॥ শ্ৰী ৰাধা স্তোত্ৰম্ (শ্ৰীগণেশকৃতম্) ॥
শ্ৰীগণেশ উৱাচ।
তৱ পূজা জগন্মাতৰ্লোকশিক্ষাকৰী শুভে। ব্ৰহ্মস্ৱৰূপা ভৱতী কৃষ্ণৱক্ষঃস্থলস্থিতা॥
যত্পাদপদ্মমতুতলং ধ্যাযন্তে তে সুদুৰ্লভম্। সুৰা ব্ৰহ্মেশশেষাদ্যা মুনীন্দ্ৰাঃ সনকাদযঃ॥
জিৱন্মুক্তাশ্চ ভক্তাশ্চ সিদ্ধেন্দ্ৰাঃ কপিলাদযঃ। তস্য প্ৰাণাধিদেৱি ত্ৱং প্ৰিযা প্ৰাণাধিকা পৰা॥
ৱামাঙ্গনিৰ্মিতা ৰাধা দক্ষিণাঙ্গশ্চ মাধৱঃ। মহালক্ষ্মীৰ্জগন্মাতা তৱ ৱামাঙ্গনিৰ্মিতা॥
ৱসোঃ সৰ্ৱনিৱাসস্য প্ৰসূস্ত্ৱং পৰমেশ্ৱৰী। ৱেদানাং জগতামেৱ মূলপ্ৰকৃতিৰীশ্ৱৰী॥
সৰ্ৱাঃ প্ৰাকৃতিকা মাতঃ সৃষ্ট্যাং চ ত্ৱদ্ৱিভূতযঃ। ৱিশ্ৱানি কাৰ্যৰূপাণি ত্ৱং চ কাৰণৰূপিণী॥
প্ৰলযে ব্ৰহ্মণঃ পাতে তন্নিমেষো হৰেৰপি। আদৌ ৰাধাং সমুচ্চাৰ্য পশ্চাত্ কৃষ্ণং পৰাত্পৰম্॥
স এৱ পণ্ডিতো যোগী গোলোকং যাতি লীলযা। ৱ্যতিক্ৰমে মহাপী ব্ৰহ্মহত্যাং লভেদ্ ধ্ৰুৱম্॥
জগতাং ভৱতী মাতা পৰমাত্মা পিতা হৰিঃ। পিতুৰেৱ গুৰুৰ্মাতা পূজ্যা ৱন্দ্যা পৰত্পৰা॥
ভজতে দেৱমন্যং ৱা কৃষ্ণং ৱা সৰ্ৱকাৰণম্। পুণ্যক্ষেত্ৰে মহামূঢো যদি নিন্দা ৰাধীকাম্॥
ৱংশহানিৰ্ভৱেত্তস্য দুঃখশোকমিহৈৱ চ। পচ্যতে নিৰতে ঘোৰে যাৱদ্ৰৱি দিৱাকৰৌ॥
গুৰুশ্চ জ্ঞানোদ্গিৰণাজ্জ্ঞানং স্যান্মংত্ৰতংত্ৰযোঃ। স চ মন্ত্ৰশ্চ তত্তন্ত্ৰং ভক্তিঃ স্যাদ্যুৱযোৰ্যতঃ॥
নিশেৱ্য মন্ত্ৰং দেৱানাং জীৱা জন্মনি জন্মনি। ভক্তা ভৱন্তি দুৰ্গাযাঃ পাদপদ্মে সুদুৰ্লভে॥
নিষেৱ্য মন্ত্ৰং শম্ভোশ্চ জগতাং কাৰণস্য চ। তদা প্ৰাপ্নোতি যুৱযোঃ পাদপদ্মং সুদুৰ্লভম্॥
যুৱযোঃ পাদপদ্মং চ দুৰ্লভং প্ৰাপ্য পুণ্যৱান্। ক্ষণাৰ্ধং ষোডশাংশং চ ন হি মুঞ্চতি দৈৱতঃ॥
ভক্ত্যা চ যুৱযোৰ্মন্ত্ৰং গৃহীত্ৱা ৱৈষ্ণৱাদপি। স্তৱং ৱা কৱচং ৱাপি কৰ্মমূলনিকৃন্তনম্॥
যো জপেত্ পৰযা ভক্ত্যা পুণ্যক্ষেত্ৰে চ ভাৰতে। পুৰুষাণাং সহস্ৰং চ স্ৱাত্মনা সাৰ্ধমুদ্ধৰেত্॥
গুৰুমভ্যৰ্চ্য ৱিধিৱদ্ ৱস্ত্ৰালংকাৰচন্দনৈঃ। কৱচং ধাৰযেদ্ যো হি ৱিষ্ণুতুল্যো ভৱেদ্ ধ্ৰুৱম্॥
॥ ইতি শ্ৰী ব্ৰহ্মৱৈৱৰ্তে গণেশকৃতং শ্ৰীৰাধাস্তৱনং সম্পূৰ্ণম্ ॥