॥ ബാല ഗ്രഹരക്ഷാ സ്തോത്രമ് ॥
ആദായ കൃഷ്ണം സന്ത്രസ്താ യശോദാപി ദ്വിജോത്തമ ।
ഗോപുച്ഛം ഭ്രാമ്യ ഹസ്തേന ബാലദോഷമപാകരോത് ॥ ൧ ॥
ഗോപുച്ഛം ഭ്രാമ്യ ഹസ്തേന ബാലദോഷമപാകരോത് ॥ ൧ ॥
ഗോകരീഷമുപാദായ നന്ദഗോപോഽപി മസ്തകേ ।
കൃഷ്ണസ്യ പ്രദദൌ രക്ഷാം കുര്വിത്യേതദുദീരയന് ॥ ൨ ॥
കൃഷ്ണസ്യ പ്രദദൌ രക്ഷാം കുര്വിത്യേതദുദീരയന് ॥ ൨ ॥
നന്ദഗോപ ഉവാച–
രക്ഷതു ത്വാമശേഷാണാം ഭൂതാനാം പ്രഭവോ ഹരിഃ ।
യസ്യ നാഭിസമുദ്ഭൂതപങ്കജാദഭവജ്ജഗത് ॥ ൩ ॥
യസ്യ നാഭിസമുദ്ഭൂതപങ്കജാദഭവജ്ജഗത് ॥ ൩ ॥
യേന ദമ്ഷ്ട്രാഗ്രവിധൃതാ ധാരയത്യവനീ ജഗത് ।
വരാഹരൂപദൃഗ്ദേവസ്സത്ത്വാം രക്ഷതു കേശവഃ ॥ ൪ ॥
വരാഹരൂപദൃഗ്ദേവസ്സത്ത്വാം രക്ഷതു കേശവഃ ॥ ൪ ॥
നഖാങ്കുരവിനിര്ഭിന്ന വൈരിവക്ഷഃസ്ഥലോ വിഭുഃ ।
നൃസിംഹരൂപീ സര്വത്ര രക്ഷതു ത്വാം ജനാര്ദനഃ ॥ ൫ ॥
നൃസിംഹരൂപീ സര്വത്ര രക്ഷതു ത്വാം ജനാര്ദനഃ ॥ ൫ ॥
വാമനോ രക്ഷതു സദാ ഭവന്തം യഃ ക്ഷണാദഭൂത് ।
ത്രിവിക്രമഃ ക്രമാക്രാന്തത്രൈലോക്യസ്സ്ഫുരദായുധഃ ॥ ൬ ॥
ത്രിവിക്രമഃ ക്രമാക്രാന്തത്രൈലോക്യസ്സ്ഫുരദായുധഃ ॥ ൬ ॥
ശിരസ്തേ പാതു ഗോവിന്ദഃ കണ്ഠം രക്ഷതു കേശവഃ ।
ഗുഹ്യം സജഠരം വിഷ്ണുര്ജങ്ഘേ പാദൌ ജനാര്ദനഃ ॥ ൭ ॥
ഗുഹ്യം സജഠരം വിഷ്ണുര്ജങ്ഘേ പാദൌ ജനാര്ദനഃ ॥ ൭ ॥
മുഖം ബാഹൂ പ്രബാഹൂ ച മനസ്സര്വേന്ദ്രിയാണി ച ।
രക്ഷത്വവ്യാഹതൈശ്വര്യസ്തവ നാരായണോഽവ്യയഃ ॥ ൮ ॥
രക്ഷത്വവ്യാഹതൈശ്വര്യസ്തവ നാരായണോഽവ്യയഃ ॥ ൮ ॥
ശങ്ഖചക്രഗദാപാണേശ്ശങ്ഖനാദഹതാഃ ക്ഷയമ് ।
ഗച്ഛന്തു പ്രേതകൂഷ്മാണ്ഡരാക്ഷസാ യേ തവാഹിതാഃ ॥ ൯ ॥
ഗച്ഛന്തു പ്രേതകൂഷ്മാണ്ഡരാക്ഷസാ യേ തവാഹിതാഃ ॥ ൯ ॥
ത്വാം പാതു ദിക്ഷു വൈകുണ്ഠോ വിദിക്ഷു മധുസൂദനഃ ।
ഹൃഷീകേശോഽമ്ബരേ ഭൂമൌ രക്ഷതു ത്വാം മഹീധരഃ ॥ ൧൦ ॥
ഹൃഷീകേശോഽമ്ബരേ ഭൂമൌ രക്ഷതു ത്വാം മഹീധരഃ ॥ ൧൦ ॥
ശ്രീപരാശര ഉവാച–
ഏവം കൃതസ്വസ്ത്യയനോ നന്ദഗോപേന ബാലകഃ ।
ശായിതശ്ശകടസ്യാധോ ബാലപര്യങ്കികാതലേ ॥ ൧൧ ॥
ശായിതശ്ശകടസ്യാധോ ബാലപര്യങ്കികാതലേ ॥ ൧൧ ॥
വനമാലീ ഗദീ ശാര്ങ്ഗീ ശങ്ഖീ ചക്രീ ച നന്ദകീ ।
ശ്രീമാന്നാരായണോ വിഷ്ണുര്വാസുദേവോഽഭിരക്ഷതു ॥ ൧൨ ॥
ശ്രീമാന്നാരായണോ വിഷ്ണുര്വാസുദേവോഽഭിരക്ഷതു ॥ ൧൨ ॥
॥ ഇതി ബാലഗ്രഹരക്ഷാ സ്തോത്രമ് സമ്പൂര്ണമ് ॥