കലാഭ്യാം ചൂഡാലങ്കൃത-ശശികലാഭ്യാം നിജതപഃ-
-ഫലാഭ്യാം ഭക്തേഷു പ്രകടിത-ഫലാഭ്യാം ഭവതു മേ ।
ശിവാഭ്യാ-മസ്തോക-ത്രിഭുവന-ശിവാഭ്യാം ഹൃദി പുന-
-ര്ഭവാഭ്യാ-മാനന്ദ-സ്ഫുരദനുഭവാഭ്യാം നതിരിയമ് ॥ 1 ॥
-ഫലാഭ്യാം ഭക്തേഷു പ്രകടിത-ഫലാഭ്യാം ഭവതു മേ ।
ശിവാഭ്യാ-മസ്തോക-ത്രിഭുവന-ശിവാഭ്യാം ഹൃദി പുന-
-ര്ഭവാഭ്യാ-മാനന്ദ-സ്ഫുരദനുഭവാഭ്യാം നതിരിയമ് ॥ 1 ॥
ഗലന്തീ ശമ്ഭോ ത്വച്ചരിത-സരിതഃ കില്ബിഷരജോ
ദലന്തീ ധീകുല്യാ-സരണിഷു പതന്തീ വിജയതാമ് ।
ദിശന്തീ സംസാര-ഭ്രമണ-പരിതാപോപശമനം
വസന്തീ മച്ചേതോഹ്രദഭുവി ശിവാനന്ദലഹരീ ॥ 2 ॥
ദലന്തീ ധീകുല്യാ-സരണിഷു പതന്തീ വിജയതാമ് ।
ദിശന്തീ സംസാര-ഭ്രമണ-പരിതാപോപശമനം
വസന്തീ മച്ചേതോഹ്രദഭുവി ശിവാനന്ദലഹരീ ॥ 2 ॥
ത്രയീവേദ്യം ഹൃദ്യം ത്രിപുര-ഹരമാദ്യം ത്രിനയനം
ജടാഭാരോദാരം ചലദുരഗഹാരം മൃഗധരമ് ।
മഹാദേവം ദേവം മയി സദയഭാവം പശുപതിം
ചിദാലമ്ബം സാമ്ബം ശിവമതി-വിഡമ്ബം ഹൃദി ഭജേ ॥ 3 ॥
ജടാഭാരോദാരം ചലദുരഗഹാരം മൃഗധരമ് ।
മഹാദേവം ദേവം മയി സദയഭാവം പശുപതിം
ചിദാലമ്ബം സാമ്ബം ശിവമതി-വിഡമ്ബം ഹൃദി ഭജേ ॥ 3 ॥
സഹസ്രം വര്തന്തേ ജഗതി വിബുധാഃ ക്ഷുദ്രഫലദാ
ന മന്യേ സ്വപ്നേ വാ തദനുസരണം തത്കൃതഫലമ് ।
ഹരി-ബ്രഹ്മാദീനാ-മപി നികട-ഭാജാമസുലഭം
ചിരം യാചേ ശമ്ഭോ ശിവ തവ പദാമ്ഭോജ-ഭജനമ് ॥ 4 ॥
ന മന്യേ സ്വപ്നേ വാ തദനുസരണം തത്കൃതഫലമ് ।
ഹരി-ബ്രഹ്മാദീനാ-മപി നികട-ഭാജാമസുലഭം
ചിരം യാചേ ശമ്ഭോ ശിവ തവ പദാമ്ഭോജ-ഭജനമ് ॥ 4 ॥
സ്മൃതൌ ശാസ്ത്രേ വൈദ്യേ ശകുന-കവിതാ-ഗാനഫണിതൌ
പുരാണേ മന്ത്രേ വാ സ്തുതി-നടന-ഹാസ്യേഷ്വചതുരഃ ।
കഥം രാജ്ഞാം പ്രീതിര്ഭവതി മയി കോഽഹം പശുപതേ
പശും മാം സര്വജ്ഞ പ്രഥിത കൃപയാ പാലയ വിഭോ ॥ 5 ॥
പുരാണേ മന്ത്രേ വാ സ്തുതി-നടന-ഹാസ്യേഷ്വചതുരഃ ।
കഥം രാജ്ഞാം പ്രീതിര്ഭവതി മയി കോഽഹം പശുപതേ
പശും മാം സര്വജ്ഞ പ്രഥിത കൃപയാ പാലയ വിഭോ ॥ 5 ॥
ഘടോ വാ മൃത്പിണ്ഡോ-ഽപ്യണുരപി ച ധൂമോഽഗ്നിരചലഃ
പടോ വാ തന്തുര്വാ പരിഹരതി കിം ഘോരശമനമ് ।
വൃഥാ കണ്ഠക്ഷോഭം വഹസി തരസാ തര്കവചസാ
പദാമ്ഭോജം ശമ്ഭോര്ഭജ പരമസൌഖ്യം വ്രജ സുധീഃ ॥ 6 ॥
പടോ വാ തന്തുര്വാ പരിഹരതി കിം ഘോരശമനമ് ।
വൃഥാ കണ്ഠക്ഷോഭം വഹസി തരസാ തര്കവചസാ
പദാമ്ഭോജം ശമ്ഭോര്ഭജ പരമസൌഖ്യം വ്രജ സുധീഃ ॥ 6 ॥
മനസ്തേ പാദാബ്ജേ നിവസതു വചഃ സ്തോത്രഫണിതൌ
കരൌ ചാഭ്യര്ചായാം ശ്രുതിരപി കഥാ കര്ണനവിധൌ ।
തവ ധ്യാനേ ബുദ്ധിര്നയനയുഗലം മൂര്തിവിഭവേ [ബുദ്ധിഃ നയനയുഗലം]
പര-ഗ്രന്ഥാന്കൈര്വാ പരമശിവ ജാനേ പരമതഃ ॥ 7 ॥
കരൌ ചാഭ്യര്ചായാം ശ്രുതിരപി കഥാ കര്ണനവിധൌ ।
തവ ധ്യാനേ ബുദ്ധിര്നയനയുഗലം മൂര്തിവിഭവേ [ബുദ്ധിഃ നയനയുഗലം]
പര-ഗ്രന്ഥാന്കൈര്വാ പരമശിവ ജാനേ പരമതഃ ॥ 7 ॥
യഥാ ബുദ്ധിഃ ശുക്തൌ രജതമിതി കാചാശ്മനി മണി- [മണിഃ ജലേ]
-ര്ജലേ പൈഷ്ടേ ക്ഷീരം ഭവതി മൃഗതൃഷ്ണാ-സു സലിലമ് ।
തഥാ ദേവഭ്രാന്ത്യാ ഭജതി ഭവദന്യം ജഡജനോ
മഹാദേവേശം ത്വാം മനസി ച ന മത്വാ പശുപതേ ॥ 8 ॥
-ര്ജലേ പൈഷ്ടേ ക്ഷീരം ഭവതി മൃഗതൃഷ്ണാ-സു സലിലമ് ।
തഥാ ദേവഭ്രാന്ത്യാ ഭജതി ഭവദന്യം ജഡജനോ
മഹാദേവേശം ത്വാം മനസി ച ന മത്വാ പശുപതേ ॥ 8 ॥
ഗഭീരേ കാസാരേ വിശതി വിജനേ ഘോരവിപിനേ
വിശാലേ ശൈലേ ച ഭ്രമതി കുസുമാര്ഥം ജഡമതിഃ ।
സമര്പ്യൈകം ചേതഃ സരസിജമു-മാനാഥ ഭവതേ
സുഖേ-നാവസ്ഥാതും ജന ഇഹ ന ജാനാതി കിമഹോ ॥ 9 ॥
വിശാലേ ശൈലേ ച ഭ്രമതി കുസുമാര്ഥം ജഡമതിഃ ।
സമര്പ്യൈകം ചേതഃ സരസിജമു-മാനാഥ ഭവതേ
സുഖേ-നാവസ്ഥാതും ജന ഇഹ ന ജാനാതി കിമഹോ ॥ 9 ॥
നരത്വം ദേവത്വം നഗവന-മൃഗത്വം മശകതാ
പശുത്വം കീടത്വം ഭവതു വിഹഗത്വാദി ജനനമ് ।
സദാ ത്വത്പാദാബ്ജ-സ്മരണ-പരമാനന്ദലഹരീ-
-വിഹാരാസക്തം ചേദ്ധൃദയമിഹ കിം തേന വപുഷാ ॥ 10 ॥
പശുത്വം കീടത്വം ഭവതു വിഹഗത്വാദി ജനനമ് ।
സദാ ത്വത്പാദാബ്ജ-സ്മരണ-പരമാനന്ദലഹരീ-
-വിഹാരാസക്തം ചേദ്ധൃദയമിഹ കിം തേന വപുഷാ ॥ 10 ॥
വടുര്വാ ഗേഹീ വാ യതിരപി ജടീ വാ തദിതരോ
നരോ വാ യഃ കശ്ചിദ്ഭവതു ഭവ കിം തേന ഭവതി ।
യദീയം ഹൃത്പദ്മം യദി ഭവദധീനം പശുപതേ
തദീയസ്ത്വം ശമ്ഭോ ഭവസി ഭവഭാരം ച വഹസി ॥ 11 ॥
നരോ വാ യഃ കശ്ചിദ്ഭവതു ഭവ കിം തേന ഭവതി ।
യദീയം ഹൃത്പദ്മം യദി ഭവദധീനം പശുപതേ
തദീയസ്ത്വം ശമ്ഭോ ഭവസി ഭവഭാരം ച വഹസി ॥ 11 ॥
ഗുഹായാം ഗേഹേ വാ ബഹിരപി വനേ വാഽദ്രിശിഖരേ
ജലേ വാ വഹ്നൌ വാ വസതു വസതേഃ കിം വദ ഫലമ് ।
സദാ യസ്യൈവാന്തഃ-കരണമപി ശമ്ഭോ തവ പദേ
സ്ഥിതം ചേദ്യോഗോഽസൌ സ ച പരമയോഗീ സ ച സുഖീ ॥ 12 ॥
ജലേ വാ വഹ്നൌ വാ വസതു വസതേഃ കിം വദ ഫലമ് ।
സദാ യസ്യൈവാന്തഃ-കരണമപി ശമ്ഭോ തവ പദേ
സ്ഥിതം ചേദ്യോഗോഽസൌ സ ച പരമയോഗീ സ ച സുഖീ ॥ 12 ॥
അസാരേ സംസാരേ നിജ-ഭജനദൂരേ ജഡധിയാ
ഭ്രമന്തം മാമന്ധം പരമകൃപയാ പാതുമുചിതമ് ।
മദന്യഃ കോ ദീനസ്തവ കൃപണ-രക്ഷാതിനിപുണ- [രക്ഷാതിനിപുണഃ ത്വദന്യഃ]
-സ്ത്വദന്യഃ കോ വാ മേ ത്രിജഗതി ശരണ്യഃ പശുപതേ ॥ 13 ॥
ഭ്രമന്തം മാമന്ധം പരമകൃപയാ പാതുമുചിതമ് ।
മദന്യഃ കോ ദീനസ്തവ കൃപണ-രക്ഷാതിനിപുണ- [രക്ഷാതിനിപുണഃ ത്വദന്യഃ]
-സ്ത്വദന്യഃ കോ വാ മേ ത്രിജഗതി ശരണ്യഃ പശുപതേ ॥ 13 ॥
പ്രഭുസ്ത്വം ദീനാനാം ഖലു പരമബന്ധുഃ പശുപതേ
പ്രമുഖ്യോഽഹം തേഷാമപി കിമുത ബന്ധുത്വമനയോഃ ।
ത്വയൈവ ക്ഷന്തവ്യാഃ ശിവ മദപരാധാശ്ച സകലാഃ
പ്രയത്നാ-ത്കര്തവ്യം മദവനമിയം ബന്ധുസരണിഃ ॥ 14 ॥
പ്രമുഖ്യോഽഹം തേഷാമപി കിമുത ബന്ധുത്വമനയോഃ ।
ത്വയൈവ ക്ഷന്തവ്യാഃ ശിവ മദപരാധാശ്ച സകലാഃ
പ്രയത്നാ-ത്കര്തവ്യം മദവനമിയം ബന്ധുസരണിഃ ॥ 14 ॥
ഉപേക്ഷാ നോ ചേത്കിം ന ഹരസി ഭവദ്ധ്യാന-വിമുഖാം
ദുരാശാ-ഭൂയിഷ്ഠാം വിധിലിപി-മശക്തോ യദി ഭവാന് ।
ശിരസ്തദ്വൈധാത്രം നനഖലു സുവൃത്തം പശുപതേ
കഥം വാ നിര്യത്നം കരനഖ-മുഖേനൈവ ലുലിതമ് ॥ 15 ॥
ദുരാശാ-ഭൂയിഷ്ഠാം വിധിലിപി-മശക്തോ യദി ഭവാന് ।
ശിരസ്തദ്വൈധാത്രം നനഖലു സുവൃത്തം പശുപതേ
കഥം വാ നിര്യത്നം കരനഖ-മുഖേനൈവ ലുലിതമ് ॥ 15 ॥
വിരിഞ്ചി-ര്ദീര്ഘായു-ര്ഭവതു ഭവതാ തത്പരശിര- [തത്പരശിരഃ ചതുഷ്കം]
-ശ്ചതുഷ്കം സംരക്ഷ്യം സ ഖലു ഭുവി ദൈന്യം ലിഖിതവാന് ।
വിചാരഃ കോ വാ മാം വിശദ കൃപയാ പാതി ശിവ തേ
കടാക്ഷവ്യാപാരഃ സ്വയമപി ച ദീനാവനപരഃ ॥ 16 ॥
-ശ്ചതുഷ്കം സംരക്ഷ്യം സ ഖലു ഭുവി ദൈന്യം ലിഖിതവാന് ।
വിചാരഃ കോ വാ മാം വിശദ കൃപയാ പാതി ശിവ തേ
കടാക്ഷവ്യാപാരഃ സ്വയമപി ച ദീനാവനപരഃ ॥ 16 ॥
ഫലാദ്വാ പുണ്യാനാം മയി കരുണയാ വാ ത്വയി വിഭോ
പ്രസന്നേഽപി സ്വാമിന് ഭവദമല-പാദാബ്ജ-യുഗലമ് ।
കഥം പശ്യേയം മാം സ്ഥഗയതി നമഃ സമ്ഭ്രമജുഷാം
നിലിമ്പാനാം ശ്രേണി-ര്നിജ-കനക-മാണിക്യ-മകുടൈഃ ॥ 17 ॥
പ്രസന്നേഽപി സ്വാമിന് ഭവദമല-പാദാബ്ജ-യുഗലമ് ।
കഥം പശ്യേയം മാം സ്ഥഗയതി നമഃ സമ്ഭ്രമജുഷാം
നിലിമ്പാനാം ശ്രേണി-ര്നിജ-കനക-മാണിക്യ-മകുടൈഃ ॥ 17 ॥
ത്വമേകോ ലോകാനാം പരമഫലദോ ദിവ്യപദവീം
വഹന്തസ്ത്വന്മൂലാം പുനരപി ഭജന്തേ ഹരിമുഖാഃ ।
കിയദ്വാ ദാക്ഷിണ്യം തവ ശിവ മദാശാ ച കിയതീ
കദാ വാ മദ്രക്ഷാം വഹസി കരുണാ-പൂരിതദൃശാ ॥ 18 ॥
വഹന്തസ്ത്വന്മൂലാം പുനരപി ഭജന്തേ ഹരിമുഖാഃ ।
കിയദ്വാ ദാക്ഷിണ്യം തവ ശിവ മദാശാ ച കിയതീ
കദാ വാ മദ്രക്ഷാം വഹസി കരുണാ-പൂരിതദൃശാ ॥ 18 ॥
ദുരാശാ-ഭൂയിഷ്ഠേ ദുരധിപ-ഗൃഹദ്വാര-ഘടകേ
ദുരന്തേ സംസാരേ ദുരിതനിലയേ ദുഃഖജനകേ ।
മദായാസം കിം ന വ്യപനയസി കസ്യോപ-കൃതയേ
വദേയം പ്രീതിശ്ചേത്തവ ശിവ കൃതാര്ഥാഃ ഖലു വയമ് ॥ 19 ॥
ദുരന്തേ സംസാരേ ദുരിതനിലയേ ദുഃഖജനകേ ।
മദായാസം കിം ന വ്യപനയസി കസ്യോപ-കൃതയേ
വദേയം പ്രീതിശ്ചേത്തവ ശിവ കൃതാര്ഥാഃ ഖലു വയമ് ॥ 19 ॥
സദാ മോഹാടവ്യാം ചരതി യുവതീനാം കുചഗിരൌ
നടത്യാശാ-ശാഖാ-സ്വടതി ഝടിതി സ്വൈരമഭിതഃ ।
കപാലിന് ഭിക്ഷോ മേ ഹൃദയ-കപിമത്യന്ത-ചപലം
ദൃഢം ഭക്ത്യാ ബദ്ധ്വാ ശിവ ഭവദധീനം കുരു വിഭോ ॥ 20 ॥
നടത്യാശാ-ശാഖാ-സ്വടതി ഝടിതി സ്വൈരമഭിതഃ ।
കപാലിന് ഭിക്ഷോ മേ ഹൃദയ-കപിമത്യന്ത-ചപലം
ദൃഢം ഭക്ത്യാ ബദ്ധ്വാ ശിവ ഭവദധീനം കുരു വിഭോ ॥ 20 ॥
ധൃതി-സ്തമ്ഭാധാരാം ദൃഢ-ഗുണ-നിബദ്ധാം സഗമനാം
വിചിത്രാം പദ്മാഢ്യാം പ്രതിദിവസ-സന്മാര്ഗ-ഘടിതാമ് ।
സ്മരാരേ മച്ചേതഃ-സ്ഫുട-പടകുടീം പ്രാപ്യ വിശദാം
ജയ സ്വാമിന് ശക്ത്യാ സഹ ശിവ ഗണൈഃ സേവിത വിഭോ ॥ 21 ॥
വിചിത്രാം പദ്മാഢ്യാം പ്രതിദിവസ-സന്മാര്ഗ-ഘടിതാമ് ।
സ്മരാരേ മച്ചേതഃ-സ്ഫുട-പടകുടീം പ്രാപ്യ വിശദാം
ജയ സ്വാമിന് ശക്ത്യാ സഹ ശിവ ഗണൈഃ സേവിത വിഭോ ॥ 21 ॥
പ്രലോഭാദ്യൈരര്ഥാഹരണ-പരതന്ത്രോ ധനിഗൃഹേ [പ്രലോഭാദ്യൈഃ അര്ഥാഹരണ-പരതന്ത്രോ]
പ്രവേശോദ്യുക്തഃ സന് ഭ്രമതി ബഹുധാ തസ്കരപതേ ।
ഇമം ചേതശ്ചോരം കഥമിഹ സഹേ ശങ്കര വിഭോ
തവാധീനം കൃത്വാ മയി നിരപരാധേ കുരു കൃപാമ് ॥ 22 ॥
പ്രവേശോദ്യുക്തഃ സന് ഭ്രമതി ബഹുധാ തസ്കരപതേ ।
ഇമം ചേതശ്ചോരം കഥമിഹ സഹേ ശങ്കര വിഭോ
തവാധീനം കൃത്വാ മയി നിരപരാധേ കുരു കൃപാമ് ॥ 22 ॥
കരോമി ത്വത്പൂജാം സപദി സുഖദോ മേ ഭവ വിഭോ
വിധിത്വം വിഷ്ണുത്വം ദിശസി ഖലു തസ്യാഃ ഫലമിതി ।
പുനശ്ച ത്വാം ദ്രഷ്ടും ദിവി ഭുവി വഹന്പക്ഷി-മൃഗതാ-
-മദൃഷ്ട്വാ തത്ഖേദം കഥമിഹ സഹേ ശങ്കര വിഭോ ॥ 23 ॥
വിധിത്വം വിഷ്ണുത്വം ദിശസി ഖലു തസ്യാഃ ഫലമിതി ।
പുനശ്ച ത്വാം ദ്രഷ്ടും ദിവി ഭുവി വഹന്പക്ഷി-മൃഗതാ-
-മദൃഷ്ട്വാ തത്ഖേദം കഥമിഹ സഹേ ശങ്കര വിഭോ ॥ 23 ॥
കദാ വാ കൈലാസേ കനകമണിസൌധേ സഹ ഗണൈ- [സഹ ഗണൈഃ വസന്]
-ര്വസന് ശമ്ഭോരഗ്രേ സ്ഫുട-ഘടിത-മൂര്ധാഞ്ജലിപുടഃ ।
വിഭോ സാമ്ബ സ്വാമി-ന്പരമശിവ പാഹീതി നിഗദ-
-ന്വിധാതൄണാം കല്പാന് ക്ഷണമിവ വിനേഷ്യാമി സുഖതഃ ॥ 24 ॥
-ര്വസന് ശമ്ഭോരഗ്രേ സ്ഫുട-ഘടിത-മൂര്ധാഞ്ജലിപുടഃ ।
വിഭോ സാമ്ബ സ്വാമി-ന്പരമശിവ പാഹീതി നിഗദ-
-ന്വിധാതൄണാം കല്പാന് ക്ഷണമിവ വിനേഷ്യാമി സുഖതഃ ॥ 24 ॥
സ്തവൈ-ര്ബ്രഹ്മാദീനാം ജയജയ-വചോഭിര്നിയമിനാം
ഗണാനാം കേലീഭിര്മദകലമഹോക്ഷസ്യ കകുദി । [കേലീഭിഃ മദകല-മഹോക്ഷസ്യ]
സ്ഥിതം നീലഗ്രീവം ത്രിനയന-മുമാശ്ലിഷ്ട-വപുഷം
കദാ ത്വാം പശ്യേയം കരധൃത-മൃഗം ഖണ്ഡ-പരശുമ് ॥ 25 ॥
ഗണാനാം കേലീഭിര്മദകലമഹോക്ഷസ്യ കകുദി । [കേലീഭിഃ മദകല-മഹോക്ഷസ്യ]
സ്ഥിതം നീലഗ്രീവം ത്രിനയന-മുമാശ്ലിഷ്ട-വപുഷം
കദാ ത്വാം പശ്യേയം കരധൃത-മൃഗം ഖണ്ഡ-പരശുമ് ॥ 25 ॥
കദാ വാ ത്വാം ദൃഷ്ട്വാ ഗിരിശ തവ ഭവ്യാങ്ഘ്രി യുഗലം
ഗൃഹീത്വാ ഹസ്താഭ്യാം ശിരസി നയനേ വക്ഷസി വഹന് ।
സമാശ്ലിഷ്യാ-ഘ്രായ സ്ഫുട ജലജ ഗന്ധാന് പരിമലാ-
-നലഭ്യാം ബ്രഹ്മാദ്യൈര്മുദമനുഭവിഷ്യാമി ഹൃദയേ ॥ 26 ॥
ഗൃഹീത്വാ ഹസ്താഭ്യാം ശിരസി നയനേ വക്ഷസി വഹന് ।
സമാശ്ലിഷ്യാ-ഘ്രായ സ്ഫുട ജലജ ഗന്ധാന് പരിമലാ-
-നലഭ്യാം ബ്രഹ്മാദ്യൈര്മുദമനുഭവിഷ്യാമി ഹൃദയേ ॥ 26 ॥
[ബ്രഹ്മാദ്യൈഃ മുദ-മനുഭവിഷ്യാമി]
കരസ്ഥേ ഹേമാദ്രൌ ഗിരിശ നികടസ്ഥേ ധനപതൌ
ഗൃഹസ്ഥേ സ്വര്ഭൂജാ-മര സുരഭി ചിന്താമണിഗണേ ।
ശിരഃസ്ഥേ ശീതാംശൌ ചരണയുഗലസ്ഥേഽഖിലശുഭേ
കമര്ഥം ദാസ്യേഽഹം ഭവതു ഭവദര്ഥം മമ മനഃ ॥ 27 ॥
കരസ്ഥേ ഹേമാദ്രൌ ഗിരിശ നികടസ്ഥേ ധനപതൌ
ഗൃഹസ്ഥേ സ്വര്ഭൂജാ-മര സുരഭി ചിന്താമണിഗണേ ।
ശിരഃസ്ഥേ ശീതാംശൌ ചരണയുഗലസ്ഥേഽഖിലശുഭേ
കമര്ഥം ദാസ്യേഽഹം ഭവതു ഭവദര്ഥം മമ മനഃ ॥ 27 ॥
സാരൂപ്യം തവ പൂജനേ ശിവ മഹാദേവേതി സങ്കീര്തനേ
സാമീപ്യം ശിവഭക്തി-ധുര്യജനതാ-സാങ്ഗത്യ-സമ്ഭാഷണേ ॥
സാലോക്യം ച ചരാചരാത്മകതനുധ്യാനേ ഭവാനീപതേ
സായുജ്യം മമ സിദ്ധമത്ര ഭവതി സ്വാമിന് കൃതാര്ഥോഽസ്മ്യഹമ് ॥ 28 ॥
സാമീപ്യം ശിവഭക്തി-ധുര്യജനതാ-സാങ്ഗത്യ-സമ്ഭാഷണേ ॥
സാലോക്യം ച ചരാചരാത്മകതനുധ്യാനേ ഭവാനീപതേ
സായുജ്യം മമ സിദ്ധമത്ര ഭവതി സ്വാമിന് കൃതാര്ഥോഽസ്മ്യഹമ് ॥ 28 ॥
ത്വത്പാദാമ്ബുജമര്ചയാമി പരമം ത്വാം ചിന്തയാമ്യന്വഹം
ത്വാമീശം ശരണം വ്രജാമി വചസാ ത്വാമേവ യാചേ വിഭോ ।
വീക്ഷാം മേ ദിശ ചാക്ഷുഷീം സകരുണാം ദിവ്യൈശ്ചിരം പ്രാര്ഥിതാം
ശമ്ഭോ ലോകഗുരോ മദീയമനസഃ സൌഖ്യോപദേശം കുരു ॥ 29 ॥
ത്വാമീശം ശരണം വ്രജാമി വചസാ ത്വാമേവ യാചേ വിഭോ ।
വീക്ഷാം മേ ദിശ ചാക്ഷുഷീം സകരുണാം ദിവ്യൈശ്ചിരം പ്രാര്ഥിതാം
ശമ്ഭോ ലോകഗുരോ മദീയമനസഃ സൌഖ്യോപദേശം കുരു ॥ 29 ॥
വസ്ത്രോദ്ധൂതവിധൌ സഹസ്രകരതാ പുഷ്പാര്ചനേ വിഷ്ണുതാ
ഗന്ധേ ഗന്ധവഹാത്മതാഽന്നപചനേ ബര്ഹിര്മുഖാധ്യക്ഷതാ ।
പാത്രേ കാഞ്ചനഗര്ഭതാസ്തി മയി ചേദ്ബാലേന്ദുചൂഡാമണേ
ശുശ്രൂഷാം കരവാണി തേ പശുപതേ സ്വാമിംസ്ത്രിലോകീഗുരോ ॥ 30 ॥
ഗന്ധേ ഗന്ധവഹാത്മതാഽന്നപചനേ ബര്ഹിര്മുഖാധ്യക്ഷതാ ।
പാത്രേ കാഞ്ചനഗര്ഭതാസ്തി മയി ചേദ്ബാലേന്ദുചൂഡാമണേ
ശുശ്രൂഷാം കരവാണി തേ പശുപതേ സ്വാമിംസ്ത്രിലോകീഗുരോ ॥ 30 ॥
നാലം വാ പരമോപകാരകമിദം ത്വേകം പശൂനാം പതേ
പശ്യന് കുക്ഷിഗതാംശ്ചരാചരഗണാന് ബാഹ്യസ്ഥിതാന് രക്ഷിതുമ് ।
സര്വാമര്ത്യപലായനൌഷധമതിജ്വാലാകരം ഭീകരം
നിക്ഷിപ്തം ഗരലം ഗലേ ന ഗിലിതം നോദ്ഗീര്ണമേവ ത്വയാ ॥ 31 ॥
പശ്യന് കുക്ഷിഗതാംശ്ചരാചരഗണാന് ബാഹ്യസ്ഥിതാന് രക്ഷിതുമ് ।
സര്വാമര്ത്യപലായനൌഷധമതിജ്വാലാകരം ഭീകരം
നിക്ഷിപ്തം ഗരലം ഗലേ ന ഗിലിതം നോദ്ഗീര്ണമേവ ത്വയാ ॥ 31 ॥
ജ്വാലോഗ്രഃ സകലാമരാതിഭയദഃ ക്ഷ്വേലഃ കഥം വാ ത്വയാ
ദൃഷ്ടഃ കിം ച കരേ ധൃതഃ കരതലേ കിം പക്വജമ്ബൂഫലമ് ।
ജിഹ്വായാം നിഹിതശ്ച സിദ്ധഘുടികാ വാ കണ്ഠദേശേ ഭൃതഃ
കിം തേ നീലമണിര്വിഭൂഷണമയം ശമ്ഭോ മഹാത്മന് വദ ॥ 32 ॥
ദൃഷ്ടഃ കിം ച കരേ ധൃതഃ കരതലേ കിം പക്വജമ്ബൂഫലമ് ।
ജിഹ്വായാം നിഹിതശ്ച സിദ്ധഘുടികാ വാ കണ്ഠദേശേ ഭൃതഃ
കിം തേ നീലമണിര്വിഭൂഷണമയം ശമ്ഭോ മഹാത്മന് വദ ॥ 32 ॥
നാലം വാ സകൃദേവ ദേവ ഭവതഃ സേവാ നതിര്വാ നുതിഃ
പൂജാ വാ സ്മരണം കഥാശ്രവണമപ്യാലോകനം മാദൃശാമ് ।
സ്വാമിന്നസ്ഥിരദേവതാനുസരണായാസേന കിം ലഭ്യതേ
കാ വാ മുക്തിരിതഃ കുതോ ഭവതി ചേത്കിം പ്രാര്ഥനീയം തദാ ॥ 33 ॥
പൂജാ വാ സ്മരണം കഥാശ്രവണമപ്യാലോകനം മാദൃശാമ് ।
സ്വാമിന്നസ്ഥിരദേവതാനുസരണായാസേന കിം ലഭ്യതേ
കാ വാ മുക്തിരിതഃ കുതോ ഭവതി ചേത്കിം പ്രാര്ഥനീയം തദാ ॥ 33 ॥
കിം ബ്രൂമസ്തവ സാഹസം പശുപതേ കസ്യാസ്തി ശമ്ഭോ ഭവ-
-ദ്ധൈര്യം ചേദൃശമാത്മനഃ സ്ഥിതിരിയം ചാന്യൈഃ കഥം ലഭ്യതേ ।
ഭ്രശ്യദ്ദേവഗണം ത്രസന്മുനിഗണം നശ്യത്പ്രപഞ്ചം ലയം
പശ്യന്നിര്ഭയ ഏക ഏവ വിഹരത്യാനന്ദസാന്ദ്രോ ഭവാന് ॥ 34 ॥
-ദ്ധൈര്യം ചേദൃശമാത്മനഃ സ്ഥിതിരിയം ചാന്യൈഃ കഥം ലഭ്യതേ ।
ഭ്രശ്യദ്ദേവഗണം ത്രസന്മുനിഗണം നശ്യത്പ്രപഞ്ചം ലയം
പശ്യന്നിര്ഭയ ഏക ഏവ വിഹരത്യാനന്ദസാന്ദ്രോ ഭവാന് ॥ 34 ॥
യോഗക്ഷേമധുരന്ധരസ്യ സകലശ്രേയഃപ്രദോദ്യോഗിനോ
ദൃഷ്ടാദൃഷ്ടമതോപദേശകൃതിനോ ബാഹ്യാന്തരവ്യാപിനഃ ।
സര്വജ്ഞസ്യ ദയാകരസ്യ ഭവതഃ കിം വേദിതവ്യം മയാ
ശമ്ഭോ ത്വം പരമാന്തരങ്ഗ ഇതി മേ ചിത്തേ സ്മരാമ്യന്വഹമ് ॥ 35 ॥
ദൃഷ്ടാദൃഷ്ടമതോപദേശകൃതിനോ ബാഹ്യാന്തരവ്യാപിനഃ ।
സര്വജ്ഞസ്യ ദയാകരസ്യ ഭവതഃ കിം വേദിതവ്യം മയാ
ശമ്ഭോ ത്വം പരമാന്തരങ്ഗ ഇതി മേ ചിത്തേ സ്മരാമ്യന്വഹമ് ॥ 35 ॥
ഭക്തോ ഭക്തിഗുണാവൃതേ മുദമൃതാപൂര്ണേ പ്രസന്നേ മനഃ
കുമ്ഭേ സാമ്ബ തവാങ്ഘ്രിപല്ലവയുഗം സംസ്ഥാപ്യ സംവിത്ഫലമ് ।
സത്ത്വം മന്ത്രമുദീരയന്നിജശരീരാഗാരശുദ്ധിം വഹന്
പുണ്യാഹം പ്രകടീകരോമി രുചിരം കല്യാണമാപാദയന് ॥ 36 ॥
കുമ്ഭേ സാമ്ബ തവാങ്ഘ്രിപല്ലവയുഗം സംസ്ഥാപ്യ സംവിത്ഫലമ് ।
സത്ത്വം മന്ത്രമുദീരയന്നിജശരീരാഗാരശുദ്ധിം വഹന്
പുണ്യാഹം പ്രകടീകരോമി രുചിരം കല്യാണമാപാദയന് ॥ 36 ॥
ആമ്നായാമ്ബുധിമാദരേണ സുമനഃസങ്ഘാഃ സമുദ്യന്മനോ [സമുദ്യന്മനഃ]
മന്ഥാനം ദൃഢഭക്തിരജ്ജുസഹിതം കൃത്വാ മഥിത്വാ തതഃ ।
സോമം കല്പതരും സുപര്വസുരഭിം ചിന്താമണിം ധീമതാം
നിത്യാനന്ദസുധാം നിരന്തരരമാസൌഭാഗ്യമാതന്വതേ ॥ 37 ॥
മന്ഥാനം ദൃഢഭക്തിരജ്ജുസഹിതം കൃത്വാ മഥിത്വാ തതഃ ।
സോമം കല്പതരും സുപര്വസുരഭിം ചിന്താമണിം ധീമതാം
നിത്യാനന്ദസുധാം നിരന്തരരമാസൌഭാഗ്യമാതന്വതേ ॥ 37 ॥
പ്രാക്പുണ്യാചലമാര്ഗദര്ശിതസുധാമൂര്തിഃ പ്രസന്നഃ ശിവഃ
സോമഃ സദ്ഗണസേവിതോ മൃഗധരഃ പൂര്ണസ്തമോമോചകഃ । [സദ്ഗുണസേവിതോ]
ചേതഃ പുഷ്കരലക്ഷിതോ ഭവതി ചേദാനന്ദപാഥോനിധിഃ
പ്രാഗല്ഭ്യേന വിജൃമ്ഭതേ സുമനസാം വൃത്തിസ്തദാ ജായതേ ॥ 38 ॥
സോമഃ സദ്ഗണസേവിതോ മൃഗധരഃ പൂര്ണസ്തമോമോചകഃ । [സദ്ഗുണസേവിതോ]
ചേതഃ പുഷ്കരലക്ഷിതോ ഭവതി ചേദാനന്ദപാഥോനിധിഃ
പ്രാഗല്ഭ്യേന വിജൃമ്ഭതേ സുമനസാം വൃത്തിസ്തദാ ജായതേ ॥ 38 ॥
ധര്മോ മേ ചതുരങ്ഘ്രികഃ സുചരിതഃ പാപം വിനാശം ഗതം
കാമക്രോധമദാദയോ വിഗലിതാഃ കാലാഃ സുഖാവിഷ്കൃതാഃ ।
ജ്ഞാനാനന്ദമഹൌഷധിഃ സുഫലിതാ കൈവല്യനാഥേ സദാ
മാന്യേ മാനസപുണ്ഡരീകനഗരേ രാജാവതംസേ സ്ഥിതേ ॥ 39 ॥
കാമക്രോധമദാദയോ വിഗലിതാഃ കാലാഃ സുഖാവിഷ്കൃതാഃ ।
ജ്ഞാനാനന്ദമഹൌഷധിഃ സുഫലിതാ കൈവല്യനാഥേ സദാ
മാന്യേ മാനസപുണ്ഡരീകനഗരേ രാജാവതംസേ സ്ഥിതേ ॥ 39 ॥
ധീയന്ത്രേണ വചോഘടേന കവിതാകുല്യോപകുല്യാക്രമൈ- [കവിതാകുല്യോപകുല്യാക്രമൈഃ]
-രാനീതൈശ്ച സദാശിവസ്യ ചരിതാമ്ഭോരാശിദിവ്യാമൃതൈഃ ।
ഹൃത്കേദാരയുതാശ്ച ഭക്തികലമാഃ സാഫല്യമാതന്വതേ
ദുര്ഭിക്ഷാന്മമ സേവകസ്യ ഭഗവന്വിശ്വേശ ഭീതിഃ കുതഃ ॥ 40 ॥
-രാനീതൈശ്ച സദാശിവസ്യ ചരിതാമ്ഭോരാശിദിവ്യാമൃതൈഃ ।
ഹൃത്കേദാരയുതാശ്ച ഭക്തികലമാഃ സാഫല്യമാതന്വതേ
ദുര്ഭിക്ഷാന്മമ സേവകസ്യ ഭഗവന്വിശ്വേശ ഭീതിഃ കുതഃ ॥ 40 ॥
പാപോത്പാതവിമോചനായ രുചിരൈശ്വര്യായ മൃത്യുഞ്ജയ
സ്തോത്രധ്യാനനതിപ്രദക്ഷിണസപര്യാലോകനാകര്ണനേ ।
ജിഹ്വാചിത്തശിരോങ്ഘ്രിഹസ്തനയനശ്രോത്രൈരഹം പ്രാര്ഥിതോ
മാമാജ്ഞാപയ തന്നിരൂപയ മുഹുര്മാമേവ മാ മേഽവചഃ ॥ 41 ॥
സ്തോത്രധ്യാനനതിപ്രദക്ഷിണസപര്യാലോകനാകര്ണനേ ।
ജിഹ്വാചിത്തശിരോങ്ഘ്രിഹസ്തനയനശ്രോത്രൈരഹം പ്രാര്ഥിതോ
മാമാജ്ഞാപയ തന്നിരൂപയ മുഹുര്മാമേവ മാ മേഽവചഃ ॥ 41 ॥
ഗാമ്ഭീര്യം പരിഖാപദം ഘനധൃതിഃ പ്രാകാര ഉദ്യദ്ഗുണ- [ഉദ്യദ്ഗുണസ്തോമഃ]
-സ്തോമശ്ചാപ്തബലം ഘനേന്ദ്രിയചയോ ദ്വാരാണി ദേഹേ സ്ഥിതഃ ।
വിദ്യാ വസ്തുസമൃദ്ധിരിത്യഖിലസാമഗ്രീസമേതേ സദാ
ദുര്ഗാതിപ്രിയദേവ മാമകമനോദുര്ഗേ നിവാസം കുരു ॥ 42 ॥
-സ്തോമശ്ചാപ്തബലം ഘനേന്ദ്രിയചയോ ദ്വാരാണി ദേഹേ സ്ഥിതഃ ।
വിദ്യാ വസ്തുസമൃദ്ധിരിത്യഖിലസാമഗ്രീസമേതേ സദാ
ദുര്ഗാതിപ്രിയദേവ മാമകമനോദുര്ഗേ നിവാസം കുരു ॥ 42 ॥
മാ ഗച്ഛ ത്വമിതസ്തതോ ഗിരിശ ഭോ മയ്യേവ വാസം കുരു
സ്വാമിന്നാദികിരാത മാമകമനഃകാന്താരസീമാന്തരേ ।
വര്തന്തേ ബഹുശോ മൃഗാ മദജുഷോ മാത്സര്യമോഹാദയ- [ മാത്സര്യമോഹാദയഃ]
-സ്താന്ഹത്വാ മൃഗയാവിനോദരുചിതാ ലാഭം ച സമ്പ്രാപ്സ്യസി ॥ 43 ॥
സ്വാമിന്നാദികിരാത മാമകമനഃകാന്താരസീമാന്തരേ ।
വര്തന്തേ ബഹുശോ മൃഗാ മദജുഷോ മാത്സര്യമോഹാദയ- [ മാത്സര്യമോഹാദയഃ]
-സ്താന്ഹത്വാ മൃഗയാവിനോദരുചിതാ ലാഭം ച സമ്പ്രാപ്സ്യസി ॥ 43 ॥
കരലഗ്നമൃഗഃ കരീന്ദ്രഭങ്ഗോ
ഘനശാര്ദൂലവിഖണ്ഡനോഽസ്തജന്തുഃ ।
ഗിരിശോ വിശദാകൃതിശ്ച ചേതഃ-
-കുഹരേ പഞ്ചമുഖോഽസ്തി മേ കുതോ ഭീഃ ॥ 44 ॥
ഘനശാര്ദൂലവിഖണ്ഡനോഽസ്തജന്തുഃ ।
ഗിരിശോ വിശദാകൃതിശ്ച ചേതഃ-
-കുഹരേ പഞ്ചമുഖോഽസ്തി മേ കുതോ ഭീഃ ॥ 44 ॥
ഛന്ദഃ ശാഖിശിഖാന്വിതൈര് [ശാഖിശിഖാന്വിതൈഃ] ദ്വിജവരൈഃ സംസേവിതേ ശാശ്വതേ
സൌഖ്യാപാദിനി ഖേദഭേദിനി സുധാസാരൈഃ ഫലൈര്ദീപിതേ ।
ചേതഃപക്ഷിശിഖാമണേ ത്യജ വൃഥാ സഞ്ചാരമന്യൈരലം
നിത്യം ശങ്കര പാദപദ്മയുഗലീനീഡേ വിഹാരം കുരു ॥ 45 ॥
സൌഖ്യാപാദിനി ഖേദഭേദിനി സുധാസാരൈഃ ഫലൈര്ദീപിതേ ।
ചേതഃപക്ഷിശിഖാമണേ ത്യജ വൃഥാ സഞ്ചാരമന്യൈരലം
നിത്യം ശങ്കര പാദപദ്മയുഗലീനീഡേ വിഹാരം കുരു ॥ 45 ॥
ആകീര്ണേ നഖരാജികാന്തിവിഭവൈ [നഖരാജികാന്തിവിഭവൈഃ] രുദ്യത്സുധാവൈഭവൈ-[രുദ്യത്സുധാവൈഭവൈഃ]
-രാധൌതേഽപി ച പദ്മരാഗലലിതേ ഹംസവ്രജൈരാശ്രിതേ ।
നിത്യം ഭക്തിവധൂഗണൈശ്ച രഹസി സ്വേച്ഛാവിഹാരം കുരു
സ്ഥിത്വാ മാനസരാജഹംസ ഗിരിജാനാഥാങ്ഘ്രിസൌധാന്തരേ ॥ 46 ॥
-രാധൌതേഽപി ച പദ്മരാഗലലിതേ ഹംസവ്രജൈരാശ്രിതേ ।
നിത്യം ഭക്തിവധൂഗണൈശ്ച രഹസി സ്വേച്ഛാവിഹാരം കുരു
സ്ഥിത്വാ മാനസരാജഹംസ ഗിരിജാനാഥാങ്ഘ്രിസൌധാന്തരേ ॥ 46 ॥
ശമ്ഭുധ്യാന വസന്തസങ്ഗിനി ഹൃദാരാമേഽഘജീര്ണച്ഛദാഃ
സ്രസ്താ ഭക്തിലതാച്ഛടാ വിലസിതാഃ പുണ്യപ്രവാലശ്രിതാഃ ।
ദീപ്യന്തേ ഗുണകോരകാ ജപവചഃപുഷ്പാണി സദ്വാസനാ
ജ്ഞാനാനന്ദ സുധാമരന്ദലഹരീ സംവിത്ഫലാഭ്യുന്നതിഃ ॥ 47 ॥
സ്രസ്താ ഭക്തിലതാച്ഛടാ വിലസിതാഃ പുണ്യപ്രവാലശ്രിതാഃ ।
ദീപ്യന്തേ ഗുണകോരകാ ജപവചഃപുഷ്പാണി സദ്വാസനാ
ജ്ഞാനാനന്ദ സുധാമരന്ദലഹരീ സംവിത്ഫലാഭ്യുന്നതിഃ ॥ 47 ॥
നിത്യാനന്ദരസാലയം സുരമുനിസ്വാന്താമ്ബുജാതാശ്രയം
സ്വച്ഛം സദ്ദ്വിജസേവിതം കലുഷഹൃത്സദ്വാസനാ വിഷ്കൃതമ് ।
ശമ്ഭുധ്യാന സരോവരം വ്രജ മനോഹം സാവതംസ സ്ഥിരം
കിം ക്ഷുദ്രാ ശ്രയപല്വല ഭ്രമണ സഞ്ജാതശ്രമം പ്രാപ്സ്യസി ॥ 48 ॥
സ്വച്ഛം സദ്ദ്വിജസേവിതം കലുഷഹൃത്സദ്വാസനാ വിഷ്കൃതമ് ।
ശമ്ഭുധ്യാന സരോവരം വ്രജ മനോഹം സാവതംസ സ്ഥിരം
കിം ക്ഷുദ്രാ ശ്രയപല്വല ഭ്രമണ സഞ്ജാതശ്രമം പ്രാപ്സ്യസി ॥ 48 ॥
ആനന്ദാമൃത പൂരിതാ ഹരപദാം ഭോജാ ലവാലോദ്യതാ
സ്ഥൈര്യോപഘ്നമുപേത്യ ഭക്തിലതികാ ശാഖോപ ശാഖാന്വിതാ ।
ഉച്ചൈ-ര്മാനസ കായമാന പടലീമാക്രമ്യ നിഷ്കല്മഷാ
നിത്യാഭീഷ്ട ഫലപ്രദാ ഭവതു മേ സത്കര്മ സംവര്ധിതാ ॥ 49 ॥
സ്ഥൈര്യോപഘ്നമുപേത്യ ഭക്തിലതികാ ശാഖോപ ശാഖാന്വിതാ ।
ഉച്ചൈ-ര്മാനസ കായമാന പടലീമാക്രമ്യ നിഷ്കല്മഷാ
നിത്യാഭീഷ്ട ഫലപ്രദാ ഭവതു മേ സത്കര്മ സംവര്ധിതാ ॥ 49 ॥
സന്ധ്യാ-രമ്ഭ വിജൃമ്ഭിതം ശ്രുതിശിരഃ സ്ഥാനാന്തരാധിഷ്ഠിതം
സപ്രേമ ഭ്രമരാഭിരാമ-മസകൃത് സദ്വാസനാ ശോഭിതമ് ।
ഭോഗീന്ദ്രാ-ഭരണം സമസ്തസുമനഃ പൂജ്യം ഗുണാവിഷ്കൃതം
സേവേ ശ്രീഗിരി മല്ലികാര്ജുന മഹാലിങ്ഗം ശിവാലിങ്ഗിതമ് ॥ 50 ॥
സപ്രേമ ഭ്രമരാഭിരാമ-മസകൃത് സദ്വാസനാ ശോഭിതമ് ।
ഭോഗീന്ദ്രാ-ഭരണം സമസ്തസുമനഃ പൂജ്യം ഗുണാവിഷ്കൃതം
സേവേ ശ്രീഗിരി മല്ലികാര്ജുന മഹാലിങ്ഗം ശിവാലിങ്ഗിതമ് ॥ 50 ॥
ഭൃങ്ഗീച്ഛാ നടനോത്കടഃ കരിമദഗ്രാഹീ സ്ഫുരന് മാധവാ- [സ്ഫുരന്മാധവാഹ്ലാദോ]
-ഹ്ലാദോ നാദയുതോ മഹാസിതവപുഃ പഞ്ചേഷുണാ ചാദൃതഃ ।
സത്പക്ഷഃ സുമനോ വനേഷു സ പുനഃ സാക്ഷാന്മദീയേ മനോ-
-രാജീവേ ഭ്രമരാധിപോ വിഹരതാം ശ്രീശൈലവാസീ വിഭുഃ ॥ 51 ॥
-ഹ്ലാദോ നാദയുതോ മഹാസിതവപുഃ പഞ്ചേഷുണാ ചാദൃതഃ ।
സത്പക്ഷഃ സുമനോ വനേഷു സ പുനഃ സാക്ഷാന്മദീയേ മനോ-
-രാജീവേ ഭ്രമരാധിപോ വിഹരതാം ശ്രീശൈലവാസീ വിഭുഃ ॥ 51 ॥
കാരുണ്യാമൃത വര്ഷിണം ഘനവിപദ്ഗ്രീഷ്മച് ഛിദാകര്മഠം
വിദ്യാസസ്യ ഫലോദയായ സുമനഃ സംസേവ്യ മിച്ഛാകൃതിമ് ।
നൃത്യദ് ഭക്ത മയൂരമദ്രി നിലയം ചഞ്ചജ്ജടാമണ്ഡലം
ശമ്ഭോ വാഞ്ഛതി നീലകന്ധര സദാ ത്വാം മേ മനശ്ചാതകഃ ॥ 52 ॥
വിദ്യാസസ്യ ഫലോദയായ സുമനഃ സംസേവ്യ മിച്ഛാകൃതിമ് ।
നൃത്യദ് ഭക്ത മയൂരമദ്രി നിലയം ചഞ്ചജ്ജടാമണ്ഡലം
ശമ്ഭോ വാഞ്ഛതി നീലകന്ധര സദാ ത്വാം മേ മനശ്ചാതകഃ ॥ 52 ॥
ആകാശേന ശിഖീ സമസ്തഫണിനാം നേത്രാ കലാപീ നതാ-[നതാനുഗ്രാഹി]
-നുഗ്രാഹി പ്രണവോപദേശനിനദൈഃ കേകീതി യോ ഗീയതേ ।
ശ്യാമാം ശൈലസമുദ്ഭവാം ഘനരുചിം ദൃഷ്ട്വാ നടന്തം മുദാ
വേദാന്തോപവനേ വിഹാരരസികം തം നീലകണ്ഠം ഭജേ ॥ 53 ॥
-നുഗ്രാഹി പ്രണവോപദേശനിനദൈഃ കേകീതി യോ ഗീയതേ ।
ശ്യാമാം ശൈലസമുദ്ഭവാം ഘനരുചിം ദൃഷ്ട്വാ നടന്തം മുദാ
വേദാന്തോപവനേ വിഹാരരസികം തം നീലകണ്ഠം ഭജേ ॥ 53 ॥
സന്ധ്യാ ഘര്മദിനാത്യയോ ഹരികരാഘാത പ്രഭൂതാനക- [പ്രഭൂതാനകധ്വാനോ ]
-ധ്വാനോ വാരിദഗര്ജിതം ദിവിഷദാം ദൃഷ്ടിച്ഛടാ ചഞ്ചലാ ।
ഭക്താനാം പരിതോഷബാഷ്പ വിതതിര് വൃഷ്ടിര് മയൂരീ ശിവാ
യസ്മിന്നുജ്ജ്വല താണ്ഡവം വിജയതേ തം നീലകണ്ഠം ഭജേ ॥ 54 ॥
-ധ്വാനോ വാരിദഗര്ജിതം ദിവിഷദാം ദൃഷ്ടിച്ഛടാ ചഞ്ചലാ ।
ഭക്താനാം പരിതോഷബാഷ്പ വിതതിര് വൃഷ്ടിര് മയൂരീ ശിവാ
യസ്മിന്നുജ്ജ്വല താണ്ഡവം വിജയതേ തം നീലകണ്ഠം ഭജേ ॥ 54 ॥
ആദ്യായാമിത തേജസേ ശ്രുതിപദൈര്വേദ്യായ സാധ്യായ തേ
വിദ്യാനന്ദമയാത്മനേ ത്രിജഗതഃ സംരക്ഷണോദ്യോഗിനേ ।
ധ്യേയായാഖിലയോഗിഭിഃ സുരഗണൈര്ഗേയായ മായാവിനേ
സമ്യക്താണ്ഡവ സമ്ഭ്രമായ ജടിനേ സേയം നതിഃ ശമ്ഭവേ ॥ 55 ॥
വിദ്യാനന്ദമയാത്മനേ ത്രിജഗതഃ സംരക്ഷണോദ്യോഗിനേ ।
ധ്യേയായാഖിലയോഗിഭിഃ സുരഗണൈര്ഗേയായ മായാവിനേ
സമ്യക്താണ്ഡവ സമ്ഭ്രമായ ജടിനേ സേയം നതിഃ ശമ്ഭവേ ॥ 55 ॥
നിത്യായ ത്രിഗുണാത്മനേ പുരജിതേ കാത്യായനീ ശ്രേയസേ
സത്യായാദി കുടുമ്ബിനേ മുനിമനഃ പ്രത്യക്ഷ ചിന്മൂര്തയേ ।
മായാസൃഷ്ട ജഗത്ത്രയായ സകലാമ്നായാന്തസഞ്ചാരിണേ
സായം താണ്ഡവ സമ്ഭ്രമായ ജടിനേ സേയം നതിഃ ശമ്ഭവേ ॥ 56 ॥
സത്യായാദി കുടുമ്ബിനേ മുനിമനഃ പ്രത്യക്ഷ ചിന്മൂര്തയേ ।
മായാസൃഷ്ട ജഗത്ത്രയായ സകലാമ്നായാന്തസഞ്ചാരിണേ
സായം താണ്ഡവ സമ്ഭ്രമായ ജടിനേ സേയം നതിഃ ശമ്ഭവേ ॥ 56 ॥
നിത്യം സ്വോദരപോഷണായ സകലാനുദ്ദിശ്യ വിത്താശയാ [സ്വോദരപൂരണായ]
വ്യര്ഥം പര്യടനം കരോമി ഭവതഃ സേവാം ന ജാനേ വിഭോ ।
മജ്ജന്മാന്തര പുണ്യ പാക ബലതസ്ത്വം ശര്വ സര്വാന്തര- [സര്വാന്തരഃ]
-സ്തിഷ്ഠസ്യേവ ഹി തേന വാ പശുപതേ തേ രക്ഷണീയോഽസ്മ്യഹമ് ॥ 57 ॥
വ്യര്ഥം പര്യടനം കരോമി ഭവതഃ സേവാം ന ജാനേ വിഭോ ।
മജ്ജന്മാന്തര പുണ്യ പാക ബലതസ്ത്വം ശര്വ സര്വാന്തര- [സര്വാന്തരഃ]
-സ്തിഷ്ഠസ്യേവ ഹി തേന വാ പശുപതേ തേ രക്ഷണീയോഽസ്മ്യഹമ് ॥ 57 ॥
ഏകോ വാരിജ ബാന്ധവഃ ക്ഷിതിനഭോ വ്യാപ്തം തമോ മണ്ഡലം
ഭിത്ത്വാ ലോചന ഗോചരോഽപി ഭവതി ത്വം കോടി സൂര്യപ്രഭഃ ।
വേദ്യഃ കിം ന ഭവസ്യഹോ ഘനതരം കീദൃഗ്ഭവേന്മത്തമ- [കീദൃഗ്ഭവേന്മത്തമഃ]
-സ്തത്സര്വം [തത്സര്വം] വ്യപനീയ മേ പശുപതേ സാക്ഷാത്പ്രസന്നോ ഭവ ॥ 58 ॥
ഭിത്ത്വാ ലോചന ഗോചരോഽപി ഭവതി ത്വം കോടി സൂര്യപ്രഭഃ ।
വേദ്യഃ കിം ന ഭവസ്യഹോ ഘനതരം കീദൃഗ്ഭവേന്മത്തമ- [കീദൃഗ്ഭവേന്മത്തമഃ]
-സ്തത്സര്വം [തത്സര്വം] വ്യപനീയ മേ പശുപതേ സാക്ഷാത്പ്രസന്നോ ഭവ ॥ 58 ॥
ഹംസഃ പദ്മവനം സമിച്ഛതി യഥാ നീലാമ്ബുദം ചാതകഃ
കോകഃ കോകനദപ്രിയം പ്രതിദിനം ചന്ദ്രം ചകോരസ്തഥാ ।
ചേതോ വാഞ്ഛതി മാമകം പശുപതേ ചിന്മാര്ഗമൃഗ്യം വിഭോ
ഗൌരീനാഥ ഭവത്പദാബ്ജ യുഗലം കൈവല്യ സൌഖ്യപ്രദമ് ॥ 59 ॥
കോകഃ കോകനദപ്രിയം പ്രതിദിനം ചന്ദ്രം ചകോരസ്തഥാ ।
ചേതോ വാഞ്ഛതി മാമകം പശുപതേ ചിന്മാര്ഗമൃഗ്യം വിഭോ
ഗൌരീനാഥ ഭവത്പദാബ്ജ യുഗലം കൈവല്യ സൌഖ്യപ്രദമ് ॥ 59 ॥
രോധസ്തോയഹൃതഃ ശ്രമേണ പഥികശ്ഛായാം തരോര്വൃഷ്ടിതോ [തരോര്വൃഷ്ടിതഃ]
ഭീതഃ സ്വസ്ഥഗൃഹം ഗൃഹസ്ഥമതിഥിര് ദീനഃ പ്രഭും ധാര്മികമ് ।
ദീപം സന്തമസാകുലശ്ച ശിഖിനം ശീതാ വൃതസ്ത്വം തഥാ
ചേതഃ സര്വഭയാപഹം വ്രജ സുഖം ശമ്ഭോഃ പദാമ്ഭോരുഹമ് ॥ 60 ॥
ഭീതഃ സ്വസ്ഥഗൃഹം ഗൃഹസ്ഥമതിഥിര് ദീനഃ പ്രഭും ധാര്മികമ് ।
ദീപം സന്തമസാകുലശ്ച ശിഖിനം ശീതാ വൃതസ്ത്വം തഥാ
ചേതഃ സര്വഭയാപഹം വ്രജ സുഖം ശമ്ഭോഃ പദാമ്ഭോരുഹമ് ॥ 60 ॥
അങ്കോലം നിജ-ബീജ-സന്തതിരയസ്കാന്തോപലം [സന്തതിഃ അയസ്കാന്തോപലം] സൂചികാ
സാധ്വീ നൈജവിഭും ലതാ ക്ഷിതിരുഹം സിന്ധുഃ സരിദ് വല്ലഭമ് ।
പ്രാപ്നോതീഹ യഥാ തഥാ പശുപതേഃ പാദാരവിന്ദ ദ്വയം
ചേതോവൃത്തി രുപേത്യ തിഷ്ഠതി സദാ സാ ഭക്തി രിത്യുച്യതേ ॥ 61 ॥
സാധ്വീ നൈജവിഭും ലതാ ക്ഷിതിരുഹം സിന്ധുഃ സരിദ് വല്ലഭമ് ।
പ്രാപ്നോതീഹ യഥാ തഥാ പശുപതേഃ പാദാരവിന്ദ ദ്വയം
ചേതോവൃത്തി രുപേത്യ തിഷ്ഠതി സദാ സാ ഭക്തി രിത്യുച്യതേ ॥ 61 ॥
ആനന്ദാശ്രുഭിരാതനോതി പുലകം നൈര്മല്യതശ്ഛാദനം
വാചാ-ശങ്ഖമുഖേ സ്ഥിതൈശ്ച ജഠരാപൂര്തിം ചരിത്രാമൃതൈഃ ।
രുദ്രാക്ഷൈ-ര്ഭസിതേന ദേവ വപുഷോ രക്ഷാം ഭവദ്ഭാവനാ-
-പര്യങ്കേ വിനിവേശ്യ ഭക്തിജനനീ ഭക്താര്ഭകം രക്ഷതി ॥ 62 ॥
വാചാ-ശങ്ഖമുഖേ സ്ഥിതൈശ്ച ജഠരാപൂര്തിം ചരിത്രാമൃതൈഃ ।
രുദ്രാക്ഷൈ-ര്ഭസിതേന ദേവ വപുഷോ രക്ഷാം ഭവദ്ഭാവനാ-
-പര്യങ്കേ വിനിവേശ്യ ഭക്തിജനനീ ഭക്താര്ഭകം രക്ഷതി ॥ 62 ॥
മാര്ഗാവര്തിതപാദുകാ പശുപതേരങ്ഗസ്യ കൂര്ചായതേ
ഗണ്ഡൂഷാമ്ബുനിഷേചനം പുരരിപോര്ദിവ്യാഭിഷേകായതേ ।
കിഞ്ചി-ദ്ഭക്ഷിത-മാംസ-ശേഷകബലം നവ്യോപഹാരായതേ
ഭക്തിഃ കിം ന കരോത്യഹോ വനചരോ ഭക്താവതംസായതേ ॥ 63 ॥
ഗണ്ഡൂഷാമ്ബുനിഷേചനം പുരരിപോര്ദിവ്യാഭിഷേകായതേ ।
കിഞ്ചി-ദ്ഭക്ഷിത-മാംസ-ശേഷകബലം നവ്യോപഹാരായതേ
ഭക്തിഃ കിം ന കരോത്യഹോ വനചരോ ഭക്താവതംസായതേ ॥ 63 ॥
വക്ഷസ്താഡനമന്തകസ്യ കഠിനാപസ്മാരസമ്മര്ദനം
ഭൂഭൃത്പര്യടനം നമത്സുരശിരഃകോടീരസങ്ഘര്ഷണമ് ।
കര്മേദം മൃദുലസ്യ താവകപദദ്വന്ദ്വസ്യ കിം വോചിതം
മച്ചേതോമണിപാദുകാവിഹരണം ശമ്ഭോ സദാങ്ഗീകുരു ॥ 64 ॥
ഭൂഭൃത്പര്യടനം നമത്സുരശിരഃകോടീരസങ്ഘര്ഷണമ് ।
കര്മേദം മൃദുലസ്യ താവകപദദ്വന്ദ്വസ്യ കിം വോചിതം
മച്ചേതോമണിപാദുകാവിഹരണം ശമ്ഭോ സദാങ്ഗീകുരു ॥ 64 ॥
വക്ഷസ്താഡനശങ്കയാ വിചലിതോ വൈവസ്വതോ നിര്ജരാഃ
കോടീരോജ്ജ്വലരത്നദീപകലികാനീരാജനം കുര്വതേ ।
ദൃഷ്ട്വാ മുക്തിവധൂസ്തനോതി നിഭൃതാശ്ലേഷം ഭവാനീപതേ
യച്ചേതസ്തവ പാദപദ്മഭജനം തസ്യേഹ കിം ദുര്ലഭമ് ॥ 65 ॥
കോടീരോജ്ജ്വലരത്നദീപകലികാനീരാജനം കുര്വതേ ।
ദൃഷ്ട്വാ മുക്തിവധൂസ്തനോതി നിഭൃതാശ്ലേഷം ഭവാനീപതേ
യച്ചേതസ്തവ പാദപദ്മഭജനം തസ്യേഹ കിം ദുര്ലഭമ് ॥ 65 ॥
ക്രീഡാര്ഥം സൃജസി പ്രപഞ്ചമഖിലം ക്രീഡാമൃഗാസ്തേ ജനാഃ
യത്കര്മാചരിതം മയാ ച ഭവതഃ പ്രീത്യൈ ഭവത്യേവ തത് ।
ശമ്ഭോ സ്വസ്യ കുതൂഹലസ്യ കരണം മച്ചേഷ്ടിതം നിശ്ചിതം
തസ്മാന്മാമകരക്ഷണം പശുപതേ കര്തവ്യമേവ ത്വയാ ॥ 66 ॥
യത്കര്മാചരിതം മയാ ച ഭവതഃ പ്രീത്യൈ ഭവത്യേവ തത് ।
ശമ്ഭോ സ്വസ്യ കുതൂഹലസ്യ കരണം മച്ചേഷ്ടിതം നിശ്ചിതം
തസ്മാന്മാമകരക്ഷണം പശുപതേ കര്തവ്യമേവ ത്വയാ ॥ 66 ॥
ബഹുവിധപരിതോഷബാഷ്പപൂര-
-സ്ഫുടപുലകാങ്കിതചാരുഭോഗഭൂമിമ് ।
ചിരപദഫലകാങ്ക്ഷിസേവ്യമാനാം
പരമസദാശിവഭാവനാം പ്രപദ്യേ ॥ 67 ॥
-സ്ഫുടപുലകാങ്കിതചാരുഭോഗഭൂമിമ് ।
ചിരപദഫലകാങ്ക്ഷിസേവ്യമാനാം
പരമസദാശിവഭാവനാം പ്രപദ്യേ ॥ 67 ॥
അമിതമുദമൃതം മുഹുര്ദുഹന്തീം
വിമലഭവത്പദഗോഷ്ഠമാവസന്തീമ് ।
സദയ പശുപതേ സുപുണ്യപാകാം
മമ പരിപാലയ ഭക്തിധേനുമേകാമ് ॥ 68 ॥
വിമലഭവത്പദഗോഷ്ഠമാവസന്തീമ് ।
സദയ പശുപതേ സുപുണ്യപാകാം
മമ പരിപാലയ ഭക്തിധേനുമേകാമ് ॥ 68 ॥
ജഡതാ പശുതാ കലങ്കിതാ
കുടിലചരത്വം ച നാസ്തി മയി ദേവ ।
അസ്തി യദി രാജമൌലേ
ഭവദാഭരണസ്യ നാസ്മി കിം പാത്രമ് ॥ 69 ॥
കുടിലചരത്വം ച നാസ്തി മയി ദേവ ।
അസ്തി യദി രാജമൌലേ
ഭവദാഭരണസ്യ നാസ്മി കിം പാത്രമ് ॥ 69 ॥
അരഹസി രഹസി സ്വതന്ത്രബുദ്ധ്യാ
വരിവസിതും സുലഭഃ പ്രസന്നമൂര്തിഃ ।
അഗണിതഫലദായകഃ പ്രഭുര്മേ
ജഗദധികോ ഹൃദി രാജശേഖരോഽസ്തി ॥ 70 ॥
വരിവസിതും സുലഭഃ പ്രസന്നമൂര്തിഃ ।
അഗണിതഫലദായകഃ പ്രഭുര്മേ
ജഗദധികോ ഹൃദി രാജശേഖരോഽസ്തി ॥ 70 ॥
ആരൂഢഭക്തിഗുണകുഞ്ചിതഭാവചാപ-
-യുക്തൈഃ ശിവസ്മരണബാണഗണൈരമോഘൈഃ ।
നിര്ജിത്യ കില്ബിഷരിപൂന്വിജയീ സുധീന്ദ്രഃ
സാനന്ദമാവഹതി സുസ്ഥിരരാജലക്ഷ്മീമ് ॥ 71 ॥
-യുക്തൈഃ ശിവസ്മരണബാണഗണൈരമോഘൈഃ ।
നിര്ജിത്യ കില്ബിഷരിപൂന്വിജയീ സുധീന്ദ്രഃ
സാനന്ദമാവഹതി സുസ്ഥിരരാജലക്ഷ്മീമ് ॥ 71 ॥
ധ്യാനാഞ്ജനേന സമവേക്ഷ്യ തമഃപ്രദേശം
ഭിത്ത്വാ മഹാബലിഭിരീശ്വരനാമമന്ത്രൈഃ ।
ദിവ്യാശ്രിതം ഭുജഗഭൂഷണമുദ്വഹന്തി
യേ പാദപദ്മമിഹ തേ ശിവ തേ കൃതാര്ഥാഃ ॥ 72 ॥
ഭിത്ത്വാ മഹാബലിഭിരീശ്വരനാമമന്ത്രൈഃ ।
ദിവ്യാശ്രിതം ഭുജഗഭൂഷണമുദ്വഹന്തി
യേ പാദപദ്മമിഹ തേ ശിവ തേ കൃതാര്ഥാഃ ॥ 72 ॥
ഭൂദാരതാമുദവഹദ്യദപേക്ഷയാ ശ്രീ-
-ഭൂദാര ഏവ കിമതഃ സുമതേ ലഭസ്വ ।
കേദാരമാകലിതമുക്തിമഹൌഷധീനാം
പാദാരവിന്ദഭജനം പരമേശ്വരസ്യ ॥ 73 ॥
-ഭൂദാര ഏവ കിമതഃ സുമതേ ലഭസ്വ ।
കേദാരമാകലിതമുക്തിമഹൌഷധീനാം
പാദാരവിന്ദഭജനം പരമേശ്വരസ്യ ॥ 73 ॥
ആശാപാശക്ലേശദുര്വാസനാദി-
-ഭേദോദ്യുക്തൈര്ദിവ്യഗന്ധൈരമന്ദൈഃ ।
ആശാശാടീകസ്യ പാദാരവിന്ദം
ചേതഃപേടീം വാസിതാം മേ തനോതു ॥ 74 ॥
-ഭേദോദ്യുക്തൈര്ദിവ്യഗന്ധൈരമന്ദൈഃ ।
ആശാശാടീകസ്യ പാദാരവിന്ദം
ചേതഃപേടീം വാസിതാം മേ തനോതു ॥ 74 ॥
കല്യാണിനം സരസചിത്രഗതിം സവേഗം
സര്വേങ്ഗിതജ്ഞമനഘം ധ്രുവലക്ഷണാഢ്യമ് ।
ചേതസ്തുരങ്ഗമധിരുഹ്യ ചര സ്മരാരേ
നേതഃ സമസ്തജഗതാം വൃഷഭാധിരൂഢ ॥ 75 ॥
സര്വേങ്ഗിതജ്ഞമനഘം ധ്രുവലക്ഷണാഢ്യമ് ।
ചേതസ്തുരങ്ഗമധിരുഹ്യ ചര സ്മരാരേ
നേതഃ സമസ്തജഗതാം വൃഷഭാധിരൂഢ ॥ 75 ॥
ഭക്തിര്മഹേശപദപുഷ്കരമാവസന്തീ
കാദമ്ബിനീവ കുരുതേ പരിതോഷവര്ഷമ് ।
സമ്പൂരിതോ ഭവതി യസ്യ മനസ്തടാക-
-സ്തജ്ജന്മസസ്യമഖിലം സഫലം ച നാന്യത് ॥ 76 ॥
കാദമ്ബിനീവ കുരുതേ പരിതോഷവര്ഷമ് ।
സമ്പൂരിതോ ഭവതി യസ്യ മനസ്തടാക-
-സ്തജ്ജന്മസസ്യമഖിലം സഫലം ച നാന്യത് ॥ 76 ॥
ബുദ്ധിഃ സ്ഥിരാ ഭവിതുമീശ്വരപാദപദ്മ-
-സക്താ വധൂര്വിരഹിണീവ സദാ സ്മരന്തീ ।
സദ്ഭാവനാസ്മരണദര്ശനകീര്തനാദി
സമ്മോഹിതേവ ശിവമന്ത്രജപേന വിന്തേ ॥ 77 ॥
-സക്താ വധൂര്വിരഹിണീവ സദാ സ്മരന്തീ ।
സദ്ഭാവനാസ്മരണദര്ശനകീര്തനാദി
സമ്മോഹിതേവ ശിവമന്ത്രജപേന വിന്തേ ॥ 77 ॥
സദുപചാരവിധിഷ്വനുബോധിതാം
സവിനയാം സുഹൃദം സമുപാശ്രിതാമ് ।
മമ സമുദ്ധര ബുദ്ധിമിമാം പ്രഭോ
വരഗുണേന നവോഢവധൂമിവ ॥ 78 ॥
സവിനയാം സുഹൃദം സമുപാശ്രിതാമ് ।
മമ സമുദ്ധര ബുദ്ധിമിമാം പ്രഭോ
വരഗുണേന നവോഢവധൂമിവ ॥ 78 ॥
നിത്യം യോഗിമനഃ സരോജദലസഞ്ചാരക്ഷമസ്ത്വത്ക്രമഃ
ശമ്ഭോ തേന കഥം കഠോരയമരാഡ്വക്ഷഃകവാടക്ഷതിഃ ।
അത്യന്തം മൃദുലം ത്വദങ്ഘ്രിയുഗലം ഹാ മേ മനശ്ചിന്തയ-
-ത്യേതല്ലോചനഗോചരം കുരു വിഭോ ഹസ്തേന സംവാഹയേ ॥ 79 ॥
ശമ്ഭോ തേന കഥം കഠോരയമരാഡ്വക്ഷഃകവാടക്ഷതിഃ ।
അത്യന്തം മൃദുലം ത്വദങ്ഘ്രിയുഗലം ഹാ മേ മനശ്ചിന്തയ-
-ത്യേതല്ലോചനഗോചരം കുരു വിഭോ ഹസ്തേന സംവാഹയേ ॥ 79 ॥
ഏഷ്യത്യേഷ ജനിം മനോഽസ്യ കഠിനം തസ്മിന്നടാനീതി മ-
-ദ്രക്ഷായൈ ഗിരിസീമ്നി കോമലപദന്യാസഃ പുരാഭ്യാസിതഃ ।
നോ ചേദ്ദിവ്യഗൃഹാന്തരേഷു സുമനസ്തല്പേഷു വേദ്യാദിഷു
പ്രായഃ സത്സു ശിലാതലേഷു നടനം ശമ്ഭോ കിമര്ഥം തവ ॥ 80 ॥
-ദ്രക്ഷായൈ ഗിരിസീമ്നി കോമലപദന്യാസഃ പുരാഭ്യാസിതഃ ।
നോ ചേദ്ദിവ്യഗൃഹാന്തരേഷു സുമനസ്തല്പേഷു വേദ്യാദിഷു
പ്രായഃ സത്സു ശിലാതലേഷു നടനം ശമ്ഭോ കിമര്ഥം തവ ॥ 80 ॥
കഞ്ചിത്കാലമുമാമഹേശ ഭവതഃ പാദാരവിന്ദാര്ചനൈഃ
കഞ്ചിദ്ധ്യാനസമാധിഭിശ്ച നതിഭിഃ കഞ്ചിത്കഥാകര്ണനൈഃ ।
കഞ്ചിത്കഞ്ചിദവേക്ഷണൈശ്ച നുതിഭിഃ കഞ്ചിദ്ദശാമീദൃശീം
യഃ പ്രാപ്നോതി മുദാ ത്വദര്പിതമനാ ജീവന് സ മുക്തഃ ഖലു ॥ 81 ॥
കഞ്ചിദ്ധ്യാനസമാധിഭിശ്ച നതിഭിഃ കഞ്ചിത്കഥാകര്ണനൈഃ ।
കഞ്ചിത്കഞ്ചിദവേക്ഷണൈശ്ച നുതിഭിഃ കഞ്ചിദ്ദശാമീദൃശീം
യഃ പ്രാപ്നോതി മുദാ ത്വദര്പിതമനാ ജീവന് സ മുക്തഃ ഖലു ॥ 81 ॥
ബാണത്വം വൃഷഭത്വമര്ധവപുഷാ ഭാര്യാത്വമാര്യാപതേ
ഘോണിത്വം സഖിതാ മൃദങ്ഗവഹതാ ചേത്യാദി രൂപം ദധൌ ।
ത്വത്പാദേ നയനാര്പണം ച കൃതവാംസ്ത്വദ്ദേഹഭാഗോ ഹരിഃ
പൂജ്യാത്പൂജ്യതരഃ സ ഏവ ഹി ന ചേത്കോ വാ തദന്യോഽധികഃ ॥ 82 ॥
ഘോണിത്വം സഖിതാ മൃദങ്ഗവഹതാ ചേത്യാദി രൂപം ദധൌ ।
ത്വത്പാദേ നയനാര്പണം ച കൃതവാംസ്ത്വദ്ദേഹഭാഗോ ഹരിഃ
പൂജ്യാത്പൂജ്യതരഃ സ ഏവ ഹി ന ചേത്കോ വാ തദന്യോഽധികഃ ॥ 82 ॥
ജനനമൃതിയുതാനാം സേവയാ ദേവതാനാം
ന ഭവതി സുഖലേശഃ സംശയോ നാസ്തി തത്ര ।
അജനിമമൃതരൂപം സാമ്ബമീശം ഭജന്തേ
യ ഇഹ പരമസൌഖ്യം തേ ഹി ധന്യാ ലഭന്തേ ॥ 83 ॥
ന ഭവതി സുഖലേശഃ സംശയോ നാസ്തി തത്ര ।
അജനിമമൃതരൂപം സാമ്ബമീശം ഭജന്തേ
യ ഇഹ പരമസൌഖ്യം തേ ഹി ധന്യാ ലഭന്തേ ॥ 83 ॥
ശിവ തവ പരിചര്യാസന്നിധാനായ ഗൌര്യാ
ഭവ മമ ഗുണധുര്യാം ബുദ്ധികന്യാം പ്രദാസ്യേ ।
സകലഭുവനബന്ധോ സച്ചിദാനന്ദസിന്ധോ
സദയ ഹൃദയഗേഹേ സര്വദാ സംവസ ത്വമ് ॥ 84 ॥
ഭവ മമ ഗുണധുര്യാം ബുദ്ധികന്യാം പ്രദാസ്യേ ।
സകലഭുവനബന്ധോ സച്ചിദാനന്ദസിന്ധോ
സദയ ഹൃദയഗേഹേ സര്വദാ സംവസ ത്വമ് ॥ 84 ॥
ജലധിമഥനദക്ഷോ നൈവ പാതാലഭേദീ
ന ച വനമൃഗയായാം നൈവ ലുബ്ധഃ പ്രവീണഃ ।
അശനകുസുമഭൂഷാവസ്ത്രമുഖ്യാം സപര്യാം
കഥയ കഥമഹം തേ കല്പയാനീന്ദുമൌലേ ॥ 85 ॥
ന ച വനമൃഗയായാം നൈവ ലുബ്ധഃ പ്രവീണഃ ।
അശനകുസുമഭൂഷാവസ്ത്രമുഖ്യാം സപര്യാം
കഥയ കഥമഹം തേ കല്പയാനീന്ദുമൌലേ ॥ 85 ॥
പൂജാദ്രവ്യസമൃദ്ധയോ വിരചിതാഃ പൂജാം കഥം കുര്മഹേ
പക്ഷിത്വം ന ച വാ കിടിത്വമപി ന പ്രാപ്തം മയാ ദുര്ലഭമ് ।
ജാനേ മസ്തകമങ്ഘ്രിപല്ലവമുമാജാനേ ന തേഽഹം വിഭോ
ന ജ്ഞാതം ഹി പിതാമഹേന ഹരിണാ തത്ത്വേന തദ്രൂപിണാ ॥ 86 ॥
പക്ഷിത്വം ന ച വാ കിടിത്വമപി ന പ്രാപ്തം മയാ ദുര്ലഭമ് ।
ജാനേ മസ്തകമങ്ഘ്രിപല്ലവമുമാജാനേ ന തേഽഹം വിഭോ
ന ജ്ഞാതം ഹി പിതാമഹേന ഹരിണാ തത്ത്വേന തദ്രൂപിണാ ॥ 86 ॥
അശനം ഗരലം ഫണീ കലാപോ
വസനം ചര്മ ച വാഹനം മഹോക്ഷഃ ।
മമ ദാസ്യസി കിം കിമസ്തി ശമ്ഭോ
തവ പാദാമ്ബുജഭക്തിമേവ ദേഹി ॥ 87 ॥
വസനം ചര്മ ച വാഹനം മഹോക്ഷഃ ।
മമ ദാസ്യസി കിം കിമസ്തി ശമ്ഭോ
തവ പാദാമ്ബുജഭക്തിമേവ ദേഹി ॥ 87 ॥
യദാ കൃതാമ്ഭോനിധിസേതുബന്ധനഃ
കരസ്ഥലാധഃകൃതപര്വതാധിപഃ ।
ഭവാനി തേ ലങ്ഘിതപദ്മസമ്ഭവ-
-സ്തദാ ശിവാര്ചാസ്തവഭാവനക്ഷമഃ ॥ 88 ॥
കരസ്ഥലാധഃകൃതപര്വതാധിപഃ ।
ഭവാനി തേ ലങ്ഘിതപദ്മസമ്ഭവ-
-സ്തദാ ശിവാര്ചാസ്തവഭാവനക്ഷമഃ ॥ 88 ॥
നതിഭിര്നുതിഭിസ്ത്വമീശ പൂജാ-
-വിധിഭിര്ധ്യാനസമാധിഭിര്ന തുഷ്ടഃ ।
ധനുഷാ മുസലേന ചാശ്മഭിര്വാ
വദ തേ പ്രീതികരം തഥാ കരോമി ॥ 89 ॥
-വിധിഭിര്ധ്യാനസമാധിഭിര്ന തുഷ്ടഃ ।
ധനുഷാ മുസലേന ചാശ്മഭിര്വാ
വദ തേ പ്രീതികരം തഥാ കരോമി ॥ 89 ॥
വചസാ ചരിതം വദാമി ശമ്ഭോ-
-രഹമുദ്യോഗവിധാസു തേഽപ്രസക്തഃ ।
മനസാകൃതിമീശ്വരസ്യ സേവേ
ശിരസാ ചൈവ സദാശിവം നമാമി ॥ 90 ॥
-രഹമുദ്യോഗവിധാസു തേഽപ്രസക്തഃ ।
മനസാകൃതിമീശ്വരസ്യ സേവേ
ശിരസാ ചൈവ സദാശിവം നമാമി ॥ 90 ॥
ആദ്യാവിദ്യാ ഹൃദ്ഗതാ നിര്ഗതാസീ-
-ദ്വിദ്യാ ഹൃദ്യാ ഹൃദ്ഗതാ ത്വത്പ്രസാദാത് ।
സേവേ നിത്യം ശ്രീകരം ത്വത്പദാബ്ജം
ഭാവേ മുക്തേര്ഭാജനം രാജമൌലേ ॥ 91 ॥
-ദ്വിദ്യാ ഹൃദ്യാ ഹൃദ്ഗതാ ത്വത്പ്രസാദാത് ।
സേവേ നിത്യം ശ്രീകരം ത്വത്പദാബ്ജം
ഭാവേ മുക്തേര്ഭാജനം രാജമൌലേ ॥ 91 ॥
ദൂരീകൃതാനി ദുരിതാനി ദുരക്ഷരാണി
ദൌര്ഭാഗ്യദുഃഖദുരഹങ്കൃതിദുര്വചാംസി ।
സാരം ത്വദീയചരിതം നിതരാം പിബന്തം
ഗൌരീശ മാമിഹ സമുദ്ധര സത്കടാക്ഷൈഃ ॥ 92 ॥
ദൌര്ഭാഗ്യദുഃഖദുരഹങ്കൃതിദുര്വചാംസി ।
സാരം ത്വദീയചരിതം നിതരാം പിബന്തം
ഗൌരീശ മാമിഹ സമുദ്ധര സത്കടാക്ഷൈഃ ॥ 92 ॥
സോമകലാധരമൌലൌ
കോമലഘനകന്ധരേ മഹാമഹസി ।
സ്വാമിനി ഗിരിജാനാഥേ
മാമകഹൃദയം നിരന്തരം രമതാമ് ॥ 93 ॥
കോമലഘനകന്ധരേ മഹാമഹസി ।
സ്വാമിനി ഗിരിജാനാഥേ
മാമകഹൃദയം നിരന്തരം രമതാമ് ॥ 93 ॥
സാ രസനാ തേ നയനേ
താവേവ കരൌ സ ഏവ കൃതകൃത്യഃ ।
യാ യേ യൌ യോ ഭര്ഗം
വദതീക്ഷേതേ സദാര്ചതഃ സ്മരതി ॥ 94 ॥
താവേവ കരൌ സ ഏവ കൃതകൃത്യഃ ।
യാ യേ യൌ യോ ഭര്ഗം
വദതീക്ഷേതേ സദാര്ചതഃ സ്മരതി ॥ 94 ॥
അതിമൃദുലൌ മമ ചരണാ-
-വതികഠിനം തേ മനോ ഭവാനീശ ।
ഇതി വിചികിത്സാം സന്ത്യജ
ശിവ കഥമാസീദ്ഗിരൌ തഥാ വേശഃ ॥ 95 ॥
-വതികഠിനം തേ മനോ ഭവാനീശ ।
ഇതി വിചികിത്സാം സന്ത്യജ
ശിവ കഥമാസീദ്ഗിരൌ തഥാ വേശഃ ॥ 95 ॥
[വേശ്മഃ]
ധൈര്യാങ്കുശേന നിഭൃതം
രഭസാദാകൃഷ്യ ഭക്തിശൃങ്ഖലയാ ।
പുരഹര ചരണാലാനേ
ഹൃദയമദേഭം ബധാന ചിദ്യന്ത്രൈഃ ॥ 96 ॥
ധൈര്യാങ്കുശേന നിഭൃതം
രഭസാദാകൃഷ്യ ഭക്തിശൃങ്ഖലയാ ।
പുരഹര ചരണാലാനേ
ഹൃദയമദേഭം ബധാന ചിദ്യന്ത്രൈഃ ॥ 96 ॥
പ്രചരത്യഭിതഃ പ്രഗല്ഭവൃത്ത്യാ
മദവാനേഷ മനഃ കരീ ഗരീയാന് ।
പരിഗൃഹ്യ നയേന ഭക്തിരജ്ജ്വാ
പരമ സ്ഥാണു പദം ദൃഢം നയാമുമ് ॥ 97 ॥
മദവാനേഷ മനഃ കരീ ഗരീയാന് ।
പരിഗൃഹ്യ നയേന ഭക്തിരജ്ജ്വാ
പരമ സ്ഥാണു പദം ദൃഢം നയാമുമ് ॥ 97 ॥
സര്വാലങ്കാരയുക്താം സരലപദയുതാം സാധുവൃത്താം സുവര്ണാം
സദ്ഭിഃ സംസ്തൂയമാനാം സരസഗുണയുതാം ലക്ഷിതാം ലക്ഷണാഢ്യാമ് ।
ഉദ്യദ്ഭൂഷാവിശേഷാമുപഗതവിനയാം ദ്യോതമാനാര്ഥരേഖാം
കല്യാണീം ദേവ ഗൌരീപ്രിയ മമ കവിതാകന്യകാം ത്വം ഗൃഹാണ ॥ 98 ॥
സദ്ഭിഃ സംസ്തൂയമാനാം സരസഗുണയുതാം ലക്ഷിതാം ലക്ഷണാഢ്യാമ് ।
ഉദ്യദ്ഭൂഷാവിശേഷാമുപഗതവിനയാം ദ്യോതമാനാര്ഥരേഖാം
കല്യാണീം ദേവ ഗൌരീപ്രിയ മമ കവിതാകന്യകാം ത്വം ഗൃഹാണ ॥ 98 ॥
ഇദം തേ യുക്തം വാ പരമശിവ കാരുണ്യജലധേ
ഗതൌ തിര്യഗ്രൂപം തവ പദശിരോദര്ശനധിയാ ।
ഹരിബ്രഹ്മാണൌ തൌ ദിവി ഭുവി ചരന്തൌ ശ്രമയുതൌ
കഥം ശമ്ഭോ സ്വാമിന്കഥയ മമ വേദ്യോഽസി പുരതഃ ॥ 99 ॥
ഗതൌ തിര്യഗ്രൂപം തവ പദശിരോദര്ശനധിയാ ।
ഹരിബ്രഹ്മാണൌ തൌ ദിവി ഭുവി ചരന്തൌ ശ്രമയുതൌ
കഥം ശമ്ഭോ സ്വാമിന്കഥയ മമ വേദ്യോഽസി പുരതഃ ॥ 99 ॥
സ്തോത്രേണാലമഹം പ്രവച്മി ന മൃഷാ ദേവാ വിരിഞ്ചാദയഃ
സ്തുത്യാനാം ഗണനാപ്രസങ്ഗസമയേ ത്വാമഗ്രഗണ്യം വിദുഃ ।
മാഹാത്മ്യാഗ്രവിചാരണപ്രകരണേ ധാനാതുഷസ്തോമവ-
-ദ്ധൂതാസ്ത്വാം വിദുരുത്തമോത്തമഫലം ശമ്ഭോ ഭവത്സേവകാഃ ॥ 100 ॥
സ്തുത്യാനാം ഗണനാപ്രസങ്ഗസമയേ ത്വാമഗ്രഗണ്യം വിദുഃ ।
മാഹാത്മ്യാഗ്രവിചാരണപ്രകരണേ ധാനാതുഷസ്തോമവ-
-ദ്ധൂതാസ്ത്വാം വിദുരുത്തമോത്തമഫലം ശമ്ഭോ ഭവത്സേവകാഃ ॥ 100 ॥
ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ കൃതൌ ശിവാനന്ദലഹരീ ॥