേവഹൂതമ-മഹ്രുതമസി ഹവിര്ധാന-ന്ദൃഗ്ം ഹസ്വ മാഹ്വാ ര്മിത്രസ്യ ത്വാ ചക്ഷുഷാ
പ്രേക്ഷേ മാ ഭേര്മാ സംവിഁക്താ മാ ത്വാ ഹിഗ്ംസിഷമ് ।
ആവാഹിതാഭ്യ-സ്സര്വാഭ്യോ ദേവതാഭ്യോ നമഃ । ധൂപമാഘ്രാപയാമി ।
ദീപം – (ഓ-മ്ബല പ്രമഥനായ നമഃ)
ഉദ്ദീപ്യസ്വ ജാതവേദോ-ഽപഘ്ന-ന്നിഋതി-മ്മമ । പശുഗ്ഗ്ശ്ച മഹ്യമാവഹ ജീവന-ഞ്ച ദിശോ ദിശ । മാനോ ഹിഗ്ംസീ-ജ്ജാതവേദോ ഗാമശ്വ-മ്പുരുഷ-ഞ്ജഗത് । അബിഭ്രദഗ്ന ആഗഹി ശ്രിയാ മാ പരിപാതയ ।
ആവാഹിതാഭ്യ-സ്സര്വാഭ്യോ ദേവതാഭ്യോ നമഃ । ധൂപമാഘ്രാപയാമി ।
ധൂപ ദീപാനന്തരം ശുദ്ധാചമനീയം സമര്പയാമി ।
നൈവേദ്യം – (ഓം സര്വ ഭൂത ദമനായ നമഃ)
ഓ-മ്ഭൂര്ഭുവസ്സുവഃ । തത്സവിതുര്വരേണ്യ-മ്ഭര്ഗോ ദേവസ്യ ധീമഹി ।
ധിയോ യോ നഃ പ്രചോദയാത് । ദേവ സവിതഃ പ്രസുവഃ ।
സത്യ-ന്ത്വര്തേന പരിഷിഞ്ചാമി ।
(സായങ്കാലേ – ഋത-ന്ത്വാ സത്യേന പരിഷിഞ്ചാമി)
അമൃതം അസ്തു । അമൃതോപസ്തരണമസി ।
ഓ-മ്പ്രാണായ സ്വാഹാഃ । ഓം അപാനായ സ്വാഹാഃ ।
ഓം-വ്യാഁനായ സ്വാഹാഃ । ഓം ഉദാനായ സ്വാഹാഃ ।
ഓം സമാനായ സ്വാഹാഃ । ഓ-മ്ബ്രഹ്മണേ സ്വാഹാഃ ।
മധുവാതാ ഋതായതേ മധുക്ഷരന്തി സിന്ധവഃ ।
മാദ്ധ്വീര്ന-സ്സന്ത്വോഷധീഃ । മധുനക്ത മുതോഷസി മധുമ-ത്പാര്ഥിവഗ്ം രജഃ ।
മധുദ്യൌരസ്തു നഃ പിതാ । മധുമാന്നോ വനസ്പതി ര്മധുമാഗ്ം അസ്തു സൂര്യഃ ।
മാധ്വീര്ഗാവോ ഭവന്തു നഃ ॥ മധു മധു മധു ॥
ആവാഹിതാഭ്യ-സ്സര്വാഭ്യോ ദേവതാഭ്യോ നമഃ ।
(ദിവ്യാന്നമ്, ഘൃതഗുലപായസമ്, നാലികേരഖണ്ഡദ്വയമ്, കദലീഫലം ...)
ഓം ശ്രീ ഉമാമഹേശ്വര സ്വാമിനേ നമഃ । മഹാനൈവേദ്യ-ന്നിവേദയാമി ।
മധ്യേ മധ്യേ പാനീയം സമര്പയാമി ।
അമൃതാപിധാനമസി । ഉത്തരാപോശനം സമര്പയാമി ।
ഹസ്തൌ പ്രക്ഷാലയാമി । പാദൌ പ്രക്ഷാലയാമി ।
ശുദ്ധാചമനീയം സമര്പയാമി ।
താമ്ബൂലം – (ഓ-മ്മനോന്മനായ നമഃ)
പൂഗീഫലസമായുക്ത-ന്നാഗവല്ലീദലൈര്യുതമ് ।
കര്പൂരചൂര്ണ സംയുഁക്ത-ന്താമ്ബൂല-മ്പ്രതിഗൃഹ്യതാമ് ।
ആവാഹിതാഭ്യ-സ്സര്വാഭ്യോ ദേവതാഭ്യോ നമഃ । താമ്ബൂല-ന്നിവേദയാമി ।
താമ്ബൂല ചര്വണാനന്തരം ശുദ്ധ ആചമനീയം സമര്പയാമി ।
നീരാജനം
സോമോ വാ ഏതസ്യ രാജ്യമാദത്തേ । യോ രാജാസ-ന്രാജ്യോ വാ സോമേന
യജതേ । ദേവ സുവാമേതാനി ഹവിഗ്ംഷി ഭവന്തി ।
ഏതാവന്തോ വൈ ദേവാനാഗ്ം സവാഃ । ത ഏവാസ്മൈ സവാ-ന്പ്രയച്ഛന്തി ।
ത ഏന-മ്പുന-സ്സുവന്തേ രാജ്യായ । ദേവസൂ രാജാ ഭവതി ।
രാജാധിരാജായ പ്രസഹ്യ സാഹിനേ । നമോ വയം-വൈഁശ്രവണായ കുര്മഹേ ।
സ മേ കാമാന് കാമകാമായ മഹ്യമ് । കാമേശ്വരോ വൈശ്രവണോ ദദാതു ।
കുബേരായ വൈശ്രവണായ । മഹാരാജായ നമഃ ।
അഘോരേഭ്യോ ഽഥഘോരേഭ്യോ ഘോരഘോരതരേഭ്യഃ ।
സര്വേഭ്യ-സ്സര്വശര്വേഭ്യോ നമസ്തേ അസ്തു രുദ്രരൂപേഭ്യഃ ॥
തത്പുരുഷായ വിദ്മഹേ മഹാദേവായ ധീമഹി ।
തന്നോ രുദ്രഃ പ്രചോദയാത് ॥
ഈശാന-സ്സര്വവിദ്യാനാ-മീശ്വര-സ്സര്വഭൂതാനാ-മ്ബ്രഹ്മാധിപതി ര്ബ്രഹ്മണോ-ഽധിപതി ര്ബ്രഹ്മാ ശിവോ മേ അസ്തു സദാശിവോമ് ॥
നീരാജനമിദ-ന്ദേവ കര്പൂരാമോദ സംയുഁതമ് ।
ഗൃഹാണ പരമാനന്ദ ഹേരമ്ബ വരദായക ॥
ആവാഹിതാഭ്യ-സ്സര്വാഭ്യോ ദേവതാഭ്യോ നമഃ । കര്പൂര നീരാജന-ന്ദര്ശയാമി ।
നീരാജനാനന്തരം ശുദ്ധ ആചമനീയം സമര്പയാമി ।
മന്ത്രപുഷ്പം
ആത്മരക്ഷാ
ബ്രഹ്മാത്മന് വദസൃജത । തദകാമയത । സമാത്മനാ പദ്യേയേതി ।
ആത്മന്നാ-ത്മന്നിത്യാ-മന്ത്രയത । തസ്മൈ ദശമഗ്ം ഹൂതഃ പ്രത്യശൃണോത് ।
സ ദശഹൂതോ-ഽഭവത് । ദശഹൂതോ ഹവൈ നാമൈഷഃ । തം-വാഁ ഏത-ന്ദശഹൂതഗ്ം സന്തമ് ।
ദശഹോതേത്യാ ചക്ഷതേ പരോക്ഷേണ । പരോക്ഷപ്രിയാ ഇവ ഹി ദേവാഃ ॥ 1
ആത്മന്നാ-ത്മന്നിത്യാ-മന്ത്രയത । തസ്മൈ സപ്തമഗ്ം ഹൂതഃ പ്രത്യശൃണോത് ।
സ സപ്തഹൂതോ-ഽഭവത് । സപ്തഹൂതോ ഹവൈ നാമൈഷഃ । തം-വാഁ ഏതഗ്ം സപ്തഹൂതഗ്ം സന്തമ് । സപ്തഹോതേത്യാ ചക്ഷതേ പരോക്ഷേണ । പരോക്ഷപ്രിയാ ഇവ ഹി ദേവാഃ ॥ 2
ആത്മന്നാ-ത്മന്നിത്യാ-മന്ത്രയത । തസ്മൈ ഷഷ്ഠഗ്ം ഹൂതഃ പ്രത്യശൃണോത് ।
സ ഷഡ്ഢൂതോ-ഽഭവത് । ഷഡ്ഢൂതോ ഹവൈ നാമൈഷഃ । തം-വാഁ ഏതഗ്ം ഷഡ്ഢൂതഗ്ം സന്തമ് ।
ഷഡ്ഢോതേത്യാ ചക്ഷതേ പരോക്ഷേണ । പരോക്ഷപ്രിയാ ഇവ ഹി ദേവാഃ ॥ 3
ആത്മന്നാ-ത്മന്നിത്യാ-മന്ത്രയത । തസ്മൈ പഞ്ചമഗ്ം ഹൂതഃ പ്രത്യശൃണോത് ।
സ പഞ്ചഹൂതോ-ഽഭവത് । പഞ്ചഹൂതോ ഹവൈ നാമൈഷഃ । തം-വാഁ ഏത-മ്പഞ്ചഹൂതഗ്ം സന്തമ് । പഞ്ചഹോതേത്യാ ചക്ഷതേ പരോക്ഷേണ । പരോക്ഷപ്രിയാ ഇവ ഹി ദേവാഃ ॥ 4
ആത്മന്നാ-ത്മന്നിത്യാ-മന്ത്രയത । തസ്മൈ ചതുര്ഥഗ്ം ഹൂതഃ പ്രത്യശൃണോത് ।
സ ചതുര്ഹൂതോ-ഽഭവത് । ചതുര്ഹൂതോ ഹവൈ നാമൈഷഃ । തം-വാഁ ഏത-ഞ്ചതുര്ഹൂതഗ്ം
സന്തമ് । ചതുര്ഹോതേത്യാ ചക്ഷതേ പരോക്ഷേണ । പരോക്ഷപ്രിയാ ഇവ ഹി ദേവാഃ ॥ 5
തമബ്രവീത് । ത്വം-വൈഁ മേ നേദിഷ്ഠഗ്ം ഹൂതഃ പ്രത്യശ്രൌഷീഃ ।
ത്വയൈ നാനാഖ്യാതാര ഇതി । തസ്മാന്നുഹൈനാഗ്-ശ്ചതു ര്ഹോതാര ഇത്യാചക്ഷതേ ।
തസ്മാച്ഛുശ്രൂഷുഃ പുത്രാണാഗ്ം ഹൃദ്യതമഃ । നേദിഷ്ഠോ ഹൃദ്യതമഃ ।
നേദിഷ്ഠോ ബ്രഹ്മണോ ഭവതി । യ ഏവം-വേഁദ ॥ 6 (ആത്മനേ നമഃ)
ഓ-ന്തത്പുരുഷായ വിദ്മഹേ മഹാദേവായ ധീമഹി ।
തന്നോ രുദ്രഃ പ്രചോദയാത് ॥
ഓ-ങ്കാത്യായനായ വിദ്മഹേ കന്യകുമാരി ധീമഹി ।
തന്നോ ദുര്ഗിഃ പ്രചോദയാത് ॥
യോ-ഽപാ-മ്പുഷ്പം-വേഁദ । പുഷ്പവാ-ന്പ്രജാവാ-ന്പശുമാ-ന്ഭവതി ।
ചന്ദ്രമാ വാ അപാ-മ്പുഷ്പമ് । പുഷ്പവാ-ന്പ്രജാവാ-ന്പശുമാ-ന്ഭവതി ।
ഓ-ന്തദ്ബ്രഹ്മ । ഓ-ന്തദ്വായുഃ । ഓ-ന്തദാത്മാ । ഓ-ന്തഥ്സത്യമ് ।
ഓ-ന്തഥ്സര്വമ് । ഓ-ന്തത്പുരോര്നമഃ ।
അന്തശ്ചരതി ഭൂതേഷു ഗുഹായാം-വിഁശ്വമൂര്തിഷു । ത്വം-യഁജ്ഞസ്ത്വം-വഁഷട്കാര സ്ത്വമിന്ദ്രസ്ത്വഗ്ം രുദ്രസ്ത്വം-വിഁഷ്ണുസ്ത്വ-മ്ബ്രഹ്മത്വ-മ്പ്രജാപതിഃ ।
ത്വ-ന്തദാപ ആപോ ജ്യോതീരസോ-ഽമൃത-മ്ബ്രഹ്മ ഭൂര്ഭുവസ്സുവരോമ് ।
ചതുര്വേദ പാരായണം
ഓം ശ്രീ ഭവാനീശങ്കര സ്വാമിനേ നമഃ ॥
ഋഗ്വേദപ്രിയഃ ॥ ഋഗ്വേദമവധാരയ ॥
ഹരിഃ ഓമ് ॥ അഗ്നിമീലേ പുരോഹിതം-യഁജ്ഞസ്യ ദേവമൃത്വിജമ് । ഹോതാരം രത്ന ധാതമമ് ।
ഹരിഃ ഓമ് ॥
ഓം ശ്രീ ഭവാനീശങ്കര സ്വാമിനേ നമഃ ॥
യജുര്വേദപ്രിയഃ ॥ യജുര്വേദമവധാരയ ॥
ഹരിഃ ഓമ് ॥ ഇഷേ ത്വോര്ജേ ത്വാ വായവഃ സ്ഥോപായവഃ സ്ഥ ദേവോ വഃ സവിതാ പ്രാര്പയതു ശ്രേഷ്ഠതമായ കര്മണ ആ പ്യായദ്ധ്വമഘ്നിയാ ദേവഭാഗ-മൂര്ജസ്വതീഃ പയസ്വതീഃ പ്രജാവതീ-രനമീവാ അയക്ഷ്മാ മാ വഃ സ്തേന ഈശത മാ-ഽഘശഗ്ംസോ രുദ്രസ്യ ഹേതിഃ പരി വോ വൃണക്തു ധ്രുവാ അസ്മി-ന്ഗോപതൌ സ്യാത ബഹ്വീ-ര്യജമാനസ്യ പശൂ-ന്പാഹി ॥
ഹരിഃ ഓമ് ॥
ഓം ശ്രീ ഭവാനീശങ്കര സ്വാമിനേ നമഃ ॥
സാമവേദപ്രിയഃ ॥ സാമവേദമവധാരയ ॥
ഹരിഃ ഓമ് ॥ അഗ്ന ആയാഹി വീതയേ ഗൃണാനോ ഹവ്യ ദാതയേ ।
നിഹോതാ സഥ്സി ബര്ഹിഷി ।
ഹരിഃ ഓമ് ॥
ഓം ശ്രീ ഭവാനീശങ്കര സ്വാമിനേ നമഃ ॥
അഥര്വവേദപ്രിയഃ ॥ അഥര്വവേദമവധാരയ ॥
ഹരിഃ ഓമ് ॥ ശന്നോ ദേവീരഭിഷ്ടയ ആപോ ഭവന്തു പീതയേ । ശംയോഁരഭിസ്രവന്തു നഃ ॥
ഹരിഃ ഓമ് ॥
ഓം ശ്രീ ഭവാനീശങ്കര സ്വാമിനേ നമഃ ॥
ഉപനിഷദ്പ്രിയഃ ॥ ഉപനിഷദവധാരയ ॥
ഹരിഃ ഓമ് ॥ അഹമന്ന-മഹമന്ന-മഹമന്നമ് । അഹമന്നാദോ(3)-ഽഹമന്നാദോ(3)-ഽഹമന്നാദഃ । അഹഗ്ഗ് ശ്ലോകകൃദഹഗ്ഗ് ശ്ലോകകൃദഹഗ്ഗ് ശ്ലോകകൃത് । അഹമസ്മി പ്രഥമജാ ഋതാ(3) സ്യ । പൂര്വ-ന്ദേവേഭ്യോ അമൃതസ്യ നാ(3) ഭായി । യോ മാ ദദാതി സ ഇദേവ മാ(3) വാഃ । അഹമന്ന-മന്ന-മദന്തമാ(3) ദ്മി । അഹം-വിഁശ്വ-മ്ഭുവന-മഭ്യഭവാമ് । സുവര്ന ജ്യോതീഃ । യ ഏവം-വേഁദ । ഇത്യുപനിഷത് ॥
ആവാഹിതാഭ്യ-സ്സര്വാഭ്യോ ദേവതാഭ്യോ നമഃ ।
പാദാരവിന്ദയോഃ ദിവ്യ സുവര്ണ മന്ത്ര പുഷ്പാഞ്ജലിം സമര്പയാമി ।
പ്രദക്ഷിണം
ഈശാന-സ്സര്വവിദ്യാനാമീശ്വര-സ്സര്വഭൂതാനാം
ബ്രഹ്മാധിപതിര്ബ്രഹ്മണോ-ഽധിപതിര്ബ്രഹ്മാ ശിവോ മേ അസ്തു സദാശിവോമ് ॥
പദേ പദേ സര്വതമോ നികൃന്തനം
പദേ പദേ സര്വ ശുഭപ്രദായകമ് ।
പ്രദക്ഷിണ-മ്ഭക്തിയുതേന ചേതസാ
കരോമി മൃത്യുഞ്ജയ രക്ഷ രക്ഷ മാമ് ॥
ഓം ശ്രീ ഉമാമഹേശ്വര സ്വാമിനേ നമഃ ആത്മപ്രദക്ഷിണ നമസ്കാരാന് സമര്പയാമി ।
പ്രാര്ഥനാ
നമോ ഹിരണ്യബാഹവേ ഹിരണ്യവര്ണായ ഹിരണ്യരൂപായ ഹിരണ്യപതയേ-ഽമ്ബികാപതയ ഉമാപതയേ പശുപതയേ നമോ നമഃ ॥
അഥ തര്പണം
ഭവ-ന്ദേവ-ന്തര്പയാമി
– ഭവസ്യ ദേവസ്യ പത്നീ-ന്തര്പയാമി ।
ശര്വ-ന്ദേവ-ന്തര്പയാമി
– ശര്വസ്യ ദേവസ്യ പത്നീ-ന്തര്പയാമി ।
ഈശാന-ന്ദേവ-ന്തര്പയാമി
– ഈശാനസ്യ ദേവസ്യ പത്നീ-ന്തര്പയാമി ।
പശുപതി-ന്ദേവ-ന്തര്പയാമി
– പശുപതേര്ദേവസ്യ പത്നീ-ന്തര്പയാമി ।
രുദ്ര-ന്ദേവ-ന്തര്പയാമി
– രുദ്രസ്യ ദേവസ്യ പത്നീ-ന്തര്പയാമി ।
ഉഗ്ര-ന്ദേവ-ന്തര്പയാമി
– ഉഗ്രസ്യ ദേവസ്യ പത്നീ-ന്തര്പയാമി ।
ഭീമ-ന്ദേവ-ന്തര്പയാമി
– ഭീമസ്യ ദേവസ്യ പത്നീ-ന്തര്പയാമി ।
മഹാന്ത-ന്ദേവ-ന്തര്പയാമി
– മഹതോ ദേവസ്യ പത്നീ-ന്തര്പയാമി ।
ഇതി തര്പയിത്വാ അഘോരാദിഭിസ്ത്രിഭിര്മന്ത്രൈഃ ഘോര തനൂരുപതിഷ്ഠതേ ।
ഓം അഘോരേഭ്യോ-ഽഥ ഘോരേഭ്യോ ഘോരഘോരതരേഭ്യഃ ।
സര്വേഭ്യ-സ്സര്വശര്വേഭ്യോ നമസ്തേ അസ്തു രുദ്രരൂപേഭ്യഃ ॥
ഓ-ന്തത്പുരുഷായ വിദ്മഹേ മഹാദേവായ ധീമഹി ।
തന്നോ രുദ്രഃ പ്രചോദയാത് ॥
ഈശാനസ്സര്വവിദ്യാനാമീശ്വരസ്സര്വഭൂതാനാ-മ്ബ്രഹ്മാ-ഽധിപതിര്ബ്രഹ്മണോ-ഽധിപതിര്ബ്രഹ്മാ ശിവോ മേ അസ്തു സദാശിവോമ് ॥
ഇതി ധ്യാത്വാ രുദ്രഗായത്രീം-യഁഥാ ശക്തി ജപേത് ।
ഓ-ന്തത്പുരുഷായ വിദ്മഹേ മഹാദേവായ ധീമഹി ।
തന്നോ രുദ്രഃ പ്രചോദയാത് ॥
ഇതി ജപിത്വാ അഥൈനമാശിഷമാശാസ്തേ ।
(തൈ.ബ്രാ.3-5-10-4)
ആശാസ്തേ-ഽയം-യഁജമാനോ-ഽസൌ । ആയുരാശാസ്തേ ।
സുപ്രജാസ്ത്വമാശാസ്തേ । സജാതവനസ്യാമാശാസ്തേ ।
ഉത്തരാ-ന്ദേവയജ്യാമാശാസ്തേ । ഭൂയോ ഹവിഷ്കരണമാശാസ്തേ ।
ദിവ്യ-ന്ധാമാശാസ്തേ । വിശ്വ-മ്പ്രിയമാശാസ്തേ ।
യദനേന ഹവിഷാ-ഽഽശാസ്തേ । തദസ്യാത്തദൃധ്യാത് ।
തദസ്മൈ ദേവാ രാസന്താമ് । തദഗ്നിര്ദേവോ ദേവേഭ്യോ വനതേ ।
വയമഗ്നേര്മാനുഷാഃ । ഇഷ്ട-ഞ്ച വീത-ഞ്ച ।
ഉഭേ ച നോ ദ്യാവാപൃഥിവീ അഗ്ംഹസ-സ്സ്പാതാമ് ।
ഇഹ ഗതിര്വാമസ്യേദ-ഞ്ച । നമോ ദേവേഭ്യഃ ॥
ഉപചാരപൂജാഃ
പുനഃ പൂജാ-ങ്കരിഷ്യേ । ഛത്രമാച്ഛാദയാമി ।
ചാമരൈര്വീജയാമി । നൃത്യ-ന്ദര്ശയാമി ।
ഗീതം ശ്രാവയാമി । ആന്ദോലികാനാരോഹയാമി ।
അശ്വാനാരോഹയാമി । ഗജാനാരോഹയാമി ।
സമസ്ത രാജോപചാര ദേവോപചാര ഭക്ത്യുപചാര ശക്ത്യുപചാര മന്ത്രോപചാര പൂജാസ്സമര്പയാമി ॥
ലിങ്ഗാഷ്ടകമ് ॥
ബില്വാഷ്ടകമ് ॥
ക്ഷമാപ്രാര്ഥന
കരചരണകൃതം-വാഁക്കായജ-ങ്കര്മജം-വാഁ
ശ്രവണനയനജം-വാഁ മാനസം-വാഁ-ഽപരാധമ് ।
വിഹിതമവിഹിതം-വാഁ സര്വമേതത്ക്ഷ്മസ്വ
ശിവ ശിവ കരുണാബ്ധേ ശ്രീമഹാദേവ ശമ്ഭോ ॥ 18॥
യസ്യ സ്മൃത്യാ ച നാമോക്ത്യാ തപഃ പൂജാ ക്രിയാദിഷു ।
ന്യൂനം സമ്പൂര്ണതാം-യാഁതി സദ്യോവന്ദേ മഹേശ്വരമ് ॥
മന്ത്രഹീന-ങ്ക്രിയാഹീന-മ്ഭക്തിഹീന-മ്മഹേശ്വര ।
യത്പൂജിത-മ്മയാ ദേവ പരിപൂര്ണ-ന്തദസ്തു തേ ॥
അനയാ സദ്യോജാത വിധിനാ ധ്യാനാവാഹനാദി ഷോഡശോപചാര പൂജയാ ഭഗവാന് സര്വാത്മക-ശ്ശ്രീ ഉമാമഹേശ്വരസ്വാമീ സുപ്രീത-സ്സുപ്രസന്നോ വരദോ ഭവതു ।
ഏതത്ഫലം ശ്രീ പരമേശ്വരാര്പണമസ്തു ॥
ഉത്തരതശ്ചണ്ഡീശ്വരായ നമഃ നിര്മാല്യം-വിഁസൃജ്യ ॥
തീര്ഥം
അകാലമൃത്യുഹരണം സര്വവ്യാധി നിവാരണമ് ।
സമസ്തപാപക്ഷയകരം ശിവപാദോദക-മ്പാവനം ശുഭമ് ॥
ഇതി ത്രിവാര-മ്പീത്വാ ശിവ നിര്മാല്യ രൂപ ബില്വദലം-വാഁ ദക്ഷിണേ കര്ണേ ധാരയേത് ।
ഓം ശാന്തി-ശ്ശാന്തി-ശ്ശാന്തിഃ ॥