॥ ಶ್ರೀಚಣ್ಡಿಕಾಸ್ತುತಿಃ ॥
ವಿವಿಕ್ತತರ-ಗೋಮತೀ-ಜಠರ-ಮಧ್ಯ-ಸಿದ್ಧಾಶ್ರಮಾಂ
ಪುರೋಗತ-ಸರೋವರ-ಸ್ಫುರದಗಾಧ-ಪಾಥಶ್ಛಟಾಮ್ ।
ವಿಶಾಲ-ತಲತುಙ್ಗ-ಭೂಲುಲಿತ-ನಿಮ್ಬಮೂಲಾಲಯಾಂ
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೧॥
ಪುರೋಗತ-ಸರೋವರ-ಸ್ಫುರದಗಾಧ-ಪಾಥಶ್ಛಟಾಮ್ ।
ವಿಶಾಲ-ತಲತುಙ್ಗ-ಭೂಲುಲಿತ-ನಿಮ್ಬಮೂಲಾಲಯಾಂ
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೧॥
ನ ಲಕ್ಷ್ಯ-ಘಟನಾಶ್ರಯಾಂ ನ ಚ ವಿಶೇಷ-ವೇಶ್ಮಾವಹಾಂ
ಘಟಾನುಕೃತಿ-ಗೋಮತೀ-ವಹನ-ಭಾವ್ಯಮಾನಾಸ್ಪದಾಮ್ ।
ನಮಜ್ಜನ-ಮನೋರಥಾರಚನ-ಚಾರು-ಚಿನ್ತಾಮಣಿಂ
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೨॥
ಘಟಾನುಕೃತಿ-ಗೋಮತೀ-ವಹನ-ಭಾವ್ಯಮಾನಾಸ್ಪದಾಮ್ ।
ನಮಜ್ಜನ-ಮನೋರಥಾರಚನ-ಚಾರು-ಚಿನ್ತಾಮಣಿಂ
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೨॥
ನಿರನ್ತರ-ಸಮುಲ್ಲಸತ್ಕಮಲ-ಕೀರ್ಣ-ಪಾಥೋಜಿನೀ-
ಪ್ರತಾನ-ಘನಸಮ್ಪದಾ ಕಮಪಿ ಸಮ್ಮದಂ ತನ್ವತೀಮ್ ।
ತ್ರಿಕೋಣ-ಸರಸೀಮಯೀಂ, ಪರಿಣತಿಂ ಪುರೋ ಬಿಭ್ರತೀಂ,
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೩॥
ಪ್ರತಾನ-ಘನಸಮ್ಪದಾ ಕಮಪಿ ಸಮ್ಮದಂ ತನ್ವತೀಮ್ ।
ತ್ರಿಕೋಣ-ಸರಸೀಮಯೀಂ, ಪರಿಣತಿಂ ಪುರೋ ಬಿಭ್ರತೀಂ,
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೩॥
ಅನುಗ್ರಹ-ರಸಚ್ಛಟಾಮಿವ ಸರಃಶ್ರಿಯಂ ಯಾನ್ತಿಕೇ
ವಿಕಾಸಯತಿ, ಪದ್ಮಿನೀದಲ-ಸಹಸ್ರಸನ್ದಾನಿತಾಮ್ ।
ಪ್ರತಿಕ್ಷಣ-ಸಮುನ್ಮಿಷತ್ಪ್ರಮದ-ಮೇದುರಾಂ ತಾಮಹಂ,
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೪॥
ವಿಕಾಸಯತಿ, ಪದ್ಮಿನೀದಲ-ಸಹಸ್ರಸನ್ದಾನಿತಾಮ್ ।
ಪ್ರತಿಕ್ಷಣ-ಸಮುನ್ಮಿಷತ್ಪ್ರಮದ-ಮೇದುರಾಂ ತಾಮಹಂ,
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೪॥
ಪ್ರಚಣ್ಡಯತಿ ವಿಕ್ರಮಂ, ಝಟಿತಿ ಖಣ್ಡಯತ್ಯಾಪದಃ
ಸುಮಣ್ಡಯತಿ ವಾಕ್ಕಲಾಂ, ಸದಸಿ ದಣ್ಡಯತ್ಯುದ್ಧತಾನ್ ।
ಕರಣ್ಡಯತಿ ರೋದಸೀ, ಗುಣ-ಸಮೃದ್ಧಿಭಿರ್ಯಾ ಹಿ ತಾಂ
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೫॥
ಸುಮಣ್ಡಯತಿ ವಾಕ್ಕಲಾಂ, ಸದಸಿ ದಣ್ಡಯತ್ಯುದ್ಧತಾನ್ ।
ಕರಣ್ಡಯತಿ ರೋದಸೀ, ಗುಣ-ಸಮೃದ್ಧಿಭಿರ್ಯಾ ಹಿ ತಾಂ
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೫॥
ಶ್ರುತಾಽಭಿಲಷಿತಾ, ಮತಾ, ಸುಕಲಿತಾ, ಸಮಭ್ಯರ್ಚಿತಾ
ಸುಧಾ-ಪೃಷತ-ವರ್ಷಿಭಿರ್ನವನವೈರ್ವಚೋಭಿಃ ಸ್ತುತಾ ।
ಜಯಾಯ ಖಲು ಕಲ್ಪತೇ ಬಹುವಿಧಾದೃತಾ, ತಾಮಹಂ
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೬॥
ಸುಧಾ-ಪೃಷತ-ವರ್ಷಿಭಿರ್ನವನವೈರ್ವಚೋಭಿಃ ಸ್ತುತಾ ।
ಜಯಾಯ ಖಲು ಕಲ್ಪತೇ ಬಹುವಿಧಾದೃತಾ, ತಾಮಹಂ
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೬॥
ಇತಸ್ತತ ಉದಿತ್ವರ-ವ್ರತತಿನದ್ಧ-ವೃಕ್ಷಾವಲೀ-
ಲುಲದ್ವಿಹಗ-ಮಣ್ಡಲೀ-ಮಧುರರಾವ-ಸಂಸೇವಿತಾಮ್ ।
ಸ್ಖಲತ್ಕುಸುಮ-ಸೌರಭ-ಪ್ರಸರ-ಪೂರ್ಯಮಾಣಾಶ್ರಮಾಂ
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೭॥
ಲುಲದ್ವಿಹಗ-ಮಣ್ಡಲೀ-ಮಧುರರಾವ-ಸಂಸೇವಿತಾಮ್ ।
ಸ್ಖಲತ್ಕುಸುಮ-ಸೌರಭ-ಪ್ರಸರ-ಪೂರ್ಯಮಾಣಾಶ್ರಮಾಂ
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೭॥
ದ್ವಿಷತ್ಕುಲ-ಕೃಪಾಣಿಕಾಂ, ಕುಟಿಲಕಾಲ-ವಿಧ್ವಂಸಿಕಾಂ,
ವಿಪದ್ವನ-ಕುಠಾರಿಕಾಂ, ತ್ರಿವಿಧ-ದುಃಖ-ನಿರ್ವಾಸಿಕಾಮ್ ।
ಕೃಪಾಕುಸುಮ-ವಾಟಿಕಾಂ, ಪ್ರಣತ-ಭಾರತೀ-ಭಾಸಿಕಾಂ,
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೮॥
ವಿಪದ್ವನ-ಕುಠಾರಿಕಾಂ, ತ್ರಿವಿಧ-ದುಃಖ-ನಿರ್ವಾಸಿಕಾಮ್ ।
ಕೃಪಾಕುಸುಮ-ವಾಟಿಕಾಂ, ಪ್ರಣತ-ಭಾರತೀ-ಭಾಸಿಕಾಂ,
ಭಜಾಮಿ ಭಯಖಣ್ಡಿಕಾಂ ಸಪದಿ ಚಣ್ಡಿಕಾಮಮ್ಬಿಕಾಮ್ ॥ ೮॥
ಬ್ರಹ್ಮಾಣ್ಡಾಧಿಕ-ದೇಹಾಪಿ ಗೋಮತೀ-ತೀರ-ಚಙ್ಕ್ರಮಾ ।
ಜಯಾಯ ಭಜತಾಂ ಭೂಯಾಚ್ಚಣ್ಡಿಕಾ ಚಣ್ಡ-ವಿಕ್ರಮಾ ॥ ೯॥
ಜಯಾಯ ಭಜತಾಂ ಭೂಯಾಚ್ಚಣ್ಡಿಕಾ ಚಣ್ಡ-ವಿಕ್ರಮಾ ॥ ೯॥
॥ ಇತಿ ದುರ್ಗಾಪ್ರಸಾದದ್ವಿವೇದೀವಿರಚಿತಾ ಚಣ್ಡಿಕಾಸ್ತುತಿಃ ಸಮಾಪ್ತಾ ॥