યો બાલ્યેઽપિ દિનેશં પ્રોદ્યન્તં પક્વદિવ્યફલબુચ્યા ।
વ્યુદપતદાશુ હિ પુષ્કરમાદાતું નૌમિ તં સમીરસુતમ્ ॥ ૧॥
વ્યુદપતદાશુ હિ પુષ્કરમાદાતું નૌમિ તં સમીરસુતમ્ ॥ ૧॥
યસ્મૈ ભગવાન્બ્રહ્મા પ્રાયચ્છદ્વાયુતૃપ્તયે પૂર્વમ્ ।
વિવિધાન્વરાંસ્તં વન્દે દુર્ઝયદિવ્યમહિમાનમ્ ॥ ૨॥
વિવિધાન્વરાંસ્તં વન્દે દુર્ઝયદિવ્યમહિમાનમ્ ॥ ૨॥
સુરસાવદનં વિપુલં તરસા ગત્વા વિનિર્ગતં દૃષ્ટ્વા ।
યં સુરનિકરા વિસ્મયમાજગ્મુર્નોમિ તં મહાપ્રાજ્ઞમ્ ॥ ૩॥
યં સુરનિકરા વિસ્મયમાજગ્મુર્નોમિ તં મહાપ્રાજ્ઞમ્ ॥ ૩॥
લઙ્કાપુરાધિદૈવતગર્વં વેગાચ્ચપેટિકાદાનાત્ ।
નિર્મૂલં યશ્ચક્રે વન્દે તં વાયુસૂનુમમિતબલમ્ ॥ ૪॥
નિર્મૂલં યશ્ચક્રે વન્દે તં વાયુસૂનુમમિતબલમ્ ॥ ૪॥
ગોષ્પદવત્સરિતાંનિધિમુલ્લઙ્ખ્યાશોકવિપિનગાં સીતામ્ ।
અદ્રાક્ષીદ્ભયરહિતો યસ્તં પ્રણમામિ શિંશુપામૂલે ॥ ૫॥
અદ્રાક્ષીદ્ભયરહિતો યસ્તં પ્રણમામિ શિંશુપામૂલે ॥ ૫॥
રામાદેશશ્રવણાનન્દાદુદ્ધૃતશોકગન્ધાં યઃ ।
સીતાં ચક્રે મતિમાંસ્તમહં પ્રણમામિ શોકવિચ્છિત્ત્યૈ ॥ ૬॥
સીતાં ચક્રે મતિમાંસ્તમહં પ્રણમામિ શોકવિચ્છિત્ત્યૈ ॥ ૬॥
યોઽક્ષકુમારપ્રમુખાન્પ્રવરાન્દનુજાઞ્જઘાન કુતુકેન ।
એકઃ સહાયરહિતસ્તમહં પ્રણમામિ ગન્ધવહસૂનુમ્ ॥ ૭॥
એકઃ સહાયરહિતસ્તમહં પ્રણમામિ ગન્ધવહસૂનુમ્ ॥ ૭॥
પ્રાપ્ય મણિં સીતાયાઃ કાનનમસુરસ્ય સત્વરં ભલા ।
દગ્ધ્વા લઙ્કાં યોઽગાદ્રઘુવરનિકટં સ મામવતુ ॥ ૮॥
દગ્ધ્વા લઙ્કાં યોઽગાદ્રઘુવરનિકટં સ મામવતુ ॥ ૮॥
સીતાપ્રોદિતવચનાન્યશેષતો યો નિવેદ્ય રઘુવીરમ્ ।
ચક્રે ચિન્તારહિતં વન્દે તં ચિન્તિતાર્થદં નમતામ્ ॥ ૯॥
ચક્રે ચિન્તારહિતં વન્દે તં ચિન્તિતાર્થદં નમતામ્ ॥ ૯॥
સમરે વક્ષસિ યેન પ્રહતઃ સંમૂર્છિતઃ સસંજ્ઞોઽથ ।
પ્રશશંસ રાવણો યં તમતિબલાનન્દવર્ધનં નૌમિ ॥ ૧૦॥
પ્રશશંસ રાવણો યં તમતિબલાનન્દવર્ધનં નૌમિ ॥ ૧૦॥
ઓષધિગિરિમતિવેગાન્નત્વાઽઽનીય પ્રવૃદ્ધદિવ્યતનુઃ ।
યો લક્ષ્મણાસુદાનં ચક્રે તં નૌમિ ગરુડનિભવેગમ્ ॥ ૧૧॥
યો લક્ષ્મણાસુદાનં ચક્રે તં નૌમિ ગરુડનિભવેગમ્ ॥ ૧૧॥
રઘુપતિમુખારવિન્દસ્રવદાગમશીર્ષતત્ત્વમકરન્દમ્ ।
આપીયાગલમનિશં નન્દન્તં નૌમિ પવનમૂલધનમ્ ॥ ૧૨॥
આપીયાગલમનિશં નન્દન્તં નૌમિ પવનમૂલધનમ્ ॥ ૧૨॥
કનકાદ્રિસદૃશકાયં કનકપ્રદમાશુ નમ્રજનપઙ્ક્તેઃ ।
રક્તામ્બુજાસ્યમીડે સક્તાન્તઃકરણમિનકુલોત્તંસે ॥ ૧૩॥
રક્તામ્બુજાસ્યમીડે સક્તાન્તઃકરણમિનકુલોત્તંસે ॥ ૧૩॥
કારુણ્યજન્મભૂમિં કાકુત્સ્થાયનપૂજનાસક્તમ્ ।
કાલાહિતભયરહિતં કામવિદૂરં નમામિ કપિમુખ્યમ્ ॥ ૧૪॥
કાલાહિતભયરહિતં કામવિદૂરં નમામિ કપિમુખ્યમ્ ॥ ૧૪॥
કુણ્ડલભાસિકપોલં મણ્ડલમઙ્ઘિપ્રણમ્રજન્તૂનામ્ ।
કુર્વન્તમીપ્સિતાર્થૈઃ સર્વૈર્યુક્તં ભજેઽઞ્જનાસૂનુમ્ ॥ ૧૫॥
કુર્વન્તમીપ્સિતાર્થૈઃ સર્વૈર્યુક્તં ભજેઽઞ્જનાસૂનુમ્ ॥ ૧૫॥
નયનજિતહેમગર્વં નવનયપારીણમઞ્જનાતનયમ્ ।
ગતિવિજિતજનકકીર્તિં મતિમતિનિશિતાં દદાનમહમીડે ॥ ૧૬॥
ગતિવિજિતજનકકીર્તિં મતિમતિનિશિતાં દદાનમહમીડે ॥ ૧૬॥
પુરતો ભવ કરુણાબ્વે ભરતાગ્રજરણલગ્નચિત્તાજ ।
હર મમ નિખિલાં ચિન્તાં કરજિતપાથોજ કલિતવટુરૂપ ॥ ૧૭॥
હર મમ નિખિલાં ચિન્તાં કરજિતપાથોજ કલિતવટુરૂપ ॥ ૧૭॥
રવિસુતમન્ત્રિવરેણ્યં પવિતાડનસહનદક્ષદિવ્યહનુમ્ ।
કવિશિષ્યહરણચતુરં સવિતૃવિનેયં નમામિ વાતસુતમ્ ॥ ૧૮॥
કવિશિષ્યહરણચતુરં સવિતૃવિનેયં નમામિ વાતસુતમ્ ॥ ૧૮॥
વક્ષસ્તાડિતશૈલં રક્ષઃપતિસૈન્યમર્દનપ્રવણમ્ ।
રક્ષાકરં નમસ્યામ્યક્ષાધિપદૂતમનિલપુણ્યચયમ્ ॥ ૧૯॥
રક્ષાકરં નમસ્યામ્યક્ષાધિપદૂતમનિલપુણ્યચયમ્ ॥ ૧૯॥
સુરદેશિકસદૃશગિરં કરજૈર્હારસ્ય કઠિનતાગર્વમ્ ।
નરશૃઙ્ગતાં નયન્તં નરમનિશં નૌમિ વાદ્યમનિલસુતમ્ ॥ ૨૦॥
નરશૃઙ્ગતાં નયન્તં નરમનિશં નૌમિ વાદ્યમનિલસુતમ્ ॥ ૨૦॥
શ્રીપારિજાતપાદપમૂલે વાસં કરોષિ કિં હનુમન્ ।
અધ્યેતુમવનતાખિલવાઞ્છિતદાતૃત્વમવનિજેડૂત ॥ ૨૧॥
અધ્યેતુમવનતાખિલવાઞ્છિતદાતૃત્વમવનિજેડૂત ॥ ૨૧॥
પુરદગ્ધારં મનસિજજેતારં ભક્તમન્તુસહનચણમ્ ।
ત્વામીશાનં કે વા ન બ્રુવતે બ્રૂહિ વાયુસૂનો મે ॥ ૨૨॥
ત્વામીશાનં કે વા ન બ્રુવતે બ્રૂહિ વાયુસૂનો મે ॥ ૨૨॥
પુરદગ્ધારં મનસિજજેતારં રામનામરુચિવિજ્ઞમ્ ।
હનુમન્ભવન્તમીશં વદતિ ન કઃ પ્રણતસર્વદોષસહમ્ ॥ ૨૩॥
હનુમન્ભવન્તમીશં વદતિ ન કઃ પ્રણતસર્વદોષસહમ્ ॥ ૨૩॥
સહમાનાપરમૂર્તે સહસ્વ માનાથદૂત મમ મન્તૂન્ ।
પવમાનપુણ્યરાશે પ્લવમાનાબ્ધૌ નમામિ તવ ચરણૌ ॥ ૨૪॥
પવમાનપુણ્યરાશે પ્લવમાનાબ્ધૌ નમામિ તવ ચરણૌ ॥ ૨૪॥
॥ ઇતિ પૂજ્ય શ્રીસચ્ચિદાનન્દ શિવાભિનવનૃસિંહ ભારતી રચિતા શ્રીહનુમચ્ચતુર્વિંશતિઃ સમાપ્તા ॥